വേങ്ങര ; വേങ്ങരയിലെ യുഡിഎഫ് സ്ഥാനാർത്ഥിയായി അഡ്വ.കെ എൻ എ ഖാദറിനെ പ്രഖ്യാപിച്ചു.മലപ്പുറം പാണക്കാട് ഹൈദരലി തങ്ങളുടെ വസതിയിൽ ചേർന്ന മുസ്ലിംലീഗ് പാർലിമെന്ററി യോഗത്തിന് ശേഷം ഹൈദരലി തങ്ങളാണ് സ്ഥാനാർഥിയെ പ്രഖ്യാപിച്ചത്.ലീഗിന്റെ മുതിർന്നനേതാവായ കെ.എന്.എ ഖാദർ നിലവിൽ മുസ്ലിംലീഗ് ജില്ലാ ജനറല് സെക്രട്ടറിയാണ്.ലീഗ് സംസ്ഥാന സെക്രട്ടറി യു എ ലത്തീഫ് അന്തിമ സ്ഥാനാർത്ഥി പരിഗണന പട്ടികയിലുണ്ടായിരുന്നു.ലീഗ് സംസ്ഥാന ജനറല് സെക്രട്ടറി കെ.പി.എ മജീദ് ഇന്നലെ പിന്മാറിയിരുന്നു
വേങ്ങരയിൽ ഇടത് സ്ഥാനാര്ത്ഥിയായി അഡ്വ. പി പി ബഷീറിനെ ഞായറാഴ്ച പ്രഖ്യാപിച്ചിരുന്നു.എൽ ഡി എഫ് തിരഞ്ഞെടുപ്പ് പ്രചാരണത്തിനും തുടക്കമായിട്ടുണ്ട്. . 20 ന് യു ഡി എഫ് 21 ന് എല് ഡി എഫ് കണ്വെന്ഷനുകള് നടക്കും. പഞ്ചായത്ത് തല കണ്വെന്ഷനുകള്ക്കുള്ള ഒരുക്കങ്ങളും മുന്നണികള് പൂര്ത്തീകരിച്ചിട്ടുണ്ട്.ബി ജെ പി സംസ്ഥാന നേതാവ് ശോഭാസുരേന്ദ്രനെ മത്സരിപ്പിക്കാന് ആലോചനയുണ്ടെങ്കിലും ജില്ലാകമ്മിറ്റിയ്ക്ക് എതിര്പ്പുണ്ട്.
ജനചന്ദ്രന് മാസ്റ്ററെ മത്സരിപ്പിക്കണമെന്നാണ് ജില്ലാ കമ്മിറ്റിയുടെ താല്പ്പര്യം. എസ് ഡി പി ഐ അഡ്വക്കറ്റ് കെ സി നസീറിനെ സ്ഥാനാര്ത്ഥിയാക്കി മണ്ഡലത്തില് പ്രചാരണ പ്രവര്ത്തനങ്ങള് തുടങ്ങിക്കഴിഞ്ഞു.
No comments:
Post a Comment