കണ്ണമംഗലം ഗ്രാമ പഞ്ചായത്തിന്റെ അനുമോദിക്കക്കലും ആദരിക്കലും

കണ്ണമംഗലം ഗ്രാമ പഞ്ചായത്തിന്റെ അനുമോദിക്കക്കലും ആദരിക്കലും

2018-19 അദ്ധ്യായനവർഷത്തിൽ കണ്ണമംഗലം പഞ്ചായത്തിൽ നിന്നും SSLC +2 പരീക്ഷകളിൽ മുഴുവൻ വിഷയങ്ങളിലും A+ നേടിയ വിദ്യാർത്ഥികളേയും NNMS ,USS, LSS ജേതാക്കളേയും സാമ്പത്തിക വർഷത്തിൽ മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാകമായി 100 തൊഴിൽ ദിനങ്ങൾ വിജയകരമായി പൂർത്തീകരിച്ച് കണ്ണമംഗലം പഞ്ചായത്തിൽ നിർണായക പങ്ക് വഹിച്ചുകൊണ്ടിരിക്കുന്ന തൊഴുലു റുപ്പുകളെ ഓണക്കോടിനൽകി ആദരിക്കലും ജി എം യു പി സ്കൂളിൽ നടന്നു PK കുഞ്ഞാലികുട്ടി MP ഉദ്ഘാടനം നിർവ്വഹിച്ചു 

കണ്ണമംഗലം പഞ്ചാ: പ്രസി: കെപിസരോജിനി അദ്ധ്വക്ഷത വഹിച്ചു, കണ്ണമംഗലം പഞ്ചായത്ത് വൈസ് പ്രസി: പുള്ളാട്ട് സലീം മാസ്റ്റർ സ്വാഗതം പറഞ്ഞു.വേങ്ങര ബ്ലോക്ക് പ്രസി: ചാക്കീരി അബ്ദുൽ ഹഖ് മുഖ്യാഥിതിയായി.ബേബി ചാലിൽ.ടി കെ അബ്ദുട്ടി.പി ഇ ശരീഫ,

കെ നഹിം,നെടുംബള്ളി സൈതു,പൂക്കുത്ത് മുജീബ്.സുനിത ടീച്ചർ,എന്നിവർ ആശംസകൾ അർപ്പിച്ചു സംസാരിച്ചു 

“സ്പര്‍ശം 19” പ്രളയ ദുരിതാശ്വാസ പ്രവര്‍ത്തനം ലക്ഷ്യമിട്ട് വേങ്ങരയിലെ പത്ര പ്രവര്‍ത്തക കൂട്ടായ്മയുടെ പ്രദർശനം വേങ്ങരയിൽ

“സ്പര്‍ശം 19” പ്രളയ ദുരിതാശ്വാസ പ്രവര്‍ത്തനം ലക്ഷ്യമിട്ട്  വേങ്ങരയിലെ പത്ര പ്രവര്‍ത്തക കൂട്ടായ്മയുടെ പ്രദർശനം വേങ്ങരയിൽ 

“സ്പര്‍ശം 19” പ്രളയ ദുരിതാശ്വാസ പ്രവര്‍ത്തനം ലക്ഷ്യമിട്ട്  വേങ്ങരയിലെ പത്ര പ്രവര്‍ത്തക കൂട്ടായ്മയുടെ വേങ്ങര പ്രസ് റിപ്പോര്‍ട്ടേഴ്സ് ക്ലബ്ബ് "സ്പര്‍ശം19" പ്രദര്‍ശനം ഞായർ, തിങ്കൾ(7,8) തിയതികളിലായി. വേങ്ങര ടൗണ്‍ ഗേള്‍സ് സ്ക്കൂളില്‍ നടക്കുന്നു. ഞായർ രാവിലെ പത്തിന് അഡ്വ. കെ എന്‍ എ കാദര്‍ എം എല്‍ എ ഉദ്ഘാടനം ചെയ്യും. ബ്ലോക്ക് പ്രസിഡന്റ് ചാക്കീരി അബ്ദുല്‍ഹഖ്, എസ് ഐ മുഹമ്മദ് റഫീഖ് ,മലപ്പുറം പ്രസ് ക്ലബ്ബ് സെക്രട്ടറി സുരേഷ് എടപ്പാള്‍ തുടങ്ങിയവര്‍ പ്രസംഗിക്കും. ചടങ്ങില്‍ പ്രളയ ദുരിതാശ്വാസ പ്രവര്‍ത്തനങ്ങള്‍ക്ക് നേതൃത്ത്വം നല്‍കിയ സന്നദ്ധ സംഘടനകളെ അനുമോദിക്കും . രണ്ട് ദിവസങ്ങളിലായി നടക്കുന്ന പ്രദര്‍ശനത്തില്‍ പ്രളയം, പരിസ്ഥിതി തുടങ്ങിയവയുമായി ബന്ധപ്പെട്ട ഫോട്ടോ പ്രദര്‍ശനം , ചിത്ര പ്രദര്‍ശനം, പ്രമുഖ ആര്‍ട്ടിസ്റ്റുകളുടെ  ചിത്രം കാര്‍ട്ടൂണ്‍ തത്സമയ രചനകള്‍, തെങ്ങില്‍ തീര്‍ത്ത കര കൗശല വസ്തുക്കള്‍ , പുരാവസ്തു, നാണയം, സ്റ്റാമ്പ് പ്രദര്‍ശനങ്ങള്‍, മാജിക് ഷോ, ചില്ല് നടത്തം, അക്വോഫോണിക് കാര്‍ഷിക പ്രദര്‍ശനം തുടങ്ങിയവ നടക്കും.

തിങ്കളാഴ്ച വൈകുന്നേരം നാലിന്   പ്രകൃതി സംരക്ഷണ ചര്‍ച്ചാ സംഗമം നടക്കും. ജില്ലാ പഞ്ചായത്ത് അംഗം സലീം കുരുവമ്പലം ഉദ്ഘാടനം ചെയ്യും. പ്രമുഖ  പരിസ്ഥിതി പ്രവര്‍ത്തകന്‍ മഞ്ചേരി സുന്ദര്‍രാജ് പ്രബന്ധം അവതരിപ്പിക്കും  ജന പ്രതിനിധികള്‍, ഉദ്വോഗസ്ഥര്‍, പ്രകൃതി സംരക്ഷക പ്രവര്‍ത്തകര്‍ തുടങ്ങിയവര്‍ സംബന്ധിക്കും.

കുട്ടി അദ്ധ്യാപക പരിശീലന ശില്പശാലയും മാതൃകാ കോൺവൊക്കേഷൻ ചടങ്ങും

കുട്ടി അദ്ധ്യാപക പരിശീലന ശില്പശാലയും മാതൃകാ കോൺവൊക്കേഷൻ ചടങ്ങും

അദ്ധ്യാപകദിനാഘോഷങ്ങളോടനുബന്ധിച്ചു കെ എം എച്ച് എസ് എസ് കുറ്റൂർ നോർത്തിൽ വിദ്യാർത്ഥികളിൽ അദ്ധ്യാപന അഭിരുചി പോഷിപ്പിക്കാനായി ക്ലബ് ഇംഗ്ലീഷിന്റെ ആഭിമുഖ്യത്തിൽ  അഭിമുഖം സംഘടിപ്പിച്ചു .

തെരഞ്ഞെടുക്കപ്പെട്ട വിദ്യാർത്ഥി-അദ്ധ്യാപകർക്കായി  ഭാഷാപഠന പിന്നാക്കാവസ്ഥയിലുള്ള വിദ്യാർത്ഥികളെ ലാംഗ്വേജ് ലാബിന്റെ സഹായത്തോടെ പരിശീലനം കൊടുക്കുന്നതാണ് ഈ പദ്ധതി. 

ഒരാഴ്ച നീണ്ടു നിന്ന മത്സര ഇനങ്ങളിലൂടെ നടപ്പാക്കിയ പദ്ധതിയിൽ മികച്ച സ്റ്റുഡന്റ് -ടീച്ചർ ആയി ഹുദാ ഷൈമയെ തെരഞ്ഞെടുത്തു .മികച്ച പ്രകടനം കാഴ്ച വെച്ചവർക്കായി മോഡൽ കോൺവൊക്കേഷൻ ചടങ്ങും , റൂക്കി സ്റ്റുഡന്റ് ടീച്ചർ സർട്ടിഫിക്കേഷൻ പ്രോഗ്രാമും നടന്നു . 

 കോൺവൊക്കേഷൻ ചടങ്ങിൽ സർട്ടിഫിക്കേഷൻ കരസ്ഥമാക്കിയവരുടെ ആദ്യ  ബാച്ച് അവരുടെ വിദ്യാർത്ഥികൾക്കായി ലാംഗ്വേജ് ലാബിന്റെ സഹായത്തോടെ വിവിധ മത്സര പരിപാടികൾ സംഘടിപ്പിച്ച് വിജയികളെ കണ്ടെത്തി . 

ചടങ്ങിൽ പ്രധാനാധ്യാപകൻ പി ബി അനിൽകുമാർ സർട്ടിഫിക്കറ്റുകൾ വിതരണം ചെയ്തു , അധ്യാപകരായ ബേബി ജോൺ, ഗ്ലോറി.ജി , എ.അനിൽകുമാർ , സി സി ബിജുനാഥ് , സജീഷ് ബാബു കെ,  എൽ ലിജിൻ , ആർ. അനുസ്മിത , ഷീജു കെ എച്ച് എന്നിവർ മേൽനോട്ടം വഹിച്ചു.

 സ്റ്റുഡന്റ് - ടീച്ചർ കോർഡിനേറ്റർ ഫരീദ ഉമ്മർ നന്ദി പ്രകാശിപ്പിച്ചു.

ചിത്രം: കോൺവൊക്കേഷൻ ചടങ്ങിന് ശേഷം വിജയികൾ അദ്ധ്യാപകർക്കൊപ്പം

പറപ്പൂർ ഗ്രാമപഞ്ചായത്ത് കുടുംബ ശ്രി ഓണച്ചന്ത 2019സെപ്റ്റംബർ 6/7/8 തിയ്യതികളിൽ പറപ്പൂർ ചോലക്കുണ്ട് പള്ളിപ്പടിയിൽ 

പറപ്പൂർ ഗ്രാമപഞ്ചായത്ത് പ്രസിഡന്റ് പറങ്ങോടത്ത് മുഹമ്മദ്കുട്ടി ഉദ്ഘാനം നിർവ്വഹിക്കും ബ്ലോക്ക് വൈസ് പ്രസിഡന്റ് ബുഷ്റ മജിദ് മുഖൃ അതിഥിയായിരിക്കും ഭക്ഷൃഉൽപന്നങ്ങൾ പച്ചക്കറികൾ നാടൻ വിഭവങ്ങൾ വിവിധ തരം പൊടിക്കൾ തുണിത്തരങ്ങൾ വിവിധ തരത്തിലുള്ള മത്സരങ്ങൾ തുടങ്ങിയവ ഉണ്ടായിരിക്കും 6 തിയ്യതി പുക്കള മൽസരം 7തിയ്യതി മൈലാഞ്ചി ഇടൽമൽസരം 8 തിയ്യതി ഓണപ്പാട്ട്  നാടൻപാട്ട് മൽസങ്ങൾ ഉണ്ടായിരിക്കുന്നതാണ് ഓരോ മണിക്കൂറുകളിലും നറുക്കെടുപ്പ് ഉണ്ടായിരിക്കുന്നതാണ് കുടാതെ ചന്തയുടെ മുന്നാംദിവസം                      

മെഗാനറുക്കെടുപ്പും ഒന്നാം സമ്മാനം ടവർഫാൻ രണ്ടാം സമ്മാനം ഡിന്നർസെറ്റ് മുന്നാം സമ്മാനം ഫ്രൈഫാൻ  

9/9/2019 ന്. തിങ്കൾ സ്പെഷ്യൽ ചന്ത പറപ്പൂർ മേള ഓരോ മണിക്കൂർ ലും ഓരോസമ്മനങ്ങൾ രാത്രി 9 മണിക്ക്സമാപന സ്പെഷ്യൽ നറുക്കെടുപ്പ് ഓന്നാംസമ്മാനം ഗ്യാസ്‌സറ്റൗ രണ്ടാം സമ്മാനം ഡിന്നർസെറ്റ് മുന്നാംസമ്മാനം കുക്കർ ഏല്ലാം വെള്ളിയാഴ്ചകളിലും ആഴ്ച്ച ചന്ത ഉണ്ടായിരിക്കുന്നതാണന്നും ഭാരവാഹികൾ അറിയിച്ചു

പറപ്പൂർ എ.യു.പി സ്കൂളിൽ ഓണാഘോഷ പരിപാടികൾ സംഘടിപ്പിച്ചു

പറപ്പൂർ എ.യു.പി സ്കൂളിൽ ഓണാഘോഷ പരിപാടികൾ സംഘടിപ്പിച്ചു

പറപ്പൂർ AUP സ്കൂളിലെ ഓണാഘോഷ പരിപാടികൾ മാനേജർ ടി.മൊയ്തീൻ കുട്ടി എന്ന കുഞ്ഞു ഉദ്ഘാടനം ചെയ്തു. പ്രളയദുരിതാശ്വാസ ഫണ്ട് ശേഖരണം മാനേജ്മെൻറ് കമ്മറ്റി സെക്രട്ടറി TE മരക്കാരുട്ടി ഹാജി നിർവഹിച്ചു. പ്രളയ കെടുതികളിൽ സന്നദ്ധ സേവന പ്രവർത്തനങ്ങളിൽ പങ്കാളികളായ വിദ്യാർത്ഥികളായ മുഹമ്മദ് മിയാസ് CV,  മുഹമ്മദ് ശിബിലി VS, ഷഹിൻഷ CV എന്നീ കുട്ടികളെ ചടങ്ങിൽ ആദരിച്ചു.ദിൽഫ മെഹ്ഫിൻ V, ഫാത്തിമ മിൻഹ CK, ഫാരിസ് മിഹ്റാൻ എന്നീ കുട്ടികൾ അവരുടെ സമ്പാദ്യ കുടുക്കകൾ പ്രളയദുരിതാശ്വാസ ഫണ്ടിലേക്ക് സംഭാവന നൽകി.PTA വൈസ് പ്രസിഡൻറ് TE ശിഹാബ് അദ്ധ്യക്ഷം വഹിച്ചു. MTAപ്രസിഡന്റ് ഹസീന ബാനു CP, ഹെഡ്മാസ്റ്റർ C സുലൈമാൻ മാസ്റ്റർ, പ്രോഗ്രാം കമ്മിറ്റി കൺവീനർ A സാദിഖലി മാസ്റ്റർ തുടങ്ങിയവർ പ്രസംഗിച്ചു. തുടർന്ന് കുട്ടികളുടെയും അദ്ധ്യാപകരുടെ യും രക്ഷിതാക്കളുടേയും വിവിധ പരപാടികൾ  സംഘടിപ്പിച്ചു. സദ്യയും പായസവും വിതരണം ചെയ്തു

പ്രബുദ്ധതയുടെയും നീതി ബോധത്തിന്റെയും പരസ്പര സ്‌നേഹത്തിന്റെയും പ്രതീകമാണ് ഓണം;അഡ്വ : കെ എന്‍ എ ഖാദര്‍ എം എല്‍ എ

പ്രബുദ്ധതയുടെയും നീതി ബോധത്തിന്റെയും പരസ്പര സ്‌നേഹത്തിന്റെയും പ്രതീകമാണ് ഓണം;അഡ്വ : കെ എന്‍ എ ഖാദര്‍ എം എല്‍ എ

വേങ്ങര : പ്രബുദ്ധതയുടെയും നീതി ബോധത്തിന്റെയും പരസ്പര സ്‌നേഹത്തിന്റെയും

സാഹോദര്യത്തിന്റെയും പ്രതീകമാണ് ഓണമെന്ന് മണ്ഡലം എം.എല്‍.എ കെ.എന്‍.എ

ഖാദര്‍. ചേറൂര്‍ പി പി ടി എം സ്‌കൂള്‍ വിദ്യാര്‍ത്ഥികളുടെ ഓണാഘോഷം

ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സന്തോഷവും സമാധാനവും

നീതിയും സന്ദേശമാക്കാന്‍ ഓരോരുത്തരും ഈ ആഘോഷനാളില്‍ കൈകോര്‍ക്കണം.

        ഓണാഘോഷ പരിപാടിയെ വൈവിധ്യമാക്കിയ ഓണച്ചന്ത ഒരുക്കിയ വിദ്യാര്‍ഥികളെ

എം.എല്‍.എ അഭിനന്തിച്ചു. പിടിഎ പ്രസിഡണ്ട്  മുജീബ് പൂക്കോത്ത് അധ്യക്ഷത വഹിച്ചു സ്‌കൂള്‍ പ്രിന്‍സിപ്പല്‍ കാപ്പന്‍ അബ്ദുല്‍ ഗഫൂര്‍ മാസ്റ്റര്‍ സ്‌കൂള്‍ ഹെഡ്മാസ്റ്റര്‍ മജീദ് മാസ്റ്റര്‍ ഗ്രാമ പഞ്ചായത്ത് മെമ്പര്‍ കെ നെയിം പിടിഎ വൈസ് പ്രസിഡണ്ട് കുട്ടി അലി സി എന്‍എസ്എസ് കോഡിനേറ്റര്‍

ബഷീര്‍ മാസ്റ്റര്‍,കൃഷിഓഫീസര്‍ ജംഷീദ് ഹമീദ് മാസ്റ്റര്‍,ഹംസ ഹാജി,ബാബു കെ,പിടി മുജീബ് തുടങ്ങിയവര്‍ സംബന്ധിച്ചു

AMLP സ്കൂൾ പറപ്പൂർ വെസ്റ്റിൽ ഓണാഘോഷം വളരെ സമുചിതമായി ആഘോഷിച്ചു

AMLP സ്കൂൾ പറപ്പൂർ വെസ്റ്റിൽ ഓണാഘോഷം വളരെ സമുചിതമായി ആഘോഷിച്ചു

സമൃദ്ധിയുടെ ഓണം,സന്തോഷത്തിന്റെ ഓണം,സമത്വത്തിന്റെ ഓണം,ഒരിക്കൽ കൂടി മാവേലിമന്നനെ വരവേൽക്കാൻ AMLPS പറപ്പൂർ വെസ്റ്റിന്റെ അധ്യാപകരും വിദ്യാർത്ഥികളും,രക്ഷിതാക്കളും,PTA അംഗങ്ങളും,പൂർവ വിദ്യാർത്ഥികളും,അധ്യാപക വിദ്യാർത്ഥികളും,നാട്ടുകാരും,ഒന്നിച്ചുകൂടി സ്കൂൾഅങ്കണത്തിൽ ഓണപ്പാട്ടിന്റെ അകമ്പടിയിൽ വലിയ പൂക്കളം നിർമിച്ചു.

ഇന്നത്തെ സമൂഹത്തിലെ വിദ്യാർത്ഥികൾക്ക് പഴമയുടെ ഓണമത്സരങ്ങൾ പരിചയപ്പെടുത്തുന്നത് കൂടിയായിരുന്നു ഈ ഓണം.വാശിയേറിയ നിരവദി മത്സരങ്ങൾ അരങ്ങേറി.

രുചിയൂറും ഭക്ഷണത്തിന്റെ മണം മൂക്കിൻതുമ്പിൽ എത്തിമ്പോയേക്കും നാവിൻ തുമ്പിൽ രുചി മനസ്സിലാക്കാൻ കഴിവുള്ള  കൈപുണ്യമുള്ള രക്ഷിതാക്കളുടെ നേതൃത്വത്തിൽ ആയിരുന്നു ഭക്ഷണങ്ങൾ എല്ലാം തയ്യാറാക്കിയത്.

പരിപാടിയിൽ PTA പ്രസിഡന്റ് മുഹമ്മദ് ഹനീഫ.പി PTA,MPTA,

ഭാരവാഹികൾ,പ്രധാന അധ്യാപകൻ.കെ ദിനേശൻ നായർ,അധ്യാപകരായ ആർ.രാജേഷ്, എം.റഷീദ,ഇ.നജ്മുന്നീസ,കെ.മഹ്‌റൂഫ്,പി.ഹാഫിസ് ,അധ്യാപക വിദ്യാർത്ഥികളായ റഹീസ്,നിവിൻ,ഇൻസാം,വിനീത് പൂർവവിദ്യാർത്ഥികൾ,രക്ഷിതാക്കൾ,നാട്ടുകാർ എന്നിവർ പങ്കെടുത്തു.

പ്രളയ നിധിക്കായി പുതുമയുള്ള പെട്ടി

പ്രളയ നിധിക്കായി പുതുമയുള്ള പെട്ടി

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കൻഡറി സ്കൂളിൽ മുഖ്യമന്ത്രിയുടെ പ്രളയ ദുരിതാശ്വാസ ഫണ്ട് സ്വരൂപിക്കാനായി സ്ഥാപിച്ച ബോക്സ് വ്യത്യസ്തത കൊണ്ട് ശ്രദ്ധേയമായി.വെള്ളത്തിൽ നിന്നും ഉയർന്ന് വരുന്ന കൈകളിൽ ഭദ്രമായ കേരളത്തിന്റെ മാതൃകയിൽ നിർമ്മിച്ച സംഭാവനപ്പെട്ടി വേറിട്ട് നിന്നു. സ്കൂളിലെ ചിത്രകലാ അദ്ധ്യാപകൻ ഷൈജു കാക്കഞ്ചേരി രൂപ കൽപ്പന ചെയ്തതാണ് ഈ ബോക്സ്.  കേരളത്തെ താങ്ങി നിർത്തുന്ന സഹായഹസ്ഥങ്ങൾ പ്രളയാനന്തര കേരളത്തെയും സുമനസുകളുടെ കൈതാങ്ങും ഓർമ്മിപ്പിക്കുന്നതാണ് ഈ സംഭാവനപ്പെട്ടി. സ്കൂളിലെ ഓണാഘോഷത്തിന്റെ ഭാഗമായി മഹാബലിയുടെ വേഷം കെട്ടിയ ഒമ്പതാം ക്ലാസുകാരൻ ഋതിൻദാസ് ആദ്യ സംഭാവനയ നിക്ഷേപിച്ച് ഉദ്ഘാടനം നിർവ്വഹിച്ചു.

പ്രിൻസിപ്പാൾ യൂസുഫ് കരുമ്പിൽ, ഹെഡ്മാസ്റ്റർ പി.ബി അനിൽകുമാർ, ബേബി ജോൺ, ഹസ്സൻ ആലുങ്ങൽ, അസീസ് കാമ്പ്രൻ, അബ്ദു കാരാടൻ, ഷൈജു കാക്കഞ്ചേരി ,  ഷംന എന്നിവർ സംബന്ധിച്ചു. നാല് ദിവസം ബോക്സ് വഴി സംഭാവനകൾ സ്വീകരിക്കും.

ഓണാഘോഷവും ഓണസദ്യയും സംഘടിപ്പിച്ചു. ഓണാഘോഷങ്ങൾക്ക് പി സി ഗിരീഷ് കുമാർ, പി.സുജിത് കുമാർ, അജ്മൽ തറമ്മൽ, ശാഭന പൂളക്കുത്ത്, ജി. ശ്രീജിത്ത് എന്നിവർ നേതൃത്വം നൽകി.

കവളപ്പാറ; മുഴുവൻ മൃതദേഹങ്ങളും കണ്ടെത്താതെ തിരച്ചിൽ നിർത്തിയത് സർക്കാരിന്റെ പിടിപ്പുകേട് : കെ എൻ എ കാദർ എംഎൽഎ

കവളപ്പാറ; മുഴുവൻ മൃതദേഹങ്ങളും കണ്ടെത്താതെ തിരച്ചിൽ നിർത്തിയത് സർക്കാരിന്റെ പിടിപ്പുകേട് :  കെ എൻ എ കാദർ എംഎൽഎ

ഒതുക്കുങ്ങൽ  : കവളപ്പാറയിൽ കാണാതായ മൃതദേഹങ്ങൾ മുഴുവൻ കണ്ടെത്തുന്നതിനു മുമ്പ് തന്നെ തിരച്ചിൽ നിർത്തിയത്  സർക്കാരിൻറെ പിടിപ്പുകേടാണെന്ന് അഡ്വ. കെ എന്‍ എ കാദര്‍ എം എല്‍ എ. ഒതുക്കുങ്ങൽ പഞ്ചായത്ത് ഗ്ലോബൽ കെ എം സി സി നടത്തിയ ആദരം പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

 പ്രളയാനന്തരം കാണാതായ ബന്ധുക്കളെ കണ്ടെത്താൻ സാധിക്കാത്തതിൽ പ്രയാസപ്പെടുന്ന കുടുംബാംഗങ്ങൾക്ക് ആശ്വാസമേകാൻ മൃതദേഹങ്ങൾ കണ്ടെത്തുക തന്നെ വേണം. കണ്ടെത്തുന്നതുവരെ സർക്കാർ തിരച്ചിൽ നടത്തണം. യാതൊരു ചർച്ചയും കൂടാതെ സർക്കാരെടുത്ത തീരുമാനത്തില്‍ പൊതു സമൂഹത്തിന് വലിയ പ്രതിഷേധമുണ്ട്.

ദുരിതബാധിതർക്ക് പ്രഖ്യാപിച്ച ആനുകൂല്യം എത്രയും പെട്ടെന്ന് നൽകണമെന്നും  എംഎൽഎ ആവശ്യപ്പെട്ടു.

മുഹമ്മദ് പുല്ലമ്പലവൻ അധ്യക്ഷത വഹിച്ചു.പുല്ലാണി സൈദ്,അടാട്ടിൽ കുഞ്ഞാപ്പു,ശിഹാബ് മാസ്റ്റർ

എന്നിവർ പ്രസംഗിച്ചു.സലാം എം ടി സ്വഗതവും അനീസ് പി കെ നന്ദിയും പറഞ്ഞു

മമ്പുറം ആണ്ടുനേര്‍ച്ചക്ക് നാളെ കൊടികയറ്റം

മമ്പുറം ആണ്ടുനേര്‍ച്ചക്ക് നാളെ കൊടികയറ്റം

മലപ്പുറം: മലബാറിലെ ആത്മീയാചാര്യനും സ്വാതന്ത്ര്യ സമര പോരാട്ടങ്ങളിലെ ഊര്‍ജ്ജവുമായിരുന്ന ഖുഥ്ബുസ്സമാന്‍ സയ്യിദ് അലവി മൗലദ്ദവീല തങ്ങളുടെ 181-ാം ആണ്ടുനേര്‍ച്ചക്ക് ഞായറാഴ്ച്ച കൊടിയേറ്റം.ജാതി-മത ഭേദമന്യേ പതിനായിരങ്ങള്‍ പങ്കെടുക്കുന്ന നേര്‍ച്ചയുടെ മുഴുവന്‍ ഒരുക്കങ്ങളും പൂര്‍ത്തിയായതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. മമ്പുറം മഖാം ദാറുല്‍ഹുദാ മാനേജിംഗ് കമ്മിറ്റി ഏറ്റെടുത്തതിന് ശേഷമയുള്ള 21-ാമത് നേര്‍ച്ച കൂടിയാണിത്.
ഞായറാഴ്ച്ച അസ്വര്‍ നമസ്‌കാരാനന്തരം മഖാമില്‍ കൂട്ട സിയാറത്ത് നടക്കും. കോഴിക്കോട് വലിയ ഖാസി പാണക്കാട് സയ്യിദ് നാസര്‍ ഹയ്യ് ശിഹാബ് തങ്ങള്‍ നേതൃത്വം നല്‍കും. തുടര്‍ന്ന് മമ്പുറം സയ്യിദ് അഹ്മദ് ജിഫ്രി തങ്ങള്‍ കൊടികയറ്റുന്നതോടെ ഒരാഴ്ച്ച നീണ്ടുനില്‍ക്കുന്ന 181-ാം ആണ്ടുനേര്‍ച്ചക്ക് തുടക്കമാവും.
മഗ്‌രിബ് നമസ്‌കാരാനന്തരം മജ്്‌ലിസുന്നൂര്‍ ആത്മീയ സംഗമം നടക്കും. സമസ്ത കേന്ദ്ര മുശാവറാംഗം എ. മരക്കാര്‍ മുസ്്‌ലിയാര്‍ പ്രാര്‍ത്ഥനക്ക് നേതൃത്വം നല്‍കും. അബ്ദുസ്സലാം ബാഖവി കിഴിശ്ശേരി പ്രഭാഷണം നടത്തും.
2,3,4 (തിങ്കള്‍, ചൊവ്വ, ബുധന്‍) തിയ്യതികളില്‍ രാത്രി മൗലിദ് പാരായണവും ഉദ്‌ബോധന ക്ലാസുകളും നടക്കും. 5-ന് രാത്രി നടക്കുന്ന മമ്പുറം സ്വലാത്ത് മജ്്‌ലിസിന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈല്‍ നേതൃത്വം നല്‍കും. 6-ന് രാത്രി മമ്പുറം തങ്ങള്‍ അനുസ്മരണ പ്രഭാഷണം നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂര്‍ അനുസ്മരണപ്രഭാഷണം നടത്തും. 7-ന് ശനി രാത്രി പ്രാര്‍ത്ഥന സമ്മേളനവും മമ്പുറം സയ്യിദ് മൗലദ്ദവീല ഹിഫ്‌ളുല്‍ ഖുര്‍ആന്‍ കോളേജില്‍ നിന്നു ഖുര്‍ആന്‍ മനഃപാഠമാക്കിയ ഹാഫിളീങ്ങള്‍ക്കുള്ള സനദ് ദാനവും നടക്കും. പാണക്കാട് സയ്യിദ് സ്വാദിഖലി ശിഹാബ് തങ്ങള്‍ പ്രാര്‍ത്ഥനാ സമ്മേളനം ഉദ്ഘാടനം ചെയ്യും. ദാറുല്‍ഹുദാ വി.സി ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷത വഹിക്കും. പ്രാര്‍ത്ഥനാ സദസ്സിന് വാവാട് കുഞ്ഞിക്കോയ മുസ്്‌ലിയാര്‍ നേതൃത്വം നല്‍കും. സമസ്ത കേരള ജംഇയ്യത്തുല്‍ ഉലമാ ജന.സെക്രട്ടറി കെ.ആലിക്കുട്ടി മുസ്്‌ലിയാര്‍ സനദ് ദാനം നിര്‍വഹിക്കും.
നേര്‍ച്ചയുടെ സമാപന ദിനമായ എട്ടിന് ഞായറാഴ്ച്ച രാവിലെ എട്ട് മണി മുതല്‍ അന്നദാനം നടക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് അബ്ദുര്‍റഹ്്മാന്‍ ജിഫ്രി തങ്ങള്‍ കോഴിക്കോട് അധ്യക്ഷത വഹിക്കും. സയ്യിദ് ആബിദ് ഹുസൈന്‍ തങ്ങള്‍ എം.എല്‍.എ, സയ്യിദ് അഹ്്മദ് ജിഫ്രി തങ്ങള്‍ മമ്പുറം, പ്രമുഖ സാദാത്തീങ്ങളും ആലിമീങ്ങളും സംബന്ധിക്കും.
ഉച്ചക്ക് ളുഹ്ര് നമസ്‌കാരാനന്തരം നടക്കുന്ന മൗലിദ് ഖത്മ് ദുആയോടെ ഒരാഴ്ച്ചത്തെ മമ്പുറം ആണ്ടുനേര്‍ച്ചക്ക് സമാപ്തിയാവും. സമാപന പ്രാര്‍ത്ഥനക്ക് സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍ നേതൃത്വം നല്‍കും. അന്നദാനത്തിനായി ഒരു ലക്ഷത്തിലധികം പാക്കറ്റുകള്‍ തയ്യാറാക്കുമെന്നും ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

തോട്ടശ്ശേരിയറ - നെടിയിരുപ്പ് ഹരിജൻ കോളനി റോഡ് ഉദ്‌ഘാടനം ചെയ്‌തു

തോട്ടശ്ശേരിയറ - നെടിയിരുപ്പ് ഹരിജൻ കോളനി റോഡ് ഉദ്‌ഘാടനം ചെയ്‌തു 

തോട്ടശ്ശേരിയറ - നെടിയിരുപ്പ് ഹരിജൻ കോളനി റോഡ് ബിഎം ആൻഡ് ബിസി വർക്ക് 4 കോടി 75 ലക്ഷം രൂപ ചിലവഴിച്ചു പുതുതായി പ്രവർത്തി പൂർത്തിയാക്കിയ ഉദ്ഘാടനം വേങ്ങര എംഎൽഎ കെ എൻ എ കാദർ നിർവഹിച്ചു.ജില്ലാ പഞ്ചായത്ത് പ്രസിഡന്റ് എ പി ഉണ്ണികൃഷ്ണൻ അധ്യക്ഷത വഹിച്ചു  ബ്ലോക്ക് പഞ്ചായത്ത് പ്രസിഡൻറ് ചാക്കീരി അബ്ദുൽ ഹഖ് ഗ്രാമപഞ്ചായത്ത് പ്രസിഡണ്ട് കെ പി സരോജിനി  ജില്ലാ പഞ്ചായത്ത് അംഗം സലീം കുരുവമ്പലം ഗ്രാമ പഞ്ചായത്ത് വൈസ് പ്രസിഡണ്ട് പുള്ളാട്ട് സലീം മാസ്റ്റർ മെമ്പർമാരായ പുള്ളാട്ട് ശരീഫ് ബേബി ചാലിൽ ടി കെ അബ്ദു ടി പി ശരീഫ് അബ്ദുറഹ്മാൻ പള്ളിയാളി ബേബി ശ്രീ നൗഷാദ് കാമ്പ്രം പുളിക്കൽ അബൂബക്കർ മാസ്റ്റർ കൊമ്പതിൽ അബ്ദുറസാഖ് ഇ കെ ആലി മൊയ്തീൻ ഇ കെ കെ അലി ബാവ കെ പി ജയൻ കെ വി ബാലസുബ്രഹ്മണ്യം സുബ്രഹ്മണ്യൻ എം പി അബ്ദുല്ല അസിസ്റ്റൻറ് എൻജിനീയർ ഗീത ജി എക്സിക്യൂട്ടീവ് എഞ്ചിനീയർ പൊതുമരാമത്ത് അബ്ദുൽ അസീസ് അസിസ്റ്റൻറ് എക്സിക്യൂട്ടീവ് എഞ്ചിനീയർ പൊതുമരാമത്ത് തുടങ്ങിയവർ പ്രസംഗിച്ചു

അമ്മാഞ്ചേരിക്കാവിൽ ശുദ്ധികലശവും പരിഹാരക്രിയകളും ഇന്ന് സമാപിക്കും

അമ്മാഞ്ചേരിക്കാവിൽ ശുദ്ധികലശവും പരിഹാരക്രിയകളും ഇന്ന് സമാപിക്കും

വേങ്ങര:വേങ്ങര അമ്മാഞ്ചേരിക്കാവ് ഭഗവതീക്ഷേത്രത്തിൽ ചൊവ്വാഴ്ച തുടങ്ങിയ ശുദ്ധികലശവും പരിഹാരക്രിയകളും വെള്ളിയാഴ്ച സമാപിക്കും. ചൊവ്വാഴ്ച കാലത്ത് ആറിന് അഭിഷേകത്തോടെയായിരുന്നു ചടങ്ങുകൾ തുടങ്ങിയത്. വ്യാഴാഴ്ച തിലഹവനം, പ്രാസാദശുദ്ധി ക്രിയകൾ, വാസ്തുബലി, ഭഗവത്‌സേവ എന്നിവ നടന്നു. അത്താഴപൂജയ്ക്കുശേഷം നടയടച്ചു.

വെള്ളിയാഴ്ച കാലത്ത് ആറിന് അഭിഷേകത്തോടെ ചടങ്ങുകൾ തുടങ്ങും. മലർനിവേദ്യം, ഉഷപൂജ, ഗണപതിഹോമം, ബിംബശുദ്ധി കലശാഭിഷേകങ്ങൾ, സായുജ്യപൂജ, 25 കലശത്തോടെയുള്ള ഉച്ചപ്പൂജ എന്നിവയ്ക്കുശേഷം വൈകീട്ട് ഏഴിന് അത്താഴപൂജയോടെ ചടങ്ങുകൾ സമാപിക്കും. തന്ത്രി കുട്ടല്ലൂർ നാരായണൻ നമ്പൂതിരി, എളമ്പിലക്കാട്ട് ആനന്ദ് നമ്പൂതിരി എന്നിവരാണ് കാർമികത്വം വഹിക്കുന്നത്.

കളിസ്ഥലത്തെ ഒച്ചയുടെ പേരിൽ വീണ്ടും ഒച്ചപ്പാട്‌

വേങ്ങര:ചേറൂർ റോഡിലെ കളിസ്ഥലത്തുനിന്നുള്ള ശബ്ദമലിനീകരണത്തിന്‌ കുറവില്ലെന്ന്‌ വീണ്ടും റസിഡന്റ്‌സ്‌ അസോസിയേഷനും നാട്ടുകാരും. 

അസോസിയേഷൻ  കളിസ്ഥലം നടത്തിപ്പുകാരുമായുണ്ടാക്കിയ കരാർ ലംഘിച്ചതായും ഇവർ പരാതിപ്പെട്ടു. മിനി വെസ്റ്റ്  റസിഡന്റ്‌സ് അസോസിയേഷന്റെ പരാതിയിൽ  ഏപ്രിലിൽ ഇരുകൂട്ടരും തമ്മിൽ  ധാരണയിലെത്തിയിരുന്നു. ഇപ്പോൾ പ്രശ്‌നം വീണ്ടും ഉയർന്നിരിക്കയാണ്‌. 

അന്ന്‌ ഊരകം പഞ്ചായത്ത് പ്രസിഡന്റിന്റെ  അധ്യക്ഷതയിലായിരുന്നു യോഗം. 

ധാരണപ്രകാരം ശബ്ദനിയന്ത്രണത്തിനായി സൗണ്ട് പ്രൂഫിങ്‌ ഏർപ്പെടുത്തുക, കളിസമയം രാവിലെ ആറുമുതൽ എട്ടുവരെയാക്കുക തുടങ്ങിയവയാണ് നടപ്പാകാതെപോയത്. 

15–-ലധികം കുടുംബങ്ങൾ താമസിക്കുന്നിടത്ത് കുട്ടികളുടെ പഠനവും സമാധാനാന്തരീക്ഷവും നഷ്ടപ്പെടുന്നുവെന്നതിനാൽ പഞ്ചായത്ത് ഭരണാധികാരികൾക്ക് വീണ്ടും  പരാതി നൽകിയിരിക്കയാണ് നാട്ടുകാർ...

അമ്മാഞ്ചേരിക്കാവിൽ ശുദ്ധികലശവും പരിഹാരക്രിയകളും ഇന്ന് തുടങ്ങും

വേങ്ങര: വേങ്ങര അമ്മാഞ്ചേരിക്കാവ് ഭഗവതീക്ഷേത്രത്തിൽ ശുദ്ധികലശവും പരിഹാരക്രിയകളും ചൊവ്വാഴ്ച തുടങ്ങും. കാലത്ത് ആറിന് അഭിഷേകം, മലർനിവേദ്യം, ഉച്ചപൂജ, ഗണപതിഹോമം തുടങ്ങിയ പുരിപാടികൾക്കുശേഷം വൈകീട്ട് ഏഴിന് അത്താഴപൂജയോടെ നടയടയ്ക്കും. ബുധനാഴ്ച മലർനിവേദ്യം, സപ്തശുദ്ധി അഭിഷേകം, വിളിച്ചുചൊല്ലി പ്രായശ്ചിത്തം, ഭഗത്‌സേവ, വിഷ്ണുസഹസ്രനാമജപം തുടങ്ങിയ ചടങ്ങുകളും രാവിലെ അന്നദാനവും ഉണ്ടാവും.

വ്യാഴാഴ്ച പ്രാസാദശുദ്ധി ക്രിയകൾ, വാസ്തുബലി, ഭഗവത്‌സേവ തുടങ്ങിയ ചടങ്ങുകളുണ്ടാകും. അത്താഴപൂജയ്ക്കുശേഷം നടയടയ്ക്കും. വെള്ളിയാഴ്ച ബിംബശുദ്ധി കലശാഭിഷേകങ്ങൾ, സായൂജ്യപൂജ, 25 കലശത്തോടെയുള്ള ഉച്ചപൂജ തുടങ്ങിയ ചടങ്ങുകൾക്കുശേഷം വൈകീട്ട് ഏഴിന് അത്താഴപൂജയോടെ ചടങ്ങുകൾ സമാപിക്കും. തന്ത്രി കുട്ടല്ലൂർ നാരായണൻ നമ്പൂതിരി, എളമ്പിലക്കാട്ട് ആനന്ദ് നമ്പൂതിരി എന്നിവർ കാർമികത്വം വഹിക്കും.

തിരൂരങ്ങാടി സപ്ലൈ ഓഫീസിന് കീഴിലുള്ള റേഷൻ കാർഡ് ഉടമകൾക്ക് റേഷൻ കാർഡ് ആധാറുമായി ലിങ്ക് ചെയ്യുന്നതിനുള്ള അവസാന അവസരം

തിരൂരങ്ങാടി സപ്ലൈ ഓഫീസിന് കീഴിലുള്ള റേഷൻ കാർഡ് ഉടമകൾക്ക് റേഷൻ കാർഡ് ആധാറുമായി ലിങ്ക് ചെയ്യുന്നതിനുള്ള അവസാന അവസരം

തിരൂരങ്ങാടി:റേഷൻ കാർഡ് ആധാർ കാർഡുമായി ഇതുവരെയും ലിങ്ക് ചെയ്യാത്ത കാർഡുടമകൾക്കായി തിരൂരങ്ങാടി താലൂക്ക് സപ്ലൈ ഓഫിസിൽ വച്ച് ആധാർ ലിങ്ക് ചെയ്യുന്നതിനായി 30.08.2019 വെളളി വേങ്ങര, ഊരകം, ഒതുക്കുങ്ങൽ, പറപ്പൂർ പഞ്ചായത്തുകൾ
31.08.2019 ശനി
തേഞ്ഞിപ്പലം, പെരുവളളൂർ, എ.ആർ നഗർ, കണ്ണമംഗലം പഞ്ചായത്തുകൾ
സമയം രാവിലെ 10.30 മുതൽ വൈകുന്നേരം 4.00 മണി വരെ
2019 ആഗസ്റ്റ് 31 നു ശേഷം ആധാർ കാർഡ് റേഷൻ കാർഡുമായി ലിങ്ക്
ചെയ്യുന്നതിന് അവസരം ഉണ്ടായിരിക്കുന്നതല്ല. ആയതിനാൽ ഈ അവസരം
ഇതുവരെ ലിങ്ക് ചെയ്യാത്ത മുഴുവൻ പേരും വിനിയോഗിക്കണമെന്ന് താലൂക്ക്
സപ്പെ ഓഫീസർ അറിയിച്ചു

പക്ഷിമഘട്ടം മലകളുടെ തകർച്ച പ്രകൃതി ക്ഷോഭത്തിന് കാരണമായി  കെ എൻ എ ഖാദർ എം എൽ എ

ഒതുക്കുങ്ങൽ : പക്ഷിമഘട്ടം മല നിരകളുട തകർച്ച പ്രകൃതി ക്ഷോഭത്തിന് കാരണമായി അഡ്വ. കെ എന്‍ എ കാദര്‍ എം എല്‍ എ അഭിപ്രായപ്പെട്ടു.

 ഒതുക്കുങ്ങൽ പൊട്ടിക്കല്ല് എസ് കെ എസ് എസ് എഫ് ക്ലസ്റ്റർ  കോൺഫ്രൻസ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.  9 കോടി വർഷം മുമ്പ് ദൈവം ജീവജാലങ്ങൾക്ക് വേണ്ടി സൃഷ്ടിച്ച പക്ഷിമഘട്ടം ഗുജറാത്ത് മുതൽ തമിഴ്നാട് വരെ നീണ്ടുകിടക്കുന്ന പക്ഷിമ ഘട്ടം മലകളും കുന്നുകളും അന്യായമായ കയ്യേറ്റത്തിൽ  നശിപ്പിച്ചത്  കാരണമാണ് പ്രകൃതിക്ഷോഭം ഉണ്ടാകുന്നതായും 

എല്ലാ മതങ്ങളും വേദഗ്രന്ഥങ്ങളും പ്രകൃതി സംരക്ഷിക്കണമെന്ന് ആവശ്യപ്പെടുന്നുണ്ടെന്നും

ഭൂമിയെ മനുഷ്യൻറെ കൈകടത്തൽ മൂലം ജീവജാലങ്ങളുടെ വാസസ്ഥലം ഇല്ലാതാക്കി മാറ്റി

വരും തലമുറക്ക് ഇവിടെ ജീവിതം സാധിക്കാത്ത വിധമാക്കിയതായും എംഎൽഎ കൂട്ടിച്ചേർത്തു.

ശരീഫ് ഫൈസി അധ്യക്ഷത വഹിച്ചു

 സൈതലവി മുസ്ലിയാർ ഗൂഡല്ലൂര് മുഖ്യപ്രഭാഷണം നടത്തി. സഫീർ ബാബു ,കബീർ ഫൈസി,

ശരീഫ് പൊട്ടിക്കല്ല് തുടങ്ങിയവർ പ്രസംഗിച്ചു

വലിയോറ ബാക്കിക്കയം റെഗുലേറ്റര്‍ ഷട്ടറിന്റെ ഉയരകുറവ് പരിഹരിക്കാന്‍ നടപടി സ്വീകരിക്കണം

വലിയോറ ബാക്കിക്കയം റെഗുലേറ്റര്‍ ഷട്ടറിന്റെ ഉയരകുറവ് പരിഹരിക്കാന്‍ നടപടി സ്വീകരിക്കണം

മലപ്പുറം: പ്രളയ സമയത്ത് വേങ്ങര, വലിയോറ, പാണ്ടികശാല പ്രദേശങ്ങളില്‍ ജലനിരപ്പ് ഉയര്‍ന്നതിന് കാരണമായ ബാക്കിക്കയം റെഗുലേറ്റര്‍ ഷട്ടറിന്റെ ഉയരകുറവ് പരിഹരിക്കാന്‍ നടപടി സ്വീകരിക്കണമെന്ന് അഡ്വ. കെ.എന്‍.എ ഖാദര്‍ എം.എല്‍.എ.  മലപ്പുറം കലക്ട്രേറ്റ് ആസൂത്രണ സമിതി ഓഡിറ്റോറിയത്തില്‍ വേങ്ങര മണ്ഡലം പ്രളയ കെടുതി വിലയിരുത്താന്‍ വിളിച്ചുചേര്‍ത്ത യോഗം ഉദ്ഘാടനം ചെയ്യുകയായിരുന്നു. വേങ്ങര കൂരിയാട് ജംഗ്ഷന്‍ പ്രളയകാലത്ത് ഒറ്റപ്പെടുന്നതിനാല്‍ ഈ പ്രദേശത്തെ റോഡ് ഉയര്‍ത്തുന്നതിന് ആവശ്യമായ നടപടി സ്വീകരിക്കണം. വേങ്ങര നിയോജക മണ്ഡലത്തിലെ കുഴിപ്പുറം പാലത്തിന് തകരാര്‍ സംഭവിക്കും വിധം സൈഡ് തകര്‍ന്നിട്ടുണ്ട്. ഇവിടെ പ്രൊട്ടക്ഷന്‍ വര്‍ക്ക് നടത്തണമെന്നും നിയോജക മണ്ഡല തകര്‍ന്ന് പോയ സൈറ്റുകള്‍ കെട്ടി വീടുകള്‍ സംരക്ഷിക്കുന്നതിന് ആവശ്യമായ നടപടി സ്വീകരിക്കണമെന്നും, പ്രളയത്തില്‍ സഞ്ചാര യോഗ്യമല്ലാതായ പറപ്പൂര്‍ പഞ്ചായത്തിനെയും ഒതുക്കുങ്ങല്‍ പഞ്ചായത്തിനെയും ബന്ധിപ്പിക്കുന്ന കാഞ്ഞിരക്കടവ് തൂക്കുപാലം ഗതാഗത യോഗ്യമാക്കണമെന്നും, പുത്തൂര്‍ പുതിയ പാലത്തിന്റെ അപ്രോച്ച് റോഡിലുണ്ടായ വിള്ളല്‍ പരിശോധിക്കാനും നിര്‍ദേശം നല്‍കി. 

എ.ആര്‍ നഗര്‍ പഞ്ചായത്തില്‍ 40 വീടുകള്‍ക്ക് നമ്പര്‍ കിട്ടാതെ കഷ്ടപ്പെടുന്നുണ്ട് ഇവര്‍ക്ക് എത്രയും പെട്ടെന്ന് നമ്പര്‍ നല്‍കുന്നതിന് നടപടി സ്വീകരിക്കണം. പുത്തൂര്‍പാടത്ത് സ്ഥാപിച്ചിട്ടുള്ള വൈദ്യുതി ട്രാന്‍സ്‌ഫോര്‍മര്‍ പ്രളയത്തില്‍ വെള്ളത്തില്‍ മുങ്ങുകയും യാതൊരു പ്രൊട്ടക്ഷന്‍  ഇല്ലാത്തത് കാരണം അപകടങ്ങള്‍ സംഭവിക്കാന്‍ കാരണം ഉള്ളതിനാല്‍ ആവശ്യമായ പ്രൊട്ടക്ഷന്‍ നിര്‍മ്മിക്കാന്‍ നടപടി സ്വീകരിക്കണം. പ്രളയ ബാധിതരായ ക്യാമ്പില്‍ രജിസ്റ്റര്‍ ചെയ്തിട്ടുള്ള വരും ചെയ്യാത്തവരും ആയ എല്ലാവര്‍ക്കും ആനുകൂല്യം ലഭിക്കുക, ഭാഗികമായും പൂര്‍ണമായും തകര്‍ന്ന വീടുകള്‍ക്കും കെട്ടിടങ്ങള്‍ക്കും ആവശ്യമായ നഷ്ടപരിഹാരം എത്രയും പെട്ടെന്ന് നല്‍കാന്‍ നടപടി സ്വീകരിക്കുക, പ്രളയത്തില്‍ തകര്‍ന്ന മുഴുവന്‍ റോഡുകളും നന്നാക്കുന്നതിന് ആവശ്യമായ നടപടി സ്വീകരിക്കുക, നിയോജകമണ്ഡലത്തില്‍ പ്രളയം മൂലം  തകരാറിലായ ശുദ്ധജല വിതരണ പദ്ധതി കേടുപാടുകള്‍ നികത്തി ജലം എത്തിക്കുന്നതിന് ആവശ്യമായ നടപടി സ്വീകരിക്കുക, തകരാറിലായ വൈദ്യുതിയില്‍ പമ്പ് സെറ്റുകള്‍ എന്നിവ എത്രയും പെട്ടെന്ന് കേടുപാടുകള്‍ തീര്‍ക്കുക തുടങ്ങിയ വിഷയങ്ങള്‍ യോഗത്തില്‍ ചര്‍ച്ച ചെയ്തു. ജില്ലാ കലക്ടര്‍ ജാഫര്‍ മാലിക് അധ്യക്ഷത വഹിച്ചു. ഡെപ്യൂട്ടി കലക്ടര്‍ അരുണ്‍കുമാര്‍, ബ്ലോക്ക് പഞ്ചായത്ത് പ്രസിഡന്റ്, ഗ്രാമ പഞ്ചായത്ത് പ്രസിഡന്റുമാര്‍ ജില്ലയിലെ വിവിധ വകുപ്പുകളിലെ ഉന്നത ഉദ്യോഗസ്ഥര്‍  മണ്ഡലത്തിലെ പഞ്ചായത്തുകളിലെ സെക്രട്ടറിമാര്‍ വില്ലേജ് ഓഫീസര്‍മാര്‍ വിവിധ വകുപ്പ് മുതിര്‍ന്ന ഉദ്യോഗസ്ഥര്‍ യോഗത്തില്‍ പങ്കെടുത്തു.

ടോയ്ലറ്റ് ബ്ലോക്ക് ഉദ്ഘാടനം ചെയ്തു

മലപ്പുറം ജില്ലാ സുവർണ്ണ ജൂബിലി ആഘോഷങ്ങളുടെ ഭാഗമായി കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂളിൽ ജില്ലാ പഞ്ചായത്ത് പദ്ധതി പ്രകാരം നിർമ്മിച്ച ടോയ്ലറ്റ് ബ്ലോക്കുകളുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണിക്കൃഷ്ണൻ നിർവ്വഹിച്ചു. 

പന്ത്രണ്ട് ലക്ഷം രൂപ ചിലവിലാണ് പദ്ധതി പൂർത്തീകരിച്ചത്. ചടങ്ങിൽ ജില്ലാ പഞ്ചായത്ത് മെമ്പർ സലീം കുരുവമ്പലം അദ്ധ്യക്ഷനായിരുന്നു. മാനേജർ കെ.പി.ഹുസൈൻ ഹാജി ,പി ടി എ പ്രസിഡന്റ് കെ..കെ.മൊയ്തീൻ കുട്ടി, പ്രിൻസിപ്പാൾ യൂസുഫ് കരുമ്പിൽ, ഹെഡ്മാസ്റ്റർ പി.ബി. അനിൽ കുമാർ ,ഹസ്സൻ ആലുങ്ങൽ, കെ.പി. ദുർഗ്ഗാദാസ് ,യൂണിയൻ ചെയർമാൻ പി കെ..ഷാജഹാൻ, കാരാടൻ അബ്ദു, പി.മുഹമ്മദ് കുട്ടി, ഷംസുദ്ദീൻ പറാടൻ , കെ.എം ജയഭാരതി എന്നിവർ സംബന്ധിച്ചു.

നാടിന്റെ വളർച്ചയ്ക്ക് അഭിമാനത്തോടെ AMLPS പറപ്പൂർ വെസ്റ്റും

നാടിന്റെ വളർച്ചയ്ക്ക് അഭിമാനത്തോടെ AMLPS പറപ്പൂർ വെസ്റ്റും

AMLP സ്കൂൾ പറപ്പൂർ വെസ്റ്റിലെ വിദ്യാർത്ഥികളും അധ്യാപകരും,രക്ഷിതാക്കളും,പൂർവ്വവിദ്യാർത്ഥികളും  ഒത്തൊരുമിച്ചുകൊണ്ട് മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് ഒരു കുഞ്ഞു സഹായവുമായി രുചിക്കൂട്ട് വിപണന മേള വേങ്ങര കോട്ടക്കൽ വഴി കൂമൻകല്ല് പാലത്തിന് സമീപത്തായി  വിത്യസ്ത തരം രുചിയൂറും വിഭവങ്ങളുമായി വിപുലമായി നടന്നു.പരിപാടി വേങ്ങര സബ് ഇൻസ്‌പെക്ടർ ശ്രീ.മുഹമ്മദ് റഫീഖ് ഉദ്ഘാടനം നിർവഹിച്ചു.PTA പ്രസിഡന്റ് മുഹമ്മദ് ഹനീഫ.പി PTA വൈസ് പ്രസിഡന്റ് രമ്യ.ടി ,PTA MPTA ഭാരവാഹികളും,ഹെഡ്മാസ്റ്റർ ദിനേശൻ നായർ,SRG കൺവീനർ R.രാജേഷ്,അധ്യാപകരായ  റഷീദ.M,നജ്മുന്നീസ.E, മഹ്‌റൂഫ്.K,ഹാഫിസ്.P,എന്നിവരും പൂർവവിദ്യാർത്ഥികളും,

ടീച്ചർ ട്രൈനീസ് അധ്യാപകവിദ്യാര്ഥികളായ വിനീത്.Kp, റഹീസ്.K, ഇൻസാം.P,അടക്കം  നിരവധി രാഷ്ട്രീയ സാമൂഹിക മത രംഗത്തെ പ്രമുഖരും പരിപാടി വീക്ഷിക്കുകയും പങ്കെടുക്കുകയും  സഹകരിക്കുകയും ചെയ്തു.

പ്രളയം വിളക്കണച്ച വീടുകളില്‍ വീണ്ടും പ്രതീക്ഷയുടെ തിരി തെളിയിച്ച് EWSCES

പ്രളയം വിളക്കണച്ച വീടുകളില്‍ വീണ്ടും പ്രതീക്ഷയുടെ തിരി തെളിയിച്ച് EWSCES

EWSCES ന്റെ ജില്ലയിലെ വിവിധ ഭാഗങ്ങളില്‍ നിന്ന് എത്തിയ നൂറുക്കണക്കിന് സന്നദ്ധ പ്രവര്‍ത്തകര്‍ ദിവസങ്ങളുടെ പ്രയത്നങ്ങളാല്‍ വേങ്ങര പ്രദേശത്തെ  വെള്ളം കയറിയിറങ്ങിയ വീടുകളിലെ താറുമാറായ വയറിങ്ങുകള്‍ ശരിയാക്കി വൈദ്യുതീകരണ പ്രവര്‍ത്തികള്‍  പൂര്‍ത്തികരിച്ചു.

ഇലക്ട്രിക്കല്‍ വയര്‍മാന്‍,സൂപ്പര്‍ വൈസര്‍ കോണ്‍ട്രാക്ടേഴ്സ് ഏകോപന സമിതി മലപ്പുറം ജില്ലാ കമ്മറ്റിയുടെ നേതൃത്വത്തില്‍ പ്രളയ ദുരിതാശ്വാസ പ്രവര്‍ത്തനാര്‍ത്ഥം ജില്ലയിലെ പ്രളയം ബാധിച്ച ആയിരക്കണക്കിന് വീടുകളിലെ താറുമാറായ വയറിങ് കേടുപാടുകള്‍ തീര്‍ത്ത് വൈദ്യുതീകരണ പ്രവൃത്തി നടത്തി  കൊണ്ടിരിക്കുന്നതിന്‍റെ ഭാഗമായാണ് ഇവര്‍ വേങ്ങര കൂരിയാട്, മാതാട്,പാണ്ഡിക ശാല,,മണ്ണംപിലാക്കല്‍,കാളിക്കടവ്,മുതലമാട്,മഞ്ഞമാട് എന്നീ പ്രദേശങ്ങളിലെ നാനൂറില്‍ പരം വീടുകളിലെ വൈദ്യുതീകരണ പ്രവൃത്തികള്‍ പൂര്‍ത്തീകരിച്ചത്.  

സംഘടനയുടെ ശ്രദ്ധേയമായ പ്രളയാനന്തര സന്നദ്ധ പ്രവര്‍ത്തനങ്ങള്‍ ശ്രദ്ധയില്‍പ്പെട്ട്   തിരുവനന്തപുരം റിട്ടേഡ് ചീഫ് ഇലക്ട്രിക്കല്‍ ഇന്‍സ്പെക്ടര്‍ എന്‍.പി വിജയകുമാര്‍ കഴിഞ്ഞ ദിവസം വേങ്ങരയിലെത്തി സംഘടന നേതാക്കളെയും  പ്രവര്‍ത്തകരെയും അനുമോദിക്കുകയും തുടര്‍ സേവന പ്രവര്‍ത്തനങ്ങളില്‍ പങ്കാളിയായതും ഏറെ ശ്രദ്ധേയമായി.

വേങ്ങര മേഖലയിലെ പ്രളയാനന്തര വീടുകളില്‍ വെളിച്ചം നല്‍കാന്‍ നേതൃത്വം നല്‍കിയ  സംഘടന നേതാക്കളെയും പ്രവര്‍ത്തകരെയും

വേങ്ങര പഞ്ചായത്ത് സ്റ്റാന്‍റീങ് കമ്മറ്റി ചെയര്‍മാന്‍ പറങ്ങോടത്ത് അസീസും മറ്റു ജന പ്രതിനിധികളും ഉദ്യോഗസ്ഥരും ചേര്‍ന്ന് അനുമോദിച്ചു.

ഗ്രാമ പഞ്ചായത്ത് അംഗം ഹംസ,കെ.എസ്.ഇ.ബി വേങ്ങര അസിസ്റ്റന്‍റ് എഞ്ചിനിയര്‍ വിജയകുമാര്‍,വെന്നിയൂര്‍അസിസ്റ്റന്‍റ് എഞ്ചിനിയര്‍ സനോജ്,സംഘടനയുടെ സംസ്ഥാന വൈസ് പ്രസിഡണ്ട് ജാഫര്‍ ചേളാരി,ജില്ലാ പ്രസിഡണ്ട് കെ.എം.മൊയ്തീന്‍ കരിമ്പില്‍,ജില്ലാ ജനറല്‍ സെക്രട്ടറി കെ.പി.വിശ്വനാഥന്‍ തിരൂര്‍,എം.നസീര്‍ തിരൂര്‍,ജയചന്ദ്രന്‍ കുന്നുംപുറം,അബ്ദുല്‍ ഗഫൂര്‍ പുത്തൂര്‍,അഷ്റഫ് ആതവനാട്

അലി വേങ്ങര,പ്രശാന്ത് വള്ളിക്കുന്ന്,സുബീഷ് മലപ്പുറം എന്നിവര്‍ ചടങ്ങില്‍ പങ്കെടുത്തു.

സന്നദ്ധ പ്രവര്‍ത്തനങ്ങള്‍ക്ക് മണികണഠന്‍ വേങ്ങര ,ഷാജഹാന്‍ താനൂര്‍,ഷൈജുജാന്‍ തിരൂര്‍,വേണു വേങ്ങര,ഗഫൂര്‍ വേങ്ങര,അബ്ദു പരപ്പനങ്ങാടി  എന്നിവര്‍ നേതൃത്വം നല്‍കി.

എങ്ങനെ നികത്തും ഇനി ഈ നഷ്ടം

എങ്ങനെ നികത്തും ഇനി ഈ നഷ്ടം

വേങ്ങര:വെള്ളപ്പൊക്കത്തിൽ ജീവനോപാധികൾ നഷ്ടമായി കുടുംബശ്രീ യൂണിറ്റുകൾ. ഗ്രാമപ്പഞ്ചായത്തിലെ 23-ാം വാർഡിൽ ഉൾപ്പെട്ട കൂരിയാട് കുസുമം, രാഗശ്രീകളിലെ സ്ഥാപനങ്ങളിൽ ജോലിചെയ്യുന്ന പതിനഞ്ചോളം വനിതകൾക്കാണ് ദുരിതം.

വിവിധതരം പൊടികൾ, അമൃതം തുടങ്ങിയവ ഉത്പാദിപ്പിക്കുന്ന ഇവരുടെ പൊടിമില്ലിലാണ് വെള്ളംകയറിയത്. അരി, മല്ലി, മുളക്, മഞ്ഞൾ പൊടികൾ, വെളിച്ചെണ്ണ എന്നിവയുടെ വിൽപ്പനയുമുണ്ട്. ‌

വേങ്ങര, എടരിക്കോട്, നന്നമ്പ്ര, ചേലേമ്പ്ര, ചെറിയമുണ്ടം പഞ്ചായത്തുകളിലെ അങ്കണവാടികൾക്കായി പോഷകാഹാരമായ അമൃതം പൊടി വിതരണംചെയ്യുന്നത് രാഗശ്രീ യൂണിറ്റാണ്. വെള്ളം വരുന്നത് ശ്രദ്ധയിൽപ്പെട്ടയുടനെ 10 കുതിരശക്തിയുള്ള മോട്ടോർ കെട്ടിടത്തിനുമുകളിൽ കയറ്റിവെച്ചിരുന്നു. കഴിഞ്ഞതവണ വെള്ളംകയറിയതിന്റെ അടയാളം കണക്കാക്കിയായിരുന്നു മോട്ടോർ കയറ്റിവെച്ചത്. എന്നാൽ ഇത്തവണ കൂടുതൽ വെള്ളം ഉയർന്നു.

മോട്ടോറും ആട്ടുയന്ത്രവും പൊടിമില്ലും ദിവസങ്ങളോളം വെള്ളത്തിനടിയിലായി. പൊടിക്കാനായി സൂക്ഷിച്ചിരുന്ന അരി, മല്ലി, കൊപ്ര തുടങ്ങിയ സാധനങ്ങളും വെള്ളത്തിൽ കുതിർന്നു. യന്ത്രങ്ങളും മോട്ടോറും നന്നാക്കുന്നതിന്നായി കമ്പനികളിൽനിന്ന്‌ ആളുകളെത്തി അറ്റകുറ്റപ്പണി പൂർത്തിയാകാൻ ദിവസങ്ങളെടുക്കും. അതുവരെ ജീവിതം എങ്ങനെ തള്ളിനീക്കുമെന്ന ആശങ്കയിലാണിവർ.

കഴിഞ്ഞവർഷത്തെ പ്രളയത്തിലുണ്ടായ നഷ്ടങ്ങൾ ഏറെ പണിപ്പെട്ടാണ് ഇവർ നികത്തിയത്.

മധുരിക്കും ഓർമ്മകൾ 96 PPTMYHS CHERUR 96 ബാച്ച് കുടിവെള്ള വിതരണം പത്ത് ദിനം പിന്നിട്ടു

മധുരിക്കും ഓർമ്മകൾ 96 PPTMYHS CHERUR 96 ബാച്ച് കുടിവെള്ള വിതരണം പത്ത് ദിനം പിന്നിട്ടു

ചേറൂർ PPTMYHS CHERUR 96 ബാച്ച് ലെ വാട്സ്ആപ്പ് ഗ്രൂപ്പ് ആയ മധുരിക്കും ഓർമ്മകൾ 96 ഗ്രൂപ്പിലെ അംഗങ്ങളുടെ സഹകരണത്തോടെ പ്രളയം ബാധിച്ച വീടുകളിലെ കിണറുകൾ മലിനമായതിനാൽ വേങ്ങര മണ്ഡലത്തിലെ വിവിധ പ്രദേശങ്ങളിൽ തുടർന്നുകൊണ്ടിരിക്കുന്ന കുടിവെള്ളം വിതരണം  പത്താം ദിനം പിന്നിട്ടു.

 വേങ്ങരയുടെ തൊട്ടടുത്ത പ്രദേശമായ

മുതലമാട് ,പാണ്ടികശാല കാളിക്കടവ്, കൂരിയാട് പാലച്ചിറമാട്, മാതാട്, എന്നീ തുടങ്ങിയ വേങ്ങരയുടെ വിവിധ ഭാഗങ്ങളിൽ ദിവസവും 6000 ലിറ്റർ കുടിവെള്ളമാണ് വിതരണം നടത്തിയത് .

നൂറിലധികം വീടുകൾക്കാണ് ദിനംപ്രതി കുടിവെള്ളം എത്തുന്നത് ഇതിൻറെ ഔപചാരികമായ ഉദ്ഘാടന കർമ്മം  വേങ്ങര എസ് ഐ റഫീഖ് സർ നിർവഹിച്ചു.

ഈ പ്രദേശങ്ങളിൽ കുടിവെള്ളം ഒരു ശാശ്വത പരിഹാരം കാണുന്നവരെ കുടിവെള്ളവിതരണം തുടർന്നുകൊണ്ട് പോകും എന്ന് ഭാരവാഹികൾ അറിയിച്ചു 

യൂണിയൻ തെരെഞ്ഞെടുപ്പ്

യൂണിയൻ തെരെഞ്ഞെടുപ്പ്

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂളിൽ നടന്ന യൂണിയൻ തെരെഞ്ഞെടുപ്പ് കുട്ടികൾക്ക് ആവേശവും പഠനാത്മകവുമായി. ബാലറ്റ് ഉപയോഗിച്ച് നടന്ന തെരെഞ്ഞെടുപ്പിൽ എട്ട് സ്ഥാനങ്ങളിലേക്കായി ഇരുപത്തഞ്ചോളം സ്ഥാനാർത്ഥികൾ മത്സരിച്ചു. ചെയർമാനായി പി.കെ.മുഹമ്മദ് ഷാജഹാൻ വൈസ് ചെയർമാനായി എം. ആമിനാബി എന്നിവർ തെരെഞ്ഞെടുക്കപ്പെട്ടു.

കെ.തഖിയുദ്ധീൻ, മുഹമ്മദ് നുസൈർ, കെ. സുഹൈർ ഉസ്മാൻ ,മുഹമ്മദ് ഹുബൈഷ്, കെ. വിപിഷ, അസീബ ജബിൻ എന്നിവർ വിവിധ പോസ്റ്റുറ്റുകളിലേക്ക് തെരെഞ്ഞെടുക്കപ്പെട്ടു. 

തെരെഞ്ഞെപ്പിന് സ്കൂൾ പൊളിറ്റിക്കൽ സയൻസ് ക്ലബ്ബാണ് നേതൃത്വം കൊടുത്തത്. സോഷ്യോളജി ക്ലബ്ബ് നടത്തിയ എക്സിറ്റ് പോൾ ഫലം 95% വും യഥാർത്ഥ റിസൾട്ടുമായി  യോജിക്കുന്നതായിരുന്നു. 

ജി. ശ്രീജിത്ത്, യാസിർ പൂവിൽ എന്നിവർ നേതൃത്വം നൽകി. 

വിജയികളെ പി.ടി.എ പ്രസിഡന്റ് കെ.കെ.മൊയ്തീൻ കുട്ടി ഹാരാർപ്പണം നടത്തി.പ്രിൻസിപ്രാൾ യൂസുഫ് കരുമ്പിൽ, എസ്.എസ് ജി ചെയർമാൻ കെ.പി. ദുർഗ്ഗാദാസ് എന്നിവർ വിജയികളെ അഭിനന്ദിച്ചു:

ചിത്രം.: വിജയിച്ച യൂണിയൻ ഭാരവാഹികളെ പി.ടി.എ പ്രസിഡന്റ് കെ.കെ.മൊയ്തീൻ കുട്ടി ഹാരാർപ്പണം നടത്തുന്നു.

പഠന പ്രവർത്തനത്തിൽ ഗവൺമെന്റ് സ്ഥാപനങ്ങളെ അടുത്തറിയുന്നതിന്റെ ഭാഗമായി വിദ്യാത്ഥികൾ വേങ്ങര പോലീസ് സ്റ്റേഷൻ സന്ദർശിച്ചു

പഠന പ്രവർത്തനത്തിൽ ഗവൺമെന്റ് സ്ഥാപനങ്ങളെ അടുത്തറിയുന്നതിന്റെ  ഭാഗമായി വിദ്യാത്ഥികൾ വേങ്ങര പോലീസ് സ്റ്റേഷൻ സന്ദർശിച്ചു

പഠന പ്രവർത്തനത്തിൽ ഗവൺമെന്റ് സ്ഥാപനങ്ങളെ അടുത്തറിയുന്നതിന്റെ ഭാഗമായി AMLP സ്കൂൾ പറപ്പൂർ വെസ്റ്റിലെ വിദ്യാർത്ഥികളും, അധ്യാപകരും,ട്രൈനീസ് അധ്യാപകവിദ്യാർത്ഥികളും കൂടി വേങ്ങര പോലീസ് സ്റ്റേഷൻ സന്ദർശിച്ചു.വേങ്ങര സബ് ഇൻസ്‌പെക്ടർ ശ്രീ.മുഹമ്മദ് റഫീഖും മറ്റു പോലീസുകാരും സ്റ്റേഷനിലേക്ക് സ്വാഗതം ചെയ്തു.സ്റ്റേഷൻ ചരിത്രങ്ങൾ അടക്കം നിലവിലെ എല്ലാ കാര്യങ്ങളും SI വിവരിച്ചു തന്നു.കുട്ടികളുടെ കുഞ്ഞു സംശയങ്ങൾക്കും പരിഭവങ്ങൾക്കും കുട്ടികൾക്കിടയിലേക്ക് ഇറങ്ങിച്ചെന്ന് വളരെ ലാളിത്തത്തോടെ മറുപടികൊടുത്തു.പരിപാടിയിൽ AMLP സ്കൂൾ പറപ്പൂർ വെസ്റ്റിന്റെ ഹെഡ്മാസ്റ്റർ ദിനേശൻ നായർ,SRG കൺവീനർ R.രാജേഷ്,അധ്യാപകരായ  നജ്മുന്നീസ, മഹ്‌റൂഫ് കെ. ഹാഫിസ്.പി, TTKM ടീച്ചർ ട്രെയിനിങ് ഇൻസ്റ്റിട്യൂട്ടിന്റെ  അധ്യാപക വിദ്യാർത്ഥികളായ റഹീസ്, ഇൻസാം,നിവിൻ മാത്യൂ,വിനീത് എന്നിവർ പങ്കെടുത്തു.

മുസ്‌തഫ ഇവർക്ക്‌ മുത്താണ്‌

മുസ്‌തഫ ഇവർക്ക്‌ മുത്താണ്‌

വേങ്ങര: പാമ്പ്‌, പാമ്പ്‌... പ്രളയം കഴിഞ്ഞ്‌ ക്യാമ്പിൽനിന്ന്‌ വീട്ടിലെത്തിയ പലരേയും പേടിപ്പിച്ചത്‌ പുതിയ അതിഥിയായിരുന്നു. വീടുകളുടെ മൂലകളിൽ, പറമ്പിലെ മരക്കൊമ്പുകളിൽ, എല്ലായിടത്തും പാമ്പുകളെ കണ്ടതോടെ വീട്ടുകാർക്ക്‌ ആശ്വാസമായത്‌ മുസ്‌തഫ. ചേറൂർ തയ്യിൽ മുസ്‌തഫ  ഇവിടത്തുകാർക്കുമാത്രമല്ല, ജില്ലയിലുള്ളവർക്ക്‌ മുഴുവനുമാണ്‌ ആശ്വാസമേകിയത്‌. വിവിധ  വീടുകളിൽനിന്ന്‌ വിവിധയിനം പാമ്പുകളെ മുസ്‌തഫ പിടിച്ചു. പലതും ഉഗ്രവിഷമുള്ളവയായിരുന്നു. മുസ്‌തഫയുടെ  പാമ്പുപിടിത്തത്തെക്കുറിച്ചറിവുള്ളവർ അദ്ദേഹത്തെ ഫോണിൽ വിളിക്കുകയായിരുന്നു. എല്ലായിടത്തും മുസ്‌തഫയെത്തി.  കൂരിയാട്, മണ്ണിൽ പിലാക്കൽ, വലിയോറ, ഊരകം എന്നിവിടങ്ങളിൽനിന്ന്‌ മാത്രമല്ല, പുളിക്കൽ, കൊണ്ടോട്ടി, വളാഞ്ചേരി തുടങ്ങിയ പ്രദേശങ്ങളിൽനിന്നും വിളിവന്നതായി മുസ്‌തഫ പറഞ്ഞു. രാത്രിയും പകലുമെല്ലാം ഓടിയെത്തി പാമ്പിനെ പിടികൂടി. ശംഖുവരയൻ, മൂർഖൻ, അണലി എന്നിവക്കുപുറമെ മലമ്പാമ്പുകളടക്കം അമ്പതോളം പാമ്പുകളെയാണ്‌ പിടികൂടിയത്‌. ഇവയെ വനംവകുപ്പിനെ ഏൽപ്പിച്ചു. ഉപ്പ അബുവാണ് പാമ്പുപിടിത്തത്തിൽ മുസ്തഫയുടെ ഗുരു. 

പാമ്പുകളെ മാത്രമല്ല, കടന്നൽ, തേനീച്ച തുടങ്ങിയവയേയും മുസ്‌തഫ ‘ഒതുക്കും’.  എമർജൻസി റസ്ക്യൂ ഫോഴ്സ് അംഗമായ മുസ്തഫക്ക് സഹായത്തിന്‌ സദാസജ്ജരായി ഇവരുമുണ്ട്‌.

പ്രളയത്തില്‍ കൈത്താങ്ങായവര്‍ക്ക് സാന്ത്വനത്തിന്റെ ആദരം

പ്രളയത്തില്‍ കൈത്താങ്ങായവര്‍ക്ക് സാന്ത്വനത്തിന്റെ ആദരം

വേങ്ങര : പ്രളയകാലത്ത് മികച്ച സേവനം ചെയ്തവരെ വേങ്ങര സോണ്‍ എസ് വൈ എസ് സാന്ത്വനം  ആദരിച്ചു . സോണ്‍ പരിധിയില്‍ സേവനം ചെയ്ത അറുനൂറിലധികം സാന്ത്വനം വളണ്ടിയര്‍മാര്‍, ദുരിതാശ്വാസ ക്യംപിന് നേതൃത്ത്വം നല്‍കിയ എം ആര്‍ രഘു പുഴച്ചാല്‍ , നൂറുദ്ദീന്‍ തട്ടാഞ്ചേരിമല, പി കെ ഹസീബ് കുററിത്തറ, മോളി അടക്കാപുര, വേങ്ങര എസ് ഐ മുഹമ്മദ് റഫീഖ് , സ്വന്തമായി ദുരിതാശ്വാസ ക്യാംപ് നടത്തിയ കൂരിയാട് പനമ്പുഴക്കല്‍ സൈതുമോന്‍ തങ്ങള്‍, പറപ്പൂര് , വേങ്ങര , ഊരകം 

വില്ലേജ് ഓഫീസര്‍മാരായ നവീര്‍

 സന്തോഷ് ബാബു, ശമീര്‍ ബാബു   തുടങ്ങിയവരെയാണ് ആദരിച്ചത്

. ചടങ്ങിന്റെ ഉദ്ഘാടനവും  വേങ്ങര സോണ്‍ എസ് വൈ എസ് ആരംഭിക്കുന്ന ആമ്പുലന്‍സ് സമര്‍പ്പണവും കേരള മുസ്ലീം ജമാഅത്ത് ജില്ലാ സെക്രട്ടറി പി എം മുസ്ഥഫ കോഡൂര് നിര്‍വ്വഹിച്ചു. പി പി ജബ്ബാര്‍ ബാഖവി അദ്ധ്യക്ഷത വഹിച്ചു . സയ്യിദ് ജഹ്ഫര്‍ തുറാബ് ബാഖവി , അബ്ദു റസാഖ് സഖാഫി വെള്ളിയാമ്പുറം, പി കെ എം സഖാഫി ഇരിങ്ങല്ലൂര് , പി പി സത്താര്‍, കെ കെ രാമകൃഷ്ണന്‍, എം കെ സൈനുദ്ദീന്‍ , പി അസീസ് ഹാജി, പി അബ്ദു ഹാജി, ഇബ്രാഹീം ബാഖവി

 എ കെ ഗഫൂര്‍ , മൊയ്തീന്‍ കണ്ണമംഗലം  പ്രസംഗിച്ചു. കെ കെ അലവികുട്ടി സ്വിഗതവും അതീഖ് വെങ്കുളം  ന്ദിയും പറഞ്ഞു

ശുദ്ധജലം വിതരണം ചെയ്യണം; പി ഡി പി

ശുദ്ധജലം വിതരണം ചെയ്യണം;

പി ഡി പി 

കൊളപ്പുറം:ഏ.ആർ.നഗർ പഞ്ചായത്തിലെ പ്രളയം ബാധിച്ച പ്രദേശങ്ങളിലെ കിണറുകളിലെ വെള്ളം പ്രാഥമിക ആവശ്യങ്ങൾക്ക് പോലും ഉപയോഗിക്കരുത് എന്ന ആരോഗ്യ വകുപ്പ് ന്റെ കർശനമായ നിർദേശത്തിന്റെ അടിസ്ഥാനത്തില് ഈ പ്രദേശങ്ങളിൽ ശുദ്ധജലം എത്തിക്കുന്നതിന് വേണ്ട നടപടികൾ  പഞ്ചായത്ത് ഭരണസമിതി  അടിയന്തരമായി ഇടപെടണമെന്ന്  

പി ഡി പി ഏ. ആർ. നഗർ പഞ്ചായത്ത് കമ്മിറ്റി ആവശ്യപ്പെട്ടു.

യോഗത്തിൽ യൂസുഫ് മമ്പുറം  അദ്ധ്യക്ഷത വഹിച്ചു റഫീഖ് പുതിയത്ത്പുറായ യോഗം ഉദ്ഘാടനംചെയ്തു . ഹമീദ് ചാലിൽ. മൻസൂർ യാറത്തുപടി. ഷൗക്കത്ത് വെട്ടം .

ലിംസാദ് പി.പി  മമ്പുറം. സുലൈമാൻപുതിയങ്ങാടി .ശിഹാബ് വി.കെ പടി . അഫ്സൽ വി എസ് മമ്പുറം എന്നിവർ പ്രസംഗിച്ചു 

ഉമ്മർകുട്ടി സ്വാഗതവും അശ്റഫ് കൊളപ്പുറം നന്ദിയും പറഞ്ഞു

പ്രളയത്തിൽ ഏക്കറുകണക്കിന് കൃഷി നഷ്ടപ്പെട്ട വലിയോറ സ്വദേശി മുഹമ്മദ് കുട്ടിയ്ക്ക് സാന്ത്വനമേകി ചേറൂർ PPTMYHSS വിദ്യാർത്ഥികൾ

പ്രളയത്തിൽ ഏക്കറുകണക്കിന് കൃഷി നഷ്ടപ്പെട്ട വലിയോറ സ്വദേശി മുഹമ്മദ് കുട്ടിയ്ക്ക് സാന്ത്വനമേകി ചേറൂർ PPTMYHSS വിദ്യാർത്ഥികൾ

വലിയോറ പാടത്തെ 300 ഏക്കറോളം കൃഷി പൂർണ്ണമായും നശിച്ച മാതൃകാ കർഷകൻ മുഹമ്മദ് കുട്ടിയ്ക്ക് കാർഷികോപകരണങ്ങൾ നൽകിയും പൊന്നാട അണിയിച്ചും സ്കൂൾ സാഹിത്യ വേദി വേറിട്ട അനുഭവം സമ്മാനിച്ചു. പ്രഥമാധ്യാപകൻ ബഹു.അബ്ദുൽ മജീദ് പറങ്ങോടത്ത് ചടങ്ങ് ഉദ്ഘാടനം ചെയ്തു. സാഹിത്യ വേദി കൺവീനർ സന്തോഷ് അഞ്ചൽ സ്വാഗതം പറഞ്ഞു. മാതൃകാ കർഷകൻ വലിയോറ മുഹമ്മദ് കുട്ടിയെ ഹെഡ്മാസ്റ്റർ പൊന്നാട അണിയിച്ച് ആദരിച്ചു. തുടർന്ന് കാർഷികോപകരണങ്ങൾ  കർഷകന് സമ്മാനിച്ചു. സ്റ്റാഫ് സെക്രട്ടറി അബ്ദുൽ ഹക്കീം, കെ.പി.രാജേഷ്, കെ.ഇ.സലീം, സുരേഷ് .ടി, കുഞ്ഞഹമ്മദ് ഫറൂഖ് എന്നിവർ ആശംസകൾ നേർന്നു

പാസ്‌വേഡ് ക്യാമ്പ് സംഘടിപ്പിച്ചു

പാസ്‌വേഡ് ക്യാമ്പ് സംഘടിപ്പിച്ചു 

കേരള സർക്കാർ ന്യൂനപക്ഷ ക്ഷേമ വകുപ്പിന്റെ കീഴിൽ ഹയർ സെക്കന്ററി കുട്ടികൾക്ക് വേണ്ടി സംഘടിപ്പിക്കുന്ന പാസ്‌വേഡ് സൗജന്യ വ്യക്തിത്വ വികസന - കരിയർ ഗൈഡൻസ് ക്യാമ്പ് ട്യൂണിംഗ് സെഷൻ കുറ്റൂർ നോർത്ത് കെ.എം.എച്ച്എസ്.എസിൽ സംഘടിപ്പിച്ചു. വേങ്ങര ബ്ലോക്ക് പഞ്ചായത്ത് പ്രസിഡന്റ് ചാക്കീരി അബദുൽ ഹഖ് ഉദ്ഘാടനം ചെയ്തു. 

കുട്ടികളിൽ ഉപരിപoന സാധ്യതകളും തൊഴിലവസരങ്ങളും പരിചയപ്പെടുത്താനും അവരിൽ ലക്ഷ്യബോധം വളർത്താനും ഉദ്ദേശിച്ച് സംഘടിപ്പിച്ചതാണ് ഈ പരിപാടി. നൂറ് കുട്ടികൾ ക്യാമ്പിൽ പങ്കെടുത്തു.

 മാനേജർ കെ.പി.ഹുസൈൻ ഹാജി അധ്യക്ഷനായിരുന്നു. കോച്ചിംഗ് സെൻറർ പ്രിൻസിപ്പാൾ മുഹമ്മദ് ഇഖ്ബാൽ പി.കെ.എം ക്യാമ്പ് വിശദീകരിച്ചു. പി.ടി.എ പ്രസിഡന്റ് മൊയ്തീൻ കുട്ടി കെ.കെ., സ്കൂൾ പ്രിൻസിപ്പാൾ യൂസുഫ് കരുമ്പിൽ, എന്നിവർ സംസാരിച്ചു. മൈനോരിറ്റി കോച്ചിം സെന്റർ സ്റ്റാഫ് ഷിബിൽ,  മിസ്ഹബ് എന്നിവർ നേതൃത്വം നൽകി.. 

അഷ്ഫ് സി.പി., അബ്ദുന്നാസർ ടി.കെ. എന്നിവർ ക്ലാസുകൾ കൈകാര്യം ചെയ്തു.

ക്യാമ്പ് കോ-ഓർഡിനേറ്റർ അസ്‌ലം കെ.പി.എം സ്വാഗതവും യാസിർ പൂവിൽ നന്ദിയും പറഞ്ഞു.

സമാപന സമ്മേളനം SSG ചെയർമാൻ ദുർഗ്ഗാദാസ് കെ പി ഉദ്ഘാടനം ചെയ്തു.  പൂർവ്വ വിദ്യാർത്ഥി പ്രതിനിധി മുഹമ്മദ്  സീഹൻ പി.കെ, ഹാഷിം സി., റഷീദ് അരീക്കാട്ട് എന്നിവർ പങ്കെടുത്തു.

ദുരിതാശ്വാസ കിറ്റ് കൈമാറി ഊരകം നെല്ലിപ്പറമ്പ് നെച്ചിക്കാട്ടിൽ ചാരിറ്റബിൾ ട്രസ്റ്റിന്റെ പ്രളയ ബാധിത പ്രദേശത്തേക്കുള്ള ദുരിതാശ്വാസ കിറ്റുകൾ ഹരിത തീരം വാട്സാപ്പ് കൂട്ടായ്മ പ്രവർത്തകർക്ക് കൈമാറി

ദുരിതാശ്വാസ കിറ്റ് കൈമാറി

ഊരകം നെല്ലിപ്പറമ്പ്നെച്ചിക്കാട്ടിൽ ചാരിറ്റബിൾ ട്രസ്റ്റിന്റെ പ്രളയ ബാധിത പ്രദേശത്തേക്കുള്ള ദുരിതാശ്വാസ കിറ്റുകൾ ഹരിത തീരം വാട്സാപ്പ് കൂട്ടായ്മ പ്രവർത്തകർക്ക് കൈമാറി

പ്രളയ ബാധിതരായ ഇരുന്നൂറിൽ പരം കുടുംബങ്ങൾക്കുള്ള   കിറ്റുകൾ ട്രസ്റ്റ് ചെയർമാൻ നെച്ചിക്കാട്ടിൽ മുഹമ്മദ്‌ കുട്ടി കൈമാറി. കിറ്റുകളുടെ വിതരണോദ്ഘാടനം വേങ്ങര സബ് ഇൻസ്‌പെക്ടർ ശ്രീ. മുഹമ്മദ്‌ റഫീഖ് നിർവഹിച്ചു.പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ  കെ. ടി അബൂബക്കർ മാസ്റ്റർ,  എം. കെ. സി മുഹമ്മദ്‌,  മുള്ളൻ കുഞ്ഞാപ്പ, എം. കെ മുസ്തഫ, ഹുസൈൻ ഊരകം,  വി. കെ മൂസാപ്പു,  വി. പി മുഹമ്മദ്‌ കുട്ടി, എൻ. കെ കുട്ടിപ്പ, വി. കെ അമീർ, നെച്ചിക്കാട്ടിൽ മുഹമ്മദ്‌, വി. കെ മമ്മുദു,  വി. കെ കുഞ്ഞിമൂസ, നെച്ചിക്കാട്ടിൽ ഹനീഫ തുടങ്ങിയവർ സംബന്ധിച്ചു.

ക്യാമ്പിലെ സ്വാതന്ത്ര്യദിനാഘോഷം കൊളപ്പുറം പ്രളയ ദുരിതാശ്വാസ ക്യാംപിൽ നടന്ന സ്വാതന്ത്ര്യദിനാഘോഷം കൗതുകകരമായി

ക്യാമ്പിലെ സ്വാതന്ത്ര്യദിനാഘോഷം

കൊളപ്പുറം പ്രളയ ദുരിതാശ്വാസ ക്യാംപിൽ നടന്ന സ്വാതന്ത്ര്യദിനാഘോഷം കൗതുകകരമായി

ഏ.ആർ നഗർ പഞ്ചായത്ത് വൈസ് പ്രസിഡന്റ് റിയാസ് കല്ലൻ, മെമ്പർ ഇബ്രാഹിംകുട്ടി കൊളക്കാട്ടിൽ, ഹെഡ്മിസ്ട്രസ് ഇന്ദിര.ടി. എന്നിവർ ചേർന്ന് പതാക ഉയർത്തി. 

സ്വാതന്ത്ര്യദിനത്തിൽ ക്യാംപിലെ പായസവിതരണവും ഭക്ഷണ വിതരണവും കുറ്റൂർ നോർത്ത് കെ.എം എച്ച് എസ് എസ് ഏറ്റെടുത്തു . 

കൊളപ്പുറം ഭാഗത്തെ 15 വീടുകൾ കെ.എം.എച്ച് എസ് എസ്. ശുചീകരിച്ചു. നൂറോളം NSS, സ്കൗട്ട് ആന്റ് ഗൈഡ്സ് വളണ്ടിയർമാർ ക്ലീനിംഗിൽ പങ്കെടുത്തു.  ക്ലീനിംഗ് മെറ്റീരിയൽസ് അടങ്ങിയ കിറ്റുകൾ ക്യാംപിലെത്തിച്ചു. സ്വാതന്ത്ര്യദിനാഘോഷത്തിന് റഷീദ് പി.കെ. , റഷീദ് കല്ലൻ, ഡോ.സുധീരൻ ചീരക്കുട, ഇന്ത്യൻ സൈനികൻ റിനൂപ്, മുനീർ വിലാശ്ശേരി, ശ്രീജിത്ത് ജി. യാസിർ പൂവിൽ, അസ് ലം കെ.പി.എം. എന്നിവർ നേതൃത്വം നൽകി.

വേങ്ങര മണ്ഡലത്തിലെ പ്രളയബാധിത മുഴുവൻ അഭയാർഥി ക്യാമ്പുകളും എംഎൽഎ കെ എൻ എ കാദർ സന്ദർശിച്ചു

വേങ്ങര മണ്ഡലത്തിലെ പ്രളയബാധിത മുഴുവൻ അഭയാർഥി ക്യാമ്പുകളും എംഎൽഎ കെ എൻ എ കാദർ സന്ദർശിച്ചു

വേങ്ങര നിയോജക മണ്ഡലത്തിലെ  പ്രളയ ബാധിത പ്രദേശങ്ങളായ ഊരകം വേങ്ങര പറപ്പൂർ ഒതുക്കുങ്ങൽ എ ആർ നഗർ എന്നീ പഞ്ചായത്തുകളിലായി 12 ക്യാമ്പുകളിലായി 1121 കുടുംബങ്ങൾ 2262 അഭയാർത്ഥികളും ഉണ്ട്. മുഴുവൻ ക്യാമ്പുകളിലും വേങ്ങര എംഎൽഎ  കെ എൻ എ കാദർ സന്ദർശിച്ചു.

വേങ്ങര നിയോജക മണ്ഡലത്തിലെ വേങ്ങര ഊരകം പറപ്പൂർ എആർ നഗർ ഒതുക്കുങ്ങൽ കണ്ണമംഗലം ഗ്രാമ പഞ്ചായത്തുകളിലായി പ്രളയക്കെടുതി മൂലം ദുരിതത്തിലായ ആയിരങ്ങളെ കാമ്പുകൾ സംഘടിപ്പിച്ചും ചികിത്സിച്ചും ആഹാരവും വസ്ത്രങ്ങളും നൽകിയും മനുഷ്യ സാധ്യമായ എല്ലാ വിധത്തിലും അനേകം സുമനുസ്സുകൾ സഹായിച്ചു കൊണ്ടിരിക്കുന്നു. ജാതി മത രാഷ്ട്രീയ ഭേദമില്ലാതെ സകലരും ഒരുമിച്ചു നിന്നു.ഉദ്യോഗസ്ഥർ ജന പ്രതിനിധികൾ വിവിധ സംഘടനകൾ എല്ലാവരും രാപകൽ സേവനങ്ങൾ ചെയ്യുന്നു. വേങ്ങര തിരൂരങ്ങാടി കോട്ടക്കൽ സ്റ്റേഷനുകളിലെ പോലീസ് ഉദ്യോഗസ്ഥൻ വില്ലേജ് ഓഫീസർ മാർ പഞ്ചായത്ത് സെക്രട്ടറിമാർ ഡോക്ടർമാർ പാരാമെഡിക്കൽ സ്റ്റാഫ് സ്കൂൾ അദ്ധ്യാപകർ എഇഒമാർ കച്ചവടക്കാർ കൃഷിക്കാർ സൈനികർ പ്രവാസികൾ വിദ്യാർഥികൾ കുടുംബ ശ്രീ,അംഗൻ വാടി,ക്ലബ്ബ്കൾ,രാഷ്ട്രീയ പാർട്ടികൾ,യുവജന സംഘടനകൾ,മഹിളകൾ തുടങ്ങിയവർ തുല്യത ഇല്ലാത്ത സേവനം നൽകി.എണ്ണമറ്റ മനുഷ്യ സ്നേഹികളെ കാണാൻ കഴിഞ്ഞു. പേരു പരാമർശിക്കുവാൻ ആഗ്രഹിക്കുന്നവരല്ല അവർ.ജില്ലാ കലക്ടർ ജില്ലാ പോലീസ് സൂപ്രണ്ട് ഉൾപ്പെടെ എല്ലാവർക്കും എംഎൽഎ അഭിനന്ദനങ്ങൾ അറിയിച്ചു

ഔഷധക്കഞ്ഞി വിതരണം നടത്തി

ഔഷധക്കഞ്ഞി വിതരണം നടത്തി

കുറ്റൂർ നോർത്ത് കെ.എം.എച്ച് എസ്എസ് സ്കൗട്ട് ആൻഡ് ഗൈഡ്സ്  യൂണിറ്റിന്റെ നേതൃത്വത്തിൽ ഔഷധ കഞ്ഞിയുണ്ടാക്കി സ്കൂളിൽ വിതരണം ചെയ്തു. കർക്കിടക മാസത്തിലെ പരമ്പരാഗത ഔഷധക്കൂട്ടുകൾ ചേർത്താണ് കഞ്ഞിയുണ്ടാക്കിയത്. കുട്ടികളിൽ ആയുർവേദ ചിന്തയും ശീലവും വളർത്താൻ വേണ്ടിയാണ് ഈ പരിപാടി സംഘടിപ്പിച്ചത്.    മറന്നു പോയ  സംസ്കാരങ്ങളും ആരോഗ്യ രംഗത്തെ പഴമക്കാരുടെ കരുതലുകളും  ഓർമ്മപെടുത്താൻ കഞ്ഞി വിതരണം സഹായകമായി 

ഹെഡ് മാസ്റ്റർ പി.ബി.അനിൽകുമാർ ഉദ്ഘാടനം ചെയ്തു. ഡെപ്യൂട്ടി ഹെഡ്മാസ്റ്റർ ബേബി ജോൺ ആശംസകൾ നേർന്നു. .സ്കൗട്ട്മാസ്റ്റർ ശംസുദ്ദീൻ, ഗൈഡ്സ് ക്യാപ്റ്റന്മാരായ മജ്ഞുശ്റീ, സ്മിത, ആർ.അനുസ്മിത, പി. ശോഭന എന്നിവർ നേതൃത്വം നൽകി.  

വേങ്ങര കമ്മ്യൂണിറ്റി ഹെൽത്ത് സെന്റർ സന്ദർശിച്ച് പരിസരശുചീകരണവും രോഗി പരിചരണവും നടത്തി വിദ്യാർത്ഥികൾ

വേങ്ങര കമ്മ്യൂണിറ്റി ഹെൽത്ത് സെന്റർ സന്ദർശിച്ച് പരിസരശുചീകരണവും രോഗി പരിചരണവും നടത്തി വിദ്യാർത്ഥികൾ 

സ്റ്റുഡൻറ് പോലീസ് കേഡറ്റ് പദ്ധതിയുടെ പത്താം വാർഷികത്തോടനുബന്ധിച്ച് ചേറൂർ പി പി ടി എം വൈ എച്ച് എസ് എസിലെ  കേഡറ്റുകൾ വേങ്ങര കമ്മ്യൂണിറ്റി ഹെൽത്ത് സെന്റർ സന്ദർശിച്ച് പരിസരശുചീകരണവും രോഗി പരിചരണവും നടത്തി. വിദ്യാർത്ഥികളിൽ ആതുര സേവന മനോഭാവം വളർത്തുന്നതിന് അതിന് ഏറെ പ്രയോജനകരമായ പരിപാടി വേങ്ങര ബ്ലോക്ക് പഞ്ചായത്ത് പ്രസിഡന്റ് ചാക്കീരി അബ്ദുൽ ഹഖ് ഉദ്ഘാടനം ചെയ്തു. സ്കൂൾ ഹെഡ്മാസ്റ്റർ പറങ്ങോടത്ത്  അബ്ദുൽമജീദ് അധ്യക്ഷത  വഹിച്ചു. വേങ്ങര ബ്ലോക്ക് സ്ഥിരം സമിതി ചെയർമാൻ എ കെ മുഹമ്മദലി കമ്മ്യൂണിറ്റി ഹെൽത്ത് സെൻറർ മെഡിക്കൽ ഓഫീസർ ഡോക്ടർ സെലീന മുക്താർ മഹൽ, വേങ്ങര എസ് ഐ അബൂബക്കർ, പിടിഎ പ്രസിഡൻറ് മുജീബ്, ഡോക്ടർ സഞ്ജു, ഹെൽത്ത് സൂപ്പർവൈസർ ബാബു, കമ്മ്യൂണിറ്റി പോലീസ് ഓഫീസർമാരായ നിസാർ അഹമ്മദ് കെവി, സബ്ന വി എം എന്നിവർ സംസാരിച്ചു.

ചങ്ങാതി നന്നായാൽ കണ്ണാടി വേണ്ട

ചങ്ങാതി നന്നായാൽ കണ്ണാടി വേണ്ട

പെരുവള്ളൂർ: ലോക സൗഹൃദ ദിനത്തിൽ വ്യത്യസ്തമായൊരു ചങ്ങാത്തവുമായി ഒളകര ഗവ:എൽ.പി.സ്കൂൾ വിദ്യാർത്ഥികൾ കൗതുകമായി. 'ചങ്ങാതി നന്നായാൽ കണ്ണാടി വേണ്ട' എന്ന സന്ദേശമുൾക്കൊണ്ട് പുസ്തകങ്ങളെ കൂട്ടുകാരായി മാറ്റിയിരിക്കുകയാണ് കുരുന്നുകൾ.പുസ്തകങ്ങൾക്കെല്ലാം  ലച്ചു,കിച്ചു,മിന്നു,പൊന്നു എന്നിങ്ങനെ ചെല്ലപ്പേര് നൽകി തങ്ങൾക്ക് കിട്ടിയ ചങ്ങാതിമാരെ പരസ്പരം കൈമാറി അറിവിന്റെ ചങ്ങല തീർക്കാനൊരുങ്ങുകയാണ് കുരുന്നുകൾ.ഇതോടൊപ്പം

ഇനിമുതൽ തങ്ങളുടെ ജന്മദിനങ്ങളിൽ സ്കൂൾ ലൈബ്രറി യിലേക്ക് പുസ്തകമാകുന്ന ഓരോ ചങ്ങാതി മാരെ സംഭാവന ചെയ്യാനും    ഈ കുട്ടിക്കൂട്ടം തീരുമാനിച്ചു കഴിഞ്ഞു.പ്രതിജ്ഞ ചൊല്ലി സ്വാഗത ഗാനവും ആലപിച്ച് അവരോരോരുത്തരും തങ്ങളുടെ നിഷ്കളങ്കരായ

ചങ്ങാതി മാരെ വരവേറ്റു.പ്രവർത്തനങ്ങൾക്ക് അധ്യാപകരായ പി.കെ  ഷാജി, സദഖത്തുള്ള പെരുവള്ളൂർ എന്നിവർ നേതൃത്വം നൽകി.

പൊതു വിദ്യാഭ്യാസ ശാക്തീകരണത്തിന് എല്ലാ പിന്തുണയും നൽകും - കെ.എൻ.എ.ഖാദർ എംഎൽഎ

പൊതു വിദ്യാഭ്യാസ ശാക്തീകരണത്തിന് എല്ലാ പിന്തുണയും നൽകും - കെ.എൻ.എ.ഖാദർ എംഎൽഎ

വേങ്ങര നിയോജക മണ്ഡലത്തിലെ സർക്കാർ, എയ്‌ഡഡ്, അൺ എയ്ഡഡ് സ്‌കൂളുകളുടെ ശാക്തീകരണത്തിനും അക്കാദമിക മുന്നേറ്റത്തിനും പൂർണ പിന്തുണ നൽകുമെന്ന് കെ.എൻ.എ.ഖാദർ എംഎൽഎ എമർജിങ് വേങ്ങര എന്ന പേരിൽ നടത്തിയ വിദ്യാഭ്യാസ അവലോകന സംഗമത്തിൽ സംസാരിക്കുകയായിരുന്നു എംഎൽഎ. 

മണ്ഡലത്തിൽ നടപ്പാക്കുന്ന

സമഗ്ര വിദ്യാഭ്യാസ പദ്ധതിയിലെ വിവിധ പരിപാടികൾക്ക് അംഗീകാരം നൽകി. എംഎൽഎ നടത്തുന്ന ക്രിയാത്മക ഇടപെടലുകൾക്ക് ജില്ലാ കളക്ടറും ജില്ലാ പൊലീസ് മേധാവിയും പൂർണ സഹകരണം വാഗ്ദാനം ചെയ്തു.

80 വിദ്യാലയങ്ങളിലെ പ്രധാന അധ്യാപകർ, പിടിഎ, എസ്എംസി ഭാരവാഹികൾ, വിദ്യാഭ്യാസ ഉദ്യോഗസ്ഥർ പങ്കെടുത്തു. ജില്ലാ കലക്ടർ ജാഫർ മാലിക് ഐഎഎസ്, ജില്ലാ പൊലീസ് മേധാവി യു. അബ്ദുൽ കരീം ഐപിഎസ്, ഡിഇഒ കെ.സി.അബ്ദുൽ ഹമീദ്, എഇഒ വി.കെ.ബാലഗംഗാധരൻ, കെ.ടി.അമാനുള്ള എന്നിവർ പ്രസംഗിച്ചു. സ്‌കൂൾ പ്രതിനിധികൾ വിവിധ ആശയങ്ങൾ അവതരിപ്പിച്ചു.

ജനാധിപത്യത്തിന്റെ പൊരുളറിഞ്ഞ് ഒളകരയിലെ കുരുന്നുകളും

ജനാധിപത്യത്തിന്റെ പൊരുളറിഞ്ഞ് ഒളകരയിലെ കുരുന്നുകളും

പെരുവള്ളൂർ: ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾക്കായി നടത്തിയ സ്കൂൾ പാർലമെന്റ് തെരഞ്ഞെടുപ്പിൽ കനത്ത പോളിംഗ് രേഖപ്പെടുത്തി.പൊതു തെരഞ്ഞെടുപ്പിന്റെ സമസ്ത മേഖലകളെയും സ്പർശിച്ചു കൊണ്ട് ,

സ്കൂൾ ലീഡർ, വിദ്യാഭ്യാസ മന്ത്രി, ആരോഗ്യ മന്ത്രി എന്നീ സ്ഥാനങ്ങളിലേക്കാണ് തെരഞ്ഞെടുപ്പ് നടന്നത്.നാമ നിർദ്ദേശ

പത്രിക സമർപ്പണം മുതൽ സ്കൂൾ അങ്കണത്തെ പുളകം കൊള്ളിച്ചു കൊണ്ട് ' കൊട്ടിക്കലാശം' വരെ .

വോട്ടിംഗ് യന്ത്രത്തിനെതിരെ വ്യാപക പരാതി നിലനിൽക്കുന്ന സാഹചര്യത്തിൽ ഇത്തവണ വോട്ടിംഗ് ബാലറ്റ് പേപ്പറിൽ ആയിരുന്നു. വിദ്യാലയത്തിലെ ഒന്നാം ക്ലാസ് മുതൽ നാലാം ക്ലാസ് വരെ യുള്ള 250 ൽ പരം വിദ്യാർത്ഥികൾ തങ്ങളുടെ വോട്ടവകാശം വിനിയോഗിച്ചു.

കന്നി വോട്ടവകാശം വിനിയോഗിച്ച കുട്ടിവോട്ടർമാരിൽ അമ്പരപ്പിലേറെ ജിഞാസ

പ്രകടമായിരുന്നു.

ക്രമസമാധാന പാലകരായി കുട്ടിപ്പോലീസുകാരും അരങ്ങുവാണു. ഒടുവിൽ ഫലപ്രഖാപനത്തോടെ ദിവസങ്ങൾ നീണ്ട തെരഞ്ഞെടുപ്പ് പ്രക്രിയ ക്ക് വിരാമമായി.

ഫലം പ്രഖ്യാപിച്ചപ്പോൾ പാർവ്വതി നന്ദ സ്കൂൾ ലീഡറായും,അനാമിക വിദ്യാഭ്യാസ മന്ത്രിയായും, റിഫ ജബിൻ ആരോഗ്യ മന്ത്രിയായും തെരഞ്ഞെടുക്കപ്പെട്ടു.

പ്രവർത്തനങ്ങൾക്ക് അധ്യാപകരായ പി.കെ . ഷാജി, സദഖത്തുള്ള പെരുവള്ളൂർ, ഫഹ്മിദ എന്നിവർ നേതൃത്വം നൽകി.

സ്വന്തം ജീവൻ പണയം വെച്ച് ലത ടീച്ചർ രക്ഷിച്ചത് മൂന്ന് ജീവനുകൾ:

സ്വന്തം ജീവൻ പണയം വെച്ച് ലത ടീച്ചർ രക്ഷിച്ചത് മൂന്ന് ജീവനുകൾ:

പെരുവള്ളൂർ: ഇന്നലെ (28-07-2019)തന്റെ വീടിനടുത്തുള്ള കുളത്തിൽ മുങ്ങി താഴ്ന്ന് മരണത്തോട് മല്ലടിക്കുകയായിരുന്ന മൂന്ന് മനുഷ്യ ജീവനുകൾ സ്വന്തം ജീവൻ പണയപ്പെടുത്തി രക്ഷിച്ച ലത ടീച്ചർക്ക് അഭിനന്ദന പ്രവാഹം. പെരുവള്ളൂർ ഇല്ലത്ത് മാട്ടിലാണ് സംഭവം.  സഹോദരി മാരായ സഫറീന, സജ നഷ്റി, ഇവരുടെ കൂട്ടുകാരിയായ റെസ് ല എന്നീ മൂന്നു പെൺകുട്ടികളെയാണ് ലത ടീച്ചർ കുളത്തിലേക്കെടുത്തുചാടി രക്ഷപ്പെടുത്തിയത്.

വിവാഹം കഴിച്ച് ചേലേമ്പ്രയിൽ താമസിക്കുന്ന ടീച്ചർ ശനിയാഴ്ച സ്വദേശമായ പെരുവള്ളൂർ ഇല്ലത്തുമാട്ടിലെ വീട്ടിലേക്ക് വന്നതായിരുന്നു. വീടിന്റെ തൊട്ടടുത്തുള്ള കുളത്തിൽ കുളിക്കാൻ വന്ന സമയത്താണ് മൂന്ന് കുട്ടികൾ കുളത്തിൽ മുങ്ങിത്താഴുന്നത് ശ്രദ്ദയിൽ പെട്ടത്. രക്ഷപ്പെടുത്തലിനിടെ

അവശയായ ടീച്ചറെ അതുവഴി വന്ന  സഹോദരൻ പിടിച്ചു കരക്കെത്തിക്കുകയും കുട്ടികളെ രക്ഷിതാക്കളെ ഏൽപ്പിക്കുകയും ചെയ്തു. ടീച്ചർ തക്ക സമയത്ത് അവസരോചിതമായി പ്രവർത്തിച്ചതിനാൽ നാടിനെ കണ്ണീരിൽ ആഴ്ത്തുമായിരുന്ന വൻ ദുരന്തം ഒഴിവായി. വേങ്ങര അൽ ഇഹ്സാൻ സ്കൂൾ അധ്യാപിയാണ് ലത ടീച്ചർ.

ലത ടീച്ചർക്ക് അഭിനന്ദനങ്ങൾ

കണ്ണമംഗലത്ത് കുളം നന്നാക്കി; ഇനി നീന്താം

കണ്ണമംഗലത്ത് കുളം നന്നാക്കി; ഇനി നീന്താം

കണ്ണമംഗലം:പടപ്പറമ്പിലെ ഇരിങ്ങാലത്തൂർ കുളം കുളിക്കാനും നീന്താനും പറ്റുന്ന തരത്തിലാക്കി. കുളം വലുതാക്കി വൃത്തിയാക്കി ചുറ്റും സുരക്ഷാഭിത്തികളും ഇറങ്ങാനുള്ള പടവുകളും പണിതിട്ടുണ്ട്.

ജില്ലാപഞ്ചായത്ത് സുവർണ ജൂബിലി സ്മാരകമായാണ് കുളം പണിതീർത്തത്. ജില്ലാപഞ്ചായത്ത് പ്രസിഡന്റ് എ.പി. ഉണ്ണികൃഷ്ണൻ ഉദ്ഘാടനംചെയ്തു. പടപ്പറമ്പ് എൽ.പി. സ്‌കൂൾ വിദ്യാർഥികൾക്ക് നീന്തൽ കുപ്പായം വിതരണംചെയ്തു. കുളത്തിൽവെച്ച് നീന്തൽ മത്സരവും നടന്നു. ജില്ലാപഞ്ചായത്തംഗം സലിം കുരുവമ്പലം അധ്യക്ഷനായി. വേങ്ങര ബ്ലോക്ക്പഞ്ചായത്ത് പ്രസിഡന്റ് ചാക്കീരി അബ്ദുൽ ഹഖ്, കണ്ണമംഗലം ഗ്രാമപ്പഞ്ചായത്ത് പ്രസിഡന്റ് കെ.പി. സരോജിനി, പുള്ളാട്ട് സലീം, പൂക്കുത്ത് മുജീബ്, കാമ്പ്രൻ നൗഷാദ്, നെടുമ്പള്ളി സൈത്, ജാഫർ, പുളിക്കൽ അബൂബക്കർ, കൊമ്പത്തിയിൽ റസാഖ് എന്നിവർ പ്രസംഗിച്ചു.

ദാറുൽഖൈർ സമർപ്പണവും ധനസഹായവും

ദാറുൽഖൈർ സമർപ്പണവും ധനസഹായവും

മുട്ടുംപുറം: SYS യൂണിറ്റ് കമ്മറ്റിക്ക് കീഴിൽ നിർമിച്ച ദാറുൽ ഖൈർ താക്കോൽ ദാനവും പാവപ്പെട്ട അഞ്ഞൂറോളം കുടുംബങ്ങൾക്കുള്ള ധന സഹായവും ഇമാം ബൂസ്വൂരി നഗറിൽ നടന്നു 

യൂണിറ്റിലെ സാന്ത്വന പ്രവർത്തകരുടെ നേത്രത്വത്തിൽ ചുരുങ്ങിയ കാലയളവിൽ പണിത ദാറുൽ ഖൈർ ഭവനത്തിന്റെ താക്കോൽ ദാനം, സൗഹ്രദസംഗമത്തിൽ സയ്യിദ് ശിഹാബുദ്ദീൻ ബുഖാരി കടലുണ്ടി നിർവഹിക്കും.വേദിയിൽ രാഷ്ട്രീയ സാംസ്കാരിക സാമൂഹിക രംഗങ്ങളിലെ പ്രമുഖർ സംബന്ധിച്ചു 

SYS സ്റ്റേറ്റ് സെക്രട്ടറി സ്വാദിഖ് മാഷ് വെളിമുക്ക് മുഖ്യ പ്രഭാഷണം നിർവ്വഹിച്ചു 

പരിസരത്തെ പാവപ്പെട്ട അഞ്ഞൂറോളം കുടുബങ്ങൾക് ധന സഹായവും കൈമാറുന്ന സംഗമം സൗഹ്രദ-പങ്ക് വെക്കലിന്റെ പുതിയ ചരിത്രം തുന്നിച്ചേർത്തു 

മൂന്ന് ദിവസങ്ങളിലായി നടന്നു വരുന്ന ഹാഫിള് മസ്ഊദ് സഖാഫിയുടെ പ്രഭാഷണത്തിന്റെ സമാപനം കൂടിയാണ് പ്രസ്തുത സംഗമം.

വാഹനാപകടങ്ങളെ നിസ്സാരവൽക്കരിക്കരുത്: ജില്ലാ പോലീസ് മേധാവി യു.അബ്ദുൽ കരീം

വാഹനാപകടങ്ങളെ നിസ്സാരവൽക്കരിക്കരുത്: ജില്ലാ പോലീസ് മേധാവി യു.അബ്ദുൽ കരീം

വേങ്ങര: മാതാപിതാക്കൾക്ക് മക്കളോടുള്ള സ്നേഹക്കൂടുതൽ ചൂഷണം ചെയ്ത് ലഭ്യമാക്കുന്ന ഇരുചക്രവാഹനങ്ങൾ മൂലമുണ്ടാക്കുന്ന അപകട ദുരന്തങ്ങളെ  നിസ്സാരവൽക്കരിച്ചു കാണരുതെന്ന് ജില്ലാ പോലീസ് മേധാവി ഇ. അബ്ദുൽ കരീം അഭിപ്രായപ്പെട്ടു.നിയമങ്ങൾ നമ്മുടെ സുരക്ഷയുടെ ഭാഗവും അനുസരിക്കാൻ നാം ബാധ്യസ്തരുമാണ്.റോഡപകട ദുരിതമനുഭവിക്കുന്നവർ പോലും വീണ്ടുവിചാരമില്ലാതെ കടുതൽ വിപത്തുകളിൽ അകപ്പെടുമ്പോൾ പോലും നിവാരണ പ്രവർത്തനങ്ങളിൽ തങ്ങളുടെ സംഭാവനകളെ കുറിച്ചു പോലും ഓർക്കുന്നില്ല.റോഡപക നിവാരണ പ്രവർത്തന രംഗത്തെ അംബാസിഡർമാരായി വിദ്യാർത്ഥി സമൂഹം മാറണമെന്നദ്ദേഹം പറഞ്ഞു. അപകടങ്ങൾ സംഭവിച്ച ശേഷമുള്ള പരിചരണത്തേക്കാൾ അപകട രഹിതമായ നാളെക്കു വേണ്ടിയുള്ള റാഫിന്റെ വർഷങ്ങളായ സേവനങ്ങളെ അദ്ദേഹം പ്രകീർത്തിച്ചു.

റോഡ് ആക്സിഡന്റ് ആക് ഷൻ ഫോറം കോളേജ് വിദ്യാർത്ഥികൾക്കായി വേങ്ങര മലബാർ കോളേജ് ആഡിറ്റോറിയത്തിൽ സംഘടിപ്പിച്ച റോഡുസുരക്ഷ സമ്മേളനവുംസെമിനാറും ഉദ്ഘാടനം ചെയ്യുകയായിരുന്നദ്ദേഹം.റാഫ് സംസ്ഥാന പ്രസിഡണ്ട് കെഎം.അബ്ദു അധ്യക്ഷനായി. മാതൃകാ ഡ്രൈവർമാരായ ഷാജിവാഴയിൽ, സൈതലവി, ബീരാൻ കുട്ടി എന്നിവരെ ഫോറസ്റ്റ് അസി. കൺസർവേറ്റർ കെ വി.ഹരികൃഷ്ണൻ പൊന്നാടയും പതക്കവും നൽകി ആദരിച്ചു.വ്യാപാരി വ്യവസായി ഏകോപന സമിതി സെക്രട്ടറി പി.അബദുൽ അസീസു് ഹാജി റോഡുസുരക്ഷാ ലഘുലേഖ പ്രകാശനം ചെയ്തു.മലപ്പുറം സ്പിന്നിംഗ് മിൽ ചെയർമാൻ പാലോളി അബ്ദുൽ റഹിമാൻ രചനാ മത്സര വിജയികൾക്കുള്ള സർട്ടിഫിക്കറ്റുകൾ വിതരണം ചെയ്തു. റാഫ് ജാക്കറ്റു വിതരണവും നടത്തി. വേങ്ങര ബ്ലോക്ക് പഞ്ചായത്തംഗം പി പി.ഹസ്സൻ, എംടി. തയ്യാല, പ്രിൻസിപ്പാൾ പി.അബ്ദുൽ റഷീദ്,റാഫ് മലപ്പുറം ജില്ലാ പ്രസിഡണ്ട് ബി കെ.സൈദ്, നൗഷാദ് മാമ്പ്ര, എംകെ.സൈനുദ്ദീൻ, ബംഗാളത്ത് കുഞ്ഞുട്ടി, കെസി.വേണുഗോപാലൻ, സാബിറ ചേളാരി, പി. നിയാസ് വാഫി, ഏടി.സൈതലവി, സലാം തച്ചറക്കൽ, സിവി. മുത്തു, ടി ഐ കെ.മൊയ്തു എന്നിവർ പ്രസംഗിച്ചു. പോലീസ് ഓഫീസേഴ്സ് അസോസിയേഷൻ സംസ്ഥാന സെക്രട്ടറി വി കെ.പൗലോസ് റോഡുസുരക്ഷാ ക്ലാസ്സെടുത്തു.ബി കെ.സൈയ്ദ് സ്വാഗതവും കെ.അബൂബക്കർ സിദ്ദീക്ക് നന്ദിയും പറഞ്ഞു.

പ്രതിഷേധ പ്രകടനം നടത്തി

പ്രതിഷേധ പ്രകടനം നടത്തി

പറപ്പൂർ: തിരുവനന്തപുരത്ത് എം.എസ് എഫ് നേതാക്കൾക്കെതിരെ നടത്തിയ പോലീസ് നടപടിയിൽ പ്രതിഷേധിച്ച് പഞ്ചായത്ത് മുസ്ലിം ലീഗും പോഷക സംഘടനകളും സംയുക്തമായി പ്രകടനം നടത്തി. സമാപന സംഗമത്തിൽ ടി.പി.അഷ്റഫ് അധ്യക്ഷത വഹിച്ചു. വി.എസ് ബഷീർ, സി.അയമുതു മാസ്റ്റർ, ഇ.കെ.സുബൈർ, ടി. ഹഖ്, മജീദ് മണ്ണിശ്ശേരി, പറമ്പത്ത് മുഹമ്മദ് എന്നിവർ പ്രസംഗിച്ചു.പ്രകടനത്തിന് ടി.പി.നിസാം, ഹാഫിസ്, എ.കെ.ഷഹീം, എ.കെ.ഷരീഫ്, പി.മജീദ്, എ.പി.മൊയ്തുട്ടി ഹാജി, എന്നിവർ നേതൃത്വം നൽകി.

ഫോട്ടോ: പറപ്പൂരിൽ നടന്ന പ്രതിഷേധ പ്രകടനം

ഒടുവിൽ നാരായണന് വൃദ്ധസദനത്തിൽ അഭയം

ഒടുവിൽ നാരായണന് വൃദ്ധസദനത്തിൽ അഭയം

വേങ്ങര:95 വയസ്സായ നാരായണന് അവസാനം വൃദ്ധസദനത്തിൽ അഭയം. ജില്ലാകളക്ടറുടെ പ്രത്യേക ഉത്തരവിലാണ് നാരായണന് തവനൂർ വൃദ്ധസദനത്തിൽ പ്രവേശനം കിട്ടിയത്.

പറപ്പൂർ ഇരിങ്ങല്ലൂരിൽ അവശനിലയിൽ കഴിയുകയായിരുന്ന നാരായണനെ നാട്ടുകാരാണ് തിരൂരങ്ങാടി താലൂക്ക് ആശുപത്രിയിലെത്തിച്ചത്. രണ്ടാഴ്ചയോളമായി ഇവിടെ ചികിത്സയിൽ കഴിയുകയായിരുന്നു. ആശുപത്രിയിൽ സന്നദ്ധപ്രവർത്തക ഷാഹിനയുടെ നേതൃത്വത്തിൽ ഭക്ഷണവും പരിചരണവും ലഭിച്ചു. ഇതോടെ ആരോഗ്യനില വീണ്ടെടുത്ത ഇദ്ദേഹത്തെ മക്കളുടെ സംരക്ഷണത്തിൽ ഏൽപ്പിക്കാൻ ശ്രമിച്ചു. എന്നാൽ മക്കളാരും ഏറ്റെടുക്കാൻ തയ്യാറായില്ല. ഇതോടെ വേങ്ങരയിലെ വിവരാവകാശ പ്രവർത്തകൻ എ.പി.അബൂബക്കർ, പറപ്പൂർ പഞ്ചായയത്തംഗം പി.പി. റിയാസ്, പവിത്രൻ തിരൂരങ്ങാടി, ഷാഹിന ചെമ്മാട് എന്നിവർചേർന്ന് തവനൂർ അഗതിമന്ദിരത്തിലാക്കാൻ ശ്രമിച്ചെങ്കിലും മക്കൾ ജീവിച്ചിരിപ്പുള്ളതിനാൽ പ്രവേശനം ലഭിച്ചില്ല. അവസാനം ജില്ലാകളക്ടറുമായി സംസാരിച്ച്‌ പ്രത്യേക ഉത്തരവ് വാങ്ങിയതോടെയാണ് അഗതിമന്ദിരത്തിൽ പ്രവേശിപ്പിക്കാനായത്.

ദാറുൽഖൈർ സമർപ്പണവും ധനസഹായവും

ദാറുൽഖൈർ സമർപ്പണവും ധനസഹായവും

വേങ്ങര : മുട്ടുംപുറം. SYS യൂണിറ്റ് കമ്മറ്റിക്ക് കീഴിൽ നിർമിച്ച ദാറുൽ ഖൈർ താക്കോൽ ദാനവും പാവപ്പെട്ട അഞ്ഞൂറോളം കുടുംബങ്ങൾക്കുള്ള ധന സഹായവും നാളെ ഇമാം ബൂസ്വൂരി നഗറിൽ നടക്കും.

യൂണിറ്റിലെ സാന്ത്വന പ്രവർത്തകരുടെ നേത്രത്വത്തിൽ ചുരുങ്ങിയ കാലയളവിൽ പണിത ദാറുൽ ഖൈർ ഭവനത്തിന്റെ താക്കോൽ ദാനം, സൗഹ്രദസംഗമത്തിൽ സയ്യിദ് ശിഹാബുദ്ദീൻ ബുഖാരി കടലുണ്ടി നിർവഹിക്കും.വേദിയിൽ രാഷ്ട്രീയ സാംസ്കാരിക സാമൂഹിക രംഗങ്ങളിലെ പ്രമുഖർ സംബന്ധിക്കും.

SYS സ്റ്റേറ്റ് സെക്രട്ടറി സ്വാദിഖ് മാഷ് വെളിമുക്ക് മുഖ്യ പ്രഭാഷണം നിർവ്വഹിക്കും.

പരിസരത്തെ പാവപ്പെട്ട അഞ്ഞൂറോളം കുടുബങ്ങൾക് ധന സഹായവും കൈമാറുന്ന സംഗമം സൗഹ്രദ-പങ്ക് വെക്കലിന്റെ പുതിയ ചരിത്രം തുന്നിച്ചേർകും.

മൂന്ന് ദിവസങ്ങളിലായി നടന്നു വരുന്ന ഹാഫിള് മസ്ഊദ് സഖാഫിയുടെ പ്രഭാഷണത്തിന്റെ സമാപനം കൂടിയാണ് പ്രസ്തുത സംഗമം 

സ്വാഗതസംഘം ചെയർമാൻ. സൈതലവി ഹാജിpp.കൺവീനർ അസ് ലം.ഹമീത് മുസ് ലിയാർ.ഇല്ലിയാസ് എന്നിവർ അറിയിച്ചു.

ഓണത്തിനൊരു മുറം പച്ചക്കറി വിത്ത് വിതരണം ചെയ്തു

ഓണത്തിനൊരു മുറം പച്ചക്കറി വിത്ത് വിതരണം ചെയ്തു

ഊരകം: ഓണത്തിനൊരു മുറം പച്ചക്കറി എന്ന പദ്ധതിയുടെ ഭാഗമായി ഊരകം പഞ്ചായത്ത് തല വിത്ത് വിതരണ ഉദ്ഘാടനം പഞ്ചായത്ത് കൃഷി ഓഫീസർ ഖൈറുന്നീസ നിർവഹിച്ചു. കൊടലിക്കുണ്ട് ഗവ. എൽ. പി. സ്കൂളിലെ മുഴുവൻ വിദ്യാർഥികൾക്കും പച്ചക്കറി വിത്ത് നൽകി. സ്കൂളിലെ ഓണാഘോഷത്തിന് വേണ്ട പച്ചക്കറികൾ വിദ്യാർഥികൾ വീട്ടിൽ തന്നെ കൃഷി ചെയ്തുണ്ട‌ാക്കുകയാണ് പദ്ധതിയുടെ ലക്ഷ്യം. സ്കൂളിലെ ജൈവ വൈവിധ്യ പാർക്ക് ഉപയോഗപ്പെടുത്തി പച്ചക്കറി കൃഷി നടത്തും. ചടങ്ങിൽ സ്കൂൾ ഹെഡ്മിസ്ട്രസ് ജലജ തറയിൽ, സുരേഷ് കുമാർ, നീതു, ഷിഫ എന്നിവർ സംസാരിച്ചു. 

" ഒന്നും ഒന്നും ഇമ്മിണി ബല്യ ഒന്ന് " ബഷീർ കഥാപാത്രങ്ങളെ അനുസ്മരിച്ച് കുരുന്നുകൾ

" ഒന്നും ഒന്നും ഇമ്മിണി ബല്യ ഒന്ന് "

ബഷീർ കഥാപാത്രങ്ങളെ അനുസ്മരിച്ച് കുരുന്നുകൾ

പെരുവള്ളൂർ:

 വിശ്വ സാഹിത്യകാരൻ  വൈക്കം മുഹമ്മദ് ബഷീറിനെ

അനുസ്മരിച്ച് അദ്ദേഹത്തിന്റെ വിഖ്യാത കഥാപാത്രങ്ങളെ കൂട്ടുകാർക്ക് പരിചയപ്പെടുത്തിയും,അവരോട് സല്ലപിച്ചും പാത്തുമ്മയും,ആടും , എട്ടുകാലി മമ്മൂഞ്ഞും,മജീദും, സുഹറയും, ഒക്കെയായി ഒളകര ഗവൺമെൻറ് എൽ പി സ്കൂൾ വിദ്യാർത്ഥികളാണ് ബഷീർ ദിനാചരണം തങ്ങളുടേതാക്കിയത്.

വിദ്യാർത്ഥികൾക്കായി ബഷീർ ദിന ക്വിസ്, ബഷീർ കൃതികളുടെ പ്രദർശനം, ഡോക്യുമെന്ററി പ്രദർശനം എന്നിവയും സംഘടിപ്പിച്ചു.

എച്ച്.എം  എൻ.വേലായുധൻ, അധ്യാപകരായ ശ്രീജ, ഷാജി, ഗ്രീഷ്മ, ത്വയ്യിബ,രാധിക,റജുല എന്നിവർ 

നേതൃത്വം നൽകി.

കുടിവെള്ളം നിഷേധിച്ചാൽ ജനകീയപ്രക്ഷോഭം- ജലനിധി സ്കീംലെവൽ എക്‌സിക്യൂട്ടീവ് കമ്മിറ്റി

കുടിവെള്ളം നിഷേധിച്ചാൽ ജനകീയപ്രക്ഷോഭം- ജലനിധി സ്കീംലെവൽ എക്‌സിക്യൂട്ടീവ് കമ്മിറ്റി

വേങ്ങര:കുടിശ്ശികയായുള്ള 17-ലക്ഷം രൂപ അടച്ചില്ലെന്ന കാരണത്താൽ ജലഅതോറിറ്റി വേങ്ങര പഞ്ചായത്തിൽ ജലവിതരണം മുടക്കിയതിൽ പ്രതിഷേധം. പഞ്ചായത്തിലെ അയ്യായിരത്തോളംവരുന്ന ജലനിധി ഗുണഭോക്താക്കൾക്ക് കുടിവെള്ളം നിഷേധിച്ചാൽ ശക്തമായ ജനകീയപ്രക്ഷോപം നടത്തുമെന്ന് ജലനിധി സ്കീംലെവൽ എക്‌സിക്യൂട്ടീവ് കമ്മിറ്റി ഭാരവാഹികൾ പത്രസമ്മേളനത്തിൽ പറഞ്ഞു.

ജലഅതോറിറ്റി അവകാശപ്പെടുന്നതുപോലെ ജലം വിതരണം ചെയ്തവകയിൽ 17-ലക്ഷം കുടിശ്ശിക അടയ്ക്കാനില്ല.

36 കൊല്ലംമുമ്പ് ജലഅതോറിറ്റി സ്ഥാപിച്ചതും ജലനിധിക്ക് കൈമാറിയതുമായ 20 കിലോമീറ്റർ ദൂരപരിധിയിലുള്ള കാലപ്പഴക്കംചെന്ന പൈപ്പുകൾ പൊട്ടിയുണ്ടായ ചോർച്ചയിലൂടെ പാഴായ ജലത്തിനാണ് വിലയിട്ടത്. ഇതാണ് കുടിശ്ശിക വർധിക്കാൻ കാരണമായത്. മാത്രമല്ല

ജലവിതരണം തുടങ്ങുന്നതിനുമുമ്പ് പരീക്ഷണ പമ്പിങ്, വൃത്തിയാക്കൽ എന്നിവയ്ക്കായാണ് പണം വിനിയോഗിച്ചത്. ഇതിന് പണം നൽകാനാവില്ല.

ഗുണഭോക്താക്കളുടെ റീഡിങ് പരിശോധിച്ച് അതിനുള്ള പണം മാത്രമെ ജലവകുപ്പിലേക്ക് അടയ്ക്കാൻ കഴിയൂ. ഇപ്പോൾ കുടിശ്ശിക ഇനത്തിൽ ഇത്രയുംതുക ആവശ്യപ്പെടുന്നത് ജലഅതോറിറ്റിയും ജലനിധി കമ്മിറ്റിയും തമ്മിലുള്ള കരാറിന് വിരുദ്ധവുമാണെന്നും ഭാരവാഹികൾ പറഞ്ഞു.

പഞ്ചായത്ത് സ്ഥിരംസമിതി ചെയർമാൻ പി.കെ. ഫസൽ, എസ്.എൽ.ഇ.സി. പ്രസിഡന്റ് എൻ.ടി. മുഹമ്മദ് ഷരീഫ്, സെക്രട്ടറി പി. കുഞ്ഞാമു, വൈസ് പ്രസിഡന്റ് ടി.ടി. രായിൻകുട്ടി എന്നിവർ പത്രസമ്മേളനത്തിൽ പങ്കെടുത്തു

ഹജ്ജ് തീർഥാടകർക്ക് കുത്തിവെപ്പ് രണ്ട് നാല് തീയതികളിൽ

ഹജ്ജ് തീർഥാടകർക്ക് കുത്തിവെപ്പ് രണ്ട് നാല് തീയതികളിൽ

മലപ്പുറം ജില്ലയിയിൽ നിന്ന് ഹജ്ജ് കമ്മിറ്റി മുഖേന ഹജ്ജിനു തിരഞ്ഞെടുക്കപ്പെട്ടവർക്ക് കുത്തിവെപ്പ് പോളിയോ തുള്ളിമരുന്ന് വിതരണം എന്നിവക്ക് ഒരുക്കമായി . രണ്ടിനു രാവിലെ പൊന്നാനി ഗവ താലൂക്ക് ആശുപത്രി (പൊന്നാനി) തിരൂർ ജില്ലാ ആശുപത്രി (തിരൂ) കോട്ടപ്പടി ഗവ താലൂക്ക് ആശുപത്രി (മലപ്പുറം) തിരൂരങ്ങാടി ചെമ്മാട് ഗവ താലൂക്ക് ആശുപത്രി (വേങ്ങര )കൊണ്ടോട്ടി ഗവ താലൂക്ക് ആശുപത്രി (കൊണ്ടോട്ടി) അരീക്കോട് ഗവ താലൂക്ക് ആശുപത്രി (ഏറനാട് ) പെരിന്തൽമണ്ണ ഗവ ജില്ലാ ആശുപത്രി (പെരിന്തൽമണ്ണ) നിലമ്പൂർ ഗവ ജില്ലാ ആശുപത്രി (നിലമ്പൂർ വണ്ടൂർ) മഞ്ചേരി മെഡിക്കൽ കോളേജ് (മഞ്ചേരി) എന്നിവിടങ്ങളിലും നാലിന് പൊന്നാനി  (പൊന്നാനി) താലൂക്കാശുപത്രി തവന്നൂർ തിരൂർ ജില്ലാ ആശുപത്രിയിൽ താനൂർ മലപ്പുറം കോട്ടപ്പടി ഗവ താലൂക്ക് ആശുപത്രി കോട്ടക്കൽ തിരൂരങ്ങാടി ചെമ്മാട് ഗവ താലൂക്ക് ആശുപത്രി തിരുരങ്ങാടി കൊണ്ടോട്ടി താലൂക്ക് ആശുപത്രി പെരിന്തൽമണ്ണ ജില്ലാ ആശുപത്രി മങ്കട എന്നിവിടങ്ങളിലും കുത്തിവെപ്പ് നടക്കും

'പറപ്പൂർ ഗ്രാമപഞ്ചായത്തിന്റെ ആദരവ് '

'പറപ്പൂർ ഗ്രാമപഞ്ചായത്തിന്റെ ആദരവ് '

സംസ്ഥാന അവാർഡ് നേടിയ ഇരിങ്ങല്ലൂർ തോണിക്കടവ് കട്ടക്കൽ Ap അഹമ്മദാജി മെമ്മോറിയൽ അങ്കണവാടിക്ക് പറപ്പൂർ ഗ്രാമപഞ്ചായത്തിന്റെ ആദരവ് 

ആറാം വാർഡ് മെമ്പർ Ap ഹമീദിന്റെ  അദ്ധ്യക്ഷതയിൽ നടന്ന ചടങ്ങിൽ  ഗ്രാമ പഞ്ചായത്ത് പ്രസിഡന്റ് പറങ്ങോടത്ത്  മുഹമ്മദ് കുട്ടി നൽകിയ മൊമെന്റൊ അങ്കണവാടി സ്റ്റാഫും ALMS കമ്മിറ്റി അംഗങ്ങളും ചേർന്ന് സ്വീകരിച്ചു .

ICDS സൂപ്പർവൈസർ ഹസീന മാഡം സ്വാഗതം പറഞ്ഞു.

ഹെൽത്ത് ഇൻസ്പെക്ടർ ,

ജൂനിയർ ഹെൽത്ത് ഇൻസ്പെക്ടർ , ഏഴാം വാർഡ് മെമ്പർ റസിയ ടീച്ചർ ആശംസകളർപ്പിച്ചു.

വർക്കർ നിഷ ടീച്ചർ നന്ദി പറഞ്ഞു.

ഓരോ കുട്ടിക്കും പതിപ്പ് വായനാവാരാഘോഷം

ഓരോ കുട്ടിക്കും പതിപ്പ് വായനാവാരാഘോഷം

വേങ്ങര: കൊടലിക്കുണ്ട് ഗവ എൽപി സ്കൂളിൽ സ്കൂളിൽ വായനാ വാരത്തോടനുബന്ധിച്ച് വിവിധ പരിപാടികൾ നടന്നു. അമ്മ വായന, ടീച്ചർ വായന, പ്രകൃതി വായന, ചിത്രവായന, പുസ്തക വായന ആന എന്നിങ്ങനെ എന്നിങ്ങനെ വിവിധ തരം വായനകൾ വിദ്യാർത്ഥികൾക്ക് പരിചയപ്പെടുത്തി. 

വായനക്കുറിപ്പ്, കഥാ പരിചയം, ചിത്രവായന തുടങ്ങിയ വിവിധ ഇനങ്ങൾ ഉൾപ്പെടുത്തി ഓരോ വിദ്യാർത്ഥിയും വായനാദിന പതിപ്പ് തയ്യാറാക്കി. ഓരോ ക്ലാസിലും അക്ഷര മരവും വായന മൂലയും സജ്ജമാക്കി. സ്കൂൾ റേഡിയോയിലൂടെ ക്വിസ് മത്സരവും തെരഞ്ഞെടുത്ത വിദ്യാർത്ഥികൾക്ക് വായനാദിന മെഗാ ക്വിസ് മത്സരവും സംഘടിപ്പിച്ചു. ക്വിസ് മത്സരത്തിൽ മുഹമ്മദ് റൈഹാൻ, ഹയ നൗഷാദ്, സൻഹ എന്നിവർ യഥാകൃമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി. 

രക്ഷിതാക്കൾക്ക് വേണ്ടി സംഘടിപ്പിച്ച വായനാകുറിപ്പ് തയ്യാറാക്കൽ മത്സരത്തിൽ ബായിദ, നസീമ, ഫസീല. സി. എന്നിവർ യഥാകൃമം ഒന്ന്, രണ്ട്, മൂന്ന് സ്ഥാനങ്ങൾ നേടി.

വായനവാരാഘോഷത്തിന്റെ ഉദ്ഘാടനം വാർഡ്മെമ്പർ എം. ടി. അലവി നിർവഹിച്ചു. പി ടി എ പ്രസിഡന്റ് സിദ്ധീഖ് മരക്കാർ മൗലവി അധ്യക്ഷത വഹിച്ചു. പ്രജിത ടീച്ചർ ക്ലാസെടുത്തു. ഹെഡ് മിസ്ട്രസ് ജലജ തറയിൽ, പി ടി എ മെമ്പർമാരായ ഒ.കെ. കുട്ടി, ഗീത, ബുഷ്റ എം, അധ്യാപകരായ സുരേഷ്കുമാർ, മുഹമ്മദ് അസ്കർ, സുഫിയാൻ എന്നിവർ സംസാരിച്ചു.