മലയാളഭാഷയിൽ മാധുര്യം നിറച്ച് മാതൃഭാഷ ദിനാചരണം

മലയാളഭാഷയിൽ മാധുര്യം നിറച്ച് മാതൃഭാഷ ദിനാചരണം

പെരുവള്ളൂർ: അന്താരാഷ്ട്ര മാതൃഭാഷാദിനത്തിൽ   ഗവൺമെൻറ് എൽ പി സ്കൂൾ ഒളകരയിലെ വിദ്യാർത്ഥികൾക്കായി

വ്യത്യസ്ത പരിപാടികൾ സംഘടിപ്പിച്ചു.

അമ്മയോളം മാധുര്യമുണ്ട്

മലയാളത്തിന്, ഭാഷയെ 

പെറ്റമ്മയായി കണ്ട്....

' അമ്മ മലയാളം ' എന്നെഴുതിയ കാർഡുകളുമായി മാതൃഭൂവിനോടു ചേർന്നു

നിന്നുകൊണ്ട് കുരുന്നുകൾ പാടി....

സുന്ദരമാണ് തങ്ങളുടെ 

മാതൃഭാഷയെന്ന്.....

വിദ്യാർത്ഥികൾക്കായി ഭാഷാ ക്വിസ്, പദപ്പയറ്റ്,

ഭാഷാ നിഘണ്ടു നിർമ്മാണം, ഭാഷാ ദിന പ്രതിജ്ഞ എന്നിവ നടത്തി. പ്രധാനാധ്യാപകൻ

എൻ. വേലായുധൻ മാതൃഭാഷാ ദിന സന്ദേശം നൽകി.മത്സരങ്ങളിൽ 

വിജയികളായ വിദ്യാർത്ഥികൾക്കുള്ള 

സമ്മാനദാനവും ഇതോടനുബന്ധിച്ച് നിർവ്വഹിച്ചു.

പൊതു വിദ്യാലയ സംരക്ഷണ യജ്ഞത്തിന്റെ ഭാഗമായി വിദ്യാഭ്യാസ വകുപ്പ് ആവിഷ്ക്കരിച്ച പഠനോത്സവത്തോടനുബന്ധിച്ച് വേങ്ങര ചേറൂർ ഗവ.എൽ പി സ്കൂളിലെ കുരുന്നുകളൊരുക്കിയ കുട്ടിച്ചന്ത

പൊതു വിദ്യാലയ സംരക്ഷണ യജ്ഞത്തിന്റെ ഭാഗമായി വിദ്യാഭ്യാസ വകുപ്പ് ആവിഷ്ക്കരിച്ച പഠനോത്സവത്തോടനുബന്ധിച്ച് വേങ്ങര ചേറൂർ ഗവ.എൽ പി സ്കൂളിലെ  കുരുന്നുകളൊരുക്കിയ കുട്ടിച്ചന്ത

വിവിധ കരകൗശല വസ്തുക്കളുടെ പ്രദർശനവും

കുട്ടികളുടെ കലാകായികപരമായ പ്രവർത്തനങ്ങളിലെ മികവ് രക്ഷിതാക്കളുടെ മുമ്പിൽ അവതരിപ്പിക്കുന്ന വിവിധ ഇനങ്ങളും

ഇതിന്റെ ഭാഗമായി ഒരുക്കി.

കുട്ടികൾ വീടുകളിൽ നിന്നും കൊണ്ടുവന്ന

വിവിധ തരത്തിലുള്ള അച്ചാറുകളും പലഹാരങ്ങളുമൊക്കെയായി നാടൻ വിഭവങ്ങൾ  കുട്ടിസ്റ്റാളുകളിൽ സ്ഥാനം പിടിച്ചു. 

പല തരം കാർഷിക വിളകളും

പാരമ്പര്യ കാർഷിക ഉപകരണങ്ങളും

പരിപാടിയിൽ ഇടം നേടി.

നവീന കാലത്തിന്റെ ഉപകരണങ്ങൾക്കിടയിൽ വളരുന്ന കുട്ടികൾക്ക്

ഭൂതകാലത്തിന്റെ സാംസ്ക്കാരവും സമൃദ്ധിയും വിളിച്ചറിയിക്കുന്ന ഉറി ,തെരിക, പറ,

പുട്ട് കുറ്റി, നാഴി ,കൊട്ട തുടങ്ങി അനേകം പോയ കാല നാട്ടു പെരുമകൾ ഒന്നിച്ചണിനിരന്നപ്പോൾ അക്ഷരാർത്ഥത്തിൽ പഴയകാല ഗ്രാമീണ ജീവിതത്തിന്റെ ഒരു പുനഃരാവിഷക്കാരമായി മാറി.

പരിപാടി കുട്ടികളിൽ വിജ്ഞാനപ്രദവും നവ്യവുമായ ഒരനുഭൂതിയുണർത്തിയത്.

വേങ്ങര സബ്ജില്ലാ തല പഠനോത്സവം പൊലിമ 2019 സമാപിച്ചു.

വേങ്ങര സബ്ജില്ലാ തല പഠനോത്സവം പൊലിമ 2019 സമാപിച്ചു.

പെരുവള്ളൂർ: വേങ്ങര സബ്ജില്ലാ തല പഠനോത്സവം പൊലിമ 2019 ഒളകര ഗവൺമെൻറ് എൽ പി സ്കൂളിൽ സമാപിച്ചു. തിരൂരങ്ങാടി ബ്ലോക്ക് പഞ്ചായത്ത് പ്രസിഡണ്ട് കെ  കലാം മാസ്റ്റർ പരിപാടി ഉദ്ഘാടനം ചെയ്തു. വേങ്ങര ബ്ലോക്ക് പഞ്ചായത്ത് പ്രസിഡണ്ട് ചാക്കീരി അബ്ദുൽ ഹഖ്, പെരുവള്ളൂർ പഞ്ചായത്ത്

വൈസ് പ്രസിഡന്റ് വേണുഗോപാൽ, പെരുവള്ളൂർ പഞ്ചായത്ത് സ്ഥിരംസമിതി അധ്യക്ഷൻ കാവുങ്ങൽ ഇസ്മായിൽ, എ ഇ ഒ വിശാല, ബി പി ഒ

ഭാവന, പ്രധാനാധ്യാപകൻ

എൻ. വേലായുധൻ,സോമരാജ്

പാലക്കൽ എന്നിവർ സംസാരിച്ചു.

വിദ്യാർത്ഥികൾ ഒരുക്കിയ ഗണിത പുരയും, അറിവ് തരുവും ഭക്ഷ്യ വിരുന്നൊരുക്കി  ' എരും പുളീം ' എന്ന പേരിൽ സംഘടിപ്പിച്ച ഭക്ഷ്യമേളയും വഴിത്താര എന്ന പേരിൽ സംഘടിപ്പിച്ച ഡോക്യുമെന്ററി  പ്രദർശനവും പ്രത്യേക ശ്രദ്ധ നേടി. വിദ്യാർത്ഥികളിലെ അക്കാദമിക നിലവാരത്തിന്റെ മാറ്റളക്കുന്നതിനായി വ്യത്യസ്ത മത്സരയിനങ്ങൾ 'സല്ലാപം' എന്ന പേരിൽ സംഘടിപ്പിക്കുകയുണ്ടായി.

അറിവ് കായ്ക്കുന്ന മരത്തിൽ  വിളഞ്ഞത് വിദ്യാർത്ഥികൾ നേടിയ അറിവുകളായിരുന്നു . രക്ഷിതാക്കൾക്ക് കുട്ടികളുടെ പാഠ്യ മികവിനെ വിലയിരുത്താനുള്ള ഏറ്റവും നല്ല അവസരമായി അറിവ് തരു മാറി. 

ഗണിത പുരയിൽ എത്തുന്ന രക്ഷിതാക്കൾക്ക് അവരുടെ ഉയരവും തൂക്കവും കണക്കാക്കി ആരോഗ്യത്തിൽ ഇനി പാലിക്കേണ്ട മുൻകരുതലുകളെക്കുറിച്ച് വിദ്യാർത്ഥികൾ അവരെ ബോധവാന്മാരാക്കി.

ഭാഷാശേഷി കളിലെ തങ്ങളുടെ മികവുകൾ മനസ്സിലാക്കുവാൻ രക്ഷിതാക്കളും വിദ്യാർത്ഥികളുമായി മത്സരിച്ചാണ് വിദ്യാർഥികൾ തങ്ങളുടെ കഴിവുകൾ വെളിപ്പെടുത്തിയത്.

വിദ്യാലയത്തിൽ ഇതുവരെ നടത്തിയ പാഠ്യ-പാഠ്യേതര പ്രവർത്തനങ്ങളുടെ പ്രദർശനമായിരുന്നു വഴിത്താര  ഡോക്യുമെന്ററി യിലൂടെ  രക്ഷിതാക്കളെ അറിയിച്ചത്.

'എരും പുളീം ' എന്ന ഭക്ഷ്യമേള യിലൂടെ 

കുട്ടി കച്ചവടക്കാരായി കച്ചവടത്തിലും തങ്ങൾ പിന്നിലല്ല എന്ന് അവർ രക്ഷിതാക്കളെ ബോധ്യപ്പെടുത്തി.

"മികവിലേക്ക് ഒരു ചുവടുമായി" വിദ്യാർത്ഥികൾ അങ്ങാടികളിലേക്ക്

"മികവിലേക്ക് ഒരു ചുവടുമായി" വിദ്യാർത്ഥികൾ അങ്ങാടികളിലേക്ക്

പെരുവള്ളൂർ: സബ്ജില്ലാതല പഠനോത്സവം ' പൊലിമ 2019 ' ന്റെ വരവറിയിച്ച് തെരുവ് നാടകം അവതരിപ്പിച്ച് ഗവൺമെൻറ് എൽ പി സ്കൂൾ ഒളകരയിലെ വിദ്യാർത്ഥികൾ. തൊഴിലുറപ്പ് തൊഴിലാളികളുടെ വേഷമിട്ടെത്തിയ കുരുന്നുകൾ നാടകം അവതരിപ്പിക്കുകയും, അതോടൊപ്പം സമീപപ്രദേശങ്ങൾ ശുചീകരിക്കുകയും ചെയ്തു.'മികവിലേക്ക് ഒരു ചുവട് ' എന്ന തെരുവു നാടകമാണ് വിദ്യാർത്ഥികൾ വ്യത്യസ്ത ഇടങ്ങളിലായി അവതരിപ്പിച്ചത്. നാടകത്തിൻറെ അവസാനം വഞ്ചിപ്പാട്ട് പാടി തങ്ങളുടെ രക്ഷിതാക്കളെയും നാട്ടുകാരെയും വിദ്യാലയത്തിലേക്ക് സ്വാഗതം ചെയ്യാനും കുരുന്നുകൾ മറന്നില്ല. വിദ്യാർത്ഥികളായ മിൻഹ, ജാലിബ, നന്ദിത എന്നിവർ കേന്ദ്രകഥാപാത്രങ്ങളെ അവതരിപ്പിച്ചു.അധ്യാപകരായ എൻ. വേലായുധൻ,സോമരാജ്, റഷീദ്, ഷാജി, ജംഷീദ്,റജില ,ജിഷ,ജോസിന, ജിജിന എന്നിവർ നേതൃത്വം നൽകി.ഫെബ്രുവരി 14

വ്യാഴാഴ്ച യാണ് വേങ്ങര സബ് ജില്ലാ തല പഠനോത്സവം ഒളകര ഗവ എൽ പി സ്കൂളിൽ  നടക്കുന്നത്.

കിളിനക്കോട് അഞ്ചാം വാർഡ് കമ്മറ്റിയും, KMCC യും കൂടി നിർമ്മിച്ചു നൽകുന്ന രണ്ടാമത്തെ ബൈത്തുറഹ്മയുടെ താക്കോൽധാനം പാണക്കാട് സയ്യിദ് ബഷീറലി ശിഹാബ് തങ്ങൾ നിർവ്വഹിച്ചു.

കിളിനക്കോട് അഞ്ചാം വാർഡ് കമ്മറ്റിയും, KMCC യും കൂടി നിർമ്മിച്ചു നൽകുന്ന രണ്ടാമത്തെ ബൈത്തുറഹ്മയുടെ താക്കോൽധാനം പാണക്കാട് സയ്യിദ് ബഷീറലി ശിഹാബ് തങ്ങൾ നിർവ്വഹിച്ചു.

ഉപഹാര സമർപ്പണം

കിളിനക്കോട് വൈറ്റ് ഗാർഡ് അംഗം സൈദലവി UN, പ്രശസ്ത ഗാനരചയിതാവ് മൻസൂർ കിളിനക്കോട്, KMCC നേതാക്കളായ EM മുഹമ്മദ്, ഇല്ലിയാസ് PC, മുഹമ്മദ് മണ്ടോട്ടിൽ എന്നിവർക്ക് പാണക്കാട് സയ്യിദ് ബഷീറലി ശിഹാബ് തങ്ങൾ ഉപഹാരം നൽകി ആദരിച്ചു.

ഏറ്റവും കൂടുതൽ വോട്ട് ചേർത്തിയതിനുളള പഞ്ചായത്ത് മുസ്ലിം ലീഗ് കമ്മിറ്റിയുടെ ഉപഹാരം ഒന്നാം സ്ഥാനം കിളിനക്കോട് അഞ്ചാം വാർഡ് കമ്മിറ്റിയും, രണ്ടാം സ്ഥാനം പതിനാലാം വാർഡും, മൂന്നാം സ്ഥാനം പത്താം വാർഡും കുഞ്ഞാലിക്കുട്ടിയിൽ നിന്നും ഏറ്റുവാങ്ങി.

ചേറൂർ അടിവാരത്ത് നിന്നും തുടങ്ങിയ വൈറ്റ് ഗാർഡ്, കരിമരുന്ന്, ബാന്റ് അകമ്പടിയോടെ അതി ഗംഭീരമായ പ്രകടനത്തിന് UM ശംസുദ്ദീൻ, പൂക്കുത്ത് അഹമ്മദ് കുട്ടി, UM ശിഹാബ്, UV ഫയാസ്, ഷഫീഖ് C, സൈദലവി P, സൈദു UK, AK ബീരാൻ, സാദിഖ് UK, ലത്തീഫ് M, മുസ്ലീഖാൻ, ശംസീർ P എന്നിവർ നേതൃത്വം നൽകി.

ചടങ്ങിൽ Uk മുഹമ്മദ് കുട്ടി മുസ്ലിയാർ അദ്ധ്യക്ഷത വഹിച്ചു.

PK കുഞ്ഞാലികുട്ടി MP, സിദ്ദീഖലി രാങ്ങാട്ടൂർ, ഷിബു മീരാൻ, AP ഉണ്ണികൃഷ്ണൻ, ചാകീരി കുഞ്ഞുട്ടി, അബൂബക്കർ മാസ്റ്റർ, കൊമ്പത്തിൽ റസാഖ്, പൂക്കുത്ത് മുജീബ്, നൗഷാദ് ചേറൂർ, പുളളാട്ട് ശംസു, ചാക്കീരി മാനു, ആവയിൽ സുലൈമാൻ, അരീക്കൻ കുഞ്ഞുട്ടി എന്നിവർ പ്രസംഗിച്ചു.

പരിപാടിയിൽ സ്വാഗതം UK ഇബ്രാഹീമും, വാർഡ് മെമ്പർ UM ഹംസ നന്ദിയും പറഞ്ഞു.

സജീവമായ ക്ലാസ് മുറികൾ,കർമ്മനിരതരായ വിദ്യാർത്ഥികൾ,പിന്തുണയുമായി അധ്യാപകർ

സജീവമായ ക്ലാസ് മുറികൾ,കർമ്മനിരതരായ വിദ്യാർത്ഥികൾ,പിന്തുണയുമായി അധ്യാപകർ

വേങ്ങര: പീസ് പബ്ലിക് സ്കൂളിലെ വിദ്യാർത്ഥികൾ  ക്ലാസ് മുറികളിൽ സജീവമാണ്,പരീക്ഷണനിരീക്ഷണങ്ങളുമായി..ഭാവനാശേഷിയും നിർമ്മാണചാതുരിയും ഒരുമിപ്പിച്ചു കൊണ്ടുള്ള പ്രയത്നത്തിലേർപ്പെടുകയാണവർ,തങ്ങളുടെ സ്കൂളിലെ ശാസ്ത്രപ്രദർശനം കുറ്റമറ്റതാക്കാൻ..

ഫെബ്രുവരി 12 ന് 12 മണിക്ക് ആരംഭിക്കുന്ന എക്സിബിഷനിലും തുടർന്ന് നടക്കുന്ന ശാസ്ത്രസംവാദത്തിലും കുട്ടികളാണ് കിംഗ് മേക്കർമാർ.അവരോട് സംവദിക്കുന്നതാകട്ടെ ലോകപ്രശസ്തനായ ഒരു ശാസ്ത്രജ്ഞനും.ഈ ബൃഹദ് സംരംഭത്തിന്റെ നെടുംതൂണുകളായി ഓരോ നിമിഷവും കൈമെയ് മറന്ന് അദ്ധ്വാനിക്കുകയാണ് പീസ് സ്കൂളിലെ അദ്ധ്യാപകർ.വിവിധ സ്കൂളുകളിൽ നിന്നായി വരുന്ന എക്സിബിഷൻ പ്ലോട്ടുകളിൽ മികവ് പുലർത്തണമെന്ന മത്സരബുദ്ധിയോടൊപ്പം ആദിഥേയത്വസ്ഥാപനമെന്ന റോൾ ഭംഗിയാക്കാൻ കൂടി തയ്യാറായിരിക്കുകയാണ് വേങ്ങര പീസ് പബ്ലിക് സ്കൂൾ.

ജി.മാധവൻ നായർ എന്ന ശാസ്ത്രപ്രതിഭയുമായി ബൗദ്ധിക സംവാദത്തിനൊരുങ്ങുന്ന വേങ്ങര പീസ് പബ്ലിക് സ്കൂൾ,കുട്ടികളുടെ അറിവും കഴിവും പ്രകടിപ്പിക്കാൻ വ്യത്യസ്തമായൊരു വേദിയൊരുക്കുന്നതിലൂടെ പുതിയൊരദ്ധ്യായത്തിന് തുടക്കം കുറിക്കുകയാണ്.

ജനപ്രതിനിധികളും വിദ്യാഭ്യാസ രംഗത്തെ പ്രമുഖരും അടക്കം സമൂഹത്തിന്റെ വിവിധ മേഖലയിൽ നിന്നുള്ള ആളുകൾ പങ്കെടുക്കുന്ന പരിപാടിയുടെ വിജയത്തിനായി അധ്യാപകരും വിദ്യാർത്ഥികളും രക്ഷിതാക്കളും മാനേജ്മെന്റുമടങ്ങുന്ന വലിയൊരു നിര തന്നെ രംഗത്തിറങ്ങിയിരിക്കുകയാണ്.

ഇന്നത്തെ അവലോകന യോഗത്തിൽ പ്രിൻസിപ്പാൾ ജസ്മീർ ഫൈസൽ,ഫൗണ്ടേഷൻ പ്രതിനിധികളായ ശരീഫ് തിരൂർ,ലബീബ്,സ്കൂൾ അഡ്മിനിസ്ട്രേറ്റർ ഗോപകുമാർ സി.എസ്,മാനേജ്‌മെന്റ് പ്രതിനിധി ആലസ്സൻകുട്ടി സാഹിബ്,പാരന്റ്സ് അസോസിയേഷൻ ഭാരവാഹികളായ ഹംസത്ത് അടുവണ്ണി,ഡോ.ഗഫൂർ പൂങ്ങാടൻ,ബാബു ഷാഹിർ,ശംസുദ്ധീൻ മലപ്പുറം,മൻസൂർ കോട്ടുമല,വി.എസ്.മുഹമ്മദാലി,സിറാജ് തിരൂരങ്ങാടി,നജീബ് കച്ചേരിപ്പടി,വി.കെ.അബ്ദുൽ റസാഖ്,കദീജ തിരൂരങ്ങാടി,ഡോ.സജീറ കാപ്പൻ, റസീന തിരൂരങ്ങാടി എന്നിവർ പങ്കെടുത്തു.വനിതാ കോ ഓർഡിനേഷൻ മീറ്റിംഗിന് വൈസ് പ്രിൻസിപ്പൽ ഫബീല മാഡം  നേതൃത്വം നൽകി.

പഴയകാല കർഷകനെ ആദരിച്ച് വിദ്യാർത്ഥികൾ

പഴയകാല കർഷകനെ ആദരിച്ച് വിദ്യാർത്ഥികൾ

പുതുപ്പറമ്പ് പ്രദേശത്തെ പഴയകാല കർഷകരിലൊരാളായ കീറ്റി എന്ന  കീരൂട്ടിയെ നേരിൽ കാണുന്നതിനായി മലബാർ ഇംഗ്ലീഷ് സ്കൂളിലെ വിദ്യാർത്ഥിക്കൂട്ടം കൃഷിയിടത്തെത്തി. കീറ്റിയെ പൊന്നാട അണിയിച്ച് ആദരിച്ച വിദ്യാർത്ഥികൾ തുടർന്ന് കൃഷിയറിവുകൾ ചോദിച്ചറിഞ്ഞു. പുതുപ്പറമ്പ് രണ്ടാം വാർഡ് പ്രദേശത്ത് കഴിഞ്ഞ നാല്പത് വർഷത്തോളമായി  കീറ്റി കൃഷി ചെയ്യുന്നുണ്ട്. സ്കൂളിന്റെ ഇന്റർനെറ്റ് മാഗസിനിലേക്കുള്ള അഭിമുഖത്തിന്റെ ഭാഗമായാണ് വിദ്യാർത്ഥികൾ കൃഷിയിടത്തെത്തിയത്.വാർഡ് മെമ്പർ ജമാലുദ്ധീൻ കൊളങ്ങര, അദ്ധ്യാപകരായ അമീറുദ്ധീൻ, സൗമ്യ തുടങ്ങിയവർ പരിപാടികൾക്ക് നേതൃത്വം നൽകി.

അമ്മയ്ക്കൊരു കത്തുമായി വിദ്യാർത്ഥികൾ പോസ്റ്റ് ഓഫീസിലേക്ക്

അമ്മയ്ക്കൊരു കത്തുമായി വിദ്യാർത്ഥികൾ പോസ്റ്റ് ഓഫീസിലേക്ക്

പെരുവള്ളൂർ: വേങ്ങര സബ്ജില്ലാ തല പഠനോത്സവം ' പൊലിമ 2019 ' ഗവൺമെൻറ് എൽ പി സ്കൂൾ ഒളകരയിൽ

 വെച്ച് നടക്കുന്നതിന്റെ ഭാഗമായി വിദ്യാർത്ഥികൾ രക്ഷിതാക്കളെ സ്കൂളിലേക്ക് ക്ഷണിക്കുന്നതിനായി,

 ' അമ്മയ്ക്കൊരു കത്തുമായി ' വിളംബരജാഥ നടത്തി. സ്കൂളിൽ നിന്നും ആരംഭിച്ച റാലി പുകയൂർ അങ്ങാടിയിലുള്ള പോസ്റ്റ് ഓഫീസിൽ ആണ് അവസാനിച്ചത്. അമ്മമാരെയും,ബന്ധുമിത്രാധികളെയും തങ്ങളുടെ മികവുകൾ കാണുന്നതിലേക്കായി ക്ഷണിച്ചുകൊണ്ട് വിദ്യാർഥികൾ സ്വന്തം കൈപ്പടയിൽ എഴുതിയ കത്ത് ഒളകര പോസ്റ്റ് ഓഫീസിൽ എത്തി പോസ്റ്റ് ചെയ്യുകയായിരുന്നു. സീനിയർ അസിസ്റ്റൻറ് ശ്രീ സോമരാജ് പാലക്കൽ വിളംബരജാഥ ഫ്ലാഗ് ഓഫ് ചെയ്തു. പി ടി എ പ്രസിഡണ്ട് പി പി സെയ്ദ് മുഹമ്മദ് ആശംസകൾ നേർന്നു. അധ്യാപകരായ പി കെ ഷാജി അബ്ദുൽബാരി , ജംഷീദ്, റംസീന , ജിജിന, എന്നിവർ നേതൃത്വം നൽകി.

ഭരണ സമിതി യോഗത്തിൽ നെൽ കർഷകരുടെ പ്രതിഷേധം

ഭരണ സമിതി യോഗത്തിൽ നെൽ കർഷകരുടെ പ്രതിഷേധം

പറപ്പൂർ: ഗ്രാമപഞ്ചായത്ത് ഭരണസമിതി യോഗത്തിൽ നെൽകർഷകരുടെ പ്രതിഷേധം. വിവിധ പാടശേഖരങ്ങളിലെ അമ്പതോളം കർഷകരാണ് ഭരണസമിതി യോഗ ഹാളിലേക്ക് പ്രതിഷേധവുമായി എത്തിയത്.ജനകീയാസൂത്രണ പദ്ധതിയിൽ നെൽ കൃഷിക്ക് ആവശ്യമായ തുക വക ഇരുത്താത്തതിൽ പ്രതിഷേധിച്ചാണ് ബഹളമുണ്ടായത്. തെങ്ങ്, കമുക് കർഷകർക്ക് ആവശ്യമായ തുക നീക്കിവെച്ചപ്പോൾ വിത്തിനും അമോണിയക്കുമായി നാമമാത്ര തുകയാണ് വകയിരുത്തിയിട്ടുള്ളത്.ഈ വർഷം ഗ്രാമ പഞ്ചായത്തിൽ നൂറേക്കറോളം പാടത്ത് നെൽകൃഷിയിറക്കിയിട്ടുള്ളത് ഭൂരിഭാഗവും പാട്ട കർഷകരാണ്. അതേ സമയം തെങ്ങ്, കമുക് കർഷകർ പലരും ഭൂഉടമകളാണ്. പാവപ്പെട്ട നെൽകർഷകരെ അവഗണിച്ചതിൽ വ്യാപകമായ പ്രതിഷേധം കർഷകർക്കുണ്ട്. ബഹളത്തിനൊടുവിൽ വാർഷിക പദ്ധതിയിൽ ഭേദഗതി വരുത്തി ആവശ്യമായ തുക ഉൾപ്പെടുത്താമെന്ന പ്രസിഡന്റിന്റെയും സ്ഥിരം സമിതി ചെയർമാന്റെയും ഉറപ്പിലാണ് കർഷകർ പ്രതിഷേധം അവസാനിപ്പിച്ചത്.ഗ്രാമ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി വനിതാ കർഷകർക്ക് മൺചട്ടി,ടിഷ്യൂ കൾച്ചർ വാഴ തുടങ്ങിയവക്ക് അമിത തുക നീക്കിവെച്ചതായും കർഷകർ ആരോപിക്കുന്നു. പ്രതിഷേധത്തിന് ഇരിങ്ങല്ലൂർ പാടശേഖര സമിതി ഭാരവാഹികളായ ചെമ്പയിൽ രാജൻ, ഇ.കെ അബ്ദുൽ ഖാദർ ,എ കെ ഖമറുദ്ദീൻ, ഇ.കെ കുഞ്ഞിമുഹമ്മദ്, ടി.സി ശംസുദ്ദീൻ, മുഹമ്മദ്, പി.എം ചേന്നു എന്നിവർ നേതൃത്വം നൽകി.യു.ഡി.എഫ് ഭരണത്തിൽ നെൽകർഷകർക്ക് മതിയായ ആനുകൂല്യം നെൽകിയപ്പോൾ സാമ്പാർ മുന്നണി ഭരിക്കുന്ന പഞ്ചായത്ത് കർഷകരെ അവഗണിക്കുകയാണെന്ന ആരോപണം ശക്തമാണ്. കർഷകരുടെ ആശ്രയമായ പറപ്പൂർ കൃഷിഭവനിലും മാസങ്ങളായി ആളില്ലാത്ത അവസ്ഥയാണ്.

മലയാള ഭാഷയുടെ തറവാട്ടിലെത്തി പെരുവള്ളൂർ ഒളകര സ്കൂൾ വിദ്യാർത്ഥികൾ

മലയാള ഭാഷയുടെ തറവാട്ടിലെത്തി പെരുവള്ളൂർ ഒളകര സ്കൂൾ വിദ്യാർത്ഥികൾ

പെരുവള്ളൂർ: നാലാം ക്ലാസിലെ മലയാള പാഠഭാഗത്തിന്റെ തുടർപ്രവർത്തനവുമായാണ് ഒളകര ഗവൺമെൻറ് എൽപി സ്കൂൾ വിദ്യാർത്ഥികൾ

തുഞ്ചത്താചാര്യന്റെ സ്മൃതി പദങ്ങളിലെത്തിയത് . അവിസ്മരണീയങ്ങളായ

അനുഭവങ്ങളുടെ നേർസാക്ഷ്യമാണ് കുരുന്നുകൾക്ക് ഈയൊരു സന്ദർശനത്തിലൂടെ കരഗതമായത്.ആചാര്യന്റെ കിളിമകളും,എഴുത്തോലയും, എഴുത്താണിയും 

തുടങ്ങി മലയാള സാഹിത്യ തറവാട്ടിലെ കുലപതി മാരുടെ ചിത്രങ്ങളും ,

വിവരണങ്ങളും, കലാരൂപങ്ങളും,വാദ്യോപകരണങ്ങളും ഇവയെല്ലാം

വിദ്യാർത്ഥികൾ മനം നിറയെ ആസ്വദിച്ചു.

ഒടുവിൽ ചരിത്ര താളുകളിൽ മാമാങ്കത്തിന്റെ തിരുശേഷിപ്പുകളീമായി മണിക്കിണറും, നിലപാട് തറയും , ഒടുവിൽ അവർ ചേർന്ന് പറഞ്ഞു 'തുഞ്ചന്റെ  നാട് സൂപ്പർ'....

കാസ്മ ഫുട്ബോൾ മേളക്ക് ഇന്ന് തുടക്കം

കാസ്മ ഫുട്ബോൾ മേളക്ക് ഇന്ന് തുടക്കം

ജീവ കാരുണ്യ പ്രവർത്തനത്തിൽ എന്നും മുൻപന്തിയിലുള്ള കാസ്മ ക്ലബ്‌ കൂരിയാട് നിർധരരായ രോഗികളുടെ ചികിത്സക്കും കുടിവെള്ള വിതരണം മറ്റു കാരുണ്യ പ്രവർത്തനങ്ങൾക്കും വേണ്ടിയുള്ള ധനശേഖരണാര്ഥം വർഷം തോറും നടത്തി വരാറുള്ള 16-മത് ഫുട്ബോൾ ഫെസ്റ്റ് 31-1-2019 മുതൽ കൂരിയാട് കാസ്മ ഫ്ലഡ് ലൈറ്റ് സ്റ്റേഡിയത്തിൽ വെച്ച് നടത്തപ്പെടുന്നു. വേങ്ങര സബ് ഇൻസ്‌പെക്ടർ സംഗീദ് പുനത്തിൽ പ്രശസ്ത മോഡലും മോട്ടിവേറ്ററും ആയ തസ്‌വി യുടെയും പഞ്ചായത്ത് പ്രസിഡന്റ്‌ കുഞ്ഞാലൻ കുട്ടിയുടെയും സാനിധ്യത്തിൽ ഉൽഘാടനം നിർവഹിക്കും എന്ന് കാസ്മ ക്ലബ്‌ രക്ഷാധികാരികളായ ഇ മുഹമ്മദലി,നിയാസ് നരിക്കോടൻ പ്രസിഡന്റ്‌ സിദ്ധീഖ് ഇവി,സെക്രട്ടറി ഷബീറലി ഇ, ട്രഷറർ റിയാസലി എന്നിവർ അറിയിച്ചു.

ഊരകം പഞ്ചായത്ത് എം.എസ്.എഫ് സമ്മേളനം സമാപ്പിച്ചു

ഊരകം പഞ്ചായത്ത് എം.എസ്.എഫ് സമ്മേളനം  സമാപ്പിച്ചു

ഊരകം  ഃ പഞ്ചായത്ത് msf സമ്മേളനം സമാപ്പിച്ചു. മുഴുവന്‍ യൂണിറ്റുകളിലും യൂണിറ്റ് സമ്മേളനങ്ങള്‍ പൂര്‍ത്തിയാക്കിയ ശേഷമാണ് പഞ്ചായത്ത് സമ്മേളനം നടന്നത്. ഊരകം എം.യു സ്കൂള്‍ മൈതാനത്ത് 200 പ്രതിനിധികള്‍ പങ്കെടുത്ത പ്രതിനിധി സമ്മേളനം  msf ദേശീയ സെക്രട്ടറി adv. NA കരീം ഉദ്ഘാടനം ചെയ്തു. ഷാഫി ചാലിയം, ഷരീഫ് കുറ്റൂര്‍ എന്നിവര്‍ പ്രസംഗിച്ചു. കെ.ടി ഹംസ അധ്യക്ഷത വഹിച്ചു. ജസീം. എന്‍ സ്വാഗതവും, ശുഹൈബ് .കെ നന്ദിയും പറഞ്ഞു. കെ.കെ മന്‍സൂര്‍ കോയ തങ്ങള്‍ , പി.കെ അസ് ലു, ഇ.കെ കുഞ്ഞാലി, എം.കെ അബ്ദുല്‍ മജീദ്, പി.പി ഹസ്സന്‍ സംബന്ധിച്ചു. 

 കുറ്റാളൂരില്‍ നിന്ന് കാരാത്തോട്ടേക്ക് വിദ്യാര്‍ത്ഥി റാലിയും, 28 തിങ്കളാഴ്ച്ച കൗണ്‍സില്‍ മീറ്റും നടന്നു. വിദ്യാര്‍ത്ഥി റാലി പഞ്ചായത്ത് മുസ്ലിം ലീഗ് പ്രസിഡന്‍റ് കെ.കെ സയ്യിദ് മന്‍സൂര്‍ കോയ തങ്ങള്‍ ഫ്ലാഗ് ഓഫ് ചെയ്തു.

പുതിയ ഭാരവാഹികള്‍ ഃ 

പ്രസിഡന്‍റ് ഃ ജസീം ചാലില്‍കുണ്ട് , ജ.സെക്രട്ടറി ഃ സാദിഖ് പുല്ലഞ്ചാല്‍ , ട്രഷറര്‍ ഃ സലീം നെടുംപറമ്പ്, വൈസ് .പ്രസിഡന്‍റ്മാര്‍ഃ  ശുഹൈബ്.കെ, ഫൈസല്‍ നാട്ടുകല്ല് , ജസീല്‍

ജോ.സെക്രട്ടറിമാര്‍ ഃ 

ഷാനു നിയാസ്, അസ്ലം പാറക്കണ്ണി , അനസ് .ടി മമ്പീതി തിരഞ്ഞെടുക്കപ്പെട്ടു.

ഇറ്റലിയിലേക്ക് പറക്കുന്ന കുഞ്ഞനുജനെ യാത്രയാക്കാൻ രണ്ടത്താണി ശാന്തി ഭവനിലെത്തി വിദ്യാർഥിക്കൂട്ടം

ഇറ്റലിയിലേക്ക് പറക്കുന്ന കുഞ്ഞനുജനെ യാത്രയാക്കാൻ രണ്ടത്താണി ശാന്തി ഭവനിലെത്തി വിദ്യാർഥിക്കൂട്ടം

കോട്ടക്കൽ:വെറുമൊരു സന്ദർശനമായിരുന്നില്ല ഇത്തവണ മലബാർ ഇംഗ്ലീഷ് ഹയർ സെക്കണ്ടറി വിദ്യാർത്ഥികൾ ചിൽഡ്രൻസ് ഹോമിലെത്തിയത്. ഈ മാസം മുപ്പത്തിയൊന്നിന് കടൽ കടക്കുന്ന അലൻ ഒമർ എന്ന ഒന്നര വയസ്സുകാരന് കൈ നിറയെ സമ്മാനങ്ങളുമായിട്ടായിരുന്നു വിദ്യാർത്ഥികളെത്തിയത്. പിറന്നു വീണ അന്നു മുതൽ അനാഥനായ ഐലന് ഇപ്പോൾ കൂട്ടുകാർ ഒത്തിരിയാണ്. ഇതിനിടെയാണ് ഇറ്റലിയിൽ നിന്നുള്ള കുഞ്ഞുങ്ങളില്ലാത്ത ദമ്പതിമാർ ഐലൻ ഒമറിനെ ദത്തെടുക്കുന്നത്.പാസ്പോർട്ട് നടപടിക്രമങ്ങളെല്ലാം പൂർത്തിയായിക്കഴിഞ്ഞു.ഈ മാസം മുപ്പത്തിയൊന്നിനെത്തുന്ന ഇറ്റാലിയൻ ദമ്പതികൾ  നടപടി ക്രമങ്ങൾ പൂർത്തിയാക്കി രണ്ടാം തീയതി മുംബൈയിൽ നിന്നും ഇറ്റലിയിലേക്ക് തിരിക്കും. ഇതാദ്യമായാണ് ഇവിടെ നിന്നും ഒരു ഇന്റർ കൺഡ്രി അഡോപ്ഷൻ നടക്കുന്നത്.ഒമറിനും കൂട്ടുകാർക്കുമായി വസ്ത്രങ്ങളും മധുരവുമായെത്തിയ വിദ്യാർത്ഥികൾ കേക്ക് മുറിച്ചാണ് യാത്ര പറഞ്ഞ് മടങ്ങിയത്.ശാന്തി ഭവൻ മേധാവി നാസർ, സാമൂഹ്യ പ്രവർത്തകൻ ഹംസ അഞ്ചുമുക്കിൽ,സോഷ്യൽ വർക്കർ തെരേസ സെബാസ്റ്റ്യൻ, പ്രോഗ്രാം ഓഫീസർ രാജേഷ് വി.അമല, റാബിയ കരീം തുടങ്ങിയവർ  പരിപാടികൾക്ക് നേതൃത്വം നൽകി.

വേങ്ങര സബ്ജില്ലാതല പഠനോത്സവം ഒളകര ഗവ: എൽ.പി.സ്കൂളിൽ

വേങ്ങര സബ്ജില്ലാതല പഠനോത്സവം ഒളകര ഗവ: എൽ.പി.സ്കൂളിൽ

പെരുവള്ളൂർ:വേങ്ങര സബ്ജില്ലാ തല പഠനോത്സവത്തിന്റെ ഭാഗമായി ഒളകര ഗവൺമെൻറ് എൽ പി സ്കൂളിൽ സ്വാഗതസംഘ രൂപീകരണ യോഗം ചേർന്നു. വരുന്ന ഫെബ്രുവരി പതിനാലാം തിയതിയാണ് വേങ്ങര സബ്ജില്ലാ കലോത്സവം ഗവൺമെൻറ് എൽ പി സ്കൂൾ ഒളകരയിൽ നടക്കുക. യോഗത്തിൽ പ്രധാനധ്യാപകൻ എൻ.വേലായുധൻ സ്വാഗതം പറഞ്ഞു. വേങ്ങര ബ്ലോക്ക് പഞ്ചായത്ത് പ്രസിഡണ്ട് അബ്ദുൽ ഹഖ് ചടങ്ങ് ഉദ്ഘാടനം ചെയ്തു. പെരുവള്ളൂർ പഞ്ചായത്ത് മെമ്പർ ശ്രീമതി ഫാത്തിമ ബിന്ദ് അധ്യക്ഷയായിരുന്നു.

തിരൂരങ്ങാടി ബ്ലോക്ക് പഞ്ചായത്ത് പ്രസിഡണ്ട് കെ അബ്ദുൽ കലാം മാസ്റ്റർ, വാർഡ് മെമ്പർ കാവുങ്ങൽ ഇസ്മായിൽ, ബി പി ഒ  ഭാവന ടീച്ചർ എന്നിവർ ആശംസകളർപ്പിച്ച് സംസാരിച്ചു. എ ഇ ഒ

ശ്രീമതി വിശാല വിഷയാവതരണം നടത്തി.പി കെ ഷാജി, സോമരാജ് പി, ജോസിന ആന്റണി എന്നിവർ സംസാരിച്ചു.

പെരുവള്ളൂർ ഗവൺമെൻറ് എൽ. പി സ്കൂൾ ഒളകരയിൽ വൈവിധ്യ പരിപാടികളോടെ റിപ്പബ്ലിക് ദിനം ആഘോഷിച്ചു

പെരുവള്ളൂർ ഗവൺമെൻറ് എൽ. പി സ്കൂൾ ഒളകരയിൽ വൈവിധ്യ പരിപാടികളോടെ റിപ്പബ്ലിക് ദിനം ആഘോഷിച്ചു

പെരുവള്ളൂർ: ഗവൺമെൻറ് എൽ. പി സ്കൂൾ ഒളകരയിൽ വൈവിധ്യ പരിപാടികളോടെ റിപ്പബ്ലിക് ദിനം ആഘോഷിച്ചു. വാർഡ് മെമ്പർ ഇസ്മായിൽ കാവുങ്ങൽ പതാക ഉയർത്തി. പ്രധാനാധ്യാപകൻ എൻ. വേലായുധൻ റിപ്പബ്ലിക്ദിന സന്ദേശം നൽകി . പിടിഎ പ്രസിഡണ്ട് പി. പി സെയ്ദ് മുഹമ്മദ് ,ഇ . ശ്രീക്കുട്ടൻ,

പി. കെ ഷാജി  എന്നിവർ സംസാരിച്ചു. വിദ്യാർത്ഥികൾക്കായി ദേശഭക്തിഗാനാലാപനം മാസ്സ് ഡ്രിൽ, റിപ്പബ്ലിക് ഡേ ക്വിസ്, പതാക നിർമാണം എന്നിവ സംഘടിപ്പിച്ചു. ഒടുവിൽ റിപ്പബ്ലിക്ക് ഡേ മാധുര്യം നിറച്ച് സ്പെഷ്യൽ പായസം വിളമ്പിയത് കുരുന്നുകൾക്ക് അവിസ്മരണീയമായി. മത്സരവിജയികൾക്ക് പ്രധാനാധ്യാപകൻ എൻ. വേലായുധൻ സമ്മാനദാനം നിർവഹിച്ചു.

ബോധവത്ക്കരണ സെമിനാർ സംഘടിപ്പിച്ചു.

ബോധവത്ക്കരണ സെമിനാർ സംഘടിപ്പിച്ചു.

വെങ്കുളം:അൽ മാസ് ക്ലബ്ബ് സംഘടിപ്പിച്ച സൈബർ കുറ്റകൃത്യങ്ങൾക്കെതിരെയുള്ള ബോധവത്ക്കരണ സെമിനാർ എം യു ഹയർസെക്കണ്ടറിയിൽ വെച്ചു നടന്നു.പി കെ അസ്ലു സാഹിബ് ഉത്‌ഘാടനം നിർവഹിച്ച പരിപാടിയിൽ ക്ലബ്ബ് പ്രസിഡന്റ് സലാഹുദ്ധീൻ സ്വാഗതം പറയുകയും ക്ലബ്ബ് ഉപദേശക സമിതിയംഗം മുഹമ്മദ് റിയാസ് അധ്യക്ഷത  വഹിക്കുകയും ചെയ്തു.

സൈബർ സെൽ ഓഫിസർ പ്രഷോദ് സർ വളരെ ഭംഗിയായി ഇതേ കുറിച്ചു ക്ലാസ്സെടുക്കുകയും വിശ്വൽസ് കാണിച്ചുകൊണ്ട് വിവരിക്കുകയും ചെയ്തപ്പോൾ  കുട്ടികൾക്കു ഇത് പുതിയൊരനുഭവമായി .

ഇന്റർനെറ്റിലെ ചതിക്കുഴികളെ കുറിച്ചും ഇന്റർനെറ്റ് എങ്ങനെ കൈകാര്യം ചെയ്യണമെന്നതിനെകുറിച്ചും പൂർണ്ണ ബോധവൻമാരയിട്ടാണ്‌ കുട്ടികൾ മടങ്ങിയത്.

മുഹമ്മദ് മാസ്റ്റർ,അലിയാർ തങ്ങൾ,മുനീർ മാസ്റ്റർ ഹയർ സെക്കണ്ടറി പ്രിൻസിപ്പൾ സയ്യിദ് മുഹമ്മദ് കോയ തങ്ങൾ എന്നിവർ സെമിനാറിന് ആശംസകൾ നേർന്നപ്പോൾ സ്കൂൾ ലീഡർ നന്ദി അറിയിച്ചുകൊണ്ടാണ് പരിപാടി അവസാനിച്ചത്.

ഇ-മാഗസിൻ പ്രകാശനത്തോടെ മലബാർ ഇംഗ്ലീഷ് സ്കൂൾ വാർഷികാഘോഷങ്ങൾക്ക് തുടക്കമായി

ഇ-മാഗസിൻ പ്രകാശനത്തോടെ മലബാർ ഇംഗ്ലീഷ് സ്കൂൾ വാർഷികാഘോഷങ്ങൾക്ക് തുടക്കമായി

: മൂന്ന് ദിവസങ്ങളിലായി നടക്കുന്ന മൻസർ 2019 വാർഷികാഘോഷങ്ങൾക്ക് കോട്ടക്കൽ മലബാർ ഇംഗ്ലീഷ് സ്കൂളിൽ തുടക്കമായി.ആഘോഷങ്ങളുടെയും സ്കൂൾ ഇ-മാഗസിനിന്റെയും ഉദ്ഘാടനം നടൻ വിനോദ് കോവൂർ നിർവ്വഹിച്ചു.സ്കൂൾ പ്രിൻസിപ്പൽ പി. സാജിദ് ബാബു, ചെയർമാൻ ടി.ടി ബീരാവുണ്ണി ഹാജി, അക്കാദമിക്ക് ഡയറക്ടർ സി.അബ്ദുൾ ഹമീദ്, പി. ടി.എ പ്രസിഡന്റ് എം.പി കുഞ്ഞിമൊയ്തീൻ, കെ.ഇ.സി.ടി അംഗങ്ങളായ കുഞ്ഞലവി ഹാജി, സി.പി അബ്ദുൾ ലത്തീഫ്, എം.അബ്ദുൾ മജീദ്, കെ.എ അബൂബക്കർ തുടങ്ങിയവർ സംസാരിച്ചു. തുടർന്ന് വിവിധ വിഭാഗങ്ങളിലായി നടത്തിയ മത്സര വിജയികൾക്കുള്ള സമ്മാനങ്ങൾ വിതരണം ചെയ്തുപാരൻസ് ഫെസ്റ്റോടുകൂടിയായിരുന്നു മൂന്ന് ദിനങ്ങളിലായി നടക്കുന്ന ആഘോഷ പരിപാടികൾക്ക് തുടക്കമായത്. വിദ്യാർത്ഥികളുടെ ശാസ്ത്ര പ്രദർശനവും വിവിധ പബ്ലിക്കേഷനുകളുടെ പുസ്തക പ്രദർശന വിൽപ്പനയും സ്കൂളിൽ ഒരുക്കിയിട്ടുണ്ട്.

KMHSS കുറ്റൂർ നോർത്തിലെ ദേശീയ- സംസ്ഥാന ഗെയിംസ് മത്സരങ്ങളിൽ മികവ് തെളിയിച്ച കായിക പ്രതിഭകൾക്കും, പിന്നിൽ പ്രവർത്തിച്ച കായിക അദ്ധ്യാപകർക്കും, സ്കൂളിൽ നടന്ന വേങ്ങര സബ് ജില്ലാ ശാസത്ര മേളയിൽ മികച്ച സേവനം കാഴ്ച്ച വെച്ച കുറ്റൂർ നോർത്തിലെ ക്ലബ്ബുകൾക്കുമുള്ള ഉപഹാര സമർപ്പണം അഡ്വ.KNA ഖാദർ MLA നിർവ്വഹിച്ചു

KMHSS കുറ്റൂർ നോർത്തിലെ ദേശീയ-  സംസ്ഥാന ഗെയിംസ് മത്സരങ്ങളിൽ മികവ് തെളിയിച്ച കായിക പ്രതിഭകൾക്കും, പിന്നിൽ പ്രവർത്തിച്ച കായിക അദ്ധ്യാപകർക്കും,  

സ്കൂളിൽ നടന്ന വേങ്ങര സബ് ജില്ലാ ശാസത്ര മേളയിൽ മികച്ച സേവനം കാഴ്ച്ച വെച്ച കുറ്റൂർ നോർത്തിലെ ക്ലബ്ബുകൾക്കുമുള്ള ഉപഹാര സമർപ്പണം അഡ്വ.KNA ഖാദർ MLA നിർവ്വഹിച്ചു 

കെ.എം. എച്ച് എസ് എസ് കുറ്റൂർ നോർത്തിലെ ദേശീയ -  സംസ്ഥാന ഗെയിംസ് മത്സരങ്ങളിൽ (ഫുട്ബോൾ, ബെയ്സ് ബോൾ, സോഫ്റ്റ് ബോൾ, ക്രിക്കറ്റ് ) മികവ് തെളിയിച്ച കായിക പ്രതിഭകൾക്കും, പിന്നിൽ പ്രവർത്തിച്ച കായിക അദ്ധ്യാപകർക്കും,  സ്കൂളിൽ നടന്ന വേങ്ങര സബ് ജില്ലാ ശാസത്ര മേളയിൽ മികച്ച സേവനം കാഴ്ച്ച വെച്ച കുറ്റൂർ നോർത്തിലെ ക്ലബ്ബുകൾക്കുമുള്ള ഉപഹാര സമർപ്പണം അഡ്വ.KNA ഖാദർ MLA നിർവ്വഹിച്ചു. അണ്ടർ 17 ഫുട്ബോളൽ വിജയികളായ കേരള ടീമിൽ അംഗമായി കാശ്മീരിൽ നടന്ന മത്സരത്തിൽ പങ്കെടുത്ത് വിജയഗോൾ നേടിയ സുഹൈർ ഉസ്മാൻ കെ., നാഗ്പൂരിൽ വെച്ച് നടക്കുന്ന നാഷണൽ സ്കൂൾ സോഫ്ട് ബോൾ ചാമ്പ്യൻഷിപ്പിൽ കേരളത്തെ  പ്രതിനിധീകരിക്കുന്ന ഷൈജൽ എം.കെ, ഉൾപ്പെടെെ പന്ത്രണ്ടോളം കായിക പ്രതിഭകൾക്കാണ് ആദരം നൽകിയത്.

      വൈകുന്നേരം കക്കാടം പുറത്ത് നിന്ന് ആരംഭിച്ച വിജയാഘോഷയാത്രക്ക് ക്ലബ്ബുകളുടെയും നാട്ടുകാരുടെയും വകയായി വിവിധ കേന്ദ്രങ്ങളിൽ സ്വീകരണം നൽകി.

       മാനേജർ കെ.പി. കുഞ്ഞിമൊയ്തു, വാർഡ് മെമ്പർ ഹസീന ഫസൽ കെ.പി., പി.ടി.എ പ്രസിഡന്റ് കെ.കെ.മൊയ്തീൻ കുട്ടി, ഹെഡ്മാസ്റ്റർ പി.ബി അനിൽകുമാർ. ദുർഗ്ഗാദാസ് കെ.പി എന്നിവർ സംസാരിച്ചു.  പ്രിൻസിപ്പാൾ യൂസുഫ് കരുമ്പിൽ സ്വാഗതവും ഡെപ്യൂട്ടി ഹെ‌ഡ് മാസ്റ്റർ ബേബി ജോൺ നന്ദിയും പറഞ്ഞു. 

കുട്ടി ഐ ടി വിദഗ്ദ്ധർ ഒരുക്കിയ ഹൈ ടെക് വീഡിയോ കോൺഫറൻസ് ക്ലാസ്സ് തല പി ടി എ ശ്രദ്ധേയമാവുന്നു

കുട്ടി ഐ ടി വിദഗ്ദ്ധർ ഒരുക്കിയ ഹൈ ടെക് വീഡിയോ കോൺഫറൻസ് ക്ലാസ്സ് തല പി ടി എ ശ്രദ്ധേയമാവുന്നു

വിവര സാങ്കേതിക വിദ്യാ രംഗത്ത് പുത്തൻ ഉണർവ്വുമായി കേരളത്തിലെ പൊതു വിദ്യാലയങ്ങൾ അന്താരാഷ്ട്ര നിലവാരത്തിലേക്ക് കുതിക്കുമ്പോൾ കുട്ടി ഐ ടി വിദഗ്ദ്ധർ ഒരുക്കിയ ഹൈ ടെക് വീഡിയോ കോൺഫറൻസ് ക്ലാസ്സ് തല പി ടി എ ശ്രദ്ധേയമാവുന്നു. ചേറൂർ പി പി ടി എം വൈ എച്ച് എസ് എസ്സിലെ ലിറ്റിൽ കൈറ്റ്സ് അംഗങ്ങളായ ഒമ്പതാം ക്ലാസ് വിദ്യാർത്ഥികളാണ് സ്കൂളിലെ 77 ക്ലാസ് മുറികളിലേക്കും ഐ ടി അറ്റ് സ്കൂൾ നൽകിയ ലാപ്‌ടോപ്, പ്രൊജക്ടർ, സ്ക്രീൻ, എന്നിവ ഉപയോഗിച്ച് പ്രധാനാധ്യാപകന്റെ വീഡിയോ കോൺഫറൻസ് രക്ഷിതാക്കൾക്ക് മുന്നിൽ തത്സമയം സംപ്രേക്ഷണം ചെയ്ത് വേറിട്ട പ്രവർത്തനത്തിന് മാതൃകയായത്. 3500 ഓളം വരുന്ന വിദ്യാർത്ഥികളെയും രക്ഷിതാക്കളെയും 130 അധ്യാപകരെയും അവരവരുടെ ക്ലാസുകളിൽ ഇരുത്തി ഇ റിസോഴ്സുകളുടെയും   ഹൈ ടെക് സാങ്കേതിക വിദ്യയുടെയും സഹായത്താൽ നടത്തിയ പി ടി എ മീറ്റിങ്ങ് പൊതു വിദ്യാലയ മികവിന്റെ നേർക്കാഴ്‌ച്ചയായി. ഇത്രയധികം സ്കൂൾ വിദ്യാർത്ഥികളെയും രക്ഷിതാക്കളെയും ഒന്നിച്ചിരുത്തി നടത്തിയ സംപ്രേഷണം കേരളത്തിലെ വിദ്യാലയങ്ങളിൽ ആദ്യമായാണ് നടക്കുന്നത്. നേരത്തെ വിദ്യാർത്ഥികൾക്കായി ഐ ടി അറ്റ് സ്കൂൾ നടത്തിയ ഡോക്യൂമെന്റേഷൻ ക്യാമ്പ്, കാമറ സാങ്കേതിക വിദ്യ, അനിമേഷൻ, റോബോട്ടിക്‌സ്, ഹാർഡ്‌വേയർ, ഇലക്ട്രോണിക്സ് പരിശീലനം എന്നിവ  ഈ പ്രവർത്തനങ്ങൾക്ക് വിദ്യാർത്ഥികൾക്ക് മുതൽക്കൂട്ടാവുകയും ചെയ്തു. വിദ്യാലയ പഠന മികവും, വിദ്യാഭ്യാസ ഗുണനിലവാര നേട്ടവും രക്ഷിതാക്കൾക്ക് വീഡിയോ കോൺഫറൻസിലൂടെ നേരിട്ട് മനസ്സിലാക്കിക്കൊടുക്കാൻ സാധിച്ചു. പ്രത്യേക സോഫ്റ്റ്‌വെയർ ഉപയോഗിച്ചാണ് തത്സമയ സംപ്രേഷണം നടത്തിയത്. ഇത് വഴി വിദ്യാലയത്തിലെ പകുതിയിലധികം വരുന്ന വിദേശ രാജ്യങ്ങളിൽ ജോലി ചെയ്യുന്ന രക്ഷിതാക്കൾക്ക് കൂടി നേരിട്ട് കാണാൻ അവസരമൊരുക്കിയതാണ് ഇത്തരമൊരു ആശയത്തിന് വിദ്യാർത്ഥികളെ പ്രേരിപ്പിച്ചത് എന്ന് പ്രധാനാധ്യാപകൻ സാക്ഷ്യപ്പെടുത്തുന്നു. പരസ്പര വ്യവഹാരത്തിനും രക്ഷിതാക്കൾക്ക് ടെക്സ്റ്റ് ടൈപ്പ് ചെയ്ത് തത്സമയം ആശയ വിനിമയത്തിന് സൗകര്യമൊരുക്കിയിരുന്നു. വിദ്യാർത്ഥികളായ യദു കൃഷ്ണ, അബ്ദുൽ ബാസിത്ത്, ഷാഹിൻ, അശ്വിൻ, കെൻസ ഫാത്തിമ, മുഹമ്മദ്, റിഫ തുടങ്ങിയവരാണ് ഈ നൂതന സാങ്കേതിക വിദ്യ ഒരുക്കി മാതൃകയായത്. പ്രധാനാധ്യാപകൻ അബ്ദുൽ മജീദ് പറങ്ങോടത്ത്, എസ് ഐ ടി സി അംഗങ്ങളായ മൊയ്‌ദീൻ കുട്ടി പി കെ, എ കെ നൗഫൽ, ഹസീന പി കെ, ആലസ്സൻ കുട്ടി, എ പി നൗഫൽ, ജില്ലാ ഐ ടി മാസ്റ്റർ ട്രെയിനർ കുട്ടി ഹസ്സൻ പി കെ എന്നിവർ നേതൃത്വം നൽകി.

വേങ്ങര ടൗണിലെ 'പൊടി' ശല്യത്തിന് ഉടൻ പരിഹാരം കാണുന്നതിന് വേണ്ടി വ്യാപാരി നേതാക്കൾ എം എൽ എ യുമായി ചർച്ച നടത്തി

വേങ്ങര ടൗണിലെ 'പൊടി' ശല്യത്തിന് ഉടൻ പരിഹാരം കാണുന്നതിന് വേണ്ടി വ്യാപാരി നേതാക്കൾ എം എൽ എ യുമായി ചർച്ച നടത്തി 

ജലനിധി പദ്ധതിക്ക് വേണ്ടി കീറി മുറിച്ചു കുണ്ടും കുഴിയും പൊടിയുമായി കിടക്കുന്ന വേങ്ങര മെയിൻ റോഡിൽ റീ സ്റ്റോറേഷൻ വർക്ക് നടത്തുന്നതിന് ആവശ്യമായ നടപടി സ്വീകരിക്കണമെന്നാവശ്യപ്പെട്ട് വ്യാപാരി നേതാക്കളായ യൂണിറ്റ് സെക്രട്ടറി അസീസ്ഹാജി, മണ്ഡലം സെക്രട്ടറി സൈനുദ്ദീൻ ഹാജി ,യൂത്ത് വിംഗ് പ്രസിഡൻറ് യാസർ അറഫാത്ത് എന്നിവർ സ്ഥലം MLA  ശ്രി.KNA ഖാദറിനെ സന്ദർശിച്ചു.

  വ്യാപാരികൾക്കും പൊതുജനങ്ങൾക്കും ഏറെ ബുദ്ധിമുട്ടുണ്ടാക്കുന്ന വിഷയം പരിഹരിക്കുന്നതിന് ആവശ്യമായ നടപടികൾ ഉടനെ സ്വീകരിക്കുമെന്ന് സംഘത്തിന് എം എൽ എ ഉറപ്പ് നൽകി

ഇൻറ്റഗ്രറ്റഡ് മെഡിക്കൽ ബ്രദർഹുഡ് (ഐ.എം.ബി)സന്ദേശ ദിനം ഇന്ന് ആചരിച്ചു.

ഇൻറ്റഗ്രറ്റഡ് മെഡിക്കൽ ബ്രദർഹുഡ് (ഐ.എം.ബി)സന്ദേശ ദിനം ഇന്ന് ആചരിച്ചു.

വേങ്ങര: കെ.എൻ.എം.മെഡിക്കൽ വിംഗായ ഇൻറ്റഗ്രറ്റഡ് മെഡിക്കൽ ബ്രദർ ഹുഡ് (ഐ.എം.ബി) സന്ദേശം ദിനം വേങ്ങരയിൽ നടത്തി.കോട്ടക്കൽ പുതുപ്പറമ്പ് പോളി ടെക്കനിക്കലെ വിദ്യാർത്ഥികളുടെ  സഹകരണത്തോടെ   ഐ.എം.ബിയുടെ വിവിധ സേവനങ്ങളെ പൊതു ജനങ്ങൾക്കിടയിൽ  പരിചയപ്പെടുത്തി.

 കെ.എൻ.എ. ഖാദർ എം.എൽ.എ ഉദ്ഘാടനം ചെയ്തു.ഐ.എം.ബി. സംസ്ഥാന പ്രസിഡന്റ് ഡോ: സി.മുഹമ്മദ് അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡണ്ട്  ചാക്കീരി അബ്ദുൽ ഹഖ്, വേങ്ങര പഞ്ചായത്ത് പ്രസിഡണ്ട്  വി.കെ. കുഞ്ഞാലൻകുട്ടി ,.കെ.എം അബ്ദുൽ മജീദ് മദനി, എ.കെ.എ. നസീർ, വേങ്ങര മനാറുൽ ഹുദ പ്രിൻസിപ്പാൾ നസീറുദ്ദീൻ റഹ്മാനി, എൻ.വി.ഹാഷിം ഹാജി, പാറോളി മൂസ കുട്ടി ഹാജി,  എൻ.ടി. മുഹമ്മദ് ശരീഫ്,ടി, കെ.കെ.രാമകൃഷ്ണൻ, ഡോക്ടർ ഉമ്മർ, ടി.കെ. മുഹമ്മദ് മൗലവി, പി.കെ.മുഹമ്മദ് നസീം,പി.കെ. നൗഫൽ അൻസാരി ,മുബഷിർ, ചീമാടൻ റഹീം, അസീസ് പഞ്ചിളിഎന്നിവർ പ്രസംഗിച്ചു.30 വർഷത്തെ സൗജന്യ  ആതുര സേവന രംഗത്തെ സേവനത്തിന് ഡോ: സി.മുഹമ്മദിന്റെ സേവനത്തിന് എം.എൽ.എ. ഉപഹാരം നൽകി

കണ്ണമംഗലം തരിശ് നെൽകൃഷി കൊയ്ത്ത് ഉൽസവം

കണ്ണമംഗലം 

തരിശ് നെൽകൃഷി കൊയ്ത്ത് ഉൽസവം

യുവാക്കളെ കൃഷിയിലേക്ക് ആകർശിക്കുന്നതിനും വിശരഹിത ഭക്ഷ്യധാന്യം ജനങ്ങളിലേക്ക് എത്തിക്കുക എന്ന ലക്ഷ്യത്തോടും കൂടി തോട്ടശേരിയറ പേങ്ങാട്ട് കുണ്ട് വിക്ടറി ക്ലബ്ബ് പ്രവർത്തകർ ,32 വർഷമായി തരിശ് ആയി കിടന്ന കണ്ണമംഗലം ചെറള പാടത്തെ 10 ഏക്കർ സ്ഥലത്താണ് നെൽകൃഷി ഇറക്കി കൊയ്തത്,കൊയ്ത്ത് ഉത്സവത്തിന്റെ ഉദ്ഘാടനം വേങ്ങര ബ്ലോക്ക് പ്രസി: ചാക്കിരി അബ്ദുൽഹക്ക് നിർവഹിച്ചു .ബ്ലോക്ക് മെബർ PP ഹസൻ കണ്ണമംഗലം പഞ്ചായത്ത് മെമ്പർ നെടുംമ്പള്ളി സൈദു.കണ്ണമംഗലം കൃഷി ഒഫീസർ ജംഷീദ്.പുള്ളാട്ട് മുജീബ്. ക്ലബ്ബ് പ്രസി: P പ്രശാന്ത്. ചെമ്പൻ സിറജ് .നിധീഷ് മച്ചിങ്ങൽ .c ശമീർ എന്നിവർ നേതൃത്വം കൊടുത്തു

കോ ഓപ്പറേറ്റീവ് കോളേജ് കായിക മേള നാളെ തുടങ്ങും

കോ ഓപ്പറേറ്റീവ് കോളേജ് കായിക മേള നാളെ തുടങ്ങും

 : ആൾ കേരള കോ ഓപ്പറേറ്റീവ് കോളേജ് അസോസിയേഷന്റെ നേതൃത്വത്തിലുള്ള കാലിക്കറ്റ് യൂണിവേഴ്സിറ്റി പരിധിയിലെ കോ ഓപ്പറേറ്റീവ് കോളേജ് വിദ്യാര്‍ഥികളുടെ കായിക മേള നാളെ തുടങ്ങും. മലപ്പുറം , പാലക്കാട് , കോഴിക്കോട്, തൃശൂര്, വയനാട് ജില്ലകളിൽ നിന്നുള്ള മുപ്പത്തി അഞ്ച് കോ ഓപ്പറേറ്റീവ് കോളേജുകളിൽ നിന്നും ആയിരത്തി അഞ്ഞൂറിലധികം വിദ്യാർഥികൾ മൂന്ന് ദിവസത്തെ മേളയിൽ മാറ്റുരക്കും. വേങ്ങര , തിരൂരങ്ങാടി കോ ഓപ്പറേറ്റീവ് കോളേജുകളാണ് ഇത്തവണ അതിഥേയത്ത്വം വഹിക്കുന്നത്. മൂന്നാം തവണയാണ് അസോസിയേഷനു കീഴിൽ മത്സരം സംഘടിപ്പിക്കുന്നത്. കഴിഞ്ഞ രണ്ട് വർഷവും ഗൈംസ് മാത്രമാണ് നടത്തിയിരുന്നത് ഇത്തവണ അത്ലറ്റിക്സ് മത്സരങ്ങളും നടക്കും. വ്യാഴായ്ച രാവിലെ പത്തിന് വേങ്ങര ചേറൂര്‍ റോഡിലെ റോക്കറ്റ് ഹട്ട് ഇന്റോർസ്റ്റേഡിയത്തിൽ വേങ്ങര എം എൽ എ അഡ്വ. കെ എൻ എ ഖാദര്‍ പതാക ഉയർത്തുന്നതോടെ തുടക്കമാവും. ഇന്റോർ സ്റ്റേഡിയത്തിന് പുറമേ വേങ്ങര കോ ഓപ്പറേറ്റീവ് കോളേജിലും മത്സരങ്ങള്‍ നടക്കും. വെള്ളിയാഴ്ച രാവിലെ പത്തിന്  കോഴിച്ചെന ആർ ആർ ആർ എഫ് ഗ്രൗണ്ടിൽ മുൻ വിദ്യാഭ്യാസ മന്ത്രി പി കെ അബ്ദുറബ്ബ് എം എൽ എ ഉദ്ഘാടനം ചെയ്യും. ശനിയാഴ്ച വൈകുന്നേരം നാലിന് ഇതെ മൈതാനിയിൽ സമാപ സമ്മേളനം നടക്കും. തിരൂരങ്ങാടി നഗര സഭ വൈസ് ചെയർമാൻ അബ്ദുറഹ്മാന്‍ കുട്ടി ഉദ്ഘാടനം ചെയ്യും. അസോസിയേഷൻ സംസഥാന സെക്രട്ടറി  മജീദ് ഇല്ലിക്കല്‍ , സംഘാടക സമിതി ചെയര്‍മാന്‍  ടി മൊയ്തീൻ കുട്ടി, കൺവീനർ ടി നൗഷാദ് , ജോ.കൺവീനർമാരായ ജ്യോതിഷ്, ഹറൂൺ ഫൈസൽ പത്ര സമ്മേളനത്തില്‍ പങ്കെടുത്തു

pain and palliative care day special | സാന്ത്വനത്തിന്റെ കുരുന്നു കരസ്പർശവുമായി വിദ്യാർത്ഥികൾ

https://youtu.be/UKeA7gqynn4

ചെങ്ങായി ചെപ്പ്

ചെങ്ങായി ചെപ്പ്,
പി.പി.ടി.എം വൈ. എച്ച് എസ് ചേറൂർ ചെങ്ങായി ചെപ്പ് പദ്ധതിയുടെ ഭാഗമായി തെരുവോരം സന്നദ്ധ സംഘടനയുമായി സഹകരിച്ച് പാണക്കാട് പൂക്കോയ തങ്ങൾ യതീംഖാന സ്കൂൾ ചേറൂരിൽ നിന്ന്  ശേഖരിച്ച ഭക്ഷണം , തെരുവിൽ കഴിയുന്ന അശരണർക്ക് എത്തിക്കാനുള്ള പദ്ധതിക്ക് തുടക്കമായി, ബഷീർ ചാലിൽ (ആൾ കേരള വീൽചെയർ റൈറ്റ്സ് അസോസിയേഷൻ  ഭാരവാഹി) ഉൽഘാടനം ചെയ്‌തു

പദ്ധതിയുടെ ഭാഗമായി ശേഖരിച്ച ഭക്ഷണം, കോഴിക്കോട് ,മലപ്പുറം ജില്ലകളിലെ തെരുവിൽ കഴിയുന്നവർക്ക് വിദ്യാർത്ഥികൾ വിതരണം ചെയ്തു

ഹെഡ്മാസ്റ്റർ അബ്ദുൽ മജീദ് പറങ്ങോടത്ത്, പി.ടി.എ പ്രസിഡന്റ് പൂക്കുത്ത് മുജീബ്,കോർഡിനേറ്റർ അബൂബക്കർ പുളിക്കൽ ,
ബാബു, കെ.യു , ഫാറൂക് സി.എച്ച് , മോനച്ചൻ, ടി.പി ശശികുമാർ, കെ പി സുധീർ  തെരുവോരം, അയ്യൂബ് എ കെ
സ്റ്റാഫ് സെക്രട്ടറി,കെ അബ്ദുൽ മജീദ് എന്നിവർ നേതൃത്വം നൽകി.

വേങ്ങര ബ്ലോക്ക് സാക്ഷരതാ മിഷന്റെ കീഴിൽ തുല്യത കോഴ്സ് ഉദ്ഘാടനം

വേങ്ങര ബ്ലോക്ക് സാക്ഷരതാ മിഷന്റെ കീഴിൽ തുല്യത കോഴ്സ് ഉദ്ഘാടനം

തുല്യത കോഴ്സ് ഉദ്ഘാടനം

വേങ്ങര ബ്ലോക്ക് സാക്ഷരതാ മിഷന്റെ കീഴിൽ പത്താംതരം ഹയർ സെക്കന്ററി ക്ലാസ്സുകളുടെ ഉദ്ഘാടനം ബ്ലോക്ക് പ്രസിഡന്റ്  ചാക്കീരി അബ്ദുൽ ഹഖിന്റെ അദ്ധ്യക്ഷതയിൽ ജില്ലാ പഞ്ചായത്ത് പ്രസിഡന്റ് എ.പി ഉണ്ണിക്കൃഷ്ണൻ നിർവഹിച്ചു. ഭരണഘടന ബോധ ബ്ലോരണ ക്ലാസ്സിന്വൈ ഇ കെ സുബൈർ മാസ്റ്റർ നേതൃത്വം നൽകി. വൈസ് പ്രസിഡന്റ് ബുഷ്റമജീദ്,.പി.പി ഹസ്സൻ,.ടി.കെ അബ്ദുറഹിം, .പി.വി.കെ ഹസീന ,റസിയ ചെമ്പകശ്ശേരി, ജില്ലാ കോഴ്സ് കൺവീനർ .കെ.കെ ഹംസ മാസ്റ്റർ, ലത്തീഫ് , പ്രേരക്മാരായ പി.ആബിദ വി.സ്മിത, വി.ഹേമലത, പി.ടി. ശ്രീദേവി എന്നിവർ പ്രസംഗിച്ചു.

ഫോട്ടോ: വേങ്ങര ബ്ലോക്ക് തുല്യത കോഴ്‌സ് ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണൻ നിർവ്വഹിക്കുന്നു.

നേത്ര പരിശോധന ക്യാമ്പ് സംഘടിപ്പിച്ചു

നേത്ര പരിശോധന ക്യാമ്പ് സംഘടിപ്പിച്ചു

വേങ്ങര ബ്ലോക്ക്

എടരിക്കോട് ഗ്രാമ പഞ്ചായത്ത് കുടുബശ്രീ ജെൻറർ റിസോഴ്സ് സെൻറർ കോട്ടക്കൽ അൽമാസ് ഹോസ്പിറ്റലിന്റെ സഹകരണത്തോടെ സൗജന്യ നേത്രപരിശോധന തിമിര നിർണ്ണയ ക്യാമ്പ് സംഘടിപ്പിച്ചു.ക്യാമ്പ് എടരിക്കോട് ഗ്രാമപഞ്ചായത്ത് പ്രസിഡന്റ് ഷൈബ മണമ്മൽ ഉദ്ഘാടനം ചെയ്തു വിദഗ്ദ ഡോക്ടർമാരുടെ നേതൃത്വത്തിൽ നടന്ന ക്യാമ്പിൽ കുടുംബശ്രീ സ്നേഹിത കോളിംഗ് ബെൽ ഗുണഭോക്താക്കളായ 10 പേർക്ക് തിമിര ശസ്ത്രക്രിയയും 35 പേർക്ക് കണ്ണടയും സൗജന്യമായി നൽകി.  ക്യാമ്പിൽ പങ്കെടുത്തവർക്ക് സൗജന്യ മരുന്നും കൂടാതെ കണ്ണട ആവശ്യമായി വരുന്നവർക്ക് കുറഞ്ഞ നിരക്കിൽ കണ്ണടയും നൽകി. ചടങ്ങിൽ എടരിക്കോട് ഗ്രാമപഞ്ചായത്ത് വൈസ് പ്രസിഡന്റ് v T സുബൈർ തങ്ങൾ ഗ്രാമ പഞ്ചായത്ത് അംഗങ്ങളായ സഫിയ മണ്ണിങ്ങൽ, ആ ത്തിഖ് കാട്ടിൽ, ആബിദ തൈക്കാടൻ, സക്കീനപതിയിൽ, കുടുംബശ്രീകമ്മൂണിറ്റി കൗൺസിലർ സൈഫുന്നീസ CDS ചെയർ പേഴ്സൺ രാധ  DPM റൂബി രാജേഷ് - സാമൂഹിക പ്രവർത്തകൻ മങ്ങാടൻ മരക്കാർ തുടങ്ങിയവർ ക്യാമ്പിന് നേതൃത്വം നൽകി.

ലഹരി ബോധവൽക്കരണ ക്ലാസ്

ലഹരി ബോധവൽക്കരണ ക്ലാസ്

കുറ്റൂർ നോർത്ത് ഷറഫിയ്യ സാംസ്കാരിക കൂട്ടായ്മയും വേങ്ങര ജനമൈത്രി പോലീസും ചേർന്ന് കുറ്റൂർ നോർത്തിൽ സംഘടിപ്പിച്ച ലഹരി ബോധവൽക്കരണ ക്ലാസും ഉപഭോക്തൃ പഠന ക്ലാസും വേങ്ങര അസി.എസ്.ഐ ശ്രീ വിജയൻ ഉദ്ഘാടനം ചെയ്തു. ഷറഫിയ്യ പ്രസിഡന്റ് കെ.ടി.ആലസ്സൻ കുട്ടി അദ്ധ്യക്ഷനായിരുന്നു. എക്സൈസ് ഉദ്യോഗസ്ഥൻ വിമുക്തി വിഭാഗത്തിലെ പി. ബിജു ലഹരി ബോധവൽക്കരണ ക്ലാസെടുത്തു. വാർഡ് മെമ്പർ ഹസീന ഫസൽ മുഖ്യാതിഥിയായിരുന്നു. ജില്ലാ കൺസ്യൂമർ പ്രൊട്ടക്ഷൻ കൗൺസിൽ സെക്രട്ടറി ടി.ടി.അബദുൽ റഷീദ് ഉപഭോക്തൃ അവകാശങ്ങൾ എന്ന വിഷയത്തിൽ ക്ലാസെടുത്തു. ഡോ.അബദു റസാഖ് സുല്ലമി,

 , അബദുൽ ഹമീദ് കെ.എം, അസ്‌ലം കെ.പി.എം. അഷ്റഫ് കോയിസ്സൻ, നിഷാദ് കെ.പി., ഉണ്ണി മാസ്റ്റർ, ഗണേഷ് കെ.എം., വിനോദ് സി., അസ്ക്കർ കെ., സത്താർ കെ.വി., സിറാജ്.എ, വേണു വാപ്പാട്ട്, എന്നിവർ സംസാരിച്ചു. ദുർഗ്ഗാദാസ് കെ.പി.സ്വാഗതവും സാലിം.പി നന്ദിയും പറഞ്ഞു.

ട്രാഫിക് സുരക്ഷയ്ക്കായി റിഫ്ളക്ടീവ് കോൺവെക്സ് മിറർ സ്ഥാപിച്ചു

ട്രാഫിക് സുരക്ഷയ്ക്കായി റിഫ്ളക്ടീവ് കോൺവെക്സ് മിറർ സ്ഥാപിച്ചു

ഗതാഗത കുരുക്കും അപകടങ്ങൾ പതിയിരിക്കുന്നതുമായ ആയുർവ്വേദ ഹോസ്പിറ്റലിനു സമീപമുള്ള പുതുപ്പറമ്പ്, പറപ്പൂർ ചോലക്കുണ്ട് റോഡുകൾ വേർപിരിയുന്നിടത്താണ് കോട്ടക്കൽ മലബാർ ഇംഗ്ലീഷ് സ്കൂൾ എൻ.എസ്.എസ് വിഭാഗം ട്രാഫിക് സുരക്ഷാ കോൺവെക്സ് മിറർ സ്ഥാപിച്ചത്.ദിനം പ്രതി നൂറുകണക്കിന് വിദ്യാർത്ഥികളും കാൽനടയാത്രക്കാരും കടന്നുപോകുന്ന ഇവിടെ പുതുപ്പറമ്പ് ഭാഗത്തു നിന്നും ചോലക്കുണ്ട് ഭാഗത്തുനിന്നും ഒരേ സമയം വാഹനങ്ങൾ വന്നു ചേരുന്നതോടെ അപകട സാധ്യത ഏറെയാണ്. പുതിയ സംവിധാനം വഴി മറുവശം കടന്നെത്തുന്ന വാഹനങ്ങളെ തിരിച്ചറിയാനാവും.

വേങ്ങര പഞ്ചാത്തിലെ സ്റ്റാഫ് മാട്ടി മുഹമ്മദിന്റെ ചിത്ര പ്രദർശനം അടയാളം കോഴിക്കോട് ആരംഭിച്ചു കോഴിക്കോട് ഡെപ്യൂട്ടി മേയർ മീരാ ദർശക് ഉദ്ഘാടനം നിർവ്വഹിച്ചു

വേങ്ങര പഞ്ചാത്തിലെ സ്റ്റാഫ് മാട്ടി മുഹമ്മദിന്റെ ചിത്ര പ്രദർശനം  അടയാളം

കോഴിക്കോട് ആരംഭിച്ചു കോഴിക്കോട് ഡെപ്യൂട്ടി മേയർ മീരാ ദർശക് ഉദ്ഘാടനം നിർവ്വഹിച്ചു
പ്രശസ്ത ചിത്രകാരൻ മാട്ടി മുഹമ്മദിന്റെ അടയാളം
ചിത്രപ്രദർശനം കോഴിക്കോട് ആരംഭിച്ചു
ഉദ്ഘാടനം കോഴിക്കോട് ഡെപ്യൂട്ടി മേയർ മീര ദർശക് ഉദ്ഘാടനം ചെയ്തു ചടങ്ങിൽ ചിത്രകാരൻ പോൾ കലാനോട് സെബാസ്റ്യൻ തുടങ്ങിയവർ പങ്കെടുത്തു പ്രദർശനം 13 വരെ
നാട്ടിലും വീട്ടിലും മാട്ടി എന്ന പേരിലറിയുന്ന മുഹമ്മദ്
സ്കൂൾ തലം മുതൽ ചിത്ര കലയിൽ താൽപര്യം  ഉള്ള  കുട്ടി  ജന്മനാൽ വികലാംഗനയ തിനാൽ മാനസികമായ ഒറ്റപ്പെടലിൽ നിന്നാണ് ചിത്ര കലയുടെ തുടക്കം
സ്കൂൾ തലം ജില്ലാ തലം സംസ്ഥാന തലം മത്സരങ്ങളിൽ പങ്കെടുക്കുകയും സമ്മാനങ്ങൾ നേടുകയും ചെയ്തു തുടർന്ന് SSLC പാസായി PDC ക്ക് ശേഷം താൽപര്യമുള്ള ചിത്ര കലയിലേക്ക് പ്രവേശിച്ചു
1992 ൽ കോഴിക്കോട് യൂണിവേഴ്സൽ ഫൈനാർട്സ് കോളേജിൽ നിന്ന് ചിത്രകലയിൽ ബിരു തം നേടി
തുടർന്ന് 1995 ൽ മാട്ടി അഡ്വർടൈസിംഗ് എന്ന പരസ്യ കമ്പനി ആരംഭിച്ചു
2011 ലെ കേരള സംസ്ഥാന സർക്കാരിന്റെ മികച്ച എംപ്ലോയിക്ക് ഉള്ള സംസ്ഥാന അവാർഡ് നേടി
ഒഴിവ് സമയങ്ങളിൽ എല്ലാം ചിത്രങ്ങൾ വരക്കുക പതിവായിരുന്നു
ആദ്യം  വാട്ടർ കളർ ചിത്രങ്ങൾ വരച്ചിരുന്നത് ചെറുപ്പം മുതൽ വീട്ടുകാരുടേയും കൂട്ടുകാരുടേയും അകമഴിഞ്ഞ പ്രോത്സാഹനം കിട്ടിയിരുന്നു 2013 ൽ സംസ്ഥാന സർവ്വീസിൽ പഞ്ചായത്ത് ഡിപാർട്ട്മെന്റിൽ വേങ്ങര പഞ്ചായത്തിൽ ക്ലാർക്കായി ജോലിയിൽ പ്രവേശിച്ചു ഈ സമയത്ത്  വീണ്ടും സജീവമായി ചിത്ര കലയിലേക്ക് പ്രവേശിച്ചു.
സുഹൃത്ത് പാണക്കാട് മൊയീൻ അലി തങ്ങളുടെ നിർദ്ദേശം പ്രകാരം ഒരു പ്രത്തേക ലൈറ്റിങ് ചിത്രങ്ങൾക്ക് തുടക്കം ആരംഭിച്ചു
രാത്രിയുടെ സൗന്ദര്യം എന്ന വിശയവുമായി അക്ര ലിക് കളർ ഉപയോഗിച്ച് കേൻ വാസിൽ ചിത്രങ്ങൾക്ക് തുടക്കം കുറിച്ചു
രാത്രി സമയങ്ങളിലാണ് വരക്കലും
ചിത്ര'  പ്രദർശനങ്ങൾ
2000 മലപ്പുറം
2016 എണാം കളം
2018 മലപ്പുറം
2018 ജൂലൈ 26 മുതൽ      29 വരെ തിരുവനന്തപുരം മ്യൂസിയം ഓഡിറ്റോറിയം
കേരളത്തിലും പുറത്തൂം പ്രദർശനങ്ങൾ നടത്തുക ചിത്രങ്ങളുടെ വിൽപനക്
മലപ്പുറത്ത് ഒരു സ്വന്തം ചിത്രങ്ങളുടെ ഒരു ആർട്ട് ഗ്യാലറി  തുടങ്ങണം
ചിത്രം വരയിൽ ഭാര്യ മുംതാസ് മക്കൾ മുർഷിദ സഫ്വാൻ , റിയ എന്നിവരുടെ ഉപദേശങ്ങളും നിർദ്ദേശങ്ങളും സഹായങ്ങളും വളരെ മുതൽകൂട്ടാണ്
പ്രകൃതിയുടെ സൗന്ദര്യം എത്ര കണ്ടാലും ഒരു വ്യക്തിക്ക് മടുപ്പ് വരില്ല എന്നതും  ചിത്രങ്ങൾ കണ്ട് നേരിട്ട് കുട്ടികൾ മുതൽ വലിയവർക്ക് വരെ അസ്വദിക്കാനും കഴിയും എന്ന കാഴ്ചപ്പാട് കൊണ്ടാണ് ഇത്തരം ചിത്രങ്ങളിലേക്ക് ഇറങ്ങിയത്
50 ഓളം ചിത്രങ്ങൾ പ്രദർശനത്തിനുണ്ട്

വേങ്ങരയിൽ വൻ കുഴൽപ്പണ സംഘം പിടിയിൽ

വേങ്ങരയിൽ വൻ കുഴൽപ്പണ സംഘം പിടിയിൽ

വേങ്ങര: 38,15500 രൂപയുടെ കുഴൽപ്പണവുമായി സഞ്ചരിക്കുകയായിരുന്ന നാലംഗ സംഘത്തെയാണ് വേങ്ങര എസ്.ഐ സംഗീത് പുനത്തിലും സംഘവും പിടികൂടിയത്. വേങ്ങര കാരത്തോട് പെട്രോൾ പമ്പിന് സമീപത്തുനിന്നാണ് സംഘത്തെ രഹസ്യവിവരത്തെ തുടർന്ന് പിടികൂടിയത്. പിടിയിലായ നവാസ്, നൗഷാദ്, ജലീൽ, നിസാർ എന്നിവർ മഞ്ചേരി,വേങ്ങര സ്വദേശികളാണ്.രണ്ടായിരത്തിന്റെയും അഞ്ഞൂറിന്റെയും നോട്ടുകളാണ് പിടിച്ചെടുത്തത്.സി.പി.ഒ മാരായ സുബൈർ, മുജീബ് റഹ്മാൻ, സിനീഷ്, സുധീഷ് എന്നിവരും പരിശോധനയ്ക്ക് നേതൃത്വം നൽകി.

പറപ്പൂർ ഗ്രാമപഞ്ചായത്ത് ആറാം വാർഡ് ഇരിങ്ങല്ലൂർ തോണിക്കടവ് കട്ടക്കൽ AP അഹമ്മദാജി മെമ്മോറിയൽ അംഗനവാടിയിൽ സ്വന്തമായി കൃഷി ചെയ്ത ജൈവ പച്ചക്കറികളുടെ വിളവെടുപ്പ് നടത്തി

പറപ്പൂർ ഗ്രാമപഞ്ചായത്ത് ആറാം വാർഡ് ഇരിങ്ങല്ലൂർ തോണിക്കടവ് കട്ടക്കൽ AP അഹമ്മദാജി മെമ്മോറിയൽ അംഗനവാടിയിൽ സ്വന്തമായി കൃഷി ചെയ്ത ജൈവ പച്ചക്കറികളുടെ വിളവെടുപ്പ് നടത്തി

കുട്ടികളുടെ ആരോഗ്യ സംരക്ഷണത്തിന്റെ ഭാഗമായി അംഗനവാടിയിലേക്കാവശ്യമായ മുഴുവൻ പച്ചക്കറികളും ജൈവവളം മാത്രം ഉപയോഗിച്ച്  ഇവിടെ കൃഷി ചെയ്യുന്നുണ്ട് .

A.L.M.S. കമ്മിററി അംഗങ്ങളുടെയും വർക്കർ നിഷ ടീച്ചർ ഹെൽപ്പർ റസീന എന്നിവരുടെയും ത്യാഗോജ്ജ്വലമായ പ്രവർത്തനമാണ് ഈ സംരംഭം വിജയിപ്പിക്കാൻ കഴിഞ്ഞത്. അംഗനനവാടിയുടെ ഇത്തരം എല്ലാ നല്ല പ്രവർത്തനങ്ങൾക്കും എപ്പോഴും താങ്ങും തണലുമായ ആറാം വാർഡ് മെമ്പർ 

'Ap ഹമീദ് '  പ്രത്യേകം പ്രശംസ അർഹിക്കുന്നുണ്ട് .അംഗൻവാടിയുടെ എല്ലാ പ്രവർത്തനങ്ങളും വൻ വിജയമാക്കാൻ സഹകരിച്ച എല്ലാ നല്ലവരായ നാട്ടുകാർക്കും വർക്കർ നിഷ ടീച്ചർ നന്ദി അറിയിച്ചു.

48 മണിക്കൂർ പൊതു പണിമുടക്ക് ഇന്ന് അർദ്ധരാത്രി മുതൽ വേങ്ങരയിൽ വ്യാപാരികൾ കടകൾ തുറക്കുമെന്ന് മണ്ഡലം ജന:സെക്രട്ടറി MK സൈനുദ്ദീൻ അറിയിച്ചു

48 മണിക്കൂർ പൊതു പണിമുടക്ക് ഇന്ന് അർദ്ധരാത്രി മുതൽ   

വേങ്ങരയിൽ വ്യാപാരികൾ കടകൾ തുറക്കുമെന്ന് മണ്ഡലം ജന:സെക്രട്ടറി MK സൈനുദ്ദീൻ അറിയിച്ചു

വേങ്ങരയിൽ നാളെ Taxi വാഹനങ്ങൾ ഒന്നും നിരത്തിൽ ഇറക്കില്ലാ എന്ന് ട്രൈവേയ്സ് യൂണിയൻ അറിയിച്ചു

ട്രേഡ് യൂണിയന്റെ പന്തം കൊളുത്തി പ്രകടനം ഇന്ന് രാത്രി ഉണ്ടാകുമെന്നും അറിയിച്ചു

വേങ്ങര ടൗണിൽ നാളെ രാവിലെ സമരപന്തൽ തുറക്കും 

 എല്ലാ മേഖലകളിലെയും തൊഴിലാളികളെയും ജീവനക്കാരെയും പങ്കെടുപ്പിച്ച്, ബിജെപിയുടെ പോഷകസംഘടനകൾ ഒഴികെയുള്ള എല്ലാ ട്രേഡ് യൂണിയനുകളും ചേർന്നു ദേശീയ തലത്തിൽ പണിമുടക്കുന്നത്. ദേശീയ പണിമുടക്ക് കേരളത്തിൽ സമ്പൂർണമായിരിക്കുമെന്ന് സംയുക്ത ട്രേഡ് യൂണിയൻ സമിതി അറിയിച്ചിരുന്നു. കേന്ദ്ര സംസ്ഥാന ജീവനക്കാർ, റോഡ് ഗതാഗത മേഖലയിലെ തൊഴിലാളികൾ, ധനകാര്യ സ്ഥാപനങ്ങളിലെ ജീവനക്കാർ, കടകളിലെ ജീവനക്കാർ തുടങ്ങി എല്ലാ തൊഴിൽ മേഖലകളിലുമുള്ളവർ രണ്ടുദിവസം പണിമുടക്കുമെന്നു സമിതി അറിയിച്ചു. പ്രധാന റെയിൽവേ സ്റ്റേഷനുകളിൽ തീവണ്ടി തടയൽ സമരമുണ്ടാകും. ശബരിമല തീർഥാടകരെ ബാധിക്കരുതെന്നു നിർദേശിച്ചിട്ടുണ്ടെന്നും നേതാക്കൾ അറിയിച്ചു.

നേരത്തെ നിശ്ചയിച്ച വിവാഹങ്ങൾ, വന്നുപെടുന്ന വിനോദസഞ്ചാരികൾ എന്നിവരെ പണമുടക്ക് ബാധിക്കാതെ നോക്കും. ആശുപത്രി ആംബുലൻസ്, മരുന്നുവിതരണം, പത്രം, ജലവിതരണം തുടങ്ങിയ അവശ്യസർവീസുകളെ പണിമുടക്കിൽനിന്ന് ഒഴിവാക്കിയിട്ടുണ്ട്. തുറമുഖം, എയർപോർട്ട്, റോഡ് ഗതാഗതം, വ്യാപാര വാണിജ്യ സ്ഥാപനങ്ങൾ എന്നിവയെല്ലാം പണിമുടക്കിൽ സ്തംഭിക്കും. എറണാകുളം, ആലുവ, കളമശേരി, തൃപ്പൂണിത്തുറ എന്നിവടങ്ങളിൽ റെയിൽവേ സ്റ്റേഷനുകളിൽ പ്രതിഷേധസമരം നടത്തും. സെസ്, എയർപോർട്ട് ഗ്രൗണ്ട് ഹാൻസ്‌ലിങ്, തുറമുഖം ഉൾപ്പടെ എല്ലാ മേഖലകളിലെയും തൊഴിലാളികൾ 14 ദിവസം മുമ്പേ നോട്ടീസ് നൽകിയിട്ടുണ്ട്.  കൊച്ചി മെട്രോയിലെ 300 ജീവനക്കാർ പണിമുടക്കുമെന്നു കാണിച്ച് നോട്ടീസ് നൽകിയിട്ടുണ്ട്.

പണിമുടക്കിയ തൊഴിലാളികളും ബഹുജനങ്ങളും ചേർന്ന് ജില്ലയിൽ 21 സമരകേന്ദ്രങ്ങൾ തുറക്കും. 7ന് രാത്രി 12 മുതൽ 9ന് രാത്രി 12 വരെയാണ് പണിമുടക്ക്. 19 ട്രേഡ് യൂണിയനുകളുടെ നേതൃത്വത്തിലാണ് കേരളത്തിൽ പണിമുടക്ക്. 4 മാസം മുമ്പ് പ്രഖ്യാപിച്ചതാണ് ഈ പണിമുടക്കെന്നും സംയുക്ത ട്രേഡ് യൂണിയൻ എറണാകുളം ജില്ലാ സമിതി ഭാരവാഹികളായ കെ.കെ. ഇബ്രാഹിംകുട്ടി, സി.കെ. മണിശങ്കർ എന്നിവർ  അറിയിച്ചു.

വേങ്ങര പൊലീസ് സ്റ്റേഷനിൽ പാഷൻ ഫ്രൂട്ട് കൃഷിയ്ക്കൊരുങ്ങി വിദ്യാർത്ഥികൾ

വേങ്ങര പൊലീസ് സ്റ്റേഷനിൽ പാഷൻ ഫ്രൂട്ട് കൃഷിയ്ക്കൊരുങ്ങി വിദ്യാർത്ഥികൾ

വേങ്ങര: ഹൃദയസംബന്ധമായ രോഗ പ്രതിരോധത്തിനും രക്തശുദ്ധീകരണത്തിനുമെല്ലാം ഏറെ ഗുണം ചെയ്യുന്ന ലാറ്റിനമേരിക്കൻ ഫലവർഗ്ഗമായ പാഷൻ ഫ്രൂട്ട് കൃഷിയെ വ്യാപിപ്പിക്കാനൊരുങ്ങി വിദ്യാർത്ഥികൾ. കോട്ടക്കൽ മലബാർ ഇംഗ്ലീഷ് ഹയർ സെക്കണ്ടറി നാഷണൽ സർവ്വീസ് സ്കീം വളണ്ടിയർന്മാരാണ് വേങ്ങര പൊലീസ് സ്റ്റേഷൻ വളപ്പിൽ തൈകൾ നട്ട് പരിപാടിയ്ക്ക് തുടക്കം കുറിച്ചത്.എസ്.ഐ വിജയൻ, അഡീഷണൽ എസ്.ഐ സജീഷ്, എ.എസ്.ഐ വത്സൻ   എന്നിവർ പാഷൻ ഫ്രൂട്ട് തൈകൾ നട്ട് പ്രവൃത്തി ഉദ്ഘാടനം ചെയ്തു.തുടർന്ന് വളണ്ടിയർമാർ സ്റ്റേഷൻ പരിസരം ശുചീകരിച്ചു. ശേഷം സി.പി.ഒ അരുൺ പൊലീസ് സ്റ്റേഷൻ പ്രവർത്തന രീതികൾ വിദ്യാർത്ഥികൾക്ക്  പരിചയപ്പെടുത്തി ക്ലാസെടുത്തു.പരിപാടിയുടെ രണ്ടാം ഘട്ടമായി  കൂടുതൽ തൈകൾ വളർത്തിയെടുത്ത് വീടുകളിൽ വിതരണം ചെയ്യാനൊരുങ്ങുകയാണ് വിദ്യാർത്ഥികൾ. പ്രോഗ്രാം ഓഫീസർ വി.രാജേഷ്, ഷാഹിദ് തുടങ്ങിയവർ പരിപാടികൾക്ക് നേതൃത്വം നൽകി.

ഡ്രൈനേജ് കനാൽ പദ്ധതിയുമായി ബന്ധപെട്ടു കാളിക്കടവ് ടി.കെ.സിറ്റി ആർട്സ് & സ്പോർട്സ് ക്ലബ്‌ പ്രവർത്തകർ പരിസര പ്രദേശങ്ങളിൽ സ്‌ക്വാഡ് വർക്ക് സംഘടിപ്പിച്ചു

ഡ്രൈനേജ് കനാൽ പദ്ധതിയുമായി ബന്ധപെട്ടു കാളിക്കടവ് ടി.കെ.സിറ്റി ആർട്സ് & സ്പോർട്സ് ക്ലബ്‌ പ്രവർത്തകർ പരിസര പ്രദേശങ്ങളിൽ സ്‌ക്വാഡ് വർക്ക് സംഘടിപ്പിച്ചു 

മുതലമാട്‌-കാളിക്കടവ്-പുതത്തിൽ തൊടു-കൈത വളപ്പിൽ പാടം വഴി വലിയോറ പാടത്തേക്കുള്ള നിർദിഷ്ട കാളിക്കടവ് ഡ്രൈനേജ് കനാൽ പദ്ധതിയുമായി ബന്ധപെട്ടു കാളിക്കടവ് ടി.കെ.സിറ്റി ആർട്സ് & സ്പോർട്സ് ക്ലബ്‌ പ്രവർത്തകർ പരിസര പ്രദേശങ്ങളിൽ സ്‌ക്വാഡ് വർക്കിന്റെ ഭാഗമായി പ്രദേശവാസികൾക്ക്  ബോധവൽക്കരണ ക്ലാസ്  നടത്തുന്നു.ടി.കെ.സിറ്റി ക്ലബ്‌ പ്രസിഡന്റ്‌ എ.കെ ശരീഫ് സാഹിബ്,സെക്രട്ടറി ജലീൽ നടക്കൽ,ട്രഷറർ ശരീഫ് മടപ്പള്ളി,അംഗങ്ങളായ റിയാസ് മടപ്പള്ളി,ശരീഫ് ചെമ്മലമനാട്ട്,റഫീഖ് മടപ്പള്ളി,ബാസിൽ പി.കെ,അനീഷ് അത്തിയേക്കൽ, ഷുഹൈബ് വാകേരി എന്നിവർ സ്‌ക്വാഡ് വർക്കിന്‌ നേതൃത്വം നൽകി.

കാർഷിക വികസന കർഷക ക്ഷേമ വകുപ്പ് ATMA മലപ്പുറം ജില്ലക്കകത്തുള്ള പരിശീലന പരിപാടി

കാർഷിക വികസന കർഷക ക്ഷേമ വകുപ്പ് ATMA മലപ്പുറം ജില്ലക്കകത്തുള്ള പരിശീലന പരിപാടി 

വേങ്ങര ഗ്രാമപഞ്ചായത്ത് കൃഷിഭവന്റെ അഭിമുഖ്യത്തിൽ ആത്മയുടെ ജില്ലക്ക് അകത്തുള്ള പരിശീലന പരിപാടിയുടെ ഭാഗമായി വേങ്ങര കുടുബശ്രീ യൂണീറ്റുകളിലെ JLG പ്രവർത്തകർക്കും ,വേങ്ങരയിലെ കർഷകർക്കു മാ യി സംഘടിപ്പിച്ച ഏകദിന പരിശീലന പരിപാടി വൈസ് പ്രസിഡന്റ് കദീ ജാബി യുടെ അന്ത്യക്ഷതയിൽ വേങ്ങര ഗ്രാമപഞ്ചായത്ത് പ്രസിഡന്റ് ശ്രീ.വി.കെ കുഞ്ഞാലൻകുട്ടി ഉത്ഘാടനം ചെയ്തു.വിവിധ തരം മൂല്ല്യവർദ്ധിത ഉത്പന്നങ്ങളുടെ ക്ലാസ് മമ്പാടു നിന്നും എത്തിയ നാഗേശ്വരനും, ഭാര്യയും ക്ലാസുകൾ എടുത്തു. വിവിധ ഇനം ഭക്ഷ്യവസ്തുക്കൾ ഉണ്ടാക്കി കർഷകർക്ക് മനസിലാക്കി കൊടുക്കുകയും ചെയ്തു.  പരീശീലനത്തിൽ ADA പ്രകാശ് പുത്തൻ മoത്തിൽ  കൃഷി ഓഫിസർ  സർ നജീബ് ,   ഫസൽKP, CDS ചെയർപേഴ്സൺ ഹസീന ബാനു, കൃഷി അസിസ് ന്റ് വിക്രമൻ പ്പിള്ള അഖില, വിജിത നസീർ എന്നിവർ പങ്കെടുത്തു.മികച്ച കർഷകരെ ആദരിക്കൽ ചടങ്ങും നടത്തി

ദേശീയപക്ഷി ദിനാചരണം

ദേശീയപക്ഷി ദിനാചരണം

പെരുവള്ളൂർ: ജനുവരി 5 ദേശീയപക്ഷി ദിനത്തോടനുബന്ധിച്ച് ഞങ്ങളും ഭൂമിയുടെ അവകാശികളാണെന്നും സംരക്ഷിക്കപ്പെടേണ്ടവരാണെന്നും ഓർമ്മപ്പെടുത്തി, വിവിധ പക്ഷികൾക്ക് ധാന്യവും വെള്ളവും നൽകി ഒളകര ഗവ എൽ പി സ്കൂൾ വിദ്യാർത്ഥികൾ ദേശീയപക്ഷി ദിനം ആചരിച്ചു. ഇനിവരാനിരിക്കുന്ന കടുത്ത വേനലിനെ കണക്കിലെടുത്ത് വിദ്യാലയത്തിലും, പരിസരപ്രദേശങ്ങളിലും പക്ഷികൾക്ക് വെള്ളം നൽകുവാനായി തണ്ണീർക്കുടങ്ങൾ സ്ഥാപിക്കുമെന്ന് പ്രധാനാധ്യാപകൻ എൻ.  വേലായുധൻ പറഞ്ഞു. പ്രവർത്തനങ്ങൾക്ക്  സോമരാജ് .പി നേതൃത്വം നൽകി.

വേങ്ങര ഇനി സുരക്ഷിതമാണ് ;

വേങ്ങര ഇനി സുരക്ഷിതമാണ് ;

വേങ്ങര ടൗണിലും പരിസരപ്രദേശങ്ങളിലും സാമൂഹ്യ സുരക്ഷാ മുൻനിർത്തി വേങ്ങര പോലീസും സിസിടിവി ക്യാമറ ഡിസ്ട്രിബ്യൂട്ടർ വീഡിയോ സെക്യൂരിറ്റി സൊലൂഷൻസ് കോട്ടക്കലും സംയുക്തമായി വ്യാപാരിവ്യവസായി ഏകോപനസമിതിയുടെയും വേങ്ങര ഗ്രാമ പഞ്ചായത്തിന്റെയും നീരിക്ഷണ ക്യാമറകൾ സ്ഥാപിച്ചിരിക്കുന്നു പ്രശസ്ത നിരീക്ഷണ കാമറകളുടെ ഔപചാരിക ഉദ്ഘാടനം ജനുവരി 5 ശനിയാഴ്ച കാലത്ത് 10 മണിക്ക് വേങ്ങര ബസ്സ്റ്റാൻന്റ് പരിസരത്ത് വച്ച് ജില്ലാ പോലീസ് സൂപ്രണ്ട് ശ്രീ.പ്രതീഷ് കുമാർ l P S നിർവഹിക്കുന്നു...

 സ്വാഗതം ശ്രീ സംഗീത് പുനത്തിൽ എസ്ഐ വേങ്ങര അധ്യക്ഷൻ ശ്രീ വി കെ കുഞ്ഞാലിക്കുട്ടി പ്രസിഡണ്ട് വേങ്ങര ഗ്രാമപഞ്ചായത്ത് ജില്ലയിൽ സിസിടിവി ക്യാമറ സ്ഥാപിക്കുന്നത് സംബന്ധിച്ച് ജില്ലാ തല പ്രഖ്യാപനം ശ്രീ കുഞ്ഞാവു ഹാജി വ്യാപാരി-വ്യവസായി ജില്ലാപ്രസിഡണ്ട് ഉദ്ഘാടനം ശ്രീകുമാർ ഐപിഎസ് ജില്ലാ പൊലീസ് സൂപ്രണ്ട് മലപ്പുറം മുഖ്യപ്രഭാഷണം: ശ്രീ.തോട്ടത്തിൽ ജലീൽ ഡിവൈഎസ്പി. ആശംസകൾ : ശ്രീമതി നവീന അശ്റഫ് ഊരകം ഗ്രാമപഞ്ചായത്ത്. ശ്രീ ചാക്കീരി അബ്ദുല്ലക്ക് മുൻ ഡിവൈഎസ്പി. ശ്രീ രാജീവ് പുതുവിൽ .അരുൺ വാരിയത്ത്. സൈനുദ്ദീൻ എം കെ ജനറൽസെക്രട്ടറി kvves വേങ്ങര മണ്ഡലം. ശ്രീ അസീസ് ഹാജി kvve s വേങ്ങര യൂണിറ്റ് .എ കെ യാ സർ kv ves യൂത്ത് വിംഗ് .എ.ഡി ശ്രീകുമാർ. ശ്രീ കൃഷണമണി വേങ്ങര പോലീസ്.നഫ്സിദ സലീം വാർഡ് മെംബർ  (11 )

കോൺഗ്രസ് പ്രതിഷേധപ്രകടനം

കോൺഗ്രസ് പ്രതിഷേധപ്രകടനം

കുന്നുംപുറം: എ.ആർ.നഗർ മണ്ഡലം കോൺഗ്രസ് പ്രവർത്തകർ കുന്നുംപുറത്ത് പ്രതിഷേധപ്രകടനം നടത്തി. ശബരിമലയിൽ ആചാരലംഘനം നടത്തിയതിലും മുഖ്യമന്ത്രിയുടെ അകമ്പടി വാഹനം കോൺഗ്രസ് പ്രവർത്തകരെ ഇടിച്ചിട്ടതിലും പ്രതിഷേധിച്ചായിരുന്നു പ്രകടനം. മണ്ഡലംപ്രസിഡന്റ് കാടേങ്ങൽ അസീസ് ഹാജി, റിയാസ് കല്ലൻ, കൊളക്കാട്ടിൽ ഇബ്രാഹിംകുട്ടി, കെ.കെ. രാധാകൃഷ്ണൻ, പി. മൊയ്തീൻകുട്ടി, സി. സക്കീർ ഹാജി, പി.സി. ഹുസൈൻഹാജി, സി.കെ. ആലസൻകുട്ടി എന്നിവർ നേതൃത്വംനൽകി.

ഊരകം: ശബരിമലയിൽ യുവതികളെ പ്രവേശിക്കാൻ പിണറായി സർക്കാർ സഹായം നൽകി എന്നാരോപിച്ച് ഊരകം മണ്ഡലം കോൺഗ്രസ് കമ്മിറ്റി പ്രതിഷേധപ്രകടനം നടത്തി. മണ്ഡലംപ്രസിഡന്റ് കെ.പി. ഗിരീഷ്‌കുമാർ, രമേശ് നാരായണൻ, എൻ.പി. അസൈനാർ, കെ.സി. മുസ്തഫ, പി. സൈതലവി, വി.പി. ഉമ്മർ, മണ്ണിശ്ശേരി അബു എന്നിവർ നേതൃത്വംനൽകി.

പ്രകടനത്തിനുശേഷം കാരാത്തോടുനടന്ന പ്രതിഷേധയോഗം യൂത്ത്‌ കോൺഗ്രസ് സംസ്ഥാനസെക്രട്ടറി കെ.എ. അറഫാത്ത് ഉദ്ഘാടനംചെയ്തു.

ചുമരെഴുത്തിന് തുടക്കം കുറിച്ചു

സമൂഹത്തിൽ കുട്ടികൾക്കെതിരെയുള്ള അതിക്രമങ്ങൾക്കെതിരെ പൊതുസമൂഹത്തെ ബോധവൽക്കരിക്കുന്നതിനായി മലപ്പുറം ചൈൽഡ് ലൈനും AR നഗർ പേങ്ങാട്ട്കുണ്ട് വിക്ടറി ക്ലബ്ബും സംയുക്തമായി ബാല സംരക്ഷണ സന്ദേശങ്ങളടങ്ങിയ ചുമരെഴുത്തിന് തുടക്കം കുറിച്ചു

സമൂഹത്തിൽ കുട്ടികൾക്കെതിരെയുള്ള അതിക്രമങ്ങൾ വർദ്ധിച്ചു വരുന്ന സാഹചര്യത്തിൽ ബാലസംരക്ഷണ സംവിധാനങ്ങളെയും നിയമങ്ങളെയും കുറിച്ച് പൊതുസമൂഹത്തെ ബോധവൽക്കരിക്കുന്നതിനായി മലപ്പുറം ചൈൽഡ് ലൈനും AR നഗർ പേങ്ങാട്ട്കുണ്ട് വിക്ടറി ക്ലബ്ബും സംയുക്തമായി ബാല സംരക്ഷണ സന്ദേശങ്ങളടങ്ങിയ ചുമരെഴുത്തിന് തുടക്കം കുറിച്ചു. ബാലവേല, ലൈഗീകാതിക്രമങ്ങൾ, ബാല്യ വിവാഹം, ലഹരി ഉപയോഗം, തുടങ്ങിയ വിഷയങ്ങളെ കുറിച്ചായിരുന്നു സന്ദേശങ്ങൾ.കുന്നുംപുറം ഗവൺമന്റ് ഹോസ്പിറ്റലിന്റെ മതിലുകളിൽ ആർട്ടിസ്റ്റ് സന്തോഷ് ബാലി കണ്ണമംഗലം നിറങ്ങൾ കൊണ്ട് വിസ്മയം തീർത്തു. പരിപാടിക്ക് ക്ലബ്ബ് പ്രസി: ശ്രീ P. പ്രശാന്ത് .വിക്ടറി പ്രവാസി കമ്മറ്റി അഗം ശാഫി Mk TK റിയാസ് മാസ്റ്റർ P.ശെന്തിൽ തുടങ്ങിയവർ നേതൃത്വം നൽകി

ക്വിന്റൽ കേക്ക് മുറിച്ച് പുതുവർഷ ആഘോഷം

ക്വിന്റൽ കേക്ക് മുറിച്ച് പുതുവർഷ ആഘോഷം

101 കിലോ തൂക്കമുള്ള കൂറ്റൻ കേക്ക് മുറിച്ച് പുതുവർഷത്തെ വരവേറ്റ് കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്റെറി സ്കൂൾ കുട്ടികളും അദ്ധ്യാപകരും. പ്രിൻസിപ്പാൾ യൂസഫ് കരുമ്പിലും ഹെഡ്മാസ്റ്റർ അനിൽ കുമാർ പി.ബിയും ചേർന്ന് കേക്ക് മുറിച്ചു. പി.ടി.എ പ്രസിഡന്റ് കെ.കെ മൊയ്തീൻ കുട്ടി , ഡെപ്യൂട്ടി എച്ച്എം, ബേബി ജോൺ ഹസ്സൻ ആലുങ്ങൽ ഷാജിത്ത് വി, യൂണിയൻ ചെയർമാൻ നസ്റുദ്ധീൻ സ്കൂൾ ലീഡർ അൻസില എൻ എന്നിവർ നേതൃത്വം നൽകി

വേങ്ങരയിൽ വനിതാമതിലിനെതിരേ പ്രമേയം

വേങ്ങരയിൽ വനിതാമതിലിനെതിരേ പ്രമേയം

വേങ്ങര: ചൊവ്വാഴ്ച നടക്കാനിരിക്കുന്ന വനിതാമതിലിനെതിരേ വേങ്ങര ഗ്രാമപ്പഞ്ചായത്ത് ഭരണസമിതിയോഗത്തിൽ പ്രമേയം പാസാക്കി. കേരളത്തിന്റെ സാംസ്കാരിക പാരമ്പര്യത്തിന് കളങ്കംചാർത്തുകയും ജാതിമത വേർതിരിവുകൾ സൃഷ്ടിക്കാൻ പരസ്യപ്രഖ്യാപനമായി നടക്കാൻപോവുന്ന വർഗ്ഗീയമതിലിനോട് വേങ്ങര ഗ്രാമപ്പഞ്ചായത്തിലെ വനിതകൾ സഹകരിക്കരുതെന്നുമായിരുന്നു പ്രമേയം.

ഗ്രാമപ്പഞ്ചായത്ത് വൈസ് പ്രസിഡന്റ് കദീജാബിയുടെ അധ്യക്ഷതയിൽചേർന്ന യോഗത്തിൽ ആരോഗ്യ വിദ്യാഭ്യാസ സ്ഥിരംസമിതിയംഗം കൂളിപ്പിലാക്കൽ ഫസലാണ് പ്രമേയം അവതരിപ്പിച്ചത്.

പ്രമേയത്തിൽ പ്രതിഷേധിച്ച് പ്രതിപക്ഷത്തുള്ള അഞ്ച് അംഗങ്ങൾ യോഗം ബഹിഷ്കരിച്ച് ഇറങ്ങിപ്പോയി. തുടർന്ന്‌ പ്രമേയം ഏകകണ്ഠേന പാസാക്കി

വേങ്ങര ബി.ആർ.സി സബ്ജില്ലയിലെ ഭിന്നശേഷി വിദ്യാർത്ഥികൾക്കായി ഒളകര ജി.എൽ.പി സ്കൂളിൽ സംഘടിപ്പിച്ച രണ്ടു ദിവസത്തെ ക്യാമ്പ് "തണൽ കൂട്ടം 2018" സമാപിച്ചു

വേങ്ങര ബി.ആർ.സി സബ്ജില്ലയിലെ ഭിന്നശേഷി വിദ്യാർത്ഥികൾക്കായി ഒളകര ജി.എൽ.പി സ്കൂളിൽ സംഘടിപ്പിച്ച രണ്ടു ദിവസത്തെ ക്യാമ്പ് "തണൽ കൂട്ടം 2018" സമാപിച്ചു

പെരുവള്ളൂർ: വേങ്ങര ബി.ആർ.സി സബ്ജില്ലയിലെ ഭിന്നശേഷി വിദ്യാർത്ഥികൾക്കായി ഒളകര  ജി.എൽ.പി സ്കൂളിൽ സംഘടിപ്പിച്ച  രണ്ടു ദിവസത്തെ  ക്യാമ്പ്  "തണൽ കൂട്ടം 2018" സമാപിച്ചു. വ്യത്യസ്ത രുചിക്കൂട്ടുകൾ പരിചയപ്പെടുത്തുന്നതിന്  *രുചിമേളം* , ഉത്സവാന്തരീക്ഷവും വാദ്യോപകരണങ്ങളും രൂപയുടെ വിനിമയവും പരിചയപ്പെടുത്തുന്നതിന് *കൊട്ടും പാട്ടും,* ക്രാഫ്റ്റ് വർക്കുകൾ പരിചയപ്പെടുന്നതിന് *കളിപ്പാട്ടം* ,  തെയ്യം, ബാൻഡ് മേളം, ദഫ് മുട്ട് എന്നിവയുടെ അകമ്പടിയോടെ പുകയൂർ അങ്ങാടിയിൽ ഫ്ലാഷ് മോബ് സംഘടിപ്പിച്ചുകൊണ്ട് നടന്ന *വിളംബരജാഥ* , *തീയേറ്റർഗെയിം* , *മുത്തശ്ശിയും കുട്ട്യോളും* , നവകേരള നിർമ്മിതിയുമായി ബന്ധപ്പെട്ട് ഭിന്നശേഷി *വിദ്യാർത്ഥികളുടെ കലാപരിപാടികൾ* തുടങ്ങിയവകൊണ്ടെല്ലാം ശ്രദ്ധേയമായ പ്രവർത്തനങ്ങളായിരുന്നു  വിദ്യാർത്ഥികൾക്കുവേണ്ടി സംഘടിപ്പിച്ചത്.തിരൂരങ്ങാടി ബ്ലോക്ക് പഞ്ചായത്ത് പ്രസിഡണ്ട് കലാം മാസ്റ്റർ ഉദ്ഘാടനം ചെയ്തു.വാർഡ് മെമ്പറും സ്റ്റാൻഡിംഗ് കമ്മിറ്റി ചെയർമാനുമായ ഇസ്മയിൽ കാവുങ്ങൽ ചടങ്ങിന്റെ അധ്യക്ഷനായി. ബി.പി.ഒ ഭാവന ടീച്ചർ, എൻ.വേലായുധൻ മാസ്റ്റർ, എൽ.സി പ്രദീപ്കുമാർ, പി.പി സെയ്തുമുഹമ്മദ്, ഇബ്രാഹിം മൂഴിക്കൽ,  തുടങ്ങിയവർ സംസാരിച്ചു. മനോഹരൻ മാസ്റ്റർ സ്വാഗതം പറഞ്ഞു.ബി.ആർ.സി അംഗങ്ങളായ ബൈജു , ഷൈജു, അശ്റഫ് , സ്കൂളിലെ അധ്യാപകരായ സോമരാജ് പാലക്കൽ, ഷാജി. പി.കെ, പ്രമോദ് കുമാർ, ജയേഷ്, പി.ടി.എ ,എം.ടി.എ, പൂർവ്വ വിദ്യാർത്ഥികൾ തുടങ്ങിയവർ  പ്രവർത്തനങ്ങൾക്ക് നേതൃത്വം നൽകി. ചുള്ളിയാലപ്പുറം സ്നേഹതീരം ക്ലബ്ബ് ചടങ്ങിൽ പങ്കെടുത്ത മുഴുവൻ ഭിന്നശേഷി വിദ്യാർത്ഥികൾക്കും പഠനോപകരണങ്ങൾ നല്കി.

ബി.ആർ.സി വേങ്ങര യുടെ ഉപഹാരമായി വിദ്യാലയത്തിലെ ജൈവ ഉദ്യാനത്തിലേക്ക് മാവിൻതൈകൾ നൽകി.

ക്യാമ്പിലെ കൃസ്തുമസ് ആഘോഷം ജില്ലാ പഞ്ചായത്ത് പ്രസിഡന്റിനൊപ്പം

ക്യാമ്പിലെ കൃസ്തുമസ് ആഘോഷം ജില്ലാ പഞ്ചായത്ത് പ്രസിഡന്റിനൊപ്പം

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കണ്ടറി സ്കൂളിലെ NSS ന്റെ സപ്തദിന ക്യാമ്പിലെ കൃസ്തുമസ് ആഘോഷം സ്കൂളിലെ പൂർവ വിദ്യർത്ഥിയായിരുന്ന മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണനൊപ്പം കേക്ക് മുറിച്ചും കരോൾ ഗാനം പാടിയും ആഘോഷിച്ചു

കൊളപ്പുറം ജി.എച്ച്.എസിൽ നടന്ന പരിപാടിയിൽ പഞ്ചായത്തംഗം കല്ലൻ മുഹമ്മദ് റിയാസ് അദ്ധ്യക്ഷനായിരുന്നു. പിടി എ പ്രസിഡന്റ് കെ.കെ.മൊയ്തീൻ കുട്ടി, സച്ചിൻ കുമാർ, അസ്‌ലം കെ.പി എം, യാസിർ പൂവിൽ എന്നിവർ സംസാരിച്ചു 

വേങ്ങര ഗ്രാമീണ ബങ്കിലെ CITU സമരത്തിന്റെ പേരിൽ തുറന്ന് പ്രവർത്തിക്കുന്ന ബാങ്ക് അടപ്പിക്കുമെന്ന ഭീഷണിക്കുമുന്നിൽ സംരക്ഷണ മതിലൊരുക്കി കോൺഗ്രസ് പ്രവർത്തകർ

വേങ്ങര ഗ്രാമീണ ബങ്കിലെ CITU സമരത്തിന്റെ പേരിൽ തുറന്ന് പ്രവർത്തിക്കുന്ന ബാങ്ക് അടപ്പിക്കുമെന്ന ഭീഷണിക്കുമുന്നിൽ സംരക്ഷണ മതിലൊരുക്കി കോൺഗ്രസ് പ്രവർത്തകർ

ഗ്രാമീൺ ബാങ്കിൽ ഒരു വിഭാഗം ജീവനക്കാർ നടത്തുന്ന സമരത്തിന്റെ പേരിൽ അടഞ്ഞുകിടന്നിരുന്ന വേങ്ങര ബ്രാഞ്ചിൽ ജോലി ചെയ്യാൻ സന്നദ്ധമായി മുന്നോട്ടുവന്ന  ബങ്കിലെ ജീവനക്കാർക്ക് വേങ്ങര മണ്ഡലം കോൺഗ്രസ് കമ്മിറ്റി സംരക്ഷണമൊരുക്കി. ബാങ്കിന്റെ പ്രവർത്തനം നിരവധി സാധാരണക്കാരായ ഇടപാടുകാർക് ആശ്വാസമായി .എം .എ.അസീസ് ,സി .ടി .മൊയ്‌ദീൻ ,അസീസ് കൈപ്രൻ ,ജീവൻ ചേറ്റിപ്പുറമാട് ,ശാക്കിർ കെ .കെ ,ഹുസൈൻ കെ .വി ,കുഞ്ഞീൻ പാലേക്കോടണ് ,മുജീബ് വി .ടി ,കുഞ്ഞവറു കാട്ടി , സി.എച് .സലാം ,കാബ്രൻ മുജീബ് എന്നിവർ നേതൃത്വം നൽകി

വേങ്ങര ഗ്രാമീണ ബാങ്ക് CITU സമരത്തിന്റെ പേരിൽ തുറന്ന് പ്രവർത്തിക്കാൻ അനുവദിക്കാതെ ബാങ്ക് ഡോർ ലോക്കിൽ ഇയ്യം ഒഴിച്ച CITU വിനെതിരെ പ്രതിഷേധവുമായി വേങ്ങര മണ്ഡലം കോൺഗ്രസ് കമ്മിറ്റി

വേങ്ങര ഗ്രാമീണ ബാങ്ക്  CITU സമരത്തിന്റെ പേരിൽ തുറന്ന് പ്രവർത്തിക്കാൻ അനുവദിക്കാതെ ബാങ്ക് ഡോർ ലോക്കിൽ ഇയ്യം ഒഴിച്ച CITU വിനെതിരെ പ്രതിഷേധവുമായി വേങ്ങര മണ്ഡലം കോൺഗ്രസ് കമ്മിറ്റി

വേങ്ങര ഗ്രാമീണ ബാങ്ക്  CITU സമരത്തിന്റെ പേരിൽ തുറന്ന് പ്രവർത്തിക്കാൻ അനുവദിക്കാതെ ബാങ്ക് ഡോർ ലോക്കിൽ ഇയ്യം ഒഴിച്ച CITU വിനെതിരെ പ്രതിഷേധവുമായി വേങ്ങര മണ്ഡലം കോൺഗ്രസ് കമ്മിറ്റി രണ്ട് ദിവസത്തിനകം പരിഹാരം കാണാമെന്ന പോലീസിന്റെ ഉറപ്പിൽ പ്രധിഷേധം അവസാനിപ്പിച്ചു രണ്ട് ദിവസത്തിനുശേഷവും ഇതേ നില തുടർന്നാൽ ശക്തമായ പ്രധിഷേധമുമായി കോൺഗ്രസ് പ്രവർത്തകർ വരുമെന്ന് മുന്നറിയിപ്പ് നൽകി പ്രതിഷേധത്തിന് എം .എ .അസീസ്, എം .ടി അസൈനാർ, സി .എച് .സലാം, അസീസ് കൈപ്രൻ ,ശാക്കിർ .കെ .കെ ,ഇല്ലിക്കോടൻ സലാം, കാറലകത്തു മൂസ്സ എന്നിവർ പ്രതിഷേധത്തിന് നേതൃത്വം നൽകി

എൻ.എസ്.എസ് ക്യാമ്പിൽ നിന്നും സൗജന്യ ഫിനോയൽ വിതരണം

എൻ.എസ്.എസ് ക്യാമ്പിൽ നിന്നും സൗജന്യ ഫിനോയൽ വിതരണം

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂളിലെ എൻ.എസ്.എസ് സപ്തദിന ക്യാമ്പിൽ സ്കിൽ അക്വിസിഷൻ പ്രോഗ്രാമിന്റെ ഭാഗമായി കുട്ടികൾ നിർമ്മിച്ച ഫിനോയൽ വീടുകളിൽ സൗജന്യമായി വിതരണം ചെയതു. 

           കൊളപ്പുറം ഗവൺമെന്റ് ഹൈസ്കൂളിൽ വെച്ചാണ് ക്യാമ്പ് നടക്കുന്നത് . ക്യാമ്പിന്റെ ഉദ്ഘാടനം ഏ.ആർ നഗർ ഗ്രാമപഞ്ചായത്ത് പ്രസിഡന്റ് കുപ്പേരി  സുബൈദ നിർവ്വഹിച്ചു. പഞ്ചായത്ത് വൈസ് പ്രസിഡന്റ് കൊളക്കാട്ടിൽ ഇബ്രാഹിം കുട്ടി അദ്ധ്യക്ഷനായിരുന്നു. വാർഡ് മെമ്പർമാരായ റിയാസ് കല്ലൻ, ഷൈലജ പുനത്തിൽ, പി.ടി.എ പ്രസിഡന്റ് കല്ലൻ അബദുൽ റഷീദ്,  പ്രിൻസിപ്പാൾ യൂസുഫ് കരുമ്പിൽ പ്രോഗ്രാം ഓഫീസർ യാസിർ പൂവിൽ എന്നിവർ സംസാരിച്ചു

ലാസ്റ്റ് ബെൽ വേങ്ങര മനാറുൽ ഹുദാ യു. പി സ്‌കൂൾ പൂർവ വിദ്യാർത്ഥി സംഗമം സംഘടിപ്പിച്ചു

ലാസ്റ്റ് ബെൽ

വേങ്ങര മനാറുൽ ഹുദാ യു. പി സ്‌കൂൾ പൂർവ വിദ്യാർത്ഥി സംഗമം സംഘടിപ്പിച്ചു

വേങ്ങര: മനാറുൽ ഹുദാ യു. പി സ്‌കൂൾ പൂർവ വിദ്യാർത്ഥി സംഗമം സംഘടിപ്പിച്ചു.

1996 - 98 കാലഘട്ടത്തിൽ 7ാം തരം പൂർത്തിയാക്കിയ പൂർവ വിദ്യാർത്ഥി സംഗമം സ്‌കൂൾ ഹെഡ്മാസ്റ്റർ പി.കെ ആബിദ് ഉദ്ഘാടനം ചെയ്തു. കെ. റാബിയ ടീച്ചർ അധ്യക്ഷത നിർവഹിച്ച ചടങ്ങിൽ മുഖ്യാതിഥിയായി മനാർ സെക്രട്ടറി പി.കെ.സി. ബീരാൻ കുട്ടി പങ്കെടുത്തു. പ്രോഗ്രാം കൺവീനർ ഫായിസ് സ്ഥാപനത്തിനുള്ള ഉപഹാരം കെ. നഫീസ ടീച്ചർക്ക് നൽകി. വിപുലമായ അലുംമനി ഉടൻ സംഘടിപ്പിക്കാൻ സംഗമം തീരുമാനിച്ചു.

വേങ്ങരയിലെ സൗജന്യATDCതയ്യൽ പരിശീലന കോഴ്സ് ലേക്ക് അപേക്ഷ ക്ഷണിച്ചു

വേങ്ങരയിലെ സൗജന്യATDCതയ്യൽ പരിശീലന കോഴ്സ് ലേക്ക് അപേക്ഷ ക്ഷണിച്ചു

ദേശീയ പിന്നോക്ക വിഭാഗ ധനകാര്യ വികസന കോര്‍പ്പറേഷനും ATDC യും സംയുക്തമായി 3 മാസം ദൈർഘ്യമുള്ള  സൗജന്യ തയ്യൽ പരിശീലന കോഴ്സ് ആരഭിക്കുന്നു.

യോഗ്യത:

പ്രായം :18 തൊട്ട് 35 വരെ 

വിദ്യാഭ്യാസം : അഞ്ചാം തരം.

വാർഷിക വരുമാനം 3 ലക്ഷത്തിനു തഴെ

 

താത്പര്യമുള്ള യുവതീയുവാക്കൾ 

വരുമാന സർട്ടിഫിക്കറ്റ്, 

SSLC/ സകൂൾ സർട്ടിഫികറ്റന്റെ പകർപ്പ്, ആധാർ കാർഡന്റെ പകർപ്പ്, 4 പാസപോർട്ട് സൈസ് ഫോട്ടോ എന്നിവ സഹിതം അപേക്ഷ ATDC യുടെ മലപ്പുറം സെന്ററിൽ (ATDC മലപ്പുറം, വേങ്ങര ബസ്സ്റ്റാന്റ് ബിൽഡിംഗ്, വേങ്ങര - Phone number: 97440 22070, 80 75821346) സമർപ്പിക്കുക. 

കൂടതൽ വിവരങ്ങൾക്ക് മേൽ പറഞ്ഞ  നമ്പറിൽ ബന്ധപ്പെടുക.

വീട്ടുനമ്പർ 1729 ഇത് ഗണിത വീട് ഡിസംബർ 22 ദേശീയ ഗണിത ശാസ്ത്ര ദിനവുമായി ബന്ധപ്പെട്ട് ഗണിത വീടൊരുക്കി ഗവൺമെൻറ് എൽ. പി സ്കൂൾ ഒളകരയിലെ വിദ്യാർത്ഥികൾ

വീട്ടുനമ്പർ 1729 ഇത് ഗണിത വീട്

ഡിസംബർ 22 ദേശീയ ഗണിത ശാസ്ത്ര ദിനവുമായി ബന്ധപ്പെട്ട് ഗണിത വീടൊരുക്കി ഗവൺമെൻറ് എൽ. പി സ്കൂൾ ഒളകരയിലെ  വിദ്യാർത്ഥികൾ

വീട്ടുനമ്പർ 1729 ഇത് ഗണിത വീട്

പെരുവള്ളൂർ:ഡിസംബർ 22 ദേശീയ ഗണിത ശാസ്ത്ര ദിനവുമായി ബന്ധപ്പെട്ട് ഗണിത വീടൊരുക്കി ഗവൺമെൻറ് എൽ. പി സ്കൂൾ ഒളകരയിലെ  വിദ്യാർത്ഥികൾ.വിദ്യാലയത്തിൽ അണിയിച്ചൊരുക്കിയ ഗണിത വീട്ടിൽ കുട്ടികൾ

 സ്വന്തമായി നിർമ്മിച്ച ഗണിതോപകരണങ്ങളും,

ഗണിത ചിഹ്നങ്ങളും, ഭാരതീയ ഗണിത ശാസ്ത്ര കാരന്മാരുടെ ചിത്രങ്ങളും,

ഗണിത പുസ്തകങ്ങളും വളരെ

ചാരുതയോടെ പ്രദർശിപ്പിച്ചു. വീടിന്റെ നമ്പർ രാമാനുജൻ സംഖ്യ യായ  1729 ആയിരുന്നു. വിദ്യാർത്ഥികളുടെ പഠനപ്രവർത്തനത്തിൽ അധിഷ്ഠിതമായി പൂർണമായും ഗണിത രൂപങ്ങൾ ഉപയോഗപ്പെടുത്തിയാണ് ഈ ഒരു വീട് വിദ്യാലയത്തിൽ അണിയിച്ചൊരുക്കിയത്. ഭാരതത്തിലെ സുപ്രസിദ്ധ ഗണിത ശാസ്ത്ര കാരനായ ശ്രീ.ശ്രീനിവാസ രാമാനുജന്റെ ജന്മദിനമാണ് ദേശീയ ഗണിത ശാസ്ത്ര ദിനമായി ആചരിക്കുന്നത്.വിദ്യാലയത്തിലെ ഗണിത ക്ലബ് 'ഗൂഗോൾ' പ്രവർത്തനങ്ങൾക്ക് നേതൃത്വം നൽകി.

ക്രിസ്തുമസ് ന്യൂ ഇയർ പ്രമാണിച്ച് വേങ്ങര നിയോജക മണ്ഡല തലത്തിൽ വ്യാജമദ്യ- മയക്കുമരുന്ന് നിർമ്മാർജ്ജന ജനകീയ കമ്മിറ്റി മീറ്റിംഗ് വേങ്ങര ബ്ലോക്ക് പഞ്ചായത്ത് കോൺഫറൻസ് ഹാളിൽ നടന്നു

ക്രിസ്തുമസ് ന്യൂ ഇയർ പ്രമാണിച്ച്   വേങ്ങര നിയോജക മണ്ഡല തലത്തിൽ വ്യാജമദ്യ- മയക്കുമരുന്ന് നിർമ്മാർജ്ജന ജനകീയ കമ്മിറ്റി മീറ്റിംഗ് വേങ്ങര ബ്ലോക്ക് പഞ്ചായത്ത് കോൺഫറൻസ് ഹാളിൽ നടന്നു 

ക്രിസ്തുമസ് ന്യൂ ഇയർ പ്രമാണിച്ച്   വേങ്ങര നിയോജക മണ്ഡല തലത്തിൽ വ്യാജമദ്യ- മയക്കുമരുന്ന് നിർമ്മാർജ്ജന ജനകീയ കമ്മിറ്റി മീറ്റിംഗ് വേങ്ങര ബ്ലോക്ക് പഞ്ചായത്ത് കോൺഫറൻസ് ഹാളിൽ വച്ച് നടക്കുകയുണ്ടായി.

തിരൂരങ്ങാടി എക്സൈസ് സർക്കിൾ ഇൻസ്പെക്ടർ പി എൽ ജോസ് സ്വാഗതവും ബ്ലോക്ക് പഞ്ചായത്ത് പ്രസിഡണ്ട് ശ്രീ അബ്ദുൽ ഹക്ക് അധ്യക്ഷസ്ഥാനം നിർവഹിച്ചു. വേങ്ങര നിയോജക മണ്ഡലത്തിൽ ഉൾപ്പെട്ട എല്ലാ പഞ്ചായത്ത് പ്രസിഡണ്ടുമാരും, റവന്യു, എക്സൈസ്, ഹെൽത്ത്, വിദ്യാഭ്യാസവകുപ്പ് എന്നീ ഡിപ്പാർട്ട്മെൻറിൽ നിന്നും വകുപ്പുതല ഉദ്യോഗസ്ഥരും വിവിധ ജനപ്രതിനിധികളും, MLA യുടെ പേഴ്സണൽ അസിസ്റ്റന്റ് അസീസ് പഞ്ചിളി കുടുംബശ്രീ ചെയർപേഴ്സൺ എന്നിവരും യോഗത്തിൽ പങ്കെടുത്തു