വേങ്ങര : മുട്ട വിലയില് വന് വര്ദ്ധന. 6 രൂപ മുതല് 7 രൂപ വരെയാണ് കടകളില് മുട്ടകള്ക്ക് വില ഈടാക്കുന്നത്. നാലു രൂപയും 4.30 രൂപയുമുണ്ടായിരുന്ന മുട്ടയുടെ വിലയാണ് ഇങ്ങനെ ഉയര്ന്നിരിക്കുന്നത്. മുട്ടയുടെ റെക്കോര്ഡ് വിലയാണിത്. നാള്ക്കുനാള് മുട്ട വില വര്ദ്ധിക്കുകയാണ് ചെയ്യുന്നത്.
മുട്ട ഉത്പാദനം കുറഞ്ഞതോടെയാണ് വില ഉയരാന് കാരണമെന്നാണ് വ്യാപാരികള് പറയുന്നത്. തമിഴ്നാട്ടില് നിന്നുമാണ് കേരളത്തിലേക്ക് മുട്ടയെത്തുന്നത്. മുട്ട വില ഉയര്ന്നതോടെ ബേക്കറി സാധനങ്ങള്ക്കും മറ്റു മുട്ട ഉപയോഗിച്ചുണ്ടാക്കുന്ന വിഭവങ്ങള്ക്കൊക്കെ വില ഉയരാന് കാരണമായിരിക്കുകയാണ്. ക്രിസ്മസ് സീസണ് വരുന്നതോടെ കേക്കിന്റെ വിലയിലും വന് വര്ദ്ധനവുണ്ടാകുമെന്നാണ് കരുതുന്നത്.