കുടിവെള്ള വിതരണത്തിന് ശുദ്ധജലം നൽകിയ എ.കെ ഹമീദ് ബാവയെ അനുമോദിച്ചു

കുടിവെള്ള വിതരണത്തിന് ശുദ്ധജലം നൽകിയ എ.കെ ഹമീദ് ബാവയെ അനുമോദിച്ചു

വലിയോറയിലെയും പരിസര പ്രദേശങ്ങളിലെയും  വെള്ളപ്പൊക്കത്തിൽ ദുരിതം അനുഭവിക്കുന്നവർക്ക് കുടിവെള്ളം എത്തിക്കുന്ന വേങ്ങര മണ്ഡലത്തിലെ എല്ലാ കൂട്ടായ്മകൾക്കും കുടിവെള്ള വിതരണത്തിന് ശുദ്ധജലം നൽകിയ എ.കെ ഹമീദ് ബാവയെ അടക്കപ്പുര msf യൂണിറ്റ് അനുമോദിച്ചു.
പരപ്പിൽ പാറ യുണിറ്റ് യൂത്ത് ലീഗ് മുൻ പ്രസിഡന്റ്‌ ചെള്ളി സജീർ ഉപഹാരം നൽകി.പഞ്ചായത്ത് msf ഉഭാദ്ധ്യക്ഷൻ ഇബ്രാഹീം അടക്കാപ്പുര, സിഎം സൈദലവി സാഹിബ്‌,  എ.കെ.അലവി സാഹിബ്‌,msf അടക്കാപ്പുര യൂണിറ്റ് പ്രസിഡന്റ് അഫ്സൽ ചെള്ളി,  സെക്രട്ടറി യൂനുസ് എ.കെ, ഷെഫീൽ, ഇസ്മായിൽ എ.കെ, തുടങ്ങിയവർ ചടങ്ങിൽ  പങ്കെടുത്തു.

ഇഷ്ട്ടപെട്ട പുസ്തകങ്ങൾ വായിക്കാനായി നിങ്ങളുടെ മൊബൈലിൽ വിരലമർത്തിയാൽ മതി

ഇഷ്ട്ടപെട്ട പുസ്തകങ്ങൾ വായിക്കാനായി നിങ്ങളുടെ മൊബൈലിൽ വിരലമർത്തിയാൽ മതി. 

വേങ്ങരയിലെ വാട്സാപ് വഴിയുള്ള വാർത്താവിതരണക്കാരായ വേങ്ങര ലൈവ് ആണ് വാട്സാപ് വഴിയുള്ള ലൈബ്രറിയും തുടങ്ങി ചരിത്രംകുറിച്ചത്.
വാർത്താവിതരണത്തിന് 11 ഗ്രൂപ്പുകളിലായി മൂവായിരത്തോളം പേര്‍ ഞൊടിയിടയിൽ വിവരങ്ങൾ ലഭ്യമാക്കുന്നുണ്ട് വേങ്ങര ലൈവില്‍. കൂടാതെ ഫേസ്ബുക് , ഇൻസ്റ്റഗ്രാം വഴിയും വേങ്ങരയിലെ വാർത്തകളും വിശേഷങ്ങളും ജനങ്ങളിലെത്തിക്കുന്നു നിലവിൽ 190 പേരുള്ള വനിതാ ഗ്രൂപ്പിനുവേണ്ടിയുള്ള ലൈബ്രറി സംവിധാനം വൈകാതെ മറ്റുള്ളവർക്കും ലഭ്യമാകും.
മലയാളത്തിലെ പ്രമുഖ എഴുത്തുകാരുടെ നോവൽ, കവിതകൾ, കഥകൾ, ലേഖന സമാഹാരങ്ങൾ, ഇസ്ലാമിക ഗ്രന്ഥങ്ങൾ  എന്നിവ ഇതിലൂടെ ലഭ്യമാണ്.
ചങ്ങമ്പുഴ, എം ടി, മാധവിക്കുട്ടി, ബെന്യാമിൻ തുടങ്ങിയവരുടെ മിക്ക കൃതികളും ലൈബ്രറിയിൽ ലഭിക്കും. ആനുകാലികങ്ങൾക്കുപുറമേ ബാല ചിത്രകഥകൾ, ചലച്ചിത്ര പ്രസിദ്ധീകരണങ്ങൾ തുടങ്ങിയവയും ലൈബ്രറിയിൽ ഉണ്ട്.
മുസ്തഫ പൂമഠത്തിൽ, അനസ് അരീക്കളം, അഫ്സൽ വലിയോറ, സി പി നൗഷാദ്, കെ കെ രാജലക്ഷ്മി തുടങ്ങിയവരുടെ കരങ്ങളാണ് ലൈബ്രറിക്കുപിന്നിൽ പ്രവർത്തിച്ചത്.