വേങ്ങരയിലെ മാലിന്യം ഒഴുകി വലിയോറപ്പാടത്ത്
വേങ്ങര കാട്ടിക്കുളങ്ങര വരിവെട്ടിച്ചാല്‍ റോഡിലൂടെ വലിയോറ പാടത്തേക്ക് ഒഴുകുന്ന മലിനജലം
വേങ്ങര:അങ്ങാടിയിലെ ചാക്കീരി അഹമ്മദ്കുട്ടി റോഡ് കവലമുതലുള്ള മാലിന്യങ്ങൾ മഴപെയ്താൽ ഓവുചാലിലൂടെ ഒഴുകി കാട്ടിക്കുളങ്ങര വരിവെട്ടിച്ചാൽ റോഡിലൂടെ വലിയോറപ്പാടത്തെത്തുന്നു.
വേങ്ങര അങ്ങാടിയിൽനിന്ന് ഒരുകിലോമീറ്ററിലധികം ദൂരെനിന്ന് ഒഴുകിവരുന്ന ഖരമാലിന്യങ്ങളാണ് ഇവിടെയെത്തുന്നത്. പ്ലാസ്റ്റിക് മാലിന്യം ഉൾപ്പെടെയുള്ളവ ഇങ്ങനെ വലിയോറ കുറുകപ്പാടത്ത് അടിഞ്ഞുകൂടുകയാണ്. വയലോരത്തു താമസിക്കുന്നവരുടെ കിണറുകളിൽ മാലിന്യം കലരാൻ സാധ്യതയുണ്ട്.
ചാത്തംകുളത്ത് പ്രവർത്തിക്കുന്ന ഗവ.മോഡൽ ഹയർസെൻഡറി സ്കൂളിന് ചുറ്റും ഈ മലിനജലം ഒഴുകിയെത്തുന്നുണ്ട്. മാത്രമല്ല വയലോരത്തു താമസിക്കുന്നവരുടെ കുട്ടികൾ ഉൾപ്പെടെയുള്ളവർ യാത്രചെയ്യുന്ന റോഡ് മഴപെയ്താൽ മലിനജലം ഒഴുകി തോടായി മാറുന്നതിനാൽ ഇതുവഴിയുള്ള യാത്രയും ദുഷ്‌കരമാണെന്ന് നാട്ടുകാർ പരാതിപ്പെടുന്നു
No comments:
Post a Comment