സ്റ്റുഡന്റ് പോലീസ് കാഡറ്റ് പാസ്സിങ് ഔട്ട് പരേഡ് നടത്തി

സ്റ്റുഡന്റ് പോലീസ് കാഡറ്റ് 

പാസ്സിങ് ഔട്ട് പരേഡ് നടത്തി 

ചേറൂർ: പിഴക്കാത്ത ചുവടുകളും പതറാത്ത മനസുമായി സ്റ്റുഡന്റ് പോലീസ് കാഡറ്റിന്റെ വേങ്ങര ചേറൂർ PPTMYHSS ലെ അഞ്ചാമത് ബാച്ച് രണ്ട് വർഷത്തെ പരിശീലനം പൂർത്തിയാക്കി പാസിങ്ങ് ഔട്ട് പരേഡ് നടത്തി.  സമ്പൂർണ്ണ വ്യക്തി വികാസം ലക്ഷ്യമിട്ട് ചിട്ടയായ പരിശീലന പരിപാടികളുടെ പുർത്തീകരണമായാണ് പാസിങ്ങ് ഔട്ട് പരേഡ് നടക്കുന്നത്. സ്കൂൾ ഗ്രൗണ്ടിൽ വെച്ച് നടന്ന പരേഡിൽ അഡ്വ: കെ.എൻ.എ ഖാദർ MLA സല്യൂട്ട് സ്വീകരിച്ചു. ഹെഡ്മാസ്റ്റർ പറങ്ങോടത്ത് അബ്ദുൽ മജീദ് മാസ്റ്റർ അധ്യക്ഷത വഹിച്ചു. വേങ്ങര സബ് ഇൻസ്പെക്ടർ സംഗീത് പുനത്തിൽ പ്രതിജ്ഞാ വാചകം ചൊല്ലിക്കൊടുത്തു. പരേഡ് കമാൻഡർ കെ.ടി. ഫാത്തിമ സജ, പ്ലറ്റൂൺ കമാൻഡർ മുഹമ്മദ് ഷിഹാദ്, ഷാദിയ അബ്ദുൽ റഷീദ് എന്നിവർ പുരസ്‌ക്കാരങ്ങൾ ഏറ്റുവാങ്ങി. യത്തീംഖാന സെക്രട്ടറി എം.എം. കുട്ടി മൗലവി, ആവയിൽ സുലൈമാൻ പി.ടി.എ പ്രസിഡന്റ് പൂക്കുത്ത് മുജീബ്, വൈസ് പ്രസിഡന്റ് സി. കുട്ടിയാലി, ഡെപ്യുട്ടി ഹെഡ്മാസ്റ്റർ കെ. യു. ബാബു, കെ. കെ. ഹംസ, നൗഷാദ് ചേറൂർ, എം. ഫൈസൽ, കെ. അബ്ദുൽ മജീദ്, വേങ്ങര എ.എസ്.ഐ. അഷ്‌റഫ്, സി.പി.ഒ. മാരായ നിസാർ അഹമ്മദ്. കെ, ശ്രീലക്ഷ്മി. കെ, ഷബ്‌ന എന്നിവർ പങ്കെടുത്തു.

എ ആർ നഗർ കുടിവെള്ള പദ്ധതിയ്ക്ക് ശുദ്ധീകരണശാലയും ടാങ്കും പണിയാൻ കുന്നുംപുറം പ്രാഥമിക ആരോഗ്യ കേന്ദ്ര വളപ്പിൽ 44 സെന്റ് ഭൂമി വിട്ടു നൽകാൻ ആരോഗ്യ വകുപ്പിന്റെ അനുമതി

എ ആർ നഗർ കുടിവെള്ള പദ്ധതിയ്ക്ക് ശുദ്ധീകരണശാലയും ടാങ്കും പണിയാൻ കുന്നുംപുറം പ്രാഥമിക ആരോഗ്യ കേന്ദ്ര വളപ്പിൽ 44 സെന്റ് ഭൂമി വിട്ടു നൽകാൻ ആരോഗ്യ വകുപ്പിന്റെ അനുമതി 

വേങ്ങര: എ ആർ നഗർ കുടിവെള്ള പദ്ധതിയ്ക്ക് ശുദ്ധീകരണശാലയും ടാങ്കും പണിയാൻ കുന്നുംപുറം പ്രാഥമിക ആരോഗ്യ കേന്ദ്ര വളപ്പിൽ 44 സെന്റ് ഭൂമി വിട്ടു നൽകാൻ ആരോഗ്യ വകുപ്പിന്റെ അനുമതി .കഴിഞ്ഞ ദിവസം ഇതിനുള്ള ഉത്തരവ് ഇറങ്ങിയതായി കെഎൻഎ ഖാദർ എംഎൽഎയുടെ ഓഫിസിൽ നിന്ന് അറിയിച്ചു. ഭൂമിയുടെ ഉടമസ്ഥവകാശം ആരോഗ്യ വകുപ്പിൽ നിലനിർത്തി കാലാകാലങ്ങളിൽ പ്രാഥമിക ആരോഗ്യ കേന്ദ്രത്തിലേക്ക് ആവശ്യമായ ശുദ്ധജലം സൗജന്യമായി നൽകണം എന്നാണ് വ്യവസ്ഥ.  2013 ൽ ദേശിയ ഗ്രാമീണ കുടിവെള്ള പദ്ധതിയിൽ ഉൾപ്പെടുത്തിയാണ് മുഴുവൻ ജനങ്ങൾക്കും ശുദ്ധജലം ലഭ്യമാക്കുന്ന പദ്ധതിയ്ക്ക് തുടക്കം കുറിച്ചത് .7 കോടി അനുവദിക്കുകയും കടലുണ്ടി പുഴ പനമ്പുഴ കടവിൽ കിണറും ,കടവ് തൊട്ട് കുന്നുംപുറം വരെ 7 കിലോമീറ്റർ ദൂരം പമ്പിംഗ് ലൈനിന്റെ ജോലികളും ഏകദേശം പൂർത്തിയായതാണ്. ശുദ്ധീകരണശാലയ്ക്ക് സ്ഥലം വിട്ടുകിട്ടുന്നതിനുണ്ടായ കാലതാമസമാണ് ജോലികൾ നീണ്ടുപോവാൻ കാരണം,എം എൽഎ യുടെ ശക്തമായ ഇടപെടലിനെ തുടർന്നാണ് വർഷങ്ങളായി മുടങ്ങി കിടന്ന പദ്ധതി പുനരുജീവിച്ചത്. പദ്ധതി പ്രദേശം കെ.എൻ എ ഖാദർ എംഎൽഎ സന്ദർശിച്ചു.ടി കെ മൊയ്തീൻ കുട്ടി മാസ്റ്റർ, കെ കെ മൊയ്തീൻ കുട്ടി, പുളിക്കൽ അബൂബക്കർ,  ഹുസൈൻ ഹാജി എന്നിവരും എം എൽ എ ക്കൊപ്പമുണ്ടായിരുന്നു

അബ്ദുറഹ്‍മാൻ നഗർ ഗ്രാമ പഞ്ചായത്ത് സമ്പൂർണ്ണ കുടിവെള്ള പദ്ധതി

അബ്ദുറഹ്‍മാൻ നഗർ ഗ്രാമ പഞ്ചായത്ത് സമ്പൂർണ്ണ കുടിവെള്ള പദ്ധതി

വേങ്ങര : അബ്ദുറഹ്‍മാൻ നഗർ ഗ്രാമ പഞ്ചായത്ത് സമ്പൂർണ്ണ കുടിവെള്ള പദ്ധതി

യുടെ എല്ലാ തടസങ്ങളും നീക്കി സർക്കാർ ഉത്തരവായി 

'അബ്ദുറഹ്‍മാൻ നഗർ ഗ്രാമ പഞ്ചായത്ത് സമ്പൂർണ്ണ കുടിവെള്ള പദ്ധതി'യുടെ ഭാഗമായ കുന്നുംപുറത്തെ മുടങ്ങിക്കിടന്നിരുന്ന വാട്ടർ ട്രീട്മെൻറ് പ്ലാൻറ് നിർമ്മാണത്തിന്റെ എല്ലാ തടസങ്ങളും നീക്കി സർക്കാർ ഉത്തരവിറക്കിയിരിക്കുന്നു.പഞ്ചായത്ത് ഭരണ സമിതിയുടെയും KNA ഖാദർ MLA യുടെയും നിരന്തര ഇടപെടലിലൂടെ സാധിച്ചെടുത്ത പ്രസ്തുത തീരുമാനം കുടിവെള്ള ക്ഷാമമനുഭവിക്കുന്ന പഞ്ചായത്തിലെ മുഴുവനാളുകൾക്കും അനുഗ്രഹമായി പദ്ധതിയുടെ പ്രവൃത്തി ഉടനാരംഭിച്ച് പൂർത്തീകരിക്കാൻ സാധിക്കുമെന്ന് അധികൃതർ അറിയിച്ചു 

AMLP സ്കൂൾ പാലാണി ഫുട്ബോൾ അക്കാദമിക്ക് തുടക്കമായി

AMLP സ്കൂൾ പാലാണി ഫുട്ബോൾ അക്കാദമിക്ക് തുടക്കമായി

ഫുട്ബോൾ അക്കാദമിയുടെ ഉദ്ഘാടനം മുൻ കേരള ടീം ക്യാപ്റ്റൻ കുരികേശ് മാത്യു നിർവഹിച്ചു.പി.ടി.എ പ്രസിഡന്റ് അഷ്റഫ് കപ്പൂർ അധ്യക്ഷനായി

ലോകകപ്പ് പ്രവചന മത്സരത്തിലെ വിജയികൾക്ക് ഗ്രാമപഞ്ചായത്തംഗം എ.പി.ഹമീദ് സമ്മാനങ്ങൾ വിതരണം ചെയ്തു.പറപ്പൂർ പഞ്ചായത്ത് വനിതാ സഹകരണ സംഘമാണ് ഈ ഫുട്ബോൾ അക്കാദമിയുടെ സ്പോൺസർമാർ :
I T T ഫുട്ബോൾ ക്ലബ്ബാണ് പരിശീലനം നൽകുന്നത്.വനിതാ സഹകരണ സംഘം പ്രസിഡന്റ് ബുഷ്റ അനു ,അഷ്റഫ് A V എന്നിവർ ആശംസകളർപ്പിച്ചു.  
ഹെഡ്മാസ്റ്റർ അലക്സ് തോമസ്  സ്വാഗതവും ഫുട്ബോൾ അക്കാദമി കൺവീനർ നാദിർഷ എ കെ. പരിപാടിക്ക് നന്ദിയും പറഞ്ഞു.

സാംസ്‌കാരിക പുരോഗതിക്ക് ചരിത്ര പഠനം അനിവാര്യം: എസ് എസ് എഫ് സെമിനാര്‍

സാംസ്‌കാരിക പുരോഗതിക്ക് ചരിത്ര പഠനം അനിവാര്യം: എസ് എസ് എഫ് സെമിനാര്‍

വേങ്ങര: മനുഷ്യന്റെ സാമൂഹിക സാംസ്‌കാരിക പുരോഗതിക്ക് ചരിത്ര പഠനം അനിവാര്യമാണെന്ന് എസ് എസ് എഫ് ചരിത്രസെമിനാര്‍ അഭിപ്രായപ്പെട്ടു. ചരിത്ര ബോധത്തിലൂടെ മാത്രമേ മനുഷ്യന്റെ അസ്തിത്വം മനസിലാക്കാന്‍ കഴിയുകയുള്ളൂ. ഇതിന് യഥാര്‍ത്ഥ ചരിത്ര ബോധത്തോടെ വേണം അപഗ്രഥനം നടത്തേണ്ടത്. സാഹിത്യ നിര്‍മിതിയിലും വിജ്ഞാനപ്രചാരണത്തിലും മുസ്‌ലിംകള്‍ വലിയ കുതിപ്പ് നടത്തിയിട്ടുണ്ട്. മത പണ്ഡിതന്മാരും എഴുത്തുകാരും കവികളുമെല്ലാം ഈ മുന്നേറ്റത്തിന് മഹത്തായ സംഭാവനകള്‍ അര്‍പ്പിച്ചവരാണ്. മുസ്‌ലിംകളുടെ മതഭക്തിയും വിജ്ഞാന തൃഷ്ണയും ദേശസ്‌നേഹവും ഉത്തേജിപ്പിച്ചു നിര്‍ത്തുന്നവയായിരുന്നു ഈ സാഹിത്യ സൃഷ്ടികള്‍. വിജ്ഞാനത്തിന്റെ പരന്നൊഴുക്ക് സാധ്യമായതോടെ വൈജ്ഞാനിക നവോത്ഥാനത്തിന് ഒരിക്കല്‍ കൂടി കളമൊരുങ്ങിയതായും സെമിനാര്‍ ഉദ്ഘാടനം ചെയ്ത ഡോ. ഹുസൈന്‍ രണ്ടത്താണി പറഞ്ഞു. എസ് എസ് എഫ് ജില്ലാ സാഹിത്യോത്സവിന്റെ ഭാഗമായിട്ടാണ് ചേറൂര്‍ പടപ്പാട്ട്; ചരിത്രം, സാഹിത്യം, അതിജീവനം എന്ന വിഷയത്തില്‍ സെമിനാര്‍ സംഘടിപ്പിച്ചത്. മലപ്പുറം ഗവ. ചരിത്രവിഭാഗം പ്രൊഫസര്‍ ഡോ. സക്കീര്‍ ഹുസൈന്‍ എഴുതിയ ചേറൂര്‍ പടപ്പാട്ട് കനല്‍പഥങ്ങളിലെ ഇശല്‍ജ്വാലകള്‍ സാഹിത്യകാരന്‍ പി സുരേന്ദ്രന്‍ പ്രകാശനം ചെയ്തു. മുസ്‌ലിംകളുടെ വിശ്വാസവും വ്യക്തിപ്രഭാവവും പരിരക്ഷിക്കുന്നതിന് അറബിമലയാള ഭാഷ സഹായകമായിട്ടുണ്ടെന്ന് അദ്ദേഹം പറഞ്ഞു. ചടങ്ങില്‍ എന്‍ എം സ്വാദിഖ് സഖാഫി, എം മുഹമ്മദ് സ്വാദിഖ്, എം കെ എം സ്വഫ്‌വാന്‍ പ്രസംഗിച്ചു. എം ജുബൈര്‍, മുഹമ്മദ് ബുഖാരി, എ പി എം ഫള്ല്‍ സഖാഫി, ഉനൈസ് അസ്ഹരി, അശ്‌റഫ് പുന്നത്ത്, പി എ നസീര്‍ സഖാഫി, കെ പി യൂസുഫ് സഖാഫി, കെ എം ഹസന്‍ സഖാഫി, കെ സി മുഹ്‌യുദ്ധീന്‍ സഖാഫി സംബന്ധിച്ചു.

മിസ്ബാഹുല്‍ ഹുദാ സമാജം ലോഗോ പ്രകാശനം ചെയ്തു

മിസ്ബാഹുല്‍ ഹുദാ സമാജം

ലോഗോ പ്രകാശനം ചെയ്തു

കുറ്റാളൂര്‍: ബദ്‌റുദ്ദുജാ ഇസ്‌ലാമിക് സെന്റര്‍ വിദ്യാര്‍ത്ഥി യൂണിയന്‍ മിസ്ബാഹുല്‍ ഹുദാ സ്റ്റുഡന്റ്‌സ് അസോസിയേഷന്‍ (എം.എച്ച്.എസ്) ലോഗോ പ്രകാശനം കുഞ്ഞിമുഹമ്മദ് ഹാജി വൈലത്തൂര്‍ നിര്‍വഹിച്ചു.
സംഘടനക്കുകീഴില്‍ സ്പീച്ച് മാസ്ട്രി ക്ലബ്, മീഡിയ യൂണിറ്റ്, അലൈവ് ക്ലബ്, ഇംഗ്ലീഷ് അറബിക് ക്ലബ്, ദഅ്‌വസെല്‍, ഫിഖ്ഹ് കൗണ്‍സില്‍ വനിതാ വിജ്ഞാന വേദി, സ്പിരിച്ചല്‍ ട്രൈനിംഗ്, മാഗസിന്‍ സമിതി, റഫറന്‍സ് കൗണ്ടര്‍, റീഡിംഗ് വില്ല, ആര്‍ട്‌സ് കോമ്പറ്റീഷന്‍, ആക്ഷന്‍ കോര്‍ണര്‍ തുടങ്ങിയവ പ്രവര്‍ത്തിച്ചുവരുന്നു.

ബദ്‌റുദ്ദുജാ ക്യാമ്പസില്‍ നടന്ന പരിപാടിയില്‍ ചെയര്‍മാന്‍ സയ്യിദ് ശിഹാബുദ്ദീന്‍ അല്‍ ബുഖാരി അദ്ധ്യക്ഷത വഹിച്ചു. സയ്യിദ് സ്വാലിഹ് ബുഖാരി കൊന്നാര, സയ്യിദ് അലവിക്കോയ ബുഖാരി ചേറൂര്‍, ഹൈദ്രൂസ് അഹ്‌സനി കുരുവമ്പലം, ഹാരിസ് അലി അദനി, എം.കെ.എം സ്വഫ്‌വാന്‍ കോട്ടുമല, ഹമീദ് ഹാജി ക്ലാരി, അഷ്‌റഫ് സഖാഫി പുന്നത്ത് സംബന്ധിച്ചു.

ലോകകപ്പ് പ്രവചനം: താരമായി നസീഹ്

ലോകകപ്പ് പ്രവചനം: താരമായി നസീഹ് 

പറപ്പൂർ: ഐ.യു ഹയർ സെക്കന്ററി സ്കൂളിൽ നടത്തിയ ലോകകപ്പ് ഫുട്ബോൾ പ്രവചന മത്സരത്തിൽ വിസ്മയിപ്പിക്കുന്ന പ്രവചനം നടത്തി താരമായിരിക്കുകയാണ് ഒൻപതാം ക്ലാസുകാരൻ നസീഹ് .
ക്വാർട്ടർ ഫൈനൽ മത്സരങ്ങൾ  തുടങ്ങുന്നതിന് മുൻപ് നടത്തിയ പ്രവചന മത്സരത്തിൽ ഫൈനലിലെത്തുന്ന ടീമുകളേയും ജേതാക്കളേയും ഗോൾഡൻ ബൂട്ടിന് അർഹനായ താരത്തേയും കൃത്യമായി പ്രവചിച്ചിരിക്കുകയാണ് ഈ മിടുക്കൻ.

സൗകര്യമേർപ്പെടുത്തണമെന്ന് എം.എൽ.എ ജനങ്ങൾക്ക് ഭുരിതമായി റേഷൻ കാർഡ് ക്യാമ്പ്

സൗകര്യമേർപ്പെടുത്തണമെന്ന് എം.എൽ.എ

ജനങ്ങൾക്ക് ഭുരിതമായി

                                   റേഷൻ കാർഡ് ക്യാമ്പ് 

പറപ്പൂർ: റേഷൻ കാർഡിന് അപേക്ഷ സ്വീകരിക്കൻ പറപ്പൂർ ഗ്രാമപഞ്ചായത്തിലൊരുക്കിയ ക്യാമ്പ് ജനങ്ങൾക്ക് ദുരിതമായി. ശക്തമായ മഴയിൽ അസൗകര്യങ്ങളിൽ വീർപ്പ് മുട്ടിയ ക്യാമ്പിലെത്തിയ അഡ്വ.കെ.എൻ.എ ഖാദർ എം.എൽ.എ രണ്ടാം ഘട്ട ക്യാമ്പ് സ്കൂളിലേക്ക് മാറ്റണമെന്ന് ഉദ്യോഗസ്ഥർക്ക് നിർദ്ദേശം നൽകി.
    ബുധനാഴ്ച രാവിലെ 8 മണി മുതൽ അപേക്ഷകർ പഞ്ചായത്ത് പരിസത്ത് എത്തിയിരുന്നു. 500 ലധികം പേർക്ക് ടോക്കൺ നൽകിയെങ്കിലും സിവിൽ സപ്ലൈസ് ഉദ്യോഗസ്ഥർ 10 മണിക്ക് ശേഷമാണ് സ്ഥലത്തെത്തിയത്.
മുസ്ലിം ലീഗിന്റെയും യൂത്ത് ലീഗിന്റെയും നേതൃത്വത്തിൽ മൂന്ന് ഭാഗങ്ങളിൽ ഹെൽപ് ഡെസ്ക് ഒരുക്കിയത് അപേക്ഷകർക്ക് ആശ്വാസമായി. പുതിയ അംഗങ്ങളെ ഉൾപ്പെടുത്തുന്നതിന് സാക്ഷ്യപത്രം നൽകാൻ എം.എൽ.എയുടെ പി.എ അസീസ് പഞ്ചിളി രാവിലെ മുതൽ ക്യാമ്പിലെത്തിയിരുന്നു. 
ശക്തമായ മഴയായിട്ടും പന്തൽ സൗകര്യമൊരുക്കാൻ പഞ്ചായത്തധികൃതർ തയ്യാറായില്ല.ജനങ്ങൾ ബുദ്ധിമുട്ടുന്നതറിഞ്ഞ് ഉച്ചക്ക് 3 മണിയോടെ ക്യാമ്പിലെത്തെിയ എം.എൽ.എ പഞ്ചായത്ത് പ്രസിഡന്റിനോടും ഉദ്യോഗസ്ഥരോടും നാട്ടുകാരുടെ പ്രയാസം ബോദ്ധ്യപ്പെടുത്തി.

ഹെൽപ്പ് ഡെസ്കിന് പഞ്ചായത്ത് ലീഗ് നേതാക്കളായ ടി.പി.അഷ്റഫ്, വി.എസ് ബഷീർ, ടി.ടി ബീരാവുണ്ണി, ഇ.കെ.സൈദുബിൻ, പറമ്പത്ത് മുഹമ്മദ്, അലി കുഴിപ്പുറം, ടി.ടി അഷ്റഫ്, ടി.അബ്ദുൽ ഹഖ്, ടി മൊയ്തീൻ കുട്ടി, ഇ.കെ സുബൈർ, പി.മുഹമ്മദ് ഹനീഫ, എം.സി മുഹമ്മദ് കുട്ടി, ടി.പി നിസാമുദ്ദീൻ എന്നിവർ നേതൃത്വം നൽകി.

ഫോട്ടോ: പറപ്പൂർ പഞ്ചായത്ത് റേഷൻ കാർഡ് ക്യാമ്പിലെത്തിയ അഡ്വ.കെ.എൻ.എ ഖാദർ എം.എൽ.എ ഉദ്യോഗസ്ഥർക്ക് നിർദ്ദേശം നൽകുന്നു. 

എസ് എസ് എഫ് സാഹിത്യോത്സവ്; വേങ്ങര സെക്ടര്‍ ജേതാക്കള്‍

എസ് എസ് എഫ് സാഹിത്യോത്സവ്; വേങ്ങര സെക്ടര്‍ ജേതാക്കള്‍

വേങ്ങര: രണ്ട് ദിവസമായി വലിയോറ ചിനക്കലില്‍ നടന്ന എസ് എസ് എഫ് വേങ്ങര ഡിവിഷന്‍ സാഹിത്യോത്സവില്‍ വേങ്ങര സെക്ടര്‍ ജേതാക്കളായി. ഏഴ് സെക്ടറുകള്‍ തമ്മില്‍ നടന്ന മത്സരത്തില്‍ 393 പോയിന്റ് നേടിയാണ് വേങ്ങര ഒന്നാം സ്ഥാനം നേടിയത്. ചേറൂര്‍ 390 പോയിന്റ്ുമായി രണ്ടാം സ്ഥാനവും 312 പോയിന്റുള്ള കുറ്റാളൂര്‍ സെക്ടര്‍ മൂന്നാം സ്ഥാനവും കരസ്ഥമാക്കി. ക്യാമ്പസ് വിഭാഗത്തില്‍ മലബാര്‍ കോളജ് മാലാപറമ്പ് ഒന്നാം സ്ഥാനം നേടി. മത്സരങ്ങളില്‍ ഒന്നാം സ്ഥാനം നേടിയ വിദ്യാര്‍ഥികള്‍ ആഗസ്റ്റ് രണ്ട് മുതല്‍ അഞ്ച് വരെ വേങ്ങരയില്‍ നടക്കുന്ന ജില്ലാ സാഹിത്യോത്സവില്‍ പങ്കെടുക്കും. സമാപന സംഗമം എസ് വൈ എസ് സംസ്ഥാന വൈസ് പ്രസിഡന്റ് പി കെ എം സഖാഫി ഇരിങ്ങല്ലൂര്‍ ഉദ്ഘാടനം ചെയ്തു. സയ്യിദ് ജഅ്ഫര്‍ തുറാബ് തങ്ങള്‍ പ്രാര്‍ഥന നടത്തി. അബ്ദുല്‍ അസീസ് സഖാഫി എലമ്പ്ര ടോഫി സമ്മാനിച്ചു. എം കെ എം സ്വഫ് വാന്‍, ഇല്യാസ് സഖാഫി കൂമണ്ണ, എ അലിയാര്‍ ഹാജി, മന്‍സൂര്‍ തങ്ങള്‍, ഉനൈസ് അസ്ഹരി, യൂസുഫ് ചിനക്കല്‍, കെ സി മുഹ് യുദ്ധീന്‍ സഖാഫി, കെ മുഹമ്മദ് ജാസിര്‍ പ്രസംഗിച്ചു. 

അലവി വേങ്ങര സ്മാരക അവാർഡ് _ 2018 വിതരണം ചെയ്തു

അലവി വേങ്ങര സ്മാരക അവാർഡ് _ 2018 വിതരണം ചെയ്തു

ചേക്കാലി മാട് സാംസ്കാരിക സമിതി & സി.എസ്‌.എസ്‌ ലൈബ്രറി രക്ഷാധികാരിയായിരുന്ന അലവി വേങ്ങരയുടെ സ്മരണാർഥം  സി.എസ്‌ എസ്‌ ലൈബ്രറി നടത്തുന്ന എസ്‌.എസ്‌.എല്‍.സി,  പ്ലസ്ടു പരീക്ഷകളില്‍ ഉന്നത വിജയം നേടിയ വിദ്യാർഥികൾക്കുള്ള അവാർഡ് ദാനം 08/07/2018 ഞായർ  എ.എം.എല്‍.പി സ്കൂളിൽ വിതരണം ചെയ്തു . പറപ്പൂർ പഞ്ചായത്ത് പ്രസിഡന്റ് ശ്രീ: കാലടി ബഷീർ മാസ്റ്റർ ഉദ്ഘാടനം ചെയ്തു , പ്രമുഖ എഴുത്തുകാരനും തിരുരങ്ങാടി താലൂക്ക് ലൈബ്രറി കൗൺസിൽ പ്രസിഡന്റുമായ റഷീദ് മാസ്റ്റർ പരപ്പനങ്ങാടി മുഖ്യഥിതിയായി. വാര്‍ഡ് മെമ്പര്‍ റൈഹാനത്ത് സുബൈര്‍ , സി.എസ്.എസ്‌ ഉപദേശക സമിതി അംഗം ഇ.കെ സുബൈർ മാസ്റ്റർ , സി.എസ്‌.എസ്‌ പ്രസിഡന്റ് ഉവൈസ് . എ.കെ , സെക്രട്ടറി അബ്ദുൽ റസാഖ് .പി.കെ ,  ലൈബ്രറി സെക്രട്ടറി സക്കീര്‍.എ.കെ , ലൈബ്രേറിയൻ അബ്ദുൽ സലാം .എ.കെ , ആബിദ്.സി, എന്നിവര്‍ സന്നിഹിദ്ദരായി .

ചരിത്രരേഖാ സർവേ:- റിപ്പോർട്ട് പ്രകാശനം ചെയ്തു.

ചരിത്രരേഖാ സർവേ:- റിപ്പോർട്ട് പ്രകാശനം ചെയ്തു.

      സംസ്ഥാന സാക്ഷരതാ മിഷൻ തുല്യതാ പഠിതാക്കൾ നടത്തിയ ചരിത്രരേഖ സർവേയുടെ ബ്ലോക്ക് തല ക്രോഡീകരണ റിപ്പോർട്ട് പ്രകാശനം ചെയ്തു.
        വേങ്ങര ബ്ലോക്ക് പഞ്ചായത്ത് പ്രസിഡന്റ് ശ്രീ. ചാക്കിരി അബദുൽ ഹഖ് ബ്ലോക്ക് പ്രേരക് ആബിദ .പി ക്ക് നൽകി പ്രകാശനo നിർവഹിച്ചു.സർവേയുടെ ഭാഗമായി നിരവധി പുരാതന രേഖകളും ,താളിയോല ഗ്രത്ഥങ്ങളും എഴുതുകളും പ്രമാണങ്ങളും കണ്ടെത്തിയിട്ടുണ്ട്.ചടങ്ങിൽ ബ്ലോക്ക് ജോയിന്റ് BDO സുരേഷ് കുമാർ TC, ബ്ലോക്ക് ജനറൽ എക്സ്റ്റൻഷൻ ഓഫീസർ സാനി.ടി.ജെ, ഹെഡ് അക്കൗണ്ടന്റ് ശ്രീ.കുഞ്ഞീതുട്ടി  ടി, പ്ലാനിംഗ് ഓഫീസർ ശ്രീ.മൻസൂർ, ശ്രീ.പ്രശാന്ത്, ശ്രീമതി. സജിത ,പ്രേരക് ശ്രീദേവി.പി.ടി എന്നിവർ പങ്കെടുത്തു

ഫ്‌ളുവന്‍സിയ ഉദ്ഘാടനം ചെയ്തു

ഫ്‌ളുവന്‍സിയ ഉദ്ഘാടനം ചെയ്തു

കുറ്റാളൂര്‍: ബദ്‌റുദ്ദുജാ ദഅ്‌വാ കോളേജിനു കീഴിലുള്ള സ്പീച്ച് മാസ്ട്രി ക്ലബ്ബ് സംഘടിപ്പിച്ച ഫ്‌ളുവന്‍സിയ-18 ഐ.പി.ബി ഡയറക്ടര്‍ മജീദ് അരിയല്ലൂര്‍ ഉദ്ഘാടനം ചെയ്തു. എഴുത്തും വായനയും ഒരു സാംസ്‌കാരിക പ്രവര്‍ത്തനം മാത്രമല്ല ഗൗരവമുള്ള ഒരു രാഷ്ട്രീയ പ്രവര്‍ത്തനം കൂടിയാണ്. പുതിയ കാലത്ത് സാംസ്‌കാരിക പ്രവര്‍ത്തനം തെറ്റിധരിക്കപ്പിക്കപെടുമ്പോള്‍ എഴുത്തും വായനയും മതവിദ്യാര്‍ത്ഥികളിലൂടെയാണ് സമൂഹത്തിന് സമ്മാനിക്കേണ്ടത്. മത-ഭൗതിക വിദ്യാഭ്യാസം നേടി സമൂഹത്തിന് മുന്നേ നടക്കുന്നവരിലാണ് ഏറെ പ്രതീക്ഷയെന്നും അദ്ദേഹം പറഞ്ഞു. സയ്യിദ് ശിഹാബുദ്ദീന്‍ ബുഖാരി അദ്ധ്യക്ഷ്യത വഹിച്ചു. എസ്. എസ്. എഫ് സംസ്ഥാന ക്യാമ്പസ് സിന്തിക്കേറ്റ് അംഗം എം.കെ.എം സ്വഫ്‌വാന്‍ കോട്ടുമല ആമുഖ പ്രഭാഷണം നടത്തി. സയ്യിദ് സ്വാലിഹ് ബുഖാരി കൊന്നാര, ഹക്കീം സഅദി അണ്ടോണ, ആശിഖ് അഹ്‌സനി മഞ്ചേരി, ശിഹാബുദ്ദീന്‍ അദനി വേങ്ങര സംബന്ധിച്ചു.

39 ഹൈ-ടെക് ക്ലാസ് റൂമുകൾ ഉദ്ഘാടനം ചെയ്‌തു

39 ഹൈ-ടെക് ക്ലാസ് റൂമുകൾ ഉദ്ഘാടനം ചെയ്‌തു
ചേറൂർ പി പി ടി എം വൈ ഹയർ സെക്കണ്ടറി സ്‌കൂളിൽ മാനേജ്‌മെന്റിന്റെയും  അധ്യാപകരുടെയും പി ടി എ യുടെയും  സഹകരണത്തോടെ ആരംഭിച്ച 39 ഹൈ-ടെക് ക്ലാസ് റൂമുകളുടെ ഉദ്ഘാടനവും ഇക്കഴിഞ്ഞ എസ് എസ് എൽ സി പരീക്ഷയിൽ A+ നേടി വിജയിച്ച 133 വിദ്യാർഥികൾക്കുള്ള അവാർഡ് ദാനവും, എൻ എൻ എം എസ് വിജയികൾക്കുള്ള ഉപഹാര സമർപ്പണവും ബഹുമാനപ്പെട്ട മലപ്പുറം എം പി പി.കെ. കുഞ്ഞാലിക്കുട്ടി സാഹിബ് നിർവ്വഹിച്ചു. എം എം കുട്ടി മൗലവി അധ്യക്ഷം വഹിച്ചു. ഹെഡ്മാസ്റ്റർ അബ്ദുൽ മജീദ് പറങ്ങോടത്ത്, പി ടി എ പ്രസിഡന്റ് മുജീബ് പൂക്കുത്ത്, വേങ്ങര ബ്ലോക്ക് പഞ്ചായത്ത് പ്രസിഡന്റ് ചാക്കീരി അബ്ദുൽ ഹഖ്, കണ്ണമംഗലം ഗ്രാമ പഞ്ചായത്ത് പ്രസിഡന്റ് കെ പി സരോജിനി, പുള്ളാട്ട് സലീം, കണ്ണമംഗലം ഗ്രാമ പഞ്ചായത്ത് അംഗം കെ. നഹീം, തിരൂരങ്ങാടി ഡി ഇ ഒ അജിത കുമാരി, യത്തീംഖാന സെക്രട്ടറി ആവയിൽ സുലൈമാൻ, യത്തീം ഖാന മാനേജർ കെ. ബീരാൻ കുട്ടി മാസ്റ്റർ, ടി കെ മൊയ്‌ദീൻ കുട്ടി, കൈറ്റ്‌സ് മലപ്പുറം ജില്ലാ കോ ഓർഡിനേറ്റർ അബുൽ റഷീദ് മാസ്റ്റർ, പ്രിൻസിപ്പാൾ കാപ്പൻ അബ്ദുൽ ഗഫൂർ,
പി ടി എ വൈസ് പ്രസിഡന്റ് സി. കുട്ടിയാലി, ഡെപ്യുട്ടി ഹെഡ്മാസ്റ്റർ ബാബു കെ.യു, മുൻ ഡെ. ഹെഡ്മാസ്റ്റർ ആബ്ദുൽ റഹീം എം. വി, എൽസൻ ജോർജ്ജ്, എം ഫൈസൽ, കുഞ്ഞിമൊയ്‌ദീൻ തുടങ്ങിയവർ സംസാരിച്ചു.

കലയും സാഹിത്യവും മനസിന്റെ വിശുദ്ധി - മന്ത്രി കടന്നപള്ളി

കലയും സാഹിത്യവും മനസിന്റെ വിശുദ്ധി - മന്ത്രി കടന്നപള്ളി

കലയും സാഹിത്യവും മനസിന്റെ വിശുദ്ധി - മന്ത്രി കടന്നപള്ളി

വേങ്ങര : കലയും സാഹിത്യവും മനുഷ്യ മനസിന്റെ വിശുദ്ധിയും സംസ്ക്കാരവുമാണന്ന് തുറമുഖം പുരാവസ്തു വകുപ്പു  മന്ത്രി കടന്നപ്പള്ളി രാമ ചന്ദ്രന്‍ . വേങ്ങരയില്‍ നടക്കുന്ന എസ് എസ് എഫ് വെസ്റ്റ് ജില്ലാ സാഹിത്യോത്സവ് ബ്രോഷര്‍ പ്രകാശനം ചെയ്ത് സംസാരിക്കുകയായിരുന്നു അദ്ദേഹം.

നല്ല കലാ സൃഷ്ടികള്‍ക്ക് മനുസുകളെ സംസ്‌കരിക്കാന്‍ സാധിക്കും. മനുഷ്യത്വത്തിലും മാനവികതയിലുമാണ് മനുഷ്യന്റെ പരിപൂര്‍ണത. എല്ലാ വിശ്വാസങ്ങളുടെയും കേന്ദ്ര ബിന്ദു ഒന്നാണ്. മതങ്ങളെല്ലാം സാഹോദര്യവും മാനവികതയുമാണ് ഉദ്‌ഘോഷിക്കുന്നത്. ഇത് നിലനില്‍ക്കണമെങ്കില്‍ മനസില്‍ കലയും സാഹിത്യവും മനസിലുണ്ടാകണം. സുമനുസകളില്‍ നിന്ന് മാത്രമേ കലാസൃഷ്ടികള്‍ ഉയര്‍ന്ന് വരികയുള്ളു. വര്‍ത്തമാന കാലത്ത് കലക്കും സാഹിത്യത്തിനും വലിയ പ്രാധാന്യമുണ്ടെന്നും എസ് എസ് എഫ് സാഹിത്യോത്സവുകള്‍ മനുഷ്യമനസുകളെ ഒന്നാക്കി മാറ്റാന്‍ സഹായകമാകട്ടെ എന്നും ആശംസിച്ചു. 

    വര്‍ഗ്ഗീയത, വിഭാഗീയത അഴിമതി തുടങ്ങിയവ വാഴുന്നകാലമാണിപ്പോള്‍. ഇത്തരം തിന്മകള്‍ക്കെതിരെ പോരാടുന്നതില്‍ കലക്കും സാഹിത്യത്തിനും ഏറെ പ്രാധാന്യമാണുള്ളത്. മാനവികതയും സാഹോദര്യവും വിളിച്ചോതുന്ന ഇത്തരം സംരംഭങ്ങള്‍ അനിവാര്യമാണ്. എസ് എസ് എഫ് സാഹിത്യോത്സവ് എല്ലാ വിഭാഗം ജനങ്ങള്‍ക്കുമുള്ള സൗന്ദര്യവും ആസ്വാദനവുമാണെന്ന് മന്ത്രി പറഞു. ചടങ്ങിൽ എസ് എസ് എഫ് ജില്ലാ പി അർ സെക്രട്ടറി കെ അബ്ദുൽ ജലീൽ, സാഹിത്യോത്സവ് പ്രോജക്റ്റ് കൗൺസിൽ ചെയർമാൻ എം കെ മുഹമദ് സ്വഫ് വാൻ സ്വാഗതവും ഡിവിഷൻ സെക്രട്ടറി പി പി മുഹമ്മദ് അതീഖുറഹിമാൻ നന്ദിയും പറഞ്ഞു.

വേങ്ങരയിലെ ഗതാഗതക്കുരുക്കിന് ശാശ്വത പരിഹാരം കാണണം; എസ്.ഡി.പി.ഐ

വേങ്ങരയിലെ ഗതാഗതക്കുരുക്കിന് ശാശ്വത പരിഹാരം കാണണം; എസ്.ഡി.പി.ഐ

വേങ്ങര: ടൗണില്‍ അനുദിനം രൂക്ഷമായിക്കൊണ്ടിരിക്കുന്ന ഗതാഗതക്കുരുക്കിന് ശാശ്വത പരിഹാരം കാണണമെന്ന് എസ്.ഡി.പി.ഐ മണ്ഡലം കമ്മിറ്റി ആവശ്യപ്പെട്ടു. വര്‍ഷാവര്‍ഷങ്ങളില്‍ യോഗം ചേര്‍ന്ന് തീരുമാനമെടുത്ത് പിരികുയല്ലാതെ ക്രിയാത്മകമായ പരിഹാരം കാണുന്നതില്‍ പ്രാദേശിക ഭരണകൂടവും പോലിസും പരാജയപ്പെടുകയാണ്. അങ്ങാടിയുടെ വിവിധ ഭാഗങ്ങളിലെ അനധികൃതപാര്‍ക്കിംഗും ചരക്കുവാഹനങ്ങളും നിയന്ത്രിക്കുന്നതില്‍ കാണിക്കുന്ന വിവേചനവും ഗതാഗതക്കുരുക്കിന് ആക്കം കൂട്ടുന്നുണ്ട്. പോലിസ് സ്‌റ്റേഷനോട് ചേര്‍ന്ന ട്രാഫിക് യൂനിറ്റ് സ്ഥാപിച്ച് ഗതാഗത നിയന്ത്രണം കാര്യക്ഷമമാക്കാന്‍ അടിയന്തര നടപടി സ്വീകരിക്കണം.
വേങ്ങര വഴി സര്‍വീസ് നടത്തുന്ന ബസുകള്‍ ഗതാഗതക്കുരുക്ക് മൂലം ഓട്ടം നിര്‍ത്തിവെക്കുമെന്ന് പ്രഖ്യാപിച്ചത് സംഭവത്തിന്റെ രൂക്ഷത വ്യക്തമാക്കുന്നതാണ്. ഗതാഗതക്കുരുക്ക് പരിഹരിക്കുന്നതില്‍ ഇനിയും വീഴ്ചവരുത്തിയാല്‍ ശക്തമായ സമരപരിപാടികള്‍ക്ക് എസ്.ഡി.പി.ഐ നേതൃത്വം നല്‍കുമെന്നും യോഗം മുന്നറിയിപ്പ് നല്‍കി.
പ്രസിഡന്റ് പി ഷെരീഖാന്‍ മാസ്റ്റര്‍ അധ്യക്ഷത വഹിച്ചു. എം ഖമറുദ്ദീന്‍, വി ബഷീര്‍, കെ പി അബ്ദുല്‍ഖയ്യുംഹാജി, കെ അവറാന്‍, പി എം റഫീഖ്, കെ എം ശരീഫ്, പി കെ അബൂബക്കര്‍, സി എം സഅദുദ്ദീന്‍ സംസാരിച്ചു.

വർണ്ണ വിസ്മയം തീർത്ത് കുട്ടികളുടെ ആർട്ട് ഗാലറിയിൽ കലാധ്യാപ കരുടെ ചിത്രപ്രദർശനം

വർണ്ണ വിസ്മയം തീർത്ത്  കുട്ടികളുടെ ആർട്ട് ഗാലറിയിൽ കലാധ്യാപ കരുടെ ചിത്രപ്രദർശനം

ജലചൂഷണവും, പ്ലാസ്റ്റിക്കും, ലഹരിയും, പ്രകൃതിഭംഗിയുമൊക്കെ വിഷയമാക്കി ഊരകം മർകസുൽ ഉലൂം ഹയർ സെക്കൻഡറി സ്കൂളിലെ കുട്ടികളുടെ ആർട്ട് ഗാലറിയിൽ ജില്ലയിലെ പ്രശസ്തരായ ഒരുകൂട്ടം കലാധ്യാപകയുടെയും വിദ്യാർത്ഥികളുടെയും പെയിൻറിങ്ങുകളുടെ പ്രദർശനം വിദ്യാർഥികൾക്കും അധ്യാപകർക്കും നവ്യാനുഭവമായി. വേങ്ങര ബി ആർ സി യുമായി ചേർന്ന് സ്കെച്ച് ആർട്ട് ഗാലറിയിൽ നടന്ന അധ്യാപകരുടെയും വിദ്യാർഥികളുടെയും ചിത്രരചനാ ക്യാമ്പിൽ വരച്ച അൻപതിൽപരം ചിത്രങ്ങളുടെ പ്രദർശനമാണ് മൂന്നുദിവസങ്ങളിലായി സ്കെച്ച് ആർട്ട് ഗാലറിയിൽ നടക്കുന്നത്.

 ഗോപു പട്ടിത്തറ, സാനു വി ആർ, ഹരീഷ് പി ജി, കെ ലോഹിതാക്ഷൻ, കെ എം നാരായണൻ, പി രാമചന്ദ്രൻ നമ്പൂതിരി, മൂസാ മുസ്തജിബ്, സോപിനാഥ് .എന്‍.ജി, നിതിൻ ജവഹര്‍ എന്നിവരുടെ പെയിൻറിങ്ങുകളോടൊപ്പം വേങ്ങര സബ്ജില്ലയിലെ ഇരുപതോളം വിദ്യാർഥികളുടെയും സൃഷ്ടികൾ പ്രദർശനത്തിലുണ്ട്. സ്കെച്ച് ആർട്ട് ഗാലറിയിൽ പ്രിന്‍സിപ്പൽ കെ.കെ.സയ്യിദ് മുഹമ്മദ് കോയ തങ്ങളുടെ അധ്യക്ഷതയിൽ നടന്ന ചടങ്ങിൽ വേങ്ങര ബ്ലോക്ക് പഞ്ചായത്ത് മെമ്പർ ശ്രീ. പി.കെ. അസ് ലു പ്രദർശനം ഉദ്ഘാടനം ചെയ്തു. പിടിഎ വൈസ് പ്രസിഡൻറ് വി.കെ. ഉമ്മർ  ഹാജി, എം കെ മുഹമ്മദ് മാസ്റ്റർ, പി.ഇര്‍ഷാദ് മാസ്റ്റർ, സയ്യിദ് അലി അക്ബർ തങ്ങൾ തുടങ്ങിയവർ പ്രസംഗിച്ചു. ഹെഡ്മാസ്റ്റർ കെ. അബ്ദു റഷീദ് മാസ്റ്റർ സ്വാഗതവും സ്കെച്ച് കൺവീനർ ബഷീർ ചിത്രകൂടം നന്ദിയും പറഞ്ഞു.പ്രദർശനം വ്യാഴാഴ്ച സമാപിക്കും.

ഖാഇദെ മില്ലത്ത് സെന്റർ ഫോർ എജ്യുക്കേഷൻ (ജാർഖണ്ഡ് )ബിൽഡിംഗ് പ്ലാൻ സമർപ്പണം

ഖാഇദെ മില്ലത്ത് സെന്റർ ഫോർ എജ്യുക്കേഷൻ  (ജാർഖണ്ഡ് )ബിൽഡിംഗ്  പ്ലാൻ സമർപ്പണം  

ഖാഇദെ മില്ലത്ത് സെന്റർ ഫോർ എജ്യുക്കേഷൻ  (ജാർഖണ്ഡ് )ബിൽഡിംഗ് പ്ലാൻ സമർപ്പണം  മുസ്‌ലിം ലീഗ് സംസ്ഥാന  പ്രസിഡണ്ട്‌ പാണക്കാട് സയ്യിദ് ഹൈദരലി ശിഹാബ് തങ്ങൾ നാഷണൽ പൊളിറ്റിക്സ്  ഓൺലൈൻ ഗ്രൂപ്പ്‌ ചെയർമാൻ പാണക്കാട് സയ്യിദ് ഹമീദലി ശിഹാബ് തങ്ങൾക്ക് നൽകി പ്രകാശനം ചെയ്തു പുള്ളാട്ട് ഷംസുദ്ധീൻ, എ പി ഉണ്ണികൃഷ്ണൻ, ചാകീരി കുഞ്ഞുട്ടി, എം എസ് അലവി, ടി പി എം ബഷീർ, ടി ഹിദായത്തുള്ള, ഇ കെ സുബൈർ മാസ്റ്റർ, നിസാർ കാടേരി, ടി അബ്ദുൽ ഹഖ്, വി കെ അമീർ, അലി ഹസ്സൻ കണ്ണമംഗലം, എം എ റഊഫ്, ഫത്താഹ് മൂഴിക്കൽ, അഡ്വ  എ പി നിസാർ, സി പി ഇബ്രാഹിം എന്നിവർ ചടങ്ങിൽ സംബന്ധിച്ചു.

വേങ്ങര പഞ്ചായത്ത്‌ വാർഡ് 7 ഗാന്ധിക്കുന്നിൽ ഗ്രാമസഭ ജനങ്ങൾ ബഹിഷ്ക്കരിച്ചു

വേങ്ങര ഗ്രാമപഞ്ചായത്ത് 7-ാം വാർഡ് ഗ്രാമ സഭ  നാട്ട്കാർ ബഹിഷ്ക്കരിച്ചു. ഗാന്ധി റോഡിന്റെ ശോചനിയാവസ്ഥ  പരിഹരിക്കണമെന്ന് ആവശ്യപെട്ടായിരുന്നു ബഹിഷ്ക്കരണം

ജലനിധിക്കായി അശാസ്ത്രീയമായ രീതിയിൽ വെട്ടിപ്പൊളിച്ച റോഡുകളിലൂടെ നാട്ടുകാർക്ക് യാത്ര ചെയ്യാൻ കഴിയാത്ത സാഹചര്യമാണ് നിലവിലുള്ളത്. പദ്ധതിനിർവഹണത്തിന്റെ സമയം അനന്തമായി നീണ്ടുകൊണ്ടിരിക്കുന്നു, വർഷങ്ങളായി തുടങ്ങിയ പദ്ധതി ഇപ്പോഴും ഒച്ചിന്റെ വേഗതയിലാണ് നീങ്ങിക്കൊണ്ടിരിക്കുന്നത്.ജലലബ്ധിക്ക് വേണ്ടി നാട്ടുകാർ ഇത്രയും കാലം സഹിച്ചിട്ടും ഇന്ന് വരെ ഒരുതുള്ളി വെള്ളം പോലും ആർക്കും കിട്ടിയില്ല എന്ന് മാത്രമല്ല  മഴക്കാലവും കൂടി ആയതോടെ പദ്ധതിക്കായി പൊളിച്ച റോഡുകളുടെ അവസ്ഥ വളരെ പരിതാപകാരവുമാണ്,
ഒട്ടനവധി പ്രതിഷേധങ്ങൾക്ക്  മുൻപും ഈ വിഷയത്തിൽ സാക്ഷ്യം വഹിച്ചിട്ടും പഞ്ചായത്തും ഉത്തരവാദിത്തമുള്ളവരും  ഇന്ന് വരെ പദ്ധതി ദ്രുതഗതിയിൽ ആക്കുന്നതിനോ,ജനങ്ങളുടെ ബുദ്ധിമുട്ടുകൾ പരിഹരിക്കുന്നതിനോ വേണ്ടി  കാര്യമായി ഒരിടപെടലും നടത്താതെ  ജനങ്ങളോട് ഒട്ടും പ്രതിബദ്ധതയില്ലാതെ ജനങ്ങളെ വെല്ലുവിളിച്ചു മുന്നോട്ടു പോകുകയാണ്. പ്രദേശത്തിന്റെ റോഡിന്റെ അവസ്ഥ ഇങ്ങനെയാണെന്നിരിക്കെ അത് ഉടൻ നന്നാകുന്നതിനാവശ്യമായ  കാര്യങ്ങൾ യുദ്ധകാലാടിസ്ഥാനത്തിൽ ചെയ്യാതെ വാർഡിൽ ഗ്രാമസഭ കൂടണ്ട എന്ന് പറഞ്ഞു ജങ്ങൾ ഒന്നടങ്കം സഭ നടത്തുന്നത് തടയുകയായിരുന്നു. പ്രധിഷേധത്തെ തുടർന്ന് സഭ മാറ്റിവെച്ചു.

സൗജന്യ തിമിര പരിശോധനയും ശസ്ത്രക്രിയയും

സൗജന്യ തിമിര പരിശോധനയും ശസ്ത്രക്രിയയും 

വേങ്ങര വ്യാപാരി വ്യവസായി യൂത്ത് വിങ്ങിൻെറയും സൈപ്രസ്  ബിൽഡേഴ്സിന്റെയും* സംയുക്താഭിമുഖ്യത്തിൽ വേങ്ങര, കണ്ണമംഗലം പഞ്ചായത്തുകാർക്കുള്ള  സൗജന്യ കണ്ണ് പരിശോധന 03 - 07-2018 ന് വേങ്ങര വ്യാപാര ഭവനിൽ.
 ക്യാമ്പിൽ പങ്കെടുക്കുന്നവർക്ക് തിമിരം ഉണ്ടെന്ന് കണ്ടെത്തിയാൽ, സൗജന്യ ശസ്ത്രക്രിയ  പാലക്കാട് അഹല്യ കണ്ണാശുപത്രിയിൽ വെച്ച് ചെയ്തു കൊടുക്കും. രോഗിയുടെ യാത്ര ഉൾപ്പെടെയുള്ള കാര്യങ്ങൾ വ്യാപാരി വ്യവസായിയുടെ ചെലവിലായിരിക്കും.
   
    ക്യാമ്പിൽ  പങ്കെടുക്കാൻ താൽപര്യമുള്ളവർ മുൻകൂട്ടി രജിസ്റ്റർ ചെയ്യണം. രജിസ്റ്റർ ചെയ്യാനായി 30-06-18 ന് മുമ്പ് വാർഡിലെ ആശാ വർക്കറുമായൊ വാർഡ് മെമ്പറുമായൊ ബന്ധപ്പെടുക.

ബൈക്കപകടത്തിൽ പെട്ട യുവാക്കൾ റോഡിൽ കുത്തിയിരുന്നു പ്രധിഷേധിച്ചു

ബൈക്കപകടത്തിൽ പെട്ട യുവാക്കൾ റോഡിൽ കുത്തിയിരുന്നു പ്രധിഷേധിച്ചു

വേങ്ങര കച്ചേരിപ്പടി കണ്ണാട്ടി പടി റോഡിൽ ബൈക്കിൽ യാത്ര ചെയ്യവെ ദുഷകരമായ റോഡിലെ കുഴിയിൽ വീണ് പരിക്കേറ്റ യുവാക്കൾ റോഡ് ഉപരോധിച്ച് സംഭവസ്ഥലത്ത് നിന്ന് എണീൽക്കാതെ ഇരിക്കുകയും വാഹന ഗതാഗതം പൂർണ്ണമായും സ്തംഭിക്കുകയും ചെയ്തു 

വിവരമറിഞ്ഞ് സ്ഥലത്തെത്തിയ നാട്ടുകാരും ഉപരോധത്തിന് പിന്തുണ നൽകിയതോടെ കനത്ത മഴയിലും പ്രധിഷേധം ശക്തമായി വിവരമറിഞ്ഞ് സ്ഥലത്ത് എത്തിയ വേങ്ങര സബ് ഇൻസ്പെക്ടർ യുവാക്കയെയും നാട്ടുകാരെയും അനുനയിപ്പിക്കാൻ ശ്രമിച്ചെങ്കിലും പൊട്ടിപ്പൊളിഞ്ഞ് താറുമാറായ  റോഡുകൾ യാത്രാ യോഗ്യമാക്കുന്നതിന് ബദ്ധപ്പെട്ട അധികാരികളിൽ നിന്ന് ഉറപ്പ് ലഭിക്കാതെ പ്രധിഷേധം അവസാനിപ്പിക്കാൻ യുവാക്കൾ തയ്യാറായില്ല 

ശേഷം PWD ഉദ്യോഗസ്ഥരുമായും മറ്റു മേലധികാരികളുമായി എസ്.ഐ നിരന്തരം ബദ്ധപ്പെടുകയും അവർ പെട്ടെന്ന് റോഡ് ശരിയാക്കമെന്ന് ഉറപ്പ് നൽകുകയും നാളെ ജന പ്രധിനിധികളു മായി നാട്ടുകാർക്ക് ചർച്ച ചെയ്യാനുള്ള വേദി എസ്, ഐ ഉറപ്പു നൽകുകയും ചെയത തോടെ ഉപരോധം അവസാനിപ്പിച്ചു അപകടത്തിൽ പെട്ട K K ജാസിം ,mT ഷിബിലി എന്നവരെ ഹോസ്പിറ്റലിൽ പ്രവേപ്പിച്ച് പ്രഥമ ശ്രുഷ്രൂഷ നൽകി 

ഉപരോധത്തിന്  മെയതീൻ കുട്ടി, ഹനീഫ ഉള്ളാടൻ, സുബൈർ പനക്കൽ. ജാബിർ പൂവഞ്ചേരി ,ജമാൽ പനക്കൽ,,.മുജീബ് പൂവഞ്ചേരി ,ബാബു ചിറയിൽ,എന്നിവർ നേത്യത്വം നൽകി

കൂരിയാട് മാർക്കറ്റിന് മുന്നിലൂടെയുള്ള ലിങ്ക് റോഡ് വൺവേ ആക്കി ഉത്തരവിറക്കണമെന്ന് കൂരിയാട് യൂണിറ്റ് കോൺഗ്രസ്സ് കമ്മിറ്റി ആവശ്യപ്പെട്ടു

കൂരിയാട് മാർക്കറ്റിന് മുന്നിലൂടെയുള്ള ലിങ്ക് റോഡ് വൺവേ ആക്കി ഉത്തരവിറക്കണമെന്ന് കൂരിയാട് യൂണിറ്റ് കോൺഗ്രസ്സ് കമ്മിറ്റി ആവശ്യപ്പെട്ടു

എം എസ് എഫ് ദേശീയ വിദ്യാഭ്യാസ പദ്ധതി

എം എസ് എഫ് ദേശീയ വിദ്യാഭ്യാസ പദ്ധതി

വേങ്ങര : എം എസ് എഫ് ദേശീയ വിദ്യാഭ്യാസ പദ്ധതി

ഈദ് ദിന ഫണ്ട് ശേഖരണ തുക

വേങ്ങര പഞ്ചായത്ത് കമ്മിറ്റി നിയോജക മണ്ഡലം ട്രഷറർ  സി പി ഹാരിസ്ന്ന് കൈമാറി.വേങ്ങര പഞ്ചായത്ത് പ്രസിഡന്റ് സഹീർ ഹബ്ബാസ് നടക്കൽ,ഉപാധ്യക്ഷൻ ഇബ്രാഹിം അടക്കാപുര സെക്രട്ടറി പി എ അർഷദ് ഫാസിൽ തുടങ്ങിയവർ പങ്കെടുത്തു.

ഗാന്ധിക്കുന്ന് 225

അടക്കാപ്പുര  1775

മനാട്ടി             3160

പറപ്പിൽ പാറ & പുത്തങ്ങാടി 6840

അരീക്കുളം    1190

പാലശ്ശേരിമാട്   1070

മാട്ടിൽ      1770

പാണ്ടികശാല  1430

മണ്ണിപ്പിലാക്കൽ   2500

SS റോഡ്.        2500

ആകെ തുക 22470

എസ് എസ് എഫ് ജില്ലാ സാഹിത്യോത്സവ്_ വിദ്യാർത്ഥികൾക്ക് അരലക്ഷം പ്ലാൻ കാർഡ് വിതരണം ചെയ്യും

എസ് എസ് എഫ് ജില്ലാ സാഹിത്യോത്സവ്_ വിദ്യാർത്ഥികൾക്ക് അരലക്ഷം പ്ലാൻ കാർഡ് വിതരണം ചെയ്യും

വേങ്ങര: എസ് എസ് എഫ് മലപ്പുറം ജില്ലവെസ്റ്റ്  സാഹിത്യോത്സവിന്റെ പ്രചരണാർത്ഥം അമ്പതിനായിരം പ്ലാൻ കാർഡ് വിദ്യാർത്ഥികൾക്ക് വിതരണം ചെയ്യും. വിദ്യാർത്ഥികളുടെ ക്ലാസ് ടൈംടേബിൾ എഴുതാൻ സൗകര്യപ്രതമായ രീതിയിലുള്ള കാർഡുകളാണ് വിതരണം ചെയ്യുന്നത്.2018 ഓഗസ്റ്റ് 2 മുതൽ 5 വരെ വേങ്ങരയിൽ വെച്ച് നടക്കുന്ന ജില്ലാ സാഹിത്യോത്സവിന്റ പ്രചരണാർത്ഥമാണ് പ്രൊജക്ട് കൗൺസിൽ പ്ലാൻ കാർഡ് പ്രസിദ്ധീകരിച്ചത് .പ്ലാൻ കാർഡിന്റെ വിതരണോത്ഘാടനം ചേറൂർ വികെ മാട് യൂണിറ്റിൽ IPB ഡയറക്ടർ എം അബ്ദുൽ മജീദ് നിർവഹിച്ചു. സയ്യിദ് ജഅഫർ തുറാബ് തങ്ങൾ, സയ്യിദ് അലവി അൽ ബുഖാരി,പി നസീർ സഖാഫി, കെ പിയൂസുഫ് സഖാഫി സംബന്ധിച്ചു.KC മുഹ്യദ്ദീൻ സഖാഫി അദ്ധ്യക്ഷത വഹിച്ചു.അതീഖ് റഹ്മാൻ സ്വാഗതവും അബ്ദുള്ള സഖാഫി നന്ദിയും പറഞ്ഞു

അനധികൃത പാര്‍കിംഗ് നിരോധനം ആവശ്യപ്പെട്ട് msf ഊരകം പഞ്ചായത്ത് കമ്മിറ്റി നിവേദനം നല്‍കി.

അനധികൃത പാര്‍കിംഗ് നിരോധനം ആവശ്യപ്പെട്ട് msf ഊരകം പഞ്ചായത്ത് കമ്മിറ്റി നിവേദനം നല്‍കി.    

വേങ്ങര : വേങ്ങര ബോയ്സ് സ്കൂള്‍ പരിസരത്ത് സ്കൂള്‍ പ്രവൃത്തി സമയത്ത് അനധികൃതമായി വാഹനങ്ങള്‍ പാര്‍ക് ചെയ്യുന്നത് നിരോധിക്കണമെന്നാവശ്യപ്പെട്ട് ഊരകം പഞ്ചായത്ത് msf കമ്മിറ്റി വേങ്ങര പോലീസ് സ്റ്റേഷനില്‍ നിവേദനം നല്‍കി. യുത്ത് ലീഗ് സെക്രട്ടറി സമീര്‍ കുറ്റാളൂര്‍ , എം.എസ്.എഫ് പ്രസിഡന്‍റ് കെ.ടി ഹംസ, സെക്രട്ടറി ജസീം .എന്‍, ട്രഷറര്‍ ഷുഹൈബ് രായില്‍, സെക്രട്ടറിമാരായ ഫൈസല്‍ നാട്ടുകല്ല്, ജസീല്‍ പുത്തന്‍പീടിക എന്നിവര്‍ സംബന്ധിച്ചു.     

വലിയോറപ്പാടത്തെ മുണ്ടാംകുഴി കുളം നവീകരിച്ചു.

വലിയോറപ്പാടത്തെ മുണ്ടാംകുഴി കുളം നവീകരിച്ചു.

വേങ്ങര : പൊട്ടിപ്പൊളിഞ് ഉപയോഗ്യശൂന്യമായി കിടക്കുകയായിരുന്ന വലിയോറപ്പാടത്തെ മു ണ്ടാംകുഴി കുളംവേങ്ങര ഗ്രാമപഞ്ചായത്തിന്റെ 2017 - 18 വർഷത്തെ പദ്ധതിയിൽ ഉൾപ്പെടുത്തി 2 ലക്ഷം രൂപയുടെ ഫണ്ടനുവദിച്ച് നവീകരിച്ചു. വേങ്ങര ഗ്രാമപഞ്ചായത്ത് പതിനേഴാം വാർഡ് മെമ്പർ വി.ഉമ്മു ഐമൻ യൂസുഫലിയുടെ പ്രത്യേക താൽപര്യപ്രകാരമാണ് കുളം നവീകരണത്തിന് സാഹചര്യമൊരുക്കിയത്.ഇവിടേക്ക് ഉടൻ തന്നെ പുതിയവൈദ്യുതി ലൈൻ സ്ഥാപിച്ച് കാർഷിക ജല സ്രോതസ്സിനും നീന്തൽകുള മായും ഇതിനെ ഉപയോഗപ്പെടുത്തുമെന്ന് വാർഡ് മെമ്പർ വി.ഉമ്മു ഐമൻ യൂസുഫലി പറഞ്ഞു

ലോക പരിസ്ഥിതി ദിനത്തോടനുബന്ധിച്ച് SKSSF കാരാത്തോട് യൂണിറ്റിന്റെ " പ്രകൃതിക്കൊരു കൈതാങ്ങ് "

ലോക പരിസ്ഥിതി ദിനത്തോടനുബന്ധിച്ച് SKSSF കാരാത്തോട് യൂണിറ്റിന്റെ " പ്രകൃതിക്കൊരു കൈതാങ്ങ് "

വേങ്ങര : ലോക പരിസ്ഥിതി ദിനത്തോടനുബന്ധിച്ച് SKSSF കാരാത്തോട് യൂണിറ്റിന്റെ " പ്രകൃതിക്കൊരു കൈതാങ്ങ് " എന്ന പദ്ധതിയുടെ ഭാഗമായി യൂണിറ്റിന്  കീഴിൽ നടന്ന  തൈ വിതരണം  കാരാത്തോട് മഹല്ല് പ്രസിഡണ്ട് PK .അബ്ദുട്ടി ഹാജി സ്വദർ മുഅല്ലിം മജീദ് ഫൈസിക്ക് നൽകി ഉദ്ഘാടനം ചെയ്തു. പരിസ്ഥിതി സംരക്ഷിക്കേണ്ടതിന്റെ പ്രാധാന്യം മനസ്സിലാക്കിക്കൊണ്ട് M. ഉസ്മാൻ മാസ്റ്റർ വിദ്യാർഥികളെയും രക്ഷിതാക്കളെയും ബോധവൽക്കരിച്ചു സംസാരിച്ചു . പരിപാടിയിൽ മഹല്ല് സെക്രട്ടറി മുഹമ്മദ്, മൂസ ഹാജി, ഇർഷാദ്, സ്വാദിഖ്, ഫാളിൽ, നിസാം,ആസിഫ്, റസാഖ്, നിയാസ്, നൗഫൽ എന്നിവർ സംബന്ധിച്ചു.

ഇതരസംസ്ഥാനക്കാരുടെ പണവും ഫോണും തട്ടിയെടുത്ത ആൾ പിടിയിൽ

ഇതരസംസ്ഥാനക്കാരുടെ പണവും ഫോണും തട്ടിയെടുത്ത ആൾ പിടിയിൽ 

വേങ്ങര: ഇതരസംസ്ഥാന തൊഴിലാളികളിൽനിന്ന് പണമടങ്ങുന്ന പേഴ്‌സും മൊബൈൽ ഫോണും തട്ടിയെടുത്തയാളെ വേങ്ങര പോലീസ് പിടികൂടി. കോഴിക്കോട് പെരുമണ്ണ പൂവാട്ടുപറമ്പ് കമ്മന മീത്ത പ്രശാന്തി(36)നെയാണ് വേങ്ങര എസ്.ഐ. സംഗീത് പുനത്തിലും സംഘവും പിടികൂടിയത്. ഒഡീഷ സ്വദേശിയും ഇപ്പോൾ കന്നുംപുറം കുഴിച്ചെനയിൽ താമസക്കാരനുമായ ദേവദാസ് മാജിയുടെ പരാതിയിലാണ് നടപടി. പരാതിക്കാരനേയും മറ്റു രണ്ടു ഇതരസംസ്ഥാന തൊഴിലാളികളേയും താമസിക്കുന്ന കേന്ദ്രങ്ങളിൽ എത്തി ഇയാൾ ജോലിക്ക് ആളുകളെ ആവശ്യമുണ്ടെന്നറിയിച്ചിരുന്നു. തുടർന്ന് ശനിയാഴ്ച രാവിലെ ഏഴരയോടെ തൊഴിലാളികളെ സ്വന്തം വാഹനത്തിൽ കൊണ്ടുപോയി അച്ചനമ്പത്ത് ഇറക്കി ഇവരോട് പണിക്ക് ആവശ്യമുള്ള വസ്ത്രങ്ങൾ ധരിക്കാൻ പറഞ്ഞു. പേഴ്‌സും ഫോണും ധരിച്ച വസ്ത്രങ്ങളും വാഹനത്തിൽ വെച്ചാൽ മതി എന്നറിയിച്ചു. തുടർന്ന് ചേറൂരിലെ ഒരു ഹോട്ടലിൽനിന്ന് ഇവർക്ക് ഭക്ഷണം വാങ്ങിക്കൊടുക്കുന്നതിനിടെ പ്രശാന്ത് വാഹനവുമായി പോവുകയായിരുന്നു. മൂന്നു പേരുടേതുമായി പതിനായിരം രൂപയും ഒരു മൊബൈൽ ഫോണുമാണ് പ്രതി തട്ടിയെടുത്തത്. ഇങ്ങനെ നിരവധി സ്ഥലങ്ങളിൽ ഇയാൾ തട്ടിപ്പ് നടത്തിയിട്ടുണ്ടെന്ന് പോലീസ് പറയുന്നു. എന്നാൽ ഈ തൊഴിലാളികൾ ആരും പരാതി ഉന്നയിക്കാറില്ല. കഴിഞ്ഞദിവസം ചേറൂരിൽ ഇങ്ങനെ ഇറക്കിവിട്ട തൊഴിലാളികൾ വേങ്ങര സ്റ്റേഷനിൽ എത്തി പരാതി ഉന്നയിക്കുകയായിരുന്നു. തുടർന്ന് വാഹനത്തിന്റെ നമ്പർ പിന്തുടർന്നു നടത്തിയ അന്വേഷണത്തിലാണ് പ്രതിയെ പൂവാട്ടുപറമ്പുവെച്ച് പിടികൂടിയത്. കാറും പോലീസ് കസ്റ്റഡിയിൽ എടുത്തു. പ്രതിയെ മലപ്പുറം കോടതിയിൽ ഹാജരാക്കി റിമാൻഡ് ചെയ്തു.

വൃക്ഷ തൈ വിതരണം വേങ്ങരയിൽ

വൃക്ഷ തൈ വിതരണം വേങ്ങരയിൽ
വേങ്ങര : "മരമൊരുക്കാം മഴയൊരുക്കാം"എന്ന പ്രകൃതി സന്ദേശ ദൗത്യവുമായി 2018 ജൂൺ 05, ചൊവ്വ ലോക പരിസ്ഥിതി ദിനത്തിൽ രാവിലെ 11 മണിക്ക് വേങ്ങര വ്യാപാരഭവൻ  പരിസരത്ത് വെച്ച് കേരള വ്യാപാരി വ്യവസായി ഏകോപന സമിതിയുടെ യുവജന പ്രസ്ഥാനമായ വ്യാപാരി വ്യവസായി യൂത്ത് വേങ്ങര യൂണിറ്റ് സംഘടിപ്പിക്കുന്ന വൃക്ഷത്തൈ വിതരണ പരിപാടിയുടെ ഔപചാരിക ഉത്‌ഘാടനം വേങ്ങര സബ് ഇൻസ്‌പെക്ടർ ശ്രി.സംഗീത് നിർവഹിക്കുന്നു

വിദ്യാര്‍ഥികള്‍ക്ക് ബസിലെ സീറ്റില്‍ ഇരിക്കാനുള്ള അവകാശം തടയരുതെന്ന് ജില്ലാ കലക്ടര്‍

വിദ്യാര്‍ഥികള്‍ക്ക് ബസിലെ സീറ്റില്‍ ഇരിക്കാനുള്ള അവകാശം തടയരുതെന്ന് ജില്ലാ കലക്ടര്‍

മലപ്പുറം: സ്വകാര്യ സ്സുകളില്‍ വിദ്യാര്‍ഥികളോട് വിവേചനം പാടില്ലെന്ന് ജില്ലാകലക്ടര്‍ അമിത് മീണ. കലക്ടറേറ്റില്‍ ചേര്‍ന്ന സ്റ്റുഡന്റ്‌സ് ട്രാവലിങ് ഫെസിലിറ്റി കമ്മിറ്റി യോഗത്തില്‍ സംസാരിക്കുകയായിരുന്നു കലക്ടര്‍. വിദ്യാര്‍ഥികള്‍ക്ക് ബസില്‍ ഇരിക്കാനുള്ള അവകാശം നിഷേധിക്കരുതെന്നും ക്യൂവില്‍ നിര്‍ത്തുന്ന സാഹചര്യം ഒഴിവാക്കണമെന്നും കലക്ടര്‍ പറഞ്ഞു.വിദ്യാര്‍ഥികളുടെ യാത്രാ പാസ് സംബന്ധിച്ച് നിലവിലുള്ള വ്യവസ്ഥകള്‍ പാലിച്ചുകൊണ്ട് തന്നെ മുന്നോട്ട് പോകാന്‍ ബസ് ഉടമകളുടെയും വിദ്യാര്‍ഥികളുടേയും പ്രതിനിധികള്‍ അടങ്ങുന്ന യോഗത്തില്‍ ധാരണയായി. സര്‍ക്കാര്‍, എയ്ഡഡ് സ്ഥാപനങ്ങളിലെ വിദ്യാര്‍ഥികള്‍ക്ക് അതത് സ്ഥാപനങ്ങളിലെ തിരിച്ചറിയല്‍ കാര്‍ഡ് തന്നെ യാത്രാപാസ് ആയി ഉപയോഗിക്കാം. സര്‍ക്കാര്‍ അംഗീകാരത്തോടെ പ്രവര്‍ത്തിക്കുന്ന അണ്‍ എയ്ഡഡ് സ്‌കൂളുകളിലെ വിദ്യാര്‍ഥികള്‍ക്കും ഇത് ബാധകമാണ്. മറ്റ് സ്ഥാപനങ്ങളിലെ വിദ്യാര്‍ഥികള്‍ക്ക് ആര്‍.ടി.ഒ ഒപ്പുവെച്ച യാത്രാപാസ് വിതരണം ചെയ്യും. രാവിലെ ഏഴു മുതല്‍ വൈകീട്ട് ഏഴ് മണി വരെ വിദ്യാര്‍ഥികള്‍ക്ക് സൗജന്യനിരക്കില്‍ യാത്രചെയ്യാന്‍ അനുവാദമുണ്ട്. ഐടിഐ വിദ്യാര്‍ഥികള്‍ക്ക് 7.30 ന് ക്ലാസ് തുടങ്ങുന്നതിനാല്‍ അവര്‍ക്ക് ആറ് മണി മുതല്‍ പാസ് അനുവദിക്കണം. 40 കിലോമീറ്റര്‍ വരെയാണ് സൗജന്യയാത്രക്ക് അവകാശമുള്ളത്. അവധിദിവസങ്ങളിലും വിദ്യാര്‍ഥികള്‍ക്ക് പാസ് ഉപയോഗിച്ച് യാത്ര ചെയ്യാന്‍ അവകാശമുണ്ട്.
യാത്രാപാസിന്റെ കാര്യത്തില്‍ തുറന്ന സമീപനമാണ് തങ്ങള്‍ക്കുള്ളതെന്ന് ബസ് ഉടമകള്‍ യോഗത്തില്‍ പറഞ്ഞു. വിദ്യാര്‍ഥികളുടെ യാത്ര സുഗമമാക്കാന്‍ ബസ്സുടമകളും ജീവനക്കാരും സഹകരിക്കുമെന്നും ബസ് ഓപ്പറേറ്റേഴ്‌സ് സംഘടനാപ്രതിനിധികള്‍ യോഗത്തില്‍ അറിയിച്ചു. ജില്ലയില്‍ കെഎസ്ആര്‍ടിസി നല്‍കുന്ന പാസുകള്‍ ആയിരത്തില്‍ താഴെയാണെന്ന് ബസ്സുടമകളുടെ സംഘടനാപ്രതിനിധികള്‍ കുറ്റപ്പെടുത്തി. ഇത് വര്‍ധിപ്പിക്കാന്‍ നടപടിയുണ്ടാകണമെന്നും അവര്‍ ആവശ്യപ്പെട്ടു. ഇതിന്റെ അടിസ്ഥാനത്തില്‍ കെഎസ്ആര്‍ടിസി പാസ് വിതരണത്തെക്കുറിച്ച് പഠിക്കാന്‍ ആര്‍.ടി.ഒ, എ.ഡി.എം, ഡി.ട്ടി.ഒ (കെഎസ്ആര്‍ടിസി) എന്നിവരടങ്ങുന്ന മൂന്നംഗ കമ്മിറ്റിയെ നിയോഗിച്ചു. കമ്മിറ്റിയുടെ റിപ്പോര്‍ട്ടിന്റെ അടിസ്ഥാനത്തില്‍ കൂടുതല്‍ പാസ് അനുവദിക്കുന്ന കാര്യം പരിഗണിക്കും.
എ.ഡി.എം വി രാമചന്ദ്രന്‍, റീജിയണല്‍ ട്രാന്‍സ്‌പോര്‍ട്ട് ഓഫീസര്‍ കെ.സി മാണി, ഡി.ടി.ഒ രാധാകൃഷ്ണന്‍, ബസ് ഓപ്പറേറ്റേഴ്‌സ് ഓര്‍ഗനൈസേഷന്‍ പ്രതിനിധികളായ എം.സി കുഞ്ഞിപ്പ, ശിവകരന്‍ മാസ്റ്റര്‍, പി..കെ മൂസ, ബസ് ഓപ്പറേറ്റേഴ്‌സ് അസോസിയേഷന്‍ പ്രതിനിധികളായ ഹംസ എരീക്കുന്നന്‍, മുഹമ്മദ് എന്ന നാണി ഹാജി, പക്കീസ കുഞ്ഞിപ്പ, കെ.എസ്.യു ജില്ലാ സെക്രട്ടറി സിയാദ് പേങ്ങാടന്‍, എം.എസ്.എഫ് ജില്ലാ പ്രസിഡന്റ് ഹാരിസ് ടി.പി തുടങ്ങിയവര്‍ യോഗത്തില്‍ പങ്കെടുത്തു.

എസ്.ഡി.പി.ഐ ഇഫ്താര്‍ സൗഹൃദസംഗമം

എസ്.ഡി.പി.ഐ ഇഫ്താര്‍ സൗഹൃദസംഗമം 

വേങ്ങര: എസ്.ഡി.പി.ഐ വേങ്ങര മണ്ഡലം കമ്മിറ്റി സംഘടിപ്പിച്ച ഇഫ്താര്‍ സൗഹൃദസംഗമം ജില്ലാ പ്രസിഡന്റ് സി പി എ ലത്തീഫ് ഉദ്ഘാടനം ചെയ്തു. വിവിധ രാഷ്ട്രീയ-സാമൂഹിക സംഘടനാ പ്രതിനിധികളും മാധ്യമപ്രവര്‍ത്തകരും പങ്കെടുത്തു. എസ്.ഡി.പി.ഐ മണ്ഡലം പ്രസിഡന്റ് പി ഷെരീഖാന്‍ മാസ്റ്റര്‍ അധ്യക്ഷത വഹിച്ചു.
കണ്ണമംഗലം ഗ്രാമപ്പഞ്ചായത്ത് വൈസ്പ്രസിഡന്റ് പുള്ളാട്ട് സലീം മാസ്റ്റര്‍, സി.പി.ഐ മണ്ഡലം സെക്രട്ടറി കെ നഹീം, സി.പി.എം ലോക്കല്‍ സെക്രട്ടറി ടി പത്മനാഭന്‍, ഐ.എന്‍.എല്‍ ജില്ലാ പ്രസിഡന്റ് ടി എ സമദ്, എന്‍.സി.പി ജില്ലാ സെക്രട്ടറി പി എച്ച് ഫൈസല്‍, വേങ്ങര ഗ്രാമപ്പഞ്ചായത്ത് മുന്‍പ്രസിഡന്റ് പി പി സഫീര്‍ബാബു, വെല്‍ഫയര്‍പാര്‍ട്ടി വേങ്ങര മണ്ഡലം പ്രസിഡന്റ് കെ എം ഹമീദ് മാസ്റ്റര്‍, പി.ഡി.പി മണ്ഡലം സെക്രട്ടറി അസ്‌ക്കര്‍ അലി, വേങ്ങര പ്രസ്‌റിപോര്‍ട്ടേഴ്‌സ് ക്ലബ് പ്രസിഡന്റ് കെ ഗംഗാധരന്‍, സെക്രട്ടറി കെ ടി അമാനുള്ള, വ്യാപാരിവ്യവസായി യൂത്ത് വിംഗ് ജില്ലാ സെക്രട്ടറി എ കെ യാസര്‍ അറഫാത്ത്, പോപുലര്‍ഫ്രണ്ട് വേങ്ങര ഡിവിഷന്‍ സെക്രട്ടറി എം അബ്ദുല്‍ബാരി, ജിദ്ദ ഇന്ത്യന്‍ സോഷ്യല്‍ഫോറം മലപ്പുറം ജില്ലാ പ്രസിഡന്റ് കോയിസ്സന്‍ ബീരാന്‍കുട്ടി, എസ്.ഡി.പി.ഐ മണ്ഡലം സെക്രട്ടറി എം ഖമറുദ്ദീന്‍ സംസാരിച്ചു. കെ പി ഖയ്യൂംഹാജി, കെ അവറാന്‍, പി അബ്ദുല്‍മജീദ്, പി എം റഫീഖ്, എം മുസ്തഫ, കെ എം ഹനീഫ, പി കെ അബൂബക്കര്‍, കെ എം മുസ്തഫ, ഇ കെ നാസര്‍ നേതൃത്വം നല്‍കി.

സ്‌കൂൾ തുറക്കുന്നത് ജൂൺ 12 വരെ നീട്ടി

സ്‌കൂൾ തുറക്കുന്നത് ജൂൺ 12 വരെ നീട്ടി 

മലപ്പുറം: നിപ വൈറസ് ഭീതിയുടെ നിഴലില്‍ ജില്ലയിലെ വിദ്യാഭ്യാസ സ്ഥാപനങ്ങള്‍ തുറക്കുന്നത് ജൂണ്‍ 12 വരെ നീട്ടിവെച്ചു. ജില്ലാ കലക്ടര്‍ അമിത് മീണ ഐ എ എസ് ആണ് ഇക്കാര്യം അറിയിച്ചത്. ഇന്ന് ജില്ലാ ആസ്ഥാനത്ത് ചേര്‍ന്ന നിപ വൈറസ് അവലോകന യോഗത്തിലാണ് തീരുമാനം കൈക്കൊണ്ടത്.
കോഴിക്കോട് ജില്ലയില്‍ സ്‌കൂളുകള്‍ തുറക്കുന്നത് നേരത്തെ ജൂണ്‍ 12ലേക്ക നീട്ടിയിരുന്നു. നിപ വൈറസ് ബാധ ഭീഷണി ഉയര്‍ത്തുന്ന സാഹചര്യത്തിലാണ് ഇത്തരമൊരു തീരുമാനം കൈക്കൊണ്ടത്. പൊതു സ്ഥലങ്ങളില്‍ നിന്ന് ജനങ്ങള്‍ അകലം പാലിക്കണമെന്നും, റമദാന്‍ ഷോപ്പിങ് ഉള്‍പ്പെടെ നിയന്ത്രിക്കണമെന്നും ജില്ലാ ഭരണകൂടം നേരത്തെ ആവശ്യപ്പെട്ടിരുന്നു.

നിപ: കൂട്ടം കൂടിയുള്ള റംസാന്‍ ഷോപ്പിങ് നിയന്ത്രിക്കണമെന്ന് ജില്ലാ കലക്ടര്‍

നിപ: കൂട്ടം കൂടിയുള്ള റംസാന്‍ ഷോപ്പിങ് നിയന്ത്രിക്കണമെന്ന് ജില്ലാ കലക്ടര്‍

മലപ്പുറം: ജില്ലയില്‍ നിപ വൈറസ് വ്യാപനം സംബന്ധിച്ചുള്ള ആശങ്ക നില നില്‍ക്കുന്നതിനാല്‍ റംസാന്‍ പ്രമാണിച്ച് കടകള്‍ കേന്ദ്രീകരിച്ച് കൂട്ടമായി നടത്തുന്ന ഷോപ്പിംഗ് ആഘോഷം പൊതുജനങ്ങള്‍ പരമാവധി കുറക്കണമെന്ന് ജില്ലാ കലക്ടര്‍ അമിത് മീണ അറിയിച്ചു. പലരും വസ്ത്രം വാങ്ങുന്നതിനായി കൂട്ടമായി എത്തി സ്ഥാപനങ്ങളില്‍ തിങ്ങി നിറയുന്ന കാഴ്ചയാണ് കാണുന്നത്. ഇത്തരം അപരിചിതരുടെ ആള്‍ക്കൂട്ടം വലിയ പ്രശ്‌നമായി മാറുമെന്ന് ആരോഗ്യ വകുപ്പ് മുന്നറിയിപ്പ് നല്‍കിയിട്ടുണ്ട്.
നിപ വൈറസ് ആശങ്കയുടെ ഒന്നാം ഘട്ടം പൂര്‍ത്തിയാകുന്നതിന് ജൂണ്‍ 11 വരെയെങ്കിലും കാത്തിരിക്കേണ്ടതുണ്ട്. ഇതിനിടയില്‍ രോഗം വരാതെ നോക്കേണ്ടത് ഒരോരുരുത്തരുടെയും കടമയാണ് ഇതില്‍ വീഴ്ചയുണ്ടായാല്‍ പ്രശ്‌നം ഗുരുതരമാവും.
വൈറസ് വ്യപനം ഒഴിവാക്കുന്നതിനായി ജില്ലയിലെ എല്ലാ പൊതു പരിപാടികളും ഒഴിവാക്കുന്നതിന് നിര്‍ദ്ദേശിച്ചിട്ടുണ്ട്. ഇതിനു പുറമെ സര്‍ക്കാര്‍ പരിപാടികള്‍ മുഴുവനും റദ്ദാക്കിയിട്ടുണ്ട്. ഒഴിവാക്കാന്‍ പറ്റാത്ത ഔദ്യോഗിക പരിപാടികള്‍ മാത്രമാണ് നടക്കുന്നത്. ജില്ലയില്‍ സ്‌കൂള്‍ തുറക്കുന്നത് സംബന്ധിച്ച് പുതിയ തീരുമാനം ഇതു വരെ എടുത്തിട്ടില്ലെന്നും ജില്ലാ കലക്ടര്‍ അറിയിച്ചു.
മാലിന്യ സംസ്‌ക്കരണം യഥാവിധി നടത്താത്ത വ്യക്തികള്‍ക്കും സ്ഥാപനങ്ങള്‍ക്കം എതിരെ പഞ്ചായത്ത് സെക്രട്ടറിക്ക് 10,000 രൂപ പിഴ ചുമത്താന്‍ കഴിയുന്ന പുതിയ ഉത്തരവ് ഉടന്‍ ഇറക്കുമെന്ന് ജില്ലാ കലക്ടര്‍ അറിയിച്ചു. നിപയുടെ മായി ബന്ധപ്പെട്ട് ആംബുലന്‍സ് വഴി ആശുപത്രിയില്‍ എത്തിക്കുന്നതിനുള്ള മുഴുവന്‍ ചെലവും ദേശീയ ആരോഗ്യ ദൗത്യം നല്‍കും.
കലക്‌ട്രേറ്റില്‍ നടന്ന നിപ ടാസ്‌ക് ഫോഴ്‌സ് യോഗത്തില്‍ ജില്ലാ മെഡിക്കല്‍ ഓഫിസര്‍ ഡോ.കെ.സക്കീന പ്രസംഗിച്ചു. 

എസ്.എസ്.എഫ്. ബദർസ്മൃതി ഇന്ന്

എസ്.എസ്.എഫ്. ബദർസ്മൃതി ഇന്ന് 

വേങ്ങര: എസ്.എസ്.എഫ്. വേങ്ങര ഡിവിഷൻ ബദർസ്മൃതി വ്യാഴാഴ്ച 1.30-ന് ഊരകം കുന്നത്ത് ഹിദായ സുന്നി മദ്രസയിൽ നടക്കും. എസ്.വൈ.എസ്. സംസ്ഥാന വൈസ് പ്രസിഡന്റ് പി.കെ.എം. സഖാഫി ഇരിങ്ങല്ലൂർ ഉദ്ഘാടനംചെയ്യും. ബദ്‌റിന്റെപാഠം എന്നവിഷയത്തിൽ കെ.പി. യൂസുഫ് സഖാഫി കുറ്റാളൂർ ക്ലാസെടുക്കും. ജില്ലാ സാഹിത്യോത്സവിന്റെ വിപ്ലവസംഘം പ്രഖ്യാപനം എസ്.എസ്.എഫ് സംസ്ഥാന ജനറൽസെക്രട്ടറി അബ്ദുൽറഷീദ് നരിക്കോട് നിർവഹിക്കും. എം.കെ.എം. സ്വഫ്‌വാൻ സന്ദേശ പ്രഭാഷണം നടത്തും.

വേങ്ങരയിൽ ജൻഔഷധി കേന്ദ്രം ആരംഭിച്ചു

വേങ്ങരയിൽ ജൻഔഷധി കേന്ദ്രം ആരംഭിച്ചു 

വേങ്ങര: കേന്ദ്ര ഫാർമസ്യൂട്ടിക്കൽ കോർപ്പറേഷന്റെ കീഴിലുള്ള ജൻഔഷധി കേന്ദ്രം വേങ്ങരയിൽ പ്രവർത്തനം ആരംഭിച്ചു. ജൻ ശിക്ഷാ സൻസ്ഥാൻ ജില്ലയിലെ പത്ത് സർക്കാർആശുപത്രികൾ കേന്ദ്രീകരിച്ച്തുടങ്ങുന്ന ജൻഔഷധി കേന്ദ്രങ്ങളിൽ രണ്ടാമത്തേതാണ് വേങ്ങരയിൽ തുറന്നത്. പൊതുവിപണിയേക്കാൾ പത്ത് മുതൽ 80 ശതമാനംവരെ വിലക്കുറവിൽ അലോപ്പതിമരുന്നുകൾ ഇവിടെ ലഭിക്കും. വേങ്ങര ബ്ലോക്ക്പഞ്ചായത്ത് സൗജന്യമായി നൽകിയ സ്ഥലത്താണ്കേന്ദ്രം പ്രവർത്തിക്കുന്നത്. പി.കെ. കുഞ്ഞാലിക്കുട്ടി എം.പി. ഉദ്ഘാടനംചെയ്തു. കെ.എൻ.എ ഖാദർ എം.എൽ.എ. അധ്യക്ഷനായി. ജെ.എസ്.എസ്. ചെയർമാൻ പി.വി. അബ്ദുൾവഹാബ് എം.പി. ആദ്യമരുന്ന് വില്പന നടത്തി. വേങ്ങര ബ്ലോക്ക്പഞ്ചായത്ത് പ്രസിഡന്റ് ചാക്കീരി അബ്ദുൾഹഖ്, വേങ്ങര ഗ്രാമപ്പഞ്ചായത്ത് പ്രസിഡന്റ് വി.കെ. കുഞ്ഞാലൻകുട്ടി, പി.കെ. കോയാമു, എ.കെ. അഹമ്മദാലി, പുള്ളാട്ട് ഷെരീഫ, പി.കെ. അസ്‌ലു, ഫസലു, മെഡിക്കൽ ഓഫീസർ അജിത്ഖാൻ, ജെ.എസ്.എസ്. ഡയറക്ടർ വി. ഉമ്മർക്കോയ എന്നിവർ പ്രസംഗിച്ചു.

ഫെയ്മസ് ക്ലബ്ബ് സംഘടിപ്പിച്ച അവാർഡ് ദാനവും ഇഫ്ത്താർ മീറ്റും അഡ്വ.കെ.എൻ.എ. കാദർ MLA ഉൽഘാടനം ചെയ്തു

ഫെയ്മസ് ക്ലബ്ബ് സംഘടിപ്പിച്ച അവാർഡ് ദാനവും ഇഫ്ത്താർ മീറ്റും അഡ്വ.കെ.എൻ.എ. കാദർ MLA ഉൽഘാടനം ചെയ്തു. 

വേങ്ങര : ഫെയ്മസ് ക്ലബ്ബ് സംഘടിപ്പിച്ച അവാർഡ് ദാനവും ഇഫ്ത്താർ മീറ്റും അഡ്വ.കെ.എൻ.എ. കാദർ MLA ഉൽഘാടനം ചെയ്തു. ബ്ലോക്ക് പ്രസിഡന്റ് ചാക്കീരി അബ്ദുൾ ഹഖ് അദ്ധ്യക്ഷത വഹിച്ചു.റംസാൻ കിറ്റ് വിതരണം ജില്ലാ പഞ്ചായത്ത് പ്രസിഡന്റ് എ.പി.ഉണ്ണികൃഷ്ണൻ നിർവ്വഹിച്ചു.ഇരുപത്തിരണ്ടാം വാർഷികത്തിന്റെ ഭാഗമായി 22 ഇന കർമ്മ പദ്ധതികളുടെ പ്രഖ്യാപനം പി കെ അസ്ലു നിർവ്വഹിച്ചു.ചൈൽഡ് ഹെൽപ് ലൈൻ പോസ്റ്റർ പ്രദർശനം പഞ്ചായത്ത് പ്രസി.ബഷീർ കാലടി നിർവ്വഹിച്ചു.

ഇറ്റാമന്റെ തെങ്ങ് കഥ മന്ത്രി കെ ടി ജലീൽ പ്രകാശനം ചെയ്തു

ഇറ്റാമന്റെ തെങ്ങ് കഥ മന്ത്രി കെ ടി ജലീൽ  പ്രകാശനം ചെയ്തു

വേങ്ങര : പ്രദേശത്തെ കലാ സാംസ്കാരിക രംഗങ്ങളും അതിൽ മികവ് തെളിയിച്ചവരെയും പ്രോത്സാഹിപ്പിക്കുന്നതിന്റെ ഭാഗമായി ഇബ്രാഹിം അടക്കാപുര നിർമിക്കുന്ന വെത്യസ്ഥ ഡോക്യുമെന്ററിയിലെ ആദ്യ ഡോക്യൂമെന്ററി ഇറ്റാമന്റെ തെങ്ങ് കഥ മന്ത്രി കെ ടി ജലീൽ പ്രകാശനം നിർവ്വയിച്ചു 7മിനുട്ടും 47സെക്കന്റും Duration ഉള്ള ഡോക്യുമെന്ററിയിൽ ഇറ്റാമനെ കുറിച്ച് വിദേശ സ്വദേശ മാധ്യമങ്ങളിൽ ചർച്ച ചെയ്ത ന്യൂസുകളും അതോടൊപ്പം തന്നെ ഇറ്റാമൻ നിർമിച്ച പല  ശിൽപങ്ങളും  നിർമിക്കുന്ന ശിൽപങ്ങളെ കുറിച്ചും ഡോക്യൂമെന്ററിയിൽ വിവരിക്കുന്നു.വർഷങ്ങളായി തെങ്ങിൽ നിന്ന് വീണ് പരിക്ക് കാരണം തെങ്ങിൽ കയറാത്ത ഇറ്റാമൻ ഡോക്യുമെന്ററിയുടെ fictionനും വേണ്ടി തെങ്ങിൽ കയറാൻ ശ്രമിക്കുന്നത് ഡോക്യുമെന്ററിയുടെ വലിയൊരു മികവായി എന്ന് ഇബ്രാഹിം facebook - ൽ അഭിപ്രായപ്പെട്ടു.കലാകാരൻ മാർക് പ്രചോദനം നൽകുന്ന ഇത്തരം പ്രവർത്തനങ്ങൾ എന്ത് കൊണ്ടും മാതൃകാപരമാണെന്ന് മന്ത്രി അഭിപ്രായപെട്ടു. ഡോക്യുമെന്ററിയുടെ  ക്യാമറ shereef pp,അസിസ്റ്റന്റ് ക്യാമറ shakeeb, എഡിറ്റിങ് Jisnu Raj Mഅസിസ്റ്റന്റ് ഡയറക്ടർ Ali Ansar Anjukandathil,സ്ക്രിപ്റ്റ്&ടാറ്റ കളക്ഷൻ Fathima shehara k തുടങ്ങിയവർ നിർവ്വഹിച്ചു.ചടങ്ങിൽ ഫാത്തിമ സഹ്റ കരിമ്പനക്കൽ,ജിസ്‌ണു രാജ് M,റിജു ദാസ് KT,പറമ്പൻ ഇറ്റാമൻ,ഇബ്രാഹിംഅടക്കപ്പുര,ഷരീഫ് T, പൂക്കയിൽ കരീം,ചന്ദ്രൻ മുല്ല പള്ളി,തുടങ്ങിയവർ പങ്കെടുത്തു.

വൈദ്യുതി മുടക്കം പതിവാകുന്നു, പാണ്ടികശാല നിവാസികൾ പ്രക്ഷോഭത്തിലേക്ക്

വൈദ്യുതി മുടക്കം പതിവാകുന്നു, പാണ്ടികശാല നിവാസികൾ പ്രക്ഷോഭത്തിലേക്ക് 

വേങ്ങര: വേങ്ങര പഞ്ചായത്തിലെ 17 ാം വാർഡിൽ പെട്ട പാണ്ടികശാലയിലും പരിസര പ്രദേശത്തുംകഴിഞ്ഞ ഒരാഴ്ചയായി അപ്രഖ്യാപിത വൈദ്യുതി മുടക്കം പതിവായിയിരിക്കുകയാണ്‌. വെന്നിയൂർ കെ.എസ്.ഇ.ബി.സെക്ഷൻ ഓഫീസിന് കീഴിലാണ് ഈ പ്രദേശം വരുന്നത്.ഇവിടെ മഴ പെയ്യാൻ തുടങ്ങിയാൽ വൈദ്യുതി മുടങ്ങുന്നത് നിത്യസംഭവമാണ്. റംസാൻ മാസമായതോടെ നോമ്പ് തുറക്കുന്ന സമയത്ത് വൈദ്യുതി മുടങ്ങുന്നത് വിശ്വാസികൾക്ക് വലിയ പ്രയാസം സൃഷ്ടിച്ചിരിക്കുകയാണ്. വെന്നിയൂർ കെ.എസ്ഇബി.ഓഫീസിലെ ജീവനക്കാരുടെ അനാസ്ഥയും ഇതിന് കാരണമായിട്ടുണ്ട്. മുന്നറിയിപ്പില്ലാതെവൈദ്യുതി മുടങ്ങുന്ന സമയത്ത് വെന്നിയൂർ കെ.എസ്.ഇ.ബി ഓഫീസിലേക്ക് വിളിച്ചാൽ ഫോൺ എടുക്കാത്ത അവസ്ഥയാണുള്ളതെന്നും ജീവനക്കാരെ മൊബൈൽ ഫോണിൽ വിളിച്ചാൽ ഓഫീസിലേക്ക് വിളിക്കാൻ പറയുന്ന അവസ്ഥയാണെന്നും നാട്ടുകാർ പറയുന്നു.  മുന്നറിയിപ്പില്ലാതെ വൈദ്യുതി മുടങ്ങുന്ന വെന്നിയൂർ കെ.എസ് ഇ.ബി.യുടെ അനാസ്ഥക്കെതിരെ വമ്പിച്ച ജനകീയ പ്രക്ഷോഭം നടത്താനുള്ള തയ്യാറെടുപ്പിലാണ് നാട്ടുകാർ.

'ഇതിന്റെ വൈദ്യുതി വകുപ്പ് മന്ത്രിക്കും സ്ഥലം MLA ക്കും ഭീമ ഹർജി നൽകുമെന്ന് വേങ്ങര ഗ്രാമപഞ്ചായത്ത് പതിനേഴാം വാർഡ്മെമ്പർ.വി.ഉമ്മു ഐമൻ യൂസുഫലി പറഞ്ഞു.

കോഴിക്കോട് മലപ്പുറം ജില്ലകളില്‍ സ്‌കൂള്‍ തുറക്കുന്നത് ജൂണ്‍ അഞ്ചിലേക്ക് മാറ്റി

കോഴിക്കോട് മലപ്പുറം ജില്ലകളില്‍ സ്‌കൂള്‍ തുറക്കുന്നത് ജൂണ്‍ അഞ്ചിലേക്ക് മാറ്റി

കോഴിക്കോട്:  നിപ വൈറസ് ബാധ കണക്കിലെടുത്ത് കോഴിക്കോട് മലപ്പുറം ജില്ലകളില്‍ സ്‌കൂള്‍ തുറക്കുന്നത് ജൂണ്‍ അഞ്ചിലേക്ക് മാറ്റി. കോഴിക്കോട് കളക് ട്രേറ്റില്‍ ചേര്‍ന്ന അവലോകന യോഗത്തിലാണ് തീരുമാനം.
വൈറസ് ബാധിച്ചതായി പുതിയ കേസുകള്‍ റിപ്പോര്‍ട്ട് ചെയ്യപ്പെട്ടിട്ടില്ല. പരിശോധനയ്ക്ക് അയച്ച സാമ്പിളുകളില്‍ 83 ശതമാനവും നെഗറ്റീവാണെന്നും യോഗത്തില്‍ ആരോഗ്യ  വകുപ്പ് അറിയിച്ചു.

ഇറ്റാമന്റെ തെങ്ങ് കഥ പ്രകാശനത്തിന് ഒരുങ്ങുന്നു

ഇറ്റാമന്റെ തെങ്ങ് കഥ പ്രകാശനത്തിന് ഒരുങ്ങുന്നു

വേങ്ങര : പ്രദേശത്തെ കലാ സാംസ്കാരിക രംഗങ്ങളും അതിൽ മികവ് തെളിയിച്ചവരെയും പ്രോത്സാഹിപ്പിക്കുന്നതിന്റെ ഭാഗമായി ഇബ്രാഹിം അടക്കാപുര നിർമിക്കുന്ന വ്യത്യസ്ത ഡോക്യുമെന്ററിയിലെ ആദ്യ ഡോക്യൂമെന്ററി ഇറ്റാമന്റെ തെങ്ങ് കഥ പ്രകാശനത്തിന് ഒരുങ്ങുന്നു.7മിനുട്ടും 47സെക്കന്റും Duration ഉള്ള ഡോക്യുമെന്ററിയിൽ ഇറ്റാമനെ കുറിച്ച് വിദേശ സ്വദേശ മാധ്യമങ്ങളിൽ ചർച്ച ചെയ്ത ന്യൂസുകളും അതോടൊപ്പം തന്നെ ഇറ്റാമൻ നിർമിച്ച പല  ശിൽപങ്ങളും  നിർമിക്കുന്ന ശിൽപങ്ങളെ കുറിച്ചും ഡോക്യൂമെന്ററിയിൽ വിവരിക്കുന്നു.വർഷങ്ങളായി തെങ്ങിൽ നിന്ന് വീണ് പരിക്ക് കാരണം തെങ്ങിൽ കയറാത്ത ഇറ്റാമൻ ഡോക്യുമെന്ററിയുടെ fictionനും വേണ്ടി തെങ്ങിൽ കയറാൻ ശ്രമിക്കുന്നത് ഡോക്യുമെന്ററിയുടെ വലിയൊരു മികവായി എന്ന് ഇബ്രാഹിം facebook - ൽ അഭിപ്രായപ്പെട്ടു.

വേങ്ങര ബസ് സ്റ്റാന്റിലെ കംഫർട്ട് സ്റ്റേഷൻ അടപ്പിച്ചു

വേങ്ങര ബസ് സ്റ്റാന്റിലെ കംഫർട്ട് സ്റ്റേഷൻ അടപ്പിച്ചു

വേങ്ങര: ടൗണിൽ ബസ് സ്റ്റാന്റിൽ പ്രവർത്തിക്കുന്ന ഗ്രാമപഞ്ചായത്ത് കംഫർട്ട് സ്റ്റേഷൻ ആരോഗ്യവകുപ്പ് അധികൃതർ അടപ്പിച്ചു
കംഫർട്ട് സ്റ്റേഷനിൽ നിന്നും മലിനജലം പുറത്തേകൊഴുകുന്നതായുള്ള പരാതിയെ തുടർന്നാണ് നടപടി.കഴിഞ്ഞ ദിവസം രാത്രി പോലീസ് സ്ഥലത്തെത്തിയിരുന്നു ഇന്നലെ ആരോഗ്യവകുപ്പ് അധിക്യതർ സ്ഥലത്തെത്തിപൂട്ടാൻ നിർദേശം നൽകുകയായിരുന്നു മാലിന്യപൈപ്പ് അടഞ്ഞ താണ് മലിനജലം പുറത്തെക്കൊഴുകാനിടയാക്കിയത്..

സ്‌കൂള്‍ തുറക്കുന്നു; നമ്മുടെ കുട്ടികള്‍ സുരക്ഷിതരാകണം

സ്‌കൂള്‍ തുറക്കുന്നു; നമ്മുടെ കുട്ടികള്‍ സുരക്ഷിതരാകണം

പൂവാലശല്യം ഇല്ലെന്ന് ഉറപ്പാക്കണം ബസ് യാത്രയില്‍ സുരക്ഷിതത്വം വേണം

മലപ്പുറം:അധ്യയനവര്‍ഷാരംഭത്തില്‍ത്തന്നെ കുട്ടികളുടെ സുരക്ഷ ഉറപ്പുവരുത്താന്‍ എ.ഡി.എം വി. രാമചന്ദ്രന്റെ അധ്യക്ഷതയില്‍ യോഗംചേര്‍ന്നു. ബന്ധപ്പെട്ട സ്‌കൂള്‍, വകുപ്പ്് അധികൃതര്‍ ഇതിനുള്ള നടപടി സ്വീകരിക്കണമെന്ന് യോഗം ആവശ്യപ്പെട്ടു. സ്‌കൂള്‍കെട്ടിടങ്ങളുടെയും മതിലുകളുടെയും സുരക്ഷ ഉറപ്പുവരുത്തണം. അറ്റകുറ്റപ്പണികള്‍ നടത്തി പൂര്‍ണ സുരക്ഷിതമല്ലാത്ത കെട്ടിടങ്ങളില്‍ ക്ലാസ് നടത്തരുത്. സ്‌കൂള്‍ പരിസരങ്ങളിലും മറ്റും അപകടഭീഷണിയുയര്‍ത്തുന്ന മരങ്ങള്‍, കൊമ്പുകള്‍ എന്നിവ വെട്ടിമാറ്റണം. സ്‌കൂള്‍ ഗേറ്റുകളുടെ വീതി ചുരുങ്ങിയത് 15 അടിയാക്കണം. മോട്ടോര്‍വാഹന വകുപ്പിന്റെ ഫിറ്റ്‌നസ് പരിശോധനയ്ക്ക് വിധേയമായി സര്‍ട്ടിഫിക്കറ്റ് നേടാത്ത സ്‌കൂള്‍ബസുകള്‍, മറ്റു വാഹനങ്ങള്‍ എന്നിവ കുട്ടികളുടെ യാത്രയ്ക്കായി ഉപയോഗിക്കരുത്. മതിയായ പരിചയമില്ലാത്തതും പോക്‌സോ ഉള്‍പ്പെടെയുള്ള കേസുകളില്‍പ്പെട്ടവരുമായ ഡ്രൈവര്‍മാര്‍ സ്‌കൂള്‍വാഹനങ്ങള്‍ ഓടിക്കരുത് തുടങ്ങിയ നിര്‍ദേശങ്ങളും നല്‍കി. പ്രവേശനോത്സവം ഉള്‍പ്പെടെയുള്ള പരിപാടികളില്‍ െഫ്‌ളക്‌സ് ഒഴിവാക്കി പരിസ്ഥിതിസൗഹൃദമാണെന്ന് ഉറപ്പുവരുത്തണം. പൂവാലശല്യം ഇല്ലെന്ന് ഉറപ്പുവരുത്താന്‍ മഫ്തിയിലുള്‍പ്പെടെ പോലീസ് സാന്നിധ്യം വേണം. വിദ്യാര്‍ഥികളെ കേന്ദ്രീകരിച്ചുള്ള മയക്കുമരുന്ന് വില്‍പ്പന ഇല്ലെന്ന് ഉറപ്പുവരുത്തണം. സ്‌കൂള്‍ പരിസരങ്ങളിലും സ്‌കൂള്‍ ബസ്സ്‌റ്റോപ്പുകളിലും സീബ്രാലൈനും സി.സി.ടി.വി. നിരീക്ഷണവുമുണ്ടാകണമെന്നും യോഗം നിര്‍ദേശിച്ചു. യോഗത്തില്‍ വിവിധ വകുപ്പുകളിലെ ജില്ലാതല ഉദ്യോഗസ്ഥര്‍ പങ്കെടുത്തു.

ഫാസിസത്തെ പ്രതിരോധിക്കാനുള്ള മാര്‍ഗം കലയും സഹിത്യവും: പ്രഫ.എ പി അബ്ദുൽ വഹാബ്

ഫാസിസത്തെ പ്രതിരോധിക്കാനുള്ള മാര്‍ഗം  കലയും സഹിത്യവും: പ്രഫ.എ പി അബ്ദുൽ വഹാബ്

വേങ്ങര. ഫാസിസത്തെ പ്രതിരോധിക്കാനുള്ള ഏറ്റവും നല്ല മാര്‍ഗം സാഹിത്യവും  കലയുമാണെന്ന് കേരള ന്യൂനപക്ഷ ധനകാര്യ വികസന കോർപ്പറേഷൻ ചെയർമാൻ പ്രഫ.എ പി അബ്ദുൽ വഹാബ് പറഞ്ഞു. ജർമനിയിൽ ഹിറ്റ്ലറുടെയും ഇറ്റലിയിൽ മുസോളിനിയുടെയും കാലത്ത് ഇത് തെളിയിക്കപ്പെട്ടതാണ്. അതുകൊണ്ടുതന്നെയാണ് നമ്മുടെ രാജ്യത്ത് കലാസാഹിത്യ പ്രവര്‍ത്തകര്‍ക്കെതിരെ വന്‍ തോതില്‍ അസഹിഷ്ണുതയും അക്രമവും വളരുന്നതെന്നും അദ്ദേഹം പറഞ്ഞു. എസ് എസ് എഫ് ഇരുപത്താഞ്ചാമത് ജില്ലാ സാഹിത്യോത്സവിന്റെ പ്രോജക്റ്റ് കൗൺസിൽ ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സര്‍ഗാത്മക രചനകള്‍ ചുട്ടെരിക്കാന്‍, എഴുത്തുകാരുടെ കൈകള്‍ ഛേദിക്കാന്‍, ചിന്തിക്കുന്നവരുടെ തലച്ചോറ് വെടിയുണ്ടയാല്‍ ചിതറിക്കാന്‍ ചിലര്‍ തയാറാവുന്നതും ഇതുകൊണ്ടാണ്. കലബുര്‍ഗിയും നരേന്ദ്രധബോല്‍ക്കറും ഗോവിന്ദ പന്‍സാരെയുമൊക്കെ നമ്മുടെ ഓര്‍മകളില്‍നിന്ന് മായാന്‍ പാടില്ല. പെരുമാള്‍ മുരുകന് സംഭവിച്ചതും ഓര്‍ക്കണം.   അക്ഷരങ്ങളെയും കലയെയും ഫാസിസ്റ്റുകള്‍ക്ക് എന്നും ഭയമാണ്.  ഇതിനെതിരെ അതര്‍ഹിക്കുന്ന ഗൌരവത്തില്‍  പ്രതികരണം നമ്മുടെ സമൂഹത്തില്‍നിന്ന് ഉയര്‍ന്നുവരുന്നതിന് എസ് എസ് എഫിന്റെ സാഹിത്യോത്സവ് ഏറെ ശ്രമങ്ങൾ നടത്തുന്നത് പ്രശംസനീയമാണെന്നും അദ്ദേഹം പറഞ്ഞു. ഓഗസ്റ്റ് രണ്ടു  മുതൽ അഞ്ചു വരെ വേങ്ങരയിലാണ് സാഹിത്യോത്സവിന് വേദിയൊരുങ്ങുന്നത്.

ഉദ്ഘാടന ചടങ്ങിൽ പ്രോജക്റ്റ് കൗൺസിൽ ജനറൽ കൺവീനർ പി കെ എം സഖാഫി ഇരിങ്ങല്ലൂർ അദ്ധ്യക്ഷത വഹിച്ചു. കേരള മുസ്ലിം ജമാഅത്ത് സോൺ പ്രസിണ്ടന്റ് ടിടി അഹമ്മദ് കുട്ടി സഖാഫി പ്രാർത്ഥന നിർവഹിച്ചു. എസ് എസ് എഫ് ജില്ലാ ജനറൽ സെക്രട്ടറി എം ജുബൈർ, സാഹിത്യോത്സവ് പ്രോഗ്രാം ചെയർമാൻ മുഹമ്മദ് ബുഖാരി, കേരള മുസ്ലിം ജമാഅത്ത് ജില്ലാ ഉപാധ്യക്ഷൻ വേങ്ങര അബ്ദു ഹാജി, ജനറൽ സെക്രട്ടറി എ അലിയാർ, സുന്നി യുവജന സംഘം സോൺ പ്രസിണ്ടന്റ് പി പി അബ്ദുൽ ജബ്ബാർ ബാഖവി, പ്രോഗ്രാം കൺവീനർ മുഹമ്മദ് ഫളൽ സഖാഫി, ജില്ലാ സെക്രട്ടറി ശുക്കൂർ അബ്ദുള്ള എന്നിവർ പ്രസംഗിച്ചു. സാഹിത്യോത്സവ് കോഡിനേറ്റർ പി പി അബ്ദുൽ നസിർ സഖാഫി സ്വാഗതവും കൺവീനർ മുഹമ്മദ് ഫൈറൂസും നന്ദിയും പറഞ്ഞു.

കരിയർ ഗെയ്‌ഡൻസ് സംഘടിപ്പിച്ചു

കരിയർ ഗെയ്‌ഡൻസ് സംഘടിപ്പിച്ചു 

വേങ്ങര: എസ് എസ് എൽ സി പ്ലസ് ടു കഴിഞ്ഞ വിദ്യാർത്ഥികൾക്ക് മാർക്ക് അക്കാദമികരിയർ ഗൈഡൻസ് ക്ലാസ് സംഘടിപ്പിച്ചു.

സി വിൽസർവീസ് ജേതാക്കളായ പി പി ജുനൈദ് ശാഹിദ് തിരുവള്ളുർ എന്നിവർക്ക് സ്വീകരണം നൽകി.

കുറ്റാളൂർ മലബാർ കോളേജിൽ ശരീഫ് കുറ്റൂർ ഉദ്ഘാടനം ചെയ്തു ജാഫർ ഓടക്കൽ അധ്യക്ഷനായി കെ ടി ഹാരിസ് കെ ടി ഹംസ എൻജസീം സംസാരിച്ചു റിയാസ് ചാലിൽ കരിയർ ഗൈഡൻസ് ക്ലാസെടുത്തു.

നിപ: വവ്വാലുകളെ ആക്രമിക്കരുത് പ്രത്യാഘാതമുണ്ടാകുമെന്ന് ഡി.എം.ഒ ആരോഗ്യവകുപ്പ്

നിപ: വവ്വാലുകളെ ആക്രമിക്കരുത് പ്രത്യാഘാതമുണ്ടാകുമെന്ന് ഡി.എം.ഒ ആരോഗ്യവകുപ്പ്

മലപ്പുറം:നിപ വൈറസ് ആശങ്കയുടെ പശ്ചാത്തലത്തില്‍ വവ്വലുകളെ കൂട്ടത്തോടെ ഉൻ മൂലനം ചെയ്യാന്‍ ശ്രമിക്കുന്നത്  കൂടുതല്‍ അപകടം ചെയ്യുമെന്ന് ജില്ലാ മെഡിക്കില്‍ ഓഫിസര്‍ ഡോ.കെ.സക്കീന അറിയിച്ചു. വാവ്വലുകള്‍ പരിസ്ഥിതി സംതുലനാവസ്ഥയുടെ ഭാഗമായി നിലനില്‍ക്കേണ്ട ജീവിയാണ്. അവയുടെ ആവാസ വ്യവസ്ഥകള്‍ക്കുനേരയുള്ള ആക്രമണങ്ങള്‍ ഗുരുതരമായി പ്രത്യാഘാതങ്ങള്‍ക്ക് വഴി വക്കും. അവയെ ഇളക്കി വിടരുതെന്നും അവര്‍ ആവശ്യപ്പെട്ടു.

വവ്വലുകളുള്ള കിണറകളുണ്ടെങ്കില്‍ അവയെ വല വച്ച് പിടിച്ച് ഒഴിവാക്കുക. ഇതിന് പുറമെ ശുദ്ധമായ കുടിവെള്ളം ഉറപ്പുവരുത്തുന്നതിന് കിണറുകള്‍ സൂപ്പര്‍ ക്ലോറിനേഷന്‍ ചെയ്യുക,തിളപ്പുച്ചാറിയ വെള്ളം ഉപയോഗിക്കുക. പഴ വര്‍ഗ്ഗങ്ങളും പച്ചക്കറികളും കഴുകി ഉപയോഗിക്കുക എന്നിവ വൈറസ് നിയന്ത്രണത്തിന് സഹായമാവുമെന്നും അവര്‍ അറിയിച്ചു.

നിപ വൈറസ് ജില്ലയില്‍ ആശങ്കപ്പെടേണ്ട

സഹചര്യമില്ലെന്ന് നിയമസഭാ സ്പീക്കര്‍ പി. ശ്രീരാമ ക്യഷ്ണന്‍

നിപ വൈറസ് വ്യാപനം സംബന്ധിച്ച് ജില്ലയില്‍ ആശങ്കപ്പെടേണ്ട സഹചര്യമില്ലെന്ന് നിയസഭ സ്പീക്കര്‍ പി. ശ്രീരാമ ക്യഷ്ണന്‍. കലക്‌ട്രേറ്റില്‍ നടന്ന അവലോകന യോഗത്തില്‍ സംസാരിക്കുകയായിരുന്നു സ്പീക്കര്‍. രോഗ വ്യാപനം തടയുന്നതിന് നിലവില്‍ ആരോഗ്യ വകുപ്പ് ത്യപ്തികരമായ രീതിയില്‍ മുന്‍കരുതല്‍ എടുത്തിട്ടുണ്ട്. മികച്ച രീതിയില്‍ ജാഗ്രതയും പുലര്‍ത്തുന്നുണ്ട്. ആരോഗ്യ വകുപ്പ് മന്ത്രി ജില്ലയിലെ പ്രവര്‍ത്തനങ്ങള്‍ നിരന്തരം വിലയിരുത്തുന്നതായും സ്പീക്കര്‍ അറിയിച്ചു.

വൈറസ് വ്യാപനവുമായി ഏതെങ്കിലും തരത്തില്‍ പൊതു ജനങ്ങള്‍ക്കുണ്ടായേക്കാവുന്ന ആശങ്കയകറ്റുന്നതിന് നടപടി സ്വീകരിക്കാന്‍ സ്പീക്കര്‍ ജില്ലാ കലക്ടര്‍ക്ക് നിര്‍ദ്ദേശം നല്‍കി. ഇതിന്റെ ഭാഗമായി ബ്ലോക്ക് തലത്തില്‍ മ്യഗസംരക്ഷണ വകുപ്പ് ഉദ്യോഗസ്ഥരെ കൂടി ഉള്‍പ്പെടുത്തി പ്രത്യേക മെഡിക്കല്‍ ടീമിനെ നിയോഗിക്കും. ആശങ്കയുന്നയിക്കുന്നവര്‍ക്ക് ഈ ടീം ക്യത്യമായ മറുപടി നല്‍കും. ഇതിനു പുറമെ സ്ഥലം സന്ദര്‍ശിച്ച് ആശങ്കയകറ്റുന്നതിന് ആവശ്യമായ നടപടിയും സ്വീകരിക്കും.

ജില്ലയിലെ പ്രശ്‌നങ്ങള്‍ നേരിടുന്നതിന് പ്രത്യേക ടാസ്‌ക് ഫോഴ്‌സിനെ നിയോഗിച്ചതായി ജില്ലാ കല്ടര്‍ അമിത് മീണ അറിയിച്ചു. എല്ലാ ദിവസവും അവലോകന യോഗങ്ങള്‍ നടത്തുന്നുണ്ട്. ബന്ധപ്പെട്ട കേസുകള്‍ വന്നാല്‍ എങ്ങിനെ കൈകാര്യം ചെയ്യണമെന്നതിനെ കുറിച്ച് ആരോഗ്യ വകുപ്പ് ജീവനക്കര്‍ക്കും സ്വകാര്യ ആശുപത്രികള്‍ക്കും പ്രത്യേക നിര്‍ദ്ദേശം നല്‍കിയിട്ടുണ്ട്. മഞ്ചേരി മെഡിക്കല്‍ കോളേജില്‍ അഡ്മിറ്റ് ചെയ്ത രോഗിയുടെ രോഗം നിപയല്ലെന്ന് സ്ഥിരീകരിച്ചിട്ടുണ്ട്. ഇവിടെ അടിയന്തിര സഹചര്യത്തില്‍ ഉപയോഗിക്കാനായി ഐ.സി.യുവില്‍ ഏഴ് കിടക്കകളുള്ള പ്രത്യേക വാര്‍ഡ് സജ്ജീകരിച്ചിട്ടുണ്ട്. ജില്ലാ മെഡിക്കല്‍ ഓഫിസിന്റെ നേത്യത്വത്തില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം പ്രവര്‍ത്തിക്കുന്നുണ്ട്. ജില്ലയിലെ എല്ലാ സ്വകാര്യ സ്ഥാപനങ്ങളും പൂര്‍ണമായ സഹകരണം ഉറപ്പ് നല്‍കിയിട്ടുണ്ട്. അടിയന്തിര സഹചര്യത്തില്‍ ഉപയോഗിക്കാനായി ജില്ലയില്‍ വെന്റിലേറ്റര്‍ ഉപയോഗിക്കുന്ന സ്വകാര്യ സ്ഥാപനങ്ങളുടെ ലീസ്റ്റ് തയ്യാറാക്കിയിട്ടുണ്ട്. മണിക്കൂറിന് 100 രൂപ എന്ന നിരക്കില്‍ വെന്റിലേറ്റര്‍റിന ജില്ലാ ഭരണകൂടം പണം നല്‍കും. സ്വകാര്യ ആശുപത്രികള്‍ക്കുണ്ടാകുന്ന മറ്റ് ചെലവുകളും സര്‍ക്കാര്‍ വഹിക്കും.

സമാന രോഗ ലക്ഷണങ്ങള്‍ കാണുന്ന രോഗികളെ ജില്ലാ മെഡിക്കില്‍ ഓഫിസര്‍ അറിയാതെ ആശുപത്രികള്‍ മാറ്റുകയോ സ്വതന്ത്രമായ യാത്രക്കോ അനുവദിക്കരുതെന്ന് നിര്‍ദ്ദേശിച്ചതായി ജില്ലാ മെഡിക്കല്‍ ഓഫിസര്‍ ഡോ.കെ.സക്കീന യോഗത്തില്‍ അറിയിച്ചു. അനാവശ്യമായ ആശുപത്രികള്‍ സന്ദര്‍ശിക്കുന്ന ശീലം ഒഴിവാക്കണമെന്നും അവര്‍ ആവശ്യപ്പെട്ടു.

യോഗത്തില്‍ ജില്ലാ പഞ്ചായത്ത് പ്രസിഡന്റ് എ.പി.ഉണ്ണിക്യഷ്ണന്‍, ഗ്രാമ പഞ്ചായത്ത് അസോസിയേഷന്‍ പ്രസിഡന്റ് നാസര്‍, ഇ.എന്‍ മോഹന്‍ദാസ് തുടങ്ങിയവര്‍ പങ്കെടുത്തു.

വേങ്ങരയിൽ ഗതാഗത നിയന്ത്രണം

വേങ്ങരയിൽ ഗതാഗത നിയന്ത്രണം 

വേങ്ങര : വേങ്ങര ഗ്രാമപഞ്ചായത്തിലെ വേങ്ങര ടൗണിലെ ഗതാഗത കുരുക്ക് പരിഹരിക്കുന്നതിന്റെ ഭാഗമായി ഗാന്ധി ദാസ് പടി മുതൽ താഴെ അങ്ങാടി വരെ റോഡ് സൈഡിൽ നടന്നു കൊണ്ടിരിക്കുന്ന അനധ്രി ക്യതകച്ചവടങ്ങളും സ്വകാര്യ വാഹനങ്ങളുടെ പാർക്കിംഗും 26/5/2018 മുതൽ നിരോധിച്ചതായി വേങ്ങര പഞ്ചായത്ത് അറിയിച്ചു.അനധിക്യത കച്ചവടങ്ങൾ അടിയന്തരമായി നീക്കം ചെയ്യേണ്ടതും പഞ്ചായത്ത് ഒരിക്കിയ പാർക്കിംഗ് എരിയയിൽ മാത്രം വാഹനങ്ങൾ പാർക്ക് ച്ചെയ്യേണ്ടതുമാണ് അല്ലാത്ത പക്ഷം നിയമനടവടി സീകരിക്കുന്നതുമായിരിക്കും കൂടാതെ വ്യാപാര സ്ഥാപനങ്ങൾ ചരക്കുകൾ ഇറക്കുന്ന സമയത്തിലും മാറ്റം കൊണ്ട് വന്നിട്ടുണ്ട് രാവിലെ 8 മുതൽ 11 മണി വരെയും വൈകു 3 മുതൽ 7മണി വരെയും ചരക്കുകൾ ഇറക്കുന്നത് നിരോധിച്ചു.കൂടാതെ സ്വകാര്യ ബസുകൾ അവർക്ക് അനുവധിച്ചിട്ടുള്ള സ്റ്റോപ്പുകളിൽ മാത്രമേ നിർത്താൻ പാടുള്ളു.ഇത് നടപ്പിൽ വരുന്നതിന് എല്ലാവരും സഹകരിക്കണമെന്ന് അധികൃതർ അറിയിച്ചു

വെൽഫെയർ പാർട്ടി വേങ്ങര പഞ്ചായത്ത് കമ്മിറ്റിയുടെ പ്രതിഷേധ ധർണ

വെൽഫെയർ പാർട്ടി വേങ്ങര പഞ്ചായത്ത് കമ്മിറ്റിയുടെ പ്രതിഷേധ ധർണ

വേങ്ങര : പെട്രോൾ ഡീസൽ വില വർധനവിതിരെ ജനങ്ങളെ കൊള്ളയടിച്ച് കൊള്ളലാഭം നേടാൻ എണ്ണക്കമ്പനികളും നികുതി നിരക്കുകൾ കുറക്കാതെ വലിയവരുമാനം നേടാൻ കേന്ദ്ര-സംസ്ഥാന സർക്കാറുകളും മൽസരിക്കുകയാണ് എന്ന മുദ്രവാക്യവുമായി വെൽഫെയർ പാർട്ടി വേങ്ങര പഞ്ചായത്ത് കമ്മിറ്റി

വേങ്ങര മാളിയേക്കൽ പെട്രോൾ പമ്പിന് മുന്നിൽ ധർണ നടത്തി.
വെൽഫയർ പാർട്ടി മണ്ഡലം വൈസ് പ്രസിഡന്റ് കുഞ്ഞഹമ്മദ് കുട്ടി മാസ്റ്റർ ധർണ ഉദ്‌ഘാടനം ചെയ്‌തു.
വേങ്ങര പഞ്ചായത്ത് കമ്മറ്റി പ്രസിഡന്റ് നാസർ വേങ്ങര സ്വാഗതം പറഞ്ഞു.പ്രവാസി സാംസ്കാരിക വേദി ജിദ്ദ സെൻട്രൽ കമ്മറ്റിയംഗം വേങ്ങര നാസർ,ഊരകം പഞ്ചായത്ത് കമ്മറ്റി പ്രസിഡന്റ് അശ്റഫ് പാലേരി,
വേങ്ങര ടൗൺ കമ്മറ്റി പ്രസിഡന്റ് റഷീദ് പറങ്ങോടത്ത്
സെക്രട്ടറി ദേവരാജൻ,എ പി അബൂബക്കർ എന്നിവർ ആശംസ അർപ്പിച്ചു സംസാരിച്ചു .കുട്ടിമോൻ പരിപാടിക്ക് നന്ദി പറഞ്ഞു .

നിപ വൈറസ്; വ്യാജപ്രചാരണം വേണ്ട

നിപ വൈറസ്; വ്യാജപ്രചാരണം വേണ്ട 
മലപ്പുറം: വേങ്ങര..നിപ വൈറസുമായി ബന്ധപ്പെട്ട് വ്യാജപ്രചാരണം നടത്തുന്നവര്‍ക്കെതിരേ നടപടി സ്വീകരിക്കുമെന്ന് കളക്ടര്‍ അമിത് മീണ പറഞ്ഞു. സാമൂഹിക മാധ്യമങ്ങളിലൂടെ വസ്തുതാവിരുദ്ധമായ പ്രചാരണം ശ്രദ്ധയില്‍പ്പെട്ടാല്‍ ജില്ലാഭരണകൂടെത്തയോ ആരോഗ്യവകുപ്പിനെയോ അറിയിക്കണം. അടിയന്തരസാഹചര്യങ്ങള്‍ നേരിടുന്നതിന് പത്തുവീതം ഡോക്ടര്‍, നഴ്‌സ്, ലാബ് ടെക്‌നീഷ്യന്‍, ഫാര്‍മസിസ്റ്റ് എന്നിവരുടെ സംഘത്തെ ജില്ലയില്‍ തയ്യാറാക്കിനിര്‍ത്തും. അടിയന്തര സാഹചര്യങ്ങള്‍ നേരിടാന്‍ ആവശ്യമായ പരിശീലനം ഈ സംഘത്തിന് നല്‍കും. പരിശോധന കര്‍ശനമാക്കും പഴക്കടകളിലും ഭക്ഷ്യസ്ഥാപനങ്ങളിലും ഭക്ഷ്യസുരക്ഷാവിഭാഗവും ആരോഗ്യവിഭാഗവും സംയുക്തമായി പരിശോധന നടത്തും. അനധികൃത വില്പനകേന്ദ്രങ്ങളും വൃത്തിഹീനമായ സാഹചര്യത്തിലുള്ളവയും അടച്ചുപൂട്ടാന്‍ നിര്‍ദേശം നല്‍കി. വവ്വാല്‍ ഭക്ഷിക്കാന്‍ സാധ്യതയുള്ള പേരയ്ക്ക, മാങ്ങ, സപ്പോട്ട, സീതപ്പഴം എന്നിവ പരമാവധി ഒഴിവാക്കുന്നതാണ് രോഗവ്യാപനം തടയാനുള്ള പ്രധാന മാര്‍ഗം. മറ്റുപഴങ്ങളും പക്ഷിമൃഗാദികള്‍ ഭക്ഷിച്ചിട്ടില്ലെന്ന് ഉറപ്പുവരുത്തണം. പൊതുപരിപാടികളില്‍ പങ്കെടുക്കരുത് പനി, തലവേദന, പേശിവേദന തുടങ്ങിയ രോഗലക്ഷണമുള്ളവര്‍ പൊതുപരിപാടികളില്‍ പങ്കെടുക്കരുത്. ഇഫ്താര്‍പാര്‍ട്ടികളിലും ആരാധനാലയങ്ങളിലും ഇവര്‍ പങ്കെടുക്കുന്നത് രോഗവ്യാപനത്തിന് കാരണമാവും. പനിബാധിതരായ കുട്ടികളെ സ്‌കൂളില്‍ അയക്കരുത്. മനുഷ്യരില്‍നിന്ന് മനുഷ്യരിലേക്ക് നിപ വൈറസ് പെട്ടെന്ന് പകരാന്‍ സാധ്യതയുണ്ട്. ഇത്തരം രോഗലക്ഷണങ്ങളുള്ളവരെ ശുശ്രൂഷിക്കുന്നവരും മുന്‍കരുതല്‍ എടുക്കണം. വിസര്‍ജ്യങ്ങളും ശരീരസ്രവങ്ങളും കൈകാര്യംചെയ്യുമ്പോള്‍ ൈകയുറ ധരിക്കണം. ഉടന്‍തന്നെ സോപ്പോ മറ്റു അണുനാശിനിയോ ഉപയോഗിച്ച് കൈകള്‍ വൃത.....

വിദ്യാർത്ഥികളെ ആദരിച്ചു

വിദ്യാർത്ഥികളെ ആദരിച്ചു
2017-18 വർഷത്തെ SSLC  Exam-ൽ ഉന്നത വിജയം നേടി നാടിന്റെ അഭിമാനമായി മാറിയ 18 വിദ്യാർത്ഥികളെ അടക്കാപുര ടൗൺ msf കമ്മറ്റി ആദരിച്ചു. പ്രസ്തുത പരിപാടിയുടെ ഔപചാരിക ഉദ്ഘാടനം വേങ്ങര പഞ്ചായത്ത് പ്രസിഡന്റ്‌ വി.കെ കുഞ്ഞാലൻ കുട്ടി സാഹിബ് നിർവഹിച്ചു. ഇബ്രാഹിം അടക്കാപുര അധ്യക്ഷൻ വഹിച്ചു.  വേങ്ങര  മുൻ ബ്ലോക്ക്‌ പഞ്ചായത്ത് പ്രസിഡന്റും മണ്ഡലം മുസ്ലിംലീഗ് നിരീക്ഷകനുമായ പി. കെ അസ്ലു സാഹിബ് മുഖ്യ പ്രഭാഷണം നടത്തി. അലി അൻസാർ അഞ്ചുകണ്ടത്തിൽ, എ. കെ മുഹമ്മദലി,പതിനാറാം വാർഡ് മെമ്പർ ചെള്ളി ഷഹ്‌റാബനു, വി. കെ റസാഖ്,സഹീർ അബ്ബാസ്, യൂസുഫലി വലിയോറ,അവറാൻ കുട്ടി സാഹിബ്‌,  എ. കെ അലവി സാഹിബ്‌ , ഉസ്മാൻ ഹാജി,ഉമ്മർ ഹാജി,ഹമീദലി.യൂ, സജീർ, എ. കെ അബു സാഹിബ്‌, എ. കെ അവറു തുടങ്ങിയവർ സംസാരിച്ചു.

ഡി.വൈ.എഫ്.ഐ. ബ്ലോക്ക് സമ്മേളനം; സ്വാഗതസംഘമായി

ഡി.വൈ.എഫ്.ഐ. ബ്ലോക്ക് സമ്മേളനം; സ്വാഗതസംഘമായി

വേങ്ങര: ജൂണ്‍ 29, 30, ജൂലായ് ഒന്ന് തീയതികളിലായി കണ്ണമംഗലം തീണ്ടേക്കാട് നടക്കുന്ന ഡി.വൈ.എഫ്.ഐ. കോട്ടക്കല്‍ ബ്ലോക്ക് സമ്മേളനത്തിന്റെ സ്വാഗതസംഘം രൂപവത്കരിച്ചു. സ്വാഗതസംഘ രൂപീകരണയോഗം സി.പി.എം. കോട്ടയ്ക്കല്‍ ഏരിയാകമ്മറ്റിയംഗം എന്‍. പുഷ്പരാജന്‍ ഉദ്ഘാടനംചെയ്തു. കെ. സുബ്രഹ്മണ്യന്‍ അധ്യക്ഷനായി. എന്‍.കെ. പോക്കര്‍, ഇ.ആര്‍. രാജേഷ്, എം. ഇബ്രാഹിം എന്നിവര്‍ പ്രസംഗിച്ചു. ഭാരവാഹികളായി ഇ.കെ. ആലി മൊയ്തീന്‍ (ചെയ.), വി. മണി, പി. ഷാജി, കാപ്പന്‍ ഹുസൈന്‍, കെ.ടി. വിജയന്‍ (വൈസ് ചെയ.), കെ. സുബ്രഹ്മണ്യന്‍ (ജന. കണ്‍.), എ. ഇല്യാസ്, സി. ബാബു, എം.വി. ഗൗരി, പി. സുബ്രു, കാമ്പ്രന്‍ നൗഷാദ് (കണ്‍.) കെ. ഇസ്മായില്‍ (ഖജാ.) എന്നിവരെ തിരഞ്ഞെടുത്തു.

എസ്.എസ്.എഫ്. സാഹിത്യോത്സവം വേങ്ങരയില്‍

എസ്.എസ്.എഫ്. സാഹിത്യോത്സവം വേങ്ങരയില്‍ 

വേങ്ങര: എസ്.എസ്.എഫ്. ജില്ലാ സാഹിത്യോത്സവം ഓഗസ്റ്റ് രണ്ട് മുതല്‍ അഞ്ചുവരെ വേങ്ങരയില്‍ നടക്കും. പ്രഖ്യാപനയോഗം സയ്യിദ് ശിഹാബുദ്ദീന്‍ ബുഖാരി കടലുണ്ടി ഉദ്ഘാടനംചെയ്തു. എസ്.വൈ.എസ്. സംസ്ഥാന ഉപാധ്യക്ഷന്‍ പി.കെ.എം. സഖാഫി ഇരിങ്ങല്ലൂര്‍ പ്രഖ്യാപനംനടത്തി. എ. അബ്ദുല്‍മജീദ്, സയ്യിദ് ജാഫര്‍ തുറാബ് തങ്ങള്‍ പാണക്കാട്, സയ്യിദ് നസീര്‍ ശിഹാബ് തങ്ങള്‍, ടി.ടി. അഹമ്മദ്കുട്ടി സഖാഫി, അബ്ദുഹാജി വേങ്ങര, എ.കെ.എം. സഫ്വാന്‍, എം.പി. അബ്ദുല്ല സഖാഫി, എം. ജുബൈര്‍, ഷറഫുദ്ദീന്‍ സഖാഫി എന്നിവര്‍ പ്രസംഗിച്ചു.

വാഹനങ്ങള്‍ കൂട്ടിയിടിച്ച് രണ്ടുപേര്‍ക്ക് പരിക്ക്

വാഹനങ്ങള്‍ കൂട്ടിയിടിച്ച് രണ്ടുപേര്‍ക്ക് പരിക്ക്

വേങ്ങര: ഊരകം കാരാത്തോട് അങ്ങാടിയില്‍ മൂന്ന് വാഹനങ്ങള്‍ കൂട്ടിയിടിച്ച് രണ്ടുപേര്‍ക്ക് പരിക്ക്. കാറും ബൈക്കും ഓട്ടോറിക്ഷയുമാണ് കൂട്ടിയിടിച്ചത്. കാരാത്തോട് നസീമ(38), എ. അബ്ദു(24) എന്നിവര്‍ക്കാണ് പരിക്കേറ്റത്. വെള്ളിയാഴ്ച രാവിലെ ഏഴ് മണിക്കായിരുന്നു അപകടം. മലപ്പുറം ഭാഗത്ത് നിന്നുവന്ന കാര്‍ നിയന്ത്രണംവിട്ട് അതേദിശയില്‍ വന്ന ഓട്ടോയിലിടിച്ച് എതിര്‍ദിശയില്‍ വന്ന ബൈക്കിലും ഇടിക്കുകയായിരുന്നു. ഇടിയുടെ ആഘാതത്തില്‍ ബൈക്ക് പാടെതകര്‍ന്നു. ബൈക്ക് യാത്രക്കാരനും ഓട്ടോ യാത്രക്കാരിക്കുമാണ് പരിക്കേറ്റത്. ബൈക്ക് യാത്രക്കാരന്റെ പരിക്ക് സാരമുള്ളതാണ്. ഇയാളെ പെരിന്തല്‍മണ്ണയിലെ സ്വകാര്യ ആസ്​പത്രിയില്‍ പ്രവേശിപ്പിച്ചു.