മൊബൈൽ കോടതി പരിചയപ്പെട്ട് ഒളകര സ്കൂൾ വിദ്യാർത്ഥികൾ
പെരുവള്ളൂർ: തിരൂരങ്ങാടി താലൂക്ക് ലീഗൽ സർവീസസ് കമ്മിറ്റി യുടെ
മൊബൈൽ ലോക് അദാലത്തിന്റെ ഭാഗമായാണ്
വിദ്യാലയത്തിൽ മൊബൈൽ കോടതി സജ്ജീകരിച്ചത്. പരപ്പനങ്ങാടി ബാർ അസോസിയേഷൻ സെക്രട്ടറി ശ്രീ കെ ടി ബാലകൃഷ്ണൻ കുട്ടികളുമായി ബന്ധപ്പെട്ട വിഷയത്തിൽ വളരെ ലളിതമായി ക്ലാസെടുത്തു. സീനിയർ അഭിഭാഷകരായ മോഹൻദാസ് ,കുഞ്ഞമ്മദ്, അനീഷ്, ലീഗൽ സർവീസസ് കമ്മിറ്റി സെക്രട്ടറി രാജൻ എന്നിവർ ചടങ്ങിൽ സംബന്ധിച്ചു. വിദ്യാർത്ഥികൾക്കായി 'നിയമപാഠം' എന്ന പുസ്തകം സൗജന്യമായി വിതരണം ചെയ്തു. നിയമങ്ങളും, കോടതിയുമായും ബന്ധപ്പെട്ട വിദ്യാർത്ഥികളുടെ നിരവധി സംശയങ്ങൾക്ക് പരിഹാരമായി മാറുവാൻ
മൊബൈൽ കോർട്ടിന്റെ
ഈയൊരു സന്ദർശനത്തിലൂടെ സാധിച്ചു എന്ന് പ്രധാന അധ്യാപകൻ എൻ. വേലായുധൻ പറഞ്ഞു.