ആവേശം വിതറി കുറുക സ്കൂൾ തെരഞ്ഞെടുപ്പ്

ആവേശം വിതറി കുറുക സ്കൂൾ തെരഞ്ഞെടുപ്പ് 

വേങ്ങര: ജനാധിപത്യത്തിലേക്ക് ഒരു ചുവട് എന്ന ആശയമുയർത്തി വലിയോറ ചെനക്കൽ കുറുക ഗവ.ഹൈസ്കൂളിൽ നടന്ന സ്കൂൾ പാർലമെൻറ് തെരഞ്ഞെടുപ്പ് ആവേശമായി.പൊതു തെരഞ്ഞെടുപ്പിന്റെ വീറും വാശിയും പ്രകടമായ മൽസരം വിവിധ തെരഞ്ഞെടുപ്പ് ഘട്ടങ്ങൾ പൂർത്തീകരിച്ച് ഫലപ്രഖ്യാപനത്തോടെയാണ് സമാപിച്ചത്. കൈറ്റിന്റെ സഹായത്തോടെ ഇലക്ട്രോണിക് വോട്ടിംഗ് മെഷീൻ ഉപയോഗിച്ച് എട്ട് ബൂത്തുകളിലായാണ് തെരഞ്ഞെടുപ്പ് നടന്നത്. 31 ക്ലാസ്സ് ലീഡർമാരെയും 31 ഡെപ്യുട്ടി ലീഡർമാരെയും കുട്ടികൾ തെരഞ്ഞെടുത്തു.ഇവരിൽ നിന്ന് പൊതു സീറ്റിലേക്ക് നാല് പേർ തെരഞ്ഞെടുക്കപ്പെട്ടു.സ്കൂൾ ലീഡറായി കെ.മുഹമ്മദ് അഫ് ലഹും ഉപ ലീഡറായി കെ.റാഹിബ തസ്നിയെയും സ്പീക്കറായി കെ ജസീമിനെയും ഉപ സ്പീക്കറായി പി.ഫാത്തിമ സൻഹയും തെരഞ്ഞെടുക്കപ്പെട്ടു. തെരഞ്ഞെടുപ്പ് പ്രവർത്തനങ്ങൾക്ക് മുഖ്യ തെരഞ്ഞെടുപ്പ് ഓഫീസറായ എച്ച്.എം പി.ആർ ശ്രീകുമാർ, നിരീക്ഷകൻ പി.ടി.എ പ്രസിഡന്റ് കെ.അലവിക്കുട്ടി, റിട്ടേണിംഗ് ഓഫീസർ ബെറ്റി ജോൺ, പ്രിസൈഡിംഗ് ഓഫീസർമാരായ കെ.റജീഷ്, ജി.രഞ്ജിത്ത്, ടി. ഷിഫാനത്ത്, പി.ആയിഷാബി എന്നിവർ നേതൃത്വം നൽകി. ഫലപ്രഖ്യാപനത്തിന് ശേഷം വാദ്യഘോഷത്തോടെ വിജയാഘോഷവും നടന്നു

ചേറൂർ പി പി ടി എം സ്കൂളിൽ പാഠം ഒന്ന് എല്ലാവരും പാടത്തേക്ക് പദ്ധതിക്ക് തുടക്കമായി

ചേറൂർ പി പി ടി എം സ്കൂളിൽ പാഠം ഒന്ന് എല്ലാവരും പാടത്തേക്ക് പദ്ധതിക്ക് തുടക്കമായി

ചേറൂർ : സംസ്ഥാന കൃഷിവകുപ്പ് വിദ്യാഭ്യാസ സ്ഥാപനങ്ങളുമായി സഹകരിച്ച് നടപ്പിലാക്കുന്ന  പാഠം ഒന്ന് എല്ലാവരും പാടത്തേക്ക് എന്ന പദ്ധതിക്ക് ചെറൂർ കിളിനക്കോട് പാടത്ത് തുടക്കംകുറിച്ചു . പി പി ടി എം.വൈ ഹയർസെക്കൻഡറി സ്കൂളിലെ  വിദ്യാർത്ഥികളായ അർഷഹ് ടി പി, സജ കെ.ടി, സനിഷ എം പി തുടങ്ങിയ   എൻഎസ്എസ്, സ്കൗട്ട് ആൻഡ് ഗൈഡ് ,നല്ല പാഠം ക്ലബ്ബംഗങ്ങൾ ആണ് കണ്ണമംഗലം കൃഷിഭവനുമായി സഹകരിച്ച് ഒരു ഏക്കർ പാടത്ത് ഉമ എന്ന വിത്തിനം കൃഷിയിറക്കിയത് . പരമ്പരാഗത കർഷകനായ പഴയകത്ത് അഹമ്മദാണ് വിദ്യാർത്ഥികൾക്ക് വേണ്ട എല്ലാ നിർദ്ദേശങ്ങളും സഹായവും നൽകുന്നത്. പാഠപുസ്തകങ്ങൾ മാറ്റിവെച്ച് മണ്ണും ചെളിയും നിറഞ്ഞ പാടത്ത് ഇറങ്ങി ഞാറു നട്ടത് വിദ്യാർത്ഥികൾക്ക്  വേറിട്ട അനുഭവമായി. മുൻവർഷങ്ങളിലേതു പോലെ ''ചേറൂർ റൈസ്''വിപണിയിൽ ഇറക്കാനാണ് ക്ലബ്ബ് അംഗങ്ങളുടെ തീരുമാനം. നടീൽ മഹോത്സവം ജില്ലാ പഞ്ചായത്ത് പ്രസിഡൻറ്  എ പി ഉണ്ണികൃഷ്ണൻ നിർവഹിച്ചു. പഞ്ചായത്ത് വൈസ് പ്രസിഡണ്ട് സലീം പുള്ളാട്ട്  അധ്യക്ഷത വഹിച്ചു. എ ഡി എ പ്രകാശ് പി,കൃഷി ഓഫീസർ കെ ജംഷീദ് , യു എൻ ബഷീർ, പ്രോഗ്രാം ഓഫീസർ വി എസ് ബഷീർ ,സികെ ഹാറൂൻ, റാഷിദ് തോട്ടശ്ശേരി കോർഡിനേറ്റർമാരായ ഹംസ പുള്ളാട്ട്, കെ ടി ഹമീദ് തുടങ്ങിയവർ നേതൃത്വം നൽകി.

പാഠം ഒന്ന് പാടത്തേക്ക്

പാഠം ഒന്ന് പാടത്തേക്ക്

പെരുവള്ളൂർ: നെല്ല് ദിനാചരണത്തിന്റെ ഭാഗമായി  കേരള സർക്കാർ ആവിഷ്കരിച്ച് നടപ്പിലാക്കുന്ന പാഠം ഒന്ന് പാടത്തേക്ക് എന്ന പദ്ധതിയുടെ ഭാഗമായി പെരുവള്ളൂർ പഞ്ചായത്ത് തല നെല്ല് ദിനാചരണം

പെരുവള്ളൂർ കൃഷിഭവന്റെ നേതൃത്വത്തിൽ  ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾക്കായി കൊയപ്പ പാടശേഖരത്ത് നടന്നു. വിദ്യാർത്ഥികളിൽ  കൃഷി രീതികളെക്കുറിച്ചും  പഴയകാല കൃഷി ഉപകരണങ്ങളെ കുറിച്ചും അവബോധ മുണ്ടാക്കുന്നതിനായി അവയുടെ പ്രദർശനവും ക്ലാസും നടത്തി പഞ്ചായത്ത് വൈസ് പ്രസിഡണ്ട് എം .കെ വേണുഗോപാൽ ഉദ്ഘാടനം ചെയ്തു. പെരുവള്ളൂർ കൃഷി ഓഫീസർ പി .ഷാജി  കൃഷി രീതികളെ കുറിച്ച് വിവരിച്ചു.'  ഉമ ' നെല്ലിനത്തിന്റെ ഞാറ് നടീലും ഇതോടൊപ്പം നടന്നു . ഞാറ്റുപാട്ടുപാടി കുരുന്നുകൾ ഞാറുനടീൽ ഉത്സവമാക്കി.വാർഡ് മെമ്പർ ഫാത്തിമ ബിന്ദ്, പ്രധാനധ്യാപകൻ എൻ. വേലായുധൻ, പെരുവള്ളൂർ പഞ്ചായത്ത് കാർഷിക വികസന സമിതി അംഗം പി മുഹമ്മദ് മാസ്റ്റർ , കൊയപ്പ പാടശേഖര  കമ്മിറ്റി കൺവീനർ പി. മൊയ്തീൻകുട്ടി, കർഷകരായ മൂസ കളത്തിങ്കൽ, പാപ്പൻ കുട്ടി , കൃഷിവകുപ്പിനെ പ്രതിനിധീകരിച്ച് ആതിര, വെള്ളിങ്കിരി എന്നിവരും, പരിപാടിയിൽ സംബന്ധിച്ചു. അധ്യാപകരായ  സോമരാജ്, റഷീദ്, ഷാജി, ജംഷീദ്, ഗ്രീഷ്മ, റജുല, അബ്ദുൽ കരീം, സദക്കത്തുള്ള എന്നിവർ നേതൃത്വം നൽകി.

പാഠം ഒന്ന് പാടത്തേക്ക്

പാഠം ഒന്ന് പാടത്തേക്ക്

വേങ്ങര ഗവ: മോഡൽ വൊക്കേഷണൽ ഹയർ സെക്കന്ററി സ്കൂളിലെ NSS യൂണിറ്റ് കൂരിയാട് ബാലിക്കാട് പാടത്ത് ഞാറ് നടീൽ ഉൽസവം നടത്തി - നെല്ലിന്റെ ജന്മദിനമായ കന്നിമാസത്തിലെ മകം നാളിൽ വിദ്ധ്യാർത്ഥികൾക്ക് കൃഷിപാഠം നൽകുന്നതിന് വേണ്ടി വേങ്ങര കൃഷി ഭവനും GMVHSS NSS യൂണിറ്റും സംയുക്തമായാണ് പരിപാടി സംഘടിപ്പിച്ചത്. വിദ്ധ്യാർത്ഥികൾക്ക് ഈ പരിപാടി പുതിയ ഒരു അനുഭവമാണ് പകർന്ന് നൽകിയതെന്ന് പരിപാടി ഉൽഘാടനം ചെയ്ത വേങ്ങര കൃഷി ഓഫീസർ നജീബ് സർ പറഞ്ഞു. പരിപാടിക്ക് സ്കൂൾ NSS പ്രോഗ്രാം ഓഫീസർ സബീർ അലി, അധ്യാപകരായ രാജൻ സർ, മുഹമ്മദലി സർ, ലീഡർമാരായ ആസിഫ്', സുലൈഫ, ജുനൈദ്, മാളവിക എന്നിവർ നേതൃത്വം നൽകി -

പാഠം ഒന്ന് പാടത്തേക്ക്

പാഠം ഒന്ന് പാടത്തേക്ക്

പെരുവള്ളൂർ: നെല്ല് ദിനാചരണത്തിന്റെ ഭാഗമായി  കേരള സർക്കാർ ആവിഷ്കരിച്ച് നടപ്പിലാക്കുന്ന  പാഠം ഒന്ന് പാടത്തേക്ക് എന്ന പദ്ധതിയുടെ ഭാഗമായി പെരുവള്ളൂർ പഞ്ചായത്ത് തല നെല്ല് ദിനാചരണം

പെരുവള്ളൂർ കൃഷിഭവന്റെ നേതൃത്വത്തിൽ  ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾക്കായി കൊയപ്പ പാടശേഖരത്ത് നടന്നു. വിദ്യാർത്ഥികളിൽ  കൃഷി രീതികളെക്കുറിച്ചും  പഴയകാല കൃഷി ഉപകരണങ്ങളെ കുറിച്ചും അവബോധ മുണ്ടാക്കുന്നതിനായി അവയുടെ പ്രദർശനവും ക്ലാസും നടത്തി പഞ്ചായത്ത് വൈസ് പ്രസിഡണ്ട് എം .കെ വേണുഗോപാൽ ഉദ്ഘാടനം ചെയ്തു. പെരുവള്ളൂർ കൃഷി ഓഫീസർ പി .ഷാജി  കൃഷി രീതികളെ കുറിച്ച് വിവരിച്ചു.'  ഉമ ' നെല്ലിനത്തിന്റെ ഞാറ് നടീലും ഇതോടൊപ്പം നടന്നു . ഞാറ്റുപാട്ടുപാടി കുരുന്നുകൾ ഞാറുനടീൽ ഉത്സവമാക്കി.വാർഡ് മെമ്പർ ഫാത്തിമ ബിന്ദ്, പ്രധാനധ്യാപകൻ എൻ. വേലായുധൻ, പെരുവള്ളൂർ പഞ്ചായത്ത് കാർഷിക വികസന സമിതി അംഗം പി മുഹമ്മദ് മാസ്റ്റർ , കൊയപ്പ പാടശേഖര  കമ്മിറ്റി കൺവീനർ പി. മൊയ്തീൻകുട്ടി, കർഷകരായ മൂസ കളത്തിങ്കൽ, പാപ്പൻ കുട്ടി , കൃഷിവകുപ്പിനെ പ്രതിനിധീകരിച്ച് ആതിര, വെള്ളിങ്കിരി എന്നിവരും, പരിപാടിയിൽ സംബന്ധിച്ചു. അധ്യാപകരായ  സോമരാജ്, റഷീദ്, ഷാജി, ജംഷീദ്, ഗ്രീഷ്മ, റജുല, അബ്ദുൽ കരീം, സദക്കത്തുള്ള എന്നിവർ നേതൃത്വം നൽകി.

GVHSS വേങ്ങര സ്കൂൾ പാർലമെന്റ് ഇലക്ഷൻ സ്കൂളിൽ നടന്നു

GVHSS വേങ്ങര സ്കൂൾ പാർലമെന്റ് ഇലക്ഷൻ സ്കൂളിൽ നടന്നു 

വിവിധ ബ്ലോക്കുകളിലായി ബൂത്തുകൾ തയ്യാറായി... 10 മണിയോടെ ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ ഇലക്ഷൻ സമഗ്രികളുമായി ബൂത്തുകളിലേക്ക്..... സാങ്കേതിക തകരാർ മൂലം ചില ബൂത്തുകളിൽ ഇലക്ഷൻ വൈകിയെങ്കിലും എല്ലാം ഭംഗിയായി പൂർത്തീകരിച്ചു... SPC വിദ്യാർഥികൾ ബൂത്തുകൾക്ക് മുമ്പിൽ യൂണിഫോമിൽ നിലയുറപ്പിച്ചത് ക്രമസമാധാന പ്രശ്നങ്ങളൊന്നുമില്ലാതെ വോട്ടിംഗ് നടത്താൻ സഹായകമായി.. 

ഉച്ചക്ക് ശേഷം റിസൾട്ട് വന്നു...എല്ലാവരും ഹാപ്പി.. എന്നാൽ 8 D ക്ലാസ്സിൽ നാളെ റീപോളിംഗ് നടക്കുമെന്ന് തിരഞ്ഞെടുപ്പ് കമ്മീഷനർ അറിയിച്ചു.... വോട്ടിങ് മിഷീനിലെ സകേതിക തകരാർ!!!

വരൂ, ​ഗ്രന്ഥപ്പുരയിലേക്ക് എ ആർ കക്കാടംപുറം ജിയുപി വിദ്യാർഥികൾ ആരംഭിച്ച ആദ്യ ഹോം ലൈബ്രറി

വരൂ, ​ഗ്രന്ഥപ്പുരയിലേക്ക്

എ ആർ കക്കാടംപുറം ജിയുപി വിദ്യാർഥികൾ ആരംഭിച്ച ആദ്യ ഹോം ലൈബ്രറി

വേങ്ങര

കുഞ്ഞുണ്ണി മാഷിന്റെ "കുഞ്ഞുണ്ണി കവിത' മുതൽ മഹാത്മാഗാന്ധിയുടെ ആത്മകഥവരെ വായിക്കാൻ കക്കാടംപുറം ജിയുപി സ്‌കൂൾ വിദ്യാർഥികൾക്ക്‌ ഇനി പുറത്തുപോകേണ്ട. വീട്ടുലൈബ്രറിയിൽനിന്നെടുത്ത്‌ വായിക്കാം. 400 വിദ്യാർഥികളുടെ വീടുകളിൽ ഹോം ലൈബ്രറി ഒരുക്കാനൊരുങ്ങുകയാണ്‌ സ്‌കൂൾ. "അമ്മവായന കുഞ്ഞുവായന കുടുംബവായന' എന്ന പേരില്‍ ഒരു പ്രദേശത്തെ അറിവിന്റെ ലോകത്തിലേക്കെത്തിക്കുകയാണ് ലക്ഷ്യം. 

ആര്‍ക്കും വീട്ടിലെത്തി പുസ്‌തകമെടുക്കാം. ലൈബ്രറികളിലേതിനുസമാനമായി രജിസ്റ്ററുണ്ട്. പുസ്‌തകം വായിച്ച്  ആസ്വാദന കുറിപ്പ് തയാറാക്കണം. ഇത് പിന്നീട്‌ പുസ്‌തകമായി പുറത്തിറക്കും.   

പിടിഎയും മാനേജ്‌മെന്റും അധ്യാപകരും ചേര്‍ന്നൊരുക്കുന്ന  ഹോം ലൈബ്രറി രക്ഷിതാക്കൾ സന്തോഷത്തോടെ സ്വീകരിച്ചു. 428 വിദ്യാര്‍ഥികള്‍ പഠിക്കുന്ന സ്‌കൂളിൽ ക്ലാസ് മുറിയിലും ലൈബ്രറിയുണ്ട്. മുഴുവൻ കുട്ടികളുടെയും വീടുകളിൽ ലൈബ്രറി ഒരുക്കും. 

പൂർവ വിദ്യാര്‍ഥികളില്‍നിന്നും പുസ്‌തകം ശേഖരിക്കും. സി എം സത്താറിന്റെ വീട്ടിൽ വാർഡ് അംഗം യൂസുഫ് പാലത്തിങ്ങൽ  ഉദ്ഘാടനംചെയ്‌തു. അരീക്കൻ ഷക്കീറലി, കെ സി പ്രേമരാജൻ, പി കെ അബ്‌ദുനാസർ, പി എം  ഇഖ്ബാൽ, കെ ശ്രീധരൻ, വിജയൻ എന്നിവർ സംസാരിച്ചു.

ആനന്ദം, ഈ "ആടുജീവിതം' സിദ്ദീഖ് ആടുകൾക്കൊപ്പം

ആനന്ദം, ഈ "ആടുജീവിതം'

സിദ്ദീഖ് ആടുകൾക്കൊപ്പം

വേങ്ങര

എയർ കണ്ടീഷൻ മെക്കാനിക്കായിരുന്നു വേങ്ങര വെട്ടുതോട് കുളങ്ങരകത്ത് സിദ്ദീഖ്. 30 വർഷം അബുദാബിയിലായിരുന്നു ജോലി. 12 വർഷംമുമ്പ്  നാട്ടിലെത്തിയപ്പോൾ കൗതുകത്തിന്‌ ഒരു ആടിനെ വാങ്ങി. കർഷക കുടുംബത്തിൽ പിറന്ന 56–-കാരന്റെ ഉള്ളിലെവിടെയോ ഒളിച്ചിരുന്ന കർഷകൻ ഇതോടെ സജീവമായി.  യന്ത്രലോകത്തിന്റെ വിരസതയിൽനിന്ന്‌  ആടുവളർത്തലിന്റെ സംതൃപ്‌തിയിലേക്കുള്ള സിദ്ദീഖിന്റെ മാറ്റം അങ്ങനെയായിരുന്നു. ബീറ്റൽ, മലബാറി, സങ്കരയിനങ്ങളിലായി ഇപ്പോഴുള്ളത്‌ 15 എണ്ണം.  15,000 മുതൽ 22,000 രൂപവരെ ഒരു ആടിന് ലഭിക്കുമെന്ന് സിദ്ദീഖ് പറയുന്നു. മാസത്തിൽ ഒരാടിനെയെങ്കിലും വിൽക്കാറുണ്ട്. പാൽ കറന്നെടുക്കാറില്ല. വർഷത്തിൽ രണ്ടുതവണയെങ്കിലും ആട്‌ പ്രസവിക്കും. ഒരുപ്രസവത്തിൽ രണ്ടോ മൂന്നോ കുഞ്ഞുങ്ങളെ ലഭിക്കും. ആട്ടിൻകാഷ്ഠം മികച്ച വളമായതിനാൽ അതിൽനിന്നുള്ള വരുമാനവുമുണ്ട്‌. സ്വന്തം പറമ്പിലെ തെങ്ങിനും കമുകിനും ഈ വളം ഉപയോഗിക്കുന്നുമുണ്ട്. സർക്കാർ ധനസഹായം ലഭിച്ചാൽ ശാസ്ത്രീയമായ തൊഴുത്ത്‌ നിർമിക്കണമെന്ന ആഗ്രഹം ഇദ്ദേഹത്തിനുണ്ട്. കോഴികളെയും താറാവുകളെയും സിദ്ദീഖ് വളർത്തുന്നുണ്ട്. ഇതിനെല്ലാം കുടുംബത്തിന്റെ എല്ലാ  പിന്തുണയും ലഭിക്കുന്നതായും നാം സ്നേഹിച്ചാൽ  മിണ്ടാപ്രാണികൾ തിരിച്ച്‌ സ്‌നേഹിക്കുമെന്നും സിദ്ദീഖ്‌ പറഞ്ഞു.

News @ 9 വേങ്ങര വാർത്തകൾ 25 / 09 / 2019

വാർത്ത കാണാൻ ക്ലിക്ക് ചെയ്യുക
👇👇👇👇👇👇👇👇👇
https://www.facebook.com/275734589572001/posts/679387082540081?sfns=mo

https://www.facebook.com/275734589572001/posts/679387082540081?sfns=mo

വന്നുകാണൂ, കല്ലേങ്ങൽപടി അങ്കണവാടി നിറയെ ചിത്രങ്ങളാണ്...

വന്നുകാണൂ, കല്ലേങ്ങൽപടി അങ്കണവാടി നിറയെ ചിത്രങ്ങളാണ്...

ഊരകം കല്ലേങ്ങൽപടി അങ്കണവാടിയിലെ അധ്യാപിക മാലതി ചിത്രരചനയിൽ

ഊരകം:കല്ലേങ്ങൽപടി അങ്കണവാടിയിലെ ചുമരുകൾ മുഴുവൻ ചിത്രങ്ങളാണ്. പ്രകൃതിദൃശ്യങ്ങൾ, പക്ഷികൾ, മൃഗങ്ങൾ, പഴം, പച്ചക്കറികൾ, പ്രാണികൾ, മാവേലി തുടങ്ങി വിവിധ ചിത്രരൂപങ്ങൾ ഇവിടെ നിറയുന്നു. അങ്കണവാടിയിലെ അധ്യാപികയായ മാലതി ടീച്ചറുടെ കലാബോധമാണ് ഈ ചിത്രങ്ങൾക്കുപിന്നിൽ.

കുട്ടിക്കാലം മുതൽ മാലതിയുടെ മനസ്സിൽ ചിത്രങ്ങളുണ്ട്. ഒരുവർഷം മുമ്പ് തുടങ്ങിയതാണ് ഈ ചിത്രരചന. കഴിഞ്ഞ ആറുമാസത്തിനുള്ളിൽ 120 ചുമർച്ചിത്രങ്ങളാണ് വരച്ചത്. ചാർട്ട് പേപ്പറിലാണ് ആദ്യം വര. പിന്നീട് അങ്കണവാടി കെട്ടിടത്തിന്റെ ചുമരുകളെയും ക്യാൻവാസാക്കി മാറ്റി.

ഞായറാഴ്ച ഉദ്ഘാടനംചെയ്ത മുകൾനിലയുടെ ചുമരുകളിലും ടീച്ചറുടെ ചിത്രങ്ങളുണ്ട്. കുട്ടികൾക്ക് മാത്രമല്ല രക്ഷിതാക്കൾക്കും ആനന്ദം പകരുന്നു ഇവ. സ്വന്തം പണം ചെലവഴിച്ച് ഫാബ്രിക് പെയിന്റിലാണ് ചിത്രംവര. പ്രളയകാലത്തെ അവധി ദിവസങ്ങളിലും ഓണാവധിയിലും വിശ്രമമില്ലാതെയാണ് ഈ അധ്യാപിക വരച്ചുകൂട്ടിയത്.

പാണ്ടിക്കാട് സ്വദേശിയായ മാലതി വണ്ടൂർ ചെമ്പ്രശ്ശേരി അങ്കണവാടിയിലാണ് അധ്യാപനം തുടങ്ങിയത്. വിവാഹം കഴിഞ്ഞതോടെ കല്ലേങ്ങൽപടി അങ്കണവാടിയിലേക്ക് മാറി. 25 വർഷമായി ഇവിടെയാണ് സേവനം. കുറ്റിയാരത്ത് കിഴക്കില്ലേത്ത് ഗിരീഷ്‌കുമാറാണ് ഭർത്താവ്. അജിത്ത് മകനും.

സമദർശൻ പദ്ധതി ഉദ്ഘാടനം

സമദർശൻ പദ്ധതി ഉദ്ഘാടനം

നാഷണൽ സർവ്വീസ് സ്കീം മലപ്പുറം ജില്ലാ തല പ്രോഗ്രാം, പെൺകുട്ടികൾക്ക് സൈക്കിൾ സവാരി പരിശീലനം നൽകുന്ന  സമദർശൻ പദ്ധതി ഉദ്ഘാടനം കുറ്റൂർ നോർത്ത് കെ.എം.എച്ച്.എസ്. എസിൽ മാനേജർ കെ.പി.ഹുസൈൻ എന്ന കുഞ്ഞുട്ടി നിർവ്വഹിച്ചു.

തിരൂരങ്ങാടി ക്ലസ്റ്ററിന് കീഴിലുള്ള സ്കൂളുകളിലെ പെൺകുട്ടികൾക്ക് സൈക്കിൾ പഠിക്കാനുള്ള അവസരം ഇവിടെയൊരുക്കിയിട്ടുണ്ട്.

പെൺകുട്ടികൾക്ക് ആൺകുട്ടികളോടൊപ്പം സാമൂഹിക സമത്വം ലക്ഷ്യമാക്കി സംഘടിപ്പിക്കുന്ന പദ്ധതിയാണ് സമദർശൻ. സംസ്ഥാനത്തെ എല്ലാ ഹയർ സെക്കന്ററി എൻ എസ് എസ് യൂണിറ്റുകളും വഴിയാണ് പദ്ധതി സാക്ഷാൽകരിക്കുന്നത്. 

എൻ എസ് എസ് ദിനത്തിൽ നടന്ന പ്രോഗ്രാമിൽ ജില്ലാ കോ-ഓർഡിനേറ്റർ സക്കരിയ പൂഴിക്കൽ മുൻകാല പ്രോഗ്രാം ഓഫീസർമാരെ ആദരിച്ചു. 

പി.ടി എ പ്രസിഡന്റ് കെ.കെ.എം കുറ്റൂർ അദ്ധ്യക്ഷനായിരുന്നു. പി .മുഹമ്മദ് കുട്ടി., ഡോ. സുധീരൻ ചീരക്കുട, കെ.കെ.മൊയ്തീൻ കുട്ടി, എം.പി. സുധീർ കുമാർ ,ജി. ശ്രീജിത്ത് എന്നിവർ സംസാരിച്ചു. പ്രിൻസിപ്പൾ യൂസുഫ് കരുമ്പിൽ സ്വാഗതവും പി.കെ. ഷാജഹാൻ നന്ദിയും പറഞ്ഞു.

എന്റെ ഗ്രാമം കയ്യെഴുത്ത് മാസിക പ്രകാശനം ചെയ്‌തു

എന്റെ ഗ്രാമം കയ്യെഴുത്ത് മാസിക പ്രകാശനം ചെയ്‌തു 

AMLP സ്കൂൾ പറപ്പൂർ വെസ്റ്റിലെ കുട്ടികളുടെ ക്രിയാത്മകമായ പ്രവർത്തനങ്ങളുടെ ഫലമായി തയ്യാറാക്കിയ എന്റെ ഗ്രാമം കയ്യെഴുത്ത് മാസികയുടെ പ്രകാശനം  ഹെഡ്മാസ്റ്റർ ദിനേശൻ മാസ്റ്റർ നിർവഹിച്ചു.കുട്ടികളുടെ  മനസ്സിൽ ഉദിച്ച  കുഞ്ഞു കഥകളും,കവിതകളും,അനുഭവങ്ങളും,പുതിയ ലോകത്തെതന്നെ  സൃഷ്ടിക്കാൻ കഴിവുള്ള ചിത്രകാരന്മാരുടെയും വരകൾ  മാസികയെ ഭംഗിയാക്കി തീർത്തു.

ടെക്‌നോളജിയുടെ കാലഘട്ടത്തിലും വിദ്യാർത്ഥികളുടെ ക്രിയാത്മകമായ കഴിവുകളെ വളർത്തുന്നതിൽ ഇത്തരം എഴുത്ത് മാസികകൾ തന്നെയാണ് പ്രധാന പങ്ക്‌വഹിക്കുന്നത് എന്ന് പ്രധാന അധ്യാപകൻ പറഞ്ഞു.

അംഗനവാടികള്‍ യോജിപ്പിക്കാനുള്ള തീരുമാനം പുനഃ പരിശോധിക്കണം

അംഗനവാടികള്‍ യോജിപ്പിക്കാനുള്ള തീരുമാനം പുനഃ പരിശോധിക്കണം

വേങ്ങര : അടുത്ത അംഗനവാടികള്‍ യോജിപ്പിക്കാനുള്ള തീരുമാനം സര്‍ക്കാര്‍  പുനഃ പരിശോധിക്കണമെന്ന് കെ എന്‍ എ കാദര്‍ എം എല്‍ എ ആവശ്യപ്പെട്ടു. സംയോജിത ശിശു വികസന സേവന പദ്ധതി മിഷന്‍ പ്രകാരമാണ് വാടക കെട്ടിടത്തില്‍ പ്രവര്‍ത്തിക്കുന്നതും നിലവില്‍ സ്ഥലം കണ്ടെത്താന്‍ കഴിയാത്ത അംഗനവാടികളും അടുത്തടുത്തുള്ളവ പരീക്ഷണാടി സ്ഥാനത്തില്‍ യോജിപ്പിക്കാനാണ് വനിതാശിശു ക്ഷേമ വകുപ്പിന്റെ തീരുമാനം. ഇത് നിലവിലെ ജീവനക്കാര്‍ക്ക് തൊഴില്‍ നഷ്ട്ടപ്പെടാനും സ്ഥാപനമാറ്റം വിദ്യാര്‍ഥികള്‍ക്ക് യാത്രാ ബുദ്ധിമുട്ട് വരുത്തുമെന്നും കാണിച്ച് വകുപ്പു മന്ത്രി കെ കെ ശൈലജ ടീച്ചര്‍ക്ക് എം എല്‍ എ കത്ത് നല്‍കി

രുചിയോടെ ... കരുത്തോടെ ...

രുചിയോടെ ...കരുത്തോടെ ...

പരിസരപഠനം പാഠപുസ്തകത്തിലെ "രുചിയോടെ കരുത്തോടെ" എന്ന  യൂണിറ്റിലെ പാഠഭാഗത്തെ  ആസ്പദമാക്കി വിവിധയിനം സാലഡുകൾ കുട്ടികൾക്ക് പരിചയപെടുത്തുന്നതിന്റെ ഭാഗമായി തിങ്കളാഴ്ച രാവിലെ AMLP സ്കൂൾ പറപ്പൂർ വെസ്റ്റിൽ  സാലഡ് മേക്കിങ് നടത്തി.

കുട്ടികൾ വീട്ടിൽ നിന്നും കൊണ്ട് വന്ന പച്ചക്കറികളും,പഴവർഗ്ഗങ്ങളും ക്രമീകരിച്ചുകൊണ്ട് ഗ്രൂപ്പുകളായി തിരിച്ചു.

ഓരോ ഗ്രൂപ്പിനും വിത്യസ്ത ഇനങ്ങൾ കൊടുത്ത് കൊണ്ടാണ്  വിപുലമായി പരിപാടി നടത്തിയത്.

അടുക്കളയിൽ അമ്മയെ  സഹായിക്കാനുള്ള  മനോഭാവം വളർത്തുന്നതിനും, ഏത് പ്രവർത്തിയിലിലും സമൂഹത്തിന്  ഉതകുന്ന വിദ്യാർത്ഥികളാക്കി തീർക്കാനും ഈ പാഠപുസ്തക പ്രവർത്തനം സഹായകമാക്കുന്ന രീതിയിലായിരുന്നു പരിപാടി സംഘടിപ്പിച്ചത്.പരിപാടിയിൽ അധ്യാപകരും അധ്യാപക വിദ്യാർത്ഥികളും പങ്കെടുത്തു.

ദുരന്തം ഒളിപ്പിച്ച് ചിങ്കക്കല്ല് പുഴ; വിറങ്ങലിച്ച് വേങ്ങര

ദുരന്തം ഒളിപ്പിച്ച് ചിങ്കക്കല്ല് പുഴ; വിറങ്ങലിച്ച് വേങ്ങര

വേങ്ങര:ഏഴുമാസം പ്രായമായ പിഞ്ചുകുഞ്ഞടക്കം മൂന്നുപേർ ഒഴുക്കിൽപ്പെട്ട് മരിക്കാനിടയായ സംഭവത്തിൽ വിറങ്ങലിച്ചിരിക്കുകയാണ് വേങ്ങര. ശനിയാഴ്ച വൈകുന്നേരം അഞ്ചുമണിയോടെയാണ് വേങ്ങര പറമ്പിൽപ്പടി മങ്ങാടൻ വീട്ടിൽനിന്ന് നിലമ്പൂരിലെ ബന്ധുവീട്ടിലേക്ക് വിരുന്നുപോയ പത്തംഗസംഘത്തിലെ അഞ്ചുപേർ ചോക്കാടൻ പുഴയുടെ ചിങ്കക്കല്ല് ഭാഗത്ത് അപ്രതീക്ഷിതമായുണ്ടായ ഒഴുക്കിൽപ്പെട്ടത്.

നിലമ്പൂരിലെ ബന്ധുവീട്ടിൽനിന്നു മടങ്ങി കാളികാവ് ഭാഗത്തെ മറ്റൊരു ബന്ധുവീട്ടിലെത്തിയ ഇവർ പുഴ കാണാൻ എത്തിയപ്പോഴാണ് ഒഴുക്കുണ്ടായത്. മങ്ങാടൻ അബൂബക്കറിന്റെ മകൻ യൂസഫ് (25), പിതൃസഹോദരപുത്രൻ അവറാൻകുട്ടിയുടെ ഭാര്യ ജുവൈരിയ, ജുവൈരിയയുടെ ഏഴുമാസം മാത്രം പ്രായമായ മകൾ അബീഹ എന്നിവരാണ് മരണത്തിനു കീഴടങ്ങിയത്. അരമണിക്കൂറോളം നീണ്ട മലവെള്ളപ്പാച്ചിലിൽ വലിയ ഉരുളൻകല്ലുകളും മണ്ണും വന്നടിയുകയും വെള്ളം പൊങ്ങുകയും ചെയ്തിനാൽ ഇവർക്ക് നീന്തി രക്ഷപ്പെടാനായില്ല. പുറത്തുനിന്നവരുടെ ബഹളംകേട്ട് സമീപത്തെ ചിങ്കക്കല്ല് ആദിവാസിക്കോളനിയിൽ നിന്നുള്ളവരും നാട്ടുകാരും ഓടിക്കൂടി നടത്തിയ രക്ഷാപ്രവർത്തനത്തിന്റെ ഫലമായാണ് യൂസഫിന്റെ ഭാര്യ ഷഹീദ (19), ജുവൈരിയയുടെ മകൻ അഖ്മൽ (7) എന്നിവരെ രക്ഷപ്പെടുത്താനായത്. രക്ഷപ്പെട്ട യൂസഫിന്റെ ഭാര്യ ഷഹീദ, ജുവൈരിയയുടെ മകൻ അഖ്മൽ എന്നിവർക്കുപുറമെ യൂസഫിന്റെ ഉമ്മ സുഹ്‌റാബി, സഹോദരങ്ങളായ മുഹമ്മദ് ഹസ്സൻ, ഫായിസ തസ്‌നിയ, ഫാത്തിമ നസ്‌റിയ എന്നിവരും സംഘത്തിലുണ്ടായിരുന്നു. അപകടത്തിൽ രക്ഷപ്പെട്ട് നിലമ്പൂർ ജില്ലാ ആശുപത്രിയിൽ ചികിത്സയിലായിരുന്ന ഷഹീദ, അഖ്മൽ എന്നിവരെ ഞായറാഴ്ച ഉച്ചയ്ക്ക് പന്ത്രണ്ടുമണിയോടെ ബന്ധുക്കൾ വീട്ടിലെത്തിച്ചു. വൈകുന്നേരം മൂന്നേമുക്കാലോടെ നിലമ്പൂർ ജില്ലാ ആശുപത്രിയിൽ പോസ്റ്റ്മോർട്ടത്തിനുശേഷം മൃതദേഹങ്ങൾ വീട്ടിലെത്തിച്ചു.

വിവാഹംകഴിഞ്ഞ് ഒരുമാസംപോലും തികയുംമുമ്പേ വിടപറഞ്ഞ യൂസഫിന്റെ ബന്ധുക്കളെ ആശ്വസിപ്പിക്കാനാവാതെ കണ്ടുനിന്ന നാട്ടുകാരും തേങ്ങി. യൂസഫിന്റെ മൃതദേഹം ഒരു ആംബുലൻസിലും ജുവൈരിയയുടെയും മകളുടെയും മൃതദേഹം മറ്റൊരു ആംബുലൻസിലുമാണ് എത്തിച്ചത്. നാലു മണിയോടെത്തന്നെ ഖബറടക്കത്തിനായി മൃതദേഹങ്ങൾ എടുത്തു. വൻ ജനാവലിയുടെ സാന്നിധ്യത്തിൽ കച്ചേരിപ്പടി തുമ്മരത്തി ഖബർസ്ഥാനിൽ ഖബറടക്കി. സയ്യിദ് ശിഹാബുദ്ദീൻ ബുഖാരി തങ്ങൾ മയ്യത്ത് നമസ്‌കാരത്തിന് നേതൃത്വംനൽകി.

അഡ്വ. കെ.എൻ.എ. ഖാദർ, സി.പി.എം. കോട്ടയ്ക്കൽ ഏരിയാസെക്രട്ടറി തയ്യിൽ അലവി, സയ്യിദ് ജാഫർ തുറാബ് തങ്ങൾ, സി.ടി. ഉബൈദ് സഖാഫി, തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് കെ. അബ്ദുൽകലാം തുടങ്ങിയവർ അപകടത്തിൽപ്പെട്ടവരുടെ വീട് സന്ദർശിച്ചു.

അൽ ഇർഷാദ് മാസിക പ്രകാശനം ചെയ്തു

അൽ ഇർഷാദ് മാസിക പ്രകാശനം ചെയ്തു

തിരൂരങ്ങാടി: പെരുവള്ളൂർ കാളമ്പ്രാട്ടിൽ ചോലക്കൽ നുസ്റത്തുൽ ഇസ്ലാം മദ്റസ വിദ്യാർത്ഥി കൂട്ടായ്മയായ ഇർഷാദുത്ത്വലബ സാഹിത്യ സമാജത്തിനു കീഴിൽ 

 'അൽ ഇർഷാദ് മാസിക' പ്രകാശനം ചെയ്തു. ഇതുവരെ മദ്റസയിൽ 'അൽ ഇർഷാദ് 'എന്ന പേരിൽ കയ്യെഴുത്തു പതിപ്പുകളായിരുന്നു പുറത്തിറക്കിയിരുന്നത്. അതിൽ നിന്നും വ്യത്യസ്തമായി അറബി മാസ പ്രകാരം പുതുവർഷമായ  'മുഹർറം' മാസത്തിലാണ് വിദ്യാർത്ഥികളും അദ്ധ്യാപകരും ചേർന്ന് 'അൽ ഇർഷാദ്' എന്ന പേരിൽ തന്നെ പുതുമകൾ നിറച്ച് വിദ്യാർത്ഥികളുടെ തൂലികക്ക് ജീവൻ പകർന്ന് മാസികയായി ഇറക്കാൻ തീരുമാനിച്ചത്. പ്രദേശത്തെ നാട്ടുകാരാണ് വിദ്യാർത്ഥികളുടെ ഉന്നമനം ലക്ഷ്യമിട്ട് മാസികക്കുള്ള പ്രിന്ററും മറ്റു ആധുനിക സംവിധാനങ്ങളും മദ്റസക്ക് സമ്മാനിച്ചത്. 

ചടങ്ങിൽ ഇർഷാദുത്ത്വലബ സെക്രട്ടറി അജ്മൽ പ്രധാനാധ്യാപകൻ നിസാർ അസ്ഹരിക്ക് ആദ്യ കോപ്പി നൽകി പ്രകാശനം നിർവ്വഹിച്ചു.  പൂർവ്വവിദ്യാർത്ഥി സംഘടനയായ നുസ്റത്തുൽ ഇസ്ലാം സംഘം സെക്രട്ടറി ശംസാദ് അധ്യാപകരായ നൗഷാദ് മുസ്ലിയാർ, സദഖത്തുള്ള ഫൈസി, ഫഹദ് മുസ്ലിയാർ അഫ്സൽ മുസ്ലിയാർ സംസാരിച്ചു.

വേങ്ങരയിലെ മാലിന്യം ഒഴുകി വലിയോറപ്പാടത്ത്

വേങ്ങരയിലെ മാലിന്യം ഒഴുകി വലിയോറപ്പാടത്ത്

വേങ്ങര കാട്ടിക്കുളങ്ങര വരിവെട്ടിച്ചാല്‍ റോഡിലൂടെ വലിയോറ പാടത്തേക്ക് ഒഴുകുന്ന മലിനജലം  

വേങ്ങര:അങ്ങാടിയിലെ ചാക്കീരി അഹമ്മദ്കുട്ടി റോഡ് കവലമുതലുള്ള മാലിന്യങ്ങൾ മഴപെയ്താൽ ഓവുചാലിലൂടെ ഒഴുകി കാട്ടിക്കുളങ്ങര വരിവെട്ടിച്ചാൽ റോഡിലൂടെ വലിയോറപ്പാടത്തെത്തുന്നു.

വേങ്ങര അങ്ങാടിയിൽനിന്ന് ഒരുകിലോമീറ്ററിലധികം ദൂരെനിന്ന് ഒഴുകിവരുന്ന ഖരമാലിന്യങ്ങളാണ് ഇവിടെയെത്തുന്നത്. പ്ലാസ്റ്റിക് മാലിന്യം ഉൾപ്പെടെയുള്ളവ ഇങ്ങനെ വലിയോറ കുറുകപ്പാടത്ത് അടിഞ്ഞുകൂടുകയാണ്. വയലോരത്തു താമസിക്കുന്നവരുടെ കിണറുകളിൽ മാലിന്യം കലരാൻ സാധ്യതയുണ്ട്.

ചാത്തംകുളത്ത് പ്രവർത്തിക്കുന്ന ഗവ.മോഡൽ ഹയർസെൻഡറി സ്കൂളിന് ചുറ്റും ഈ മലിനജലം ഒഴുകിയെത്തുന്നുണ്ട്. മാത്രമല്ല വയലോരത്തു താമസിക്കുന്നവരുടെ കുട്ടികൾ ഉൾപ്പെടെയുള്ളവർ യാത്രചെയ്യുന്ന റോഡ് മഴപെയ്താൽ മലിനജലം ഒഴുകി തോടായി മാറുന്നതിനാൽ ഇതുവഴിയുള്ള യാത്രയും ദുഷ്‌കരമാണെന്ന് നാട്ടുകാർ പരാതിപ്പെടുന്നു

ലോകമുളദിനത്തിൽ കടലുണ്ടിപ്പുഴയോരത്ത് മുളത്തൈകള്‍ നട്ട് ഊരകം എം. യു. എച്ച്. എസ്. എസ് വിദ്യാർഥികൾ

ലോകമുളദിനത്തിൽ കടലുണ്ടിപ്പുഴയോരത്ത് മുളത്തൈകള്‍ നട്ട് ഊരകം എം. യു. എച്ച്. എസ്. എസ് വിദ്യാർഥികൾ

ഊരകം : സപ്തംബർ 18 ലോക മുളദിനത്തിൽ പുഴയോര സംരക്ഷണത്തിന്റെ ഭാഗമായി കടലുണ്ടി പുഴയോരത്ത് മുളത്തൈകൾ നട്ട് ഊരകം മർകസുൽ ഉലൂം ഹയർ സെക്കണ്ടറി സ്കൂൾ  വിദ്യാർത്ഥികൾ.   മമ്പീതിയിൽ വെച്ച് നടന്ന ചടങ്ങ് വേങ്ങര ബ്ലോക്ക് പഞ്ചായത്ത് മെമ്പർ പി.കെ. അസ് ലു ഉദ്ഘാടനം ചെയ്തു.  എം കെ മുഹമ്മദ് മാസ്റ്റർ അധ്യക്ഷത വഹിച്ചു. വാർഡ് മെമ്പർ സുന്ദരൻ, ഉമറുൽ ഫാറൂഖ്, ഇ.പി അബ്ദുൽ മുനീർ, റിയാസ് കൂമുള്ളില്‍, സി എം ബിജു , ഇ. മുഹമ്മദ് നയീം, ഹംസ മമ്പീതി,  ബഷീർ ചിത്രകൂടം പ്രസംഗിച്ചു. സീഡ് ക്ലബ്ബിന്റെ നേതൃത്വത്തിൽ  പരിസ്ഥിതി സംരക്ഷണ പ്രതിജ്ഞയും,  ബോധ വൽക്കരണ ക്ലാസും നടന്നു.

സ്വാഗതം സംഘം രൂപീകരിച്ചു

സ്വാഗതം സംഘം രൂപീകരിച്ചു

ലോകവയോജന ദിനത്തോട് അനുബന്ധിച്ചു സാമൂഹിക നീതി വകുപ്പ് സംഘടിപ്പിക്കുന്ന ജില്ലാതല വയോജന ദിനാഘോഷ പരിപാടിയുടെ സ്വാഗതസംഘം രൂപീകരിച്ചു

 വേങ്ങര പഞ്ചായത്ത്  പ്രസിഡൻഡ് വി.കെ. കുഞ്ഞാലന്കുട്ടി ,  ചെയർമാൻ, ജില്ലാ  സാമൂഹിക നീതി വകുപ്പ്  ഓഫീസർ കൃഷ്ണമൂർത്തി , കൻവീണർ, നൗഫൽ സി.ടി., കമല ഭായ്, ഇബ്രാഹിം എ. കെ എന്നിവർ ജോയിന്റ് കണ്വീനര്മാര്.

പി.കെ.കുഞ്ഞാലികുട്ടി എം.പി., കെ.എൻ

എ ഖാദർ, എം.എൽ

എ, ചാക്കീരി അബ്ദുൽ ഹഖ് തുടങ്ങിയവർ മുഖ്യ രക്ഷാധികാരികൾ ആയി തിരഞ്ഞെടുത്തു.

ബുഷ്‌റ മജീദ് വൈസ് പ്രസിഡണ്ട് ബ്ലോക്ക് പഞ്ചായത്ത്, ഖദീജബി ടീച്ചർ, വൈസ് പ്രസിഡന്റ് വേങ്ങര അഞ്ചായത്ത്, എ

കെ. മുഹമ്മദ് അലി, പി.കെ അസ്‌ലു, കെ.പി.ഫസൽ, മൻസൂർ കെ

കെ, നജ്മുന്നീസ ലത്തീഫ്, അബ്ദുൽ അസീസ് പറങ്ങോടത്തു, എൻ.ടി. നാസർ എന്ന കുഞ്ഞുട്ടി, നഹ്‌മാനുൽ ഹഖ് എന്ന ബാവ,  അലവിക്കുട്ടി. കുറുക്കൻ, എ.കെ. സലീം, യൂസുഫ് അലി വലിയോറ, ഹംസ പുല്ലമ്പലവൻ, എ.കെ അബുഹാജി, സദാനന്ദൻ മാഷ്, ടി.പി.മുഹമ്മദ് അലി, ഭാസ്കരൻ. വി, മുഹമ്മദ്, മുഹമ്മദ് ആലി, ജില്ലയിലെ കെയർ   ഗിവർമാർ തുടങ്ങിയവരെ മെമ്പർമാരായി തിരഞ്ഞെടുത്തു.

വ്യാപരഭവൻ ഓഡിറ്റോറത്തിൽ വെച്ചു പരിപാടി നടത്താൻ തീരുമാനിച്ചു.

ജന്നത്തുൽ ഖിറാഅഃ പദ്ധതിക്ക് തുടക്കം

ജന്നത്തുൽ ഖിറാഅഃ പദ്ധതിക്ക് തുടക്കം

തിരൂരങ്ങാടി: പെരുവള്ളൂർ കാളമ്പ്രാട്ടിൽചോലക്കൽ നുസ്റത്തുൽ ഇസ്‌ലാം മദ്രസയിൽ ജന്നത്തുൽ ഖിറാഅഃ പദ്ധതിക്ക് തുടക്കമിട്ടു. മദ്റസ വിദ്യാർത്ഥി സംഘടനയായ ഇർഷാദുത്ത്വലബയുടെ ലൈബ്രറി ഉദ്ഘാടനത്തിനോടനുബന്ധിച്ചായിരുന്നു "വായനയുടെ തോട്ടം" എന്നർത്ഥം വരുന്ന ജന്നത്തുൽ ഖിറാഅഃക്ക് തുടക്കമായത്. 

മാസത്തിലൊരിക്കൽ വിദ്യാർത്ഥികൾ പുസ്തകങ്ങൾ പ്രദേശത്തെ വീടുകളിൽ എത്തിക്കുകയും നേരത്തെ വീടുകളിലുണ്ടായിരുന്ന പഴയ പുസ്തകങ്ങൾ ശേഖരിക്കുകയും അതിലൂടെ രക്ഷിതാക്കളേയും വിദ്യാർത്ഥികളേയും ഒരുപോലെ വായനയുടെ തോട്ടത്തിലേക്ക് നയിക്കുക എന്നതാണ് ഇതിന്റെ ലക്ഷ്യം. ജന്നത്തുൽ ഖിറാഅഃ പ്രതിജ്ഞ മദ്റസ വിദ്യാർത്ഥി ഇദ്‌രീസ് നിർവ്വഹിച്ചു. പ്രധാനാദ്ധ്യാപകൻ നിസാർ അസ്ഹരി നേതൃത്വം നൽകി. അദ്ധ്യാപകരായ സ്വദഖത്തുള്ള ഫൈസി, ഹംസ മുസ്ലിയാർ, ദുൽഫുഖാർ മുസ്ലിയാർ എന്നിവർ സംബന്ധിച്ചു.

കൊളപ്പുറം അത്താണിക്കലിൽ ഓണം പച്ചക്കറി വിപണി സെപ്തംബർ 7 മുതൽ 10 വരെ

കൊളപ്പുറം അത്താണിക്കലിൽ ഓണം പച്ചക്കറി വിപണി സെപ്തംബർ 7 മുതൽ 10 വരെ

കൃഷി വകുപ്പ് പദ്ധതി പ്രകാരം എ ആർ നഗർ കൃഷിഭവന്റെയും കർഷകരുടേയും നേതൃത്വത്തിൽ കൊളപ്പുറം അത്താണിക്കലിൽ ഓണം പച്ചക്കറി വിപണി സെപ്തംബർ 7 മുതൽ 10 വരെ.  പഞ്ചായത്ത് പ്രസിഡണ്ട് ശ്രീമതി കുപ്പേരി സുബൈദ വിപണി ഉദ്ഘാടനം ചെയ്തു. പഞ്ചായത്തിലെ കർഷകർ ഉദ്പാദിപ്പിക്കുന്ന പച്ചക്കറികളും സർക്കാർ സ്ഥാപനമായ ഹോർട്ടികോർപ്പ് മുഖേന ലഭ്യമാകുന്ന പച്ചക്കറികളും, കുടുബശ്രീ ഉല്പന്നങ്ങളും വിപണിയിൽ വില്പനയ്ക്ക് ഉണ്ടായിരിക്കുന്നതാണ്. കർഷകർക്ക് അവരുടെ കാർഷിക ഉല്പന്നങ്ങൾക്ക് ഉയർന്ന വില ലഭ്യമാക്കുക, ഉപഭോക്താക്കൾക്ക് ഈ മേൽമയുള്ള പച്ചക്കറി ന്യായ വിലയിൽ ലഭ്യമാക്കുക എന്നീഉദ്ദേശങ്ങളോട് കൂടിയാണ് വിപണി സംഘടിപ്പിച്ചിട്ടുള്ളത് കർഷകർക്ക് അവരുടെ ഉല്പന്നങ്ങൾ വില്പനക്ക് ഉണ്ടെങ്കിൽ ഈ ദിവസങ്ങളിൽ വിപണിയിൽ എത്തിക്കാവുന്നതാണ്.-

 Ar നഗർ കൃഷി ഓഫീസർ അറിയിച്ചു

മമ്പുറം ആണ്ടുനേർച്ച ഇന്ന് സമാപിക്കും

മമ്പുറം ആണ്ടുനേർച്ച ഇന്ന് സമാപിക്കും

തിരൂരങ്ങാടി:മമ്പുറം ഖുതുബുസ്സമാൻ സയ്യിദ് അലവി മൗലദ്ദവീല തങ്ങളുടെ 181-ാമത് ആണ്ടുനേർച്ച ഇന്ന് ഞായർ സമാപിക്കും. രാവിലെ എട്ടിന് തുടങ്ങുന്ന അന്നദാനം പാണക്കാട് സയ്യിദ് ഹൈദരലി ശിഹാബ് തങ്ങൾ ഉദ്ഘാടനം ചെയ്യും. ഉച്ചയ്ക്ക് ളുഹർ നമസ്കാരാനന്തരം സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങൾ നേതൃത്വംനൽകുന്ന മൗലിദ്-ഖതമ് ദുആയോടെയാണ് ഒരാഴ്ചത്തെ ആണ്ടുനേർച്ചയ്ക്ക് സമാപനമാകുക.

ശനിയാഴ്ച വൈകുന്നേരം പ്രാർത്ഥനാസമ്മേളനവും ഖുർആൻ മന:പ്പാഠമാക്കിയവർക്കുള്ള ബിരുദദാനവും നടന്നു പാണക്കാട് സാദിഖലി ശിഹാബ് തങ്ങൾ, കെ. ആലിക്കുട്ടി മുസ്‌ലിയാർ, ഡോ. ബഹാഉദ്ദീൻ മുഹമ്മദ് നദ്‌വി, വാവാട് കുഞ്ഞിക്കോയ മുസ്‌ലിയാർ തുടങ്ങിയവർ പങ്കെടുത്തു

വെള്ളിയാഴ്ച രാത്രി നടന്ന അനുസ്മരണ പ്രഭാഷണച്ചടങ്ങ് പാണക്കാട് അബ്ബാസലി ശിഹാബ് തങ്ങൾ ഉദ്ഘാടനം ചെയ്തു. അബ്ദുസ്സമദ് പൂക്കോട്ടൂർ പ്രഭാഷണം നടത്തി.

കണ്ണമംഗലം ഗ്രാമ പഞ്ചായത്തിന്റെ അനുമോദിക്കക്കലും ആദരിക്കലും

കണ്ണമംഗലം ഗ്രാമ പഞ്ചായത്തിന്റെ അനുമോദിക്കക്കലും ആദരിക്കലും

2018-19 അദ്ധ്യായനവർഷത്തിൽ കണ്ണമംഗലം പഞ്ചായത്തിൽ നിന്നും SSLC +2 പരീക്ഷകളിൽ മുഴുവൻ വിഷയങ്ങളിലും A+ നേടിയ വിദ്യാർത്ഥികളേയും NNMS ,USS, LSS ജേതാക്കളേയും സാമ്പത്തിക വർഷത്തിൽ മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാകമായി 100 തൊഴിൽ ദിനങ്ങൾ വിജയകരമായി പൂർത്തീകരിച്ച് കണ്ണമംഗലം പഞ്ചായത്തിൽ നിർണായക പങ്ക് വഹിച്ചുകൊണ്ടിരിക്കുന്ന തൊഴുലു റുപ്പുകളെ ഓണക്കോടിനൽകി ആദരിക്കലും ജി എം യു പി സ്കൂളിൽ നടന്നു PK കുഞ്ഞാലികുട്ടി MP ഉദ്ഘാടനം നിർവ്വഹിച്ചു 

കണ്ണമംഗലം പഞ്ചാ: പ്രസി: കെപിസരോജിനി അദ്ധ്വക്ഷത വഹിച്ചു, കണ്ണമംഗലം പഞ്ചായത്ത് വൈസ് പ്രസി: പുള്ളാട്ട് സലീം മാസ്റ്റർ സ്വാഗതം പറഞ്ഞു.വേങ്ങര ബ്ലോക്ക് പ്രസി: ചാക്കീരി അബ്ദുൽ ഹഖ് മുഖ്യാഥിതിയായി.ബേബി ചാലിൽ.ടി കെ അബ്ദുട്ടി.പി ഇ ശരീഫ,

കെ നഹിം,നെടുംബള്ളി സൈതു,പൂക്കുത്ത് മുജീബ്.സുനിത ടീച്ചർ,എന്നിവർ ആശംസകൾ അർപ്പിച്ചു സംസാരിച്ചു 

“സ്പര്‍ശം 19” പ്രളയ ദുരിതാശ്വാസ പ്രവര്‍ത്തനം ലക്ഷ്യമിട്ട് വേങ്ങരയിലെ പത്ര പ്രവര്‍ത്തക കൂട്ടായ്മയുടെ പ്രദർശനം വേങ്ങരയിൽ

“സ്പര്‍ശം 19” പ്രളയ ദുരിതാശ്വാസ പ്രവര്‍ത്തനം ലക്ഷ്യമിട്ട്  വേങ്ങരയിലെ പത്ര പ്രവര്‍ത്തക കൂട്ടായ്മയുടെ പ്രദർശനം വേങ്ങരയിൽ 

“സ്പര്‍ശം 19” പ്രളയ ദുരിതാശ്വാസ പ്രവര്‍ത്തനം ലക്ഷ്യമിട്ട്  വേങ്ങരയിലെ പത്ര പ്രവര്‍ത്തക കൂട്ടായ്മയുടെ വേങ്ങര പ്രസ് റിപ്പോര്‍ട്ടേഴ്സ് ക്ലബ്ബ് "സ്പര്‍ശം19" പ്രദര്‍ശനം ഞായർ, തിങ്കൾ(7,8) തിയതികളിലായി. വേങ്ങര ടൗണ്‍ ഗേള്‍സ് സ്ക്കൂളില്‍ നടക്കുന്നു. ഞായർ രാവിലെ പത്തിന് അഡ്വ. കെ എന്‍ എ കാദര്‍ എം എല്‍ എ ഉദ്ഘാടനം ചെയ്യും. ബ്ലോക്ക് പ്രസിഡന്റ് ചാക്കീരി അബ്ദുല്‍ഹഖ്, എസ് ഐ മുഹമ്മദ് റഫീഖ് ,മലപ്പുറം പ്രസ് ക്ലബ്ബ് സെക്രട്ടറി സുരേഷ് എടപ്പാള്‍ തുടങ്ങിയവര്‍ പ്രസംഗിക്കും. ചടങ്ങില്‍ പ്രളയ ദുരിതാശ്വാസ പ്രവര്‍ത്തനങ്ങള്‍ക്ക് നേതൃത്ത്വം നല്‍കിയ സന്നദ്ധ സംഘടനകളെ അനുമോദിക്കും . രണ്ട് ദിവസങ്ങളിലായി നടക്കുന്ന പ്രദര്‍ശനത്തില്‍ പ്രളയം, പരിസ്ഥിതി തുടങ്ങിയവയുമായി ബന്ധപ്പെട്ട ഫോട്ടോ പ്രദര്‍ശനം , ചിത്ര പ്രദര്‍ശനം, പ്രമുഖ ആര്‍ട്ടിസ്റ്റുകളുടെ  ചിത്രം കാര്‍ട്ടൂണ്‍ തത്സമയ രചനകള്‍, തെങ്ങില്‍ തീര്‍ത്ത കര കൗശല വസ്തുക്കള്‍ , പുരാവസ്തു, നാണയം, സ്റ്റാമ്പ് പ്രദര്‍ശനങ്ങള്‍, മാജിക് ഷോ, ചില്ല് നടത്തം, അക്വോഫോണിക് കാര്‍ഷിക പ്രദര്‍ശനം തുടങ്ങിയവ നടക്കും.

തിങ്കളാഴ്ച വൈകുന്നേരം നാലിന്   പ്രകൃതി സംരക്ഷണ ചര്‍ച്ചാ സംഗമം നടക്കും. ജില്ലാ പഞ്ചായത്ത് അംഗം സലീം കുരുവമ്പലം ഉദ്ഘാടനം ചെയ്യും. പ്രമുഖ  പരിസ്ഥിതി പ്രവര്‍ത്തകന്‍ മഞ്ചേരി സുന്ദര്‍രാജ് പ്രബന്ധം അവതരിപ്പിക്കും  ജന പ്രതിനിധികള്‍, ഉദ്വോഗസ്ഥര്‍, പ്രകൃതി സംരക്ഷക പ്രവര്‍ത്തകര്‍ തുടങ്ങിയവര്‍ സംബന്ധിക്കും.

കുട്ടി അദ്ധ്യാപക പരിശീലന ശില്പശാലയും മാതൃകാ കോൺവൊക്കേഷൻ ചടങ്ങും

കുട്ടി അദ്ധ്യാപക പരിശീലന ശില്പശാലയും മാതൃകാ കോൺവൊക്കേഷൻ ചടങ്ങും

അദ്ധ്യാപകദിനാഘോഷങ്ങളോടനുബന്ധിച്ചു കെ എം എച്ച് എസ് എസ് കുറ്റൂർ നോർത്തിൽ വിദ്യാർത്ഥികളിൽ അദ്ധ്യാപന അഭിരുചി പോഷിപ്പിക്കാനായി ക്ലബ് ഇംഗ്ലീഷിന്റെ ആഭിമുഖ്യത്തിൽ  അഭിമുഖം സംഘടിപ്പിച്ചു .

തെരഞ്ഞെടുക്കപ്പെട്ട വിദ്യാർത്ഥി-അദ്ധ്യാപകർക്കായി  ഭാഷാപഠന പിന്നാക്കാവസ്ഥയിലുള്ള വിദ്യാർത്ഥികളെ ലാംഗ്വേജ് ലാബിന്റെ സഹായത്തോടെ പരിശീലനം കൊടുക്കുന്നതാണ് ഈ പദ്ധതി. 

ഒരാഴ്ച നീണ്ടു നിന്ന മത്സര ഇനങ്ങളിലൂടെ നടപ്പാക്കിയ പദ്ധതിയിൽ മികച്ച സ്റ്റുഡന്റ് -ടീച്ചർ ആയി ഹുദാ ഷൈമയെ തെരഞ്ഞെടുത്തു .മികച്ച പ്രകടനം കാഴ്ച വെച്ചവർക്കായി മോഡൽ കോൺവൊക്കേഷൻ ചടങ്ങും , റൂക്കി സ്റ്റുഡന്റ് ടീച്ചർ സർട്ടിഫിക്കേഷൻ പ്രോഗ്രാമും നടന്നു . 

 കോൺവൊക്കേഷൻ ചടങ്ങിൽ സർട്ടിഫിക്കേഷൻ കരസ്ഥമാക്കിയവരുടെ ആദ്യ  ബാച്ച് അവരുടെ വിദ്യാർത്ഥികൾക്കായി ലാംഗ്വേജ് ലാബിന്റെ സഹായത്തോടെ വിവിധ മത്സര പരിപാടികൾ സംഘടിപ്പിച്ച് വിജയികളെ കണ്ടെത്തി . 

ചടങ്ങിൽ പ്രധാനാധ്യാപകൻ പി ബി അനിൽകുമാർ സർട്ടിഫിക്കറ്റുകൾ വിതരണം ചെയ്തു , അധ്യാപകരായ ബേബി ജോൺ, ഗ്ലോറി.ജി , എ.അനിൽകുമാർ , സി സി ബിജുനാഥ് , സജീഷ് ബാബു കെ,  എൽ ലിജിൻ , ആർ. അനുസ്മിത , ഷീജു കെ എച്ച് എന്നിവർ മേൽനോട്ടം വഹിച്ചു.

 സ്റ്റുഡന്റ് - ടീച്ചർ കോർഡിനേറ്റർ ഫരീദ ഉമ്മർ നന്ദി പ്രകാശിപ്പിച്ചു.

ചിത്രം: കോൺവൊക്കേഷൻ ചടങ്ങിന് ശേഷം വിജയികൾ അദ്ധ്യാപകർക്കൊപ്പം

പറപ്പൂർ ഗ്രാമപഞ്ചായത്ത് കുടുംബ ശ്രി ഓണച്ചന്ത 2019സെപ്റ്റംബർ 6/7/8 തിയ്യതികളിൽ പറപ്പൂർ ചോലക്കുണ്ട് പള്ളിപ്പടിയിൽ 

പറപ്പൂർ ഗ്രാമപഞ്ചായത്ത് പ്രസിഡന്റ് പറങ്ങോടത്ത് മുഹമ്മദ്കുട്ടി ഉദ്ഘാനം നിർവ്വഹിക്കും ബ്ലോക്ക് വൈസ് പ്രസിഡന്റ് ബുഷ്റ മജിദ് മുഖൃ അതിഥിയായിരിക്കും ഭക്ഷൃഉൽപന്നങ്ങൾ പച്ചക്കറികൾ നാടൻ വിഭവങ്ങൾ വിവിധ തരം പൊടിക്കൾ തുണിത്തരങ്ങൾ വിവിധ തരത്തിലുള്ള മത്സരങ്ങൾ തുടങ്ങിയവ ഉണ്ടായിരിക്കും 6 തിയ്യതി പുക്കള മൽസരം 7തിയ്യതി മൈലാഞ്ചി ഇടൽമൽസരം 8 തിയ്യതി ഓണപ്പാട്ട്  നാടൻപാട്ട് മൽസങ്ങൾ ഉണ്ടായിരിക്കുന്നതാണ് ഓരോ മണിക്കൂറുകളിലും നറുക്കെടുപ്പ് ഉണ്ടായിരിക്കുന്നതാണ് കുടാതെ ചന്തയുടെ മുന്നാംദിവസം                      

മെഗാനറുക്കെടുപ്പും ഒന്നാം സമ്മാനം ടവർഫാൻ രണ്ടാം സമ്മാനം ഡിന്നർസെറ്റ് മുന്നാം സമ്മാനം ഫ്രൈഫാൻ  

9/9/2019 ന്. തിങ്കൾ സ്പെഷ്യൽ ചന്ത പറപ്പൂർ മേള ഓരോ മണിക്കൂർ ലും ഓരോസമ്മനങ്ങൾ രാത്രി 9 മണിക്ക്സമാപന സ്പെഷ്യൽ നറുക്കെടുപ്പ് ഓന്നാംസമ്മാനം ഗ്യാസ്‌സറ്റൗ രണ്ടാം സമ്മാനം ഡിന്നർസെറ്റ് മുന്നാംസമ്മാനം കുക്കർ ഏല്ലാം വെള്ളിയാഴ്ചകളിലും ആഴ്ച്ച ചന്ത ഉണ്ടായിരിക്കുന്നതാണന്നും ഭാരവാഹികൾ അറിയിച്ചു

പറപ്പൂർ എ.യു.പി സ്കൂളിൽ ഓണാഘോഷ പരിപാടികൾ സംഘടിപ്പിച്ചു

പറപ്പൂർ എ.യു.പി സ്കൂളിൽ ഓണാഘോഷ പരിപാടികൾ സംഘടിപ്പിച്ചു

പറപ്പൂർ AUP സ്കൂളിലെ ഓണാഘോഷ പരിപാടികൾ മാനേജർ ടി.മൊയ്തീൻ കുട്ടി എന്ന കുഞ്ഞു ഉദ്ഘാടനം ചെയ്തു. പ്രളയദുരിതാശ്വാസ ഫണ്ട് ശേഖരണം മാനേജ്മെൻറ് കമ്മറ്റി സെക്രട്ടറി TE മരക്കാരുട്ടി ഹാജി നിർവഹിച്ചു. പ്രളയ കെടുതികളിൽ സന്നദ്ധ സേവന പ്രവർത്തനങ്ങളിൽ പങ്കാളികളായ വിദ്യാർത്ഥികളായ മുഹമ്മദ് മിയാസ് CV,  മുഹമ്മദ് ശിബിലി VS, ഷഹിൻഷ CV എന്നീ കുട്ടികളെ ചടങ്ങിൽ ആദരിച്ചു.ദിൽഫ മെഹ്ഫിൻ V, ഫാത്തിമ മിൻഹ CK, ഫാരിസ് മിഹ്റാൻ എന്നീ കുട്ടികൾ അവരുടെ സമ്പാദ്യ കുടുക്കകൾ പ്രളയദുരിതാശ്വാസ ഫണ്ടിലേക്ക് സംഭാവന നൽകി.PTA വൈസ് പ്രസിഡൻറ് TE ശിഹാബ് അദ്ധ്യക്ഷം വഹിച്ചു. MTAപ്രസിഡന്റ് ഹസീന ബാനു CP, ഹെഡ്മാസ്റ്റർ C സുലൈമാൻ മാസ്റ്റർ, പ്രോഗ്രാം കമ്മിറ്റി കൺവീനർ A സാദിഖലി മാസ്റ്റർ തുടങ്ങിയവർ പ്രസംഗിച്ചു. തുടർന്ന് കുട്ടികളുടെയും അദ്ധ്യാപകരുടെ യും രക്ഷിതാക്കളുടേയും വിവിധ പരപാടികൾ  സംഘടിപ്പിച്ചു. സദ്യയും പായസവും വിതരണം ചെയ്തു

പ്രബുദ്ധതയുടെയും നീതി ബോധത്തിന്റെയും പരസ്പര സ്‌നേഹത്തിന്റെയും പ്രതീകമാണ് ഓണം;അഡ്വ : കെ എന്‍ എ ഖാദര്‍ എം എല്‍ എ

പ്രബുദ്ധതയുടെയും നീതി ബോധത്തിന്റെയും പരസ്പര സ്‌നേഹത്തിന്റെയും പ്രതീകമാണ് ഓണം;അഡ്വ : കെ എന്‍ എ ഖാദര്‍ എം എല്‍ എ

വേങ്ങര : പ്രബുദ്ധതയുടെയും നീതി ബോധത്തിന്റെയും പരസ്പര സ്‌നേഹത്തിന്റെയും

സാഹോദര്യത്തിന്റെയും പ്രതീകമാണ് ഓണമെന്ന് മണ്ഡലം എം.എല്‍.എ കെ.എന്‍.എ

ഖാദര്‍. ചേറൂര്‍ പി പി ടി എം സ്‌കൂള്‍ വിദ്യാര്‍ത്ഥികളുടെ ഓണാഘോഷം

ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സന്തോഷവും സമാധാനവും

നീതിയും സന്ദേശമാക്കാന്‍ ഓരോരുത്തരും ഈ ആഘോഷനാളില്‍ കൈകോര്‍ക്കണം.

        ഓണാഘോഷ പരിപാടിയെ വൈവിധ്യമാക്കിയ ഓണച്ചന്ത ഒരുക്കിയ വിദ്യാര്‍ഥികളെ

എം.എല്‍.എ അഭിനന്തിച്ചു. പിടിഎ പ്രസിഡണ്ട്  മുജീബ് പൂക്കോത്ത് അധ്യക്ഷത വഹിച്ചു സ്‌കൂള്‍ പ്രിന്‍സിപ്പല്‍ കാപ്പന്‍ അബ്ദുല്‍ ഗഫൂര്‍ മാസ്റ്റര്‍ സ്‌കൂള്‍ ഹെഡ്മാസ്റ്റര്‍ മജീദ് മാസ്റ്റര്‍ ഗ്രാമ പഞ്ചായത്ത് മെമ്പര്‍ കെ നെയിം പിടിഎ വൈസ് പ്രസിഡണ്ട് കുട്ടി അലി സി എന്‍എസ്എസ് കോഡിനേറ്റര്‍

ബഷീര്‍ മാസ്റ്റര്‍,കൃഷിഓഫീസര്‍ ജംഷീദ് ഹമീദ് മാസ്റ്റര്‍,ഹംസ ഹാജി,ബാബു കെ,പിടി മുജീബ് തുടങ്ങിയവര്‍ സംബന്ധിച്ചു

AMLP സ്കൂൾ പറപ്പൂർ വെസ്റ്റിൽ ഓണാഘോഷം വളരെ സമുചിതമായി ആഘോഷിച്ചു

AMLP സ്കൂൾ പറപ്പൂർ വെസ്റ്റിൽ ഓണാഘോഷം വളരെ സമുചിതമായി ആഘോഷിച്ചു

സമൃദ്ധിയുടെ ഓണം,സന്തോഷത്തിന്റെ ഓണം,സമത്വത്തിന്റെ ഓണം,ഒരിക്കൽ കൂടി മാവേലിമന്നനെ വരവേൽക്കാൻ AMLPS പറപ്പൂർ വെസ്റ്റിന്റെ അധ്യാപകരും വിദ്യാർത്ഥികളും,രക്ഷിതാക്കളും,PTA അംഗങ്ങളും,പൂർവ വിദ്യാർത്ഥികളും,അധ്യാപക വിദ്യാർത്ഥികളും,നാട്ടുകാരും,ഒന്നിച്ചുകൂടി സ്കൂൾഅങ്കണത്തിൽ ഓണപ്പാട്ടിന്റെ അകമ്പടിയിൽ വലിയ പൂക്കളം നിർമിച്ചു.

ഇന്നത്തെ സമൂഹത്തിലെ വിദ്യാർത്ഥികൾക്ക് പഴമയുടെ ഓണമത്സരങ്ങൾ പരിചയപ്പെടുത്തുന്നത് കൂടിയായിരുന്നു ഈ ഓണം.വാശിയേറിയ നിരവദി മത്സരങ്ങൾ അരങ്ങേറി.

രുചിയൂറും ഭക്ഷണത്തിന്റെ മണം മൂക്കിൻതുമ്പിൽ എത്തിമ്പോയേക്കും നാവിൻ തുമ്പിൽ രുചി മനസ്സിലാക്കാൻ കഴിവുള്ള  കൈപുണ്യമുള്ള രക്ഷിതാക്കളുടെ നേതൃത്വത്തിൽ ആയിരുന്നു ഭക്ഷണങ്ങൾ എല്ലാം തയ്യാറാക്കിയത്.

പരിപാടിയിൽ PTA പ്രസിഡന്റ് മുഹമ്മദ് ഹനീഫ.പി PTA,MPTA,

ഭാരവാഹികൾ,പ്രധാന അധ്യാപകൻ.കെ ദിനേശൻ നായർ,അധ്യാപകരായ ആർ.രാജേഷ്, എം.റഷീദ,ഇ.നജ്മുന്നീസ,കെ.മഹ്‌റൂഫ്,പി.ഹാഫിസ് ,അധ്യാപക വിദ്യാർത്ഥികളായ റഹീസ്,നിവിൻ,ഇൻസാം,വിനീത് പൂർവവിദ്യാർത്ഥികൾ,രക്ഷിതാക്കൾ,നാട്ടുകാർ എന്നിവർ പങ്കെടുത്തു.

പ്രളയ നിധിക്കായി പുതുമയുള്ള പെട്ടി

പ്രളയ നിധിക്കായി പുതുമയുള്ള പെട്ടി

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കൻഡറി സ്കൂളിൽ മുഖ്യമന്ത്രിയുടെ പ്രളയ ദുരിതാശ്വാസ ഫണ്ട് സ്വരൂപിക്കാനായി സ്ഥാപിച്ച ബോക്സ് വ്യത്യസ്തത കൊണ്ട് ശ്രദ്ധേയമായി.വെള്ളത്തിൽ നിന്നും ഉയർന്ന് വരുന്ന കൈകളിൽ ഭദ്രമായ കേരളത്തിന്റെ മാതൃകയിൽ നിർമ്മിച്ച സംഭാവനപ്പെട്ടി വേറിട്ട് നിന്നു. സ്കൂളിലെ ചിത്രകലാ അദ്ധ്യാപകൻ ഷൈജു കാക്കഞ്ചേരി രൂപ കൽപ്പന ചെയ്തതാണ് ഈ ബോക്സ്.  കേരളത്തെ താങ്ങി നിർത്തുന്ന സഹായഹസ്ഥങ്ങൾ പ്രളയാനന്തര കേരളത്തെയും സുമനസുകളുടെ കൈതാങ്ങും ഓർമ്മിപ്പിക്കുന്നതാണ് ഈ സംഭാവനപ്പെട്ടി. സ്കൂളിലെ ഓണാഘോഷത്തിന്റെ ഭാഗമായി മഹാബലിയുടെ വേഷം കെട്ടിയ ഒമ്പതാം ക്ലാസുകാരൻ ഋതിൻദാസ് ആദ്യ സംഭാവനയ നിക്ഷേപിച്ച് ഉദ്ഘാടനം നിർവ്വഹിച്ചു.

പ്രിൻസിപ്പാൾ യൂസുഫ് കരുമ്പിൽ, ഹെഡ്മാസ്റ്റർ പി.ബി അനിൽകുമാർ, ബേബി ജോൺ, ഹസ്സൻ ആലുങ്ങൽ, അസീസ് കാമ്പ്രൻ, അബ്ദു കാരാടൻ, ഷൈജു കാക്കഞ്ചേരി ,  ഷംന എന്നിവർ സംബന്ധിച്ചു. നാല് ദിവസം ബോക്സ് വഴി സംഭാവനകൾ സ്വീകരിക്കും.

ഓണാഘോഷവും ഓണസദ്യയും സംഘടിപ്പിച്ചു. ഓണാഘോഷങ്ങൾക്ക് പി സി ഗിരീഷ് കുമാർ, പി.സുജിത് കുമാർ, അജ്മൽ തറമ്മൽ, ശാഭന പൂളക്കുത്ത്, ജി. ശ്രീജിത്ത് എന്നിവർ നേതൃത്വം നൽകി.

കവളപ്പാറ; മുഴുവൻ മൃതദേഹങ്ങളും കണ്ടെത്താതെ തിരച്ചിൽ നിർത്തിയത് സർക്കാരിന്റെ പിടിപ്പുകേട് : കെ എൻ എ കാദർ എംഎൽഎ

കവളപ്പാറ; മുഴുവൻ മൃതദേഹങ്ങളും കണ്ടെത്താതെ തിരച്ചിൽ നിർത്തിയത് സർക്കാരിന്റെ പിടിപ്പുകേട് :  കെ എൻ എ കാദർ എംഎൽഎ

ഒതുക്കുങ്ങൽ  : കവളപ്പാറയിൽ കാണാതായ മൃതദേഹങ്ങൾ മുഴുവൻ കണ്ടെത്തുന്നതിനു മുമ്പ് തന്നെ തിരച്ചിൽ നിർത്തിയത്  സർക്കാരിൻറെ പിടിപ്പുകേടാണെന്ന് അഡ്വ. കെ എന്‍ എ കാദര്‍ എം എല്‍ എ. ഒതുക്കുങ്ങൽ പഞ്ചായത്ത് ഗ്ലോബൽ കെ എം സി സി നടത്തിയ ആദരം പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

 പ്രളയാനന്തരം കാണാതായ ബന്ധുക്കളെ കണ്ടെത്താൻ സാധിക്കാത്തതിൽ പ്രയാസപ്പെടുന്ന കുടുംബാംഗങ്ങൾക്ക് ആശ്വാസമേകാൻ മൃതദേഹങ്ങൾ കണ്ടെത്തുക തന്നെ വേണം. കണ്ടെത്തുന്നതുവരെ സർക്കാർ തിരച്ചിൽ നടത്തണം. യാതൊരു ചർച്ചയും കൂടാതെ സർക്കാരെടുത്ത തീരുമാനത്തില്‍ പൊതു സമൂഹത്തിന് വലിയ പ്രതിഷേധമുണ്ട്.

ദുരിതബാധിതർക്ക് പ്രഖ്യാപിച്ച ആനുകൂല്യം എത്രയും പെട്ടെന്ന് നൽകണമെന്നും  എംഎൽഎ ആവശ്യപ്പെട്ടു.

മുഹമ്മദ് പുല്ലമ്പലവൻ അധ്യക്ഷത വഹിച്ചു.പുല്ലാണി സൈദ്,അടാട്ടിൽ കുഞ്ഞാപ്പു,ശിഹാബ് മാസ്റ്റർ

എന്നിവർ പ്രസംഗിച്ചു.സലാം എം ടി സ്വഗതവും അനീസ് പി കെ നന്ദിയും പറഞ്ഞു

മമ്പുറം ആണ്ടുനേര്‍ച്ചക്ക് നാളെ കൊടികയറ്റം

മമ്പുറം ആണ്ടുനേര്‍ച്ചക്ക് നാളെ കൊടികയറ്റം

മലപ്പുറം: മലബാറിലെ ആത്മീയാചാര്യനും സ്വാതന്ത്ര്യ സമര പോരാട്ടങ്ങളിലെ ഊര്‍ജ്ജവുമായിരുന്ന ഖുഥ്ബുസ്സമാന്‍ സയ്യിദ് അലവി മൗലദ്ദവീല തങ്ങളുടെ 181-ാം ആണ്ടുനേര്‍ച്ചക്ക് ഞായറാഴ്ച്ച കൊടിയേറ്റം.ജാതി-മത ഭേദമന്യേ പതിനായിരങ്ങള്‍ പങ്കെടുക്കുന്ന നേര്‍ച്ചയുടെ മുഴുവന്‍ ഒരുക്കങ്ങളും പൂര്‍ത്തിയായതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. മമ്പുറം മഖാം ദാറുല്‍ഹുദാ മാനേജിംഗ് കമ്മിറ്റി ഏറ്റെടുത്തതിന് ശേഷമയുള്ള 21-ാമത് നേര്‍ച്ച കൂടിയാണിത്.
ഞായറാഴ്ച്ച അസ്വര്‍ നമസ്‌കാരാനന്തരം മഖാമില്‍ കൂട്ട സിയാറത്ത് നടക്കും. കോഴിക്കോട് വലിയ ഖാസി പാണക്കാട് സയ്യിദ് നാസര്‍ ഹയ്യ് ശിഹാബ് തങ്ങള്‍ നേതൃത്വം നല്‍കും. തുടര്‍ന്ന് മമ്പുറം സയ്യിദ് അഹ്മദ് ജിഫ്രി തങ്ങള്‍ കൊടികയറ്റുന്നതോടെ ഒരാഴ്ച്ച നീണ്ടുനില്‍ക്കുന്ന 181-ാം ആണ്ടുനേര്‍ച്ചക്ക് തുടക്കമാവും.
മഗ്‌രിബ് നമസ്‌കാരാനന്തരം മജ്്‌ലിസുന്നൂര്‍ ആത്മീയ സംഗമം നടക്കും. സമസ്ത കേന്ദ്ര മുശാവറാംഗം എ. മരക്കാര്‍ മുസ്്‌ലിയാര്‍ പ്രാര്‍ത്ഥനക്ക് നേതൃത്വം നല്‍കും. അബ്ദുസ്സലാം ബാഖവി കിഴിശ്ശേരി പ്രഭാഷണം നടത്തും.
2,3,4 (തിങ്കള്‍, ചൊവ്വ, ബുധന്‍) തിയ്യതികളില്‍ രാത്രി മൗലിദ് പാരായണവും ഉദ്‌ബോധന ക്ലാസുകളും നടക്കും. 5-ന് രാത്രി നടക്കുന്ന മമ്പുറം സ്വലാത്ത് മജ്്‌ലിസിന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈല്‍ നേതൃത്വം നല്‍കും. 6-ന് രാത്രി മമ്പുറം തങ്ങള്‍ അനുസ്മരണ പ്രഭാഷണം നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂര്‍ അനുസ്മരണപ്രഭാഷണം നടത്തും. 7-ന് ശനി രാത്രി പ്രാര്‍ത്ഥന സമ്മേളനവും മമ്പുറം സയ്യിദ് മൗലദ്ദവീല ഹിഫ്‌ളുല്‍ ഖുര്‍ആന്‍ കോളേജില്‍ നിന്നു ഖുര്‍ആന്‍ മനഃപാഠമാക്കിയ ഹാഫിളീങ്ങള്‍ക്കുള്ള സനദ് ദാനവും നടക്കും. പാണക്കാട് സയ്യിദ് സ്വാദിഖലി ശിഹാബ് തങ്ങള്‍ പ്രാര്‍ത്ഥനാ സമ്മേളനം ഉദ്ഘാടനം ചെയ്യും. ദാറുല്‍ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷത വഹിക്കും. പ്രാര്‍ത്ഥനാ സദസ്സിന് വാവാട് കുഞ്ഞിക്കോയ മുസ്്‌ലിയാര്‍ നേതൃത്വം നല്‍കും. സമസ്ത കേരള ജംഇയ്യത്തുല്‍ ഉലമാ ജന.സെക്രട്ടറി കെ.ആലിക്കുട്ടി മുസ്്‌ലിയാര്‍ സനദ് ദാനം നിര്‍വഹിക്കും.
നേര്‍ച്ചയുടെ സമാപന ദിനമായ എട്ടിന് ഞായറാഴ്ച്ച രാവിലെ എട്ട് മണി മുതല്‍ അന്നദാനം നടക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് അബ്ദുര്‍റഹ്്മാന്‍ ജിഫ്രി തങ്ങള്‍ കോഴിക്കോട് അധ്യക്ഷത വഹിക്കും. സയ്യിദ് ആബിദ് ഹുസൈന്‍ തങ്ങള്‍ എം.എല്‍.എ, സയ്യിദ് അഹ്്മദ് ജിഫ്രി തങ്ങള്‍ മമ്പുറം, പ്രമുഖ സാദാത്തീങ്ങളും ആലിമീങ്ങളും സംബന്ധിക്കും.
ഉച്ചക്ക് ളുഹ്ര് നമസ്‌കാരാനന്തരം നടക്കുന്ന മൗലിദ് ഖത്മ് ദുആയോടെ ഒരാഴ്ച്ചത്തെ മമ്പുറം ആണ്ടുനേര്‍ച്ചക്ക് സമാപ്തിയാവും. സമാപന പ്രാര്‍ത്ഥനക്ക് സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍ നേതൃത്വം നല്‍കും. അന്നദാനത്തിനായി ഒരു ലക്ഷത്തിലധികം പാക്കറ്റുകള്‍ തയ്യാറാക്കുമെന്നും ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

തോട്ടശ്ശേരിയറ - നെടിയിരുപ്പ് ഹരിജൻ കോളനി റോഡ് ഉദ്‌ഘാടനം ചെയ്‌തു

തോട്ടശ്ശേരിയറ - നെടിയിരുപ്പ് ഹരിജൻ കോളനി റോഡ് ഉദ്‌ഘാടനം ചെയ്‌തു 

തോട്ടശ്ശേരിയറ - നെടിയിരുപ്പ് ഹരിജൻ കോളനി റോഡ് ബിഎം ആൻഡ് ബിസി വർക്ക് 4 കോടി 75 ലക്ഷം രൂപ ചിലവഴിച്ചു പുതുതായി പ്രവർത്തി പൂർത്തിയാക്കിയ ഉദ്ഘാടനം വേങ്ങര എംഎൽഎ കെ എൻ എ കാദർ നിർവഹിച്ചു.ജില്ലാ പഞ്ചായത്ത് പ്രസിഡന്റ് എ പി ഉണ്ണികൃഷ്ണൻ അധ്യക്ഷത വഹിച്ചു  ബ്ലോക്ക് പഞ്ചായത്ത് പ്രസിഡൻറ് ചാക്കീരി അബ്ദുൽ ഹഖ് ഗ്രാമപഞ്ചായത്ത് പ്രസിഡണ്ട് കെ പി സരോജിനി  ജില്ലാ പഞ്ചായത്ത് അംഗം സലീം കുരുവമ്പലം ഗ്രാമ പഞ്ചായത്ത് വൈസ് പ്രസിഡണ്ട് പുള്ളാട്ട് സലീം മാസ്റ്റർ മെമ്പർമാരായ പുള്ളാട്ട് ശരീഫ് ബേബി ചാലിൽ ടി കെ അബ്ദു ടി പി ശരീഫ് അബ്ദുറഹ്മാൻ പള്ളിയാളി ബേബി ശ്രീ നൗഷാദ് കാമ്പ്രം പുളിക്കൽ അബൂബക്കർ മാസ്റ്റർ കൊമ്പതിൽ അബ്ദുറസാഖ് ഇ കെ ആലി മൊയ്തീൻ ഇ കെ കെ അലി ബാവ കെ പി ജയൻ കെ വി ബാലസുബ്രഹ്മണ്യം സുബ്രഹ്മണ്യൻ എം പി അബ്ദുല്ല അസിസ്റ്റൻറ് എൻജിനീയർ ഗീത ജി എക്സിക്യൂട്ടീവ് എഞ്ചിനീയർ പൊതുമരാമത്ത് അബ്ദുൽ അസീസ് അസിസ്റ്റൻറ് എക്സിക്യൂട്ടീവ് എഞ്ചിനീയർ പൊതുമരാമത്ത് തുടങ്ങിയവർ പ്രസംഗിച്ചു

അമ്മാഞ്ചേരിക്കാവിൽ ശുദ്ധികലശവും പരിഹാരക്രിയകളും ഇന്ന് സമാപിക്കും

അമ്മാഞ്ചേരിക്കാവിൽ ശുദ്ധികലശവും പരിഹാരക്രിയകളും ഇന്ന് സമാപിക്കും

വേങ്ങര:വേങ്ങര അമ്മാഞ്ചേരിക്കാവ് ഭഗവതീക്ഷേത്രത്തിൽ ചൊവ്വാഴ്ച തുടങ്ങിയ ശുദ്ധികലശവും പരിഹാരക്രിയകളും വെള്ളിയാഴ്ച സമാപിക്കും. ചൊവ്വാഴ്ച കാലത്ത് ആറിന് അഭിഷേകത്തോടെയായിരുന്നു ചടങ്ങുകൾ തുടങ്ങിയത്. വ്യാഴാഴ്ച തിലഹവനം, പ്രാസാദശുദ്ധി ക്രിയകൾ, വാസ്തുബലി, ഭഗവത്‌സേവ എന്നിവ നടന്നു. അത്താഴപൂജയ്ക്കുശേഷം നടയടച്ചു.

വെള്ളിയാഴ്ച കാലത്ത് ആറിന് അഭിഷേകത്തോടെ ചടങ്ങുകൾ തുടങ്ങും. മലർനിവേദ്യം, ഉഷപൂജ, ഗണപതിഹോമം, ബിംബശുദ്ധി കലശാഭിഷേകങ്ങൾ, സായുജ്യപൂജ, 25 കലശത്തോടെയുള്ള ഉച്ചപ്പൂജ എന്നിവയ്ക്കുശേഷം വൈകീട്ട് ഏഴിന് അത്താഴപൂജയോടെ ചടങ്ങുകൾ സമാപിക്കും. തന്ത്രി കുട്ടല്ലൂർ നാരായണൻ നമ്പൂതിരി, എളമ്പിലക്കാട്ട് ആനന്ദ് നമ്പൂതിരി എന്നിവരാണ് കാർമികത്വം വഹിക്കുന്നത്.

കളിസ്ഥലത്തെ ഒച്ചയുടെ പേരിൽ വീണ്ടും ഒച്ചപ്പാട്‌

വേങ്ങര:ചേറൂർ റോഡിലെ കളിസ്ഥലത്തുനിന്നുള്ള ശബ്ദമലിനീകരണത്തിന്‌ കുറവില്ലെന്ന്‌ വീണ്ടും റസിഡന്റ്‌സ്‌ അസോസിയേഷനും നാട്ടുകാരും. 

അസോസിയേഷൻ  കളിസ്ഥലം നടത്തിപ്പുകാരുമായുണ്ടാക്കിയ കരാർ ലംഘിച്ചതായും ഇവർ പരാതിപ്പെട്ടു. മിനി വെസ്റ്റ്  റസിഡന്റ്‌സ് അസോസിയേഷന്റെ പരാതിയിൽ  ഏപ്രിലിൽ ഇരുകൂട്ടരും തമ്മിൽ  ധാരണയിലെത്തിയിരുന്നു. ഇപ്പോൾ പ്രശ്‌നം വീണ്ടും ഉയർന്നിരിക്കയാണ്‌. 

അന്ന്‌ ഊരകം പഞ്ചായത്ത് പ്രസിഡന്റിന്റെ  അധ്യക്ഷതയിലായിരുന്നു യോഗം. 

ധാരണപ്രകാരം ശബ്ദനിയന്ത്രണത്തിനായി സൗണ്ട് പ്രൂഫിങ്‌ ഏർപ്പെടുത്തുക, കളിസമയം രാവിലെ ആറുമുതൽ എട്ടുവരെയാക്കുക തുടങ്ങിയവയാണ് നടപ്പാകാതെപോയത്. 

15–-ലധികം കുടുംബങ്ങൾ താമസിക്കുന്നിടത്ത് കുട്ടികളുടെ പഠനവും സമാധാനാന്തരീക്ഷവും നഷ്ടപ്പെടുന്നുവെന്നതിനാൽ പഞ്ചായത്ത് ഭരണാധികാരികൾക്ക് വീണ്ടും  പരാതി നൽകിയിരിക്കയാണ് നാട്ടുകാർ...

അമ്മാഞ്ചേരിക്കാവിൽ ശുദ്ധികലശവും പരിഹാരക്രിയകളും ഇന്ന് തുടങ്ങും

വേങ്ങര: വേങ്ങര അമ്മാഞ്ചേരിക്കാവ് ഭഗവതീക്ഷേത്രത്തിൽ ശുദ്ധികലശവും പരിഹാരക്രിയകളും ചൊവ്വാഴ്ച തുടങ്ങും. കാലത്ത് ആറിന് അഭിഷേകം, മലർനിവേദ്യം, ഉച്ചപൂജ, ഗണപതിഹോമം തുടങ്ങിയ പുരിപാടികൾക്കുശേഷം വൈകീട്ട് ഏഴിന് അത്താഴപൂജയോടെ നടയടയ്ക്കും. ബുധനാഴ്ച മലർനിവേദ്യം, സപ്തശുദ്ധി അഭിഷേകം, വിളിച്ചുചൊല്ലി പ്രായശ്ചിത്തം, ഭഗത്‌സേവ, വിഷ്ണുസഹസ്രനാമജപം തുടങ്ങിയ ചടങ്ങുകളും രാവിലെ അന്നദാനവും ഉണ്ടാവും.

വ്യാഴാഴ്ച പ്രാസാദശുദ്ധി ക്രിയകൾ, വാസ്തുബലി, ഭഗവത്‌സേവ തുടങ്ങിയ ചടങ്ങുകളുണ്ടാകും. അത്താഴപൂജയ്ക്കുശേഷം നടയടയ്ക്കും. വെള്ളിയാഴ്ച ബിംബശുദ്ധി കലശാഭിഷേകങ്ങൾ, സായൂജ്യപൂജ, 25 കലശത്തോടെയുള്ള ഉച്ചപൂജ തുടങ്ങിയ ചടങ്ങുകൾക്കുശേഷം വൈകീട്ട് ഏഴിന് അത്താഴപൂജയോടെ ചടങ്ങുകൾ സമാപിക്കും. തന്ത്രി കുട്ടല്ലൂർ നാരായണൻ നമ്പൂതിരി, എളമ്പിലക്കാട്ട് ആനന്ദ് നമ്പൂതിരി എന്നിവർ കാർമികത്വം വഹിക്കും.

തിരൂരങ്ങാടി സപ്ലൈ ഓഫീസിന് കീഴിലുള്ള റേഷൻ കാർഡ് ഉടമകൾക്ക് റേഷൻ കാർഡ് ആധാറുമായി ലിങ്ക് ചെയ്യുന്നതിനുള്ള അവസാന അവസരം

തിരൂരങ്ങാടി സപ്ലൈ ഓഫീസിന് കീഴിലുള്ള റേഷൻ കാർഡ് ഉടമകൾക്ക് റേഷൻ കാർഡ് ആധാറുമായി ലിങ്ക് ചെയ്യുന്നതിനുള്ള അവസാന അവസരം

തിരൂരങ്ങാടി:റേഷൻ കാർഡ് ആധാർ കാർഡുമായി ഇതുവരെയും ലിങ്ക് ചെയ്യാത്ത കാർഡുടമകൾക്കായി തിരൂരങ്ങാടി താലൂക്ക് സപ്ലൈ ഓഫിസിൽ വച്ച് ആധാർ ലിങ്ക് ചെയ്യുന്നതിനായി 30.08.2019 വെളളി വേങ്ങര, ഊരകം, ഒതുക്കുങ്ങൽ, പറപ്പൂർ പഞ്ചായത്തുകൾ
31.08.2019 ശനി
തേഞ്ഞിപ്പലം, പെരുവളളൂർ, എ.ആർ നഗർ, കണ്ണമംഗലം പഞ്ചായത്തുകൾ
സമയം രാവിലെ 10.30 മുതൽ വൈകുന്നേരം 4.00 മണി വരെ
2019 ആഗസ്റ്റ് 31 നു ശേഷം ആധാർ കാർഡ് റേഷൻ കാർഡുമായി ലിങ്ക്
ചെയ്യുന്നതിന് അവസരം ഉണ്ടായിരിക്കുന്നതല്ല. ആയതിനാൽ ഈ അവസരം
ഇതുവരെ ലിങ്ക് ചെയ്യാത്ത മുഴുവൻ പേരും വിനിയോഗിക്കണമെന്ന് താലൂക്ക്
സപ്പെ ഓഫീസർ അറിയിച്ചു

പക്ഷിമഘട്ടം മലകളുടെ തകർച്ച പ്രകൃതി ക്ഷോഭത്തിന് കാരണമായി  കെ എൻ എ ഖാദർ എം എൽ എ

ഒതുക്കുങ്ങൽ : പക്ഷിമഘട്ടം മല നിരകളുട തകർച്ച പ്രകൃതി ക്ഷോഭത്തിന് കാരണമായി അഡ്വ. കെ എന്‍ എ കാദര്‍ എം എല്‍ എ അഭിപ്രായപ്പെട്ടു.

 ഒതുക്കുങ്ങൽ പൊട്ടിക്കല്ല് എസ് കെ എസ് എസ് എഫ് ക്ലസ്റ്റർ  കോൺഫ്രൻസ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.  9 കോടി വർഷം മുമ്പ് ദൈവം ജീവജാലങ്ങൾക്ക് വേണ്ടി സൃഷ്ടിച്ച പക്ഷിമഘട്ടം ഗുജറാത്ത് മുതൽ തമിഴ്നാട് വരെ നീണ്ടുകിടക്കുന്ന പക്ഷിമ ഘട്ടം മലകളും കുന്നുകളും അന്യായമായ കയ്യേറ്റത്തിൽ  നശിപ്പിച്ചത്  കാരണമാണ് പ്രകൃതിക്ഷോഭം ഉണ്ടാകുന്നതായും 

എല്ലാ മതങ്ങളും വേദഗ്രന്ഥങ്ങളും പ്രകൃതി സംരക്ഷിക്കണമെന്ന് ആവശ്യപ്പെടുന്നുണ്ടെന്നും

ഭൂമിയെ മനുഷ്യൻറെ കൈകടത്തൽ മൂലം ജീവജാലങ്ങളുടെ വാസസ്ഥലം ഇല്ലാതാക്കി മാറ്റി

വരും തലമുറക്ക് ഇവിടെ ജീവിതം സാധിക്കാത്ത വിധമാക്കിയതായും എംഎൽഎ കൂട്ടിച്ചേർത്തു.

ശരീഫ് ഫൈസി അധ്യക്ഷത വഹിച്ചു

 സൈതലവി മുസ്ലിയാർ ഗൂഡല്ലൂര് മുഖ്യപ്രഭാഷണം നടത്തി. സഫീർ ബാബു ,കബീർ ഫൈസി,

ശരീഫ് പൊട്ടിക്കല്ല് തുടങ്ങിയവർ പ്രസംഗിച്ചു

വലിയോറ ബാക്കിക്കയം റെഗുലേറ്റര്‍ ഷട്ടറിന്റെ ഉയരകുറവ് പരിഹരിക്കാന്‍ നടപടി സ്വീകരിക്കണം

വലിയോറ ബാക്കിക്കയം റെഗുലേറ്റര്‍ ഷട്ടറിന്റെ ഉയരകുറവ് പരിഹരിക്കാന്‍ നടപടി സ്വീകരിക്കണം

മലപ്പുറം: പ്രളയ സമയത്ത് വേങ്ങര, വലിയോറ, പാണ്ടികശാല പ്രദേശങ്ങളില്‍ ജലനിരപ്പ് ഉയര്‍ന്നതിന് കാരണമായ ബാക്കിക്കയം റെഗുലേറ്റര്‍ ഷട്ടറിന്റെ ഉയരകുറവ് പരിഹരിക്കാന്‍ നടപടി സ്വീകരിക്കണമെന്ന് അഡ്വ. കെ.എന്‍.എ ഖാദര്‍ എം.എല്‍.എ.  മലപ്പുറം കലക്ട്രേറ്റ് ആസൂത്രണ സമിതി ഓഡിറ്റോറിയത്തില്‍ വേങ്ങര മണ്ഡലം പ്രളയ കെടുതി വിലയിരുത്താന്‍ വിളിച്ചുചേര്‍ത്ത യോഗം ഉദ്ഘാടനം ചെയ്യുകയായിരുന്നു. വേങ്ങര കൂരിയാട് ജംഗ്ഷന്‍ പ്രളയകാലത്ത് ഒറ്റപ്പെടുന്നതിനാല്‍ ഈ പ്രദേശത്തെ റോഡ് ഉയര്‍ത്തുന്നതിന് ആവശ്യമായ നടപടി സ്വീകരിക്കണം. വേങ്ങര നിയോജക മണ്ഡലത്തിലെ കുഴിപ്പുറം പാലത്തിന് തകരാര്‍ സംഭവിക്കും വിധം സൈഡ് തകര്‍ന്നിട്ടുണ്ട്. ഇവിടെ പ്രൊട്ടക്ഷന്‍ വര്‍ക്ക് നടത്തണമെന്നും നിയോജക മണ്ഡല തകര്‍ന്ന് പോയ സൈറ്റുകള്‍ കെട്ടി വീടുകള്‍ സംരക്ഷിക്കുന്നതിന് ആവശ്യമായ നടപടി സ്വീകരിക്കണമെന്നും, പ്രളയത്തില്‍ സഞ്ചാര യോഗ്യമല്ലാതായ പറപ്പൂര്‍ പഞ്ചായത്തിനെയും ഒതുക്കുങ്ങല്‍ പഞ്ചായത്തിനെയും ബന്ധിപ്പിക്കുന്ന കാഞ്ഞിരക്കടവ് തൂക്കുപാലം ഗതാഗത യോഗ്യമാക്കണമെന്നും, പുത്തൂര്‍ പുതിയ പാലത്തിന്റെ അപ്രോച്ച് റോഡിലുണ്ടായ വിള്ളല്‍ പരിശോധിക്കാനും നിര്‍ദേശം നല്‍കി. 

എ.ആര്‍ നഗര്‍ പഞ്ചായത്തില്‍ 40 വീടുകള്‍ക്ക് നമ്പര്‍ കിട്ടാതെ കഷ്ടപ്പെടുന്നുണ്ട് ഇവര്‍ക്ക് എത്രയും പെട്ടെന്ന് നമ്പര്‍ നല്‍കുന്നതിന് നടപടി സ്വീകരിക്കണം. പുത്തൂര്‍പാടത്ത് സ്ഥാപിച്ചിട്ടുള്ള വൈദ്യുതി ട്രാന്‍സ്‌ഫോര്‍മര്‍ പ്രളയത്തില്‍ വെള്ളത്തില്‍ മുങ്ങുകയും യാതൊരു പ്രൊട്ടക്ഷന്‍  ഇല്ലാത്തത് കാരണം അപകടങ്ങള്‍ സംഭവിക്കാന്‍ കാരണം ഉള്ളതിനാല്‍ ആവശ്യമായ പ്രൊട്ടക്ഷന്‍ നിര്‍മ്മിക്കാന്‍ നടപടി സ്വീകരിക്കണം. പ്രളയ ബാധിതരായ ക്യാമ്പില്‍ രജിസ്റ്റര്‍ ചെയ്തിട്ടുള്ള വരും ചെയ്യാത്തവരും ആയ എല്ലാവര്‍ക്കും ആനുകൂല്യം ലഭിക്കുക, ഭാഗികമായും പൂര്‍ണമായും തകര്‍ന്ന വീടുകള്‍ക്കും കെട്ടിടങ്ങള്‍ക്കും ആവശ്യമായ നഷ്ടപരിഹാരം എത്രയും പെട്ടെന്ന് നല്‍കാന്‍ നടപടി സ്വീകരിക്കുക, പ്രളയത്തില്‍ തകര്‍ന്ന മുഴുവന്‍ റോഡുകളും നന്നാക്കുന്നതിന് ആവശ്യമായ നടപടി സ്വീകരിക്കുക, നിയോജകമണ്ഡലത്തില്‍ പ്രളയം മൂലം  തകരാറിലായ ശുദ്ധജല വിതരണ പദ്ധതി കേടുപാടുകള്‍ നികത്തി ജലം എത്തിക്കുന്നതിന് ആവശ്യമായ നടപടി സ്വീകരിക്കുക, തകരാറിലായ വൈദ്യുതിയില്‍ പമ്പ് സെറ്റുകള്‍ എന്നിവ എത്രയും പെട്ടെന്ന് കേടുപാടുകള്‍ തീര്‍ക്കുക തുടങ്ങിയ വിഷയങ്ങള്‍ യോഗത്തില്‍ ചര്‍ച്ച ചെയ്തു. ജില്ലാ കലക്ടര്‍ ജാഫര്‍ മാലിക് അധ്യക്ഷത വഹിച്ചു. ഡെപ്യൂട്ടി കലക്ടര്‍ അരുണ്‍കുമാര്‍, ബ്ലോക്ക് പഞ്ചായത്ത് പ്രസിഡന്റ്, ഗ്രാമ പഞ്ചായത്ത് പ്രസിഡന്റുമാര്‍ ജില്ലയിലെ വിവിധ വകുപ്പുകളിലെ ഉന്നത ഉദ്യോഗസ്ഥര്‍  മണ്ഡലത്തിലെ പഞ്ചായത്തുകളിലെ സെക്രട്ടറിമാര്‍ വില്ലേജ് ഓഫീസര്‍മാര്‍ വിവിധ വകുപ്പ് മുതിര്‍ന്ന ഉദ്യോഗസ്ഥര്‍ യോഗത്തില്‍ പങ്കെടുത്തു.

ടോയ്ലറ്റ് ബ്ലോക്ക് ഉദ്ഘാടനം ചെയ്തു

മലപ്പുറം ജില്ലാ സുവർണ്ണ ജൂബിലി ആഘോഷങ്ങളുടെ ഭാഗമായി കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂളിൽ ജില്ലാ പഞ്ചായത്ത് പദ്ധതി പ്രകാരം നിർമ്മിച്ച ടോയ്ലറ്റ് ബ്ലോക്കുകളുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണിക്കൃഷ്ണൻ നിർവ്വഹിച്ചു. 

പന്ത്രണ്ട് ലക്ഷം രൂപ ചിലവിലാണ് പദ്ധതി പൂർത്തീകരിച്ചത്. ചടങ്ങിൽ ജില്ലാ പഞ്ചായത്ത് മെമ്പർ സലീം കുരുവമ്പലം അദ്ധ്യക്ഷനായിരുന്നു. മാനേജർ കെ.പി.ഹുസൈൻ ഹാജി ,പി ടി എ പ്രസിഡന്റ് കെ..കെ.മൊയ്തീൻ കുട്ടി, പ്രിൻസിപ്പാൾ യൂസുഫ് കരുമ്പിൽ, ഹെഡ്മാസ്റ്റർ പി.ബി. അനിൽ കുമാർ ,ഹസ്സൻ ആലുങ്ങൽ, കെ.പി. ദുർഗ്ഗാദാസ് ,യൂണിയൻ ചെയർമാൻ പി കെ..ഷാജഹാൻ, കാരാടൻ അബ്ദു, പി.മുഹമ്മദ് കുട്ടി, ഷംസുദ്ദീൻ പറാടൻ , കെ.എം ജയഭാരതി എന്നിവർ സംബന്ധിച്ചു.

നാടിന്റെ വളർച്ചയ്ക്ക് അഭിമാനത്തോടെ AMLPS പറപ്പൂർ വെസ്റ്റും

നാടിന്റെ വളർച്ചയ്ക്ക് അഭിമാനത്തോടെ AMLPS പറപ്പൂർ വെസ്റ്റും

AMLP സ്കൂൾ പറപ്പൂർ വെസ്റ്റിലെ വിദ്യാർത്ഥികളും അധ്യാപകരും,രക്ഷിതാക്കളും,പൂർവ്വവിദ്യാർത്ഥികളും  ഒത്തൊരുമിച്ചുകൊണ്ട് മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് ഒരു കുഞ്ഞു സഹായവുമായി രുചിക്കൂട്ട് വിപണന മേള വേങ്ങര കോട്ടക്കൽ വഴി കൂമൻകല്ല് പാലത്തിന് സമീപത്തായി  വിത്യസ്ത തരം രുചിയൂറും വിഭവങ്ങളുമായി വിപുലമായി നടന്നു.പരിപാടി വേങ്ങര സബ് ഇൻസ്‌പെക്ടർ ശ്രീ.മുഹമ്മദ് റഫീഖ് ഉദ്ഘാടനം നിർവഹിച്ചു.PTA പ്രസിഡന്റ് മുഹമ്മദ് ഹനീഫ.പി PTA വൈസ് പ്രസിഡന്റ് രമ്യ.ടി ,PTA MPTA ഭാരവാഹികളും,ഹെഡ്മാസ്റ്റർ ദിനേശൻ നായർ,SRG കൺവീനർ R.രാജേഷ്,അധ്യാപകരായ  റഷീദ.M,നജ്മുന്നീസ.E, മഹ്‌റൂഫ്.K,ഹാഫിസ്.P,എന്നിവരും പൂർവവിദ്യാർത്ഥികളും,

ടീച്ചർ ട്രൈനീസ് അധ്യാപകവിദ്യാര്ഥികളായ വിനീത്.Kp, റഹീസ്.K, ഇൻസാം.P,അടക്കം  നിരവധി രാഷ്ട്രീയ സാമൂഹിക മത രംഗത്തെ പ്രമുഖരും പരിപാടി വീക്ഷിക്കുകയും പങ്കെടുക്കുകയും  സഹകരിക്കുകയും ചെയ്തു.

പ്രളയം വിളക്കണച്ച വീടുകളില്‍ വീണ്ടും പ്രതീക്ഷയുടെ തിരി തെളിയിച്ച് EWSCES

പ്രളയം വിളക്കണച്ച വീടുകളില്‍ വീണ്ടും പ്രതീക്ഷയുടെ തിരി തെളിയിച്ച് EWSCES

EWSCES ന്റെ ജില്ലയിലെ വിവിധ ഭാഗങ്ങളില്‍ നിന്ന് എത്തിയ നൂറുക്കണക്കിന് സന്നദ്ധ പ്രവര്‍ത്തകര്‍ ദിവസങ്ങളുടെ പ്രയത്നങ്ങളാല്‍ വേങ്ങര പ്രദേശത്തെ  വെള്ളം കയറിയിറങ്ങിയ വീടുകളിലെ താറുമാറായ വയറിങ്ങുകള്‍ ശരിയാക്കി വൈദ്യുതീകരണ പ്രവര്‍ത്തികള്‍  പൂര്‍ത്തികരിച്ചു.

ഇലക്ട്രിക്കല്‍ വയര്‍മാന്‍,സൂപ്പര്‍ വൈസര്‍ കോണ്‍ട്രാക്ടേഴ്സ് ഏകോപന സമിതി മലപ്പുറം ജില്ലാ കമ്മറ്റിയുടെ നേതൃത്വത്തില്‍ പ്രളയ ദുരിതാശ്വാസ പ്രവര്‍ത്തനാര്‍ത്ഥം ജില്ലയിലെ പ്രളയം ബാധിച്ച ആയിരക്കണക്കിന് വീടുകളിലെ താറുമാറായ വയറിങ് കേടുപാടുകള്‍ തീര്‍ത്ത് വൈദ്യുതീകരണ പ്രവൃത്തി നടത്തി  കൊണ്ടിരിക്കുന്നതിന്‍റെ ഭാഗമായാണ് ഇവര്‍ വേങ്ങര കൂരിയാട്, മാതാട്,പാണ്ഡിക ശാല,,മണ്ണംപിലാക്കല്‍,കാളിക്കടവ്,മുതലമാട്,മഞ്ഞമാട് എന്നീ പ്രദേശങ്ങളിലെ നാനൂറില്‍ പരം വീടുകളിലെ വൈദ്യുതീകരണ പ്രവൃത്തികള്‍ പൂര്‍ത്തീകരിച്ചത്.  

സംഘടനയുടെ ശ്രദ്ധേയമായ പ്രളയാനന്തര സന്നദ്ധ പ്രവര്‍ത്തനങ്ങള്‍ ശ്രദ്ധയില്‍പ്പെട്ട്   തിരുവനന്തപുരം റിട്ടേഡ് ചീഫ് ഇലക്ട്രിക്കല്‍ ഇന്‍സ്പെക്ടര്‍ എന്‍.പി വിജയകുമാര്‍ കഴിഞ്ഞ ദിവസം വേങ്ങരയിലെത്തി സംഘടന നേതാക്കളെയും  പ്രവര്‍ത്തകരെയും അനുമോദിക്കുകയും തുടര്‍ സേവന പ്രവര്‍ത്തനങ്ങളില്‍ പങ്കാളിയായതും ഏറെ ശ്രദ്ധേയമായി.

വേങ്ങര മേഖലയിലെ പ്രളയാനന്തര വീടുകളില്‍ വെളിച്ചം നല്‍കാന്‍ നേതൃത്വം നല്‍കിയ  സംഘടന നേതാക്കളെയും പ്രവര്‍ത്തകരെയും

വേങ്ങര പഞ്ചായത്ത് സ്റ്റാന്‍റീങ് കമ്മറ്റി ചെയര്‍മാന്‍ പറങ്ങോടത്ത് അസീസും മറ്റു ജന പ്രതിനിധികളും ഉദ്യോഗസ്ഥരും ചേര്‍ന്ന് അനുമോദിച്ചു.

ഗ്രാമ പഞ്ചായത്ത് അംഗം ഹംസ,കെ.എസ്.ഇ.ബി വേങ്ങര അസിസ്റ്റന്‍റ് എഞ്ചിനിയര്‍ വിജയകുമാര്‍,വെന്നിയൂര്‍അസിസ്റ്റന്‍റ് എഞ്ചിനിയര്‍ സനോജ്,സംഘടനയുടെ സംസ്ഥാന വൈസ് പ്രസിഡണ്ട് ജാഫര്‍ ചേളാരി,ജില്ലാ പ്രസിഡണ്ട് കെ.എം.മൊയ്തീന്‍ കരിമ്പില്‍,ജില്ലാ ജനറല്‍ സെക്രട്ടറി കെ.പി.വിശ്വനാഥന്‍ തിരൂര്‍,എം.നസീര്‍ തിരൂര്‍,ജയചന്ദ്രന്‍ കുന്നുംപുറം,അബ്ദുല്‍ ഗഫൂര്‍ പുത്തൂര്‍,അഷ്റഫ് ആതവനാട്

അലി വേങ്ങര,പ്രശാന്ത് വള്ളിക്കുന്ന്,സുബീഷ് മലപ്പുറം എന്നിവര്‍ ചടങ്ങില്‍ പങ്കെടുത്തു.

സന്നദ്ധ പ്രവര്‍ത്തനങ്ങള്‍ക്ക് മണികണഠന്‍ വേങ്ങര ,ഷാജഹാന്‍ താനൂര്‍,ഷൈജുജാന്‍ തിരൂര്‍,വേണു വേങ്ങര,ഗഫൂര്‍ വേങ്ങര,അബ്ദു പരപ്പനങ്ങാടി  എന്നിവര്‍ നേതൃത്വം നല്‍കി.

എങ്ങനെ നികത്തും ഇനി ഈ നഷ്ടം

എങ്ങനെ നികത്തും ഇനി ഈ നഷ്ടം

വേങ്ങര:വെള്ളപ്പൊക്കത്തിൽ ജീവനോപാധികൾ നഷ്ടമായി കുടുംബശ്രീ യൂണിറ്റുകൾ. ഗ്രാമപ്പഞ്ചായത്തിലെ 23-ാം വാർഡിൽ ഉൾപ്പെട്ട കൂരിയാട് കുസുമം, രാഗശ്രീകളിലെ സ്ഥാപനങ്ങളിൽ ജോലിചെയ്യുന്ന പതിനഞ്ചോളം വനിതകൾക്കാണ് ദുരിതം.

വിവിധതരം പൊടികൾ, അമൃതം തുടങ്ങിയവ ഉത്പാദിപ്പിക്കുന്ന ഇവരുടെ പൊടിമില്ലിലാണ് വെള്ളംകയറിയത്. അരി, മല്ലി, മുളക്, മഞ്ഞൾ പൊടികൾ, വെളിച്ചെണ്ണ എന്നിവയുടെ വിൽപ്പനയുമുണ്ട്. ‌

വേങ്ങര, എടരിക്കോട്, നന്നമ്പ്ര, ചേലേമ്പ്ര, ചെറിയമുണ്ടം പഞ്ചായത്തുകളിലെ അങ്കണവാടികൾക്കായി പോഷകാഹാരമായ അമൃതം പൊടി വിതരണംചെയ്യുന്നത് രാഗശ്രീ യൂണിറ്റാണ്. വെള്ളം വരുന്നത് ശ്രദ്ധയിൽപ്പെട്ടയുടനെ 10 കുതിരശക്തിയുള്ള മോട്ടോർ കെട്ടിടത്തിനുമുകളിൽ കയറ്റിവെച്ചിരുന്നു. കഴിഞ്ഞതവണ വെള്ളംകയറിയതിന്റെ അടയാളം കണക്കാക്കിയായിരുന്നു മോട്ടോർ കയറ്റിവെച്ചത്. എന്നാൽ ഇത്തവണ കൂടുതൽ വെള്ളം ഉയർന്നു.

മോട്ടോറും ആട്ടുയന്ത്രവും പൊടിമില്ലും ദിവസങ്ങളോളം വെള്ളത്തിനടിയിലായി. പൊടിക്കാനായി സൂക്ഷിച്ചിരുന്ന അരി, മല്ലി, കൊപ്ര തുടങ്ങിയ സാധനങ്ങളും വെള്ളത്തിൽ കുതിർന്നു. യന്ത്രങ്ങളും മോട്ടോറും നന്നാക്കുന്നതിന്നായി കമ്പനികളിൽനിന്ന്‌ ആളുകളെത്തി അറ്റകുറ്റപ്പണി പൂർത്തിയാകാൻ ദിവസങ്ങളെടുക്കും. അതുവരെ ജീവിതം എങ്ങനെ തള്ളിനീക്കുമെന്ന ആശങ്കയിലാണിവർ.

കഴിഞ്ഞവർഷത്തെ പ്രളയത്തിലുണ്ടായ നഷ്ടങ്ങൾ ഏറെ പണിപ്പെട്ടാണ് ഇവർ നികത്തിയത്.

മധുരിക്കും ഓർമ്മകൾ 96 PPTMYHS CHERUR 96 ബാച്ച് കുടിവെള്ള വിതരണം പത്ത് ദിനം പിന്നിട്ടു

മധുരിക്കും ഓർമ്മകൾ 96 PPTMYHS CHERUR 96 ബാച്ച് കുടിവെള്ള വിതരണം പത്ത് ദിനം പിന്നിട്ടു

ചേറൂർ PPTMYHS CHERUR 96 ബാച്ച് ലെ വാട്സ്ആപ്പ് ഗ്രൂപ്പ് ആയ മധുരിക്കും ഓർമ്മകൾ 96 ഗ്രൂപ്പിലെ അംഗങ്ങളുടെ സഹകരണത്തോടെ പ്രളയം ബാധിച്ച വീടുകളിലെ കിണറുകൾ മലിനമായതിനാൽ വേങ്ങര മണ്ഡലത്തിലെ വിവിധ പ്രദേശങ്ങളിൽ തുടർന്നുകൊണ്ടിരിക്കുന്ന കുടിവെള്ളം വിതരണം  പത്താം ദിനം പിന്നിട്ടു.

 വേങ്ങരയുടെ തൊട്ടടുത്ത പ്രദേശമായ

മുതലമാട് ,പാണ്ടികശാല കാളിക്കടവ്, കൂരിയാട് പാലച്ചിറമാട്, മാതാട്, എന്നീ തുടങ്ങിയ വേങ്ങരയുടെ വിവിധ ഭാഗങ്ങളിൽ ദിവസവും 6000 ലിറ്റർ കുടിവെള്ളമാണ് വിതരണം നടത്തിയത് .

നൂറിലധികം വീടുകൾക്കാണ് ദിനംപ്രതി കുടിവെള്ളം എത്തുന്നത് ഇതിൻറെ ഔപചാരികമായ ഉദ്ഘാടന കർമ്മം  വേങ്ങര എസ് ഐ റഫീഖ് സർ നിർവഹിച്ചു.

ഈ പ്രദേശങ്ങളിൽ കുടിവെള്ളം ഒരു ശാശ്വത പരിഹാരം കാണുന്നവരെ കുടിവെള്ളവിതരണം തുടർന്നുകൊണ്ട് പോകും എന്ന് ഭാരവാഹികൾ അറിയിച്ചു 

യൂണിയൻ തെരെഞ്ഞെടുപ്പ്

യൂണിയൻ തെരെഞ്ഞെടുപ്പ്

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂളിൽ നടന്ന യൂണിയൻ തെരെഞ്ഞെടുപ്പ് കുട്ടികൾക്ക് ആവേശവും പഠനാത്മകവുമായി. ബാലറ്റ് ഉപയോഗിച്ച് നടന്ന തെരെഞ്ഞെടുപ്പിൽ എട്ട് സ്ഥാനങ്ങളിലേക്കായി ഇരുപത്തഞ്ചോളം സ്ഥാനാർത്ഥികൾ മത്സരിച്ചു. ചെയർമാനായി പി.കെ.മുഹമ്മദ് ഷാജഹാൻ വൈസ് ചെയർമാനായി എം. ആമിനാബി എന്നിവർ തെരെഞ്ഞെടുക്കപ്പെട്ടു.

കെ.തഖിയുദ്ധീൻ, മുഹമ്മദ് നുസൈർ, കെ. സുഹൈർ ഉസ്മാൻ ,മുഹമ്മദ് ഹുബൈഷ്, കെ. വിപിഷ, അസീബ ജബിൻ എന്നിവർ വിവിധ പോസ്റ്റുറ്റുകളിലേക്ക് തെരെഞ്ഞെടുക്കപ്പെട്ടു. 

തെരെഞ്ഞെപ്പിന് സ്കൂൾ പൊളിറ്റിക്കൽ സയൻസ് ക്ലബ്ബാണ് നേതൃത്വം കൊടുത്തത്. സോഷ്യോളജി ക്ലബ്ബ് നടത്തിയ എക്സിറ്റ് പോൾ ഫലം 95% വും യഥാർത്ഥ റിസൾട്ടുമായി  യോജിക്കുന്നതായിരുന്നു. 

ജി. ശ്രീജിത്ത്, യാസിർ പൂവിൽ എന്നിവർ നേതൃത്വം നൽകി. 

വിജയികളെ പി.ടി.എ പ്രസിഡന്റ് കെ.കെ.മൊയ്തീൻ കുട്ടി ഹാരാർപ്പണം നടത്തി.പ്രിൻസിപ്രാൾ യൂസുഫ് കരുമ്പിൽ, എസ്.എസ് ജി ചെയർമാൻ കെ.പി. ദുർഗ്ഗാദാസ് എന്നിവർ വിജയികളെ അഭിനന്ദിച്ചു:

ചിത്രം.: വിജയിച്ച യൂണിയൻ ഭാരവാഹികളെ പി.ടി.എ പ്രസിഡന്റ് കെ.കെ.മൊയ്തീൻ കുട്ടി ഹാരാർപ്പണം നടത്തുന്നു.

പഠന പ്രവർത്തനത്തിൽ ഗവൺമെന്റ് സ്ഥാപനങ്ങളെ അടുത്തറിയുന്നതിന്റെ ഭാഗമായി വിദ്യാത്ഥികൾ വേങ്ങര പോലീസ് സ്റ്റേഷൻ സന്ദർശിച്ചു

പഠന പ്രവർത്തനത്തിൽ ഗവൺമെന്റ് സ്ഥാപനങ്ങളെ അടുത്തറിയുന്നതിന്റെ  ഭാഗമായി വിദ്യാത്ഥികൾ വേങ്ങര പോലീസ് സ്റ്റേഷൻ സന്ദർശിച്ചു

പഠന പ്രവർത്തനത്തിൽ ഗവൺമെന്റ് സ്ഥാപനങ്ങളെ അടുത്തറിയുന്നതിന്റെ ഭാഗമായി AMLP സ്കൂൾ പറപ്പൂർ വെസ്റ്റിലെ വിദ്യാർത്ഥികളും, അധ്യാപകരും,ട്രൈനീസ് അധ്യാപകവിദ്യാർത്ഥികളും കൂടി വേങ്ങര പോലീസ് സ്റ്റേഷൻ സന്ദർശിച്ചു.വേങ്ങര സബ് ഇൻസ്‌പെക്ടർ ശ്രീ.മുഹമ്മദ് റഫീഖും മറ്റു പോലീസുകാരും സ്റ്റേഷനിലേക്ക് സ്വാഗതം ചെയ്തു.സ്റ്റേഷൻ ചരിത്രങ്ങൾ അടക്കം നിലവിലെ എല്ലാ കാര്യങ്ങളും SI വിവരിച്ചു തന്നു.കുട്ടികളുടെ കുഞ്ഞു സംശയങ്ങൾക്കും പരിഭവങ്ങൾക്കും കുട്ടികൾക്കിടയിലേക്ക് ഇറങ്ങിച്ചെന്ന് വളരെ ലാളിത്തത്തോടെ മറുപടികൊടുത്തു.പരിപാടിയിൽ AMLP സ്കൂൾ പറപ്പൂർ വെസ്റ്റിന്റെ ഹെഡ്മാസ്റ്റർ ദിനേശൻ നായർ,SRG കൺവീനർ R.രാജേഷ്,അധ്യാപകരായ  നജ്മുന്നീസ, മഹ്‌റൂഫ് കെ. ഹാഫിസ്.പി, TTKM ടീച്ചർ ട്രെയിനിങ് ഇൻസ്റ്റിട്യൂട്ടിന്റെ  അധ്യാപക വിദ്യാർത്ഥികളായ റഹീസ്, ഇൻസാം,നിവിൻ മാത്യൂ,വിനീത് എന്നിവർ പങ്കെടുത്തു.

മുസ്‌തഫ ഇവർക്ക്‌ മുത്താണ്‌

മുസ്‌തഫ ഇവർക്ക്‌ മുത്താണ്‌

വേങ്ങര: പാമ്പ്‌, പാമ്പ്‌... പ്രളയം കഴിഞ്ഞ്‌ ക്യാമ്പിൽനിന്ന്‌ വീട്ടിലെത്തിയ പലരേയും പേടിപ്പിച്ചത്‌ പുതിയ അതിഥിയായിരുന്നു. വീടുകളുടെ മൂലകളിൽ, പറമ്പിലെ മരക്കൊമ്പുകളിൽ, എല്ലായിടത്തും പാമ്പുകളെ കണ്ടതോടെ വീട്ടുകാർക്ക്‌ ആശ്വാസമായത്‌ മുസ്‌തഫ. ചേറൂർ തയ്യിൽ മുസ്‌തഫ  ഇവിടത്തുകാർക്കുമാത്രമല്ല, ജില്ലയിലുള്ളവർക്ക്‌ മുഴുവനുമാണ്‌ ആശ്വാസമേകിയത്‌. വിവിധ  വീടുകളിൽനിന്ന്‌ വിവിധയിനം പാമ്പുകളെ മുസ്‌തഫ പിടിച്ചു. പലതും ഉഗ്രവിഷമുള്ളവയായിരുന്നു. മുസ്‌തഫയുടെ  പാമ്പുപിടിത്തത്തെക്കുറിച്ചറിവുള്ളവർ അദ്ദേഹത്തെ ഫോണിൽ വിളിക്കുകയായിരുന്നു. എല്ലായിടത്തും മുസ്‌തഫയെത്തി.  കൂരിയാട്, മണ്ണിൽ പിലാക്കൽ, വലിയോറ, ഊരകം എന്നിവിടങ്ങളിൽനിന്ന്‌ മാത്രമല്ല, പുളിക്കൽ, കൊണ്ടോട്ടി, വളാഞ്ചേരി തുടങ്ങിയ പ്രദേശങ്ങളിൽനിന്നും വിളിവന്നതായി മുസ്‌തഫ പറഞ്ഞു. രാത്രിയും പകലുമെല്ലാം ഓടിയെത്തി പാമ്പിനെ പിടികൂടി. ശംഖുവരയൻ, മൂർഖൻ, അണലി എന്നിവക്കുപുറമെ മലമ്പാമ്പുകളടക്കം അമ്പതോളം പാമ്പുകളെയാണ്‌ പിടികൂടിയത്‌. ഇവയെ വനംവകുപ്പിനെ ഏൽപ്പിച്ചു. ഉപ്പ അബുവാണ് പാമ്പുപിടിത്തത്തിൽ മുസ്തഫയുടെ ഗുരു. 

പാമ്പുകളെ മാത്രമല്ല, കടന്നൽ, തേനീച്ച തുടങ്ങിയവയേയും മുസ്‌തഫ ‘ഒതുക്കും’.  എമർജൻസി റസ്ക്യൂ ഫോഴ്സ് അംഗമായ മുസ്തഫക്ക് സഹായത്തിന്‌ സദാസജ്ജരായി ഇവരുമുണ്ട്‌.

പ്രളയത്തില്‍ കൈത്താങ്ങായവര്‍ക്ക് സാന്ത്വനത്തിന്റെ ആദരം

പ്രളയത്തില്‍ കൈത്താങ്ങായവര്‍ക്ക് സാന്ത്വനത്തിന്റെ ആദരം

വേങ്ങര : പ്രളയകാലത്ത് മികച്ച സേവനം ചെയ്തവരെ വേങ്ങര സോണ്‍ എസ് വൈ എസ് സാന്ത്വനം  ആദരിച്ചു . സോണ്‍ പരിധിയില്‍ സേവനം ചെയ്ത അറുനൂറിലധികം സാന്ത്വനം വളണ്ടിയര്‍മാര്‍, ദുരിതാശ്വാസ ക്യംപിന് നേതൃത്ത്വം നല്‍കിയ എം ആര്‍ രഘു പുഴച്ചാല്‍ , നൂറുദ്ദീന്‍ തട്ടാഞ്ചേരിമല, പി കെ ഹസീബ് കുററിത്തറ, മോളി അടക്കാപുര, വേങ്ങര എസ് ഐ മുഹമ്മദ് റഫീഖ് , സ്വന്തമായി ദുരിതാശ്വാസ ക്യാംപ് നടത്തിയ കൂരിയാട് പനമ്പുഴക്കല്‍ സൈതുമോന്‍ തങ്ങള്‍, പറപ്പൂര് , വേങ്ങര , ഊരകം 

വില്ലേജ് ഓഫീസര്‍മാരായ നവീര്‍

 സന്തോഷ് ബാബു, ശമീര്‍ ബാബു   തുടങ്ങിയവരെയാണ് ആദരിച്ചത്

. ചടങ്ങിന്റെ ഉദ്ഘാടനവും  വേങ്ങര സോണ്‍ എസ് വൈ എസ് ആരംഭിക്കുന്ന ആമ്പുലന്‍സ് സമര്‍പ്പണവും കേരള മുസ്ലീം ജമാഅത്ത് ജില്ലാ സെക്രട്ടറി പി എം മുസ്ഥഫ കോഡൂര് നിര്‍വ്വഹിച്ചു. പി പി ജബ്ബാര്‍ ബാഖവി അദ്ധ്യക്ഷത വഹിച്ചു . സയ്യിദ് ജഹ്ഫര്‍ തുറാബ് ബാഖവി , അബ്ദു റസാഖ് സഖാഫി വെള്ളിയാമ്പുറം, പി കെ എം സഖാഫി ഇരിങ്ങല്ലൂര് , പി പി സത്താര്‍, കെ കെ രാമകൃഷ്ണന്‍, എം കെ സൈനുദ്ദീന്‍ , പി അസീസ് ഹാജി, പി അബ്ദു ഹാജി, ഇബ്രാഹീം ബാഖവി

 എ കെ ഗഫൂര്‍ , മൊയ്തീന്‍ കണ്ണമംഗലം  പ്രസംഗിച്ചു. കെ കെ അലവികുട്ടി സ്വിഗതവും അതീഖ് വെങ്കുളം  ന്ദിയും പറഞ്ഞു

ശുദ്ധജലം വിതരണം ചെയ്യണം; പി ഡി പി

ശുദ്ധജലം വിതരണം ചെയ്യണം;

പി ഡി പി 

കൊളപ്പുറം:ഏ.ആർ.നഗർ പഞ്ചായത്തിലെ പ്രളയം ബാധിച്ച പ്രദേശങ്ങളിലെ കിണറുകളിലെ വെള്ളം പ്രാഥമിക ആവശ്യങ്ങൾക്ക് പോലും ഉപയോഗിക്കരുത് എന്ന ആരോഗ്യ വകുപ്പ് ന്റെ കർശനമായ നിർദേശത്തിന്റെ അടിസ്ഥാനത്തില് ഈ പ്രദേശങ്ങളിൽ ശുദ്ധജലം എത്തിക്കുന്നതിന് വേണ്ട നടപടികൾ  പഞ്ചായത്ത് ഭരണസമിതി  അടിയന്തരമായി ഇടപെടണമെന്ന്  

പി ഡി പി ഏ. ആർ. നഗർ പഞ്ചായത്ത് കമ്മിറ്റി ആവശ്യപ്പെട്ടു.

യോഗത്തിൽ യൂസുഫ് മമ്പുറം  അദ്ധ്യക്ഷത വഹിച്ചു റഫീഖ് പുതിയത്ത്പുറായ യോഗം ഉദ്ഘാടനംചെയ്തു . ഹമീദ് ചാലിൽ. മൻസൂർ യാറത്തുപടി. ഷൗക്കത്ത് വെട്ടം .

ലിംസാദ് പി.പി  മമ്പുറം. സുലൈമാൻപുതിയങ്ങാടി .ശിഹാബ് വി.കെ പടി . അഫ്സൽ വി എസ് മമ്പുറം എന്നിവർ പ്രസംഗിച്ചു 

ഉമ്മർകുട്ടി സ്വാഗതവും അശ്റഫ് കൊളപ്പുറം നന്ദിയും പറഞ്ഞു

പ്രളയത്തിൽ ഏക്കറുകണക്കിന് കൃഷി നഷ്ടപ്പെട്ട വലിയോറ സ്വദേശി മുഹമ്മദ് കുട്ടിയ്ക്ക് സാന്ത്വനമേകി ചേറൂർ PPTMYHSS വിദ്യാർത്ഥികൾ

പ്രളയത്തിൽ ഏക്കറുകണക്കിന് കൃഷി നഷ്ടപ്പെട്ട വലിയോറ സ്വദേശി മുഹമ്മദ് കുട്ടിയ്ക്ക് സാന്ത്വനമേകി ചേറൂർ PPTMYHSS വിദ്യാർത്ഥികൾ

വലിയോറ പാടത്തെ 300 ഏക്കറോളം കൃഷി പൂർണ്ണമായും നശിച്ച മാതൃകാ കർഷകൻ മുഹമ്മദ് കുട്ടിയ്ക്ക് കാർഷികോപകരണങ്ങൾ നൽകിയും പൊന്നാട അണിയിച്ചും സ്കൂൾ സാഹിത്യ വേദി വേറിട്ട അനുഭവം സമ്മാനിച്ചു. പ്രഥമാധ്യാപകൻ ബഹു.അബ്ദുൽ മജീദ് പറങ്ങോടത്ത് ചടങ്ങ് ഉദ്ഘാടനം ചെയ്തു. സാഹിത്യ വേദി കൺവീനർ സന്തോഷ് അഞ്ചൽ സ്വാഗതം പറഞ്ഞു. മാതൃകാ കർഷകൻ വലിയോറ മുഹമ്മദ് കുട്ടിയെ ഹെഡ്മാസ്റ്റർ പൊന്നാട അണിയിച്ച് ആദരിച്ചു. തുടർന്ന് കാർഷികോപകരണങ്ങൾ  കർഷകന് സമ്മാനിച്ചു. സ്റ്റാഫ് സെക്രട്ടറി അബ്ദുൽ ഹക്കീം, കെ.പി.രാജേഷ്, കെ.ഇ.സലീം, സുരേഷ് .ടി, കുഞ്ഞഹമ്മദ് ഫറൂഖ് എന്നിവർ ആശംസകൾ നേർന്നു