വേങ്ങര > എല്ഡിഎഫ് സ്ഥാനാര്ഥി അഡ്വ. പി പി ബഷീറിന്റെ തെരഞ്ഞെടുപ്പ് പ്രചാരണാര്ഥം സംസ്ഥാന നേതാക്കള് അടുത്തദിവസങ്ങളില് എത്തും. വിവിധ പൊതുയോഗങ്ങളിലും കുടുംബയോഗങ്ങളിലും പഞ്ചായത്ത് റാലികളിലും നേതാക്കള് പങ്കെടുക്കും. മുഖ്യമന്ത്രി പിണറായി വിജയന്, വി എസ് അച്യുതാനന്ദന്, സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്, സിപിഐ സംസ്ഥാന സെക്രട്ടറി കാനം രാജേന്ദ്രന്, പന്ന്യന് രവീന്ദ്രന്, ഐഎന്എല് സംസ്ഥാന ജനറല് സെക്രട്ടറി പ്രൊഫ. എ പി അബ്ദുള്വഹാബ്, മന്ത്രിമാര് തുടങ്ങിയവര് വിവിധ ദിവസങ്ങളിലായി വേങ്ങരയിലെത്തും.
മന്ത്രി ഡോ. കെ ടി ജലീല് വെള്ളി, ശനി ദിവസങ്ങളില് വിവിധ സ്ഥലങ്ങളില് പ്രചാരണത്തിനെത്തും. വെള്ളിയാഴ്ച ഉച്ചയ്ക്കുശേഷം വേങ്ങര പഞ്ചായത്തിലും ശനിയാഴ്ച ഉച്ചയ്ക്കുശേഷം ഒതുക്കുങ്ങല് പഞ്ചായത്തിലും ഒക്ടോബര് ഒന്നിന് എആര് നഗര്, കണ്ണമംഗലം, രണ്ടിന് വേങ്ങര, ഊരകം പഞ്ചായത്തുകളിലും ജലീല് പര്യടനം നടത്തും.