HOME PAGE

04 November 2018

പറപ്പൂർ ഗ്രാമപഞ്ചായത്തിൽ കുടുംബശ്രീ CDS ൽ സംഘടിപ്പിച്ച ശാസ്ത്ര കൗതുകം പരിപാടി

പറപ്പൂർ ഗ്രാമപഞ്ചായത്തിൽ കുടുംബശ്രീ CDS ൽ സംഘടിപ്പിച്ച ശാസ്ത്ര കൗതുകം പരിപാടി

പതിമൂന്നാം വാർഡ് മെമ്പർ ശശി ഉദ്ഘാടനം ചെയ്തു.

സിഡിഎസ് അക്കൗണ്ടൻ ന്റ് ശ്രീനി സ്വാഗതം പറഞ്ഞു.പഞ്ചായത്ത് സെക്രട്ടറി നജീബ് ആശംസകളർപ്പിച്ചു സംസാരിച്ചു അബ്ദുറഹ്മാൻ,സുനീറ എന്നിവർ ക്ലാസ്സെടുത്തു. സിഡിഎസ് ചെയർപേഴ്സൺ എം കെ റസിയ അധ്യക്ഷതവഹിച്ചു.പങ്കെടുത്ത എല്ലാ കുട്ടികൾക്കും സിഡിഎസ് ചെയർപേഴ്സൺ എം കെ റസിയ സമ്മാനവിതരണം നടത്തി. രണ്ടാം വാർഡ് ശ്രീമതി നഷീദ,മൂന്നാം വാർഡ് സി ഡി എസ് മെമ്പർ ശ്രീമതി സെലീന പത്താം വാർഡ് മെമ്പർ സി ഡി എസ് മെമ്പർ ശ്രീമതി ഹസീന പതിനൊന്നാം വാർഡ് മെമ്പർ ശ്രീമതി സജ്ന.12 വാർഡ് സി ഡി എസ് മെമ്പർ ശ്രീമതി സെലീന പതിനഞ്ചാം വാർഡ് സി ഡി എസ് മെമ്പർ ശ്രീമതി ആബിദ,പതിനാറാം വാർഡ് മെമ്പർ ശ്രീമതി റസിയ തുടങ്ങിയവർ പരിപാടിയിൽ പങ്കെടുത്തു

01 November 2018

വേങ്ങരയിൽ നടന്ന ശാസ്ത്രോത്സവത്തിൽ ഭക്ഷണം ജീവനക്കാർ വക

വേങ്ങര ഉപജില്ലാ ശാസ്ത്ര ,സാമൂഹത്യ ശാസ്ത്ര പ്രവൃത്തി പരിചയ , ഐടി മേള കുറ്റൂർ നോർത്ത് കെ.എം എച്ച് എസ്സ് എസ്സ് കുറ്റൂർ നോർത്തിൽ നടന്നു.

10 പഞ്ചായത്തുകളിൽ നിന്നായി 1500 മത്സരാർത്ഥികൾ പങ്കെടുത്തു. 2500 ൽ പരം പേർക്കുള്ള ഭക്ഷണം കെ.എം എച്ച് എസ് ലെയും MHMLP സ്കൂളിലേയും ജീവനക്കാർ സ്പൺസർ ചെയ്ത് മാതൃകയായി. സംസ്ഥാനത്ത് പ്രളയക്കെടുതിക്ക് ശേഷം നടക്കുന്ന ശാസ്ത്രോത്സവം സാമ്പത്തിക പ്രയാസം നേരിടുമ്പോൾ അദ്ധ്യാപകരും ജീവനക്കാരും ചേർന്ന് ഭക്ഷണം സ്പോൺസർ ചെയ്തത് അഭിനന്ദനത്തിന് വക നൽകി.

വേങ്ങര എം.എൽ എ, കെ.എൻ.എ ഖാദർ, വേങ്ങര പഞ്ചായത്ത് സ്റ്റാറ്റാന്റിംഗ് കമ്മറ്റി ചെയർമാൻ കെ.പി. ഫസൽ തിരുരങ്ങാടി ഡി.ഇ.ഒ അജിതകുമാരി ടി.കെ., വേങ്ങര എ ഇ ഒ .വിശാല സി.പി. എന്നിവർ സ്റ്റാളുകൾ സന്ദർശിച്ചു.

ജനറൽ കൺവീനർ അനിൽ കുമാർ പി.ബി., മാനേജർ കെ.പി.കുഞ്ഞിമൊയ്തു എന്നിവർ സംഘാടകർക്ക് നേതൃത്യം നൽകി മേള വിജയകരമായി പൂർത്തിയായി.

ഊരകം എം ഇ യു ഹെയർസെക്കൻഡറി സ്കൂളിൽ നടന്ന വേങ്ങര സബ്ജില്ല സ്കൂൾ കലോത്സവം സമാപിച്ചു

വേങ്ങര : ഊരകം എം ഇ യു ഹയർസെക്കൻഡറി സ്കൂളിൽ നടന്ന വേങ്ങര സബ്ജില്ല സ്കൂൾ കലോത്സവം സമാപിച്ചു.

സമാപനത്തിൽ AEO വിശാലൻ പരിപാടിക്ക് നന്ദി പറഞ്ഞു. സമാപന ചടങ്ങിൽ PK അസുലു ബ്ലോക്ക് പഞ്ചായത്ത് മെംബർ, PP ഹസ്സൻ ജനറൽ കൺവീനർ, പ്രിൻസിപ്പാൾ സയ്യിദ് മുഹമ്മദ് കോയ തങ്ങൾ, ഹെഡ്മാസ്റ്റർ കെ അബ്ദുൽ റഷീദ്, PTA പ്രസിഡന്റ് KP അബ്ദുസമദ് , HM ഫോറം കൺവീണർ രഖു മാസ്റ്റർ തുടങ്ങിയവർ പങ്കെടുത്തു.

ഉപജില്ലാ സ്കൂൾ കലോത്സവത്തിന് സമാപനത്തിൽ സ്കൂൾ അധികൃതർക്കും വിദ്യാർത്ഥികൾക്കും സംഘാടനസമിതിക്കുംനന്ദി രേഖപ്പെടുത്തി.പ്രളയ പശ്ചാത്തലത്തിൽ സ്കൂളുകൾക്ക് പോയന്റും വിദ്യാർത്ഥികൾക്ക് ട്രോഫിയും ഇല്ല എ ഗ്രേഡോടെ ഫസ്റ്റ് നേടിയ വിദ്യാർത്ഥികളെ ജില്ലയിലേക്ക് തിരഞ്ഞെടുത്തു

മർക്കസ് പബ്ലിക് സ്കൂൾ മമ്പീതി സ്കൂളിൽ കേരളപ്പിറവി ദിനം വിപുലമായ രീതിയിൽ ആഘോഷിച്ചു

മർക്കസ് പബ്ലിക് സ്കൂൾ മമ്പീതി സ്കൂളിൽ കേരളപ്പിറവി ദിനം വിപുലമായ രീതിയിൽ ആഘോഷിച്ചു. സ്കൂൾ പ്രിൻസിപ്പൽ കുട്ടികൾക്ക് പ്രതിജ്ഞ ചൊല്ലിക്കൊടുത്തു. തുടർന്ന് ഹരിത ക്ലബ്ബിന്റെ ഭാഗമായി കുട്ടികൾ വ്യക്ഷത്തെകളും നിൽ ചെടികളും നട്ടുപിടിപ്പിച്ചു. ശേഷം കുട്ടികളുടെ കലാപ്രകടനങ്ങൾ അരങ്ങേറി.

യോഗത്തിൽ പ്രിൻസിപ്പാൾ മുഹമ്മദ് അബ്ദുൽ മജീദ്, മാനേജർ അബ്ദുറഹ്മാൻ സഖാഫി തുടങ്ങി പല പൗരപ്രമുഖരും പ്രസംഗിച്ചു. സ്റ്റാഫ് സെക്രട്ടറി അബ്ദുറഹിമാൻ ഉസ്താദ് നന്ദി പറഞ്ഞു.

അമ്പലമാട് അംഗനവാടിയിൽ കേരളപ്പിറവി ദിനാഘോഷവും അംഗനവാടി പ്രവേശനോത്സവവും സംഘടിപ്പിച്ചു

വേങ്ങര : കേരളപ്പിറവി ദിനാഘോഷവും അംഗനവാടി പ്രവേശനോത്സവവും

ഇരിങ്ങല്ലൂർ അമ്പലമാട് ഫെയ്മസ് ക്ലബ്ബും അമ്പലമാട് വായനശാലയും സംയുക്തമായി കേരളപ്പിറവി ദിനാഘോഷത്തിന്റെ ഭാഗമായി അമ്പലമാട് അംഗനവാടിയിൽ പ്രവേശനോത്സവം സംഘടിപ്പിച്ചു.കുട്ടികൾക്ക് ബലൂണുകളും പൂക്കളും മധുര പലഹാരങ്ങളും വിതരണം ചെയ്തു. വർക്കർ വനജ ,ഹെൽപ്പർ പുഷ്പലത, എം.പി കുഞ്ഞു, എം.പി നൗഫൽ നേതൃത്വം നൽകി.

31 October 2018

പി.ഇ. മൊയ്തീന്‍കുട്ടി മാസ്റ്റര്‍ അനുസ്മരണ സംഗമം നടത്തി

തോട്ടശ്ശേരിയറ: ദീര്‍ഘകാലം തോട്ടശ്ശേരിയറ എ.എം.എല്‍.പി സ്‌കൂളില്‍ പ്രധാനാധ്യാപകനായി സേവനമനുഷ്ഠിച്ച പി.ഇ. മൊയ്തീന്‍കുട്ടി അനുസ്മരണ സംഗമം ഡോ. മൊയ്തീന്‍കുട്ടി ഉദ്ഘാടനം ചെയ്തു. തോട്ടശ്ശേരിയറ സ്‌കൂളില്‍ നടന്ന ചടങ്ങില്‍ സി. ബാലന്‍ മാസ്റ്റര്‍ അധ്യക്ഷത വഹിച്ചു. പൂര്‍വാധ്യാപകരായ സാറ, ദേവസ്യ, പ്രധാനാധ്യാപകന്‍ കെ.വി. ഹബീബ്, പി. മുഹമ്മദ്, മാനേജര്‍ ഇ.കെ. കുഞ്ഞഹമ്മദ് കുട്ടി, പി.ടി.എ പ്രസിഡന്‍റ് രായിന്‍ മുഹമ്മദ് എന്നിവര്‍ സംസാരിച്ചു.

സംസ്ഥാന ഹജ്ജ് കമ്മിറ്റി വഴി ഹജിനു അപേക്ഷിക്കുന്ന മണ്ഡലത്തിലുള്ളവർക്ക് ഓൺലൈൻ ഹെൽപ് ഡസ്ക് തുടങ്ങി

വേങ്ങര : സംസ്ഥാന ഹജ്ജ് കമ്മിറ്റി വഴി ഹജിനു അപേക്ഷിക്കുന്ന മണ്ഡലത്തിലുള്ളവർക്ക് ഓൺലൈൻ ഹെൽപ് ഡസ്ക് തുടങ്ങി.ഹജ്ജ് കമ്മിറ്റി അംഗം അബ്ദുറഹ്മാൻ ഇണ്ണി ഉദ്ഘാടനം ചെയ്തു. ജില്ലാ ഹജ്ജ് ട്രൈനര്‍ പി.പി മുസ്തഫ ആധ്യക്ഷ്യത വഹിച്ചു.

എം.ഫൈസല്‍, എം.കെ സൈനുദ്ധീന്‍ ഹാജി, എം. ശംസുദ്ധീന്‍,യു.സുലൈമാന്‍, ഇ.കെ.ഷഫീഖ്, ടി.കെ സാദിഖ് എന്നിവര്‍ സംസാരിച്ചു.ബസ് സ്റ്റാൻഡിലെ പഞ്ചായത്തു കെട്ടിടത്തില്‍ എല്ലാ ദിവസവും വൈകിട്ട് അഞ്ചു മുതല്‍ സേവനം ലഭ്യമാണ്.പാസ്‌പോര്‍ട്ട്, ബാങ്ക് പാസ്

ബുക്ക് എന്നിവയുമായി എത്തണം.

ഫോൺ. 9847510030

ഹാട്രിക്ക് നേട്ടവുമായി പറപ്പൂർ വേങ്ങര സബ്ജില്ല കേരള സ്കൂൾ കലോത്സവത്തിൽ ഹയർ സെക്കണ്ടറി വിഭാഗം വട്ടപ്പാട്ടിൽ തുടർച്ചയായ മൂന്നാം വർഷവും ഐ യു എച്ച് എസ് സ്കൂൾ പറപ്പൂർ

ഹാട്രിക്ക് നേട്ടവുമായി പറപ്പൂർ

വേങ്ങര സബ്ജില്ല കേരള സ്കൂൾ കലോത്സവത്തിൽ ഹയർ സെക്കണ്ടറി വിഭാഗം വട്ടപ്പാട്ടിൽ തുടർച്ചയായ മൂന്നാം വർഷവും ഐ യു എച്ച് എസ് സ്കൂൾ പറപ്പൂർ

കലാ ആസ്വാദകരുടെ കര ഹർഷത്താൽ പുളകിതമായ ഒന്നാം വേദിയിൽ വട്ടപ്പാട്ടിന്റെ തനിമ ചോരാതെ കൈ മുട്ടിയാണ് ടീം ഒന്നാം സ്ഥാനത്തിലേത്തിയത്. ചിട്ടയാർന്ന പരിശീലത്തിന്റെയും പരിശ്രമത്തിന്റെ പരിണിത ഫലമെന്നോണം ലഭിച്ച ഒന്നാം സ്ഥാനം ഏറെ മധുരമേകുന്ന ഒന്നാണ്. എതിരാളികളെ തങ്ങളുടെ പരിസരത്ത് എത്താത രീതിയിലുള്ള പ്രകടനം കാഴ്ച്ച വെച്ച ഈ ടീം ഏറെ പ്രശംസക്ക് വഴിവെച്ചു. ഒട്ടും ഭയപ്പാടില്ലാതെ മത്സര ബുദ്ധിയോടെ അവതരിപ്പിച്ച ടീം സംസ്ഥാന തല ലെവൽ മത്സരമാണ് കാഴ്ചവെച്ചതെന്ന് വിധികർത്താക്കൾ പറയുകയുണ്ടായി

21 October 2018

മണപ്പുറം-തയ്യിച്ചി ബൈപാസ്സ് റോഡ് വൃത്തിയാക്കി സുരക്ഷിത ഗതാഗതത്തിന് യോഗ്യമാക്കി

വലിയോറ മണപ്പുറം: വലിയോറ മണപ്പുറം MSV ക്ലബ്ബിലെ യുവാക്കളുടെയും സന്നദ്ധ പ്രവർത്തകരായ കുട്ടികളുടെയും നേതൃത്വത്തിൽ മണപ്പുറം-തയ്യിച്ചി ബൈപാസ്സ് റോഡിന്റെ ഇരു സൈഡിലും ഉള്ള കാടുകളും പുല്ലും ചെത്തി വൃത്തിയാക്കി റോഡ് സുരക്ഷിത ഗതാഗതത്തിന് യോഗ്യമാക്കി.

ഈ റോഡിന്റെ ഇരു വശങ്ങളിലും നടു റോഡിലും സാമൂഹിക ദ്രോഹികൾ ഇരുട്ടിന്റെ മറവിൽ കൂൾബാർ,ഹോട്ടൽ അത് പോലെ കോഴികടകളിലെ അറവു മാലിന്യം അടക്കം മാലിന്യം വലിച്ചെറിഞ്ഞു യാത്രക്കാർക്കും പരിസര വാസികളിക്കും വലിയ തോതിൽ ബിദ്ധിമുട്ട് ഉണ്ടാക്കിയിരുന്നു.

റോഡിൽ മാലിന്യം വലിച്ചെറിയുന്ന സാമൂഹിക വിരുദ്ധരുടെ നടപടികളെ കുറിച്ച് ഒരാഴ്ച മുമ്പ് നമ്മുടെ നാട്ടിലെ പല സാമൂഹിക മാധ്യമങ്ങളിൽ അടക്കം സജീവ ചർച്ച വിഷയവുമായിരുന്നു.ഇതിനു ഒരു താൽക്കാലിക പരിഹാരം എന്ന നിലക്കാണ് പ്രദേശത്തെ ക്ലബിന്റെ നേതൃത്വത്തിൽ യുവാക്കൾ ഇത്തരം മാതൃകാപരമായ സാമൂഹിക പ്രവർത്തിയുമായി മുന്നോട്ടു വന്നിരിക്കുന്നത്.

ഇനിയും ഇത്തരം നല്ല സാമൂഹിക പ്രവർത്തനങ്ങളിലൂടെ ഒരു മാലിന്യ വിമുക്ത വലിയോറക്കായി എപ്പോഴും മുന്നിൽ നിന്നു തന്നെ പ്രവർത്തിക്കുമെന്ന് ഇതിനു നേതൃത്വം കൊടുത്ത MSV മണപ്പുറം ക്ലബ്ബിലെ സന്നദ്ധ പ്രവർത്തകർ അറിയിച്ചു.

11 October 2018

ചന്ദ്രിക ട്രോഫി ഫുട്ബോൾ ടൂർണമെന്റ് സംഘടിപ്പിച്ചു

"ഗതകാലങ്ങളുടെ പുനർവായന പോരാട്ടമാണ് " എന്ന പ്രമേയത്തിൽ ഒക്ടോബർ 1 മുതൽ 30 വരെ നടക്കുന്ന msf മെമ്പർഷിപ് ക്യാമ്പയിന്റെ പ്രചരണാർത്ഥം msf ഊരകം പഞ്ചായത്ത് കമ്മിറ്റി യാറം പടി ഇന്റർനാഷണൽ ഫുട്ബോൾ കോർട്ടിൽ വെച്ച് ചന്ദ്രിക ട്രോഫി ഫുട്ബോൾ ടൂർണമെന്റ് സംഘടിപ്പിച്ചു.ചാലിൽകുണ്ട് യൂണിറ്റ് വിന്നേഴ്‌സും കോട്ടുമല യൂണിറ്റ് റണ്ണേയ്‌സുമായി.ചാലിക്കുണ്ട് യൂണിറ്റിലെ നാസർ .കെ ബെസ്റ്റ് ഗോൾ കീപ്പറായും കോട്ടുമല യൂണിറ്റിലെ മശ്ഹൂദ് ബെസ്റ്റ് പ്ലെയറായും തിരഞ്ഞെടുക്കപ്പെട്ടു. പി.കെ അസ്ലു കിക്ക്ഒാഫ് ചെയ്തു.

msf സംസ്ഥാന വൈ.പ്രസിഡന്റ് ശരീഫ് വടക്കയിൽ സംസ്ഥാന കായികോത്സവത്തിൽ മലപ്പുറം ജില്ലയെ ജേതാക്കളാക്കിയ അനസ്, അർഷാഫ് എന്നിവർക്ക്

പഞ്ചായത്ത് msf കമ്മിറ്റിയുടെ സ്നേഹോപഹാരം നൽകി .ചടങ്ങിൽ ഇ വി ഷാനവാസ്,എം കെ റിയാസ് പങ്കെടുത്തു.സമാപന ചടങ്ങിൽ വിജയികൾക്കുള്ള ട്രോഫികൾ കെ ടി അബ്ദുസമദ് സാഹിബ്, ഹാരിസ് വേരേങ്ങൽ എന്നിവർ നൽകി.ജാബിർ ഇ കെ, കെ.ടി ഹംസ,ജസീം.എൻ,ഷുഹൈബ് കെ,സലീം.പി,സാദിക് ടി.എം,ഫൈസൽ കെ,ഷഹ്സാദ്.പി,വഹാബ് സി എച്ച്, സി.പി ഹാരിസ്,എൻ.കെ നിഷാദ്,അഡ്വ.എ പി നിസാർ,എം എ റഹൂഫ്,സമീർ കുറ്റാളൂർ തുടങ്ങിയവർ സംബന്ധിച്ചു.

05 October 2018

പ്രളയക്കെടുതിയില്‍ പെട്ട കര്‍ഷകര്‍ക്ക്‌ റിക്കാര്‍ഡ്‌ വേഗത്തില്‍ നഷ്‌ട പരിഹാരമെത്തിച്ച്‌ ഊരകം കൃഷിഭവന്‍

പ്രളയക്കെടുതി നഷ്‌ടപരിഹാരം റിക്കാര്‍ഡ്‌ വേഗത്തില്‍

വേങ്ങര: പ്രളയക്കെടുതിയില്‍ പെട്ട കര്‍ഷകര്‍ക്ക്‌ റിക്കാര്‍ഡ്‌ വേഗത്തില്‍ നഷ്‌ട പരിഹാരമെത്തിച്ച്‌ ഊരകം കൃഷിഭവന്‍. 117 കര്‍ഷകരുടെ എക്കൗണ്ടില്‍ 20.32 ലക്ഷം രൂപയാണ്‌ നിക്ഷേപിച്ചത്‌. തുക വിതരണത്തിന്റെ ഉദ്‌ഘാടനം ഊരകം ഗ്രാമ പഞ്ചായത്ത്‌ പ്രസിഡന്റ്‌ സഫ്രീന അഷറഫിന്‌ കര്‍ഷകരുടെ ലിസ്‌റ്റ് നല്‍കി പി.കെ.കുഞ്ഞാലിക്കുട്ടി എം.പി നിര്‍വ്വഹിച്ചു. കെ.ടി.അബ്‌ദുസമദ്‌ അധ്യക്ഷത വഹിച്ചു. പി.കെ.സൗദ അബു ത്വാഹിര്‍, കെ.ടി.അബൂബക്കര്‍, യു.കെ.അബ്‌ദുല്‍ അസീസ്‌, എം.കുഞ്ഞാലി, വി.അയ്പ്പയന്‍, പ്രകാശ്‌ പുത്തന്‍ മത്തില്‍, പി.എം.മെഹറുന്നിസ, വി.സി.മുരളീ മോഹന്‍ ദാസ്‌, വി.പി.ശ്രുതി മോള്‍, എ.പ്രജീഷ പ്രസംഗിച്ചു. 2013 മുതല്‍ 2017 വരെയുള്ള കര്‍ഷകര്‍ക്കുള്ള നഷ്‌ടപരിഹാരവും എക്കൗണ്ടിലേക്കു മാറ്റിയതായി കൃഷി ഓഫീസര്‍ അറിയിച്ചു.

പുതിയ കൃഷി ഇറക്കുന്നതിന്ന്‌ മൂലധനമായി നഷ്‌ടപരിഹാരത്തുക ലഭിച്ചതില്‍ ആഹ്ലാദത്തിലാണ്‌ ഊരകത്തെ കര്‍ഷകര്‍.

03 October 2018

സംഗമം അയൽക്കൂട്ടം അഞ്ചാം വാർഷികം ആഘോഷിച്ചു

ഗാന്ധിക്കുന്നിലെ സംഗമം പലിശരഹിത അയൽക്കൂട്ടങ്ങളുടെ അഞ്ചാം വാർഷികം ഇൻഫാക് ചെയർമാൻ ടി.കെ. ഹുസൈൻ ഉദ്ഘാടനം ചെയ്തു. പലിശരഹിത അയൽക്കൂട്ടങ്ങൾ സമൂഹത്തിന്റെ സുസ്ഥിര വികസനത്തിനും പാവങ്ങളുടെ സുരക്ഷക്കും സഹായിക്കുന്നതോടൊപ്പം അവരെ സ്വയം പര്യാപ്തതയിലേക്ക് വളർത്തുകയും ചെയ്യുമെന്ന് അദ്ദേഹം അഭിപ്രായപ്പെട്ടു. ഇൻ ഫാക് വൈസ് ചെയർമാൻ ഇ.വി.അബ്ദുൽ കരീം അദ്ധ്യക്ഷത വഹിച്ചു.

ഗാന്ധിക്കുന്നിലെ എഴുപത് അയൽക്കൂട്ടങ്ങളിലെ അംഗങ്ങളുടെ ഒത്തു ചേരലിൽ പുതിയ നിരവധി പദ്ധതികൾ ഉദ്ഘാടനം ചെയ്തു. പീപ്പിൾസ് ഫൗണ്ടേഷൻ ഡയറക്ടർ സാദിഖ് ഉളിയിൽ പലിശ മുക്ത ഗാന്ധിക്കുന്ന് പ്രഖ്യാപനം നടത്തി. പ്ലാസ്റ്റിക് മുക്ത ഗ്രാമം പദ്ധതി വാർഡ് മെമ്പർ ടി.പി.നസീമ ഉദ്ഘാടനം ചെയ്തു. ബാല സഭ രൂപീകരണം, അയൽക്കൂട്ട അംഗങ്ങൾക്ക് ഹെൽത്ത് കാർഡ് വിതരണം, മുട്ടക്കോഴി വളർത്തൽ യൂനിറ്റ് ഉദ്ഘാടനം എന്നിവയും നടന്നു. കെ.പി.സൽവ, ടി.കെ.അബ്ദുൽ ജബ്ബാർ, അസീനുദ്ദീൻ എന്നിവർ സംസാരിച്ചു. എം. മുഹമ്മദ് കുട്ടി സ്വാഗതവും ഇ.വി.അബ്ദുസ്സലാം സമാപനവും നടത്തി.

30 September 2018

ബദ്റുദ്ദുജാ മീലാദ് സമ്മേളനം പ്രഖ്യാപിച്ചു

വേങ്ങര: കുറ്റാളൂര്‍ ബദ്റുദ്ദുജാ ഇസ്‌ലാമിക് സെന്ററിനു കീഴില്‍ വര്‍ഷം തോറൂം നടന്നുവരുന്ന മീലാദ് സമ്മേളനം നവംബര്‍ 26ന് നടക്കും. സമ്മേളനത്തിന്റെ പ്രഖ്യാപനം സമസ്ത വൈ. പ്രസിഡന്റ് സയ്യിദ് അലി ബാഫഖി തങ്ങള്‍ നിര്‍വഹിച്ചു. വൈവിധ്യമാര്‍ന്ന പരിപാടികളോടെയാണ് സമ്മേളനം നടക്കുക. എസ്.വൈ.എസ് സംസ്ഥാന സെക്രട്ടറി പേരോട് അബ്ദുറഹ്മാന്‍ സഖാഫിയുടെ വാര്‍ഷിക മദ്ഹുറസൂല്‍ പ്രഭാഷണവും, ബഹുജന മീലാദ് റാലിയും, ആത്മീയ സമ്മേളനവും മുഖ്യ ഇനങ്ങളാകും. പ്രവാചക പ്രകീര്‍ത്തനം, ബുര്‍ദ ആസ്വാദനം, സെമിനാറുകള്‍, പ്രവാചക പഠനം തുടങ്ങിയവ സമ്മേളനത്തോടനുബന്ധിച്ച് നടക്കും.

കരിമ്പിലി ബദര്‍ മസ്ജിദില്‍ നടന്ന ചടങ്ങില്‍ സയ്യിദ് ശിഹാബുദ്ദീന്‍ ബുഖാരി കടലുണ്ടി അധ്യക്ഷത വഹിച്ചു. സയ്യിദ് ജലാലുദ്ദീന്‍ ജീലാനി വൈലത്തൂര്‍ ഉദ്ഘാടനം ചെയ്തു, കുഞ്ഞി മുഹമ്മദ് സഖാഫി ഇല്ലിപുലാക്കല്‍, ശഹാമ ഉമര്‍ മുസ്‌ലിയാര്‍, ഹക്കീം സഅദി അണ്ടോണ, ഖാരിഅ് അബ്ദുറഹ്മാന്‍ സഖാഫി സി. മൊയ്തീന്‍ കുട്ടി ഹാജി. അസീസ് ഹാജീ ബേപ്പൂര്‍ സംബന്ധിച്ചു.

ഫോട്ടോ ക്യാപ്ഷന്‍

ബദ്‌റുദ്ദുജാ മീലാദ് സമ്മേളന പ്രഖ്യാപനം സയ്യിദ് അലി ബാഫഖി തങ്ങള്‍ നിര്‍വഹിക്കുന്നു.

29 September 2018

ഊരകത്തെ കടലുണ്ടിപ്പുഴയോരം മാലിന്യമുക്തമാക്കി

പ്രളയം ഒരു നാടിന്റെ മുഖഛായ മാറ്റിയപ്പോൾ ഗ്രാമവാസികളുടെ നൊമ്പരങ്ങളും പകർച്ചവ്യാധി ഭീഷണിയും ഏറ്റുവാങ്ങി ഗ്രാമപഞ്ചായത്ത് മുഴുവൻ ഇന്ന് പുഴയോരത്തേക്കൊഴുകി.

സന്നദ്ധ സേവനത്തിന്റെ മറ്റൊരു ഉദാത്ത മാതൃകയാകുകയായിരുന്നു ഊരകം നിവാസികൾ.

പ്രളയാനന്തരം ഒഴുകിയെത്തിയ വൈവിധ്യമാർന്ന അജൈവ മാലിന്യങ്ങൾ പുഴയോരം മലീമസമാക്കിയപ്പോൾ ഒരു പ്രദേശത്തിന്റെ കുടിവെള്ള പ്രശ്നവും പൊതുജനാരോഗ്യരംഗവും കലുഷിതമാകുമെന്ന മുന്നറിയിപ്പിനെ മുഖവിലക്കെടുത്തു കൊണ്ട് ഗ്രാമപഞ്ചായത്ത് ഭരണസമിതി സ്വഛതാ ഹെ സേവ പരിപാടിയിലൂടെ മുന്നിട്ടിറങ്ങുകയായിരുന്നു.

ആരോഗ്യ വകുപ്പിന്റെ സഹകരണത്തോടെ മുഴുവൻ ശുചിത്വ സമിതികളും കുടുംബശ്രീ സമിതിയും വിളിച്ചു ചേർക്കുകയും വിവിധ മേഖലയിലെ സന്നദ്ധ പ്രവർത്തകരെ ഏകോപിപ്പിക്കുകയും ചെയ്തു. 29/09/2018 നു രാവിലെ 8 മണിക്ക് കുറ്റാളൂർ ഗവ.എൽ.പി.സ്കൂളിൽ സംഗമിച്ച ആയിരത്തോളം വരുന്ന സന്നദ്ധ പ്രവർത്തകരെ മുൻനിർത്തി ജില്ലാ പഞ്ചായത്ത് മെമ്പർ ശ്രീമതി. ജമീല അബൂബക്കർ പരിപാടി ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡൻറ് ശ്രീമതി. സഫ്രീന അഷ്റഫ് അദ്ധ്യക്ഷത വഹിച്ചു. വൈസ് പ്രസിഡന്റ് ശ്രീ.കെ .ടി. അബ്ദുസമദ്, ബ്ലോക്ക് പഞ്ചായത്ത് മെമ്പർ ശ്രി. അസ്ലു പി.കെ, ശ്രീ. ഹസ്സൻ പി.പി.,സ്ഥിരം സമിതി അദ്ധ്യക്ഷന്മാരായ ശ്രീ. കെ.ടി.അബൂബക്കർ, ശ്രീമതി. വി.കെ. മൈമൂന, ശ്രീമതി. സൗദ അബൂത്വാഹിർ മറ്റു ജനപ്രതിനിധികൾ എന്നിവർ സന്നിഹിതരായിരുന്നു. വാർഡ് മെമ്പർ ശ്രീ. പി.കെ.അഷ്റഫ് ഹെൽത്ത് ഇൻസ്പെക്ടർ ശ്രീ.മുഹമ്മദ് അബ്ദുൾ ലത്തീഫ്, ഹരീഷ് കെ വി, അസി.സെക്രട്ടറി ശ്രീ. വിവേകാനന്ദൻ എന്നിവർ പദ്ധതി വിശദീകരിച്ചു. തുടർന്നു അഞ്ചു ഗ്രൂപ്പുകളാക്കി തിരിച്ചു. ജനപ്രതിനിധികൾ ആരോഗ്യ പ്രവർത്തകർ, അങ്കൺവാടി പ്രവർത്തകർ, ആഷമാർ, കുടുംബശ്രീ അംഗങ്ങൾ,

തൊഴിലുറപ്പ് അംഗങ്ങൾ, ജാമിഅ അൽ ഹിന്ദ് വിദ്യാർത്ഥികൾ, എം യു.ഹയർ സെക്കണ്ടറി സ്കൂൾ എൻ.എസ്.എസ്, ഗവ. വെക്കേഷണൽ ഹയർ സെക്കണ്ടറി സ്കൂൾ എൻ.എസ്.എസ്, മാലാപറമ്പ് മലബാർ കോളേജ് എൻ.എസ്.എസ്, യുവജന ക്ലബ് പ്രവർത്തകർ, വിവിധ രാഷ്ട്രീയ പാർട്ടി പ്രതിനിധികൾ, അധ്യാപകർ പ്രദേശവാസികൾ തുടങ്ങിയവർ ഓരോ ഗ്രൂപ്പിലുമുണ്ടായിരുന്നു.

അഞ്ചു ടീമുകളെയും വിവിധ വാഹനങ്ങളിലാക്കി പുഴയോരങ്ങളിലെത്തിച്ചു. മുൻകൂട്ടി നിശ്ചയിച്ച പുഴയോര പ്രദേശത്ത് കൂട്ടമായി സഞ്ചരിച്ച്

ലഭിക്കുന്ന അജൈവ മാലിന്യങ്ങൾ തരം തിരിച്ച് വ്യത്യസ്ത ചാക്കുകളാക്കി റോഡരികിലെത്തിച്ചിരിക്കുകയാണ്. തുടർന്ന് വലിയ വാഹനങ്ങളിലാക്കി പുന:ചംക്രമണത്തിനയക്കും.

ഈ മഹത് സംരംഭത്തിൽ സഹകരിച്ച മുഴുവൻ സന്നദ്ധ പ്രവർത്തകരെയും പ്രസിഡൻറ് അഭിനന്ദിച്ചു.

26 September 2018

വേങ്ങര സ്കൂളിലെത്തുന്ന വിദ്യാർഥികൾക്ക് പാഠപുസ്തകങ്ങൾക്ക് പുറത്ത് നീന്തൽ പരിശീലനത്തിനും അവസരമൊരിക്കിസ്കൂൾ അധിക്യതർ

വേങ്ങര സ്കൂളിലെത്തുന്ന വിദ്യാർഥികൾക്ക് പാഠപുസ്തകങ്ങൾക്ക് പുറത്ത് നീന്തൽ പരിശീലനത്തിനും അവസരമൊരിക്കിസ്കൂൾ അധിക്യതർ.എ.ആർ നഗർ പുതിയത്ത് പുറായ എ.എ.എച്ച്.എം.എൽ പി സ്കൂൾ അധികൃതരാണ് വിദ്യാർഥികൾക്കായി സ്കൂളിനടുത്തുള്ള അരീക്കാട്ട് പള്ളി കുളത്തിൽ നീന്തൽ പരിശീലത്തിന് തുടക്കമിട്ടത്.പദ്ധതി ജില്ലാ പഞ്ചായത്ത് പ്രസിഡന്റ് എ പി ഉണ്ണിക്യഷ്ണൻ ഉദ്ഘാടനം ചെയ്തു.പദ്ധതി ആവിഷ്കരിച്ച സ്കൂൾ അധിക്യതരെ അദ്ദേഹം അഭിനന്ദിച്ചു.പി ടി എ പ്രസിഡന്റ് സി.ഹസനലി അഡ്വക്ഷനായി.എ ആർ നഗർ പഞ്ചായത്ത് പ്രസിഡന്റ് കുപ്പേരി സുബൈദ. സ്റ്റാന്റിംകമ്മിറ്റി ചെയർപേഴ്സൺ എൻ വി നഫീസ അംഗങ്ങളായ പി അനിത മാട്ടറ കമ്മുണി ഹാജി സ്കു ൾ മാനേജർ ഡോ എ മൊയ്തീൻ കുട്ടി. അധ്യാപകൻ കെടി കമ്മു.പി ടി എ ഭാരവാഹികൾ പൂർവ്വ വിദ്യാർഥികൾ എന്നിവർ പങ്കെടുത്തു

24 September 2018

പാർലമെന്ററി സ്ഥാനമാനങ്ങൾക്കായി സിപിഐ എം നിലപാടിൽ മാറ്റം വരുത്തില്ലെന്ന് കേന്ദ്ര കമ്മിറ്റിയംഗം എ വിജയരാഘവൻ

വേങ്ങര

പാർലമെന്ററി സ്ഥാനമാനങ്ങൾക്കായി സിപിഐ എം നിലപാടിൽ മാറ്റം വരുത്തില്ലെന്ന് കേന്ദ്ര കമ്മിറ്റിയംഗം എ വിജയരാഘവൻ പറഞ്ഞു. പറപ്പൂർ ലോക്കൽ കമ്മിറ്റി വീണാലുങ്ങലിൽ സംഘടിപ്പിച്ച അഴീക്കോടൻ രാഘവൻ അനുസ‌്മരണ സമ്മേളനം ഉദ്ഘാടനംചെയ്യുകയായിരുന്നു അദ്ദേഹം.

ഹിന്ദു, മുസ്ലിം വർഗീയവാദികളും കോൺഗ്രസും കൂട്ടുചേർന്ന് സിപിഐ എമ്മിനെതിരെ അക്രമം അഴിച്ചുവിട്ടുകൊണ്ടിരിക്കയാണ്. എന്നാൽ കേരളത്തിലെ മത ന്യൂനപക്ഷങ്ങൾ കൂടുതൽ ഇടതുപക്ഷത്തോട് അടുത്തുകൊണ്ടിരിക്കുകയാണെന്ന് സമീപകാല ഉപതെരഞ്ഞെടുപ്പുകൾ തെളിയിച്ചു. അഭിമന്യു കൊല്ലപ്പെട്ടപ്പോൾ കേരളത്തിലെ മുസ്ലിം സമൂഹം ഒട്ടാകെ കൊലപാതകത്തിനെതിരെ നിലപാടുസ്വീകരിച്ചു. സങ്കുചിത ലാഭത്തിനായി എസ്ഡിപിഐയുടേയും ജമാഅത്തെ ഇസ്ലാമിയുടേയും പിന്തുണ സ്വീകരിച്ച ചരിത്രമാണ് കുഞ്ഞാലിക്കുട്ടി അടക്കമുള്ള ലീഗ് നേതാക്കൾക്കുള്ളത്.

പറപ്പൂർ പഞ്ചായത്തിൽ നിലവിലുള്ള ഭരണസമിതിയുമായി സിപിഐ എമ്മിന് ഒരു ബന്ധവുമില്ലെന്നും അദ്ദേഹം പറഞ്ഞു. എം മുഹമ്മദ് അധ്യക്ഷനായി. ജില്ലാ സെക്രട്ടറി ഇ എൻ മോഹൻദാസ്, വി പി അനിൽ, വി ടി സോഫിയ, തയ്യിൽ അലവി എന്നിവർ സംസാരിച്ചു. പി കെ അഷറഫ് സ്വാഗതവും സി വിശ്വനാഥൻ നന്ദിയും പറഞ്ഞു. ആസാദ് നഗറിൽനിന്ന‌് പ്രകടനമായാണ‌് പ്രവർത്തകർ സമ്മേളനത്തിനെത്തിയത‌്

23 September 2018

വേങ്ങര മലബാര്‍ കോളേജ് NSS യൂണിറ്റ് ന്ന് ഉപഹാരം

വേങ്ങര: ഊരകം പഞ്ചായത്തിലെ പ്രളയബാധ്യത പ്രദേശങ്ങളിൽ ദുരിതാശ്വാസ പ്രവര്‍ത്തനങ്ങള്‍ക്ക് സ്തുത്യര്‍ഹമായ രീതിയിൽ നേതൃത്വം നല്‍കിയ വേങ്ങര മലബാര്‍ കോളേജ് ഓഫ് അഡ്വാന്‍സ്ഡ് സ്റ്റഡീസ്-ലെ NSS വളണ്ടിയര്‍ മാര്‍ക്ക് ഊരകം പഞ്ചായത്ത് സ്വീകരണം നല്‍കുകയും ഉപഹാരം സമര്‍പ്പിക്കുകയും ചെയ്തു. വേങ്ങര നിയോജകമണ്ഡലം MLA അഡ്വ. KNA. ഖാദര്‍ അവർകള്‍ ഉപഹാര സമര്‍പ്പണം നടത്തി.NSS യൂണിറ്റ് നെ പ്രതിനിധികരിച്ച് വളണ്ടിയര്‍സെക്രട്ടറി.TK.മുഹമ്മദ്ജാസിം, വളണ്ടിയര്‍ നസീബ്‌ റഹ്മാൻ എന്നിവർ ഉപഹാരം ഏറ്റു വാങ്ങി.

കേരളത്തിൽ സമാനതകൾ ഇല്ലാതെ സംഭവിച്ച പ്രളയ കാലത്ത്‌ വേങ്ങര മലബാര്‍ കോളേജ് ഓഫ് അഡ്വാന്‍സ്ഡ് സ്റ്റഡീസ്-ലെ NSS വളണ്ടിയര്‍മാര്‍ വേങ്ങരയുടെ വ്യത്യസ്ത പ്രദേശങ്ങള്‍ ആയ ഊരകം പഞ്ചായത്ത്,പറപ്പുര്‍ പഞ്ചായത്ത്, വേങ്ങര പഞ്ചായത്ത് തുടങ്ങിയ പ്രദേശങ്ങളില്‍ നടത്തിയ പ്രവര്‍ത്തനങ്ങള്‍ പ്രശംസനീയമാണ് എന്ന് ഹെല്‍ത്ത് ഇന്‍സ്പെക്ടര്‍ ശ്രീ. അബ്ദുള്‍ ലത്തീഫ് പറഞ്ഞു.

19 September 2018

ദുരന്തമുഖത്തെ കർമ്മധീരർക്ക് ചലഞ്ച് വലിയോറയുടെ ആദരം

വേങ്ങര:നാം അതിജീവിച്ച പ്രളയം എന്ന സന്ദേശത്തോടെ വെള്ളപ്പൊക്ക ദുരന്ത മുഖത്തെ കർമ്മ ധീരർക്ക് വലിയോറ മുതലമാട് ചലഞ്ച് ക്ലബ്ബ് ഒരുക്കുന്ന ആദരം പരിപാടി 22 ന് ശനിയാഴ്ച്ച നടക്കും.വൈകീട്ട് 3 മണിക്ക് കെ.എൻ.എ.ഖാദർ എം.എൽ.എ. ഉദ്ഘാടനം ചെയ്യും. മലപ്പുറം ജില്ലാ പഞ്ചായത്ത് പ്രസിഡന്റ് എ.പി.ഉണ്ണികൃഷ്ണൻ, ജില്ലാ പോലീസ് മേധാവി പ്രതീക്ഷ് കുമാർ ഐ.പി.എസ്., ഡി.എം.ഒ.ഡോ:സക്കീന, ഡെപ്യൂട്ടി കലക്ടർ വി.രാമചന്ദ്രൻ, നെഹ്റു യുവജന കേന്ദ്ര കൺവീനർ കെ.കുഞ്ഞഹമ്മദ്, വേങ്ങര എസ്.ഐ സംഗീത് പുനത്തിൽ, ഗ്രാമ പഞ്ചായത്ത് പ്രസിഡന്റ് വി.കെ.കുഞ്ഞാലൻകുട്ടി ,ജമീല അബു ബക്കർ ,എ.കെ.മുഹമ്മദലി തുടങ്ങിയവർ പങ്കെടുക്കും. പ്രദേശത്ത് ദുരിത പ്രവർത്തനത്തിനിറങ്ങിയ ട്രോമോ കെയർ, ഇ.ആർ.എഫ്, ആലുങ്ങൽ ഫിഷറീസ്, വേങ്ങര പോലീസ്, ഫയർഫോഴ്സ് എന്നീ സന്നദ്ധ സേവന സംഘങ്ങളെയാണ് ചടങ്ങിൽ ആദരിക്കുക.വൈകീട്ട് ഏഴിന് കലാവിരുന്നും നടക്കും. പത്ര സമ്മേളനത്തിൽ വി.കെ.അബ്ദു റസാക്ക്, പി.കെ.ഇർഫാൻ, അത്തിയേക്കൽ രജീഷ്, ചെമ്പൻ ഇസ്മായിൽ, സി.എം.അലി അക്ബർ സംബന്ധിച്ചു.

വെളിച്ചം ഖുര്‍ആന്‍ പഠന പദ്ധതിയുടെ വേങ്ങര മണ്ഡലം തല പുസ്തക വിതരണോദ്ഘാടനം

വെളിച്ചം ഖുര്‍ആന്‍ പഠന പദ്ധതിയുടെ

വേങ്ങര മണ്ഡലം തല പുസ്തക വിതരണോദ്ഘാടനം

വേങ്ങര: ഐ.എസ്.എം സംസ്ഥാന സമിതി നടത്തുന്ന വെളിച്ചം അന്താരാഷ്ട്ര ഖുര്‍ആന്‍ പഠന പദ്ധതിയുടെ ഏഴാം ഘട്ട പുസ്തക വിതരണ ഉദ്ഘാടനം മനാറുല്‍ ഹുദ അറബിക് കോളജ് പ്രിന്‍സിപ്പല്‍ നസീറുദ്ദീന്‍ റഹ്മാനി നിര്‍വഹിച്ചു. വേങ്ങര പ്രസ് റിപ്പോര്‍ട്ടേഴ്സ് ഫോറം പ്രസിഡന്‍റ് കെ. ഗംഗാധരന്‍ ഏറ്റുവാങ്ങി. പി.കെ. നൗഫല്‍ അന്‍സാരി അധ്യക്ഷത വഹിച്ചു. പി.കെ.സി. ബീരാന്‍കുട്ടി, മുള്ളന്‍ മുഹമ്മദാജി, സി.ടി. ഹംസ, പി.കെ. ആബിദ് സലഫി, സി.ടി. മൊയ്തീന്‍, എ.ടി. സുഹൈര്‍ എന്നിവര്‍ സംസാരിച്ചു.

18 September 2018

അക്രമ രാഷട്രീയത്തിനെതിരെ നവ ജനാധിപത്യ രാഷ്ട്രീയം ശക്തിപ്പെടുത്തണം

'അക്രമ രാഷട്രീയത്തിനെതിരെ നവ ജനാധിപത്യ രാഷ്ട്രീയം ശക്തിപ്പെടുത്തണം'

അക്രമരാഷ്ട്രീയത്തിനെതിരെ നവ ജനാധിപത്യ രാഷ്ട്രീയം ശക്തിപ്പെടുത്തണമെന്ന് ഫ്രറ്റേണിറ്റി യൂത്ത് മൂവ്മെന്‍റ് സംസ്ഥാന െസക്രട്ടറി ജംഷീല്‍ അബൂബക്കര്‍ ആവശ്യപ്പെട്ടു. ഫ്രറ്റേണിറ്റി വേങ്ങര മണ്ഡലം കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ജില്ല സമിതിയംഗം സബീല്‍, വെല്‍െഫയര്‍ പാര്‍ട്ടി വേങ്ങര മണ്ഡലം പ്രസിഡന്‍റ് കെ.എം. ഹമീദ് മാസ്റ്റര്‍, ഇ.കെ. കുഞ്ഞഹമ്മദ് കുട്ടി മാസ്റ്റര്‍, ഫൈസല്‍ ചേറൂര്‍ എന്നിവര്‍ സംസാരിച്ചു. ഫ്രറ്റേണിറ്റി മണ്ഡലം പ്രസിഡന്‍റ് ഷക്കീര്‍ അലി അരീക്കന്‍ സ്വാഗതവും പി.പി. നിഹാദ് നന്ദിയും പറഞ്ഞു

ചിനക്കൽ സാംസ്കാരിക വേദി ആദരിക്കൽ ചടങ്ങ് നടത്തി

ചിനക്കൽ സാംസ്കാരിക വേദി ആദരിക്ക

ൽ ചടങ്ങ് നടത്തി

വേങ്ങര : പ്രളയ ദുരിതാശ്വാസ പ്രവർത്തനത്തിൽ മുന്നിട്ടു നിന്ന.ശ്രീ: ജൈസൽ.Siശ്രീ: സംഗീത് പുനത്തിൽ,നാട്ടുകാരായ അറബിക് സാഹിത്യത്തിൽ ഡോക്ടറേറ്റ് നേടിയ ഡോ.സൂഫിയാൻ അബ്ദു സത്താർ.മെറിറ്റടിസ്ഥാനത്തിൽ അഖിലേന്ത്യാ കോട്ടയിൽ റാങ്ക് നേടി എം ബി ബി എസ് കരസ്ഥമാക്കിയ ഡോ.മുഹമ്മദ് സമീൽ

എന്നിവരെ ആദരിച്ചു

കുറുക സ്കൂൾ HM പത്മനാഭൻ ഉൽഘാടനം ചെയ്തു. സാംസ്കാരിക വേദി പ്രസിഡന്റ് ഷംസുകാവുങ്ങൽ അഡ്യക്ഷത വഹിച്ചു. ട്രസറൽ പറങ്ങോടത്ത് മുസ്ഥഫ സ്വാഗതം പറഞ്ഞു. AT ഹംസ കുട്ടി,കെ.ടി അലവി കുട്ടി,കുറുക്കൻ അലവി കുട്ടി ,സോഷ്യൽ അസീസ്,പറങ്ങോടത്ത് ഹംസാക്കഎന്നിവർ പങ്കെടുത്തു.

തേർക്കയം - ബാക്കിക്കയം റോഡ് പ്രശ്നവുമായി ബന്ധപ്പെട്ട് ബാലവകാശ കമ്മീഷന് നിവേദനം നൽകി

പാണ്ടികശാല ഭാഗത്തെ ധാരാളം സ്കൂൾ വിദ്യാർത്ഥികൾ നടന്നു പോകുന്ന പുഴയോരം റോഡ് (തേർക്കയം-ബാക്കിക്കയം) ആയതിനാൽ അവിടെ സൈഡ് ഭിത്തി കെട്ടി പ്രത്യേകിച്ച് കാൽനട യാത്രക്കാരായസ്കൂൾ കുട്ടികൾക്ക്‌ പുഴ വക്കിൽ നിന്നും ഉണ്ടായേക്കാവുന്ന അപകടത്തിൽ നിന്നും സംരക്ഷണം നൽകാൻ വേണ്ടി ബാല അവകാശ കമ്മിഷൻ ഈ വിഷയത്തിൽ നേരിട്ട് ഇടപെടാൻ വേണ്ടിയാണ് 17ം വാർഡ് വികസന സമിതിക്കു വേണ്ടി യൂസുഫ് അലി വലിയോറ തിരുവനന്തപുരത്തു ബാല അവകാശ കമ്മീഷനെ നേരിൽ കണ്ടു നിവേദനം നൽകിയത്.

17 September 2018

ദേശീയ യൂത്ത് പാര്‍ലമെന്‍റില്‍ പങ്കെടുക്കാന്‍ ഊരകത്ത് നിന്ന് സല്‍മ തസ്നിയും

ഡൽഹിയിൽ ഈ മാസം 21 മുതൽ 25 വരെ നടക്കുന്ന യൂത്ത് പാർലമെൻറിൽ ഊരകം എം.യു.എച്ച്.എസ്.എസ് സ്കൂൾ പ്ലസ് വൺ ഹ്യുമാനിറ്റീസ് വിദ്യാർത്ഥി സൽമ തസ്നി പങ്കെടുക്കും . ഒന്നാം തരം മുതല്‍ പൊതു വിദ്യാലയത്തിൽ പഠിച്ച സല്‍മ ഇതേ വിദ്യാലയത്തിൽ നിന്നാണ് ഈ വര്‍ഷം എസ്.എസ്.എല്‍.സി പൂർത്തിയാക്കിയത്. ഊരകം വെങ്കുളം സ്വദേശി അഞ്ചുകണ്ടന്‍ അബ്ദുല്‍ മജീദിന്‍റെയും കുഞ്ഞിബിരിയത്തിന്‍റെയും മൂന്ന് മക്കളില്‍ ഇളയ മകളാണ് സല്‍മ. കേരളത്തെ പ്രതിനിധീകരിച്ച് പങ്കെടുക്കുന്ന 24 വിദ്യാര്‍ത്ഥികള്‍ക്കൊപ്പമാണ് സല്‍മ ഡല്‍ഹിയിലേക്ക് പുറപ്പെടുക.

കഴിഞ്ഞ വര്‍ഷം തിരുവനന്തപുരത്ത് വച്ചു നടന്ന സംസ്ഥാന യൂത്ത് പാര്‍ലമെന്‍റില്‍ മികച്ച പാര്‍ലമെന്‍റേറിയനുള്ള അവാര്‍ഡ് നേടിയ സല്‍മയെ സ്കൂള്‍ പി.ടി.എയും അധ്യാപകരും അനുമോദിച്ചിരുന്നു. സ്കൂള്‍ പാര്‍ലമെന്‍റ് അംഗമായിരുന്നപ്പോള്‍ അധ്യാപകരില്‍ നിന്നും ലഭിച്ച പ്രോത്സാഹനമാണ് യൂത്ത് പാര്‍ലമെന്‍റില്‍ പങ്കെടുക്കാന്‍ പ്രചോദനമായത്. പിതാവ് അബ്ദുല്‍ മജീദ് ഇപ്പോള്‍ വിദേശത്ത് ജോലി ചെയ്യുകയാണ്.

15 September 2018

പകൽ വീട് ഇനി പുതിയ നാമത്തിൽ

വയോജന ക്ഷേമത്തിനായി വേങ്ങര ബ്ലോക് പഞ്ചായത്തിന്റെ കീഴിൽ പ്രവർത്തിച്ചിരുന്ന പകൽ വീട് ഇനി മുതൽ സായംപ്രഭാ ഹോം എന്ന പുതിയ നാമത്തിൽ അറിയപ്പെടും. പകൽ വീടിന്റെ സ്ഥാപക നേതാവായ എ.കെ.സി മുഹമ്മദ് മാസ്റ്ററുടെ നിര്യാണാനന്തരം പ്രവർത്തനം മുടങ്ങിയ പകൽ വീട്

വേങ്ങര ഗ്രാമപഞ്ചായത്ത് സാമൂഹ്യ നീതി വകുപ്പിന്റെ കീഴിലാണ് വീണ്ടും പ്രവർത്തനത്തിനൊരുങ്ങുന്നത്.

പുനരുദ്ധാരണത്തിന്റെ സന്തോഷത്തിലാണ് വേങ്ങരയിലെ മുതിർന്ന പൗരമാർ. ദിവസങ്ങൾക്ക് മുൻപ് പഞ്ചായത്തിന്റെ കീഴിൽ പ്രവർത്ഥനത്തിനൊരുങ്ങവേയാണ് പ്രളയം മൂലം ഉൽഘാടനം നീട്ടിവെച്ചത്. മുൻപ് ക്യാമ്പിലുണ്ടായിരുന്നവരും അല്ലാത്തവരുമായി കൂടുതലാളുകൾ സായം പ്രഭാ ഹോം സന്ദർശിക്കുകയും രജിസ്റ്റർ ചെയ്യുകയും ചെയ്തു. രജിസ്ട്രേഷൻ തുടരുന്നു.

കോളേജ് യൂണിയൻ ഭാരവാഹികൾക്ക് സ്വീകരണം നൽകി

വേങ്ങര നിയോജക മണ്ഡലത്തിലെ വേങ്ങര മലബാർ, പി.പി.ടി.എം ചേറൂർ, കോട്ടക്കൽ ഫറൂക് എന്നീ കോളേജ് യൂണിയൻ ഭാരവാഹികളെയും തിരൂരങ്ങാടി മണ്ഡലത്തിലെ പി.എസ്.എം.ഒ കോളേജിൽ നിന്നും വിജയിച്ച എം.എസ്.എഫ് യൂണിയൻ ഭാരവാഹികൾക്കും വേങ്ങര പഞ്ചായത്ത് മുസ്ലിം യൂത്ത് ലീഗ് പതിനാലാം വാർഡ് പുത്തനങ്ങാടി കമ്മിറ്റി സ്വീകരണവും പൊതുസമ്മേളനവും സംഘടിപ്പിച്ചു. വേങ്ങര നിയോജക മണ്ഡലം എം. എൽ.എ അഡ്വ: കെ.എൻ.എ ഖാദർ ഉദ്ഘാടനം നിർവ്വഹിച്ചു. പറങ്ങോടത്ത് മജീദ് മാസ്റ്റർ അദ്ധ്യക്ഷത വഹിച്ചു.

എസ്.എഫ്.ഐ യുടെ കുപ്രചാരങ്ങൾക് മറുപാടിയുമായി കാലിക്കറ്റ്‌ യൂണിവേഴ്‌സിറ്റിക്ക് കീഴിലെ എം.എസ്.എഫിന്റെ 152 യൂ.യൂ.സിമാരെയും പങ്കെടുപ്പിച്ചുകൊണ്ട് സെപ്റ്റംബർ 19ന് കോഴിക്കോട് റാലി നടത്തുമെന്നും യോഗത്തിൽ റിയാസ് പുൽപ്പറ്റ പറഞ്ഞു. പൊതു യോഗത്തിൽ കുറ്റൂർ ശരീഫ്, പറമ്പിൽ അബ്ദുൽ ഖാദർ, എൻ.ടി ശരീഫ്, പറങ്ങോടത്ത് അബ്ദുൽ അസീസ്, സി. പി മുഹമ്മദ്‌ ഹാജി, ഹാരിസ് മാളിയേക്കൽ, പറങ്ങോടത്ത് റഷീദ്, എ.കെ.പി ജുനൈദ്, സി. പി ഹാരിസ്, ശിഹാബ് പറങ്ങോടത്ത്, സഹീർ അബ്ബാസ് എന്നിവർ പ്രസംഗിച്ചു.

11 September 2018

ജൈസലിന്റെ കരങ്ങളാൽ സ്നേഹ പ്രളയം തുടങ്ങി

കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂൾ (KMHSS) കുറ്റൂർ നോർത്തിലെ NSS സ്കൗട്ട്സ് & ഗൈഡ്സ്, JRC യൂണിറ്റുകളുടെ സംയുക്താഭിമുഖ്യത്തിൽ പ്രളയ ദുരിതാശ്വാസ നിധി സമാഹരണത്തിന് വ്യത്യസ്ത ഒരു മാർഗ്ഗം സ്വീകരിക്കുന്നു.

നാം സാധാരണ കുട്ടികൾക്ക് സാമ്പാദ്യ ശീലം വളർത്താൻ വാങ്ങിക്കൊടുക്കുന്ന കുടുക്ക (തൊണ്ട്, കാശി തൊണ്ട് ,കുറ്റി, കുഞ്ചി തുടങ്ങിയ പേരിലും അറിയപ്പെടുന്നത്) 5 മുതൽ 12 വരെയുള്ള 2500 ഓളം കുട്ടികൾക്കും നൂറിൽ പരം അധ്യാപകർക്കും സൗജന്യമായി വിതരണം ചെയ്യുകയും , കുട്ടികൾ മിഠായിക്കും മറ്റും ചെലവാക്കുന്ന അനാവശ്യ ചിലവുകൾ ഒഴിവാക്കി ശേഖരിക്കുന്ന തുക ഇതിൽ നിക്ഷേപിക്കുകയും 2019 ജനവരി ഒന്നാം തിയ്യതി ഈ കുടുക്കകൾ തിരിച്ച് കൊണ്ട് വന്ന് നിധിയിലേക്ക് നൽകുകയും ചെയ്യുകയാണ് പ്ലാൻ.

സ്നേഹ പ്രളയം എന്ന് പേരിട്ട ഈ പദ്ധതിയുടെ ഉദ്ഘാടനം പ്രളയ രക്ഷാപ്രവർത്തനങ്ങളിലെ രാജാക്കൻമാരായ മലപ്പുറം ജില്ലാ ട്രോമാകെയർ വളണ്ടിയർ പ്രതിനിധി ജൈസൽ താനൂർ നടത്തി സ്കൂൾ ലീഡർ അൻസില,ഹയർ സെക്കന്ററി ചെയർമാൻ നസ്റുദ്ദിൻ എന്നിവർ ഏറ്റുവാങ്ങി.

ട്രോമാകെയർ വളണ്ടിയർമാരെ ആദരിച്ചു. അബ്ദുള്ള,അഫ്സൽ,അബ്ബാസ് തുടങ്ങിയ ട്രോമാകെയർ വളണ്ടിയർമാരെ പൊന്നാടയണിച്ചു..

ജൈസൽ താനൂർ കുട്ടികളോടൊപ്പം സെൽഫിയെടുത്തു.

കാരാത്തോട് GMLP സ്കൂളിൽ സ്നേഹപൂർവ്വം സുപ്രഭാതം പദ്ധതിക്ക് തുടക്കമായി

കാരാത്തോട് GMLP സ്കൂളിൽ " സ്നേഹപൂർവ്വം സുപ്രഭാതം" പദ്ധതി ഉദ്ഘാടനം ചെയ്തു

ഊരകം: കാരാത്തോട് GMLP സ്കൂളിൽ സേനഹ പൂർവ്വം സുപ്രഭാതം പദ്ധതി തുടങ്ങി. വിദ്യാർഥി പ്രതിനിധി ദേവിക .KK ക്ക് പത്രം നൽകി SKSSF കാരാത്തോട് യൂണിറ്റ് മുഖ്യ കാര്യദർശി ഹുസൈർ ഫൈസി ഉദ്ഘാടനം ചെയ്തു.

പ്രധാന അധ്യാപിക മറിയുമ്മ.പി, SKSSFയൂണിറ്റ് ജന:സെക്രട്ടറി ഇർഷാദ്, സ്വാദിഖ്.KK, നുഹ്മാൻ.KK, നസ്റുദ്ദീൻ.KK, മുബശ്ശിർ.MK, മുഹമ്മദ്. CP, നൗഫൽ .M K എന്നിവർ പങ്കെടുത്തു. SKSSF കാരാത്തോട് യൂണിറ്റാണ് പത്രം സ്പോൺസർ ചെയ്തത്.

ആയുർവേദ മെഡിക്കൽ ക്യാമ്പ് സംഘടിപ്പിച്ചു

വലിയോറ പരപ്പിൽപാറ: വേങ്ങരപഞ്ചായത് പതിനാറാം വാർഡ് പരപ്പിൽപാറ ചെള്ളിത്തോടു പ്രദേശങ്ങളിൽ പടർന്നുപിടിച്ചുകൊണ്ടിeരിക്കുന്ന എലിപ്പനി മഞ്ഞപിത്തം പോലുള്ള പകർച്ചവ്യാധികൾക്കെതിരെയുള്ള പ്രതിരോധപ്രവർത്തനങ്ങളുടെഭാഗമായി ആയുർവേദമെഡിക്കൽ ക്യാമ്പ് സംഘടിപ്പിച്ചു വേങ്ങര ഗവണ്മെന്റ് ആയുർവേദിക് ഹോസ്പിറ്റലിലെയ ഡോക്ടർമാർ പരിശോധന നടത്തി മെമ്പർ ചെള്ളി സഹ്‌റാബാനുവിന്റെ അധ്യക്ഷതയിൽ നടന്ന ക്യാമ്പിന് ചെള്ളി സജീർ സഹീർഅബാസ് നടക്കൽ ഷിജോകാക്കാളശേരി എകെഎം ഷറഫ് അസീസ് കൈപ്രൻ മനോജ് കാക്കാളശേരി അലിഅക്ബർ എകെ അസ്‌കർ കെകെ സാദിഖ് ഇരുമ്പൻ എന്നിവർ നേതൃത്വം നൽകി മുപ്പതോളം രോഗികൾ പരിശോധനതേടി

09 September 2018

കുറ്റൂർ നോർത്ത് 'സ്നേഹ പ്രളയം' തീർക്കാനൊരങ്ങുന്നു

കുറ്റൂർ നോർത്ത് കുഞ്ഞിമൊയ്തു മെമ്മോറിയൽ ഹയർ സെക്കന്ററി സ്കൂളിൽ പ്രളയ ദുരിതാശ്വാസത്തിലേക്കായി 'സ്നേഹ പ്രളയം' . തീർക്കാനൊരുങ്ങുന്നു.

കേരളം കണ്ട ഭീകരമായ പ്രളയത്തിൽ തകർന്ന നാടിനു കൈതാങ്ങായി യു.പി, ഹൈസ്കൂൾ, ഹയർ സെക്കന്ററി ക്ലാസുകളിൽ പഠിക്കുന്ന 2500 കുട്ടികൾക്കും ഫണ്ട് സ്വരൂപിക്കാനായി പ്രത്യേകം പ്രത്യേകം ' കുടുക്കകൾ' നൽകി അടുത്ത പുതുവർഷപ്പുലരിയിൽ നിറഞ്ഞ കുടുക്കകൾ പ്രളയ ദുരിതാശ്വാസ നിധിയിലേക്ക് ചേർക്കുന്നതാണ് ഈ പദ്ധതി.

വരുന്ന മൂന്ന് മാസക്കാലം ആഘോഷങ്ങൾ ചുരുക്കിയും മിഠായിക്കും മറ്റും ചെലവൊഴിക്കുന്ന അനാവശ്യ ചിലവുകൾ ഒഴിവാക്കിയും മിച്ചം വെക്കുന്ന തുക സ്വന്തം സ്നേഹ പ്രളയ കുടുക്കയിൽ നിക്ഷേപിക്കും.

പദ്ധതിയുടെ ഉദ്ഘാടനം ചൊവ്വാഴ്ച്ച നടക്കും. എൻ .എസ് .എസ് യൂണിറ്റും, സ്കൗട്ട് ആന്റ് ഗൈഡ്സ് ,JRC വളണ്ടിയർമാരും ചേർന്നാണ് പദ്ധതി ആസൂത്രണം ചെയ്യുന്നത്.

കുടുക്കകൾ തയ്യാറാക്കാൻ യാസിർ പൂവിൽ, അനുസ്മിത, ഗീത എസ്, ജുമാന അൻജൂം, ഇസ്മത്ത് ജബിൻ, അജിഷ TP എന്നിവർ നേതൃത്വം നൽകി.

01 September 2018

കുടിവെള്ള വിതരണത്തിന് ശുദ്ധജലം നൽകിയ എ.കെ ഹമീദ് ബാവയെ അനുമോദിച്ചു

വലിയോറയിലെയും പരിസര പ്രദേശങ്ങളിലെയും വെള്ളപ്പൊക്കത്തിൽ ദുരിതം അനുഭവിക്കുന്നവർക്ക് കുടിവെള്ളം എത്തിക്കുന്ന വേങ്ങര മണ്ഡലത്തിലെ എല്ലാ കൂട്ടായ്മകൾക്കും കുടിവെള്ള വിതരണത്തിന് ശുദ്ധജലം നൽകിയ എ.കെ ഹമീദ് ബാവയെ അടക്കപ്പുര msf യൂണിറ്റ് അനുമോദിച്ചു.
പരപ്പിൽ പാറ യുണിറ്റ് യൂത്ത് ലീഗ് മുൻ പ്രസിഡന്റ്‌ ചെള്ളി സജീർ ഉപഹാരം നൽകി.പഞ്ചായത്ത് msf ഉഭാദ്ധ്യക്ഷൻ ഇബ്രാഹീം അടക്കാപ്പുര, സിഎം സൈദലവി സാഹിബ്‌, എ.കെ.അലവി സാഹിബ്‌,msf അടക്കാപ്പുര യൂണിറ്റ് പ്രസിഡന്റ് അഫ്സൽ ചെള്ളി, സെക്രട്ടറി യൂനുസ് എ.കെ, ഷെഫീൽ, ഇസ്മായിൽ എ.കെ, തുടങ്ങിയവർ ചടങ്ങിൽ പങ്കെടുത്തു.

29 August 2018

ഇഷ്ട്ടപെട്ട പുസ്തകങ്ങൾ വായിക്കാനായി നിങ്ങളുടെ മൊബൈലിൽ വിരലമർത്തിയാൽ മതി

ഇഷ്ട്ടപെട്ട പുസ്തകങ്ങൾ വായിക്കാനായി നിങ്ങളുടെ മൊബൈലിൽ വിരലമർത്തിയാൽ മതി.

വേങ്ങരയിലെ വാട്സാപ് വഴിയുള്ള വാർത്താവിതരണക്കാരായ വേങ്ങര ലൈവ് ആണ് വാട്സാപ് വഴിയുള്ള ലൈബ്രറിയും തുടങ്ങി ചരിത്രംകുറിച്ചത്.
വാർത്താവിതരണത്തിന് 11 ഗ്രൂപ്പുകളിലായി മൂവായിരത്തോളം പേര്‍ ഞൊടിയിടയിൽ വിവരങ്ങൾ ലഭ്യമാക്കുന്നുണ്ട് വേങ്ങര ലൈവില്‍. കൂടാതെ ഫേസ്ബുക് , ഇൻസ്റ്റഗ്രാം വഴിയും വേങ്ങരയിലെ വാർത്തകളും വിശേഷങ്ങളും ജനങ്ങളിലെത്തിക്കുന്നു നിലവിൽ 190 പേരുള്ള വനിതാ ഗ്രൂപ്പിനുവേണ്ടിയുള്ള ലൈബ്രറി സംവിധാനം വൈകാതെ മറ്റുള്ളവർക്കും ലഭ്യമാകും.
മലയാളത്തിലെ പ്രമുഖ എഴുത്തുകാരുടെ നോവൽ, കവിതകൾ, കഥകൾ, ലേഖന സമാഹാരങ്ങൾ, ഇസ്ലാമിക ഗ്രന്ഥങ്ങൾ എന്നിവ ഇതിലൂടെ ലഭ്യമാണ്.
ചങ്ങമ്പുഴ, എം ടി, മാധവിക്കുട്ടി, ബെന്യാമിൻ തുടങ്ങിയവരുടെ മിക്ക കൃതികളും ലൈബ്രറിയിൽ ലഭിക്കും. ആനുകാലികങ്ങൾക്കുപുറമേ ബാല ചിത്രകഥകൾ, ചലച്ചിത്ര പ്രസിദ്ധീകരണങ്ങൾ തുടങ്ങിയവയും ലൈബ്രറിയിൽ ഉണ്ട്.
മുസ്തഫ പൂമഠത്തിൽ, അനസ് അരീക്കളം, അഫ്സൽ വലിയോറ, സി പി നൗഷാദ്, കെ കെ രാജലക്ഷ്മി തുടങ്ങിയവരുടെ കരങ്ങളാണ് ലൈബ്രറിക്കുപിന്നിൽ പ്രവർത്തിച്ചത്.

25 August 2018

പ്രളയബാധിത പ്രദേശങ്ങളിൽ റിലീഫ് വിതരണം നടത്തി

ആൾ ഇന്ത്യ കെ എം സി സി തമിഴ്നാട് ഘടകത്തിന്റെ സഹകരണത്തോടെ വേങ്ങര പഞ്ചായത്ത് മുസ്ലിം യൂത്ത് ലീഗ് കമിറ്റി വേങ്ങര പഞ്ചായത്തിലെ പ്രളയബാധിത പ്രദേശങ്ങളിൽ റിലീഫ് വിതരണം നടത്തി. ഒരു കുടുംബത്തിന് ഒരാഴ്ച്ചക്ക് വേണ്ട ആഹാരസാധനങ്ങളാണ് നൽകിയത്. വിവിധ യൂണിറ്റ് കമ്മിറ്റികൾ മുഖേനയാണ് അർഹരായവർക്ക് വിതരണം ചെയ്തത്. റിലീഫ് വാഹനം വേങ്ങര ബസ്റ്റാൻറ്റിൽ വെച്ച് നടന്ന ചടങ്ങിൽ ജില്ല യൂത്ത് ലീഗ് വൈസ് പ്രസിഡണ്ട് ശരീഫ് കുറ്റൂർ ഫ്ലാഗ് ഓഫ് ചെയ്തു. പഞ്ചായത്ത് യൂത്ത് ലീഗ്‌ പ്രസിഡണ്ട് ഹാരിസ് മാളിയേക്കൽ അധ്യക്ഷത വഹിച്ചു. ജനറൽ സെക്രട്ടറി ഫത്താഹ് മൂഴിക്കൽ സ്വാഗതവും സൈതലവി പറമ്പൻ നന്ദിയും രേഖപെടുത്തി. തമിഴ്നാട് കെ എം സി സി ഭാരവാഹികളായ ഇസ്ഹാഖ്, ജാബിർ ടി.വി, നൗഫൽ എ.ടി, കോയ കളിയാട്ടമുക്ക്, പഞ്ചായത്ത് മുസ്സിം ലീഗ് വൈസ് പ്രസിഡണ്ട് പുള്ളാട്ട് ബാവ, പഞ്ചായത്ത് യൂത്ത് ലീഗ് ഭാരവാഹികളായ ഇബ്രാഹിം ,ഇർഷാദ്, റഹീം ഇ.വി എന്നിവർ വിതരണത്തിന് നേതൃത്വം നൽകി.

13 August 2018

പ്രളയ ബാധിത മേഖലയിൽ ഒരു കുടുംബത്തിന് വീട് നിർമ്മിച്ചു നൽകാൻ വ്യാപാരി വ്യവസായി ഏകോപന സമിതി വേങ്ങര യൂണിറ്റ് തീരുമാനം

വേങ്ങര : പ്രളയക്കെടുതിയിൽ ദുരിതമനുഭവിക്കുന്നവർക്ക് ആശ്വാസമായി kvves വേങ്ങര യൂണിറ്റ് . ദുരന്ത മേഖലയിൽ അർഹതപ്പെട്ട ഒരു കുടുംബത്തിന് ഒരു വീട് നിർമിച്ചു നൽകാൻ ഇന്ന് ചേർന്ന exexക്യൂട്ടീവ് മീറ്റിംഗ് തീരുമാനിച്ചു . ഇതിനായി പൂവിൽ കോമുക്കുട്ടി ഹാജി കൺവീനർ ആയി കമ്മറ്റിക്ക് രുപം നൽകി .
മീറ്റിംഗിൽ പി അസീസ് ഹാജി സ്വാഗതം ആശംസിച്ചു .പ്രസിഡന്റ് എകെ കുഞ്ഞീതുട്ടി ഹാജി അദ്ധ്യക്ഷത വഹിച്ചു . എം കെ സൈനുദ്ദീൻ ഹാജി,ടി കെ കുഞ്ഞുട്ടി ,എൻ മൊയ്തീൻ ,
കെ പി റഷീദ് ,ശിവശങ്കരൻ നായർ , എ കെ യാസർ അറഫാത്ത് എന്നിവർ സംസാരിച്ചു .

06 August 2018

ഇസ്ലാം മതത്തിന്റെ പേരിൽ ഭീകരത ചാർത്തരുത്: എം.എം.അക്ബർ

വേങ്ങര: ലോകർക്ക് മുഴുവൻ സമാധാനത്തിന്റെ സന്ദേശം പ്രസരിപ്പിക്കുന്ന ഇസ്‌ലാം മതത്തെ ഭീകരതയുടെ മുദ്ര ചാർത്തുന്നത് ശരിയല്ലെന്ന് നിച്ച് ഓഫ് ട്രൂത്ത് ഡയറക്ടർ എം.എം.അക്ബർ. വേങ്ങര മനാറുൽ ഹുദ അറബിക് കോളേജ് സിൽവർ ജൂബിലിയുടെ ഭാഗമായി പത്ത് മൂച്ചി സുബൈദ പാർക്കിൽ സംഘടിപ്പിച്ച "അൽ ബസ്വീറ- 2018 " ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.തീവ്രവാദവും, ഭീകരതയും ലോകാടിസ്ഥാനത്തിൽ ചില തൽപരകക്ഷികൾ നടത്തുന്നുണ്ടെങ്കിലും, അവർ അറിയപ്പെടുന്ന സംഘങ്ങൾ അറബി ഭാഷയിലെ ചില സാങ്കേതിക പദങ്ങൾ ആയി എന്നതിന്റെ പേരിൽ ചിലർ ഇസ്ലാമിനെ തെറ്റിദ്ധരിക്കാൻ കാരണമായിട്ടുണ്ട്. ആധുനിക കാലത്ത് ഈ തെറ്റിദ്ധാരണകൾ അകറ്റി, ഇസ്ലാമിന്റെ സുന്ദരമായ മാനവിക സന്ദേശം പ്രചരിപ്പിക്കാൻ പ്രബോധകരും, പണ്ഡിതരും തയ്യാറാവണം. ബഹുസ്വര സമൂഹത്തിൽ മുസ്ലീങ്ങൾക്ക് അവരുടെ വിശ്വാസ ആദർശങ്ങൾ അംഗീകരിച്ചു ജീവിക്കാൻ ഭരണഘടന പരമായി സംരക്ഷണം നൽകപ്പെട്ട രാഷ്ട്രമാണ് ഇന്ത്യയെന്നും അദ്ദേഹം പറഞ്ഞു. ഇന്ത്യയുടെ സുരക്ഷിതത്വത്തിനും, സമാധാനത്തിലും, രാഷ്ട്ര നന്മക്കും പരിശ്രമങ്ങൾ നടത്തൽ മുസ്ലീങ്ങളുടെ ബാധ്യതയാണെന്നും എം.എം.അക്ബർ പറഞ്ഞു.മനാറുൽ ഹുദ കമ്മിറ്റിപ്രസിഡന്റ് പി.കെ.എം.അബ്ദുൽ മജീദ് മദനി അദ്ധ്യക്ഷം വഹിച്ചു. പ്രിൻസിപ്പാൾ നസീറുദ്ധീൻ റഹ്മാനി ആമുഖ പ്രഭാഷണം നടത്തി. വേങ്ങര ഗ്രാമപഞ്ചായത്ത് പ്രസിഡന്റ് വി.കെ.കുഞ്ഞാലൻകുട്ടി, കെ.എൻ.എം. വേങ്ങര മണ്ഡലം സെക്രട്ടറി പി.കെ.മുഹമ്മദ് നസീം,അബ്ദുൽ ഖാദർ കാസിമി, പി.കെ.സി.ബീരാൻ കുട്ടി, കെ.അബ്ബാസലി, ആദിൽ സ്വലാഹ് എന്നിവർ പ്രസംഗിച്ചു.

ഫോട്ടോ: വേങ്ങര മനാറുൽ ഹുദ അറബി കോളേജിന്റെ സിൽവർ ജൂബിലിയോടനുബന്ധിച്ച് നടത്തിയ "അൽ ബസ്വീറ- 18 "വൈക്ഞാനിക സദസ്സ് നിച്ച് ഓഫ് ട്രൂത്ത് ഡയറക്ടർ

03 August 2018

ഇസ്ലാമിക കലാ സര്‍ഗ വസന്തത്തിന് ഇന്ന് മിഴി തുറക്കും

വേങ്ങര: ചേറൂര്‍ പടയുടെ വീര ഭൂമിയില്‍ ഇസ്ലാമിക കലാ - സര്‍ഗ വസന്തത്തിന് ഇന്ന് മിഴി തുറക്കും. ചാക്കീരി ബദ്റ് പടപ്പാട്ടിന്റെ ഈരടികള്‍ മലയാളികള്‍ക്ക് സമ്മാനിച്ച ചേറൂര്‍ ചാക്കീരി മൊയ്തീന്‍ കുട്ടി സാഹിബിന്റെ നാടായ വേങ്ങരക്ക് ഇസ്ലാമിക കലാ സാഹിത്യ മാമാങ്കത്തിന്റെ നവ്യാനുഭവങ്ങള്‍ സമ്മാനിക്കുകയാണ് എസ് എസ് എഫ് വെസ്റ്റ് ജില്ലാ സാഹിത്യോത്സവ്.

ജില്ലയിലെ 1200 ബ്ലോക്കുകളിലും 700 യൂണിറ്റുകളിലും 90 സെക്ടറുകളിലും മാറ്റുരച്ചാണ് എട്ട് ഡിവിഷനുകളില്‍ നിന്നുള്ള 1500 പ്രതിഭകള്‍ ജില്ലാ തല മത്സരത്തില്‍ പങ്കെടുക്കുന്നത്. 120 ഇന മത്സരങ്ങളാണ് 12 വേദികളില്‍ നടക്കുക. മത്സരാര്‍ഥികള്‍ക്കായി വിപുലമായ സൗകര്യങ്ങളൊരുക്കിയിട്ടുണ്ട്.

12000 ചതുരശ്ര അടിയോളം വിസ്തീര്‍ണത്തില്‍ കലാ വൈഭവം വിളിച്ചോതുന്ന പ്രധാന വേദിയായ കാഫ് മല ശ്രദ്ധേയമാണ്. ടൗണിന്റെ ഹൃദയ ഭാഗത്ത് തന്നെയാണ് വേദികളെല്ലാം ഒരുക്കിയിട്ടുള്ളത്. സ്റ്റേജിതര മത്സരങ്ങളുടെ വേദി വേങ്ങര കോ ഒാപ്പറേറ്റീവ് കോളേജിലാണ്.

എസ് എസ്.എസ്.എഫ് സാഹിത്യോത്സവ് വേദിയിൽ നടന്ന തഹ്ജീലുൽ ഫുതൂഹ് ആത്മീയ മജ്‌ലിസ് പ്രൗഢമായി

വേങ്ങര: എസ് എസ്.എസ്.എഫ് സാഹിത്യോത്സവ് വേദിയിൽ നടന്ന തഹ്ജീലുൽ ഫുതൂഹ് ആത്മീയ മജ്‌ലിസ് പ്രൗഢമായി. ആയിരക്കണക്കിന് വിശ്വാസികളാണ് സംഗമത്തിൽ പങ്കെടുക്കാൻ എത്തിയത്. പ്രധാന വേദിയിലാണ് പരിപാടി നടന്നത്. സമസ്ത പ്രസിഡന്റ് - ഇ സുലൈമാൻ മുസ്‌ലിയാർ ഉദ്ഘാടനം ചെയ്തു. കേരള മുസ്ലിം ജമാഅത്ത് ജനറൽ സെക്രട്ടറി സയ്യിദ് ഇബ്റാഹീമുൽ ഖലീൽ ബുഖാരി നേത്രത്വം നൽകി. സയ്യിദ് ശിഹാബുദ്ദീൻ ബുഖാരി അധ്യക്ഷത വഹിച്ചു. സയ്യിദ് ജഅ്ഫർ തുറാബ് തങ്ങൾ, സുന്നി മുഹമ്മദ് കുട്ടി മുസ്‌ലിയാർ,

ഐ പി ബി ഡയറക്ടർ എം അബ്ദുൽ മജീദ് മുഖ്യ പ്രഭാഷണം നടത്തി. ടി ടി അഹ്മദ് കുട്ടി സഖാഫി,പി.കെ.എം സഖാഫി ഇരിങ്ങല്ലൂർ, ഊരകം അബ്ദു റഹ്മാൻ സഖാഫി, വി.എം സി കെ തങ്ങൾ, കെ കെ സി തങ്ങൾ, എ.പി അബ്ദുഹാജി, ബാവഹാജി, കെ പി യൂസുഫ് സഖാഫി സംബന്ധിച്ചു.

01 August 2018

വേങ്ങരയുടെ ചരിത്രം ചികഞ് ചര്‍ച്ച: സൗഹൃദം തകര്‍ക്കലും ഭിന്നിപ്പിക്കലും സാമ്രാജ്യത്ത്വ തന്ത്രം - ഡോ. ശിവദാസ്

വേങ്ങരയുടെ ചരിത്രം ചികഞ് ചര്‍ച്ച:

സൗഹൃദം തകര്‍ക്കലും ഭിന്നിപ്പിക്കലും സാമ്രാജ്യത്ത്വ തന്ത്രം - ഡോ. ശിവദാസ്

വേങ്ങര : സൗഹൃദം തകര്‍ക്കലും സമൂഹത്തെ ഭിന്നിപ്പിക്കലും എക്കാലത്തെയും സാമ്രാജ്യത്വ ശക്തികളുടെ തന്ത്രമാണന്ന് കാലിക്കറ്റ് യൂണിവേഴ്സിറ്റി ചരിത്ര വിഭാഗം മേധാവി ഡോ. പി ശിവദാസ്. വേങ്ങരയില്‍ നടക്കുന്ന എസ് എസ് എഫ് വെസ്റ്റ് ജില്ലാ സാഹിത്യോത്സവിന്റെ ഭാഗമായി സംഘടിപ്പിച്ച വേങ്ങരയുടെ ചരിത്ര വര്‍ത്തമാനം ചര്‍ച്ചാ വേദി ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നാട്ടിന്‍ പുറങ്ങളിലെ പഴയ സൗഹൃദ കൂട്ടായ്മകളും പ്രാദേശിക ചരിത്രങ്ങളും കാലിക്കറ്റ് യൂണിവേഴ്സിറ്റി പഠന വിധേയമാക്കുമെന്നും അദ്ദേഹം പറഞു. നാട്ടിലെ ചരിത്ര മായി പോയ നല്ല നാളുകളിലെ പൊന്‍ മുത്തുകള്‍ പ്രായോഗിക വല്‍ക്കരിക്കണമെന്ന് ചര്‍ച്ച ആവശ്യപ്പെട്ടു. മമ്പീതി പി മുഹമ്മദ് കുട്ടി മുസ്ലിയാര്‍ അദ്ധ്യക്ഷത വഹിച്ചു. പി കെ എം സഖാഫി ഇരിങ്ങല്ലൂര് ആമുഖ പ്രസംഗം നടത്തി. ചേറൂര്‍ എന്‍ അബ്ദുള്ള മുസ്ലിയാര്‍ , ഡോ. അബ്ബാസ് പനക്കല്‍ , കൊളക്കാട്ടില്‍ ദിലീപ് വിഷയമവതരിപ്പിച്ചു. സയ്യിദ് ശിഹാബുദ്ദീന്‍ ബുഖാരി

കെ കെ ലത്വീഫ് ഹാജി, അബ്ദുല്‍ അസീസ് സഖാഫി ഏലമ്പ്ര, പി അബ്ദുഹാജി
തുടങ്ങിയവർ
പ്രസംഗിച്ചു .

31 July 2018

എസ് എസ് എഫ് ജില്ലാ സാഹിത്യോത്സവ് പരിപാടികള്‍ക്ക് ഇന്ന് വേങ്ങരയിൽ തുടക്കമാവും

വേങ്ങര: എസ് എസ് എഫ് മലപ്പുറം ജില്ലാ (വെസ്റ്റ്) സാഹിത്യോത്സവിന്റെ അനുബന്ധ പരിപാടികള്‍ നാളെ (ബുധന്‍) തുടങ്ങും. 1993ല്‍ തുടക്കമായ സാഹിത്യോത്സവിന്റെ ഇരുപത്തിയഞ്ചാമത് എഡിഷനാണ് ഈ വര്‍ഷം നടക്കുന്നത് സര്‍ഗാത്മകതയുടെ വിവിധ തലങ്ങള്‍ മാറ്റുരക്കുന്നതാണ് സാഹിത്യോത്സവ്. വര്‍ത്തമാന കാലത്തെ അനീതികളോട് പ്രതിരോധം തീര്‍ക്കുന്നതിനുള്ള തയ്യാറെടുപ്പാണ് സാധ്യമാകുന്നത്. മാപ്പിള പൈതൃക കലകളുടെയും സാഹിത്യ വൈഭവങ്ങളുടെയും അരങ്ങൊരുക്കിയാണ് ഇരുപത്തിയഞ്ചാമത് സാഹിത്യോത്സവ് നടക്കുന്നത്.

ജില്ലയിലെ 1200 ബ്ലോക്കുകളിലും 700 യൂണിറ്റുകളിലും 90 സെക്ടറുകളിലും മാറ്റുരച്ചാണ് 8 ഡിവിഷനുകളില്‍ പങ്കെടുത്തത്. ഡിവിഷന്‍ മത്സരങ്ങളില്‍ പ്രതിഭാത്വം തെളിയിച്ച 1500 മത്സരാര്‍ത്ഥികളാണ് മാറ്റുരക്കുക. അറബന, ദഫ്, മാപ്പിളപ്പാട്ട്, സീറാ പാരായണം, കവിത പാരായണം, പ്രസംഗം, ഡിസൈനിംഗ്, രചനകള്‍ തുടങ്ങിയ 120 മത്സരങ്ങളാണ് 12 വേദിയാല്‍ നടക്കുന്നത്. സബ്ജൂനിയര്‍, ജൂനിയര്‍, ഹൈസ്‌കൂള്‍, ഹയര്‍സെക്കന്ററി, കാമ്പസ്, സീനിയര്‍, ജനറല്‍ വിഭാഗത്തിലായി മത്സരിക്കുന്ന മത്സരാര്‍ത്ഥികളെ സ്വീകരിക്കാന്‍ വിപുലമായ ഒരുക്കങ്ങളാണ് നടന്ന് വരുന്നത്. 12000 ചതുരശ്ര അടി വിസ്തീര്‍ണത്തില്‍ പ്രധാന വേദിയായ കാഫ് മലയുടെ പണി പൂര്‍ത്തിയായി. മറ്റു 11 വേദികളുടെ പ്രവൃത്തികള്‍ പുരോഗമിച്ച് വരുന്നു. 600 പേര്‍ക്ക് ഒന്നിച്ച് ഭക്ഷണം കഴിക്കാനും പാചകം ചെയ്യാനുമുള്ള വിശാലമായ ഭക്ഷണ ഹാള്‍ തയ്യാറാക്കുന്നുണ്ട്.

നാളെ (ബുധന്‍) ഉച്ചക്ക് 2 മണിക്ക് മമ്പുറം മഖാം സിയാറത്തും 3 മണിക്ക് കോയപ്പാപ്പ മഖാം സിയാറത്തും നടക്കും. വൈകുന്നേരം അഞ്ചുമണിക്ക് നടക്കുന്ന വേങ്ങരയുടെ വര്‍ത്തമാന ചരിത്രങ്ങള്‍ എന്ന വിഷയത്തില്‍ നടക്കുന്ന ചര്‍ച്ച സമ്മേളനത്തില്‍ 5 പഠനങ്ങള്‍ അവതരിപ്പിക്കും. മമ്പീതി മുഹമ്മദ്കുട്ടി മുസലിയാര്‍ ഡോ: പി ശിവദാസന്‍, പി കെ എം സഖാഫി, ചേറൂര്‍ അബ്ദുല്ല മുസ്ലിയാര്‍, ഡോ: അബ്ബാസ് പനക്കല്‍ എന്നിവര്‍ പങ്കെടുക്കും. വ്യാഴാഴ്ച വൈകുന്നേരം നാലു മണിക്ക് പതാക ഉയര്‍ത്തല്‍ സയ്യിദ് ജഅഫര്‍ തുറാബ് തങ്ങളുടെ നേതൃത്വത്തില്‍ 25 പ്രാസ്ഥാനിക സാംസ്‌കാരിക നേതാക്കള്‍ നഗരിയില്‍ ഉയര്‍ത്തും. ഐ പി ബി ബുക്ക് ഫയര്‍ ഉദ്ഘാടനം സിവില്‍ സര്‍വീസ് റാങ്ക് ജേതാവ് പി.പി മുഹമ്മദ് ജുനൈദ് ഉദ്ഘാടനം ചെയ്യും. രാത്രി 7 മണിക്ക് നടക്കുന്ന സാഹിത്യോത്സവ് സ്നേഹ പ്രഭാഷണങ്ങള്‍ക്ക് എസ് എസ് എഫ് സംസ്ഥാന പ്രസിഡന്റ് ഡോ: പി. എ മുഹമ്മദ് ഫാറൂഖ് നഈമി, ഇബ്റാഹീം സഖാഫി താത്തൂര്‍ എന്നിവര്‍ നേതൃത്വം നല്‍കും. വെള്ളിയാഴ്ച വൈകുന്നേരം കച്ചേരിപ്പടിയില്‍ നിന്നും ആരംഭിക്കുന്ന സാംസ്‌കാരിക ഘോഷയാത്ര പ്രധാന വേദിയില്‍ എത്തും. രാത്രി നടക്കുന്ന തഅ്ജീലുല്‍ ഫുതൂഹ് സംഗമത്തില്‍ സയ്യിദ് ഇബ്രാഹീമുല്‍ ഖലീലുല്‍ ബുഖാരി, സയ്യിദ് ശിഹാബുദ്ദീന്‍ ബുഖാരി, ഡോ: അബ്ദുല്‍ ഹകീം അസ്ഹരി, ശൗകത്ത് നഈമി കശ്മീര്‍, എം അബ്ദുല്‍ മജീദ് എന്നിവര്‍ നേതൃത്വം നല്‍കും.

ശനിയാഴ്ച രാവിലെ സ്റ്റേജ് ഇതര മത്സരങ്ങള്‍ക്ക് ആരംഭമാവും. വൈകുന്നേരം നാലുമണിക്ക് നടക്കുന്ന ഉദ്ഘാടന സമ്മേളനം മന്തി ഡോ: കെ ടി ജലീല്‍ ഉദ്ഘാടനം ചെയ്യും. കവി ആലങ്കോട് ലീലാ കൃഷ്ണന്‍ മുഖ്യാതിഥിയായി സംസിരിക്കും. ഉദ്ഘാടന സമ്മേളനത്തിന് ശേഷം 12 വേദികളിലും പരിപാടികള്‍ ആരംഭിക്കും. ഞായറാഴ്ച വൈകുന്നേരം നടക്കുന്ന സമാപന സമ്മേളനത്തില്‍ സയ്യിദ് ഇബ്രാഹിമുല്‍ ഖലീലുല്‍ ബുഖാരി, പൊന്മള അബ്ദുല്‍ ഖാദിര്‍ മുസ്ലിയാര്‍, മന്ത്രി കടന്നപ്പള്ളി രാമചന്ദ്രന്‍, അബ്ദുറശീദ് നരിക്കോട് എന്നിവര്‍ സംബന്ധിക്കും. സാഹിത്യോത്സവിന്റെ ഭാഗമായ മഴവില്‍ സംഘത്തിന്റെ കലാജാഥ 100 കേന്ദ്രങ്ങളില്‍ കലാമുറ്റം അവതരിപ്പിക്കും. വേങ്ങര സോണ്‍ പരിധിയിലെ 60 ഗ്രാമങ്ങളില്‍ സാഹിത്യോത്സവ് വിരുന്ന് നടന്നു. സാഹിത്യോത്സവ് വിപ്ലവ സംഘമായ ഉസ്ബത്തുല്‍ ഫാത്തിഹിന്റെ നേതൃത്വത്തില്‍ വിവിധങ്ങളായ പദ്ധതികളാണ് നടന്ന് വരുന്നത്. തീകൂട്ട്, മധുര കുമ്പിള്‍, സ്ട്രീറ്റ് ടോക്ക്, ക്രാഫ്റ്റി റൈഡ്, സൈക്കിള്‍ റാലി, കോര്‍പ്പസ് മണി, വിഭവ സമാഹരണം, പതാക ദിനം, കവല പ്രസംഗം, ഫ്ളവര്‍ ഷോ തുടങ്ങിയവ നടന്ന് വരുന്നു വേങ്ങരയിലെയും പരിസരങ്ങളിലെയും കലാ സ്നേഹികളുടെ കൂട്ടായ്മയായ അയല്‍ കൂട്ടം പ്രവര്‍ത്തകര്‍ വ്യത്യസ്തമായ വിഭവങ്ങളാണ് പ്രതിഭകളെ സ്വീകരിക്കാനായി ഒരുക്കുന്നത്. ഭക്ഷണത്തിന് ആവശ്യമായ പലവ്യഞ്ജനങ്ങള്‍, വിറക്, മറ്റു സാധനങ്ങള്‍ സമീപ പ്രദേശങ്ങളിലെ സ്തീകളാണ് നല്‍കുന്നത്. 1999 ലാണ് അവസാനമായി വേങ്ങരയില്‍ ജില്ലാ സാഹിത്യോത്സവിന് വേദിയായത്. 19 വര്‍ഷത്തിന് ശേഷം വേങ്ങരയിലേക്ക് വിരുന്നെത്തുന്ന ധാര്‍മിക കലാ മാമാങ്കത്തെ വരവേല്‍ക്കാന്‍ വേങ്ങരയിലെ സര്‍വരും രംഗത്തിറങ്ങിയിട്ടുണ്ട്.

വാർത്ത സമ്മേളനത്തിൽ സ്വാഗത സംഘo ഭാരവാഹികളായ സയിദ് ശിഹാബുദ്ധീൻ ബുഖാരി

മുഹമ്മദ് സ്വഫ് വാൻ

പി അബ്ദുറഹിമാൻ

അലിയാർ ഹാജി

സാലിം കാരാതോട്

തുടങ്ങിയവർ സംബന്ധിച്ചു

29 July 2018

എസ്.എസ് എഫ് പ്രകൃതി സംരക്ഷണ യാത്ര സംഘടിപ്പിച്ചു

വേങ്ങര:

പ്രകൃതി സംരക്ഷണ ദിനത്തിന്റെ ഭാഗമായി എസ്.എസ് എഫ് ജില്ലാ സാഹിത്യോത്സവ് വിപ്ലവ സംഘമായ ഉസ്ബതുൽ ഫാതിഹ് അംഗങ്ങൾ ഊരകം മലയിലേക്ക് പ്രകൃതി പഠനയാത്ര നടത്തി .രാവിലെ എട്ടു മണിക്ക് ഊരകം പൂളാപ്പീസിൽ നിന്ന് കാൽ നടയായിട്ടാണ് മലയുടെ മുകളിലെത്തിയത്.മലയെ നാഷോന്മുകമാക്കി ക്കൊണ്ടിരിക്കുന്ന കോറിളും പ്രകൃതി നശീകരണവു മെല്ലാ വിദ്യാർത്ഥികൾ കണ്ടറിഞ്ഞു. കാട്ടിലൂടെയുള്ള രണ്ട് മണിക്കൂർ കാൽ നടയാത്ര വിദ്യാർത്ഥികൾക്ക് നവ്യാനുഭവമായി.നൂറോളം വിദ്യാർത്ഥികളാണ് സംഘത്തിലുണ്ടായിരുന്നത്. ഊരകം മലക്ക് മുകളിൽ വെച്ച് വിദ്യാർത്ഥികൾ പ്രകൃതി സംരക്ഷണവലയം തീർത്ത് പ്രകൃതി സംരക്ഷണത്തിനായി പ്രതിജ്ഞയെടുത്തു.ആഗസ്റ്റ് രണ്ട് മുതൽ അഞ്ച് വരെ വേങ്ങരയിൽ നടക്കുന്ന എസ് എസ് എഫ് ജില്ലാ സാഹിത്യോസവിന്റെ അനുബന്ധ പരിപാടിയായിട്ടാണ് പ്രകൃതി പഠന യാത്ര നടന്നത്. എ അലിയാർ ഹാജി എം കെ എം സ്വഫ് വാൻ കെ എം ഹസൻ സഖാഫി,കെ.പി യൂസുഫ് സഖാഫി,അബ്ദുള്ള സഖാഫി ,അതീഖ് റഹ്മാൻ ഊരകം നേതൃത്വം നൽകി

25 July 2018

എസ്.എസ്.എഫ് ജില്ല സാഹിത്യോത്സവ്, കാഫ് മല ഒരുങ്ങുന്നു

വേങ്ങര: ആഗസ്ത് 2 മുതൽ 5 വരെ വേങ്ങരയിൽ നടക്കുന്ന എസ്.എസ്.എഫ് മലപ്പുറം ജില്ലാ (വെസ്റ്റ് ) സാഹിത്യോത്സവിന്റെ പ്രധാന വേദിയായ കാഫ്മല യുടെ ഒരുക്കം തുടങ്ങി. വേങ്ങര ടൗണിന്റെ ഹൃദയ ഭാഗത്താണ് 12 വേദികൾ ഒരുങ്ങുന്നത്. പന്തൽ കാൽനാട്ടൽ കർമ്മം സ്വഗത സംഘം ചെയർമാൻ സയ്യിദ് ശിഹാബുദ്ധീൻ ബുഖാരി കടലുണ്ടി നിർവ്വഹിച്ചു.

സയ്യിദ് ജഹ്ഫർ തുറാബ് തങ്ങൾ പാണക്കാട്, പി.കെ.എം സഖാഫി ഇരിങ്ങല്ലൂർ, ടി.ടി അഹമ്മദ് കുട്ടി സഖാഫി, പി അബ്ദു ഹാജി, എ അലിയാർ, കെ.കെ അബ്ദു ലതീഫ്‌ ഹാജി, പി.അബ്ദുറഹിമാൻ, റഷീദ് അഹ്സനി കോട്ടുമല, കെ.സി മുഹ് യുദ്ധീൻ സഖാഫി തുടങ്ങിയവർ സംബന്ധിച്ചു. ജില്ലയിലെ 8 ഡിവിഷനുകളിൽ നിന്നായി ആയിരത്തിലധികം പ്രതിഭകൾ മാറ്റുരക്കാനെത്തും.

സ്റ്റുഡന്റ് പോലീസ് കാഡറ്റ് പാസ്സിങ് ഔട്ട് പരേഡ് നടത്തി

സ്റ്റുഡന്റ് പോലീസ് കാഡറ്റ്

പാസ്സിങ് ഔട്ട് പരേഡ് നടത്തി

ചേറൂർ: പിഴക്കാത്ത ചുവടുകളും പതറാത്ത മനസുമായി സ്റ്റുഡന്റ് പോലീസ് കാഡറ്റിന്റെ വേങ്ങര ചേറൂർ PPTMYHSS ലെ അഞ്ചാമത് ബാച്ച് രണ്ട് വർഷത്തെ പരിശീലനം പൂർത്തിയാക്കി പാസിങ്ങ് ഔട്ട് പരേഡ് നടത്തി. സമ്പൂർണ്ണ വ്യക്തി വികാസം ലക്ഷ്യമിട്ട് ചിട്ടയായ പരിശീലന പരിപാടികളുടെ പുർത്തീകരണമായാണ് പാസിങ്ങ് ഔട്ട് പരേഡ് നടക്കുന്നത്. സ്കൂൾ ഗ്രൗണ്ടിൽ വെച്ച് നടന്ന പരേഡിൽ അഡ്വ: കെ.എൻ.എ ഖാദർ MLA സല്യൂട്ട് സ്വീകരിച്ചു. ഹെഡ്മാസ്റ്റർ പറങ്ങോടത്ത് അബ്ദുൽ മജീദ് മാസ്റ്റർ അധ്യക്ഷത വഹിച്ചു. വേങ്ങര സബ് ഇൻസ്പെക്ടർ സംഗീത് പുനത്തിൽ പ്രതിജ്ഞാ വാചകം ചൊല്ലിക്കൊടുത്തു. പരേഡ് കമാൻഡർ കെ.ടി. ഫാത്തിമ സജ, പ്ലറ്റൂൺ കമാൻഡർ മുഹമ്മദ് ഷിഹാദ്, ഷാദിയ അബ്ദുൽ റഷീദ് എന്നിവർ പുരസ്‌ക്കാരങ്ങൾ ഏറ്റുവാങ്ങി. യത്തീംഖാന സെക്രട്ടറി എം.എം. കുട്ടി മൗലവി, ആവയിൽ സുലൈമാൻ പി.ടി.എ പ്രസിഡന്റ് പൂക്കുത്ത് മുജീബ്, വൈസ് പ്രസിഡന്റ് സി. കുട്ടിയാലി, ഡെപ്യുട്ടി ഹെഡ്മാസ്റ്റർ കെ. യു. ബാബു, കെ. കെ. ഹംസ, നൗഷാദ് ചേറൂർ, എം. ഫൈസൽ, കെ. അബ്ദുൽ മജീദ്, വേങ്ങര എ.എസ്.ഐ. അഷ്‌റഫ്, സി.പി.ഒ. മാരായ നിസാർ അഹമ്മദ്. കെ, ശ്രീലക്ഷ്മി. കെ, ഷബ്‌ന എന്നിവർ പങ്കെടുത്തു.

24 July 2018

എ ആർ നഗർ കുടിവെള്ള പദ്ധതിയ്ക്ക് ശുദ്ധീകരണശാലയും ടാങ്കും പണിയാൻ കുന്നുംപുറം പ്രാഥമിക ആരോഗ്യ കേന്ദ്ര വളപ്പിൽ 44 സെന്റ് ഭൂമി വിട്ടു നൽകാൻ ആരോഗ്യ വകുപ്പിന്റെ അനുമതി

വേങ്ങര: എ ആർ നഗർ കുടിവെള്ള പദ്ധതിയ്ക്ക് ശുദ്ധീകരണശാലയും ടാങ്കും പണിയാൻ കുന്നുംപുറം പ്രാഥമിക ആരോഗ്യ കേന്ദ്ര വളപ്പിൽ 44 സെന്റ് ഭൂമി വിട്ടു നൽകാൻ ആരോഗ്യ വകുപ്പിന്റെ അനുമതി .കഴിഞ്ഞ ദിവസം ഇതിനുള്ള ഉത്തരവ് ഇറങ്ങിയതായി കെഎൻഎ ഖാദർ എംഎൽഎയുടെ ഓഫിസിൽ നിന്ന് അറിയിച്ചു. ഭൂമിയുടെ ഉടമസ്ഥവകാശം ആരോഗ്യ വകുപ്പിൽ നിലനിർത്തി കാലാകാലങ്ങളിൽ പ്രാഥമിക ആരോഗ്യ കേന്ദ്രത്തിലേക്ക് ആവശ്യമായ ശുദ്ധജലം സൗജന്യമായി നൽകണം എന്നാണ് വ്യവസ്ഥ. 2013 ൽ ദേശിയ ഗ്രാമീണ കുടിവെള്ള പദ്ധതിയിൽ ഉൾപ്പെടുത്തിയാണ് മുഴുവൻ ജനങ്ങൾക്കും ശുദ്ധജലം ലഭ്യമാക്കുന്ന പദ്ധതിയ്ക്ക് തുടക്കം കുറിച്ചത് .7 കോടി അനുവദിക്കുകയും കടലുണ്ടി പുഴ പനമ്പുഴ കടവിൽ കിണറും ,കടവ് തൊട്ട് കുന്നുംപുറം വരെ 7 കിലോമീറ്റർ ദൂരം പമ്പിംഗ് ലൈനിന്റെ ജോലികളും ഏകദേശം പൂർത്തിയായതാണ്. ശുദ്ധീകരണശാലയ്ക്ക് സ്ഥലം വിട്ടുകിട്ടുന്നതിനുണ്ടായ കാലതാമസമാണ് ജോലികൾ നീണ്ടുപോവാൻ കാരണം,എം എൽഎ യുടെ ശക്തമായ ഇടപെടലിനെ തുടർന്നാണ് വർഷങ്ങളായി മുടങ്ങി കിടന്ന പദ്ധതി പുനരുജീവിച്ചത്. പദ്ധതി പ്രദേശം കെ.എൻ എ ഖാദർ എംഎൽഎ സന്ദർശിച്ചു.ടി കെ മൊയ്തീൻ കുട്ടി മാസ്റ്റർ, കെ കെ മൊയ്തീൻ കുട്ടി, പുളിക്കൽ അബൂബക്കർ, ഹുസൈൻ ഹാജി എന്നിവരും എം എൽ എ ക്കൊപ്പമുണ്ടായിരുന്നു

23 July 2018

അബ്ദുറഹ്‍മാൻ നഗർ ഗ്രാമ പഞ്ചായത്ത് സമ്പൂർണ്ണ കുടിവെള്ള പദ്ധതി

വേങ്ങര : അബ്ദുറഹ്‍മാൻ നഗർ ഗ്രാമ പഞ്ചായത്ത് സമ്പൂർണ്ണ കുടിവെള്ള പദ്ധതി

യുടെ എല്ലാ തടസങ്ങളും നീക്കി സർക്കാർ ഉത്തരവായി

'അബ്ദുറഹ്‍മാൻ നഗർ ഗ്രാമ പഞ്ചായത്ത് സമ്പൂർണ്ണ കുടിവെള്ള പദ്ധതി'യുടെ ഭാഗമായ കുന്നുംപുറത്തെ മുടങ്ങിക്കിടന്നിരുന്ന വാട്ടർ ട്രീട്മെൻറ് പ്ലാൻറ് നിർമ്മാണത്തിന്റെ എല്ലാ തടസങ്ങളും നീക്കി സർക്കാർ ഉത്തരവിറക്കിയിരിക്കുന്നു.പഞ്ചായത്ത് ഭരണ സമിതിയുടെയും KNA ഖാദർ MLA യുടെയും നിരന്തര ഇടപെടലിലൂടെ സാധിച്ചെടുത്ത പ്രസ്തുത തീരുമാനം കുടിവെള്ള ക്ഷാമമനുഭവിക്കുന്ന പഞ്ചായത്തിലെ മുഴുവനാളുകൾക്കും അനുഗ്രഹമായി പദ്ധതിയുടെ പ്രവൃത്തി ഉടനാരംഭിച്ച് പൂർത്തീകരിക്കാൻ സാധിക്കുമെന്ന് അധികൃതർ അറിയിച്ചു

AMLP സ്കൂൾ പാലാണി ഫുട്ബോൾ അക്കാദമിക്ക് തുടക്കമായി

ഫുട്ബോൾ അക്കാദമിയുടെ ഉദ്ഘാടനം മുൻ കേരള ടീം ക്യാപ്റ്റൻ കുരികേശ് മാത്യു നിർവഹിച്ചു.പി.ടി.എ പ്രസിഡന്റ് അഷ്റഫ് കപ്പൂർ അധ്യക്ഷനായി

ലോകകപ്പ് പ്രവചന മത്സരത്തിലെ വിജയികൾക്ക് ഗ്രാമപഞ്ചായത്തംഗം എ.പി.ഹമീദ് സമ്മാനങ്ങൾ വിതരണം ചെയ്തു.പറപ്പൂർ പഞ്ചായത്ത് വനിതാ സഹകരണ സംഘമാണ് ഈ ഫുട്ബോൾ അക്കാദമിയുടെ സ്പോൺസർമാർ :
I T T ഫുട്ബോൾ ക്ലബ്ബാണ് പരിശീലനം നൽകുന്നത്.വനിതാ സഹകരണ സംഘം പ്രസിഡന്റ് ബുഷ്റ അനു ,അഷ്റഫ് A V എന്നിവർ ആശംസകളർപ്പിച്ചു.
ഹെഡ്മാസ്റ്റർ അലക്സ് തോമസ് സ്വാഗതവും ഫുട്ബോൾ അക്കാദമി കൺവീനർ നാദിർഷ എ കെ. പരിപാടിക്ക് നന്ദിയും പറഞ്ഞു.

21 July 2018

സാംസ്‌കാരിക പുരോഗതിക്ക് ചരിത്ര പഠനം അനിവാര്യം: എസ് എസ് എഫ് സെമിനാര്‍

വേങ്ങര: മനുഷ്യന്റെ സാമൂഹിക സാംസ്‌കാരിക പുരോഗതിക്ക് ചരിത്ര പഠനം അനിവാര്യമാണെന്ന് എസ് എസ് എഫ് ചരിത്രസെമിനാര്‍ അഭിപ്രായപ്പെട്ടു. ചരിത്ര ബോധത്തിലൂടെ മാത്രമേ മനുഷ്യന്റെ അസ്തിത്വം മനസിലാക്കാന്‍ കഴിയുകയുള്ളൂ. ഇതിന് യഥാര്‍ത്ഥ ചരിത്ര ബോധത്തോടെ വേണം അപഗ്രഥനം നടത്തേണ്ടത്. സാഹിത്യ നിര്‍മിതിയിലും വിജ്ഞാനപ്രചാരണത്തിലും മുസ്‌ലിംകള്‍ വലിയ കുതിപ്പ് നടത്തിയിട്ടുണ്ട്. മത പണ്ഡിതന്മാരും എഴുത്തുകാരും കവികളുമെല്ലാം ഈ മുന്നേറ്റത്തിന് മഹത്തായ സംഭാവനകള്‍ അര്‍പ്പിച്ചവരാണ്. മുസ്‌ലിംകളുടെ മതഭക്തിയും വിജ്ഞാന തൃഷ്ണയും ദേശസ്‌നേഹവും ഉത്തേജിപ്പിച്ചു നിര്‍ത്തുന്നവയായിരുന്നു ഈ സാഹിത്യ സൃഷ്ടികള്‍. വിജ്ഞാനത്തിന്റെ പരന്നൊഴുക്ക് സാധ്യമായതോടെ വൈജ്ഞാനിക നവോത്ഥാനത്തിന് ഒരിക്കല്‍ കൂടി കളമൊരുങ്ങിയതായും സെമിനാര്‍ ഉദ്ഘാടനം ചെയ്ത ഡോ. ഹുസൈന്‍ രണ്ടത്താണി പറഞ്ഞു. എസ് എസ് എഫ് ജില്ലാ സാഹിത്യോത്സവിന്റെ ഭാഗമായിട്ടാണ് ചേറൂര്‍ പടപ്പാട്ട്; ചരിത്രം, സാഹിത്യം, അതിജീവനം എന്ന വിഷയത്തില്‍ സെമിനാര്‍ സംഘടിപ്പിച്ചത്. മലപ്പുറം ഗവ. ചരിത്രവിഭാഗം പ്രൊഫസര്‍ ഡോ. സക്കീര്‍ ഹുസൈന്‍ എഴുതിയ ചേറൂര്‍ പടപ്പാട്ട് കനല്‍പഥങ്ങളിലെ ഇശല്‍ജ്വാലകള്‍ സാഹിത്യകാരന്‍ പി സുരേന്ദ്രന്‍ പ്രകാശനം ചെയ്തു. മുസ്‌ലിംകളുടെ വിശ്വാസവും വ്യക്തിപ്രഭാവവും പരിരക്ഷിക്കുന്നതിന് അറബിമലയാള ഭാഷ സഹായകമായിട്ടുണ്ടെന്ന് അദ്ദേഹം പറഞ്ഞു. ചടങ്ങില്‍ എന്‍ എം സ്വാദിഖ് സഖാഫി, എം മുഹമ്മദ് സ്വാദിഖ്, എം കെ എം സ്വഫ്‌വാന്‍ പ്രസംഗിച്ചു. എം ജുബൈര്‍, മുഹമ്മദ് ബുഖാരി, എ പി എം ഫള്ല്‍ സഖാഫി, ഉനൈസ് അസ്ഹരി, അശ്‌റഫ് പുന്നത്ത്, പി എ നസീര്‍ സഖാഫി, കെ പി യൂസുഫ് സഖാഫി, കെ എം ഹസന്‍ സഖാഫി, കെ സി മുഹ്‌യുദ്ധീന്‍ സഖാഫി സംബന്ധിച്ചു.

20 July 2018

മിസ്ബാഹുല്‍ ഹുദാ സമാജം ലോഗോ പ്രകാശനം ചെയ്തു

മിസ്ബാഹുല്‍ ഹുദാ സമാജം

ലോഗോ പ്രകാശനം ചെയ്തു

കുറ്റാളൂര്‍: ബദ്‌റുദ്ദുജാ ഇസ്‌ലാമിക് സെന്റര്‍ വിദ്യാര്‍ത്ഥി യൂണിയന്‍ മിസ്ബാഹുല്‍ ഹുദാ സ്റ്റുഡന്റ്‌സ് അസോസിയേഷന്‍ (എം.എച്ച്.എസ്) ലോഗോ പ്രകാശനം കുഞ്ഞിമുഹമ്മദ് ഹാജി വൈലത്തൂര്‍ നിര്‍വഹിച്ചു.
സംഘടനക്കുകീഴില്‍ സ്പീച്ച് മാസ്ട്രി ക്ലബ്, മീഡിയ യൂണിറ്റ്, അലൈവ് ക്ലബ്, ഇംഗ്ലീഷ് അറബിക് ക്ലബ്, ദഅ്‌വസെല്‍, ഫിഖ്ഹ് കൗണ്‍സില്‍ വനിതാ വിജ്ഞാന വേദി, സ്പിരിച്ചല്‍ ട്രൈനിംഗ്, മാഗസിന്‍ സമിതി, റഫറന്‍സ് കൗണ്ടര്‍, റീഡിംഗ് വില്ല, ആര്‍ട്‌സ് കോമ്പറ്റീഷന്‍, ആക്ഷന്‍ കോര്‍ണര്‍ തുടങ്ങിയവ പ്രവര്‍ത്തിച്ചുവരുന്നു.

ബദ്‌റുദ്ദുജാ ക്യാമ്പസില്‍ നടന്ന പരിപാടിയില്‍ ചെയര്‍മാന്‍ സയ്യിദ് ശിഹാബുദ്ദീന്‍ അല്‍ ബുഖാരി അദ്ധ്യക്ഷത വഹിച്ചു. സയ്യിദ് സ്വാലിഹ് ബുഖാരി കൊന്നാര, സയ്യിദ് അലവിക്കോയ ബുഖാരി ചേറൂര്‍, ഹൈദ്രൂസ് അഹ്‌സനി കുരുവമ്പലം, ഹാരിസ് അലി അദനി, എം.കെ.എം സ്വഫ്‌വാന്‍ കോട്ടുമല, ഹമീദ് ഹാജി ക്ലാരി, അഷ്‌റഫ് സഖാഫി പുന്നത്ത് സംബന്ധിച്ചു.

16 July 2018

ലോകകപ്പ് പ്രവചനം: താരമായി നസീഹ്

പറപ്പൂർ: ഐ.യു ഹയർ സെക്കന്ററി സ്കൂളിൽ നടത്തിയ ലോകകപ്പ് ഫുട്ബോൾ പ്രവചന മത്സരത്തിൽ വിസ്മയിപ്പിക്കുന്ന പ്രവചനം നടത്തി താരമായിരിക്കുകയാണ് ഒൻപതാം ക്ലാസുകാരൻ നസീഹ് .
ക്വാർട്ടർ ഫൈനൽ മത്സരങ്ങൾ തുടങ്ങുന്നതിന് മുൻപ് നടത്തിയ പ്രവചന മത്സരത്തിൽ ഫൈനലിലെത്തുന്ന ടീമുകളേയും ജേതാക്കളേയും ഗോൾഡൻ ബൂട്ടിന് അർഹനായ താരത്തേയും കൃത്യമായി പ്രവചിച്ചിരിക്കുകയാണ് ഈ മിടുക്കൻ.

12 July 2018

സൗകര്യമേർപ്പെടുത്തണമെന്ന് എം.എൽ.എ ജനങ്ങൾക്ക് ഭുരിതമായി റേഷൻ കാർഡ് ക്യാമ്പ്

സൗകര്യമേർപ്പെടുത്തണമെന്ന് എം.എൽ.എ

ജനങ്ങൾക്ക് ഭുരിതമായി

റേഷൻ കാർഡ് ക്യാമ്പ്

പറപ്പൂർ: റേഷൻ കാർഡിന് അപേക്ഷ സ്വീകരിക്കൻ പറപ്പൂർ ഗ്രാമപഞ്ചായത്തിലൊരുക്കിയ ക്യാമ്പ് ജനങ്ങൾക്ക് ദുരിതമായി. ശക്തമായ മഴയിൽ അസൗകര്യങ്ങളിൽ വീർപ്പ് മുട്ടിയ ക്യാമ്പിലെത്തിയ അഡ്വ.കെ.എൻ.എ ഖാദർ എം.എൽ.എ രണ്ടാം ഘട്ട ക്യാമ്പ് സ്കൂളിലേക്ക് മാറ്റണമെന്ന് ഉദ്യോഗസ്ഥർക്ക് നിർദ്ദേശം നൽകി.
ബുധനാഴ്ച രാവിലെ 8 മണി മുതൽ അപേക്ഷകർ പഞ്ചായത്ത് പരിസത്ത് എത്തിയിരുന്നു. 500 ലധികം പേർക്ക് ടോക്കൺ നൽകിയെങ്കിലും സിവിൽ സപ്ലൈസ് ഉദ്യോഗസ്ഥർ 10 മണിക്ക് ശേഷമാണ് സ്ഥലത്തെത്തിയത്.
മുസ്ലിം ലീഗിന്റെയും യൂത്ത് ലീഗിന്റെയും നേതൃത്വത്തിൽ മൂന്ന് ഭാഗങ്ങളിൽ ഹെൽപ് ഡെസ്ക് ഒരുക്കിയത് അപേക്ഷകർക്ക് ആശ്വാസമായി. പുതിയ അംഗങ്ങളെ ഉൾപ്പെടുത്തുന്നതിന് സാക്ഷ്യപത്രം നൽകാൻ എം.എൽ.എയുടെ പി.എ അസീസ് പഞ്ചിളി രാവിലെ മുതൽ ക്യാമ്പിലെത്തിയിരുന്നു.
ശക്തമായ മഴയായിട്ടും പന്തൽ സൗകര്യമൊരുക്കാൻ പഞ്ചായത്തധികൃതർ തയ്യാറായില്ല.ജനങ്ങൾ ബുദ്ധിമുട്ടുന്നതറിഞ്ഞ് ഉച്ചക്ക് 3 മണിയോടെ ക്യാമ്പിലെത്തെിയ എം.എൽ.എ പഞ്ചായത്ത് പ്രസിഡന്റിനോടും ഉദ്യോഗസ്ഥരോടും നാട്ടുകാരുടെ പ്രയാസം ബോദ്ധ്യപ്പെടുത്തി.

ഹെൽപ്പ് ഡെസ്കിന് പഞ്ചായത്ത് ലീഗ് നേതാക്കളായ ടി.പി.അഷ്റഫ്, വി.എസ് ബഷീർ, ടി.ടി ബീരാവുണ്ണി, ഇ.കെ.സൈദുബിൻ, പറമ്പത്ത് മുഹമ്മദ്, അലി കുഴിപ്പുറം, ടി.ടി അഷ്റഫ്, ടി.അബ്ദുൽ ഹഖ്, ടി മൊയ്തീൻ കുട്ടി, ഇ.കെ സുബൈർ, പി.മുഹമ്മദ് ഹനീഫ, എം.സി മുഹമ്മദ് കുട്ടി, ടി.പി നിസാമുദ്ദീൻ എന്നിവർ നേതൃത്വം നൽകി.

ഫോട്ടോ: പറപ്പൂർ പഞ്ചായത്ത് റേഷൻ കാർഡ് ക്യാമ്പിലെത്തിയ അഡ്വ.കെ.എൻ.എ ഖാദർ എം.എൽ.എ ഉദ്യോഗസ്ഥർക്ക് നിർദ്ദേശം നൽകുന്നു.

09 July 2018

എസ് എസ് എഫ് സാഹിത്യോത്സവ്; വേങ്ങര സെക്ടര്‍ ജേതാക്കള്‍

വേങ്ങര: രണ്ട് ദിവസമായി വലിയോറ ചിനക്കലില്‍ നടന്ന എസ് എസ് എഫ് വേങ്ങര ഡിവിഷന്‍ സാഹിത്യോത്സവില്‍ വേങ്ങര സെക്ടര്‍ ജേതാക്കളായി. ഏഴ് സെക്ടറുകള്‍ തമ്മില്‍ നടന്ന മത്സരത്തില്‍ 393 പോയിന്റ് നേടിയാണ് വേങ്ങര ഒന്നാം സ്ഥാനം നേടിയത്. ചേറൂര്‍ 390 പോയിന്റ്ുമായി രണ്ടാം സ്ഥാനവും 312 പോയിന്റുള്ള കുറ്റാളൂര്‍ സെക്ടര്‍ മൂന്നാം സ്ഥാനവും കരസ്ഥമാക്കി. ക്യാമ്പസ് വിഭാഗത്തില്‍ മലബാര്‍ കോളജ് മാലാപറമ്പ് ഒന്നാം സ്ഥാനം നേടി. മത്സരങ്ങളില്‍ ഒന്നാം സ്ഥാനം നേടിയ വിദ്യാര്‍ഥികള്‍ ആഗസ്റ്റ് രണ്ട് മുതല്‍ അഞ്ച് വരെ വേങ്ങരയില്‍ നടക്കുന്ന ജില്ലാ സാഹിത്യോത്സവില്‍ പങ്കെടുക്കും. സമാപന സംഗമം എസ് വൈ എസ് സംസ്ഥാന വൈസ് പ്രസിഡന്റ് പി കെ എം സഖാഫി ഇരിങ്ങല്ലൂര്‍ ഉദ്ഘാടനം ചെയ്തു. സയ്യിദ് ജഅ്ഫര്‍ തുറാബ് തങ്ങള്‍ പ്രാര്‍ഥന നടത്തി. അബ്ദുല്‍ അസീസ് സഖാഫി എലമ്പ്ര ടോഫി സമ്മാനിച്ചു. എം കെ എം സ്വഫ് വാന്‍, ഇല്യാസ് സഖാഫി കൂമണ്ണ, എ അലിയാര്‍ ഹാജി, മന്‍സൂര്‍ തങ്ങള്‍, ഉനൈസ് അസ്ഹരി, യൂസുഫ് ചിനക്കല്‍, കെ സി മുഹ് യുദ്ധീന്‍ സഖാഫി, കെ മുഹമ്മദ് ജാസിര്‍ പ്രസംഗിച്ചു.

അലവി വേങ്ങര സ്മാരക അവാർഡ് _ 2018 വിതരണം ചെയ്തു

ചേക്കാലി മാട് സാംസ്കാരിക സമിതി & സി.എസ്‌.എസ്‌ ലൈബ്രറി രക്ഷാധികാരിയായിരുന്ന അലവി വേങ്ങരയുടെ സ്മരണാർഥം സി.എസ്‌ എസ്‌ ലൈബ്രറി നടത്തുന്ന എസ്‌.എസ്‌.എല്‍.സി, പ്ലസ്ടു പരീക്ഷകളില്‍ ഉന്നത വിജയം നേടിയ വിദ്യാർഥികൾക്കുള്ള അവാർഡ് ദാനം 08/07/2018 ഞായർ എ.എം.എല്‍.പി സ്കൂളിൽ വിതരണം ചെയ്തു . പറപ്പൂർ പഞ്ചായത്ത് പ്രസിഡന്റ് ശ്രീ: കാലടി ബഷീർ മാസ്റ്റർ ഉദ്ഘാടനം ചെയ്തു , പ്രമുഖ എഴുത്തുകാരനും തിരുരങ്ങാടി താലൂക്ക് ലൈബ്രറി കൗൺസിൽ പ്രസിഡന്റുമായ റഷീദ് മാസ്റ്റർ പരപ്പനങ്ങാടി മുഖ്യഥിതിയായി. വാര്‍ഡ് മെമ്പര്‍ റൈഹാനത്ത് സുബൈര്‍ , സി.എസ്.എസ്‌ ഉപദേശക സമിതി അംഗം ഇ.കെ സുബൈർ മാസ്റ്റർ , സി.എസ്‌.എസ്‌ പ്രസിഡന്റ് ഉവൈസ് . എ.കെ , സെക്രട്ടറി അബ്ദുൽ റസാഖ് .പി.കെ , ലൈബ്രറി സെക്രട്ടറി സക്കീര്‍.എ.കെ , ലൈബ്രേറിയൻ അബ്ദുൽ സലാം .എ.കെ , ആബിദ്.സി, എന്നിവര്‍ സന്നിഹിദ്ദരായി .

08 July 2018

ചരിത്രരേഖാ സർവേ:- റിപ്പോർട്ട് പ്രകാശനം ചെയ്തു.

സംസ്ഥാന സാക്ഷരതാ മിഷൻ തുല്യതാ പഠിതാക്കൾ നടത്തിയ ചരിത്രരേഖ സർവേയുടെ ബ്ലോക്ക് തല ക്രോഡീകരണ റിപ്പോർട്ട് പ്രകാശനം ചെയ്തു.
വേങ്ങര ബ്ലോക്ക് പഞ്ചായത്ത് പ്രസിഡന്റ് ശ്രീ. ചാക്കിരി അബദുൽ ഹഖ് ബ്ലോക്ക് പ്രേരക് ആബിദ .പി ക്ക് നൽകി പ്രകാശനo നിർവഹിച്ചു.സർവേയുടെ ഭാഗമായി നിരവധി പുരാതന രേഖകളും ,താളിയോല ഗ്രത്ഥങ്ങളും എഴുതുകളും പ്രമാണങ്ങളും കണ്ടെത്തിയിട്ടുണ്ട്.ചടങ്ങിൽ ബ്ലോക്ക് ജോയിന്റ് BDO സുരേഷ് കുമാർ TC, ബ്ലോക്ക് ജനറൽ എക്സ്റ്റൻഷൻ ഓഫീസർ സാനി.ടി.ജെ, ഹെഡ് അക്കൗണ്ടന്റ് ശ്രീ.കുഞ്ഞീതുട്ടി ടി, പ്ലാനിംഗ് ഓഫീസർ ശ്രീ.മൻസൂർ, ശ്രീ.പ്രശാന്ത്, ശ്രീമതി. സജിത ,പ്രേരക് ശ്രീദേവി.പി.ടി എന്നിവർ പങ്കെടുത്തു

Labels