ഡി.വൈ.എഫ്.ഐ. ബ്ലോക്ക് സമ്മേളനം; സ്വാഗതസംഘമായി
വേങ്ങര: ജൂണ്‍ 29, 30, ജൂലായ് ഒന്ന് തീയതികളിലായി കണ്ണമംഗലം തീണ്ടേക്കാട് നടക്കുന്ന ഡി.വൈ.എഫ്.ഐ. കോട്ടക്കല്‍ ബ്ലോക്ക് സമ്മേളനത്തിന്റെ സ്വാഗതസംഘം രൂപവത്കരിച്ചു. സ്വാഗതസംഘ രൂപീകരണയോഗം സി.പി.എം. കോട്ടയ്ക്കല്‍ ഏരിയാകമ്മറ്റിയംഗം എന്‍. പുഷ്പരാജന്‍ ഉദ്ഘാടനംചെയ്തു. കെ. സുബ്രഹ്മണ്യന്‍ അധ്യക്ഷനായി. എന്‍.കെ. പോക്കര്‍, ഇ.ആര്‍. രാജേഷ്, എം. ഇബ്രാഹിം എന്നിവര്‍ പ്രസംഗിച്ചു. ഭാരവാഹികളായി ഇ.കെ. ആലി മൊയ്തീന്‍ (ചെയ.), വി. മണി, പി. ഷാജി, കാപ്പന്‍ ഹുസൈന്‍, കെ.ടി. വിജയന്‍ (വൈസ് ചെയ.), കെ. സുബ്രഹ്മണ്യന്‍ (ജന. കണ്‍.), എ. ഇല്യാസ്, സി. ബാബു, എം.വി. ഗൗരി, പി. സുബ്രു, കാമ്പ്രന്‍ നൗഷാദ് (കണ്‍.) കെ. ഇസ്മായില്‍ (ഖജാ.) എന്നിവരെ തിരഞ്ഞെടുത്തു.
