ചങ്ങാതി നന്നായാൽ കണ്ണാടി വേണ്ട

ചങ്ങാതി നന്നായാൽ കണ്ണാടി വേണ്ട

പെരുവള്ളൂർ: ലോക സൗഹൃദ ദിനത്തിൽ വ്യത്യസ്തമായൊരു ചങ്ങാത്തവുമായി ഒളകര ഗവ:എൽ.പി.സ്കൂൾ വിദ്യാർത്ഥികൾ കൗതുകമായി. 'ചങ്ങാതി നന്നായാൽ കണ്ണാടി വേണ്ട' എന്ന സന്ദേശമുൾക്കൊണ്ട് പുസ്തകങ്ങളെ കൂട്ടുകാരായി മാറ്റിയിരിക്കുകയാണ് കുരുന്നുകൾ.പുസ്തകങ്ങൾക്കെല്ലാം  ലച്ചു,കിച്ചു,മിന്നു,പൊന്നു എന്നിങ്ങനെ ചെല്ലപ്പേര് നൽകി തങ്ങൾക്ക് കിട്ടിയ ചങ്ങാതിമാരെ പരസ്പരം കൈമാറി അറിവിന്റെ ചങ്ങല തീർക്കാനൊരുങ്ങുകയാണ് കുരുന്നുകൾ.ഇതോടൊപ്പം

ഇനിമുതൽ തങ്ങളുടെ ജന്മദിനങ്ങളിൽ സ്കൂൾ ലൈബ്രറി യിലേക്ക് പുസ്തകമാകുന്ന ഓരോ ചങ്ങാതി മാരെ സംഭാവന ചെയ്യാനും    ഈ കുട്ടിക്കൂട്ടം തീരുമാനിച്ചു കഴിഞ്ഞു.പ്രതിജ്ഞ ചൊല്ലി സ്വാഗത ഗാനവും ആലപിച്ച് അവരോരോരുത്തരും തങ്ങളുടെ നിഷ്കളങ്കരായ

ചങ്ങാതി മാരെ വരവേറ്റു.പ്രവർത്തനങ്ങൾക്ക് അധ്യാപകരായ പി.കെ  ഷാജി, സദഖത്തുള്ള പെരുവള്ളൂർ എന്നിവർ നേതൃത്വം നൽകി.

പൊതു വിദ്യാഭ്യാസ ശാക്തീകരണത്തിന് എല്ലാ പിന്തുണയും നൽകും - കെ.എൻ.എ.ഖാദർ എംഎൽഎ

പൊതു വിദ്യാഭ്യാസ ശാക്തീകരണത്തിന് എല്ലാ പിന്തുണയും നൽകും - കെ.എൻ.എ.ഖാദർ എംഎൽഎ

വേങ്ങര നിയോജക മണ്ഡലത്തിലെ സർക്കാർ, എയ്‌ഡഡ്, അൺ എയ്ഡഡ് സ്‌കൂളുകളുടെ ശാക്തീകരണത്തിനും അക്കാദമിക മുന്നേറ്റത്തിനും പൂർണ പിന്തുണ നൽകുമെന്ന് കെ.എൻ.എ.ഖാദർ എംഎൽഎ എമർജിങ് വേങ്ങര എന്ന പേരിൽ നടത്തിയ വിദ്യാഭ്യാസ അവലോകന സംഗമത്തിൽ സംസാരിക്കുകയായിരുന്നു എംഎൽഎ. 

മണ്ഡലത്തിൽ നടപ്പാക്കുന്ന

സമഗ്ര വിദ്യാഭ്യാസ പദ്ധതിയിലെ വിവിധ പരിപാടികൾക്ക് അംഗീകാരം നൽകി. എംഎൽഎ നടത്തുന്ന ക്രിയാത്മക ഇടപെടലുകൾക്ക് ജില്ലാ കളക്ടറും ജില്ലാ പൊലീസ് മേധാവിയും പൂർണ സഹകരണം വാഗ്ദാനം ചെയ്തു.

80 വിദ്യാലയങ്ങളിലെ പ്രധാന അധ്യാപകർ, പിടിഎ, എസ്എംസി ഭാരവാഹികൾ, വിദ്യാഭ്യാസ ഉദ്യോഗസ്ഥർ പങ്കെടുത്തു. ജില്ലാ കലക്ടർ ജാഫർ മാലിക് ഐഎഎസ്, ജില്ലാ പൊലീസ് മേധാവി യു. അബ്ദുൽ കരീം ഐപിഎസ്, ഡിഇഒ കെ.സി.അബ്ദുൽ ഹമീദ്, എഇഒ വി.കെ.ബാലഗംഗാധരൻ, കെ.ടി.അമാനുള്ള എന്നിവർ പ്രസംഗിച്ചു. സ്‌കൂൾ പ്രതിനിധികൾ വിവിധ ആശയങ്ങൾ അവതരിപ്പിച്ചു.

ജനാധിപത്യത്തിന്റെ പൊരുളറിഞ്ഞ് ഒളകരയിലെ കുരുന്നുകളും

ജനാധിപത്യത്തിന്റെ പൊരുളറിഞ്ഞ് ഒളകരയിലെ കുരുന്നുകളും

പെരുവള്ളൂർ: ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾക്കായി നടത്തിയ സ്കൂൾ പാർലമെന്റ് തെരഞ്ഞെടുപ്പിൽ കനത്ത പോളിംഗ് രേഖപ്പെടുത്തി.പൊതു തെരഞ്ഞെടുപ്പിന്റെ സമസ്ത മേഖലകളെയും സ്പർശിച്ചു കൊണ്ട് ,

സ്കൂൾ ലീഡർ, വിദ്യാഭ്യാസ മന്ത്രി, ആരോഗ്യ മന്ത്രി എന്നീ സ്ഥാനങ്ങളിലേക്കാണ് തെരഞ്ഞെടുപ്പ് നടന്നത്.നാമ നിർദ്ദേശ

പത്രിക സമർപ്പണം മുതൽ സ്കൂൾ അങ്കണത്തെ പുളകം കൊള്ളിച്ചു കൊണ്ട് ' കൊട്ടിക്കലാശം' വരെ .

വോട്ടിംഗ് യന്ത്രത്തിനെതിരെ വ്യാപക പരാതി നിലനിൽക്കുന്ന സാഹചര്യത്തിൽ ഇത്തവണ വോട്ടിംഗ് ബാലറ്റ് പേപ്പറിൽ ആയിരുന്നു. വിദ്യാലയത്തിലെ ഒന്നാം ക്ലാസ് മുതൽ നാലാം ക്ലാസ് വരെ യുള്ള 250 ൽ പരം വിദ്യാർത്ഥികൾ തങ്ങളുടെ വോട്ടവകാശം വിനിയോഗിച്ചു.

കന്നി വോട്ടവകാശം വിനിയോഗിച്ച കുട്ടിവോട്ടർമാരിൽ അമ്പരപ്പിലേറെ ജിഞാസ

പ്രകടമായിരുന്നു.

ക്രമസമാധാന പാലകരായി കുട്ടിപ്പോലീസുകാരും അരങ്ങുവാണു. ഒടുവിൽ ഫലപ്രഖാപനത്തോടെ ദിവസങ്ങൾ നീണ്ട തെരഞ്ഞെടുപ്പ് പ്രക്രിയ ക്ക് വിരാമമായി.

ഫലം പ്രഖ്യാപിച്ചപ്പോൾ പാർവ്വതി നന്ദ സ്കൂൾ ലീഡറായും,അനാമിക വിദ്യാഭ്യാസ മന്ത്രിയായും, റിഫ ജബിൻ ആരോഗ്യ മന്ത്രിയായും തെരഞ്ഞെടുക്കപ്പെട്ടു.

പ്രവർത്തനങ്ങൾക്ക് അധ്യാപകരായ പി.കെ . ഷാജി, സദഖത്തുള്ള പെരുവള്ളൂർ, ഫഹ്മിദ എന്നിവർ നേതൃത്വം നൽകി.

സ്വന്തം ജീവൻ പണയം വെച്ച് ലത ടീച്ചർ രക്ഷിച്ചത് മൂന്ന് ജീവനുകൾ:

സ്വന്തം ജീവൻ പണയം വെച്ച് ലത ടീച്ചർ രക്ഷിച്ചത് മൂന്ന് ജീവനുകൾ:

പെരുവള്ളൂർ: ഇന്നലെ (28-07-2019)തന്റെ വീടിനടുത്തുള്ള കുളത്തിൽ മുങ്ങി താഴ്ന്ന് മരണത്തോട് മല്ലടിക്കുകയായിരുന്ന മൂന്ന് മനുഷ്യ ജീവനുകൾ സ്വന്തം ജീവൻ പണയപ്പെടുത്തി രക്ഷിച്ച ലത ടീച്ചർക്ക് അഭിനന്ദന പ്രവാഹം. പെരുവള്ളൂർ ഇല്ലത്ത് മാട്ടിലാണ് സംഭവം.  സഹോദരി മാരായ സഫറീന, സജ നഷ്റി, ഇവരുടെ കൂട്ടുകാരിയായ റെസ് ല എന്നീ മൂന്നു പെൺകുട്ടികളെയാണ് ലത ടീച്ചർ കുളത്തിലേക്കെടുത്തുചാടി രക്ഷപ്പെടുത്തിയത്.

വിവാഹം കഴിച്ച് ചേലേമ്പ്രയിൽ താമസിക്കുന്ന ടീച്ചർ ശനിയാഴ്ച സ്വദേശമായ പെരുവള്ളൂർ ഇല്ലത്തുമാട്ടിലെ വീട്ടിലേക്ക് വന്നതായിരുന്നു. വീടിന്റെ തൊട്ടടുത്തുള്ള കുളത്തിൽ കുളിക്കാൻ വന്ന സമയത്താണ് മൂന്ന് കുട്ടികൾ കുളത്തിൽ മുങ്ങിത്താഴുന്നത് ശ്രദ്ദയിൽ പെട്ടത്. രക്ഷപ്പെടുത്തലിനിടെ

അവശയായ ടീച്ചറെ അതുവഴി വന്ന  സഹോദരൻ പിടിച്ചു കരക്കെത്തിക്കുകയും കുട്ടികളെ രക്ഷിതാക്കളെ ഏൽപ്പിക്കുകയും ചെയ്തു. ടീച്ചർ തക്ക സമയത്ത് അവസരോചിതമായി പ്രവർത്തിച്ചതിനാൽ നാടിനെ കണ്ണീരിൽ ആഴ്ത്തുമായിരുന്ന വൻ ദുരന്തം ഒഴിവായി. വേങ്ങര അൽ ഇഹ്സാൻ സ്കൂൾ അധ്യാപിയാണ് ലത ടീച്ചർ.

ലത ടീച്ചർക്ക് അഭിനന്ദനങ്ങൾ

കണ്ണമംഗലത്ത് കുളം നന്നാക്കി; ഇനി നീന്താം

കണ്ണമംഗലത്ത് കുളം നന്നാക്കി; ഇനി നീന്താം

കണ്ണമംഗലം:പടപ്പറമ്പിലെ ഇരിങ്ങാലത്തൂർ കുളം കുളിക്കാനും നീന്താനും പറ്റുന്ന തരത്തിലാക്കി. കുളം വലുതാക്കി വൃത്തിയാക്കി ചുറ്റും സുരക്ഷാഭിത്തികളും ഇറങ്ങാനുള്ള പടവുകളും പണിതിട്ടുണ്ട്.

ജില്ലാപഞ്ചായത്ത് സുവർണ ജൂബിലി സ്മാരകമായാണ് കുളം പണിതീർത്തത്. ജില്ലാപഞ്ചായത്ത് പ്രസിഡന്റ് എ.പി. ഉണ്ണികൃഷ്ണൻ ഉദ്ഘാടനംചെയ്തു. പടപ്പറമ്പ് എൽ.പി. സ്‌കൂൾ വിദ്യാർഥികൾക്ക് നീന്തൽ കുപ്പായം വിതരണംചെയ്തു. കുളത്തിൽവെച്ച് നീന്തൽ മത്സരവും നടന്നു. ജില്ലാപഞ്ചായത്തംഗം സലിം കുരുവമ്പലം അധ്യക്ഷനായി. വേങ്ങര ബ്ലോക്ക്പഞ്ചായത്ത് പ്രസിഡന്റ് ചാക്കീരി അബ്ദുൽ ഹഖ്, കണ്ണമംഗലം ഗ്രാമപ്പഞ്ചായത്ത് പ്രസിഡന്റ് കെ.പി. സരോജിനി, പുള്ളാട്ട് സലീം, പൂക്കുത്ത് മുജീബ്, കാമ്പ്രൻ നൗഷാദ്, നെടുമ്പള്ളി സൈത്, ജാഫർ, പുളിക്കൽ അബൂബക്കർ, കൊമ്പത്തിയിൽ റസാഖ് എന്നിവർ പ്രസംഗിച്ചു.

ദാറുൽഖൈർ സമർപ്പണവും ധനസഹായവും

ദാറുൽഖൈർ സമർപ്പണവും ധനസഹായവും

മുട്ടുംപുറം: SYS യൂണിറ്റ് കമ്മറ്റിക്ക് കീഴിൽ നിർമിച്ച ദാറുൽ ഖൈർ താക്കോൽ ദാനവും പാവപ്പെട്ട അഞ്ഞൂറോളം കുടുംബങ്ങൾക്കുള്ള ധന സഹായവും ഇമാം ബൂസ്വൂരി നഗറിൽ നടന്നു 

യൂണിറ്റിലെ സാന്ത്വന പ്രവർത്തകരുടെ നേത്രത്വത്തിൽ ചുരുങ്ങിയ കാലയളവിൽ പണിത ദാറുൽ ഖൈർ ഭവനത്തിന്റെ താക്കോൽ ദാനം, സൗഹ്രദസംഗമത്തിൽ സയ്യിദ് ശിഹാബുദ്ദീൻ ബുഖാരി കടലുണ്ടി നിർവഹിക്കും.വേദിയിൽ രാഷ്ട്രീയ സാംസ്കാരിക സാമൂഹിക രംഗങ്ങളിലെ പ്രമുഖർ സംബന്ധിച്ചു 

SYS സ്റ്റേറ്റ് സെക്രട്ടറി സ്വാദിഖ് മാഷ് വെളിമുക്ക് മുഖ്യ പ്രഭാഷണം നിർവ്വഹിച്ചു 

പരിസരത്തെ പാവപ്പെട്ട അഞ്ഞൂറോളം കുടുബങ്ങൾക് ധന സഹായവും കൈമാറുന്ന സംഗമം സൗഹ്രദ-പങ്ക് വെക്കലിന്റെ പുതിയ ചരിത്രം തുന്നിച്ചേർത്തു 

മൂന്ന് ദിവസങ്ങളിലായി നടന്നു വരുന്ന ഹാഫിള് മസ്ഊദ് സഖാഫിയുടെ പ്രഭാഷണത്തിന്റെ സമാപനം കൂടിയാണ് പ്രസ്തുത സംഗമം.

വാഹനാപകടങ്ങളെ നിസ്സാരവൽക്കരിക്കരുത്: ജില്ലാ പോലീസ് മേധാവി യു.അബ്ദുൽ കരീം

വാഹനാപകടങ്ങളെ നിസ്സാരവൽക്കരിക്കരുത്: ജില്ലാ പോലീസ് മേധാവി യു.അബ്ദുൽ കരീം

വേങ്ങര: മാതാപിതാക്കൾക്ക് മക്കളോടുള്ള സ്നേഹക്കൂടുതൽ ചൂഷണം ചെയ്ത് ലഭ്യമാക്കുന്ന ഇരുചക്രവാഹനങ്ങൾ മൂലമുണ്ടാക്കുന്ന അപകട ദുരന്തങ്ങളെ  നിസ്സാരവൽക്കരിച്ചു കാണരുതെന്ന് ജില്ലാ പോലീസ് മേധാവി ഇ. അബ്ദുൽ കരീം അഭിപ്രായപ്പെട്ടു.നിയമങ്ങൾ നമ്മുടെ സുരക്ഷയുടെ ഭാഗവും അനുസരിക്കാൻ നാം ബാധ്യസ്തരുമാണ്.റോഡപകട ദുരിതമനുഭവിക്കുന്നവർ പോലും വീണ്ടുവിചാരമില്ലാതെ കടുതൽ വിപത്തുകളിൽ അകപ്പെടുമ്പോൾ പോലും നിവാരണ പ്രവർത്തനങ്ങളിൽ തങ്ങളുടെ സംഭാവനകളെ കുറിച്ചു പോലും ഓർക്കുന്നില്ല.റോഡപക നിവാരണ പ്രവർത്തന രംഗത്തെ അംബാസിഡർമാരായി വിദ്യാർത്ഥി സമൂഹം മാറണമെന്നദ്ദേഹം പറഞ്ഞു. അപകടങ്ങൾ സംഭവിച്ച ശേഷമുള്ള പരിചരണത്തേക്കാൾ അപകട രഹിതമായ നാളെക്കു വേണ്ടിയുള്ള റാഫിന്റെ വർഷങ്ങളായ സേവനങ്ങളെ അദ്ദേഹം പ്രകീർത്തിച്ചു.

റോഡ് ആക്സിഡന്റ് ആക് ഷൻ ഫോറം കോളേജ് വിദ്യാർത്ഥികൾക്കായി വേങ്ങര മലബാർ കോളേജ് ആഡിറ്റോറിയത്തിൽ സംഘടിപ്പിച്ച റോഡുസുരക്ഷ സമ്മേളനവുംസെമിനാറും ഉദ്ഘാടനം ചെയ്യുകയായിരുന്നദ്ദേഹം.റാഫ് സംസ്ഥാന പ്രസിഡണ്ട് കെഎം.അബ്ദു അധ്യക്ഷനായി. മാതൃകാ ഡ്രൈവർമാരായ ഷാജിവാഴയിൽ, സൈതലവി, ബീരാൻ കുട്ടി എന്നിവരെ ഫോറസ്റ്റ് അസി. കൺസർവേറ്റർ കെ വി.ഹരികൃഷ്ണൻ പൊന്നാടയും പതക്കവും നൽകി ആദരിച്ചു.വ്യാപാരി വ്യവസായി ഏകോപന സമിതി സെക്രട്ടറി പി.അബദുൽ അസീസു് ഹാജി റോഡുസുരക്ഷാ ലഘുലേഖ പ്രകാശനം ചെയ്തു.മലപ്പുറം സ്പിന്നിംഗ് മിൽ ചെയർമാൻ പാലോളി അബ്ദുൽ റഹിമാൻ രചനാ മത്സര വിജയികൾക്കുള്ള സർട്ടിഫിക്കറ്റുകൾ വിതരണം ചെയ്തു. റാഫ് ജാക്കറ്റു വിതരണവും നടത്തി. വേങ്ങര ബ്ലോക്ക് പഞ്ചായത്തംഗം പി പി.ഹസ്സൻ, എംടി. തയ്യാല, പ്രിൻസിപ്പാൾ പി.അബ്ദുൽ റഷീദ്,റാഫ് മലപ്പുറം ജില്ലാ പ്രസിഡണ്ട് ബി കെ.സൈദ്, നൗഷാദ് മാമ്പ്ര, എംകെ.സൈനുദ്ദീൻ, ബംഗാളത്ത് കുഞ്ഞുട്ടി, കെസി.വേണുഗോപാലൻ, സാബിറ ചേളാരി, പി. നിയാസ് വാഫി, ഏടി.സൈതലവി, സലാം തച്ചറക്കൽ, സിവി. മുത്തു, ടി ഐ കെ.മൊയ്തു എന്നിവർ പ്രസംഗിച്ചു. പോലീസ് ഓഫീസേഴ്സ് അസോസിയേഷൻ സംസ്ഥാന സെക്രട്ടറി വി കെ.പൗലോസ് റോഡുസുരക്ഷാ ക്ലാസ്സെടുത്തു.ബി കെ.സൈയ്ദ് സ്വാഗതവും കെ.അബൂബക്കർ സിദ്ദീക്ക് നന്ദിയും പറഞ്ഞു.

പ്രതിഷേധ പ്രകടനം നടത്തി

പ്രതിഷേധ പ്രകടനം നടത്തി

പറപ്പൂർ: തിരുവനന്തപുരത്ത് എം.എസ് എഫ് നേതാക്കൾക്കെതിരെ നടത്തിയ പോലീസ് നടപടിയിൽ പ്രതിഷേധിച്ച് പഞ്ചായത്ത് മുസ്ലിം ലീഗും പോഷക സംഘടനകളും സംയുക്തമായി പ്രകടനം നടത്തി. സമാപന സംഗമത്തിൽ ടി.പി.അഷ്റഫ് അധ്യക്ഷത വഹിച്ചു. വി.എസ് ബഷീർ, സി.അയമുതു മാസ്റ്റർ, ഇ.കെ.സുബൈർ, ടി. ഹഖ്, മജീദ് മണ്ണിശ്ശേരി, പറമ്പത്ത് മുഹമ്മദ് എന്നിവർ പ്രസംഗിച്ചു.പ്രകടനത്തിന് ടി.പി.നിസാം, ഹാഫിസ്, എ.കെ.ഷഹീം, എ.കെ.ഷരീഫ്, പി.മജീദ്, എ.പി.മൊയ്തുട്ടി ഹാജി, എന്നിവർ നേതൃത്വം നൽകി.

ഫോട്ടോ: പറപ്പൂരിൽ നടന്ന പ്രതിഷേധ പ്രകടനം

ഒടുവിൽ നാരായണന് വൃദ്ധസദനത്തിൽ അഭയം

ഒടുവിൽ നാരായണന് വൃദ്ധസദനത്തിൽ അഭയം

വേങ്ങര:95 വയസ്സായ നാരായണന് അവസാനം വൃദ്ധസദനത്തിൽ അഭയം. ജില്ലാകളക്ടറുടെ പ്രത്യേക ഉത്തരവിലാണ് നാരായണന് തവനൂർ വൃദ്ധസദനത്തിൽ പ്രവേശനം കിട്ടിയത്.

പറപ്പൂർ ഇരിങ്ങല്ലൂരിൽ അവശനിലയിൽ കഴിയുകയായിരുന്ന നാരായണനെ നാട്ടുകാരാണ് തിരൂരങ്ങാടി താലൂക്ക് ആശുപത്രിയിലെത്തിച്ചത്. രണ്ടാഴ്ചയോളമായി ഇവിടെ ചികിത്സയിൽ കഴിയുകയായിരുന്നു. ആശുപത്രിയിൽ സന്നദ്ധപ്രവർത്തക ഷാഹിനയുടെ നേതൃത്വത്തിൽ ഭക്ഷണവും പരിചരണവും ലഭിച്ചു. ഇതോടെ ആരോഗ്യനില വീണ്ടെടുത്ത ഇദ്ദേഹത്തെ മക്കളുടെ സംരക്ഷണത്തിൽ ഏൽപ്പിക്കാൻ ശ്രമിച്ചു. എന്നാൽ മക്കളാരും ഏറ്റെടുക്കാൻ തയ്യാറായില്ല. ഇതോടെ വേങ്ങരയിലെ വിവരാവകാശ പ്രവർത്തകൻ എ.പി.അബൂബക്കർ, പറപ്പൂർ പഞ്ചായയത്തംഗം പി.പി. റിയാസ്, പവിത്രൻ തിരൂരങ്ങാടി, ഷാഹിന ചെമ്മാട് എന്നിവർചേർന്ന് തവനൂർ അഗതിമന്ദിരത്തിലാക്കാൻ ശ്രമിച്ചെങ്കിലും മക്കൾ ജീവിച്ചിരിപ്പുള്ളതിനാൽ പ്രവേശനം ലഭിച്ചില്ല. അവസാനം ജില്ലാകളക്ടറുമായി സംസാരിച്ച്‌ പ്രത്യേക ഉത്തരവ് വാങ്ങിയതോടെയാണ് അഗതിമന്ദിരത്തിൽ പ്രവേശിപ്പിക്കാനായത്.

ദാറുൽഖൈർ സമർപ്പണവും ധനസഹായവും

ദാറുൽഖൈർ സമർപ്പണവും ധനസഹായവും

വേങ്ങര : മുട്ടുംപുറം. SYS യൂണിറ്റ് കമ്മറ്റിക്ക് കീഴിൽ നിർമിച്ച ദാറുൽ ഖൈർ താക്കോൽ ദാനവും പാവപ്പെട്ട അഞ്ഞൂറോളം കുടുംബങ്ങൾക്കുള്ള ധന സഹായവും നാളെ ഇമാം ബൂസ്വൂരി നഗറിൽ നടക്കും.

യൂണിറ്റിലെ സാന്ത്വന പ്രവർത്തകരുടെ നേത്രത്വത്തിൽ ചുരുങ്ങിയ കാലയളവിൽ പണിത ദാറുൽ ഖൈർ ഭവനത്തിന്റെ താക്കോൽ ദാനം, സൗഹ്രദസംഗമത്തിൽ സയ്യിദ് ശിഹാബുദ്ദീൻ ബുഖാരി കടലുണ്ടി നിർവഹിക്കും.വേദിയിൽ രാഷ്ട്രീയ സാംസ്കാരിക സാമൂഹിക രംഗങ്ങളിലെ പ്രമുഖർ സംബന്ധിക്കും.

SYS സ്റ്റേറ്റ് സെക്രട്ടറി സ്വാദിഖ് മാഷ് വെളിമുക്ക് മുഖ്യ പ്രഭാഷണം നിർവ്വഹിക്കും.

പരിസരത്തെ പാവപ്പെട്ട അഞ്ഞൂറോളം കുടുബങ്ങൾക് ധന സഹായവും കൈമാറുന്ന സംഗമം സൗഹ്രദ-പങ്ക് വെക്കലിന്റെ പുതിയ ചരിത്രം തുന്നിച്ചേർകും.

മൂന്ന് ദിവസങ്ങളിലായി നടന്നു വരുന്ന ഹാഫിള് മസ്ഊദ് സഖാഫിയുടെ പ്രഭാഷണത്തിന്റെ സമാപനം കൂടിയാണ് പ്രസ്തുത സംഗമം 

സ്വാഗതസംഘം ചെയർമാൻ. സൈതലവി ഹാജിpp.കൺവീനർ അസ് ലം.ഹമീത് മുസ് ലിയാർ.ഇല്ലിയാസ് എന്നിവർ അറിയിച്ചു.

ഓണത്തിനൊരു മുറം പച്ചക്കറി വിത്ത് വിതരണം ചെയ്തു

ഓണത്തിനൊരു മുറം പച്ചക്കറി വിത്ത് വിതരണം ചെയ്തു

ഊരകം: ഓണത്തിനൊരു മുറം പച്ചക്കറി എന്ന പദ്ധതിയുടെ ഭാഗമായി ഊരകം പഞ്ചായത്ത് തല വിത്ത് വിതരണ ഉദ്ഘാടനം പഞ്ചായത്ത് കൃഷി ഓഫീസർ ഖൈറുന്നീസ നിർവഹിച്ചു. കൊടലിക്കുണ്ട് ഗവ. എൽ. പി. സ്കൂളിലെ മുഴുവൻ വിദ്യാർഥികൾക്കും പച്ചക്കറി വിത്ത് നൽകി. സ്കൂളിലെ ഓണാഘോഷത്തിന് വേണ്ട പച്ചക്കറികൾ വിദ്യാർഥികൾ വീട്ടിൽ തന്നെ കൃഷി ചെയ്തുണ്ട‌ാക്കുകയാണ് പദ്ധതിയുടെ ലക്ഷ്യം. സ്കൂളിലെ ജൈവ വൈവിധ്യ പാർക്ക് ഉപയോഗപ്പെടുത്തി പച്ചക്കറി കൃഷി നടത്തും. ചടങ്ങിൽ സ്കൂൾ ഹെഡ്മിസ്ട്രസ് ജലജ തറയിൽ, സുരേഷ് കുമാർ, നീതു, ഷിഫ എന്നിവർ സംസാരിച്ചു. 

" ഒന്നും ഒന്നും ഇമ്മിണി ബല്യ ഒന്ന് " ബഷീർ കഥാപാത്രങ്ങളെ അനുസ്മരിച്ച് കുരുന്നുകൾ

" ഒന്നും ഒന്നും ഇമ്മിണി ബല്യ ഒന്ന് "

ബഷീർ കഥാപാത്രങ്ങളെ അനുസ്മരിച്ച് കുരുന്നുകൾ

പെരുവള്ളൂർ:

 വിശ്വ സാഹിത്യകാരൻ  വൈക്കം മുഹമ്മദ് ബഷീറിനെ

അനുസ്മരിച്ച് അദ്ദേഹത്തിന്റെ വിഖ്യാത കഥാപാത്രങ്ങളെ കൂട്ടുകാർക്ക് പരിചയപ്പെടുത്തിയും,അവരോട് സല്ലപിച്ചും പാത്തുമ്മയും,ആടും , എട്ടുകാലി മമ്മൂഞ്ഞും,മജീദും, സുഹറയും, ഒക്കെയായി ഒളകര ഗവൺമെൻറ് എൽ പി സ്കൂൾ വിദ്യാർത്ഥികളാണ് ബഷീർ ദിനാചരണം തങ്ങളുടേതാക്കിയത്.

വിദ്യാർത്ഥികൾക്കായി ബഷീർ ദിന ക്വിസ്, ബഷീർ കൃതികളുടെ പ്രദർശനം, ഡോക്യുമെന്ററി പ്രദർശനം എന്നിവയും സംഘടിപ്പിച്ചു.

എച്ച്.എം  എൻ.വേലായുധൻ, അധ്യാപകരായ ശ്രീജ, ഷാജി, ഗ്രീഷ്മ, ത്വയ്യിബ,രാധിക,റജുല എന്നിവർ 

നേതൃത്വം നൽകി.

കുടിവെള്ളം നിഷേധിച്ചാൽ ജനകീയപ്രക്ഷോഭം- ജലനിധി സ്കീംലെവൽ എക്‌സിക്യൂട്ടീവ് കമ്മിറ്റി

കുടിവെള്ളം നിഷേധിച്ചാൽ ജനകീയപ്രക്ഷോഭം- ജലനിധി സ്കീംലെവൽ എക്‌സിക്യൂട്ടീവ് കമ്മിറ്റി

വേങ്ങര:കുടിശ്ശികയായുള്ള 17-ലക്ഷം രൂപ അടച്ചില്ലെന്ന കാരണത്താൽ ജലഅതോറിറ്റി വേങ്ങര പഞ്ചായത്തിൽ ജലവിതരണം മുടക്കിയതിൽ പ്രതിഷേധം. പഞ്ചായത്തിലെ അയ്യായിരത്തോളംവരുന്ന ജലനിധി ഗുണഭോക്താക്കൾക്ക് കുടിവെള്ളം നിഷേധിച്ചാൽ ശക്തമായ ജനകീയപ്രക്ഷോപം നടത്തുമെന്ന് ജലനിധി സ്കീംലെവൽ എക്‌സിക്യൂട്ടീവ് കമ്മിറ്റി ഭാരവാഹികൾ പത്രസമ്മേളനത്തിൽ പറഞ്ഞു.

ജലഅതോറിറ്റി അവകാശപ്പെടുന്നതുപോലെ ജലം വിതരണം ചെയ്തവകയിൽ 17-ലക്ഷം കുടിശ്ശിക അടയ്ക്കാനില്ല.

36 കൊല്ലംമുമ്പ് ജലഅതോറിറ്റി സ്ഥാപിച്ചതും ജലനിധിക്ക് കൈമാറിയതുമായ 20 കിലോമീറ്റർ ദൂരപരിധിയിലുള്ള കാലപ്പഴക്കംചെന്ന പൈപ്പുകൾ പൊട്ടിയുണ്ടായ ചോർച്ചയിലൂടെ പാഴായ ജലത്തിനാണ് വിലയിട്ടത്. ഇതാണ് കുടിശ്ശിക വർധിക്കാൻ കാരണമായത്. മാത്രമല്ല

ജലവിതരണം തുടങ്ങുന്നതിനുമുമ്പ് പരീക്ഷണ പമ്പിങ്, വൃത്തിയാക്കൽ എന്നിവയ്ക്കായാണ് പണം വിനിയോഗിച്ചത്. ഇതിന് പണം നൽകാനാവില്ല.

ഗുണഭോക്താക്കളുടെ റീഡിങ് പരിശോധിച്ച് അതിനുള്ള പണം മാത്രമെ ജലവകുപ്പിലേക്ക് അടയ്ക്കാൻ കഴിയൂ. ഇപ്പോൾ കുടിശ്ശിക ഇനത്തിൽ ഇത്രയുംതുക ആവശ്യപ്പെടുന്നത് ജലഅതോറിറ്റിയും ജലനിധി കമ്മിറ്റിയും തമ്മിലുള്ള കരാറിന് വിരുദ്ധവുമാണെന്നും ഭാരവാഹികൾ പറഞ്ഞു.

പഞ്ചായത്ത് സ്ഥിരംസമിതി ചെയർമാൻ പി.കെ. ഫസൽ, എസ്.എൽ.ഇ.സി. പ്രസിഡന്റ് എൻ.ടി. മുഹമ്മദ് ഷരീഫ്, സെക്രട്ടറി പി. കുഞ്ഞാമു, വൈസ് പ്രസിഡന്റ് ടി.ടി. രായിൻകുട്ടി എന്നിവർ പത്രസമ്മേളനത്തിൽ പങ്കെടുത്തു

ഹജ്ജ് തീർഥാടകർക്ക് കുത്തിവെപ്പ് രണ്ട് നാല് തീയതികളിൽ

ഹജ്ജ് തീർഥാടകർക്ക് കുത്തിവെപ്പ് രണ്ട് നാല് തീയതികളിൽ

മലപ്പുറം ജില്ലയിയിൽ നിന്ന് ഹജ്ജ് കമ്മിറ്റി മുഖേന ഹജ്ജിനു തിരഞ്ഞെടുക്കപ്പെട്ടവർക്ക് കുത്തിവെപ്പ് പോളിയോ തുള്ളിമരുന്ന് വിതരണം എന്നിവക്ക് ഒരുക്കമായി . രണ്ടിനു രാവിലെ പൊന്നാനി ഗവ താലൂക്ക് ആശുപത്രി (പൊന്നാനി) തിരൂർ ജില്ലാ ആശുപത്രി (തിരൂ) കോട്ടപ്പടി ഗവ താലൂക്ക് ആശുപത്രി (മലപ്പുറം) തിരൂരങ്ങാടി ചെമ്മാട് ഗവ താലൂക്ക് ആശുപത്രി (വേങ്ങര )കൊണ്ടോട്ടി ഗവ താലൂക്ക് ആശുപത്രി (കൊണ്ടോട്ടി) അരീക്കോട് ഗവ താലൂക്ക് ആശുപത്രി (ഏറനാട് ) പെരിന്തൽമണ്ണ ഗവ ജില്ലാ ആശുപത്രി (പെരിന്തൽമണ്ണ) നിലമ്പൂർ ഗവ ജില്ലാ ആശുപത്രി (നിലമ്പൂർ വണ്ടൂർ) മഞ്ചേരി മെഡിക്കൽ കോളേജ് (മഞ്ചേരി) എന്നിവിടങ്ങളിലും നാലിന് പൊന്നാനി  (പൊന്നാനി) താലൂക്കാശുപത്രി തവന്നൂർ തിരൂർ ജില്ലാ ആശുപത്രിയിൽ താനൂർ മലപ്പുറം കോട്ടപ്പടി ഗവ താലൂക്ക് ആശുപത്രി കോട്ടക്കൽ തിരൂരങ്ങാടി ചെമ്മാട് ഗവ താലൂക്ക് ആശുപത്രി തിരുരങ്ങാടി കൊണ്ടോട്ടി താലൂക്ക് ആശുപത്രി പെരിന്തൽമണ്ണ ജില്ലാ ആശുപത്രി മങ്കട എന്നിവിടങ്ങളിലും കുത്തിവെപ്പ് നടക്കും

'പറപ്പൂർ ഗ്രാമപഞ്ചായത്തിന്റെ ആദരവ് '

'പറപ്പൂർ ഗ്രാമപഞ്ചായത്തിന്റെ ആദരവ് '

സംസ്ഥാന അവാർഡ് നേടിയ ഇരിങ്ങല്ലൂർ തോണിക്കടവ് കട്ടക്കൽ Ap അഹമ്മദാജി മെമ്മോറിയൽ അങ്കണവാടിക്ക് പറപ്പൂർ ഗ്രാമപഞ്ചായത്തിന്റെ ആദരവ് 

ആറാം വാർഡ് മെമ്പർ Ap ഹമീദിന്റെ  അദ്ധ്യക്ഷതയിൽ നടന്ന ചടങ്ങിൽ  ഗ്രാമ പഞ്ചായത്ത് പ്രസിഡന്റ് പറങ്ങോടത്ത്  മുഹമ്മദ് കുട്ടി നൽകിയ മൊമെന്റൊ അങ്കണവാടി സ്റ്റാഫും ALMS കമ്മിറ്റി അംഗങ്ങളും ചേർന്ന് സ്വീകരിച്ചു .

ICDS സൂപ്പർവൈസർ ഹസീന മാഡം സ്വാഗതം പറഞ്ഞു.

ഹെൽത്ത് ഇൻസ്പെക്ടർ ,

ജൂനിയർ ഹെൽത്ത് ഇൻസ്പെക്ടർ , ഏഴാം വാർഡ് മെമ്പർ റസിയ ടീച്ചർ ആശംസകളർപ്പിച്ചു.

വർക്കർ നിഷ ടീച്ചർ നന്ദി പറഞ്ഞു.

ഓരോ കുട്ടിക്കും പതിപ്പ് വായനാവാരാഘോഷം

ഓരോ കുട്ടിക്കും പതിപ്പ് വായനാവാരാഘോഷം

വേങ്ങര: കൊടലിക്കുണ്ട് ഗവ എൽപി സ്കൂളിൽ സ്കൂളിൽ വായനാ വാരത്തോടനുബന്ധിച്ച് വിവിധ പരിപാടികൾ നടന്നു. അമ്മ വായന, ടീച്ചർ വായന, പ്രകൃതി വായന, ചിത്രവായന, പുസ്തക വായന ആന എന്നിങ്ങനെ എന്നിങ്ങനെ വിവിധ തരം വായനകൾ വിദ്യാർത്ഥികൾക്ക് പരിചയപ്പെടുത്തി. 

വായനക്കുറിപ്പ്, കഥാ പരിചയം, ചിത്രവായന തുടങ്ങിയ വിവിധ ഇനങ്ങൾ ഉൾപ്പെടുത്തി ഓരോ വിദ്യാർത്ഥിയും വായനാദിന പതിപ്പ് തയ്യാറാക്കി. ഓരോ ക്ലാസിലും അക്ഷര മരവും വായന മൂലയും സജ്ജമാക്കി. സ്കൂൾ റേഡിയോയിലൂടെ ക്വിസ് മത്സരവും തെരഞ്ഞെടുത്ത വിദ്യാർത്ഥികൾക്ക് വായനാദിന മെഗാ ക്വിസ് മത്സരവും സംഘടിപ്പിച്ചു. ക്വിസ് മത്സരത്തിൽ മുഹമ്മദ് റൈഹാൻ, ഹയ നൗഷാദ്, സൻഹ എന്നിവർ യഥാകൃമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി. 

രക്ഷിതാക്കൾക്ക് വേണ്ടി സംഘടിപ്പിച്ച വായനാകുറിപ്പ് തയ്യാറാക്കൽ മത്സരത്തിൽ ബായിദ, നസീമ, ഫസീല. സി. എന്നിവർ യഥാകൃമം ഒന്ന്, രണ്ട്, മൂന്ന് സ്ഥാനങ്ങൾ നേടി.

വായനവാരാഘോഷത്തിന്റെ ഉദ്ഘാടനം വാർഡ്മെമ്പർ എം. ടി. അലവി നിർവഹിച്ചു. പി ടി എ പ്രസിഡന്റ് സിദ്ധീഖ് മരക്കാർ മൗലവി അധ്യക്ഷത വഹിച്ചു. പ്രജിത ടീച്ചർ ക്ലാസെടുത്തു. ഹെഡ് മിസ്ട്രസ് ജലജ തറയിൽ, പി ടി എ മെമ്പർമാരായ ഒ.കെ. കുട്ടി, ഗീത, ബുഷ്റ എം, അധ്യാപകരായ സുരേഷ്കുമാർ, മുഹമ്മദ് അസ്കർ, സുഫിയാൻ എന്നിവർ സംസാരിച്ചു.

ഇ- ഹെൽത്ത് പദ്ധതി ചികിത്സ രേഖകൾ ഇല്ലാതെ ഇനി യു.എച്ച്.ഐ.ഡി. കാർഡ് ഉപയോഗിച്ച് ചികിത്സ തേടാം

ഇ- ഹെൽത്ത് പദ്ധതി ചികിത്സ രേഖകൾ ഇല്ലാതെ ഇനി യു.എച്ച്.ഐ.ഡി. കാർഡ് ഉപയോഗിച്ച് ചികിത്സ തേടാം

സംസ്ഥാനത്ത് ആരോഗ്യ സംവിധാനങ്ങൾക്ക് ഊർജ്ജം പകർന്ന് കൊണ്ടിരിയ്ക്കുന്ന ഇ-ഹെൽത്ത് പദ്ധതിയ്ക്ക് എ. ആർ . നാഗർ കടുംബ ആരോഗ്യ കേന്ദ്രത്തിൽ തുടക്കമായി                    ഇതോടെ  ആരോഗ്യ കേന്ദ്രത്തിൽ വരുന്നവർക്ക് ചികിത്സ രേഖകൾ ഇല്ലാതെ UHID കാർഡ് ഉപയോഗിച്ച് ചികിത്സ നേടാൽ സാധിക്കും    ആധാർ ഇ- ഹെൽത്തുമായി ലിങ്ക് ചെയ്ത വർക്കാണ് UHID കാർഡ് നൽകുന്നത് ആരോഗ്യ കേന്ദ്രത്തിൻ എത്തുന്ന ആളുകൾ ആധാർ നമ്പർ റിസപ്ഷനിൽ നൽകിയാൽ UHID കാർഡ് ലഭിയ്ക്കും  ഇതോടെ ആധാർ ലിങ്ക് ചെയ്യുന്ന വ്യക്തിയുടെ ആരോഗ്യ സംബദ്ധമായ എല്ലാ വിവരങ്ങളും രേഖപെടുത്തും , പുകയില ഉപയോഗം മദ്യപാനം തുടങ്ങിയ ശീലങ്ങൾ നേരത്തെ ഉണ്ടായിരുന്ന രോഗവിവരങ്ങൾ, കുടുംബ അംഗങ്ങളുടെ വിവരങ്ങൾ തുടങ്ങി ആരോഗ്യ സംബന്ധിയായ എല്ലാ വിവരങ്ങളും രേഖ പെടുത്തും                                                          ചികിത്സയുമായി ബന്ധപെട്ട പരിശോധന റിപ്പോർട്ടുകൾ, ലബോറട്ടറി, മറ്റ് പരിശോധന ഫലങ്ങൾ എന്നിവ  കാർഡിൽ ഒൺലൈൻ ആയി അപ് റ്റു ഡേറ്റ് ചെയുന്നതാണ്. പദ്ധതി പൂർണ്ണ രീതിയിൽ നടപ്പിലാക്കുന്നതോടെ മെഡിക്കൽ കോളേജ് കൾ അടക്കം ഇ -ഹെൽത്ത് പദ്ധതി ന ട പിലാക്കിയ സ്ഥാപന അളിലേക്ക് ഒ.പി ബുക്ക് ചെയുന്നതിന് വീട്ടിൽ നിന്ന് മൊബൈൽ  ഫോണിലൂടെ ചെയാൻ സാധിക്കും   ഇത് വഴി ഒ.പി യിലെ തിരക്ക് കുറക്കുന്നതിനും ഗുണമേൻമയുള്ള ചികിത്സ ഉറപാകുന്ന തിനും കഴിയും                                                                         എ.ആർ നഗറിൽ പരിപാടിയുടെ ഉൽഘാടനം  ആരോഗ്യസ്ഥിരം സമിതി അദ്ധ്യക്ഷ നഫീസ്സ ടീച്ചർക്ക് UHID കാർഡ് നൽകി കൊണ്ട് പഞ്ചായത്ത് പ്രസിഡന്റ് സുബൈദ കുപ്പേരി ഉൽഘാടനം ചെയ്തു. പഞ്ചായത്ത് വൈസ് പ്രസിഡന്റ് റിയാസ് കല്ലൻ അദ്ധ്യക്ഷതവഹിച്ചു സ്ഥിരം സമിതി അംഗങ്ങളായ ലിയാക്കത്ത് അലി , റുഖിയ ടീച്ചർ, മെഡിക്കൽ ഒഫീസ്സർ ഡോ.ജി സാന്ദ്ര, ഹെൽത്ത് ഇൻസ്പെക്ടർ പി. മുഹമ്മദ് ,വാർഡ് മെമ്പർമാരായ കമ്മുണ്ണി ഹാജി, ജംഷീന ഇഖ്ബാൽ, കുഞ്ഞീവി, സഹ്റ ,എം.അബ്ദുൽ അസീസ്എന്നിവർ സംസാരിച്ചു

സ്കൂൾ ലൈബ്രറിയിലേക്ക് പുസ്തകം നൽകി

സ്കൂൾ ലൈബ്രറിയിലേക്ക് പുസ്തകം നൽകി 

വലിയോറ : എം സ് ഫ് കേരള സംസ്ഥാന കമ്മറ്റിയുടെ അക്ഷര സമ്മാനം പദ്ധതിയുടെ ഭാഗമായി അടക്കാപുര യൂണിറ്റ് എം സ് ഫ് കമ്മറ്റി വലിയോറ ഈസ്റ്റ്‌ എ എം യൂ പി സ്കൂളിലെ ലൈബ്രറിയിലേക്ക് പുസ്തകം നൽകി.യൂണിറ്റ് എം സ് ഫ് പ്രസിഡന്റ്‌ അഫ്സൽ എ കെ ഹെഡ്മാസ്റ്റർ മോളി ടീച്ചർക്ക് പുസ്തകം കൈമാറി. ജില്ലാ എം സ് ഫ് സെക്രട്ടറി നബീൽ മാഷ്,കെ സ് ടി യൂ വേങ്ങര സബ്ജില്ലാ സെക്രട്ടറി സമീർ മാഷ്, വേങ്ങര പഞ്ചായത്ത് എം സ് ഫ് ഉഭാധ്യക്ഷൻ ഇബ്രാഹിം അടക്കാപുര,എ എം യൂ പി സ്കൂൾ സ്റ്റാഫ് സെക്രട്ടറി സോമനാഥൻ മാഷ്,ലൈബ്രറി ഇൻചാർജ് പവിത്രൻ മാഷ്, അലി അൻസാർ എ കെ, സഫ്‌വാൻ ഇ പി, ഷബീബ് മോയൻ, അദ്നാൻ,ഹാഷിം സി,നസീബ്, നബീബ് തുടങ്ങിയവർ പങ്കെടുത്തു.

ലഹരിക്കെതിരെ ആയിരത്തൊന്ന് കയ്യൊപ്പുകൾ സമാഹരിച്ച് ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾ

ലഹരിക്കെതിരെ ആയിരത്തൊന്ന് കയ്യൊപ്പുകൾ

സമാഹരിച്ച് ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾ

പെരുവള്ളൂർ: ജൂൺ 26 അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് 1001 കയ്യൊപ്പുകൾ സമാഹരിച്ച്  ലഹരി വിരുദ്ധദിന സന്ദേശം നൽകി ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾ മാതൃകയായി.ലഹരി വിരുദ്ധ ദിനത്തോട് ഐക്യദാർഢ്യം പ്രഖ്യാപിച്ച്  രക്ഷിതാക്കളും,

നാട്ടുകാരുമടക്കം നിരവധി പേർ

ഒപ്പുചാർത്താനെത്തി.ഹെഡ്മാസ്റ്റർ എൻ.വേലായുധൻ  ഉദ്ഘാടനം ചെയ്തു.പുകയൂർ

അങ്ങാടിയിൽ വെച്ച് വിദ്യാലയത്തിലെ പാർവ്വതി നന്ദ

എന്ന വിദ്യാർത്ഥിനി ലഹരി വിരുദ്ധ ദിന പ്രഭാഷണം നടത്തി.

അധ്യാപിക ടിന്റു ലഹരി വിരുദ്ധ ദിന പ്രതിജ്ഞ ചൊല്ലിക്കൊടുത്തു.അധ്യാപകരായ സോമരാജ്, അനീഷ് , രക്ഷിതാക്കളായ സൈതലവി, ബഷീർ കാവോടൻ എന്നിവർ പ്രസംഗിച്ചു.പി.കെ ഷാജി, ജംഷീദ് എന്നിവർ നേതൃത്വം നൽകി.

വായിച്ചു വളർന്നവർ മഴത്തുള്ളികളായി ക്യാമ്പസിൽ പെയ്തിറങ്ങി

വായിച്ചു വളർന്നവർ മഴത്തുള്ളികളായി ക്യാമ്പസിൽ പെയ്തിറങ്ങി

വേങ്ങര: വേങ്ങര മലബാർ കോളേജിലേക്ക് രാവിലെ ഗേറ്റ് കടന്നുവന്ന കോളേജ് ബസിൽ നിന്ന് തോളിൽ തോർത്തുമുണ്ടും കയ്യിൽ കാലൻ കുടയും പിടിച്ച് ഇറങ്ങുന്ന പുതിയ പഠിതാക്കളെക്കണ്ട്  ന്യൂജൻ വിദ്യാർഥികൾ അമ്പരന്നു .രണ്ടാം കുട്ടിക്കാലത്തിന്റെ  നിഷ്കളങ്കമായ  ചിരികളോടെ കാലൻ കുട കുത്തിപിടിച്ച്  അവർ കോളേജ് സെമിനാർ ഹാളി ലേക്ക്  നടന്നു .കോളേജ് എൻ .എസ് .എസ് യൂണിറ്റ് സംഘടിപ്പിച്ച  'മഴത്തുള്ളികൾ ' മൺസൂൺ ഫെസ്റ്റിലെ അതിഥിതികളായും ,മത്സരാർത്ഥികളായും എത്തിച്ചേർന്നതായിരിന്നു അവർ .വീടും പേരും വയസ്സും ചോദിച്ച് വളണ്ടിയർമാർ അവർക്ക് ചുറ്റും കൂടി .കോളേജിലെ ഭാഷാസമിതിയുടെയും തിരൂരങ്ങാടി താലൂക്ക് ലൈബ്രറി കൗസിലിന്റെയും വേങ്ങര സായം പ്രഭ ഹോമിന്റെയും  സഹകരണത്തോടെ നടത്തിയ  വയോജന സൗഹൃദ വായന മത്സരത്തിൽ എല്ലാ കാരണവന്മാരും വളരെ ഉത്സാഹത്തോടെ പങ്കെടുത്തു. തുടർന്നു നടന്ന 'മഴയോർമ്മ പങ്കുവെക്കൽ'  അനുഭവങ്ങളുടെ കെട്ടഴിക്കലായിരുന്നു. വറുതിയുടെയും  ചേമ്പില ചൂടിയതിന്റെയും വെള്ളപ്പൊക്കത്തിന്റെയുമൊക്കെ ഓർമ്മകൾ പങ്കുവെച്ച് അവർ ചിരിപ്പിച്ചും കരയിപ്പിച്ചും  ചിന്തിപ്പിച്ചഉം  ഗൃഹാതുരത്വത്തിന്റെ തീചൂളയിലേക്ക് വളണ്ടിയർമാരെയും അധ്യാപകരെയും കൈ പിടിച്ച് നടത്തി. സൗഹൃദ വായന മത്സരത്തിൽ ശങ്കരൻ ടി. പി, ഭാസകരൻ വി, എന്നിവർ യഥാക്രമം ഒന്ന് , രണ്ട് സ്ഥാനങ്ങളും അബു ഹാജി, അബ്ദുറഹ്മാൻ ഹാജി എന്നിവർ മൂന്നാം സ്ഥാനവും കരസ്ഥമാക്കി. തുടർന്ന് നടന്ന 'വായന മഴ' സെഷൻ പി.എസ്.എം.ഒ കോളേജിലെ മലയാള വിഭാഗം അസിസ്റ്റന്റ് പ്രൊഫസർ ശരീഫ്.പി ഉദ്‌ഘാടനം ചെയ്തു. കോളേജ് പ്രിൻസിപ്പൽ ഡോ. യു. സൈതലവി അധ്യക്ഷത വഹിച്ചു. മാനേജർ അബ്ദുൽ മജീദ് മണ്ണിശ്ശേരി, മാനേജ്‌മെന്റ് കമ്മിറ്റി അംഗം അലി അക്ബർ പി.കെ, ലൈബ്രറി കൗണ്സില് താലൂക്ക് സെക്രട്ടറി സോമനാഥൻ മാസ്റ്റർ, എൻ.എസ് .എസ് പ്രോഗ്രാം ഓഫിസർ സി. അബ്ദുൽ ബാരി, ഭാഷ സമിതി കോഡിനേറ്റർ ജിഷ.പി, മുഹമ്മദ് അലി ടി, സുജിത് മാസ്റ്റർ, ഇബ്രാഹീം അടക്കാപുര, സൽമാനുൽ ഫാരിസ് തുടങ്ങിയവർ പ്രസംഗിച്ചു.

ഊരകം മമ്പീതി മർകസിൽ നേർച്ചയ്ക്ക് തുടക്കം

ഊരകം മമ്പീതി മർകസിൽ നേർച്ചയ്ക്ക് തുടക്കം

തിരൂരങ്ങാടി:ഊരകം മമ്പീതി മർകസിൽ നടക്കുന്ന സി.എം. വലിയുല്ലാഹി ആണ്ടുനേർച്ചയ്ക്കും മർകസ് വാർഷികത്തിനും തുടക്കം. സയ്യിദ് ജലാലുദ്ദീൻ പതാക ഉയർത്തി. അബ്ദുൾഖാദർ അഹ്‌സനി, അബ്ദുഹാജി വേങ്ങര, എ.പി. അബ്ദുഹാജി, കുഞ്ഞീൻഹാജി, മജീദ് ചാലിൽകുണ്ട്, പി. അബൂബക്കർ ഹാജി, പി.ഐ. അബ്ദുറഹ്‌മാൻ ഹാജി, പി.ഐ. കുഞ്ഞാലൻ മുസ്‌ലിയാർ, കെ.ടി. അബ്ദുറഹ്‌മാൻ, പി. അലവിഹാജി, സാലിം സഖാഫി, അബ്ദുൽബാരി അഹ്‌സനി തുടങ്ങിയവർ പങ്കെടുത്തു.

അബ്ദുൾഖാദർ അഹ്‌സനി അനുസ്മരണ പ്രഭാഷണം നടത്തി. ബുധനാഴ്ച രാവിലെ ഇ. സുലൈമാൻ ഉസ്താദിന്റെ പ്രാർത്ഥനയോടെ ചടങ്ങുകൾ ആരംഭിക്കും. പേരോട് അബ്ദുറഹ്‌മാൻ സഖാഫി മുഖ്യപ്രഭാഷണം നടത്തും. ഉച്ചയ്ക്ക് ഒരുമണിക്ക് ആരംഭിക്കുന്ന അന്നദാനത്തോടെ നേർച്ച സമാപിക്കും.

വായനാദിനത്തിൽ 'വായനാ ഗ്രാമം' പദ്ധതിയുമായി ഗവൺമെൻറ് എൽ പി സ്കൂൾ ഒളകര

വായനാദിനത്തിൽ  'വായനാ ഗ്രാമം' പദ്ധതിയുമായി ഗവൺമെൻറ് എൽ പി സ്കൂൾ ഒളകര

പെരുവള്ളൂർ: വായനാ ദിനത്തിൽ വായനാ ഗ്രാമം എന്ന ആശയത്തിലൂടെ രക്ഷിതാക്കളെക്കൂടി വായനയുടെ ലോകത്തേക്കാനയിക്കുന്ന  നവീന പദ്ധതിക്ക് തുടക്കമിട്ട് ഗവൺമെൻറ് എൽ പി സ്കൂൾ ഒളകര യിലെ വിദ്യാർത്ഥികൾ മാതൃകയാകുന്നു. വിദ്യാലയത്തിനു സമീപ പ്രദേശങ്ങളിലെ വീടുകൾ വായനശാലകൾ ആയി സജ്ജീകരിച്ച് അയൽപക്ക വായന എന്ന സമ്പ്രദായത്തിലൂടെ

വായനയെ  പ്രോത്സാഹിപ്പിക്കുക എന്നതാണ് ഈ പദ്ധതിയിലൂടെ ഉദ്ദേശിക്കുന്നത്. സമീപസ്ഥ വീടുകളിൽ നിന്നും നിന്നും വ്യക്തികളിൽ നിന്നും  പുസ്തകങ്ങൾ ശേഖരിച്ച്  വിദ്യാലയത്തിലെ ലൈബ്രറി വിപുലീകരിക്കുക എന്നതും  ഇതിന്റെ ലക്ഷ്യമാണെന്ന്  പ്രധാനധ്യാപകൻ  എൻ. വേലായുധൻ പറഞ്ഞു .വായന ഗ്രാമം പദ്ധതിയുടെ ഉദ്ഘാടനം പെരുവള്ളൂർ പഞ്ചായത്ത് വൈസ് പ്രസിഡണ്ട് ശ്രീ എം കെ വേണുഗോപാൽ വീട്ടുടമസ്ഥ ശ്രീമതി ഹബീബക്ക് പുസ്തകങ്ങൾ നൽകിക്കൊണ്ട് നിർവ്വഹിച്ചു . പിടിഎ പ്രസിഡണ്ട് പി പി സൈദ് മുഹമ്മദ്, അദ്ധ്യാപകരായ സോമരാജ് പാലക്കൽ, സദഖത്തുള്ള പെരുവള്ളൂർ, ടിൻറു .ജെ, എന്നിവർ പരിപാടിക്ക് നേതൃത്വം നൽകി.വായനയോടുള്ള താൽപര്യം പ്രകടിപ്പിച്ചു കൊണ്ട് നിരവധി രക്ഷിതാക്കൾ പരിപാടി യിൽ പങ്കെടുത്തു.

തോട്ടശ്ശേരിയറ എ.എം.എൽ.പി സ്കൂൾ സംഘടിപ്പിച്ച രക്ഷാകർതൃ സംഗമം

തോട്ടശ്ശേരിയറ എ.എം.എൽ.പി സ്കൂൾ സംഘടിപ്പിച്ച രക്ഷാകർതൃ സംഗമം

തോട്ടശ്ശേരിയറ എ.എം.എൽ.പി സ്കൂളിൽ സംഘടിപ്പിച്ച രക്ഷാകർതൃ സംഗമം

വേങ്ങര ബ്ലോക് പഞ്ചായത്ത് പ്രസിഡണ്ട് ചാക്കീരി അബ്ദുൽ ഹഖ് ഉദ്ഘാsനം നിർവഹിച്ചു.

ഉന്നത വിജയം നേടിയ 5 LSS ജേതാക്കൾക്കും, സ്കൂളിന്റെ 

പൂർവ വിദ്യാർത്ഥികളായ 

USS,SSLC,+2 ഫുൾ എ പ്ലസ്  ജേതാക്കൾക്കും ഉപഹാരങ്ങൾ  നൽകി അനുമോദിച്ചു.

ഉപഹാര സമർപ്പണം ഉദ്ഘാടകനും വാർഡ് മെമ്പർ പി.ഇ ഷരീഫ നടത്തി.

  രക്ഷിതാക്കൾക്കായുള്ള ബോധവൽക്കരണ ക്ലാസ്,

മലപ്പുറം ഡയറ്റ് സീനിയർ ലക്ചറർ പി. മുഹമ്മദ് മുസ്ഥഫ നയിച്ചു .

  സേവന വഴിയിൽ പുതു പാത തെളിച്ച പേങ്ങാട്ടുകുണ്ടിൽ പറമ്പ് വിക്ടറി ക്ലബ് ആവിഷ്ക്കരിച്ച ,നിർദ്ദന കുട്ടികൾക്കായുള്ള സൗജന്യ  ആരോഗ്യ പദ്ധതിയുടെ പ്രഖ്യാപനം, ക്ലബ് സെക്രട്ടറി ബിജീഷ്.NP നടത്തി.

കുട്ടികൾക്കായുള്ള  ഐ ഡി കാർഡ് വിതരണ ഉൽഘാടനം പഞ്ചായത്ത് മെമ്പർ, പള്ളിയാളി അബ്ദുറഹിമാൻ നിർവ്വഹിച്ചു.

 PTA പ്രസിഡണ്ട് പി ഇ രായിൻ മുഹമ്മദ് അദ്ധ്യക്ഷതയിൽ ചേർന്ന യോഗത്തിൽ 

സീനിയർ അസിസ്റ്റൻറ് ബോബി ടീച്ചർ സ്വാഗതം പറഞ്ഞു.

ഹെഡ്മാസ്റ്റർ കെ വി ഹബീബ് മാസ്റ്റർ റിപ്പോർട്ട് അവതരിപ്പിച്ചു.

പുതിയ PTA കമ്മിറ്റി ഭാരവാഹികളായി

പി.ഇ രായിൻ മുഹമ്മത് (പ്രസിഡണ്ട്)

എൻ പി ബിജീഷ് (വൈസ് പ്രസിഡണ്ട്)

സുചിത്ര കെ(എം ടി എ പ്രസിഡണ്ട്)

ജുമൈലത്ത്(എം ടി എ വൈസ് പ്രസിഡണ്ട്)

എന്നിവരെ തെരഞ്ഞെടുക്കപ്പെട്ടു.

പി.പി ശംസുദ്ദീൻ മാസ്റ്റർ,കെ സൈനുദ്ദീൻ മാസ്റ്റർ ആശംസകൾ നേർന്നു.

സ്റ്റാഫ് സെക്രട്ടറി ടി.കെ ഷാനി ടീച്ചർ നന്ദി പറഞ്ഞു

വായന വാരാഘോഷം സജീവമാക്കി വില്ലേജ് ഓഫീസർ

വായന വാരാഘോഷം സജീവമാക്കി വില്ലേജ് ഓഫീസർ 

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂളിലെ ഈ വർഷത്തെ വായനവാരാഘോഷം തുടങ്ങി. ഉദ്ഘാടന പരിപാടിയിൽ ഏ.ആർ നഗർ വില്ലേജ് ഓഫീസർ എ .എസ്. മുഹമ്മദിന്റെ ശേഖരത്തിലെ 160 ഓളം പ്രധാന്യമുള്ള പഴയ പത്രങ്ങളുടെ പ്രദർശനം നടന്നു.

നൂറ്റാണ്ടിലധികം പഴക്കമുള്ള പത്രങ്ങൾ മുതൽ പുതിയ വാർത്തകൾ വരെ ശേഖരത്തിലുണ്ട്. 

പ്രദർശനത്തിന്റെ ഉദ്ഘാടനം ഹെഡ്മാസ്റ്റർ പി.ബി അനിൽകുമാർ ഉദ്ഘാടനം ചെയ്തു. ഡെപ്യൂട്ടി എച്ച് എം .ബേബി ജോൺ, സംഗീത പി., സ്മിത എസ്, ജോഷിത്ത് പി. എന്നിവർ സംബന്ധിച്ചു.

വില്ലേജ് ഓഫീസർക്കുള്ള ഉപഹാരം ഹെഡ്മാസ്റ്റർ കൈമാറി.

വാരാഘോഷത്തോടനുബന്ധിച്ച് ക്വിസ് മത്സരം, വായന മത്സരം തുടങ്ങിയ പരിപാടികളും സംഘടിപ്പിക്കുന്നുണ്ട്

രാജ്യത്ത് വർധിച്ചുവരുന്ന തീവ്രവാദ പ്രവർത്തനത്തിനെതിരെ പണ്ഡിതർ ഒറ്റക്കെട്ടായി പ്രതികരിക്കണം വികെ കുഞ്ഞാലൻകുട്ടി പ്രസിഡണ്ട് വേങ്ങര ഗ്രാമപഞ്ചായത്ത്

രാജ്യത്ത് വർധിച്ചുവരുന്ന തീവ്രവാദ പ്രവർത്തനത്തിനെതിരെ പണ്ഡിതർ ഒറ്റക്കെട്ടായി പ്രതികരിക്കണം വികെ കുഞ്ഞാലൻകുട്ടി പ്രസിഡണ്ട് വേങ്ങര ഗ്രാമപഞ്ചായത്ത്

വേങ്ങര : നമ്മുടെ രാജ്യത്ത് വർദ്ധിച്ചുവരുന്ന തീവ്രവാദ പ്രവർത്തനത്തിനുo മറ്റ് വിധ്വംസക പ്രവർത്തനത്തിനുമെതിരെ പണ്ഡിതർ സംഘടനാ പരമായ അഭിപ്രായ വ്യത്യാസമോ ആദർശപരമായ ഭിന്നതയോ തടസ്സമാവാത്ത വിധത്തിൽ ഒറ്റക്കെട്ടായി പോരാടണമെന്നും യുവ സമൂഹത്തെ ബോധവൽക്കരിക്കുന്ന കാര്യത്തിൽ പണ്ഡിതന്മാർക്കുള്ള പങ്ക് വലുതാണെന്നും അവരെ നേരായ മാർഗത്തിലേക്ക് നയിക്കാൻ ഇതുപോലെയുള്ള ഖുർആൻ പoന ക്ലാസ്സിലൂടെ നിരന്തരം സമൂഹത്തെ ബോധവൽക്കരണം നടത്തണമെന്നും  അദ്ദേഹ o തൻ്റെ പ്രസംഗത്തിൽ ചൂണ്ടിക്കാട്ടി. വളർന്നുവരുന്ന തലമുറയെ മൂല്യനിരാസത്തിൻ്റെയും ലഹരിയുടെയും അടിമകളായി മാറ്റാതെ നേരായ മാർഗ്ഗത്തിൽ നയിക്കുന്നതിന് പണ്ഡിതന്മാർക്കുള്ള പങ്ക് വലുതാണ്. വേങ്ങര എസ് വൈ എസ് ഖുർആൻ പഠന കേന്ദ്രത്തിലെ പഠിതാക്കളുടെ കുടുംബത്തിൽ നിന്ന് ഉന്നത വിജയം കരസ്ഥമാക്കിയ വിദ്യാർത്ഥികൾക്കുള്ള അനുമോദന ചടങ്ങിൽ പങ്കെടുത്തുകൊണ്ട് സംസാരിക്കുകയായിരുന്നു അദ്ദേഹം. കോഴിക്കോട് വലിയ ഖാളി അബ്ദുൽ നാസർ ഹയ്യ് ശിഹാബ് തങ്ങൾ യോഗം ഉദ്ഘാടനം ചെയ്തു . എസ്  വൈ എസ് സംസ്ഥാന സെക്രട്ടറി അബ്ദുൽ ഹമീദ് ഫൈസി അമ്പലക്കടവ് മുഖ്യപ്രഭാഷണം നടത്തി.  എസ് വൈ എസ് മണ്ഡലം സെക്രട്ടറി അബ്ദുൽ ഖാദർ ഫൈസി കുന്നുംപുറം, വേങ്ങര എസ് വൈ എസ് ഖുർആൻ പഠന കേന്ദ്രം ഡയറക്ടർ ഉസ്താദ് മുസ്ഥഫ ഫൈസി വടക്കുമുറി, കൺവീനർ ഇ വി അബ്ദുസ്സലാം, വേങ്ങര റേഞ്ച്  മാനേജ്മെൻറ് സെക്രട്ടറി കെപി കുഞ്ഞിമോൻ ഹാജി ,ഡോക്ടർ പി പി അബ്ദുല്ല ,ടി അൻവർ സാദിഖ് എന്നിവർ പ്രസംഗിച്ചു.

വീടെന്നു നാം വിളിക്കുന്ന കൽചുമരുകളുടെ നാനാർത്ഥങ്ങൾ

വീടെന്നു നാം വിളിക്കുന്ന 

കൽചുമരുകളുടെ നാനാർത്ഥങ്ങൾ

റോസ് മാനർ അഗഥികൾക്കൊരു വീട് വലിയോറ മനാട്ടിപ്പറമ്പ്

ദുരിതമനുഭവിക്കുന്ന സ്ത്രീകൾക്കു വേണ്ടിയുള്ള സ്ഥാപന

കേന്ദ്ര സർക്കാരിന്റെ ഗ്രാന്റ് നഷ്ടമായതോടെ സാബത്തികമായി വളരെയതികം ബുദ്ധിമുട്ട് അനുഭവിക്കുന്ന ഈ സ്ഥാപനത്തിനെ ആരുടെയെങ്കിലും ഒരു സഹായം കിട്ടിയാൽ ഇവർക്കത് വലിയ ആശ്വാസം നൽകും 

കാരണം എന്തൊക്കെയായാലും  ഇവർക്കു നേരെ കണ്ണsക്കാൻ വയ്യ ആലംഭമർഹിക്കുന്നവർക്ക്  ഒരു അത്താണിയാണ് റോസ് മാനർ

പുറത്തു നിന്ന്  കേട്ടതിലും എത്രയോ വ്യത്യസ്തമായിരുന്നു മതിൽ കൊണ്ട് മറഞ്ഞു കിടക്കുന്ന റോസ് മാനറിലെ വിശേഷങ്ങളും അവസ്ഥകളും

കേന്ദ്ര സർക്കാരിന്റെ ഗ്രാന്റോടെ പ്രവർത്തിച്ചിരുന്ന ഈ സ്ഥാപനം എതാനും വർഷങ്ങളായി അത് ഇല്ലാതെയാണ് ഇപ്പോ മുന്നോട്ട് പോയി കൊണ്ടിരിക്കുന്നത്

വീട് എന്നത് ഒരു ബിൽഡിങ്ങിനപ്പുറത്തേക്ക് പലതുമായ ഇടങ്ങളായതിനാലാണ്  നമുക്ക് വീട്ടിലെത്തുമ്പോൾ ആശ്വാസവും, വീട് വിട്ട് പോവുമ്പോൾ ഗ്രഹാതുരത്വവും, ഹോം സിക്ക്നസും ഒക്കെ അനുഭവപ്പെടുന്നത്. പക്ഷെ പതിനഞ്ച് വർഷത്തോളം പഴക്കമുള്ള റോസ് മാനർ എന്ന സ്ത്രീ റീഹാബിലിറ്റേഷൻ സെന്റർ ഒരു പാട് പേർക്ക് പുതു ജീവിതത്തിന്റെയും പുതു അഡ്രസ്സിന്റെയും ചുരുക്കപ്പേരാണ് 

ഗാർഹിക പീഡനം അനുഭവിച്ചവരും, തെരുവോരങ്ങളിൽ അനാഥരാക്കപ്പെട്ടവരും, സമൂഹത്തിൽ പുറം തള്ളപ്പെട്ടവരും, അച്ഛന്റെ കുഞ്ഞിനെ ഗർഭം ചുമന്നവരുമെല്ലാമടക്കം പലരും പല കാലങ്ങളിലായി ഇതു വഴി പുനധിവാസ  യാത്ര ചെയ്‌തവരാണ്.

ഇവിടെ വന്ന് വളർന്ന് കല്യാണം കഴിച്ചു പോയവർക്കും പ്രശ്നങ്ങൾക്ക് പരിഹാരം നേടി ജീവിതത്തിലേക്ക് തിരിച്ചു പോയവർക്കുമൊക്കെ ഇന്ന് റോസ് മാനർ ഒരു തറവാട് ആണ്. 

രാത്രിയിൽ അച്ഛന്റെ വരവിനെ ഭയന്നു കഴിയുന്ന ഒരിടത്തെ 'വീട് 'എന്ന് എങ്ങനെ വിളിക്കാം.?

ജീവിച്ച കാലമത്രയും അച്ഛനെയും,അമ്മയെയും തിരഞ്ഞ കുട്ടിയുടെ സ്വപ്‍നങ്ങളിലെ വീടിന്റെ രൂപം എങ്ങനെയായിരിക്കും.?

ജനലും വാതിലും കുറ്റിയിട്ടെന്നുറപ്പ് വരുത്തിയിട്ടും സുരക്ഷിതത്വം ഉറപ്പ് വരാത്തവരുടെ വീടിനെ വീടെന്നു വിളിക്കാമോ...?

വിവിധ കാരണങ്ങൾ കൊണ്ട് ജീവിതത്തിന്റെ താളം നഷ്ടപ്പെട്ട് ദുരിതമനുഭവിക്കുന്ന സ്ത്രീകൾക്കും കുട്ടികൾകക്കും വേണ്ടിയുള്ള ഒരിടത്താവളമാണ് ഈ ഷോർട്ട് സ്റ്റേ ഹോം

ഇവിടേക്കക്ക് സഹായങ്ങൾ നൽകാൻ താല്പര്യമുള്ളവർ ബന്ധപ്പെടേണ്ട നമ്പർ

9526458537

സ്കൂളുകൾ കേന്ദ്രീകരിച്ച് നടക്കുന്ന അനധികൃത കച്ചവടം അവസാനിപ്പിക്കുക

സ്കൂളുകൾ കേന്ദ്രീകരിച്ച് നടക്കുന്ന അനധികൃത കച്ചവടം അവസാനിപ്പിക്കുക

സ്കൂളുകൾ കേന്ദ്രീകരിച്ച് നടക്കുന്ന നോട്ടുബുക്ക് യൂണിഫോം ബാഗ് പേന എന്നിവ അനധികൃതമായി വില്പന നടത്തുന്നത് എത്രയും പെട്ടെന്ന് അവസാനിപ്പിക്കണമെന്ന് യോഗം ആവിശ്യപ്പെട്ടു പഞ്ചായത്ത് ലൈസൻസ് ജിഎസ് ടി എന്നിവ എടുത്ത് കച്ചവടം നടത്തുമ്പോൾ ഇവ ഒന്നും ഇല്ലാതെ ഗവൺമെന്റിന് വലി നഷ്ടം വരുത്തുകയും ചെയ്യുന്ന ഈ കച്ചവടം എത്രയും പെട്ടെന്ന് നിർത്തണമെന്ന് വേങ്ങര മണ്ഡലം വ്യാപാരിവ്യവസായി ഏകോപന സമിതി സെക്രട്ടറിയേറ്റ് യോഗം ആവശ്യപ്പെട്ടു .

 മണ്ഡലം പ്രസിഡണ്ട് കെ കെ എസ് തങ്ങൾ അധ്യക്ഷത വഹിച്ചു ജനറൽ സെക്രട്ടറി എം കെ സൈനുദ്ദീൻ ഹാജി വേങ്ങര സ്വാഗതം പറഞ്ഞു കെ കെ എം അശ്റഫ് തങ്ങൾ വികെ പടി,ഗഫൂർ കൊളപ്പുറം,മജീദ് അച്ചനമ്പലം എന്നിവർ സംസാരിച്ചു ഭാസ്ക്കരൻ നന്ദിയും പറഞ്ഞു

കോഴിമാലിന്യ സംസ്‌കരണപ്ലാന്റ് മാറ്റിസ്ഥാപിക്കാനാവശ്യപ്പെട്ട് സൂചനാ പ്രധിഷേധ മാർച്ച്

കോഴിമാലിന്യ സംസ്‌കരണപ്ലാന്റ് മാറ്റിസ്ഥാപിക്കാനാവശ്യപ്പെട്ട് സൂചനാ പ്രധിഷേധ മാർച്ച് | vengara |

https://youtu.be/Rmi5yfjWuUk

സംസ്ഥാന അവാർഡിന്റെ കിരീടവും ചൂടി പന്ത്രണ്ടാം വയസ്സിലേക്ക്

സംസ്ഥാന അവാർഡിന്റെ കിരീടവും ചൂടി 

പന്ത്രണ്ടാം വയസ്സിലേക്ക് 

പറപ്പൂർ ഗ്രാമപഞ്ചായത്ത് ആറാം വാർഡ് ഇരിങ്ങല്ലൂർ തോണിക്കടവ് കട്ടക്കൽ 

'Ap അഹമ്മദാജി' മെമ്മോറിയൽ അംഗൻവാടി ഇന്ന് പന്ത്രണ്ടാം വാർഷികമാഘോഷിക്കുകയാണ്..., ഉച്ചക്ക് രണ്ട് മണിക്ക് കുട്ടികളുടെ കലാപരിപാടികളോടെ തുടങ്ങുന്ന ആഘോഷ ചടങ്ങിൽ, 

വൈകിട്ട് 4 മണിക്ക് നടക്കുന്ന പൊതുപരിപാടിയിൽ ഗ്രാമ പഞ്ചായത്ത് പ്രസിഡന്റ്, വാർഡ് മെമ്പർമാർ ,മറ്റ് സാമൂഹ്യ സാംസ്കാരിക, രാഷ്ട്രീയ രംഗത്തെ പ്രമുഖർ, A.L.M.S കമ്മിറ്റി അംഗങ്ങൾ ,ഗ്രാമ പഞ്ചായത്തിലെ മുഴുവൻ അംഗൻവാടി വർക്കേഴ്സ്, ഹെൽപ്പേഴ്സ്, PHC ജീവനക്കാർ ,

പൂർവ്വ വിദ്യാർത്ഥികൾ നാട്ടുകാർ പങ്കെടുക്കും

സംസ്ഥാന അവാർഡ് നേടിയ ഈ ഹൈടെക് അംഗൻവാടി 

(A/c) കഴിഞ്ഞ വർഷം മുതൽ ആറാം വാർഡ് മെമ്പർ Ap ഹമീദ് 12 ലക്ഷം രൂപ മുടക്കി സ്വന്തം ചിലവിൽ നിർമിച്ച് നൽകിയ കെട്ടിടത്തിലാണ് പ്രവർത്തിക്കുന്നത്

വേങ്ങര പോലീസ് സ്റ്റേഷന് സ്വന്തം കെട്ടിടം

വേങ്ങര പോലീസ് സ്റ്റേഷന് സ്വന്തം കെട്ടിടം

വേങ്ങര: കുടിയിറക്ക് ഭീക്ഷണിയിലായ വേങ്ങര മാതൃകാ പൊലിസ് സ്റ്റേഷന് അല്പമാശ്വാസം .സ്വന്തംകെട്ടിടമൊരുക്കുന്നതിന്ഭൂമിയായി. ധന ആഭ്യന്തര വകുപ്പുകൾ കനിഞ്ഞാൽ മാസങ്ങൾക്കുള്ളിൽ ഇനി സ്വന്തം  കെട്ടിടവും നിലവിൽ വരും. ഭൂമി സംബന്ധമായ രേഖകൾ ജില്ലാ കലക്ടർ ജില്ലാ പൊലിസ് മേധാവി യ്ക്ക് കൈമാറി.കമ്യൂണിറ്റി ഹെൽത്ത് സെന്റർ പരിസരത്ത് മൃഗസംരക്ഷണ വകുപ്പിന്റെ കീഴിലുള്ള ഭൂമിയിൽ  25 സെന്റാണ്  കെട്ടിടത്തിനായി വിട്ടു നൽകിയിട്ടുള്ളത്.2006 മുതൽ മലപ്പുറം പരപ്പനങ്ങാടി സംസ്ഥാന പാതയോട് ചേർന്ന് ചേറൂർ റോഡ് പരിസരത്താണ് സ്റ്റേഷൻ പ്രവർത്തിച്ച് വരുന്നത്. ഉടമ നൽകിയ ഹരജിയെ തുടർന്ന് ജൂൺ 29നകം സ്റ്റേഷൻ മാറ്റി സ്ഥാപിക്കണമെന്ന് ഹൈക്കോടതി ഉത്തരവിടുകയും ചെയ്തിരുന്നു.ഇതേ തുടർന്ന് അഡ്വക്കറ്റ് കെ എൻ എ ഖാദർ എൽ എ നിയമസഭയിൽ ഉന്നയിച്ച സബ്മിഷനെ തുടർന്നും  നിരന്തര ഇടപെടലുകളെ തുടർന്നുമാണ് നടപടി വേഗത്തിലായത്.ഭൂമി വിട്ടുകിട്ടുന്ന മുറയ്ക്ക് കെട്ടിട നിർമ്മാണം തുടങ്ങുമെന്ന് മുഖ്യമന്ത്രി സഭയെ അറിയിച്ചിരുന്നു. കെട്ടിട നിർമ്മാണത്തിനായി ബജറ്റിൽ 7 കോടി വകയിരുത്തുകയും ചെയ്തിട്ടുണ്ട്.1977ലാണ് വേങ്ങരയിൽ കച്ചേരിപ്പടി ആസ്ഥാനമായി പൊലിസ് സ്റ്റേഷൻ സ്ഥാപിക്കുന്നത്.1986 ൽ ചേറൂർ റോഡ് ജംക് ഷനിലേക്ക് മാറ്റി സ്ഥാപിക്കുകയും 2006  നിലവിലുള്ള സ്വകാര്യ വ്യക്തിയുടെ കെട്ടിടത്തിൽ പ്രവർത്തിച്ച് വരികയുമാണ്. സ്വന്തമായി ഭൂമി അനുവദിച്ചു കിട്ടുന്നതിലുണ്ടായ താമസമാണ് 42 കൊല്ലം വാടകയ്ക്ക് പ്രവർത്തിക്കാനിടയാക്കിയത്. ഭൂമി അളന്ന് തിട്ടപ്പെടുത്തുന്നതിന് 

തിരുരങ്ങാടിതാലൂക്ക് സർവേയർ എ എ പ്രവീൺ, ചെയിൻ മാൻ സിബി അനുരാജ്, എസ് ഐ പ്രദീപ് കെ.ഒ, എ എസ് ഐ കൃഷ്ണമണി, സി പി ഒ മാരായ സി അരുൺകുമാർ, പി രഞ്ജിത്ത്, എം എൽ എ യുടെ പ്രതിനിധി പഞ്ചിളി അസീസ് എന്നിവർ നേതൃത്വം നൽകി

”ഓരോ തുള്ളി ചോരയിലും ഒരായിരംപേർ ഉയരുന്നു” രക്തദാനക്യാമ്പ് സംഘടിപ്പിച്ചു

https://youtu.be/m0P0U35hGG4

ഓരോ തുള്ളി ചോരയിലും ഒരായിരംപേർ ഉയരുന്നു” രക്തദാനക്യാമ്പ്  സംഘടിപ്പിച്ചു

രാജ്യ പുരസ്കാർ ക്യാംപ് സമാപിച്ചു

രാജ്യ പുരസ്കാർ ക്യാംപ് സമാപിച്ചു

കേരള സ്കൗട്ട് ആന്റ് ഗൈഡ്സ് സംസ്ഥാന തലത്തിൽ സംഘടിപ്പിക്കുന്ന തിരൂരങ്ങാടി വിദ്യാഭ്യാസ ജില്ലാ തല ത്രിദിന രാജ്യ പുരസ്കാർ

ടെസ്റ്റിംഗ് ക്യാമ്പ് കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കകന്ററി സ്കൂളിൽ ഇന്ന് സമാപിച്ചു .ജില്ലയിലെ വിവിധ സ്കൂളുകളിൽ നിന്നുള്ള 500 ഓളം കുട്ടികൾ ക്യാമ്പിൽ  പങ്കെടുക്കുന്നു.  ഫസ്റ്റ് എയ്ഡ് പരിശോധന, കൂടാര നിർമ്മാണം, ക്യാമ്പ് ഫയർ എന്നിവ നടന്നു. 

ജില്ലാ സെക്രട്ടറി സി വി.അരവിന്ദൻ , ജില്ലാ ഓർഗനൈസിംഗ് കമ്മീഷണർ എ.എ.നവീൻ , എൻ സുപ്രിയ, ഇ. ശംസുദ്ധീൻ ,എ അനുസ്മിത, ടി.എം ഉഷ, ശോഭന പൂളക്കുത്ത്, ടി. സ്മിത, മുഹമ്മദ് ഖാസിം, ഹിദായത്തുള്ള, അൻവർ കളിയത്ത് എന്നിവർ നേതൃത്വം നൽകി. 

പ്രളയ ദുരിതർക്ക് കൈത്താങ്ങായി വേങ്ങര വ്യാപാരിവ്യവസായി ഏകോപനസമിതി

പ്രളയ ദുരിതർക്ക് കൈത്താങ്ങായി വേങ്ങര വ്യാപാരിവ്യവസായി ഏകോപനസമിതി

പ്രളയത്തിൽ വീട് നഷ്ടപ്പെട്ട കുടുംബത്തിന്  കേരള വ്യാപാരി വ്യവസായി ഏകോപനസമിതി വേങ്ങര യൂണിറ്റ് നിർമിച്ച വീട് കുടുംബത്തിന് കൈമാറുന്ന ചടങ്ങ് എപ്രിൽ 27 ന് ശനിയാഴ്ച രാവിലെ 10 മണിക്ക് പറപ്പൂർ പഞ്ചായത്തിലെ ഇല്ലിപ്പിലാക്കൽ കുറും കുളത്ത് വെച്ച് നാട്ടിലെ ജനപ്രതിനിധികളുടെയും, കേരള വ്യാപാരി വ്യവസായി ഏകോപന സമിതി പ്രതിനിധികളുടെയും, രാഷ്ട്രീയ ,സാമൂഹ്യ, മത, സാംസ്കരിക നേതാക്കളുടെയും പൗരപ്രമുഖരുടെയും സാന്നിദ്ധ്യത്തിൽ വെച്ച് കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി.നസ്റുദ്ദീൻ നിർവ്വഹിക്കുന്നു.

10 ലക്ഷം രൂപ ചിലവിൽ 98 ദിവസം കൊണ്ടാണ് പണി പൂർത്തികരിച്ചതെന്ന് യൂണിറ്റ് ഭാരവാഹികൾ  വാർത്താ സമ്മേളനത്തിൽ പറഞ്ഞു.

 

 വേങ്ങര ,ഊരകം ,പറപ്പൂർ എന്നീ പഞ്ചായത്തിൽ നിന്ന് 13 അപേക്ഷകരിൽനിന്ന് അർഹതപ്പെട്ട ഒരാളെ തിരഞ്ഞെടുത്താണ് വീട് നിർമ്മിച്ചു നൽകിയത്.

 വാർത്താസമ്മേളനത്തിൽ   KVVES വേങ്ങര യൂണിറ്റ് ജന:സെക്രട്ടറി അസീസ് ഹാജി , മണ്ഡലം ജന:സെക്രട്ടറി M. K സെനുദ്ദീൻ ഹാജി ,ട്രഷറർ മൊയ്തീൻ, പ്രസിഡൻറ് കുഞ്ഞീതുട്ടി ഹാജി,യൂത്ത് വിംഗ് പ്രസിഡന്റ് യാസർ അറഫാത്ത്, CHമുഹമ്മ ദാജി.റഷീദ്  K. R കുഞ്ഞുമുഹമ്മദ് എന്നിവർ വാർത്താസമ്മേളനത്തിൽ പങ്കെടുത്തു.

മുതുകില്‍ കയറി പോസ്റ്ററൊട്ടിക്കല്‍ കുഞ്ഞുങ്ങളെ ആദരിച്ച് കുഞ്ഞാലിക്കുട്ടി

മുതുകില്‍ കയറി പോസ്റ്ററൊട്ടിക്കല്‍ കുഞ്ഞുങ്ങളെ ആദരിച്ച് കുഞ്ഞാലിക്കുട്ടി

മലപ്പുറം: മലപ്പുറത്ത് മുസ്ലിംലീഗിനായി തെരഞ്ഞെടുപ്പ് പ്രചരണം നടത്തുന്നതിനിടയില്‍ ഒരാളുടെ മുതുകില്‍ ചവിട്ടിക്കയറി പോസ്‌റ്റൊടിച്ച കുഞ്ഞുങ്ങളെ മുസ്ലിം ലീഗ് നേതാവ് പി.കെ കുഞ്ഞാലിക്കുട്ടി ആദരിച്ചു. കുഞ്ഞാലിക്കുട്ടിയുടെ കാരാത്തോട്ടെ വീട്ടില്‍വെച്ചായിരുന്നു കുഞ്ഞുങ്ങളെ ആദരിച്ചത്.

കുഞ്ഞുങ്ങള്‍ തെരഞ്ഞെടുപ്പ് ച്രപരണത്തിന്റെ ഭാഗമായി വീടിന്റെ മുമ്പിലുള്ള മതിലിലാണ് പോസ്‌റ്റൊറൊട്ടിക്കാനെത്തിയത്. പി.കെ കുഞ്ഞാലിക്കുട്ടിക്ക് വോട്ടഭ്യര്‍ത്ഥിച്ചുള്ള പോസ്റ്ററുകളാണ് കുട്ടികള്‍ പതിച്ചത്. തുടര്‍ന്ന് ഇവരുടെ പ്രചരണ ഫോട്ടോ സോഷ്യല്‍ മീഡിയയില്‍ വൈറലാവുകയായിരുന്നു. ഇതു ശ്രദ്ധയില്‍പെട്ട കുഞ്ഞാലിക്കുട്ടി കുട്ടികളെ അഭിനന്ദിക്കുമെന്നും ഫേസ്ബുക്കിലൂടെ അറിയിച്ചിരുന്നു. ‘ഹൃദയം തുറന്ന് ഇവരെ അഭിനന്ദിക്കുന്നു. ഇവരെയൊന്നു നേരില്‍കാണാനും ഞാന്‍ ആഗ്രഹിക്കുന്നു.’കുഞ്ഞാലിക്കുട്ടി ഫേസ്ബുക്കില്‍ കുറിച്ചു. തുടര്‍ന്ന് ഇന്ന് കുഞ്ഞുങ്ങളെ ആദരിക്കുകയായിരുന്നു. കുട്ടികള്‍ക്ക് കെ.എം.സി.സിയുടെ വക സൈക്കിളും സമ്മാനമായി നല്‍കി.

കുട്ടികളുടെ സമര്‍പ്പണ ബോധവും ആത്മാര്‍ത്ഥതയും കണ്ട് അവരെ അഭിനന്ദിക്കുകയായിരുന്നുവെന്ന് കുഞ്ഞാലിക്കുട്ടി മാധ്യമങ്ങളോട് പറഞ്ഞു. നാളഎ ഏതെങ്കിലും തരത്തിലുള്ള പ്രശ്‌നങ്ങള്‍ ഉണ്ടാവുമ്പോള്‍ സമര്‍പ്പണ ബോധത്തോടെ മുന്നിട്ടിറങ്ങുവാന്‍ ഇവര്‍ക്ക് കഴിയും. ഇത് സമൂഹത്തിന് മാതൃകയാണെന്നും അതിനെ താന്‍ പ്രോല്‍സാഹിപ്പിക്കുകയാണെന്നും കുഞ്ഞാലിക്കുട്ടി വ്യക്തമാക്കി.

മലപ്പുറത്തെവി.പി സാനുവിന് വേണ്ടി വോട്ടഭ്യര്‍ഥിച്ച് നടന്‍ പ്രകാശ് രാജ്

മലപ്പുറത്തെവി.പി സാനുവിന് വേണ്ടി വോട്ടഭ്യര്‍ഥിച്ച് നടന്‍ പ്രകാശ് രാജ്

മലപ്പുറം: മലപ്പുറം ലോക്സഭാ മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി വി പി സാനുവിന് വേണ്ടി വോട്ടഭ്യര്‍ഥിച്ച് നടന്‍ പ്രകാശ് രാജ്. ചില സ്ഥാനാര്‍ത്ഥികളെ തനിക്ക് പിന്തുണയ്ക്കേണ്ടതുണ്ടെന്നും അത്തരത്തില്‍ ഒരാളാണ് വിദ്യാര്‍ത്ഥി പ്രസ്ഥാനത്തില്‍ നിന്ന് രൂപപ്പെട്ടുവന്ന വി പി സാനുവെന്നും പ്രകാശ് രാജ് പറയുന്നു. രാജ്യത്തിന് ഇപ്പോള്‍ ആവശ്യമുള്ളത് ശക്തവും സത്യസന്ധവുമായ യുവശബ്ദങ്ങളാണെന്നും. ഈ ലോക്സഭാ തെരഞ്ഞെടുപ്പില്‍ ബംഗളൂരു സെന്‍ട്രല്‍ മണ്ഡലത്തില്‍ നിന്ന് ജനവിധി തേടുന്ന സ്വതന്ത്ര സ്ഥാനാര്‍ത്ഥി കൂടിയാണ് നടന്‍ പ്രകാശ് രാജ്.

ചില സ്ഥാനാര്‍ത്ഥികളെ എനിക്ക് പിന്തുണയ്ക്കേണ്ടതുണ്ട്. തെരഞ്ഞെടുപ്പില്‍ വിജയിക്കുന്നതും പരാജയപ്പെടുന്നതും നമ്മള്‍ ജനങ്ങളാണെന്ന് മനസിലാക്കേണ്ടതുണ്ട്. ശരിയായ സ്ഥാനാര്‍ത്ഥിയെ തിരഞ്ഞെടുക്കുമ്പോഴാണ് നമ്മള്‍ വിജയിക്കുന്നത്. അത്തരത്തിലുള്ള ഒരു യുവ സ്ഥാനാര്‍ത്ഥിയുണ്ട്, മലപ്പുറം മണ്ഡലത്തില്‍ നിന്ന് മത്സരിക്കുന്ന വി പി സാനു. വിദ്യാര്‍ത്ഥി പ്രസ്ഥാനത്തില്‍ നിന്ന് രൂപപ്പെട്ടുവന്ന ആളാണ് അദ്ദേഹം. ഒരു യുവശബ്ദം. നമ്മുടെ രാജ്യം ഇപ്പോള്‍ ആവശ്യപ്പെടുന്നതും ശക്തവും സത്യസന്ധവുമായ യുവശബ്ദങ്ങളാണ്. സാനുവിന് എല്ലാ വിജയങ്ങളും ആശംസിക്കുന്നു. കേരളത്തിലെ ജനങ്ങള്‍ ശരിയായതിനെ തിരഞ്ഞെടുക്കുമെന്ന് എനിക്ക് ഉറപ്പുണ്ട്’, പ്രകാശ് രാജിന്റെ വാക്കുകള്‍.

ഇത്തവണത്തെ ഇടത് സ്ഥാനാര്‍ത്ഥികളില്‍ ഏറ്റവും പ്രായം കുറഞ്ഞ (30) വി പി സാനുവിന് മലപ്പുറത്തെ മുഖ്യ എതിരാളി പി കെ കുഞ്ഞാലിക്കുട്ടിയാണ്. ബാലസംഘം മുതല്‍ പ്രവര്‍ത്തന പാരമ്പര്യമുള്ള സാനു നിലവില്‍ എസ് എഫ് ഐ അഖിലേന്ത്യാ പ്രസിഡന്റാണ്.

ബംഗളുരു സെന്‍ട്രല്‍ മണ്ഡലത്തില്‍ സ്വതന്ത്ര സ്ഥാനാര്‍ത്ഥിയായി മത്സരിക്കുന്ന പ്രകാശ രാജിന് ഇടതുപക്ഷത്തിന്റെ പിന്തുണയുണ്ട്. പ്രകാശ് രാജിന് അംആദ്മി പാര്‍ട്ടിയും പിന്തുണ പ്രഖ്യാപിച്ചിട്ടുണ്ട്. കഴിഞ്ഞ തവണത്തെ തിരഞ്ഞെടുപ്പില്‍ നാല്‍പ്പതിനായിരത്തോളം വോട്ട് നേടിയ ആം ആദ്മി പാര്‍ട്ടിയും പ്രകാശ് രാജിന്റെ സ്ഥാനാര്‍ത്ഥിത്വത്തെ സ്വാഗതം ചെയ്തിരുന്നു.എന്നാല്‍ പ്രകാശ്രാജിന്റെ സ്ഥാനാര്‍ത്ഥിത്വത്തെ അംഗീകരിക്കാതെ കോണ്‍ഗ്രസ് അവിടെ സ്വന്തം സ്ഥാനാര്‍ത്ഥികളെ നിര്‍ത്തുകയാണ് ചെയ്തത്.

ജനകീയ ഫുട്ബോളിന് രാജകീയ പരിസമാപ്തി

ജനകീയ ഫുട്ബോളിന് രാജകീയ പരിസമാപ്തി

കുറ്റൂർ നോർത്ത് ജനകീയ കൂട്ടായ്മ സംഘടിപ്പിച്ച രണ്ടാമത് സെവൻസ് ഫുട്ബോൾ ടൂർണ്ണമെന്റ് സമാപിച്ചു.ഓപ്പൺ, അണ്ടർ18 വിഭാഗങ്ങളിലായി 32 ഓളം ടീമുകൾ മത്സരിച്ചു. 

PTL ക്രഷർ സ്പോൺസർ ചെയ്ത B6 കറുപ്പത്തും  ഗാലക്സി പടപ്പറമ്പും വിജയികളായി. 

നാട്ടിലെ എല്ലാ ക്ലബ്ബുകളും സംയുക്തമായി നേതൃത്വം നൽകിയ ടൂർണ്ണമെന്റ് സംഘാടനത്തിലും അച്ചടക്കത്തിലും മികച്ച് നിന്നു..

കുറ്റൂർ നോർത്ത് KMHSS ഫ്ലഡ് ലൈറ്റ് മൈതാനിയലാണ് കളി നടന്നത്. സമാപന സമ്മേളനം കെ.പി.ഹുസൈൻ ഹാജി ഉദ്ഘാടനം ചെയ്തു. എ ആർ നഗർ കോ-ഓപറേറ്റീവ് ബാങ്ക് പ്രസിഡന്റ് അബ്ദുല്ലത്തീഫ് , കെ .ടി.ആലസൻകുട്ടി, സണ്ണി കടുക്കാമൂട്ടിൽ, ഷാഫി പി,  കെ.കെ.മൊയ്തീൻ കുട്ടി എന്നിവർ പങ്കെടുത്തു. അസ്‌ലം കെ.പി.എം സ്വാഗതവും സി.വി.മുഹമ്മദലി നന്ദിയും പറഞ്ഞു.

സി വി യാസിർ, അജ്മൽ എം.വി, ജോഷിത്ത് പി., ഹബീബ് കെ. അരിക്കൻ കുഞ്ഞിമുഹമ്മദ്, പെരിങ്ങാടൻ അബ്ദുൽ മജീദ്, ദുർഗ്ഗാദാസ് കെ.പി,  കുരിക്കൾ മുഹമ്മദ് എന്നിവർ നേതൃത്വം നൽകി

പിഡിപി മലപ്പുറം പാര്‍ലമെന്‍റ് മണ്ഡലം സ്ഥാനാർത്ഥി നിസാര്‍ മേത്തര്‍ വേങ്ങരമണ്ഡലം തല പര്യാടനം നടത്തി

പിഡിപി മലപ്പുറം പാര്‍ലമെന്‍റ് മണ്ഡലം സ്ഥാനാർത്ഥി നിസാര്‍ മേത്തര്‍ വേങ്ങരമണ്ഡലം തല പര്യാടനം നടത്തി 

വേങ്ങര : മണ്ഡലം തല പര്യാടനത്തിന്‍റെ രണ്ടാം  ഘട്ട പ്രചരണത്തിന്‍റെ ഭാഗമായി

 ഊരകം , പറപ്പൂര്‍ , ഒതുക്കുങ്ങല്‍ എന്നീ  പഞ്ചായത്തുകളിലെ വിവിധ സ്ഥലങ്ങളില്‍ വോട്ടര്‍മാരെ നേരില്‍ കണ്ട് വോട്ട് അഭ്യർത്ഥിച്ചു .

ആനുകാലിക രാഷ്ട്രീയമാണ് പിഡിപി സ്ഥാനാർത്ഥി ജനങ്ങള്‍ക്ക് മുൻമ്പാകെ ചര്‍ച്ചയാക്കുന്നത് . മണ്ഡലത്തിലെ പരമാവധി വോട്ടര്‍മാരെ നേരില്‍ കണ്ട് പിന്തുണ ഉറപ്പാക്കുന്നതില്‍ അദ്ദേഹം  വ്യാപൃതനായി.പാര്‍ശ്വവല്‍ക്കരിക്കപെട്ടവര്‍ക്കും അരുക് വത്കരിക്കപെട്ടവര്‍ക്കും വേണ്ടിയുള്ള പോരാട്ടമാണ്  തന്‍റെ സ്ഥാനാർത്ഥിത്വമെന്നും ഫാസിസത്തെ കുറിച്ച് രാജ്യം ഒന്നടംഘം ചര്‍ച്ച ചെയ്യുമ്പോള്‍ ഫാസിസത്തിനെതിരെ പോരാട്ടം നയിച്ചതിന്‍റെ പേരിൽ രണ്ട് പതിറ്റാണ്ടായി വിചാരണ തടവുകാരനായി ജയിൽ വാസം അനുഭവിക്കുന്ന അബ്ദുൽ നാസര്‍ മഅ്ദനിയുടെ സ്ഥാനാർത്ഥിയാണ് താനെന്നും അദ്ദേഹം പറഞു .  ജനങ്ങളെ വിഢികളാക്കുന്ന ഇടത് വലത് മുന്നണികളുടെ  രാഷ്ട്രീയ രഹസ്യ  സഖ്യത്തിനെതിരെ യുള്ള പോരാട്ടത്തെ ജനങ്ങള്‍ ഇരുകൈയും നീട്ടി സ്വീകരിക്കുമെന്നും അദ്ദേഹം പറഞു . ഊരകം പഞ്ചായത്തിലെ ചേറൂർ റോഡ് ജംങ്ങ്ഷനില്‍ നിന്ന് രാവിലെ ആരംഭിച്ച പര്യടനം ഒതുക്കുങ്ങലില്‍ സമാപിച്ചു . 

സലാം മൂനിയൂര്‍ ജില്ലാ പ്രസിഡന്റ് , യൂസുഫ് പാന്ത്ര സംസ്ഥാന സെക്രട്ടറി , വഫ പരപ്പനങ്ങാടി ഐ.എസ്‌ എഫ് , അബൂബക്കർ ചോലക്കന്‍ മണ്ഡലം പ്രസിഡന്റ് , മന്‍സൂര്‍ യാറത്തുംപടി മണ്ഡലം സെക്രട്ടറി , ചേക്കു പാലാണി , നസീർ ചെമ്പകശ്ശേരി , അഷ്റഫ്.എ.കെ , ഹമീദ്   ചാലില്‍, ലിംസാദ് മമ്പുറം , അഫ്സൽ മമ്പുറം , പിടി കുഞിമുഹമ്മദ് , നൗഷാദ് .എം.കെ  എന്നിവര്‍ സംസാരിച്ചു.

പണം പാവപ്പെട്ടവര്‍ക്ക് നല്‍കി, കാറ് ഉപേക്ഷിച്ചു, അഹങ്കാരി എന്ന വിളി മാത്രം ബാക്കി;

പണം പാവപ്പെട്ടവര്‍ക്ക് നല്‍കി, കാറ് ഉപേക്ഷിച്ചു, അഹങ്കാരി എന്ന വിളി മാത്രം ബാക്കി;

 കൈപിടിച്ചു നടന്നവര്‍ ഇന്ന് ഒരുപാട് അകലെ; വേദനയോടെ പ്രളയകാല രക്ഷകന്‍ ജെയ്‌സല്‍

താനൂര്‍: പ്രളയകാലത്ത് രക്ഷകനായി എത്തിയ ജെയ്‌സലിനെ നാം മറന്നു കാണില്ല. പാതി മുങ്ങിയ ഇടത്ത് ബോട്ടില്‍ കയറാന്‍ യുവതിയ്ക്ക് മുതുക് ചവിട്ടുപടിയാക്കിയ നന്മ കേരളക്കര ഒന്നടങ്കം വാഴ്ത്തിയതുമാണ്. ഉമ്മാ ധൈര്യമായിട്ട് ചവിട്ടികേറിക്കോളിന്‍ ആ വാക്കുകളിലാണ് ജെയ്‌സലിന്റെ നന്മ കേരളം ഒന്നടങ്കം മനസിലാക്കിയതും ഇടംനെഞ്ചിലേറ്റിയതും. പക്ഷേ ഇപ്പോള്‍ ജെയ്‌സലിന് വേദനകള്‍ മാത്രമാണ് ലഭിക്കുന്നത്. പണം വന്നതില്‍ പിന്നെ കൈപിടിച്ച് നടന്ന സുഹൃത്തുക്കള്‍ ഇന്ന് ഒരുപാട് അകലെയാണെന്ന് ജെയ്‌സല്‍ പറയുന്നു. ഉള്ളിലുള്ള എല്ലാ വേദനകളും ഇപ്പോള്‍ തുറന്ന് പറയുകയാണ് ജെയ്‌സല്‍.‘ലോകമെമ്പാടുമുള്ള മലയാളികള്‍ ഒന്നടങ്കം എന്നെ സ്‌നേഹിക്കുന്നുണ്ട്. പക്ഷേ, സ്‌നേഹിച്ചു കൊണ്ടിരുന്ന പല സുഹൃത്തുക്കളും പ്രളയത്തിന് ശേഷം ശത്രുക്കളായി. നീയിപ്പോള്‍ കോടീശ്വരനായി. ആ അഹംഭാവത്തിലാണ് ഇപ്പോഴത്തെ നിന്റെ ജീവിതമെന്നാണ് സുഹൃത്തുക്കളായി കൈപിടിച്ചു നടന്ന പലരും ഇപ്പോള്‍ എന്നോടു പറയുന്നത്. സത്യം പറഞ്ഞാല്‍ ഞാന്‍ എന്റെ കാര്‍ ഒഴിവാക്കി ബൈക്കിലാണ് പോകുന്നത്. എനിക്കു മറ്റുള്ളവരുടെ അവകാശപ്പെട്ട ഒരു ഉറുപ്പിക പോലും വേണ്ട. എന്റെ കൈയില്‍ കിട്ടുന്ന പണം പാവപ്പെട്ടവര്‍ക്ക് നല്‍കുന്നുണ്ട്. പല മാധ്യമങ്ങളും എനിക്ക് കോടികള്‍ കിട്ടിയെന്ന് വരെ പ്രചരിപ്പിച്ചു’ ജെയ്‌സല്‍ പറയുന്നു.പ്രളകാലത്തെ ആ പ്രവര്‍ത്തനത്തിന് ഏറെ അഭിനന്ദനങ്ങള്‍ ലഭിച്ചിരുന്നു. അതിലൂടെ ലഭിച്ച സഹായം കൊണ്ട് വീട് നന്നാക്കി, മഹീന്ദ്ര ഒരു വണ്ടിയും സമ്മാനിച്ചു, അക്കൗണ്ടില്‍ മൂന്നര- നാലു ലക്ഷം രൂപയും കിട്ടി, അത് പവപ്പെട്ടവരുടെ കല്യാണത്തിനും മറ്റുമായി സഹായങ്ങള്‍ ചെയ്തു. എന്നിട്ടും അഹങ്കാരി എന്ന പേര് മാത്രമാണ് ബാക്കി നില്‍ക്കുന്നതെന്ന് അദ്ദേഹം വേദനയോടെ പറയുന്നു. ഇപ്പോള്‍ എന്റെ അക്കൗണ്ടില്‍ ചില്ലിക്കാശു പോലുമില്ലെന്നതാണ് വാസ്തവമെന്നും ജെയ്‌സല്‍ കൂട്ടിച്ചേര്‍ത്തു.‘ഞാന്‍ ചെയ്തതു ചെറിയൊരു കാര്യം മാത്രമാണ്. ഇതിലും വലിയ സാഹസികപ്രവര്‍ത്തനം നടത്തിയ നിരവധി സുഹൃത്തുക്കളുണ്ട്. ഒരാള്‍ വലിയ കുന്നിന്‍മുകളില്‍ കയറി ഒരു ഗര്‍ഭിണിയെ ചുമന്നു താഴെയെത്തിച്ച അനുഭവം വരെയുണ്ട്. ഇങ്ങനെ, പുറംലോകമറിയാത്ത ഒട്ടേറെ പേരുടെ രക്ഷാദൗത്യമാണ് പ്രളയകാലത്തു താനടക്കമുള്ള ട്രോമ കെയര്‍ പ്രവര്‍ത്തകര്‍ ചെയ്തത്. ജെയ്‌സല്‍ വ്യക്തമാക്കി.‘ഒന്നും ഞാന്‍ എനിക്കു വേണ്ടി ചെയ്തിട്ടില്ല. ചിലര്‍ പ്രചരിപ്പിച്ചത് എനിക്കു 40 ലക്ഷം രൂപ കിട്ടിയെന്നായിരുന്നു. അടുത്തറിയാവുന്നവര്‍ പോലും അങ്ങനെ പറഞ്ഞപ്പോള്‍ വലിയ സങ്കടം തോന്നി. അക്കൗണ്ടില്‍ അഞ്ചു പൈസ പോലുമില്ലാത്തതില്‍ എനിക്കൊരു ദുഃഖവുമില്ല. എനിക്കു പണമോ പദവിയോ വേണ്ട. എന്റെ ആരോഗ്യം നിലനില്‍ക്കുവോളം ഞാന്‍ മറ്റുള്ളവരെ സഹായിക്കാനുണ്ടാവുമെന്നും ജെയ്‌സല്‍ കൂട്ടിച്ചേര്‍ത്തു.

വേങ്ങര മണ്ഡലത്തിലെ വിവിധ സ്ഥലങ്ങളിലെ പ്രചാരണയോഗങ്ങളില്‍ പങ്കെടുത്ത് എസ്ഡിപിഐ സ്ഥാനാർഥി പി അബ്ദുല്‍ മജീദ് ഫൈസി

വേങ്ങര മണ്ഡലത്തിലെ വിവിധ സ്ഥലങ്ങളിലെ പ്രചാരണയോഗങ്ങളില്‍ പങ്കെടുത്ത് എസ്ഡിപിഐ സ്ഥാനാർഥി പി അബ്ദുല്‍ മജീദ് ഫൈസി

മലപ്പുറം: 

വേങ്ങര:- ഫാഷിസത്തെ എതിര്‍ക്കുന്നതില്‍ ഇടതുപക്ഷത്തിനും യുഡിഎഫിനും ആത്മാര്‍ഥതയുണ്ടെങ്കില്‍ ഫഷിസ്റ്റുകള്‍ വിജയിക്കുമെന്ന് സര്‍വേകള്‍ പ്രവചിക്കുന്ന തിരുവനന്തപുരത്തും പത്തനംതിട്ടയിലും പരസ്പര സഹകരണം പ്രഖ്യാപിക്കാന്‍ തയ്യാറാവണമെന്ന് എസ്ഡിപിഐ സംസ്ഥാന പ്രസിഡന്റും മലപ്പുറം ലോക്‌സഭാ മണ്ഡലം സ്ഥാനാര്‍ഥിയുമായ പി അബ്ദുല്‍ മജീദ് ഫൈസി. തിരഞ്ഞെടുപ്പ് പ്രചാരണത്തിന്റെ ഭാഗമായി വേങ്ങര മണ്ഡലത്തിലെ വിവിധ സ്ഥലങ്ങളിലെ പ്രചാരണയോഗങ്ങളില്‍ സംസാരിക്കുകയായിരുന്നു അദ്ദേഹം. തിരുവനന്തപുരത്ത് കോണ്‍ഗ്രസിനെയും പത്തനംതിട്ടയില്‍ എല്‍ഡിഎഫിനെയും രണ്ടാം സ്ഥാനത്തേക്ക് തള്ളി ബിജെപി ജയിക്കുമെന്നാണ് സര്‍വേ പ്രവചനം. ഇതില്ലാതിരിക്കാന്‍ ഇരുമുണണികളും തയ്യാറാവുമോ എന്നതാണ് പ്രധാന ചോദ്യം. തലസ്ഥാനത്ത് ശശി തരൂരിന് വോട്ടുചെയ്യാന്‍ എല്‍ഡിഎഫും പത്തനംതിട്ടയില്‍ വീണാ ജോര്‍ജിന് വോട്ടുചെയ്യാന്‍ യുഡിഎഫും തയ്യാറായാല്‍ മാത്രമേ ഫാഷിസത്തോടുള്ള നിലപാടും എതിര്‍പ്പും ആത്മാര്‍ഥവും സത്യസന്ധതയുള്ളതുമാണെന്ന് ജനങ്ങള്‍ അംഗീകരിക്കുകയുള്ളൂ. എസ്ഡിപിഐ ഇക്കാര്യങ്ങള്‍ മുന്‍കൂട്ടി കണ്ട് രണ്ട് മണ്ഡലങ്ങളിലും സ്ഥാനാര്‍ഥികളെ നിര്‍ത്തിയിട്ടില്ല. ഫാഷിസ്റ്റുകള്‍ ജയിക്കാന്‍ സാധ്യതയുള്ള സ്ഥലങ്ങളിലെല്ലാം സ്ഥാനാര്‍ഥികളെ നിര്‍ത്താതെ കൂടുതല്‍ ജയസാധ്യതയുള്ള സ്ഥാനാര്‍ഥികളെ പിന്തുണയ്ക്കുകയാണ് പാര്‍ട്ടി ചെയ്യാറുള്ളതെന്നും അദ്ദേഹം വ്യക്തമാക്കി. വേങ്ങര മണ്ഡലത്തിലെ പ്രചാരണം മമ്പുറം മഖാമില്‍നിന്നും തുടങ്ങി കണ്ണമംഗലം, വേങ്ങര, ഊരകം, പറപ്പൂര്‍, എന്നിവിടങ്ങളിലൂടെ സഞ്ചരിച്ച് ഒതുക്കുങ്ങലില്‍ പൊതുയോഗത്തോടെ സമാപിച്ചു. പി പി റഫീക്ക്, അരീക്കന്‍ ബീരാന്‍കുട്ടി, പി ഷരീഖാന്‍, കേറാടന്‍ നാസര്‍, കല്ലന്‍ അബൂബക്കര്‍, റഫീഖ് മമ്പുറം, എം അബ്ദുല്‍ ബാരി, വി ബഷീര്‍ എന്നിവരും മജീദ് ഫൈസിയെ അനുഗമിച്ചു.

എൻ.ഡി.എ. സ്ഥാനാർഥി വി. ഉണ്ണിക്കൃഷ്ണൻ വേങ്ങരയിൽ പര്യടനംനടത്തി

എൻ.ഡി.എ. സ്ഥാനാർഥി വി. ഉണ്ണിക്കൃഷ്ണൻ വേങ്ങരയിൽ പര്യടനംനടത്തി

വേങ്ങര:മലപ്പുറം ലോക്‌സഭാമണ്ഡലം എൻ.ഡി.എ. സ്ഥാനാർഥി വി. ഉണ്ണിക്കൃഷ്ണൻ തിങ്കളാഴ്ച വേങ്ങര മണ്ഡലത്തിൽ പര്യടനംനടത്തി. വേങ്ങരയിലെ വിവിധ കവലകളിലായിരുന്നു വോട്ടഭ്യർഥന.

രാവിലെ എ.ആർ. നഗർ പഞ്ചായത്തിലെ കൊടുവായൂർ അങ്ങാടിയിൽനിന്ന് തുടങ്ങി. എം. പ്രേമൻ ഉദ്ഘാടനംചെയ്തു. മമ്പുറം, പുകയൂർ, ചെണ്ടപ്പുറായ, തീണ്ടേക്കാട്, വേങ്ങര പഞ്ചായത്തിലെ കുറ്റൂർ, കൂരിയാട്, ചേറ്റിപ്പുറമാട്, വേങ്ങര അങ്ങാടി, പറപ്പൂർ പഞ്ചായത്തിലെ കാട്ട്യേക്കാവ്, കുളത്തുപറമ്പ്, ഒതുക്കുങ്ങൽ, വേങ്ങര സിനിമാഹാൾ പരിസരം, ഊരകം പഞ്ചായത്തിലെ പഞ്ചായത്തുപടി എന്നിവിടങ്ങളിലെ പര്യടനത്തിനുശേഷം കാരാത്തോട് സമാപിച്ചു.

ബി.ജെ.പി. സംസ്ഥാന സെക്രട്ടറി അഡ്വ. എ.കെ. നസീർ, അഡ്വ. എൻ. അരവിന്ദൻ, പി. സുബ്രഹ്മണ്യൻ, ചന്ദ്രൻ മണ്ഡലത്ത്, സി.എം. സുകുമാരൻ എന്നിവർ സ്ഥാനാർഥിയെ അനുഗമിച്ചു. വി.എൻ. ജയചന്ദ്രൻ, ടി. ജനാർദ്ദനൻ, കെ.എം. ശിവദാസൻ, സി.എം. സുധീഷ്, വി. ഉണ്ണിക്കൃഷ്ണൻ എന്നിവർ വിവിധ കവലകളിൽ പ്രസംഗിച്ചു.

വോട്ടുചോദിച്ച് കുഞ്ഞാലിക്കുട്ടിയുടെ പര്യടനം

വോട്ടുചോദിച്ച് കുഞ്ഞാലിക്കുട്ടിയുടെ പര്യടനം

വേങ്ങര:മലപ്പുറം ലോക്‌സഭാമണ്ഡലം സ്ഥാനാർഥി പി.കെ. കുഞ്ഞാലിക്കുട്ടി തിങ്കളാഴ്ച വേങ്ങര മണ്ഡലത്തിൽ തിരഞ്ഞെടുപ്പ് പര്യടനം നടത്തി. എം.എൽ.എ. ആയിരുന്നകാലത്ത് മണ്ഡലത്തിൽ നടപ്പിലാക്കിയ വികസനപ്രവർത്തനങ്ങൾ എണ്ണിപ്പറഞ്ഞും ഇന്ത്യയിൽ രാഹുലിന്റെ കരങ്ങൾക്ക് ശക്തിപകരാൻ വോട്ടഭ്യർഥിച്ചുമായിരുന്നു പര്യടനം.

രാവിലെ ഊരകം കാരാത്തോട്ടിൽനിന്ന് പര്യടനം ആരംഭിച്ചു. പാണക്കാടി സയ്യിദ് സാദിഖലി ശ്ഹാബ് തങ്ങൾ ഉദ്ഘാടനംചെയ്തു. കണ്ണമംഗലം പഞ്ചായത്തിലെ ചേറൂർ അടിവാരം, അച്ചനമ്പലം, എരണിപ്പടി, തോട്ടശ്ശേരിയറ എന്നിവിടങ്ങളിലെത്തി വോട്ടഭ്യർഥിച്ചു.

എ.ആർ. നഗർ പഞ്ചായത്തിലെ പുതിയത്ത് പുറായ, പാലമടത്തിൽചിന, പുകയൂർ, പുകയൂർ കുന്നത്ത്, വി.കെ. പടി താഴെ, വി.കെ. പടി ദേശീയപാത, ചെണ്ടപ്പുറായ, ഇരുമ്പുചോല, വെട്ടം എന്നിവിടങ്ങളിലെ പര്യടനത്തിനുശേഷം മമ്പുറത്ത് സമാപിച്ചു.

കെ.എൻ.എ. ഖാദർ എം.എൽ.എ, ജില്ലാപഞ്ചായത്ത് പ്രസിഡന്റ് എ.പി. ഉണ്ണിക്കൃഷ്ണൻ, കെ.പി.സി. അംഗം പി.എ. ചെറീത്, പി.കെ. കുഞ്ഞു, യു.ഡി.എഫ്. ചെയർമാൻ റഹീം, കാടേങ്ങൽ അസീസ്ഹാജി, കല്ലൻ റിയാസ്, ടി.കെ. മൊയ്തീൻകുട്ടി, സതീഷ് എറമങ്ങാട്ട്, പൂങ്ങാടൻ ഇസ്മായിൽ, പി.കെ.സിദ്ദിഖ് എന്നിവർ സ്ഥാനാർഥിയെ അനുഗമിച്ചു. കെ. ഗിരീഷ് കുമാർ, പി.കെ. അസ്‌ലു, എ.കെ. നസീർ തുടങ്ങിയവർ വിവിധ സ്ഥലങ്ങളിൽ പ്രസംഗിച്ചു.

ഇത്തവണത്തെ തിരഞ്ഞെടുപ്പ് ലീഗിനൊരു ഷോക്ക് ട്രീറ്റ്‌മെന്റ് -വി.പി. സാനു

ഇത്തവണത്തെ തിരഞ്ഞെടുപ്പ് ലീഗിനൊരു ഷോക്ക് ട്രീറ്റ്‌മെന്റ് -വി.പി. സാനു

വേങ്ങര:വികസനം നടത്താതെ രാഷ്ട്രീയം മാത്രം പറഞ്ഞ് വോട്ടുനേടി ജയിക്കുന്ന മുസ്‌ലിംലീഗിന് ഈ തിരഞ്ഞെടുപ്പൊരു ഷോക്ക് ട്രീറ്റ്‌മെന്റാകട്ടേയെന്ന് മലപ്പുറം ലോക്‌സഭാമണ്ഡലം സ്ഥാനാർഥി വി.പി. സാനു. വേങ്ങര മണ്ഡലത്തിൽ വോട്ടഭ്യർഥിക്കുകയായിരുന്നു അദ്ദേഹം.

രാവിലെ എട്ടിന് ഒതുക്കുങ്ങലിലെ തൊടുകുത്തുപറമ്പിൽ നിന്നാണ് പ്രചാരണപരിപാടി ആരംഭിച്ചത്. മീൻകല്ല്, മേലെകൊളമ്പ്, കൊളത്തുപറമ്പ് എന്നിവിടങ്ങളിലെ പരിപാടികളിൽ പങ്കെടുത്തു.

ഊരകം പഞ്ചായത്തിലെ വെങ്കുളം, കരിയാരം കല്ലേറ്റിപ്പറമ്പ്, പറപ്പൂരിലെ കൊഴൂർ, ഇല്ലിപ്പിലാക്കലിലെ കല്യാണവീട്‌, ഉച്ചയ്ക്ക് രസതന്ത്രം കോളനി, പാറമ്മൽ, വേങ്ങര പഞ്ചായത്തിൽ തറയിട്ടാൽ, പാണ്ടികശാല, ചേറ്റിപ്പുറം, ബാലൻപീടിക, കുറ്റൂർ നോർത്ത്, വെട്ടുതോട്, കണ്ണമംഗലം പഞ്ചായത്തിൽ മുട്ടുംപുറം, കോവിലപ്പാറ, കിളിനക്കോട്, മേമാട്ടുപാറ, ചെങ്ങാനി, തോട്ടശ്ശേരിയറ, എ.ആർ. നഗറിലെ കക്കാടംപുറം, കൊളപ്പുറം സൗത്ത്, ചെണ്ടപ്പുറായ ഉള്ളാട്ടുപറമ്പ് എന്നിവിടങ്ങളിലെ സ്വീകരണശേഷം അരീത്തോട് പര്യടനം സമാപിച്ചു.

വിവിധ സ്വീകരണകേന്ദ്രങ്ങളിൽ എം.കെ. മുഹമ്മദ്‌സലീം, വി.ടി. സോഫിയ, എൻ.കെ. പോക്കർ, വി.പി. മൊയ്തീൻകുട്ടി, എൻ. ഷമീർ, കെ.പി. സുബ്രഹ്മണ്യൻ, അഡ്വ. പി.പി. ബഷീർ എന്നിവർ പ്രസംഗിച്ചു. വേലായുധൻ വള്ളിക്കുന്ന്, കെ.ടി. അലവിക്കുട്ടി, ടി.എ. സമ്മദ്, പി.എച്ച്. ഫൈസൽ എന്നിവർ സ്ഥാനാർഥിയെ അനുഗമിച്ചു.

വിദ്യാർത്ഥികൾക്ക് നീന്തൽ പഠിക്കുവാൻ ഒരു സുവർണാവസരം

വിദ്യാർത്ഥികൾക്ക് നീന്തൽ പഠിക്കുവാൻ ഒരു സുവർണാവസരം

Edumartial Academy ഏപ്രിൽ 15 മുതൽ വേങ്ങര ഐഡിയൽ ക്യാമ്പസിൽ അവധിക്കാല നീന്തൽ പരിശീലന ക്ലാസുകൾ നടത്തുന്നു

* പ്രീസ്കൂൾ മുതൽ ഏഴാം ക്ലാസ് വരെയുള്ള കുട്ടികൾക്ക് കോഴ്സിൽ ചേരാവുന്നതാണ്

* വെറും 20 ദിവസത്തെ കോഴ്സിലൂടെ നീന്തൽ നന്നായി പരിശീലിക്കുന്നു

* സ്കൂൾ കാമ്പസിൽ ശാസ്ത്രീയമായി സജ്ജീകരിച്ച പോർട്ടബ്ൾ സ്വിമ്മിംഗ് പൂളിൽ വച്ചാണ് പരിശീലനം

* ദിവസം 1 മണിക്കൂർ പരിശീലനം

* നിരന്തരം ശുദ്ധീകരിക്കപ്പെടുന്ന ജലം; കൃത്യമായ സുരക്ഷാ മാനദണ്ഡങ്ങൾ

* പരിചയസമ്പന്നരായ നീന്തൽ പരിശീലകർ

* ഐഡിയൽ സ്കൂളിലെയും മറ്റു സ്കൂളുകളിലെയും വിദ്യാർത്ഥികൾക്ക് പങ്കെടുക്കാവുന്നതാണ്

* UP ക്ലാസുകളിലെ പെൺകുട്ടികൾക്ക് വനിതാ പരിശീലകർ നയിക്കുന്ന പ്രത്യേക ബാച്ച്

* ഫീസ് 2600 രൂപ

* ഒരു ബാച്ചിൽ 20 പേർ

* ആദ്യം രജിസ്റ്റർ ചെയ്യുന്ന 60 പേർക്ക് മാത്രം അവസരം

📝 രജിസ്റ്റർ ചെയ്യാൻ വിളിക്കുക: 

 9746232232

ലോകാരോഗ്യ ദിനത്തിൽ മരുന്നുകൾ ശേഖരിച്ചും ബോധവൽക്കരണ ക്ലാസ് സംഘടിപ്പിച്ചും മാതൃകയായി

ലോകാരോഗ്യ ദിനത്തിൽ മരുന്നുകൾ ശേഖരിച്ചും ബോധവൽക്കരണ ക്ലാസ് സംഘടിപ്പിച്ചും മാതൃകയായി

കൊളപ്പുറം  :-  ലോക ആരോഗ്യ പരിരക്ഷ എല്ലായിടത്തും

 എന്ന മുദ്രാവാക്യം ഉയർത്തിപ്പിടിച്ച് കൊളപ്പുറം നവകേരള സാംസ്കാരികവേദി ഗ്രന്ഥശാലയും ,ക്ലബ് ഫോർ ആന്റി നാർക്കോട്ടിക് പ്രൊമോഷനും ( CANP)  സംയുക്തമായി ലോകാരോഗ്യ ദിനം സമുചിതമായി ആചരിച്ചു. വീടുകൾ തോറും കയറി ഇറങ്ങി ബാക്കിവരുന്ന മരുന്നുകൾ ശേഖരിച്ച് പാവപ്പെട്ട രോഗികൾക്ക് എത്തിക്കുന്നതിന് തുടക്കം കുറിച്ചു.  ഡോക്ടർ കുഞ്ഞുമോൻ പ്രവർത്തകർക്ക് മരുന്ന് നൽകിക്കൊണ്ട് പരിപാടിയുടെ ഉദ്ഘാടനം നിർവഹിച്ചു .പരിസരത്തെ പ്രായംചെന്ന രോഗികളെ സന്ദർശിച്ച് ആശ്വസിപ്പിക്കുകയും , പ്ലാസ്റ്റിക് വിമുക്ത കൊളപ്പുറം എന്ന ആശയത്തിന് തുടക്കം കുറിച്ചു കൊണ്ട് പരിസരം വൃത്തിയാക്കുകയും ചെയ്തു.  ക്യാമ്പ് അംഗങ്ങളായ മുസമ്മിൽ ഉനൈസ്, ഉവൈസ് അലി എന്നിവർ ബോധവൽക്കരണ ക്ലാസ് എടുത്തു .നാസർ മലയിൽ വിജയകുമാർ ,ജംഷീർ പിടി എന്നിവർ പരിപാടിക്ക് നേതൃത്വം നൽകി

ഇരുപത് കിലോവാട്ട് സൗരോർജ്ജ വൈദ്യുതി ഉൽപാദിപ്പിക്കുന്ന മലപ്പുറം ജില്ലയിലെ ആദ്യ സ്വകാര്യ വിദ്യാഭ്യാസ സ്ഥാപനമാവാനൊരുങ്ങി കോട്ടക്കൽ മലബാർ ഇംഗ്ലീഷ് സ്കൂൾ

ഇരുപത് കിലോവാട്ട് സൗരോർജ്ജ വൈദ്യുതി ഉൽപാദിപ്പിക്കുന്ന  മലപ്പുറം ജില്ലയിലെ ആദ്യ സ്വകാര്യ വിദ്യാഭ്യാസ സ്ഥാപനമാവാനൊരുങ്ങി കോട്ടക്കൽ മലബാർ ഇംഗ്ലീഷ് സ്കൂൾ

കോട്ടക്കൽ:വൈദ്യുതി ഉൽപാദനത്തിൽ സ്വയം പര്യാപ്തത കൈവരിക്കുക എന്ന ലക്ഷ്യം മുൻനിർത്തിയാണ് സ്കൂളിൽ സൗരോർജ്ജ പാനലുകൾ സ്ഥാപിച്ചിട്ടുള്ളത്. ജില്ലയിൽ ഇതാദ്യമായാണ്  ഒരു സ്വകാര്യ സ്കൂൾ ഇരുപത് യൂണിറ്റ് പ്ലാന്റ് സ്ഥാപിച്ചിരിക്കുന്നത്.അറുപത് പാനലുകളിൽ നിന്നായി ദിനംപ്രതി എൺപത് യൂണിറ്റ് വൈദ്യുതിയാണ് ഉൽപാദിപ്പിക്കാനാവുക. ഇനി മുതൽ സ്കൂൾ ഉപയോഗങ്ങൾക്കുള്ള വൈദ്യുതിയിൽ മിച്ചം വരുന്നത് പുറത്തേയ്ക്ക് നൽകാനും ഇതിലൂടെ  കഴിയും.  പദ്ധതിയുടെ ഉദ്ഘാടനം എനർജി മാനേജ്മെന്റ്  സോണൽ കോഡിനേറ്റർ ഡോ.സിജേഷ് എൻ.ദാസ് നിർവ്വഹിച്ചു. സ്കൂൾ പ്രിൻസിപ്പൽ പി. സാജിദ്  ബാബു, മാനേജ്മെന്റ് അംഗങ്ങളായ സി.പി.എ ലത്തീഫ്, കുഞ്ഞലവി ഹാജി, വൈസ് പ്രിൻസിപ്പൽ കെ.കെ നാസർ, ജംഷീർ അലി, ഷാഫി ഡാൻസിൽ തുടങ്ങിയവർ സംസാരിച്ചു.

'പറവകൾക്കൊരു നീർക്കുടം' പദ്ധതി ഉദ്ഘാടനം ചെയ്തു

'പറവകൾക്കൊരു നീർക്കുടം' പദ്ധതി ഉദ്ഘാടനം ചെയ്തു 

വേങ്ങര : വേങ്ങര പഞ്ചായത്ത് എം.എസ്.എഫ് കമ്മിറ്റിയുടെ നേതൃത്വത്തിലുള്ള പറവകൾക്കൊരു നീർക്കുടം പദ്ധതിക്ക്‌ വേങ്ങര ജവാൻ കോളനി തളി ക്ഷേത്രത്തിൽ തുടക്കമായി.. ക്ഷേത്ര ഭാരവാഹി രാധാകൃഷ്ണൻ മാസ്റ്റർ ഉദ്ഘാടനം ചെയ്തു.. 

മുസ്ലിം ലീഗ് പഞ്ചായത്ത്‌ പ്രസിഡണ്ട് പറമ്പൻ ഖാദർ, യൂത്ത് ലീഗ് പഞ്ചായത്ത് സെക്രട്ടറി ഫത്താഹ് മൂഴിക്കൽ, ട്രഷറർ സൈദു പറമ്പൻ,എം. എസ്.എഫ് ജില്ലാ കമ്മറ്റി അംഗം

സി പി ഹാരിസ് , പ്രസിഡന്റ് അനസ് വി ടി, സെക്രട്ടറി എ.കെ.എം. ഷറഫ് , സഹീർ അബാസ് നടക്കൽ, മുഫസ്സിർ ഹുദവി,ഇബ്രാഹിം അടക്കാപുര,അർഷദ് ഫാസിൽ,സൽമാൻ അരീകുളം, സിറാജുദ്ധീൻ ഇ.വി, നിയാസുദ്ധീൻ താട്ടയിൽ, ജുനൈദ് എ.കെ.പി, മുനവർ മനാട്ടി, ഫഹ്‌നാസ്, മനോജ്‌ മാസ്റ്റർ നേതൃത്വം നൽകി.

ആവേശമായി യു.ഡി.എഫ് കൺവെൻഷൻ

ആവേശമായി യു.ഡി.എഫ് കൺവെൻഷൻ

സി.പി..എം ജനങ്ങളെ വെല്ലുവിളിക്കുന്നു കുഞ്ഞാലിക്കുട്ടി

പറപ്പൂർ: അക്രമ പ്രവർത്തനങ്ങൾ ആസൂത്രണം ചെയ്ത വ്യക്തിയെ സ്ഥാനാർത്ഥിയാക്കുക വഴി സി.പി.എം വോട്ടർമാരെ വെല്ലുവിളിക്കുകയാണെന്ന് പി.കെ കുഞ്ഞാലിക്കുട്ടി പറഞ്ഞു. പറപ്പൂർ പഞ്ചായത്ത് യു.ഡി.എഫ് കൺവെൻഷനിൽ പ്രസംഗിക്കുകയായിരുന്നു അദ്ദേഹം.മൂസ്സ ടി. എടപ്പനാട്ട് അധ്യക്ഷത വഹിച്ചു.കെ.എൻ.എ ഖാദർ എം.എൽ.എ, വി വി പ്രകാശ്,     ആര്യാടൻ ഷൗക്കത്ത്.       കൃഷ്ണൻ കോട്ടുമല, എം.എം കുട്ടി മൗലവി, ടി.ടി. ബീരാവുണ്ണി, കെ.എ റഹീം, ടി.പി അഷ്റഫ്, വി.എസ് ബഷീർ, ടി.ഇ കുഞ്ഞിപ്പോക്കർ, സി.കെ അബ്ദുറഹ്മാൻ, ടി.ഹഖ്, നാസർ പറപ്പൂർ, ടി.ബഷീർ, ടി.കെ റഹീം, സി.അയമുതു, കെ.എം കോയാമു, ടി.മൊയ്തീൻ കുട്ടി എം.മജീദ് എന്നിവർ പ്രസംഗിച്ചു. തെരഞ്ഞെടുപ്പ് കമ്മറ്റിയും രൂപീകരിച്ചു. 

ലോക ജലദിനത്തിൽ ജലം ജീവാമൃതം എന്ന സന്ദേശമുയർത്തി കുരുന്നുകൾ

ലോക ജലദിനത്തിൽ ജലം ജീവാമൃതം എന്ന സന്ദേശമുയർത്തി കുരുന്നുകൾ

പെരുവള്ളൂർ: ലോകജല ദിനത്തോടനുബന്ധിച്ച് ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾ വിദ്യാലയത്തിന് സമീപത്തുള്ള കുളത്തിന് ചുറ്റിലുമായി കരവലയം തീർത്ത്  ജല സംരക്ഷണ പ്രതിജ്ഞ ചൊല്ലി.അയൽപക്ക വീടുകളിലും, സ്ഥാപനങ്ങളിലും ജലസംരക്ഷണ പോസ്റ്റർ പതിച്ച വിദ്യാർത്ഥികൾ, കിളികൾക്കായി ഈ ദിനത്തിൽ തണ്ണീർകുടം ഒരുക്കി കാരുണ്യത്തിന്റെ വഴി കാണിക്കാനും മറന്നില്ല.ജല ദിനത്തോടനുബന്ധിച്ച് വിദ്യാർഥികൾക്കായി പോസ്റ്റർ നിർമ്മാണ മത്സരവും, ബോധവൽക്കരണ ക്ലാസും സംഘടിപ്പിച്ചു. അധ്യാപകരായ സോമരാജ് പി, കെ കെ റഷീദ് ,വി ജംഷീദ് ,ഷാജി പി കെ ,അബ്ദുൽ ബാരി എന്നിവർ പരിപാടികൾക്ക് നേതൃത്വം നൽകി.

മണ്ഡലം വനിതാ ലീഗ് കൺവെൻഷൻ

മണ്ഡലം വനിതാ ലീഗ് കൺവെൻഷൻ

വേങ്ങര: തെരഞ്ഞെടുപ്പ് പ്രചരണാർത്ഥം വേങ്ങര നിയോജക മണ്ഡലം വനിത ലീഗ് കൺവെൻഷൻ നടത്തി. മണ്ഡലം ലീഗ് സെക്രട്ടറി ടി.കെ.മൊയ്തീൻ കുട്ടി മാസ്റ്റർ ഉദ്ഘാടനം ചെയ്തു.വി.സലീമ ടീച്ചർ അധ്യക്ഷത വഹിച്ചു. പി.കെ അലി അക്ബർ, മലപ്പുറം മുൻസിപ്പൽ ചെയർ പേഴ്സൺ സി.എച്ച് ജമീല, ബ്ലോക്ക് പ്രസിഡന്റ് ചാക്കീരി ഹഖ്, വൈസ് പ്രസിഡൻറ് ബുഷ്റമജീദ്, ഗ്രാമ പഞ്ചായത്ത് പ്രസിഡൻറുമാരായ ബി.ബീഫാത്തിമ, പി.കെ സഫ്രീന, കെ.പി.സരോജിനി, കുപ്പേരി സുബൈദ, വേങ്ങര പഞ്ചായത്ത് വൈസ് പ്രസിഡൻറ് കെ.ഖദീജാബി, എന്നിവർ പ്രസംഗിച്ചു. ഫോട്ടോ: വേങ്ങര മണ്ഡലം വനിതാ ലീഗ് കൺവെൻഷൻ ടി.കെ.മൊയ്തീൻ കുട്ടി മാസ്റ്റർ ഉദ്ഘാടനം ചെയ്യുന്നു.

പരീക്ഷകാലത്തെ അപ്രഖ്യാപിത പവർ കട്ടിൽ പ്രധിഷേധിച്ച്‌ msf

പരീക്ഷകാലത്തെ അപ്രഖ്യാപിത പവർ കട്ടിൽ  പ്രധിഷേധിച്ച്‌ msf

വേങ്ങര: എസ്.എസ്.എൽ.സി, ഹയർ സെക്കണ്ടറി പരീക്ഷ സമയത്ത്   കെ.എസ്.ഇ.ബി  അപ്രഖ്യാപിതമായി ദിവസവും പവർ കട്ട്  നടത്തുന്നതായി പരാതി. സുപ്രധാന പരീക്ഷകൾ എഴുതിക്കൊണ്ടിരിക്കുന്ന സമയത്താണ് കുട്ടികളെ വലച്ച്‌ കെ.എസ്.ഇ.ബിയുടെ ക്രൂരത. ദിവസവും രാത്രിയിലുള്ള പവർ കട്ട് കാരണം വിദ്യാർത്ഥികളുടെ പഠന സമയം നഷ്ടപെടുന്നതായും മാനസിക പിരിമുറുക്കം അനുഭവിക്കുന്നതായും രക്ഷിതാക്കൾ പറയുന്നു.  അപ്രഖ്യാപിതമായി നടത്തുന്ന പവർ കട്ട് കാരണം  വിദ്യാർത്ഥികൾക്കും നാട്ടുകാർക്കുമുള്ള  ബുദ്ധിമുട്ട് ഉടൻ പരിഹരിക്കണം എന്ന് ആവശ്യപ്പെട്ടുകൊണ്ട്  വേങ്ങര പഞ്ചായത്ത്‌ msf കമ്മിറ്റി ഭാരവാഹികളായ സി.പി ഹാരിസ്, വി.ടി അനസ്, എ.കെ ശറഫുദ്ധീൻ, എ.കെ.പി ജുനൈദ്, എ.കെ ഇബ്രാഹിം, അർഷദ് ഫാസിൽ, നിയാസുദ്ധീൻ താട്ടയിൽ എന്നിവർ വേങ്ങര KSEB അസിസ്റ്റന്റ് എൻജിനീയർക്ക് നിവേദനം നൽകി.

പോസ്റ്റാപ്പിസ് മാർച്ച് NREG വർക്കേഴ്സ് യൂണിയൻ കോട്ടക്കൽ ഏരിയാ പ്രസിഡണ്ട് ഷീലാ ദാസ് ഉദ്ഘാടനം ചെയ്തു

പോസ്റ്റാപ്പിസ് മാർച്ച് NREG വർക്കേഴ്സ് യൂണിയൻ കോട്ടക്കൽ ഏരിയാ പ്രസിഡണ്ട് ഷീലാ ദാസ് ഉദ്ഘാടനം ചെയ്തു 

വേങ്ങര : തൊഴിലുറപ്പ് തൊഴിലാളികളുടെ പോസ്റ്റാഫിസ് മാർച്ച്

കൂലി കുടിശിക ഉടൻ വിതരണം ചെയ്യുക 

കൂലി 500 രൂപയാക്കുക

തൊഴിൽ സമയം രാവിലെ 9 മണി മുതൽ വൈകുന്നേരം 4 മണി വരെയാക്കുക തുടങ്ങിയ ആവശ്യങ്ങൾ ഉയർത്തി NREG വർക്കേഴ്സ് യൂണിയൻ വേങ്ങര പഞ്ചായത്ത് കമ്മിറ്റിയുടെ നേതൃത്വത്തിൽ വേങ്ങര പോസ്റ്റാഫീസ് മാർച്ച് സംഘടിപ്പിച്ചു

കേരള കർഷകസംഘം സംസ്ഥാന കമ്മിറ്റി അംഗം KT അലവി കുട്ടി,

PKS മലപ്പുറം ജില്ലാ ജോ..സെക്ടറി KP സുബ്രമണ്യൻ,

CPIM വേങ്ങര ലോക്കൽ സെക്രട്ടറി P പത്മനാഭൻ എന്നിവർ സംസാരിച്ചു

സി.രവി അദ്ധ്യത വഹിച്ചു

വെട്ടൻ ബിന്ദു സ്വാഗതവും തങ്കം രാമകൃഷണൻ നന്ദിയും പറഞ്ഞു