മഫ്തയിട്ട പെൺകുട്ടികൾ ഉൾപ്പെടെയുള്ള വളണ്ടിയർമാർ ക്ഷേത്ര പരിസരത്തെ സ്വാമിമാരുമായി വിഷയം സംസാരിച്ചു. നമ്മുടെ നാട്ടിലെ മതസൗഹാർദ്ദത്തിന്റെ ചന്തമുള്ള കാഴ്ച!
തീർത്ഥാടനത്തിന് പോകുമ്പോൾ പമ്പയും ശബരിമലയും ഉൾപ്പെടെയുള്ള പുണ്യ സ്ഥലങ്ങൾ വൃത്തിയായി സൂക്ഷിക്കേണ്ടതിന്റെ ഗൗരവത്തെ കുറിച്ചും ചർച്ച ചെയതു. തോട്ടശേരിയറയിൽ നിന്നുള്ള ബാലൻ ഗുരുസ്വാമി, അറുമുഖൻ സ്വാമി, ബാങ്ക് സെക്രട്ടറി ശ്രീ. ഹരി കുമാർ, പത്മനാഭൻ സ്വാമി,
രവി , മലയിൽ മുരളീകൃഷ്ണൻ സ്വാമി തുടങ്ങിയവരും മറ്റു സ്വാമിമാരും ഞങ്ങൾക്ക് പിന്തുണയുമായി കൂടെ നിന്നു. NSS വളണ്ടിയർമാരായ അഫ്സൽ , മന്നാ സൽവ കെ.പി, ഫാത്തിമ രസ്മിന വി.ടി, ആതിര ടി, , വിമൽ കുമാർ, ജിബിൻ ,പൃഥ്വിൻ ഗോപി ,യൂനുസ് തുടങ്ങിയവർ സ്വാമിമാരുമായി സംസാരിച്ചു.
സ്വാമിമാർക്കുണ്ടാക്കിയ പ്രഭാത ഭക്ഷണം വളണ്ടിയന്മാരെ കഴിപ്പിക്കാതെ അവർ വിട്ടില്ല. നല്ല വറവിട്ട കപ്പയും കട്ടൻ ചായയും മാത്രമല്ല ,ആറാം തിയ്യതി നടക്കുന്ന അഖണ്ഡനാമയജ്ഞത്തിലേക്ക് ക്ഷണിക്കുകയും ചെയ്തു.
