"മികവിലേക്ക് ഒരു ചുവടുമായി" വിദ്യാർത്ഥികൾ അങ്ങാടികളിലേക്ക്
പെരുവള്ളൂർ: സബ്ജില്ലാതല പഠനോത്സവം ' പൊലിമ 2019 ' ന്റെ വരവറിയിച്ച് തെരുവ് നാടകം അവതരിപ്പിച്ച് ഗവൺമെൻറ് എൽ പി സ്കൂൾ ഒളകരയിലെ വിദ്യാർത്ഥികൾ. തൊഴിലുറപ്പ് തൊഴിലാളികളുടെ വേഷമിട്ടെത്തിയ കുരുന്നുകൾ നാടകം അവതരിപ്പിക്കുകയും, അതോടൊപ്പം സമീപപ്രദേശങ്ങൾ ശുചീകരിക്കുകയും ചെയ്തു.'മികവിലേക്ക് ഒരു ചുവട് ' എന്ന തെരുവു നാടകമാണ് വിദ്യാർത്ഥികൾ വ്യത്യസ്ത ഇടങ്ങളിലായി അവതരിപ്പിച്ചത്. നാടകത്തിൻറെ അവസാനം വഞ്ചിപ്പാട്ട് പാടി തങ്ങളുടെ രക്ഷിതാക്കളെയും നാട്ടുകാരെയും വിദ്യാലയത്തിലേക്ക് സ്വാഗതം ചെയ്യാനും കുരുന്നുകൾ മറന്നില്ല. വിദ്യാർത്ഥികളായ മിൻഹ, ജാലിബ, നന്ദിത എന്നിവർ കേന്ദ്രകഥാപാത്രങ്ങളെ അവതരിപ്പിച്ചു.അധ്യാപകരായ എൻ. വേലായുധൻ,സോമരാജ്, റഷീദ്, ഷാജി, ജംഷീദ്,റജില ,ജിഷ,ജോസിന, ജിജിന എന്നിവർ നേതൃത്വം നൽകി.ഫെബ്രുവരി 14
വ്യാഴാഴ്ച യാണ് വേങ്ങര സബ് ജില്ലാ തല പഠനോത്സവം ഒളകര ഗവ എൽ പി സ്കൂളിൽ നടക്കുന്നത്.
No comments:
Post a Comment