ഇരിങ്ങാളത്തൂർ കനാലിന്റെ പണി തുടങ്ങി
കണ്ണമംഗലം: കണ്ണമംഗലം ഗ്രാമപ്പഞ്ചായത്തിലെ ഇരിങ്ങാളത്തൂർ പാടത്ത് കനാലിന്റെ പണി ജില്ലാപഞ്ചായത്ത് പ്രസിഡന്റ് എ.പി. ഉണ്ണികൃഷ്ണൻ ഉദ്ഘാടനം ചെയ്തു. മലപ്പുറം ജില്ലാ സുവർണജൂബിലി ആഘോഷത്തിന്റെ ഭാഗമായാണ് ഇരിങ്ങാളത്തൂർ പാടത്ത് 25 ലക്ഷം രൂപ ചിലവഴിച്ച് കനാൽ നിർമിക്കുന്നത്.ജില്ലാപഞ്ചായത്തംഗം സലീം കുരുവമ്പലം അധ്യക്ഷതവഹിച്ചു. വേങ്ങര ബ്ലോക്ക്പഞ്ചായത്ത് പ്രസിഡന്റ് ചാകീരി അബ്ദുൽ ഹഖ്, ഗ്രാമപ്പഞ്ചായത്ത് പ്രസിഡന്റ് ബേബി ചാലിൽ, നെടുമ്പള്ളി സൈതു, പി.പി. സോഫിയ,അലുങ്ങൽ മൊയ്ദീൻ ഹാജി,പുള്ളാട്ട് അഷ്റഫ്, ശിഹാബ് കാപ്പൻ,എം.ദേവദാസൻ, എന്നിവർ പ്രസംഗിച്ചു.