വൈദ്യുതി മുടക്കം പതിവാകുന്നു, പാണ്ടികശാല നിവാസികൾ പ്രക്ഷോഭത്തിലേക്ക്
വേങ്ങര: വേങ്ങര പഞ്ചായത്തിലെ 17 ാം വാർഡിൽ പെട്ട പാണ്ടികശാലയിലും പരിസര പ്രദേശത്തുംകഴിഞ്ഞ ഒരാഴ്ചയായി അപ്രഖ്യാപിത വൈദ്യുതി മുടക്കം പതിവായിയിരിക്കുകയാണ്‌. വെന്നിയൂർ കെ.എസ്.ഇ.ബി.സെക്ഷൻ ഓഫീസിന് കീഴിലാണ് ഈ പ്രദേശം വരുന്നത്.ഇവിടെ മഴ പെയ്യാൻ തുടങ്ങിയാൽ വൈദ്യുതി മുടങ്ങുന്നത് നിത്യസംഭവമാണ്. റംസാൻ മാസമായതോടെ നോമ്പ് തുറക്കുന്ന സമയത്ത് വൈദ്യുതി മുടങ്ങുന്നത് വിശ്വാസികൾക്ക് വലിയ പ്രയാസം സൃഷ്ടിച്ചിരിക്കുകയാണ്. വെന്നിയൂർ കെ.എസ്ഇബി.ഓഫീസിലെ ജീവനക്കാരുടെ അനാസ്ഥയും ഇതിന് കാരണമായിട്ടുണ്ട്. മുന്നറിയിപ്പില്ലാതെവൈദ്യുതി മുടങ്ങുന്ന സമയത്ത് വെന്നിയൂർ കെ.എസ്.ഇ.ബി ഓഫീസിലേക്ക് വിളിച്ചാൽ ഫോൺ എടുക്കാത്ത അവസ്ഥയാണുള്ളതെന്നും ജീവനക്കാരെ മൊബൈൽ ഫോണിൽ വിളിച്ചാൽ ഓഫീസിലേക്ക് വിളിക്കാൻ പറയുന്ന അവസ്ഥയാണെന്നും നാട്ടുകാർ പറയുന്നു. മുന്നറിയിപ്പില്ലാതെ വൈദ്യുതി മുടങ്ങുന്ന വെന്നിയൂർ കെ.എസ് ഇ.ബി.യുടെ അനാസ്ഥക്കെതിരെ വമ്പിച്ച ജനകീയ പ്രക്ഷോഭം നടത്താനുള്ള തയ്യാറെടുപ്പിലാണ് നാട്ടുകാർ.
'ഇതിന്റെ വൈദ്യുതി വകുപ്പ് മന്ത്രിക്കും സ്ഥലം MLA ക്കും ഭീമ ഹർജി നൽകുമെന്ന് വേങ്ങര ഗ്രാമപഞ്ചായത്ത് പതിനേഴാം വാർഡ്മെമ്പർ.വി.ഉമ്മു ഐമൻ യൂസുഫലി പറഞ്ഞു.
No comments:
Post a Comment