ഓഫീസ് ഉദ്ഘാടനവും സ്നേഹവീട് പ്രഖ്യാപനവും
പറപ്പൂര്: ജീവകാരുണ്യ , രക്ഷാപ്രവര്ത്തനങ്ങള് ലക്ഷ്യമിട്ട് പറപ്പൂര് വീണാലുക്കല് കേന്ദ്രമായി രൂപീകരിച്ച 'വീണാലുക്കല് പൗരസമിതി' യുടെ ഓഫീസ് ഉദ്ഘാടനം മഹല്ല് ഖാളി കുഞ്ഞാവ ഉസ്താദ് നിര്വഹിച്ചു.
വീണാലുക്കല് മഹല്ലില് വാടക വീട്ടില് താമസിക്കുന്ന നിര്ധനരായ ഒരു അനാഥ കുടുംബത്തിനുളള 'സ്നേഹവീട്' നിര്മ്മാണത്തിന്റെ പ്രഖ്യാപനം മഹല്ല് പ്രസിഡന്റ് കുഞ്ഞിപ്പു മുസ്ല്യാര് നിര്വഹിച്ചു.
പറപ്പൂരിലെ സുമനസ്കനായ പുലാക്കടവത്ത് മുഹമ്മദ് കുട്ടിഎന്നവര് വില കൊടുത്ത് വാങ്ങി പ്രസ്തുത അനാഥ കുടുംബത്തിന്റെ പേരില് രജിസ്റ്റര് ചെയ്തു നല്കിയ ഭൂമിയിലാണ് വീണാലുക്കല് പൗരസമിതിയുടെ കീഴില് വീട് നിര്മ്മാണത്തിന് തുടക്കം കുറിക്കുന്നത്.
ദുരന്തമുഖങ്ങളില് രക്ഷാപ്രവര്ത്തനത്തിന് തയ്യാറായ യുവാക്കളെ സംഘടിപ്പിച്ചു കൊണ്ട് സന്നദ്ധ സേനയും രൂപീകരിച്ചിട്ടുണ്ട്.രക്ഷാപ്രവര്ത്തനത്തിന് ആവശ്യമായ ഉപകരണങ്ങളുടെ സമര്പ്പണവും പരിപാടിയില് വെച്ച് നടന്നു.
ചടങ്ങിന് മഹല്ല് സെക്രട്ടറി മരക്കാര് കുട്ടി ഹാജി അധ്യക്ഷത വഹിച്ചു.
ടി ഐ സംഘം പ്രസിഡന്റ് ടി മൊയ്തീന്കുട്ടി,സി കബീര് മാസ്റ്റര്,
ഹുസൈന് വാഫി , ഡോ: സബൂര്, സലാം ഹാജി, ചെറീത് ഹാജി, ശുഹൈബ് സഖാഫി തുടങ്ങിയവര് ആശംസയര്പ്പിച്ചു.
ഷറഫുദ്ധീന് മാസ്റ്റര് സ്വാഗതവും അന്സാരി വാഴയില് നന്ദിയും പറഞ്ഞു.
സന്നദ്ധ സേനയുമായി ബന്ധപ്പെടേണ്ട നമ്പര് : 9847 794 117
9961 17 73 73
No comments:
Post a Comment