വിദ്യാർത്ഥികൾക്കായി ബോധവൽക്കരണ ക്ലാസ് സംഘടിപ്പിച്ചു

ക്ലബ്ബ് ഫോർ ആൻറി നാർക്കോട്ടിക് പ്രമോഷൻ (ക്യാൻപ്) വിദ്യാർത്ഥികൾക്കായി ബോധവൽക്കരണ ക്ലാസ് സംഘടിപ്പിച്ചു 

പെരുവള്ളൂർ:  ബാംഗ്ലൂർ ആസ്ഥാനമായി പ്രവർത്തിക്കുന്ന ( ക്യാൻപ്)  ക്ലബ് ഫോർ ആന്റി  നാർക്കോട്ടിക് പ്രമോഷൻ വിദ്യാർത്ഥികൾക്കായി ബോധവൽക്കരണ ക്ലാസ് സംഘടിപ്പിച്ചു .മലപ്പുറം ജില്ലയിൽ അഞ്ച് സ്കൂളുകളെയാണ് ഇവരുടെ ക്യാമ്പയിന്റെ ഭാഗമാക്കിയിരിക്കുന്നത്. ഓരോ മാസവും ഓരോ ക്ലാസ് എന്നരീതിയിലാണ് ക്ലാസുകൾ എടുക്കുക. ഒളകര ഗവൺമെൻറ് എൽ പി സ്കൂളിൽ സംഘടിപ്പിച്ച ക്യാമ്പിൽ പ്രൊജക്റ്റ് ഡയറക്ടർ ഉനൈസ് അലി പുകയൂർ ക്ലാസെടുത്തു. എച്ച് വൺ എൻ വൺ എന്ന രോഗത്തെക്കുറിച്ച് വിദ്യാർത്ഥികൾക്കായി അദ്ദേഹം ബോധവൽക്കരണം നടത്തി. വാക്സിനേഷൻ, ഹെൽത്ത് ക്ലബ്ബിന്റെ പ്രമോഷൻ, മറ്റ് സാംക്രമിക രോഗങ്ങളെ കുറിച്ചുള്ള മുന്നറിയിപ്പുകൾ എന്നിവയെക്കുറിച്ചെല്ലാം തുടർ മാസങ്ങളിലായി ക്ലാസുകൾ എടുക്കും" ലീവ് നാർക്കോട്ടിക് ലിവ് ഹെൽത്തി" എന്നതാണ് ക്യാൻപ്  മുദ്രാവാക്യം. ഹെഡ്മാസ്റ്റർ എൻ. വേലായുധൻ അധ്യാപകനായ പി .കെ ഷാജി  എന്നിവർ സംസാരിച്ചു .

ഓട്ടിസം സെണ്ടർ ഉടൻ പ്രവർത്തനം ആരംഭിക്കണം

ഓട്ടിസം സെണ്ടർ ഉടൻ പ്രവർത്തനം ആരംഭിക്കണം

വേങ്ങര: പാലശ്ശേരിമാട് വലിയോറ ഗവ:യൂപി സ്കൂളിൽ PK കുഞ്ഞാലിക്കുട്ടി മുൻകൈ എടുത്ത് സംസ്ഥാന ബജറ്റിൽ ഉൾപ്പെടുത്തി നിർമിച്ച ഓട്ടിസം സെണ്ടറിന് മതിയായ ഉപകരണങ്ങൾ എത്രെയും പെട്ടന്ന് എത്തിച്ച് പ്രവർത്തന സജ്ജമാക്കണമെന്നുംസ്കൂളിലേക്കു അനുവദിച്ച കെട്ടിടത്തിന്റെ നിർമാണം ഉടൻ ആരംഭിക്കാൻ നടപടികൾ തൃദഗതി യിലാക്കണമെന്നും കെട്ടിട നിർമ്മാണം പൂർത്തിയാകുന്നത് വരെ നാല് ക്ലാസ് റൂമുകൾ താത്കാലികമായി പുതിയ ഓട്ടിസം കെട്ടിടത്തിൽ ആരംഭിക്കണമെന്നും സ്കൂളിൽ ചേർന്ന സർവ കക്ഷികളുടെ സംയുകത യോഗം അധികൃതരോട് ആവശ്യപ്പെട്ടു,     

      

     യോഗത്തിൽ സിപി:മുഹമ്മദ് ഹാജി അധ്യക്ഷത വഹിച്ചു . വിവിധ രാഷ്ട്രീയ പാർട്ടികളെ പ്രതിനിതീകരിച്ച്‌ രാമകൃഷ്ണൻ,NT:ശരീഫ്, അസീസ് ഹാജി, രവീന്ദ്രൻ, കാദർ പറമ്പിൽ,അലവി പൂച്ചോലക്കൽ എന്നിവർ സംസാരിച്ചു. 

     വികസന സമിതിക്ക് വേണ്ടി        മുഹമ്മദ്കുഞ്ഞി പറങ്കോടത്ത്,NP:ചന്ദ്രൻ,E:മുഹമ്മദലി, PTA കമ്മിറ്റിക്കു വേണ്ടി  സൈതപറമ്പൻ,വഹാബ് തുടങ്ങിയവർ സംസാരിച്ചു.

യോഗത്തിൽ മുഹമ്മദ് മാസ്റ്റർ സ്വാഗതവും, ഹരിമാസ്റ്റർ നന്ദിയും പറഞ്ഞു.

കുറ്റാളൂര്‍ ബദ്‌റുദ്ദുജ പതിനഞ്ചാമത് മീലാദ് സമ്മേളനവും ബഹുജന മീലാദ് റാലിയും 26/11/(തിങ്കളാഴ്ച)

കുറ്റാളൂര്‍ ബദ്‌റുദ്ദുജ പതിനഞ്ചാമത് മീലാദ് സമ്മേളനവും ബഹുജന മീലാദ് റാലിയും 26/11/(തിങ്കളാഴ്ച) 

വേങ്ങര: കുറ്റാളൂര്‍ ബദ്‌റുദ്ദുജ പതിനഞ്ചാമത് മീലാദ് സമ്മേളനവും ബഹുജന മീലാദ് റാലിയും 26/11/(തിങ്കളാഴ്ച) വിപുലമായി നടക്കും. ബദ്‌റുദ്ദുജ അക്കാദമിക്ക് കീഴില്‍ പതിനാല് വര്‍ഷമായി നടന്നു വരുന്നതാണ് മീലാദ് സമ്മേളനം. വൈകുന്നേരം 4.00 മണിക്ക് ഖബര്‍ സിയാറത്തോടെ കുറ്റാളൂരില്‍ നിന്ന് ആയിരക്കണക്കിന് പ്രവാചക പ്രേമികള്‍ അണി നിരക്കുന്ന വര്‍ണാഭമായ നബിദിന റാലി ആരംഭിക്കും. ബദ്‌റുദ്ദുജ, അല്‍ ഇഹ്‌സാന്‍, കേരള മുസ്‌ലിം ജമാഅത്ത് എന്നിവ സംയുക്തമായാണ് ഇത്തവണ റാലി സംഘടിപ്പിച്ചിട്ടുള്ളത്. ദഫ്, അറബന, സ്‌കൗട്ട്, മറ്റു കലാരൂപങ്ങള്‍ റാലിക്ക് മാറ്റുകൂട്ടും. റാലിക്ക് സമാപനം കുറിച്ച് കൊണ്ട് വേങ്ങര ടൗണില്‍ സിദ്ധീഖ് സഖാഫി അരീയൂര്‍ സന്ദേശ പ്രഭാഷണം നടത്തും. 

തുടര്‍ന്ന് 6.30ന് മദ്ഹുര്‍റസൂല്‍ പ്രഭാഷണവും ആത്മീയ സമ്മേളനവും നടക്കും. സമസ്ത പ്രസിഡന്റ് ഇ സുലൈമാന്‍ മുസ്‌ലിയാര്‍ പ്രാരംഭ പ്രാര്‍ഥന നിര്‍വഹിക്കും. കേരള മുസ്‌ലിം ജമാഅത്ത് സംസ്ഥാന ജനറല്‍ സെക്രട്ടറി സയ്യിദ് ഇബ്‌റാഹിമുല്‍ ഖലീലുല്‍ ബുഖാരി ഉദ്ഘാനം ചെയ്യും. എസ് വൈ എസ് സംസ്ഥാന സെക്രട്ടറി പേരോട് അബ്ദുര്‍റഹ്മാന്‍ സഖാഫി മദ്ഹുറസൂല്‍ പ്രഭാഷണം നടത്തും. ആത്മീയ സമ്മേളനത്തിന് ബദ്‌റുദ്ദുജ ചെയര്‍മാന്‍ സയ്യിദ് ശിഹാബുദ്ദീന്‍ ബുഖാരി കടലുണ്ടി നേതൃത്വം നല്‍കും. സയ്യിദ് അലി ബാഫഖി തങ്ങള്‍, സയ്യിദ് പി കെ എസ് തങ്ങള്‍ തലപ്പാറ, സമസ്ത സെക്രട്ടറി പൊന്‍മള അബ്ദുല്‍ഖാദിര്‍ മുസ്‌ലിയാര്‍, സയ്യിദ് ജഅ്ഫര്‍ തുറാബ് തങ്ങള്‍ പാണക്കാട്, സയ്യിദ് ശറഫുദ്ദീന്‍ ജമലുല്ലൈലി, ഊരകം അബ്ദുറഹ്മാന്‍ സഖാഫി, പി കെ എം സഖാഫി ഇരിങ്ങല്ലൂര്‍, ടി ടി അഹമ്മ്കുട്ടി സഖാഫി, ഒ കെ സ്വാലിഹ് ബാഖവി, അസീസ് സഖാഫി എലമ്പ്ര, അബ്ദുല്‍ ഖാദിര്‍ അഹ്‌സനി മമ്പീതി, അബ്ദു ഹാജി വേങ്ങര, സയ്യിദ് സ്വാലിഹ് ബുഖാരി കൊന്നാര, ഹക്കീം സഅദി അണ്ടോണ, കെ പി യൂസുഫ് സഖാഫി സംബന്ധിക്കും.

മഴവില്ല് വിരിയിച്ച് ഒളകര സ്കൂൾ വിദ്യാർത്ഥികൾ

മഴവില്ല് വിരിയിച്ച് ഒളകര സ്കൂൾ വിദ്യാർത്ഥികൾ

പെരുവള്ളൂർ: ഗവൺമെൻറ് എൽ പി സ്കൂൾ ഒളകരയിലെ 2018 -19 വർഷത്തെ പഠന പിന്നാക്കക്കാരായ വിദ്യാർത്ഥികൾക്കുള്ള പഠന ശാക്തീകരണ പദ്ധതി മഴവില്ല് സമാപിച്ചു. 25ഓളം വിദ്യാർത്ഥികളെയാണ് ഈ വിഭാഗത്തിൽ ഉൾപ്പെടുത്തി രണ്ടു മാസങ്ങളോളമായി അധ്യാപകരും രക്ഷിതാക്കളും ഉൾപ്പെടെ ക്ലാസ്സ് എടുത്തു വന്നിരുന്നത്. വിവിധ പഠന വിഷയങ്ങൾക്കു വേണ്ടി അക്ഷരക്കാർഡുകൾ, അക്ഷരക്കട്ടകൾ, പദക്കാർഡുകൾ, ഫ്ലാഷ് കാർഡുകൾ, അബാക്കസുകൾ , വർക്ക്  ബുക്കുകൾ തുടങ്ങിയവ സമാഹരിച്ചു കൊണ്ടായിരുന്നു   പഠനം.  ഇവരിൽ ഏറ്റവും മികച്ച രീതിയിൽ പഠന പുരോഗതി കൈവരിച്ച റംലത്ത് .ഇ എന്ന വിദ്യാർത്ഥിക്ക് ട്രോഫി നൽകികൊണ്ട് പ്രധാന അധ്യാപകൻ എൻ. വേലായുധൻ സമാപന  ചടങ്ങ് ഉദ്ഘാടനം ചെയ്തു. പിടിഎ പ്രസിഡണ്ട് പി. പി സൈദു മുഹമ്മദ് അധ്യക്ഷനായിരുന്നു.മുഖ്യ അതിഥികളായി എത്തിയ വേങ്ങര ബി ആർ സി കോർഡിനേറ്റർമാരായ ഷൈജു മാസ്റ്റർ, ബൈജു മാസ്റ്റർ എന്നിവർ വിദ്യാർത്ഥികളുമായി സംവദിച്ചു. അധ്യാപകരായ അബ്ദുൽകരീം കാടപ്പടി, പി സോമരാജ്, ജോസിന ആൻറണി എന്നിവർ സംസാരിച്ചു.വിദ്യാർത്ഥികൾക്ക് പഠന പുരോഗതി കൈവരിക്കുവാൻ പര്യാപ്തമായി മഴവില്ല് എന്ന ഈ പഠനപ്രക്രിയ മാറിയെന്ന് രക്ഷിതാക്കൾ അഭിപ്രായപ്പെട്ടു.

അഭിഷേക് എന്ന അച്ചുട്ടിയെ നബിദിന വേദിയിൽ വെച്ചു പുത്തനങ്ങാടി ജുമാ മസ്ജിദ് ഇമാം ജലീൽ ബാഖവി ആദരിച്ചു

അഭിഷേക് എന്ന അച്ചുട്ടിയെ നബിദിന വേദിയിൽ വെച്ചു പുത്തനങ്ങാടി ജുമാ മസ്ജിദ് ഇമാം ജലീൽ ബാഖവി ആദരിച്ചു 

റുഷ്ദുൽ വിൽദാൻ മദ്രസ്സ വലിയോറ, പുത്തനങ്ങാടി

നബിദിനാഘോഷത്തിന്റെ ഭാഗമായി പൂർവ്വ വിദ്യാര്ഥികളെപ്പോലെ കൂടെ നിന്ന് 

രാവും പകലുമായി ജോലി ചെയ്ത് സ്റ്റേജ് വർക് ചെയ്തു നാട്ടുകാരൻ അഭിഷേക് എന്ന അച്ചുട്ടിയെ നബിദിന വേദിയിൽ വെച്ചു പുത്തനങ്ങാടി ജുമാ മസ്ജിദ് ഇമാം_ ജലീൽ ബാഖവി ആദരിച്ചു കൂടെ മദ്രസ്സ കമ്മീറ്റി,മുസ്ലിം ജമാഅത് പുത്തനങ്ങാടി,അൽ റയ്യാൻ ഗ്രൂപ്പ് പൂക്കുളം ബസാർ

തിരൂരങ്ങാടി താലൂക്ക് കൺസ്യുമർ പ്രൊട്ടക്ഷൻ സൊസൈറ്റി ഉപഭോക്താക്കൾക്കായി ബോധവൽക്കരണ ക്ലാസ്സ് സംഘടിപ്പിച്ചു

തിരൂരങ്ങാടി താലൂക്ക് കൺസ്യുമർ പ്രൊട്ടക്ഷൻ സൊസൈറ്റി ഉപഭോക്താക്കൾക്കായി ബോധവൽക്കരണ ക്ലാസ്സ് സംഘടിപ്പിച്ചു 

തിരൂരങ്ങാടി താലൂക്ക് കൺസ്യുമർ പ്രൊട്ടക്ഷൻ സൊസൈറ്റി   ഉപഭോക്താക്കൾക്കായി ബോധവൽക്കരണ ക്ലാസ്സ്  സംഘടിപ്പിച്ചു.താലൂക്ക് സിവിൽ സപ്ലൈ ഓഫീസർ  ശ്രീമതി പി സുജാത ഉത്‌ഘാടനം ചെയ്തു.അസിസ്റ്റന്റ് സിവിൽ സപ്ലൈ ഓഫീസർ കൃഷ്‌ണൻ , കൺസ്യൂമർ പ്രൊട്ടക്ഷൻ സൊസൈറ്റി യുടെ ട്രഷറർ : അഞ്ചുകണ്ടൻ അബുഹാജി , എക്സിക്യൂട്ടീവ് അംഗം മൊയ്‌ദീൻ ശാന്തിവയൽ , സാമൂഹ്യ പ്രവർത്തക ശ്രീമതി ഫാത്തിമ ബാവ കുന്നുംപുറം , സെക്രട്ടറി സിവി സലിം , സദാനന്തൻ വേങ്ങര  എന്നിവർ ആശംസകൾ നേർന്നു . സോഷ്യൽ ആക്ടിവിസ്റ്റ് നാസർ വേങ്ങര അദ്ധ്യക്ഷത വഹിച്ചു .കൺസൂമെർ പ്രൊട്ടക്ഷൻ സൊസൈറ്റി ജനറൽ സെക്രട്ടറി  ടി ടി അബ്ദുൽ റഷീദ് ഉപഭോക്താക്കൾ ശ്രദ്ദിക്കേണ്ട കാര്യങ്ങൾ , പ്രതികരിക്കേണ്ട രീതികൾ ,സർക്കാരിന്റെ ഭാഗത്ത് നിന്നുള്ള സഹായങ്ങൾ ഉപഭോക്താവിന്റെ അവകാശങ്ങൾ എന്നിവ വിശദീകരിച്ച്സംസാരിച്ചു . സദസ്സിന്റെ അന്വേഷണങ്ങൾക്ക് അദ്ദേഹം മറുപടി പറഞ്ഞു.പ്രശസ്ത സാമൂഹ്യ പ്രവർത്തക കെ വി റാബിയയുടെ വീട്ടിൽ ചേർന്ന പരിപാടിയിൽ അവർ സ്വാഗതം പറഞ്ഞു.കൺസൂമെർ പ്രൊട്ടക്ഷൻ എക്സെക്യു്ട്ടീവ് അംഗം നിസാർ വേങ്ങര സമാപന പ്രസംഗം നടത്തി . സ്ത്രീകൾ ഉൾപ്പെടെ നിരവധിപേർ പങ്കെടുത്തു .

വയനാട് എം.പി.യും, സംസ്ഥാനകോൺഗ്രസ് വർക്കിംഗ് പ്രസിഡണ്ടുമായിരുന്ന എം.ഐ.ഷാനവാസിന്റെ നിര്യാണത്തിൽ വേങ്ങരയിൽ ചേർന്ന സർവ്വകക്ഷി യോഗം അനുശോചനം രേഖപ്പെടുത്തി

വയനാട് എം.പി.യും, സംസ്ഥാനകോൺഗ്രസ് വർക്കിംഗ് പ്രസിഡണ്ടുമായിരുന്ന എം.ഐ.ഷാനവാസിന്റെ നിര്യാണത്തിൽ വേങ്ങരയിൽ ചേർന്ന സർവ്വകക്ഷി യോഗം അനുശോചനം രേഖപ്പെടുത്തി

വേങ്ങര: വയനാട് എം.പി.യും, സംസ്ഥാനകോൺഗ്രസ് വർക്കിംഗ് പ്രസിഡണ്ടുമായിരുന്ന എം.ഐ.ഷാനവാസിന്റെ നിര്യാണത്തിൽ വേങ്ങരയിൽ ചേർന്ന സർവ്വകക്ഷി യോഗം അനുശോചനം രേഖപ്പെടുത്തി. ടൗണിൽ മൗന ജാഥയും നടന്നു.കെ.രാധാകൃഷ്ണൻ മാസ്റ്റർ അധ്യക്ഷത വഹിച്ചു.കെ.പി.സി.സി അംഗം പി.എ.ചെറീത്, ബ്ലോക്ക് കോൺഗ്രസ് പ്രസിഡണ്ട് പി.പി.സഫീർ ബാബു, .പി.കെ.അസ് ലു , പി.അബ്ദുൾ ഖാദർ (ഐ.യു.എം.എൽ)എം.എ.അസീസ് (ഐ.എൻ.ടി.യു.സി),കണ്ണേത്ത് കുഞ്ഞിമുഹമ്മദ് (സി.പി.എം), യു.ബാലകൃഷ്ണൻ ( സി.പി.ഐ,), പി.അബ്ദുൾ അസീസ് ഹാജി ( വ്യാപാരി വ്യവസായി ഏകോപന സമിതി), കൈതക്കോടൻ അബൂബക്കർ (ലോക് താന്ത്രിക്ക് ജനതാദൾ ) ,പി.കെ. സിദ്ധീഖ് (കോൺഗ്രസ്കണ്ണമംഗലം മണ്ഡലം പ്രസിഡണ്ട്), ഹാരിസ് മാളിയേക്കൽ ( യൂത്ത് ലീഗ് പഞ്ചായത്ത് പ്രസിഡണ്ട്), പറാഞ്ചേരി അശ്റഫ് ,വി.ടി.മൊയ്തീൻ, സി.എച്ച് സലാം, അസീസ് കൈ പ്രൻ, സി.എച്ച് അനീസ്. പ്രസംഗിച്ചു.

വയോജനങ്ങളുടെചിത്രരചന കൗതുകമായി

വയോജനങ്ങളുടെചിത്രരചന കൗതുകമായി

വേങ്ങര ഗ്രാമപഞ്ചായത്ത് സായംപ്രഭാ ഹോമിൽ വയോജനങ്ങൾക്ക് വേണ്ടി പഞ്ചായത്ത് കുരിക്കൾ സ്മാരക ലൈബ്രറിയുമായി സഹകരിച്ച് ചിത്രരചന ശിൽപ്പശാല സംഘടിപ്പിച്ചു.ജില്ലാ പഞ്ചായത്ത് പ്രസിഡന്റ് എ പി ഉണ്ണികൃഷ്ണനും ജില്ലാ ഡിവിഷൻ മെമ്പർ സലീം കുരുവമ്പലം ബ്ലോക്ക് പഞ്ചായത്ത് പ്രസിഡന്റ് ചാക്കീരി അബ്‌ദുൽ ഹഖ് എന്നിവർ അഥിതിയായിഎത്തി.പഞ്ചായത്ത് പ്രസിഡന്റ് വി കെ കുഞ്ഞാലൻ കുട്ടി ചിത്രം വരച്ച് ഉൽഘാടനം നിർവഹിച്ചു. ചിത്രകാരൻ മാട്ടി മുഹമ്മദ് ക്ലാസ്സിന്ന് നേതൃത്വംനൽകി,ഫസൽ കൂളിപ്പിലാക്കൽ,ലത്തീഫ് പൂവൻഞ്ചേരി നഫീസ എ കെ,കമലാ ഭായി,ലൈബ്രേറിയൻ നഫീസ കാരാടൻ,ഇബ്രാഹിം അടക്കാപുര തുടങ്ങിയവർ സംസാരിച്ചു

ഒളകര ഗവൺമെൻറ് എൽ പി സ്കൂളിലെ ഈ വർഷത്തെ ആർട്ട് ഫെസ്റ്റ് "തക്കാരം 2018" സമാപിച്ചു

ഒളകര ഗവൺമെൻറ് എൽ പി സ്കൂളിലെ ഈ വർഷത്തെ ആർട്ട് ഫെസ്റ്റ് "തക്കാരം 2018" സമാപിച്ചു

പെരുവള്ളൂർ: ഒളകര ഗവൺമെൻറ് എൽ പി സ്കൂളിലെ ഈ വർഷത്തെ ആർട്ട് ഫെസ്റ്റ് "തക്കാരം 2018" സമാപിച്ചു. പരിപാടി ഹെഡ്മാസ്റ്റർ എൻ. വേലായുധൻ ഉദ്ഘാടനം ചെയ്തു. പിടിഎ പ്രസിഡണ്ട് പി.പി  സൈദ് മുഹമ്മദ് അദ്ധ്യക്ഷനായിരുന്നു കൺവീനർ വി .ജംഷീദ് സ്വാഗതം പറഞ്ഞു.

     തക്കാരം എന്ന വാക്കിനെ അന്വർഥമാക്കി വിദ്യാർത്ഥികളെ  പാലട, സേമിയ, ഫലൂദ, അലീസ എന്നിങ്ങനെ വിവിധ ഗ്രൂപ്പുകളാക്കി യായിരുന്നു മത്സരം നടത്തിയത്. കുരുന്നുകളുടെ മത്സരം കാണാനെത്തിയ രക്ഷിതാക്കൾക്കെല്ലാം ത ക്കാരത്തിന്റെ പ്രതീതിയുണർത്തി സദ്യയോടൊപ്പം പായസവും വിളമ്പി. ആവേശം നിറഞ്ഞ മത്സരത്തിനൊടുവിൽ സേമിയ ഗ്രൂപ്പിന്റെ വിജയം കുരുന്നുകൾക്ക് ഇരട്ടിമധുരമായി.

വിദ്യാർത്ഥികൾ പഴയ കാല പത്രങ്ങൾ ശേഖരിച്ചു

വിദ്യാർത്ഥികൾ പഴയ കാല പത്രങ്ങൾ ശേഖരിച്ചു

പേങ്ങാട്ട് കുണ്ടിൽ പറമ്പ എം.ഐ.എസ്.എം.യു.പി സ്കൂളിൽ ദേശീയ പത്ര ദിനത്തിന്റെ ഭാഗമായി വിദ്യാർത്ഥികളും അധ്യാപകരും ചേർന്ന് വിവിധ പഴയ കാല പത്രങ്ങളുടെ ശേഖരണവും പ്രദർശനവും നടത്തി. ഏതാണ്ട് കാൽ നൂറ്റാണ്ടിലധികം പഴക്കമുള്ള ഇന്ന് കേരളത്തിൽ പ്രചാരത്തിലുള്ളതും ഇല്ലാത്തതുമായ ഒട്ടുമിക്ക പത്രങ്ങളും ഏവർക്കും കൗതുകമുണർത്തുന്നതും ശ്രദ്ധേയവുമായിരുന്നു. ചരിത്ര സംഭവങ്ങൾ, പ്രധാന അപകടങ്ങൾ, യുദ്ധങ്ങൾ, നേതാക്കളുടെ മരണങ്ങൾ, കായിക റെക്കോർഡുകൾ കൗതുക വാർത്തകൾ തുടങ്ങിയ ഒട്ടേറെ അപൂർവ്വ ശേഖരണങ്ങൾ നിരീക്ഷിക്കുന്നതിനും വിലയിരുത്തുന്നതിനും അന്നേ ദിനം വേദിയായി. കുട്ടികളിൽ പത്രവായനാശീലം വളർത്തുന്നതിന്റെ ഭാഗമായി മലയാളം ക്ലബ്ബിന്റെ നേതൃത്വത്തിലാണ് പരിപാടി സംഘടിപ്പിച്ചത്.അധ്യാപകരായ അബ്ബാസ്,ശ്രീധരൻ, കബീർ, ചന്ദ്രൻ, റിയാസ്, രഞ്ജിനി, ഉഷ എന്നിവർ പ്രവർത്തനങ്ങൾക്ക് നേതൃത്വം നൽകി. വിദ്യാർത്ഥികളായ സിലിയ ഷിബിൻ, ഫാത്തിമ സഫ, റഷ, ഫലഹ തുടങ്ങിയവർ പങ്കാളികളായി

അമ്മാഞ്ചേരിക്കാവിൽ മണ്ഡല ഉത്സവം നാളെ മുതൽ

അമ്മാഞ്ചേരിക്കാവിൽ മണ്ഡല ഉത്സവം നാളെ മുതൽ 

വേങ്ങര: വേങ്ങര അമ്മാഞ്ചേരിക്കാവ് ഭഗവതീക്ഷേത്രത്തിൽ മണ്ഡല ഉത്സവം ശനിയാഴ്ച മുതൽ നടക്കും. എല്ലാദിവസവും ആറുമണിക്ക് പ്രത്യേകപൂജയോടെ ചടങ്ങുകൾ തുടങ്ങും. തുടർന്ന് നിറമാല, പുഷ്പാഞ്ജലി, നിവേദ്യം, അഭിഷേകം എന്നീ കർമങ്ങൾ ക്ഷേത്രത്തിനകത്ത് നടക്കും. ഇതേസമയം പുറത്ത് ചുറ്റുവിളക്കുകൾ തെളിയും.

ക്ഷേത്രത്തിലെ പ്രത്യേക പ്രസാദമായ നെയ്യിൽ ചുട്ടെടുത്ത ഉണ്ണിയപ്പം ക്ഷേത്രത്തിലെ അവകാശികൾക്കും ക്ഷേത്രത്തിലെത്തിയവർക്കും വിതരണംചെയ്യുന്നതോടെ ചടങ്ങുകൾ അവസാനിക്കും. വൃശ്ചികം ഒന്നിന് തുടങ്ങുന്ന ആഘോഷം 40 ദിവസം നീണ്ടുനിൽക്കും. ദേശത്തുള്ള വ്യത്യസ്ത കുടുംബങ്ങളാണ് ഓരോ ദിവസത്തേയും ആഘോഷത്തിന്റെ ചെലവ് വഹിക്കുക. വൃശ്ചികം ഒന്ന് ശനിയാഴ്ച ഏഴിന് ഭക്തിപ്രഭാഷണം ഉണ്ടാവും. ക്ഷേത്രത്തിലെ ചടങ്ങുകൾക്ക് എളമ്പിലാക്കാട്ട് ആനന്ദ് നമ്പൂതിരി മുഖ്യകാർമികത്വം വഹിക്കും.

ശിശുദിനം @ -2 & +2

ശിശുദിനം @ -2 & +2

കുറ്റൂർ നോർത്ത് കഞ്ഞിമൊയ്തു ഹയർ സെക്കന്ററി സ്കൂളിലെ എൻ എസ് എസ് യൂണിറ്റിന്റെ ശിശുദിനാഘോഷം കുറ്റൂർ നോർത്ത് എം. എച്ച്. എം. പ്രീ പ്രൈമറി സ്കൂളിലെ കുട്ടികൾക്കൊപ്പം നടന്നു . ഹയർ സെക്കന്ററിയിൽ സന്ദർശനത്തിനെത്തിയ  കുന്നുകൾക്ക് ബലൂണുകളും മിഠായിയും മധുരപനീയവും നൽകി സ്വീകരിക്കാൻ ചേട്ടൻമാരും ചേച്ചിമാരും മത്സരിച്ചു. ചാച്ചാജിയുടെ വേഷത്തിൽ അണിനിരന്ന നിരവധി കുട്ടികൾ ശിശുദിന പരിപാടിക്ക് നിറമേകി. കുരുന്നുകളുടെ കലാപരിപാടികൾ ചടങ്ങിന് ആവേശം പകർന്നു.പ്രിൻസിപ്പാൾ യൂസുഫ് കരുമ്പിൽ പരിപാടി ഉദ്ഘാടനം ചെയ്തു.എൻ എസ്.എസ് പ്രോഗ്രാം ഓഫീസർ യാസിർ പൂവിൽ, ഗീത ടീച്ചർ , സിൽജ ടീച്ചർ, എൻ.എസ് വളണ്ടിയർമാരായ ഹിബ ഷെറിൻ പി.ഇ., ശ്രീജിത്ത് വി. ഫാത്തിമ സദഫ കെ. , ഫൈസൽ എൻ.കെ., മന്നാ സൽവ കെ.പി., ഷാജഹാൻ പി.കെ.,  ജുമാന അർജും എന്നിവർ നേതൃത്വം നൽകി

ലയൺസ് ക്ലബ്ബ് ശിശുദിനാഘോഷം

ലയൺസ് ക്ലബ്ബ് ശിശുദിനാഘോഷം

പറപ്പൂർ:ശിശുദിനാഘോഷത്തിന്റെ ഭാഗമായി വേങ്ങര ലയൺസ് ക്ലബ്ബ് പറപ്പൂർ ചേക്കാലി മാട് അങ്കണവാടിയിൽ കളിപ്പാട്ട വിതരണം നടത്തി. വാർഡ് മെമ്പർ ഇ.കെ റൈഹാനത്ത് ഉദ്ഘാടനം ചെയ്തു. ലയൺസ് ക്ലബ്ബ് പ്രസിഡന്റ് പി. മുഹമ്മദ് നുഹ് മാൻ അധ്യക്ഷത വഹിച്ചു. ബ്ലോക്ക് മെമ്പർ ഐക്കാടൻ വേലായുധൻ, ഇ.കെ സുബൈർ, നൗഷാദ് വടക്കൻ,

മൻസൂർ തൊമ്മഞ്ചേരി,

മുനീർ ബുക്കാരി,ബൈജു കെ.പി,

അബ്ദുൾഹമീദ് കാപ്പൻ,

അബ്ദുൾ നാസർ സി, എന്നിവർ പ്രസംഗിച്ചു.

ശിശുദിന നാളിൽ നെഹ്റു തൊപ്പിക്ക്കീ ഴിൽ അണിനിരന്ന് കൊച്ചു ചാച്ചാജി മാർ

ശിശുദിന നാളിൽ  നെഹ്റു തൊപ്പിക്ക് കീഴിൽ അണിനിരന്ന് കൊച്ചു ചാച്ചാജി മാർ

പെരുവള്ളൂർ: ശിശുദിന നാളിൽ സ്കൂളിൽ തയ്യാറാക്കിയ വലിയ നെഹ്റു തൊപ്പിക്ക് കീഴിൽ 'ഒന്നാണ് ഞങ്ങൾ' എന്ന സന്ദേശവുമായി ഗവൺമെൻറ് എൽ പി സ്കൂൾ ഒളകര യിലെ വിദ്യാർത്ഥികൾ വ്യത്യസ്ത കാഴ്ചയായി. നെഹ്റുവിന്റെ വേഷവിധാനങ്ങളും, കൈയിൽ റോസാപ്പൂവുമായാണ് വിദ്യാർത്ഥികൾ സ്കൂളിലെത്തിയത്. സ്കൂളിൽ തയ്യാറാക്കിയ ഭീമൻ തൊപ്പിക്ക് കീഴിൽ ചാച്ചാജിയുടെ വേഷപ്പകർച്ചയുമായി വിദ്യാർത്ഥികൾ അണിനിരന്നു. അസംബ്ലിയിൽ പ്രഥമാധ്യാപകൻ എൻ. വേലായുധൻ നെഹ്റു അനുസ്മരണം നടത്തി വിദ്യാർത്ഥികൾക്കായി പ്രശ്നോത്തരിയും പുസ്തക പ്രദർശനവും നടത്തി. പ്രീപ്രൈമറി വിദ്യാർത്ഥികൾക്കായി ശിശു ദിന റാലിയും മറ്റ് കലാപരിപാടികളും നടത്തി.

പ്രളയ ദുരിതബാധിതരെ ഒഴിവാക്കൽ: എം.എൽ എ കളക്ടറുമായി ചർച്ച നടത്തി

പ്രളയ ദുരിതബാധിതരെ ഒഴിവാക്കൽ:  

  എം.എൽ എ കളക്ടറുമായി ചർച്ച നടത്തി

പറപ്പൂർ: ഗ്രാമ പഞ്ചായത്തിന്റെ അനാസ്ഥ മൂലം, പ്രളയബാധിതരായ നിരവധി കുടുംബങ്ങൾ സർക്കാറിന്റെ ലിസ്റ്റിൽ നിന്ന് പുറത്തായ പറപ്പൂർ പഞ്ചായത്തിൽ പ്രളയബാധിതർക്ക് വേണ്ടി എം എൽ .എ രംഗത്ത്. ലിസ്റ്റിൽ നിന്ന് പുറത്തായ കുടുംബങ്ങളെ പുനപരിശോധന നടത്തി ഉൾപ്പെടുത്തണമെന്ന് അഡ്വ.കെ.എൻ.എ ഖാദർ എം.എൽ.എ കളക്ടറെ നേരിൽ കണ്ട് ആവശ്യപ്പെട്ടു.പ്രളയക്കെടുതി ഏറ്റവും കൂടുതൽ ബാധിച്ച പറപ്പൂർ പഞ്ചായത്തിൽ നിരവധി കുടുംബങ്ങൾ സഹായലിസ്റ്റിൽ നിന്ന് പുറത്തായത് നേരത്തെ ചന്ദ്രിക റിപ്പോർട്ട് ചെയ്തിരുന്നു.പ്രാഥമിക പരിശോധന നടത്തി പറപ്പൂർ വില്ലേജ് ഓഫീസർ ഗ്രാമപഞ്ചായത്തിന് കെടുതി കണക്കാക്കാൻ കൈമാറിയ ലിസ്റ്റിൽ നിന്നാണ് നിരവധി കുടുംബങ്ങൾ പുറത്തായത്.പഞ്ചായത്ത് അസിസ്റ്റൻറ് എഞ്ചിനിയറും ഓവർസിയറുമാണ് അന്തിമ ലിസ്റ്റ് തയ്യാറാക്കിയത്.വ്യാപകമായ ക്രമക്കേടാണ് ലിസ്റ്റിൽ കടന്ന് കൂടിയത്. കേട് പാടുകൾ സംഭവക്കാത്ത കുടുംബങ്ങൾ ലിസ്റ്റിൽ ഉൾപ്പെടുകയും വീട് തകർന്ന കുടുംബങ്ങൾ പുറത്താകുകയും ചെയ്തത് പഞ്ചായത്തിനെതിരെ വിമർശനത്തിനിടയാക്കിയിരുന്നു. പറപ്പൂർ രണ്ടാം വാർഡിൽ വാർഡ് മെമ്പറുടെയും പാലാണിയിൽ യു.ഡി.എഫ് പ്രവർത്തകരുടെയും നേതൃത്വത്തിൽ വീണ്ടും അപേക്ഷ വാങ്ങി എം.എൽ.എക്ക് കൈമാറുകയായിരുന്നു.എം.എൽ എ പഞ്ചായത്ത് ലീഗ് നേതാക്കളോടൊപ്പം കളക്ടർക്ക് പരാതി കൈമാറി. വിഷയം സർക്കാറിന്റെ ശ്രദ്ധയിൽ പെടുത്താമെന്ന് കളക്ടർ ഉറപ്പ് നൽകി. പഞ്ചായത്ത് ലീഗ് ഭാരവാഹികളായ ടി.പി അഷ്റഫ് ,വി.എസ് ബഷീർ, ടി.ടി. ബീരാവുണ്ണി, ഇ.കെ സുബൈർ, എം.കെ ഷാഹുൽ ഹമീദ്, അസീസ് പഞ്ചിളി, എ.കെ സിദ്ദീഖ് എന്നിവരും എം.എൽ.എക്കൊപ്പം ഉണ്ടായിരുന്നു.

ശിശുദിനം വിവിധ പരിപാടികളോടെ ആഘോഷിച്ചു.

ശിശുദിനം വിവിധ പരിപാടികളോടെ ആഘോഷിച്ചു.

പേങ്ങാട്ട് കുണ്ടിൽ പറമ്പ എം.ഐ.എസ്.എം.യു.പി.സ്കൂളിൽ ശിശുദിനത്തിന്റെ ഭാഗമായി കുട്ടികളുടെ നേതൃത്വത്തിൽ അസംബ്ലി സംഘടിപ്പിച്ച് വിവിധ പരിപാടികൾ നടത്തുകയുണ്ടായി.സ്കൂൾ ലീഡർ ഷംത്താൻ സ്വാഗതം പറഞ്ഞ് ആരംഭിച്ച പരിപാടി സഫ എന്ന വിദ്യാർത്ഥിനിയുടെ അദ്ധ്യക്ഷതയിൽ കുട്ടികളുടെ ശിശുദിന പ്രഭാഷണങ്ങൾ, ജീവചരിത്രക്കുറിപ്പ് വായന, ദേശഭക്തിഗാനങ്ങൾ, ശിശുദിന ആശംസാ കാർഡുകളുടെ പ്രദർശനം, ചിത്രരചനാ പ്രദർശനം തുടങ്ങിയവക്ക് വേദിയായി. നൈല, ഗോപി ക, റിഫ്ന, റാനിയ, റഷ, ഷഹാന തുടങ്ങിയ കുട്ടികൾ പങ്കെടുത്ത പരിപാടിക്ക് സീനിയർ അസിസ്റ്റൻറ് അബ്ബാസ് മാഷ് ആശംസ അറിയിച്ചു.

ലിസ്റ്റിൽ പേര് ഉൾപ്പെട്ടിട്ടില്ലാത്ത സഹായത്തിന് അർഹരായ കുടുംബങ്ങളെ ഉൾപ്പെടുത്തണമെന്ന് ആവശ്യപ്പെട്ടുകൊണ്ട് ജില്ലാ കലക്ടർക്ക് എംഎൽഎ കത്ത് നൽകി

 

ലിസ്റ്റിൽ പേര് ഉൾപ്പെട്ടിട്ടില്ലാത്ത സഹായത്തിന് അർഹരായ കുടുംബങ്ങളെ ഉൾപ്പെടുത്തണമെന്ന് ആവശ്യപ്പെട്ടുകൊണ്ട് ജില്ലാ കലക്ടർക്ക് എംഎൽഎ കത്ത് നൽകി

പറപ്പൂർ പഞ്ചായത്തിലെ പ്രളയത്തിൽ തകർന്ന വീടുകളുടെ കേടുപാടുകൾ തീർക്കുന്നതിന് വേണ്ടി സർക്കാർ നൽകുന്ന സഹായം ലഭിക്കുന്നതിനുള്ള ലിസ്റ്റിൽ പേര് ഉൾപ്പെട്ടിട്ടില്ലാത്ത
സഹായത്തിന് അർഹരായ കുടുംബങ്ങളെ ഉൾപ്പെടുത്തണമെന്ന് ആവശ്യപ്പെട്ടുകൊണ്ട്
വേങ്ങര എംഎൽഎ അഡ്വക്കേറ്റ് കെ എൻ എ ഖാദർ സാഹിബ് മലപ്പുറം ജില്ലാ കലക്ടർക്ക്
കത്ത് നൽകി
മുസ്‌ലിംലീഗ് സംസ്ഥാന പ്രവർത്തക സമിതി അംഗം
TT ബീരാവുണ്ണി പറപ്പൂർ പഞ്ചായത്ത് മുസ്‌ലിംലീഗ് പ്രസിഡണ്ട്

ടിപി അഷ്റഫ്. മുസ്ലിം ലീഗ് ജനറൽ സെക്രട്ടറി ബഷീർ മാസ്റ്റർ സുബൈർ മാസ്റ്റർ ഷാഹുൽ പാലാണി എന്നിവർ സമീപം

നവംബർ 12 ദേശീയ പക്ഷിനിരീക്ഷണ ദിനത്തിൽ പക്ഷികളെ അടുത്തറിഞ്ഞ് ഗവൺമെന്റ് എൽ പി സ്കൂൾ ഒളകര യിലെ കുരുന്നുകൾ

നവംബർ 12 ദേശീയ പക്ഷിനിരീക്ഷണ ദിനത്തിൽ പക്ഷികളെ അടുത്തറിഞ്ഞ് ഗവൺമെന്റ് എൽ പി സ്കൂൾ ഒളകര യിലെ കുരുന്നുകൾ

പെരുവള്ളൂർ:നവംബർ 12 ദേശീയ പക്ഷിനിരീക്ഷണ ദിനത്തിൽ പക്ഷികളെ അടുത്തറിഞ്ഞ് ഗവൺമെന്റ് എൽ പി സ്കൂൾ ഒളകര യിലെ കുരുന്നുകൾ.ഇന്ത്യയുടെ പക്ഷി മനുഷ്യൻ ഡോക്ടർ സാലിം അലിയുടെ ജന്മദിനമാണ് പക്ഷിനിരീക്ഷണ ദിനമായി ആചരിക്കുന്നത്. നാലാം ക്ലാസിലെ പക്ഷികളുടെ കൗതുകലോകം എന്ന പാഠഭാഗവുമായി ബന്ധപ്പെട്ട തുടർ പ്രവർത്തനം എന്നനിലയിലാണ് വിദ്യാർഥികൾ, പക്ഷികളെ തേടി ഒളകര പാടത്തേക്ക് ഇറങ്ങിയത്.* വിവിധങ്ങളായ പക്ഷികളുടെ ചിത്രങ്ങളും ഇതോടൊപ്പം പ്രദർശിപ്പിച്ചു. ദേശാടനപക്ഷികൾ പ്രത്യേകിച്ച് സൈബീരിയൻ കൊക്കുകൾ എന്നും  വിരുന്നുകാർ ആയി എത്താറുള്ള ഒളകര പാടം പക്ഷിനിരീക്ഷണത്തിന് ഏറെ അനുയോജ്യമെന്ന് മനസ്സിലാക്കാൻ വിദ്യാർത്ഥികൾക്ക് സാധിച്ചു. ടെലസ്കോപ്പുകളും, ബൈനോക്കുലറുകളുമായി  പക്ഷികളെ തേടിയുള്ള യാത്ര കുരുന്നുകളിൽ അവിസ്മരണീയമായ അനുഭവങ്ങളും അതോടൊപ്പം ഒരു പക്ഷി ശാസ്ത്രജ്ഞന്റെ ഉദ്യോഗവും ജനിപ്പിച്ചു. പിടിഎ പ്രസിഡണ്ട് പിപി സെയ്തുമുഹമ്മദ്, അധ്യാപകരായ പി. സോമരാജ്, കെ കെ റഷീദ്, വി ജംഷീദ്, പി കെ ഷാജി, അബ്ദുൽ കരീം, ജയേഷ്, സിറാജ് എന്നിവർ പരിപാടിക്ക് നേതൃത്വം നൽകി.

ശാസ്ത്ര മരം ഒരുക്കി അന്താരാഷ്ട്ര ശാസ്ത്രദിനാചരണം

ശാസ്ത്ര മരം ഒരുക്കി അന്താരാഷ്ട്ര ശാസ്ത്രദിനാചരണം

പെരുവള്ളൂർ:’ശാസ്ത്ര മരത്തണലിൽ ശാസ്ത്ര കൗതുകം' എന്ന പേരിൽ അന്താരാഷ്ട്ര ശാസ്ത്രദിനം ആചരിച്ച് പെരുവള്ളൂർ ഒളകര ഗവൺമെൻറ് എൽ പി സ്കൂൾ വിദ്യാർത്ഥികൾ. ശാസ്ത്ര മരത്തണലിൽ ശാസ്ത്രകൗതുകം തേടി വിദ്യാർത്ഥികൾ അവതരിപ്പിച്ച  ശാസ്ത്ര മരം കൗതുകക്കാഴ്ചയായി. നവംബർ 10 ലോക ശാസ്ത്ര ദിനത്തോട് അനുബന്ധിച്ച് ആണ് വിദ്യാർത്ഥികൾ സ്കൂൾമുറ്റത്തെ ഒരു മരം ശാസ്ത്രമരമായി രൂപപ്പെടുത്തിയത്. ഇന്ത്യ ശാസ്ത്ര ലോകത്തിന് നൽകിയ സംഭാവനകൾ, ഓരോന്നായി മരത്തിനു മുകളിൽ പ്രദർശിപ്പിക്കുകയായിരുന്നു. ഇന്ത്യയുടെ പ്രധാന ശാസ്ത്രജ്ഞരായ ആര്യഭടൻ മുതൽ എപിജെ അബ്ദുൽ കലാം വരെ ശാസ്ത്ര ലോകത്തിന് നൽകിയ സംഭാവനകൾ ഓരോന്നായി ഈ മരത്തിൽ വിരിയുന്ന കായകളും പൂവുകളുമായി.... ശാസ്ത്രകൗതുകം വിടർത്തുന്ന പുസ്തകങ്ങളും,  കുട്ടികൾ നടത്തിയ ലഘുപരീക്ഷണങ്ങളും  ഈ മരത്തണലിൽ കുട്ടികൾക്ക് കൗതുകക്കാഴ്ചയായി. ഇത്തരം ദിനാചരണങ്ങൾ വിദ്യാർത്ഥികളിൽ ശാസ്ത്രാവബോധം വളർത്താൻ പര്യാപ്തമാണെന്ന് പിടിഎ പ്രസിഡണ്ട് ശ്രീ പി പി സൈത് മുഹമ്മദ് പറഞ്ഞു. ശാസ്ത്ര ദിനാചരണത്തിലൂടെ വിദ്യാർത്ഥികൾക്ക് ഇന്ത്യക്കാരായ ശാസ്ത്രജ്ഞന്മാരെ കുറിച്ച് കൂടുതൽ അറിയാനും ഇന്ത്യ യുടെ ശാസ്ത്രീയ സംഭാവനകൾ എന്തെല്ലാം എന്ന് മനസ്സിലാക്കാനും വിദ്യാർത്ഥികൾക്ക് കഴിഞ്ഞുവെന്ന് സീനിയർ അസിസ്റ്റന്റ് പി. സോമരാജ് പറഞ്ഞു.വിവിധ ക്ലബ്ബുകളുടെ ലീഡർമാരായ വിദ്യാർത്ഥികളും അധ്യാപകരായ കെ. റഷീദ്  , വി  ജംഷീദ്,  പി കെ ഷാജി  , യു സിറാജ് എന്നിവർ പരിപാടിക്ക് നേതൃത്വം നൽകി

റോഡ് സുരക്ഷാ പ്രവർത്തനങ്ങളുമായി സ്കൂൾ കുട്ടികൾ

റോഡ് സുരക്ഷാ പ്രവർത്തനങ്ങളുമായി സ്കൂൾ കുട്ടികൾ

പേങ്ങാട്ട് കുണ്ടിൽപറമ്പ് എം ഐ എസ് എം യു പി സ്കൂളിലെ സ്കൗട്ട് ഗൈഡ് വിദ്യാർത്ഥികൾ നവംബർ 10 ദേശീയ ഗതാഗതദിനത്തിന്റെഭാഗമായി, വാഹനാപകടങ്ങൾ വർധിച്ചു വരുന്ന സാഹചര്യത്തിൽ പൊതു ജനങ്ങളെ ബോധവൽക്കരിക്കുന്നതിനായി സ്കൂൾ പരിസരത്ത് ഒത്തുചേർന്ന് റോഡ് സുരക്ഷാ പ്രവർത്തനങ്ങളിൽ പങ്കാളികളായി. ഹെൽമറ്റില്ലാതെ യാത്ര ചെയ്തവർക്ക് ഹെൽമെറ്റ് നൽകി അവരെ ബോധവാന്മാരാക്കുകയും എല്ലാ സുരക്ഷയോടും കൂടി യാത്ര ചെയ്തവർക്ക് റോസാപ്പൂ നൽകി അഭിനന്ദിക്കുകയും ചെയ്തു കൂടാതെ സ്കൂളിൽ റോഡ് സുരക്ഷാ സിഡി പ്രദർശനം നടത്തുകയും ചെയ്തു

ചടങ്ങിന് ഹെഡ്മാസ്റ്റർ  ചെമ്പൻ ആലസ്സൻ

നേതൃത്വംനൽകി അധ്യാപകരായ റിയാസ്. ടി. കെ, ഉഷ ടി എം മുഹമ്മദ് കബീർ ഇ, മിനി പി.ടി ,ചന്ദ്രൻ .എൻ. പി, അശോകൻ പിപി, ശോഭന എന്നിവർ പങ്കെടുത്തു