ശിശുദിന നാളിൽ നെഹ്റു തൊപ്പിക്ക് കീഴിൽ അണിനിരന്ന് കൊച്ചു ചാച്ചാജി മാർ
പെരുവള്ളൂർ: ശിശുദിന നാളിൽ സ്കൂളിൽ തയ്യാറാക്കിയ വലിയ നെഹ്റു തൊപ്പിക്ക് കീഴിൽ 'ഒന്നാണ് ഞങ്ങൾ' എന്ന സന്ദേശവുമായി ഗവൺമെൻറ് എൽ പി സ്കൂൾ ഒളകര യിലെ വിദ്യാർത്ഥികൾ വ്യത്യസ്ത കാഴ്ചയായി. നെഹ്റുവിന്റെ വേഷവിധാനങ്ങളും, കൈയിൽ റോസാപ്പൂവുമായാണ് വിദ്യാർത്ഥികൾ സ്കൂളിലെത്തിയത്. സ്കൂളിൽ തയ്യാറാക്കിയ ഭീമൻ തൊപ്പിക്ക് കീഴിൽ ചാച്ചാജിയുടെ വേഷപ്പകർച്ചയുമായി വിദ്യാർത്ഥികൾ അണിനിരന്നു. അസംബ്ലിയിൽ പ്രഥമാധ്യാപകൻ എൻ. വേലായുധൻ നെഹ്റു അനുസ്മരണം നടത്തി വിദ്യാർത്ഥികൾക്കായി പ്രശ്നോത്തരിയും പുസ്തക പ്രദർശനവും നടത്തി. പ്രീപ്രൈമറി വിദ്യാർത്ഥികൾക്കായി ശിശു ദിന റാലിയും മറ്റ് കലാപരിപാടികളും നടത്തി.
Nice
ReplyDelete